അന്നേ ദിവസം രാത്രി വീട്ടിലേക്ക് വരുന്ന റിച്ചു  ഹാളിൽ ഇരുന്നു മൊബൈൽ നോക്കുന്ന അനിയത്തി റിയയെ കാണുന്നു.

\"ഇത് ഏതാടി പുതിയ ഫോൺ \"

\"നീ അറിഞ്ഞില്ലേ, എന്റെ പഴയ ഫോണിന്റെ കഥ കഴിഞ്ഞു., അപ്പോൾ അച്ഛൻ പുതിയത് വാങ്ങി തന്നു.
എങ്ങനുണ്ട് ഓപ്പോയാ ഓപ്പോ.\"

\"ഇങ്ങ് തന്നെ നോക്കട്ടെ.\"

റിച്ചു ഫോൺ  വാങ്ങി നോക്കുന്നു.നോക്കി നോക്കി അവളുടെ വാട്സ്ആപ്പ് നോക്കാൻ തുടങ്ങുന്നതും 
റിയ  ഫോൺ  തിരികെ
പിടിച്ചുമേടിക്കുന്നു.

\"മതി നോക്കിയത് ഇങ്ങ് എടുക്ക്.\"

ഫോണും വാങ്ങി അവൾ ഉമ്മറത്തേക്ക് പോകുന്നു.

കള്ള തന്ത മോൾക് മാത്രം എല്ലാം വാങ്ങിക്കൊടുക്കും. നിന്നിനക്കിട്ട് ഒരു പണി ഞാൻ തരുന്നുണ്ടെടി.

എന്ന് മനസ്സിൽ പറഞ്ഞതിന് ശേഷം റിച്ചു അടുക്കളയിലേക്ക് ചെല്ലുന്നു. അവിടെ അമ്മ ജോലി ചെയ്തു കൊണ്ടിരിക്കുകയായിരുന്നു. 

\"അമ്മേ, അമ്മേ...\"

\"എന്താടാ കമ്മേ കമ്മേന്ന് \"

\"അമ്മേ,  എന്ത് പണിയാ ഈ അച്ഛൻ കാണിച്ചേ \"

\"എന്താടാ, എന്താ കാര്യം\"

\"റിയക്കിപ്പോൾ പുതിയ ഫോണിന്റെ ആവശ്യമെന്താ. \"

\"ഓഹ് അതായിരുന്നോ കാര്യം, അവളുടെ പഴയത് കേടായില്ലേ,\" 

\"കേടായാൽ നന്നാക്കിയാൽ പോരെ, അല്ലെങ്കിൽ തന്നെ ഈ പെൺകുട്ടികളെ ഒക്കെ വഴി തെറ്റിക്കുന്നത് തന്നെ ഈ ഫോണാണ് അത് അമ്മക്കറിയില്ലേ.\"

റിച്ചു അമ്മയോട് സംസാരിക്കുന്നത്  കേട്ടുകൊണ്ട് അവന്റെ അച്ഛൻ അവിടേക്ക് വരുന്നു. 

\"ഓഹ്, എന്റെ മോന് കുടുംബത്തോട് ഇത്രയും ഉത്തരവാദിത്തം ഉണ്ടെന്ന് എനിക്കിന്നാ മനസ്സിലായത് \"

അച്ചന്റെ ഒച്ച കേട്ട് ഒരു നിമിഷം അവൻ പകച്ചു നിൽക്കുന്നു. 

\"നാണമില്ലല്ലോ ടാ , പോത്തു പോലെ വളർന്നു  എന്നിട്ടും  അമ്മയോട് പരാതിയും പറഞ്ഞു നടക്കുവാ.

വയസ്സ് ഇത്രയുമായില്ലേ   നിന്നെ കൊണ്ട് ഈ വീട്ടിൽ എന്തെങ്കിലും  ഒരു ഉപകാരമുണ്ടായിട്ടുണ്ടോ.

ഒരു ആൺ കുഞ്ഞു പിറന്നപ്പോൾ വയസ്സാൻ കാലത്ത് ഒരു തുണയകുമെന്നാണ് കരുതിയത്.

