ജാനി കരഞ്ഞു കൊണ്ട് പാർക്കിംഗ് ഏരിയയിലേക്ക് നടക്കുകയാണ്. അഭി റിസപ്ഷനിലെ സ്റ്റാഫിനോട് സംസാരിച്ചു നിൽക്കുന്നുണ്ട്.

അഭി , അഭിഷേക് നാരായണൻ. മഹിയുടെ ഉറ്റ ചങ്ങാതി.ജാനിയുടെയും മഹിയുടെയും പ്രണയകാലം മുതൽ കൂടെയുള്ളവൻ. ജാനിക്ക് ഫ്രണ്ട് എന്നതിലുപരി സ്വന്തം സഹോദരനെ പോലെയാണ് അഭിഷേക്. ഇവരുടെ  കല്യാണത്തിന് ജാനിയുടെ വീട്ടിൽ പ്രശ്നങ്ങൾ വന്നപ്പോൾ അഭിയാണ് എല്ലാത്തിനും സഹായിച്ചത്. ഈ റിസോർട്ട് അഭിയുടെയാണ്.

അഭി തിരിഞ്ഞു നോക്കിയപ്പോഴാണ് ജാനി പോവുന്നത് കണ്ടത്. ഈ സമയത്ത് ജാനി പുറത്തേക്ക് പോവുന്നത് കണ്ട് സംശയിച്ചാണ് അഭി അവളെ വിളിച്ചത്.

ജാനി ... ഈ നേരത്ത് നീയിത് എങ്ങോട്ട് പോവാ ...

അഭി വിളിച്ചത് കേട്ടെങ്കിലും അവൾ തിരിഞ്ഞു നോക്കിയില്ല.

ജാനി ...

അഭി വീണ്ടും വിളിച്ചു. ഈ പ്രാവശത്തെ വിളിയിൽ ജാനി നിന്നു. അഭി അവളെ തിരിച്ചു നിർത്തിയതും ജാനി കരഞ്ഞു കൊണ്ട് അഭിയെ കെട്ടിപ്പിടിച്ചു.

മോളെ ... എന്താടാ ...
എന്തിനാ ഇങ്ങനെ കരയണേ ... അവൻ നിന്നെ എന്തെങ്കിലും പറഞ്ഞോ...

ജാനി ... നിന്നോടാ ചോദിക്കണേ ... എന്തേലും പറ ...

ജാനി ഒന്നും പറയാതെ ആയപ്പോൾ അഭി അവളെ തന്റെ കാബിനിലേക്ക് കൊണ്ടു പോയി. അവളെ ആശ്വാസിപ്പിച്ചു. മനസ്സൊന്ന് ശാന്തമായപ്പോൾ ജാനി അഭിയോട് അവിടെ കണ്ടത് എല്ലാം പറഞ്ഞു.

ഒരു നിമിഷം അഭിക്ക് ജാനിയെ എങ്ങനെ ആശ്വാസിപ്പിക്കണമെന്ന് പോലും അറിയാതെയായി. തനിക്ക് അറിയുന്ന മഹി ഒരിക്കലും ഇങ്ങനെ ചെയ്യില്ലെന്ന് ഉറപ്പാണ്, എന്നാൽ ജാനിയെ വിശ്വസിക്കാതെ ഇരിക്കാനും കഴിയുന്നില്ല.

അഭി, ഞാൻ പോട്ടെ ...

ഞാനും വരാം ജാനി , ഈ അവസ്ഥയിൽ നീ തനിച്ച് പോവണ്ട...

വേണ്ട, ഞാൻ പൊയ്ക്കോളാം. എനിക്ക് ... എനിക്ക് കുറച്ച് സമയം എന്നെ തനിയെ വേണം ... ജാനി പറഞ്ഞു.

ജാനിയെ എത്ര നിർബന്ധിച്ചിട്ടും അവൾ സമ്മതിക്കാത്തത് കൊണ്ട് അഭി അവളെ തനിയെ പോവാൻ അനുവദിച്ചു.

