" നിച്ചു  നീ എന്താ ഇങ്ങോട്ട്  പോരുന്നേ അപ്പൊ നീ ശരിക്കും പോകുന്നില്ലേ \"

   റൂമിലേക്ക് വന്നതും ലീബ  അവളുടെ രണ്ട് തോളിലും പിടിച്ചുകൊണ്ട് ചോദിച്ചു 


\" ഏയ്  ഇല്ലെടി  ഞാൻ അതൊക്കെ വിട്ടു അല്ലേലും വക്കീലും ഞാനും ചേരില്ല, മമ്മി പറഞ്ഞപോലെ അലക്സിയെ..... \"

    ബാക്കി പറയാൻ കഴിയാതെ അവൾ നിന്നു,,

\"എന്താ നിർത്തിയത്,   നിനക്കെന്താ നിച്ചു അലക്സിയെ നിനക്കറിയില്ലേ അവനെ കെട്ടുന്നതിലും നല്ലത് നീ ചാവുന്നതാ, അവനില്ലാത്ത ദുശീലം ഇല്ല എന്തും ചെയ്യാൻ ഒരു മടിയും കാണിക്കില്ല അവനെ ആണോ നീ കെട്ടുന്നേ \"


\" എനിക്കറിയാം ഞാൻ പിന്നെ എന്താ ചെയ്യാ മമ്മി പറഞ്ഞത്   നീയും  കേട്ടതല്ലേ, ഞാൻ കാരണം മമ്മിയും പപ്പയും വഴക്കിടാൻ പാടില്ല \"

      നിച്ചു  വല്ലായിമയോടെ ബെഡിലേക്കിരുന്നു,

\" നിച്ചു നീ സമ്മതിച്ചാലും ശരി ഞാൻ സമ്മതിക്കില്ല ഇതിന് കാരണം അലക്സിയെ എനിക്ക് നന്നായിട്ടറിയാം എന്റെ കൂടപിറപ്പാണ് അവൻ പക്ഷെ അവൻ ചീത്തയാ  എന്റെ നിച്ചൂന് അവൻ ചേരില്ല, \"


\"ഞാൻ പിന്നെ എന്ത് ചെയ്യും ലീബ എനിക്ക് പപ്പയെ വിഷമിപ്പിക്കാൻ പറ്റില്ല പപ്പ ആണ് എന്റെ ലോകം തന്നെ മമ്മിക്ക് എന്തെങ്കിലും സംഭവിച്ച പപ്പ സഹികൊ നീ പറ \"


\"അപ്പൊ ഒന്നിനും കൊള്ളാത്ത ഒരുത്തന്റെ കൂടെ നിന്നെ പപ്പ കല്യാണം കഴിപ്പിച്ചയക്കോ  \"

    ലീബ അവൾക്കഭിമുഖമായി ബെണ്ടിലേക്ക് ഇരുന്നു കൊണ്ട് ചോദിച്ചു,,


\"ഞാൻ സമ്മതിച്ചാൽ പപ്പ എതിര് പറയില്ലായിരിക്കും \"

     നിച്ചു അത്രയും പറഞ്ഞ്  വല്ലായിമയോടെ മുഖം കുനിച്ചിരുന്നു 


\" നിച്ചു ഞാൻ ഇവിടെ വന്ന അന്ന് തൊട്ട് ചോദിക്കണം എന്ന് കരുതിയതാ, നിന്നോട് മമ്മിക്കെന്താ ഇത്ര ദേഷ്യം പക്ഷെ അങ്കിളിനെ കാണുമ്പോ പാവം തോന്നും നീ എന്ന് പറഞ്ഞ ജീവൻ ആണ്  പാവത്തിന് \"

    നിച്ചു  വളരെ പാട് പെട്ട് അതിനൊരു പുഞ്ചിരി നൽകി, കണ്ണുകൾ നിറഞ്ഞുതുളുമ്പി കവിളും മൂക്കും ചുവന്നു വന്നു,

\"ഏയ് നിനക്ക് തോന്നുന്നതാ മമ്മിക്കെന്നെ വല്ല്യ ഇഷ്ടാ വഴക്ക് പറയാനും ചീത്ത പറയാനും മമ്മിക്ക് വേറെ ആരാ ഉള്ളത് \"