ഇതിപ്പോ ഞാൻ അവന് കൂടി  ചിലവിന് കൊടുക്കേണ്ട ഗതികേടാണ്.\"

\"ഞാനും ചിലവിനോക്കെ കൊടുക്കാറുണ്ട്, അമ്മേടെ ചോദിച്ചു നോക്ക്,
പറഞ്ഞു കൊടുക്കമ്മേ....\"

\"ആ......,
തന്ന കഥയൊന്നും  പറയണ്ട, കഴിഞ്ഞ മാസം  ആയിരം രൂപ കൊണ്ടുവന്നു തന്നു. എന്നിട്ട് ഓരോന്ന് പറഞ്ഞു അതിൽ നിന്നും എണ്ണൂറോളം രൂപ  തിരികെ വാങ്ങിക്കൊണ്ട് പോകുകയും ചെയ്‌തു. \"

\"അമ്മേ... \"

\"ഞാൻ ഉള്ളതല്ലെയെടാ പറഞ്ഞത്. \"

\"അല്ല റിച്ചു നിന്റെ ഉദ്ദേശമെന്താ,
ഇങ്ങനെ നടന്നു ജീവിതം നശിപ്പിച്ചു കളയാനാണോ നിന്റെ പ്ലാൻ.\"

\"അത് പിന്നെ ഞാൻ ജോലി നോക്കുന്നുണ്ട്, പക്ഷേ ഒന്നും ശെരിയാകുന്നില്ല \"

\"ഈ അണ്ടിലെങ്ങാനും ശെരിയാവോ,  
ഞാനെ......, ഒന്നും പറയുന്നില്ല. വേറൊന്നും കൊണ്ടല്ല, നിന്നോടൊന്നും പറഞ്ഞിട്ട് ഒരു കാര്യവുമില്ല. തിന്നാനും കുടിക്കാനുമായി ഒരു ജന്മം. \"

അച്ഛൻ പറഞ്ഞത് കേട്ട് ദേഷ്യത്തിൽ റിച്ചു വീടിന് പുറത്തേക്ക് പോകാൻ തുടങ്ങുന്നു.അത് കണ്ട് അമ്മ പുറകെ വിളിക്കുന്നു. 

\"ടാ റിച്ചു അവിടെ നിൽക്ക് നീ എവിടെ പോകുവാ, നിനക്ക് കഴിക്കാനൊന്നും വേണ്ടേ....\"

\"എനിക്കൊന്നും വേണ്ട, ഇനി അതിന്റ കണക്കുകൂടി കേൾക്കാൻ വയ്യ \"

\"അച്ഛനും കൊള്ളാം മോനും
കൊള്ളാം \"

എന്ന് പറഞ്ഞു കൊണ്ട് റിച്ചു വിന്റെ അമ്മ അകത്തേക്ക് കയറി ചെല്ലുന്നു. 


വീട്ടിൽ നിന്നും ഇറങ്ങിയ റിച്ചു ശശിയുടെ അച്ഛന്റെ കടയിലേക്ക് വരുന്നു.
കടയിൽ  ആ സമയം ചെറിയ  തിരക്കുണ്ടായിരുന്നത് കൊണ്ട് പുറത്തു പോയി റിച്ചു ഒറ്റക്കിരിക്കുകയായിരുന്നു. 

അല്പസമയം കഴിഞ്ഞപ്പോൾ ജോജോ അവിടേക്ക് വരുന്നു. അവിടെ ദേഷ്യത്തിലിരിക്കുന്ന റിച്ചുവിനോട് ജോജോ  കാര്യം ചോദിച്ചു. 

\"എന്തുപറ്റിയെടാ...,
തന്തപ്പടിന്റന്ന് വയറു നിറച്ചു കിട്ടിക്കാണും, അല്ലേ \"

\"എന്തു പറയാനാടാ, വീട്ടിലും നാട്ടിലും ഒരിടത്തും ഒരു വിലയുമില്ല.
എത്രയും വേഗം എന്തെങ്കിലും  നല്ലൊരു ജോലി  കണ്ടുപിടിക്കണം അല്ലാണ്ട് പറ്റില്ല. \"

\"എന്നാ പിന്നെ നമുക്ക്  ചെന്നേക്ക് വിട്ടാലോ , എന്നിട്ട്  ആരുടേങ്കിലും കയ്യും കലും പിടിച്ചു സിനിമയിൽ കയറി
പറ്റാം.  \"