അഭി ... പോവുന്നതിനു മുൻപ് ജാനി അവനെ വിളിച്ചു.

എന്താടാ ...

സത്യം ചെയ്യ് ... മഹി ഒരിക്കലും ഞാൻ പറയാതെ ഇതൊന്നും അറിയില്ലെന്ന്. ഇനി ഞങ്ങൾ തമ്മിൽ ഒരു ജീവിതമുണ്ടാവില്ല. എല്ലാതും എന്നിൽ തന്നെ അവസാനിക്കട്ടെ ...

ജാനി നീ എന്താ പറയുന്നേ... മഹിയോട് ഒന്ന് സംസാരിക്കാതെ ...
അഭി ചോദിച്ചു.

വേണ്ട, അഭി. ഇനി ഒന്നും വേണ്ട. നീ മഹിയുടെ ഒപ്പം എന്തായാലും ഉണ്ടാവണം. ഞാൻ പോവാ ... തന്ന വാക്ക് മറക്കില്ലെന്ന് വിശ്വസിക്കുന്നു.

അഭിയുടെ അനുവാദത്തിന് പോലും കാത്ത് നിൽക്കാതെ ജാനി അവിടെ നിന്നും ഇറങ്ങി നടന്നു.

എന്നാൽ ഇതിൽ എന്തോ പ്രശ്നം തോന്നിയ അഭി സി.സി.ടി.വി വിഷ്യൽസ് ചെക്ക് ചെയ്തു. അതും കൂടി കണ്ടത്തോടെ അഭിക്ക് ഏകദേശം കാര്യങ്ങൾ വ്യക്തമായി. ഇതൊന്ന് പറയാൻ ജാനിയെ വിളിച്ചിട്ട് കിട്ടുന്നുമില്ല. മഹിയോട് പറഞ്ഞാലോ എന്നാൽ ജാനിക്ക് കൊടുത്ത വാക്കാണ് പ്രശ്നം.

ഇങ്ങനെ ഇരുന്ന് തല പുകച്ചപ്പോഴാണ് അഭിയുടെ ചിന്തയിൽ ഇതിന് പുറകിൽ ഉള്ളവരുടെ ഉദ്ദേശ ലക്ഷ്യം തെളിഞ്ഞ് വന്നത്.

പിന്നെ അഭി ഒരു നിമിഷം പോലും വൈകിക്കാതെ അവന്റെ സ്റ്റാഫിന്റെ സഹായത്തോടു കൂടി മഹിയെ അവിടെ നിന്നും മാറ്റി.സി.സി.ടി.വി വിഷ്യൻസ് പെൻ ഡ്രൈവിലേക്ക് മാറ്റുകയും ചെയ്തു. പിറ്റേന്ന് തന്നെ ജാനിയെ ആ വിഷ്യൽസ് കാണിക്കണമെന്ന് മനസ്സിൽ ഉറപ്പിച്ചു.

എന്നാൽ വിധിയുടെ വിളയാട്ടം എന്ന പോലെ അഭിഷേക്കിന്റെ അച്ഛൻ നാരായണൻ സൈലന്റ് അറ്റാക്കിനെ തുടർന്ന് മരണപ്പെട്ടു. അഭിയുടെ ഫാമിലി ദുബായിൽ ആയിരുന്നതുകൊണ്ട് 
മരണാന്തര ചടങ്ങുകൾ എല്ലാം അവിടെ വെച്ചായിരുന്നു. അച്ഛന്റെ അപ്രതീക്ഷ മരണം അവന്റെ മനസ്സിനെ നന്നായി ബാധിച്ചിരുന്നു. തന്റെ ഉയർച്ചയിലും താഴ്ചയിലും കൂടെ നിന്നയാൾ, തന്റെ റോൾ മോഡൽ ...എല്ലാം കൊണ്ടും അഭി വല്ലാത്തൊരു അവസ്ഥയില്ലായിരുന്നു. ഒപ്പം അവന്റെ അമ്മയുടെ അവസ്ഥവും .