     ലീബ അതിന് മറുപടി ഒന്നും പറഞ്ഞില്ല കാരണം തന്നെ വിശ്വസിപ്പിക്കാനുള്ള വെറുമൊരു ന്യായീകരണം മാത്രമാണ്  അതെന്ന് അവൾക്കറിയാമായിരുന്നു,




\" അപ്പൊ  വക്കീലിന്റെ കാര്യമോ അങ്ങേരെ നീ ഉപേക്ഷിച്ചോ?  നിനക്ക് ഭയങ്കര ഇഷ്ടല്ലായിരുന്നോ ആളെ \" 

     വക്കീലിനെ  പറ്റി  ഓർത്തതും അവൾക്ക് എന്തോ അവളിൽ നിന്നും ബലമായി വലിച്ചെടുത്തു കൊണ്ടുപോകും പോലെ നെഞ്ച് പിടഞ്ഞു,


\" ഏയ്‌ അത് സാരം ഇല്ല എനിക്ക് മാത്രം തോന്നിയ ഇഷ്ടം അല്ലെ അത് ഞാൻ തന്നെ കുഴിച്ചുമൂടിക്കോളാം മാത്രമല്ല എന്നെ  സഹിക്കാനൊന്നും വക്കീലിന് പറ്റില്ല \"


\" അത് നീ പറഞ്ഞത് പോയിന്റ്  നിന്നെ  സഹിക്കുന്നതിന് എനിക്ക് തന്നെ തരണം അവാർഡ്  അപ്പൊ വക്കീലിന്റെ കാര്യം പറയണോ \"


\" പോടീ 😔\"


\" നീ എന്തിനാ വിഷമിക്കുന്നെ നീ തന്നെ അല്ലെ പറഞ്ഞെ ഒന്നും വേണ്ടെന്ന് പിന്നെ എന്തിനാടി പൊട്ടി നീ സെഡ് ആയിട്ടിരിക്കുന്നെ \"

     മുഖത്തൊരു കള്ള ചോദ്യ ഭാവവുമായി ലീബ ചോദിച്ചു,,


\" ഏയ്  എനിക്കൊരു വിഷമവും ഇല്ല  ഞാൻ കൂൾ  ആണ് \"

       അത്രയും പറഞ്ഞവൾ  ഡ്രസ്സ്‌ മാറ്റാനായി എണീറ്റതും,


\"മോളെ നിച്ചു, വെറുതെ കണ്ടപ്പോ തോന്നിയ ഇഷ്ടം  അല്ല അതെന്നെനിക്കറിയാം, വക്കീലിനെ നിനക്കിതിനുമുൻപേ അറിയാം, എനിക്കും അറിയാം വെറുതെ എന്തിനാ എന്നെയും അങ്കിളിനെയും ഇങ്ങനെ പറ്റിക്കുന്നെ, \"


\" ലീബ  നീ എന്തൊക്കെയാ ഈ പറയുന്നേ \"

\" മ്മ്  എന്താ ഞാൻ പറഞ്ഞത് ശരി  അല്ലെ \"


\" നിനക്കറിയോ അപ്പൊ  വക്കീലിനെ  അല്ല ഇച്ചായനെ \"


\" എനിക്കറിയാതിരിക്കാൻ  എന്താ ,  നിന്റെ മാത്രം മുറച്ചെറുക്കൻ അല്ലല്ലോ എന്റെയും കൂടെ  അല്ലെ അത് \"


\" പോടീ എന്റെയാ ഇച്ചായൻ  ഞാൻ തരില്ല \"



\" നീ എടുത്തോ എന്റെ നിച്ചു എനിക്ക് വേണ്ടായേ \"

    നിച്ചൂന് നേരെ  കൈ കൂപ്പി പറഞ്ഞ്കൊണ്ട് ലീബ എണീറ്റു,


\" എന്റെ റോണിച്ചായനെ മതി അല്ലെ നിനക്ക്   \"
     
  
\" പക്ഷെ നിന്റെ  ഇച്ചായനെന്നെ വേണ്ടല്ലോ \"

