മകര സംക്രാന്തി


സൂര്യനാ തെക്കിന്റെ അറ്റത്തു ചെന്നിട്ടു
കൺമുനക്കോണുകൾ, 
ഉത്തരാർദ്ധത്തിലെ
നിത്യ പ്രദിക്ഷണപാതയെ, നോക്കുവാൻ
സംക്രമവേളയിൽ ശങ്കിച്ചു നില്ക്കുമ്പോൾ;

മഞ്ഞിന്റെ മൂടുപടത്തിന്റെയുള്ളിലാ 
പശ്ചിമ പർവ്വതമേളിലെ അയ്യന്റെ
മുറ്റത്തു കത്തിച്ച മകരജ്യോതിസ്സു-
യർത്തിയ ജ്വാലകൾ,മിന്നിമറഞ്ഞുവോ?

അയനങ്ങളിത്രയും ചുറ്റിക്കഴിഞ്ഞിട്ടും     ശാന്തിവാടം മാത്രം കണ്ടില്ലയോ സൂര്യാ?
യാത്ര നിലയ്ക്കാത്ത യാത്രയീ ജീവിതം
സൂര്യനും ഭൂമിക്കും താരാപഥങ്ങൾക്കും!

തത്ത്വമസിപ്പൊരുൾ പാടുന്ന തീനാളം
കാണുവാനല്ലയോ, ഒന്നുതിരിഞ്ഞു നീ?
സ്വപ്നത്തിലെങ്കിലും ആശിച്ചുവോ സൂര്യ,
കന്നിയയ്യപ്പനായ് ശരണം വിളിക്കുവാൻ?

        ......ംംംംംം......ംംംംം.....