ഈ പ്രശ്നങ്ങൾ എല്ലാം കഴിഞ്ഞ് തിരികെ ഡൽഹിയിൽ വന്നപ്പോഴെക്കും ജാനിയുടെയും മഹിയുടെയും ഡിവോഴ്സ് കഴിഞ്ഞിരുന്നു. ജാനിയെ അനേക്ഷിച്ചപ്പോഴാണ് വീട്ടിൽ ഉള്ളവരുമായി ഇപ്പോൾ ഒരു ബന്ധവുമില്ലെന്ന് അറിഞ്ഞത്. ജാനിയാണെങ്കിൽ ഇപ്പോൾ എവിടെയാണെന്ന് ആർക്കും ഒരു വിവരവുമില്ല. 

ഇതിനിടയിൽ പല കാരണങ്ങളാലും മഹിയും അഭിയും തമ്മിലുള്ള അടുപ്പം കുറഞ്ഞിരുന്നു. ഇരുവരും തങ്ങളുടെതായ  തിരക്കുകളിൽ പരസ്പരം അകന്നു. പിന്നീട്ട് അത്യാവശ്യത്തിനായി ദുബായിലേക്ക് തിരികെ പോയ അഭി ഡൽഹിയിലേക്ക് വരുന്നത് ഈയെടുത്താണ് . 

എന്നാൽ അഭി കുറച്ച് ദിവസം മുൻപ് നടന്ന ഒബ്രാ മാളിൽ വെച്ച് നടന്ന മഹിയുടെ പുതിയ മൂവിയുടെ ലോഞ്ചിങ് പാർട്ടിയിൽ വെച്ച് മഹിയെ കണ്ടു.
അന്നാണ് അഭി മഹിയോട് എല്ലാ കാര്യങ്ങളും പറഞ്ഞതും പെൻ ഡ്രൈവ് അവന് കൊടുത്തതും.


🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 


പരസ്പരം തങ്ങളുടെ എല്ലാ ചോദ്യങ്ങൾക്കും ഉത്തരം കിട്ടിയ സന്തോഷത്തിലാണ് മഹിയും ജാനിയും .

വീട്ടിലേക്ക് കാർ കയറിയതും കണ്ടു ആകുലതയോടെ വാതിക്കൽ നിൽക്കുന്ന ഗൗതമിനെയും ജാനിയുടെ അമ്മയെയും  . മഹിയുടെ അച്ഛനും അമ്മയും പോയിരുന്നു. മഹിയുടെ അമ്മ അവിടെ നിന്നാൽ ശരിയാവില്ലെന്ന് മഹിയുടെ അച്ഛന് നന്നായി അറിയാവുന്നത് കൊണ്ടാണ് അവർ നേരത്തെ പോയത്.

കാറിൽ നിന്ന് ജാനി പുറത്തേക്ക് ഇറങ്ങിയതും ഗൗതം അവളെ ഓടിവന്ന് കെട്ടിപ്പിടിച്ചു. ജാനി അവനെ തിരികെ പുണർന്നു .കാരണം വിഷമം സഹിക്കാൻ കഴിയാതെ വരുമ്പോഴാണ് ഗൗതം ഇങ്ങനെ കെട്ടിപിടിക്കുക. അവനാക്കെ പേടിച്ചിരിക്കുകയാണെന്ന് ജാനിക്ക് മനസ്സിലായി. ജാനി ഗൗതമിനെ ആശ്വാസിപ്പിച്ചു.

അകത്തേക്ക് കയറിയപ്പോൾ  ജാനിയുടെ അച്ഛന്റെ മടിയിൽ കഴുത്ത് വരെ പുതപ്പിട്ട് കിടക്കുന്ന  സിതാരയെ  കണ്ടു. സിതാരയുടെ മുടിയിൽ പതുകെ തലോട്ടുന്നുണ്ട് അയാൾ. നല്ല മയക്കത്തിലാണ് സിത്തു .