      ലീബ അല്പം വിഷമത്തോടെ പറഞ്ഞുകൊണ്ട് , തിരിഞ്ഞു നടന്നു 



\" ലീബ നിനക്കൊരു കാര്യം അറിയോ ഞാൻ പറഞ്ഞാൽ ഇച്ചായൻ എന്തും കേൾക്കും, ഞാൻ പറയാടി നമുക്ക് സെറ്റ് ആക്കാമെന്നെ \"

    നിച്ചു അവൾക്ക് വാക്ക് കൊടുത്തു കൊണ്ട് പറഞ്ഞു,

\"ആര് പറഞ്ഞാലും കേൾക്കില്ല  ആ  മൊതല് , ഞാൻ ഒരിക്കൽ പറഞ്ഞതല്ലേ എല്ലാം, എന്നിട്ടെന്താ അപ്പൊ തന്നെ എന്നെ വേണ്ടെന്ന് പറഞ്ഞില്ലേ, പിന്നെ എന്നെ മൈൻഡ് പോലും ചെയ്തിട്ടില്ല ആ കുരിശ് പിന്നെയാ \"

      അവൾ മടുപ്പോടെ പറഞ്ഞ് കൊണ്ട് പുറത്തേക്ക് ഇറങ്ങി,

\" അവൾക്ക് വിഷമമായിന്ന് തോന്നുന്നു ശ്ശേ പറയണ്ടായിരുന്നു \" --  നിച്ചു ആത്മ

     ഡ്രസ്സ്‌  മാറിയതിനു ശേഷം  നിച്ചുവും ലീബയുടെ അടുക്കലേക്ക് പോയി...



    
♦️♦️♦️♦️♦️♦️♦️♦️♦️♦️♦️♦️♦️♦️



ഇതേസമയം  ബാൽക്കണിയിൽ നിന്നുകൊണ്ട്  പുറത്തേക്ക് നോക്കി നിൽക്കുക ആയിരുന്നു ഡേവിഡ്, ഇന്നത്തെ ദിവസം  ഡേവിഡിന്  ഒരിക്കലും മറക്കാൻ കഴിയാത്ത ഒന്നായിരുന്നു, തന്റെ കുഞ്ഞിപെങ്ങളുടെ പിറന്നാൾ , കുഞ്ഞായിരുന്നപ്പോ അവൾക്ക് നൽകിയ സമ്മാനത്തെ പറ്റിയും ആഘോഷങ്ങളെ പറ്റിയും എല്ലാം ചിന്തിച്ചുകൊണ്ട് ഡേവിഡ് അവിടെ നിന്നു, വിളിക്കണോ വേണ്ടയോ എന്ന ചിന്തയിൽ കയ്യിലെ ഫോണിൽ മുറുകെ പിടിച്ചു,,



\" എന്തലോചിച്ചു നിൽക്കാ ഇവിടെ എന്ത് പറ്റി \"

      സാറയുടെ ശബ്‌ദം കേട്ടതും  ഡേവിഡ് അവളെ ദേഷ്യത്തിൽ നോക്കിനിന്നു,,


\" നിങ്ങൾ എന്തിനാ എന്നെ ഇങ്ങനെ നോക്കുന്നെ ഇത്രയും ദേഷ്യം ഉണ്ടോ നിങ്ങൾക്കെന്നോട് \"


\" സാറ എന്നെ നീ ദേഷ്യം പിടിപ്പിക്കരുത്  \"


\" ഞാൻ ഒന്നിനും വരുന്നില്ല പോരെ,  എനിക്കിപ്പോ ആരും ഇല്ലല്ലോ  നിങ്ങക്ക് നിങ്ങടെ മോളല്ലേ വലുത്  ആയിക്കോ \"

    അത്രയും പറഞ്ഞിട്ട് ദേഷ്യത്തോടെ സാറ അവിടെ നിന്നും ഇറങ്ങി പോയി, എന്ത് ചെയ്യണം എന്നറിയാതെ ഡേവിഡ്  വീണ്ടും പുറത്തേക് നോക്കി നിന്നു....


♦️♦️♦️♦️♦️♦️♦️♦️♦️♦️♦️♦️♦️♦️




തുടരും.....



🌺 : കഥ എങ്ങനെ ഉണ്ടെന്നറിയില്ല എന്റെ   ഒരു രീതിയിൽ എഴുതുക ആണ്  വായിച്ചിട്ട് അഭിപ്രായം പറയണേ....