\"ദേ, ഈ കിടക്കുന്ന കല്ലെടുത് നിന്റെ തലക്ക് അടിക്കാൻ അറിയാഞ്ഞിട്ടല്ല.
പിന്നെ അതിന്റ പിറകെ നടക്കേണ്ടിവരുമല്ലോ എന്നോർത്താണ് മിണ്ടാതിരിക്കുന്നത്.\"

ഇതിനിടയിൽ റിച്ചു വിനെ ആൻ ഫോണിൽ വിളിക്കുന്നുണ്ടായിരുന്നു. 
എന്നാൽ അവൻ കാൾ കട്ട്‌ ചെയ്യുന്നു.

അവൾ വീണ്ടും വിളിക്കുന്നു,അതും അവൻ കട്ട്‌ ചെയ്യുന്നു. വീണ്ടും വീണ്ടും വിളിക്കുന്നത് കണ്ട് അന്നേരം അവൻ ഫോൺ സ്വിച്ച് ഓഫ് ആകുന്നു.

അത് കണ്ട് ജോജോ റിച്ചുവിനോട് ചോദിക്കുന്നു.

\"ആരാടാ, ആൻ ആണോ \"

\"അതെ, അമ്മ പറഞ്ഞിട്ട് വിളിക്കുന്നതാവും, \"

ഇവർ രണ്ടുപേരും സംസാരിച്ചു കൊണ്ടിരിക്കുമ്പോൾ ശശി അവിടേക്ക് വരുന്നു. 

\"ടാ, ജോജോ നീ അച്ഛനുമായി എവിടേക്കോ പോകുന്നത് കണ്ടല്ലോ.\"

\"അതോ, ആ കരീം ഇക്കാടെ അടച്ചിട്ടിരിക്കുന്ന ആ കടമുറി അത് വാടകയ്‌ക്കെടുക്കാനായിട്ട്. ഇപ്പോൾ ഇരിക്കുന്ന കട മാറാൻ അതിന്റ ഓണർ പറഞ്ഞു. 

(ജോജോയുടെ അച്ചൻ ഒരു തയ്യൽ കടയാണ് നടത്തുന്നത്. ജോജോയാണെങ്കിൽ ഫുഡ്‌ ഡെലിവറിയുമാണ് ചെയ്യുന്നത്. )

\"ടാ ശശി കഴിക്കാൻ എന്തെകിലും
ഉണ്ടോ \"

\"തട്ട് ദോശയും ചട്ടിണിയും ഉണ്ട്.\"

\"ഓ, ഒന്ന് മാറ്റി പിടിച്ചൂടേ ഡേയ്.
വീട്ടിലാണെങ്കിൽ നല്ല ബീഫും, ചൂട് അപ്പവുമായിരുന്നു. 
എനിക്ക് എന്തിന്റ കേടായിരുന്നു. വെറുതെ ഇറങ്ങി പോരാണ്ടായിരുന്നു.\'

\"നിനക്കുള്ളത്  നിന്റെ അമ്മ അവിടെ മാറ്റി വെച്ചേക്കില്ലെടാ,!

\"അമ്മ ഇപ്പോൾ പഴയത് പോലല്ലടാ,  എപ്പോഴേ  അത് ഫ്രിഡ്ജിൽ കയറ്റിക്കാണും , രാവിലത്തേക്ക് എടുക്കാമല്ലോ .\"

\"ആ ദേ മുന്ന വരുന്നു.
എന്തായെടാ, നീ മുത്തപാടെ വീട്ടിൽ
പോയിട്ട്,  കാര്യം നടക്കോ,\"

\"ഒരുവിധം സംസാരിച്ചു ഒപ്പിച്ചിട്ടുണ്ട്,
ഇന്ന് രാത്രി  വിളിക്കാമെന്ന് പറഞ്ഞു. അതുപോട്ടെ ഇവന്റെ ബൈക്ക് പോയ വിഷ‌മമൊക്കെമാറിയോ, \"

\"ആ മടിയല്ലേ പറ്റു \"

ആ സമയം ആൻ വീണ്ടും വിളിക്കുമ്പോൾ റിച്ചുവിന്റെ ഫോൺ സ്വിച്ച് ഓഫ്‌ ആണെന്ന് പറയുന്നു.
അവൾ ശശിയെ വിളിക്കുന്നു.
ശശിയുടെ ഫോൺ കടയിലായതിനാൽ അവനും ഫോൺ എടുക്കുന്നില്ല.
പിന്നെ അവൾ ജോജോയെ വിളിക്കുന്നു.