അച്ഛാ ...

എന്തായാലും നാളെ സംസാരിക്കാം , മോളെ ... കുഞ്ഞിയെ ഉണർത്താതെ മുറിയിൽ കൊണ്ട് പോയി കിടത്ത് ... നന്നായി പനിക്കുന്നുണ്ട് കുഞ്ഞിക്ക് ... കുറിഞ്ഞില്ലെങ്കിൽ ഡോക്ടറെ വിളിക്കാം ...
ജാനിയുടെ അച്ഛൻ പറഞ്ഞു.

മഹി സിതാരയെ കൈക്കളിൽ കോരിയെടുത്ത് മുറിയിൽ കൊണ്ടു പോയി കിടത്തി.

ജാനിയുടെ അച്ഛനും മുറിയിൽ പോയി കിടന്നിരുന്നു.

ആരൊക്കെ എന്ത് പറഞ്ഞാലും അമ്മക്ക് അറിയാം എന്റെ മോളെ ... അമ്മ ചോദിക്കാതെ തന്നെ നീയെല്ലാം പറയുമെന്ന് എനിക്ക് അറിയാം.

ജാനിയുടെ അമ്മ അവളുടെ നെറ്റിയിൽ ഒരു മുത്തം നൽകി കൊണ്ട് പറഞ്ഞു. ജാനിയുടെ കണ്ണുകൾ നിറഞ്ഞൊഴുകുന്നുണ്ട്.

അമ്മേ ...

അമ്മേടെ മോള് ചെല്ല്... സ്വസ്ഥമായി ഒന്ന് ഉറങ്ങ്... ബാക്കിയെല്ലാം നാളെയാവാം ... ഗൗതം നിന്നെ കാത്ത് നില്പുണ്ട് ... ചെല്ല്....

ജാനിയെ കിടക്കാൻ പറഞ്ഞുവിട്ടു കൊണ്ട് അവരും കിടക്കാനായി പോയി.

മുറിയിൽ ചെന്നപ്പോൾ മഹി സിതാരയുടെ അടുത്ത് കിടക്കുന്നുണ്ട്. ഗൗതം കിടന്നിട്ടില്ല ജാനിയെ കാത്തിരിക്കുകയാണ്. ജാനി വന്നപ്പോൾ ഗൗതവും കിടന്നു. ഒരുപ്പാട് കാലത്തിനു ശേഷം ജാനി മനസ്സ് ശാന്തമായി ആവോളം ഉറങ്ങി .ഗൗതമിന്റെ മനസ്സിൽ എന്നോ തനിക്കും തന്റെ അനിയത്തിക്കും നഷ്ടമായ സുരക്ഷിതത്വം തിരികെ ലഭിച്ച സന്തോഷമാണ്.

പിറ്റേ ദിവസം ജാനി നേരത്തെ എണീറ്റിരുന്നു. സിത്തുവിന് പനിക്ക് കുറവുണ്ട്. എന്നാലും നല്ല ക്ഷീണമുണ്ട്.

മഹി, ഇന്ന് ഈവനിംഗാണ് എനിക്ക് ഫ്ലൈറ്റ്. എന്നെ എയർപോർട്ടിൽ ഡ്രാപ്പ് ചെയ്യാൻ പറ്റോ...

തന്നോടൊപ്പം എണീറ്റ് വരുന്ന മഹിയെ നോക്കി ജാനി പറഞ്ഞു.

ജാനി ... നീ ...


   🌼 തുടരും🌼 


ഈ കഥ ഇവിടെ അവസാനിക്കുകയാണോ ? 

ഒരിക്കലും അല്ല ... ഈ കഥ ഇവിടെ ആരംഭിക്കുകയാണ്. 

മനസ്സിൽ എന്താണോ തോന്നുന്നത്, അതാണ് എഴുത്തുന്നത്. വിമർശനങ്ങളും പ്രോത്സാഹനങ്ങളും നേരിട്ട് തന്നെ ഇനിയും എഴുത്തും .