ജോജോയുടെ ഫോൺ റിങ് ചെയ്യുന്നത് കേട്ട് അവൻ പോക്കറ്റിൽ നിന്നും എടുത്തു നോക്കുന്നു.

\"ആൻ ആണല്ലോ, ഇവളെന്താ ഈ നേരത്ത് എന്നെ വിളിക്കുന്നത്.\"

\"ഞാൻ എടുക്കാത്തത് കൊണ്ടാകും\"

റിച്ചു ജോജുവിനോട് പറയുന്നു.
ജോജോ ഫോൺ അറ്റന്റ് ചെയ്യുന്നു

\"ഹലോ, ആൻ എന്താ \"

\"റിച്ചു അവിടെ ഇല്ലേ, അവനെന്തിനാ ഫോൺ സ്വിച്ച് ഓഫ് ചെയ്തെ,
നീ ഫോൺ അവന് കൊടുത്തേ, \"

\"എടാ ആൻ ആണ്, നിന്നോട് എന്തോ സംസാരിക്കണമെന്ന്\"

എനിക്കൊന്നും സംസാരിക്കാനില്ലെന്ന് റിച്ചു ജോജോയോട് പറയുന്നുണ്ടെങ്കിലും ജോജോ റിച്ചുവിന്റ കയ്യിൽ നിർബന്ധിച്ച് ഫോൺ കൊടുക്കുന്നു.

ആനും, റിച്ചും തമ്മിൽ  എന്തോ സംസാരിക്കുകയും . റിച്ചു ആനിനോട് ദേഷ്യപ്പെട്ട് ഫോൺ കട്ട്‌  ചെയ്യുകയും ചെയ്യുന്നു. 

ആ സമയം മുന്നക്ക് ഒരു കാൾ വരുന്നു. അത് അറ്റൻഡ് ചെയ്ത് അവൻ  മാറി നിന്ന് അതിൽ സംസാരിക്കുന്നു.

അതെ സമയം ആനിനോനോട് ദേഷ്യപ്പെട്ടതിന് ജോജോ റിച്ചു വിനെ വഴക്ക് പറയുന്നു.

\"നീ എന്തിനാടാ, അവളോട് ദേഷ്യപ്പെടുന്നത്, അവളെന്ത് ചെയ്തിട്ടാണ്.\"

\"ഞാൻ അവളോട്‌ പല പ്രാവശ്യം പറഞ്ഞിട്ടുണ്ട് ഞാനും, അച്ഛനും തമ്മിലുള്ള പ്രശ്നത്തിൽ  കയറി ഇടപെടരുതെന്ന്, \"

\"ശെരി ഇക്ക, ഓക്കേ \"

ഫോൺ കട്ട്‌ ചെയ്തതിന് ശേഷം മുന്ന സന്തോഷത്തോടെ ഇവരുടെ അടുത്തേക്ക് വരുന്നു. 

\"എന്താടാ,\"
ഏറ്റുമോനെ അങ്ങനെ ആ മൊബൈൽ ഷോപ്പ് എനിക്ക് നടത്താൻ തരാമെന്ന് 
മുത്തപ്പാ   സമ്മതിച്ചു.\"

\"കോളടിച്ചല്ലോടാ. അപ്പോൾ സമരം ഏറ്റു.\" 

അങ്ങനെ സന്തോഷത്തോടെ അവർ നാലുപേരും പിരിഞ്ഞെങ്കിലും വീട്ടിലേക്ക് വന്ന റിച്ചു വിന്റെ മനസ്സ് ആനിനോട് ദേഷ്യപ്പെട്ടത് ഓർത്ത് വല്ലാതെ ഡിസ്റ്റർബ് ആയിരുന്നു.

അവൻ അവളെ വിളിക്കാനായി ഫോൺ എടുത്തെങ്കിലും, സമയം താമസിച്ചതിനാൽ വിളിക്കാതെ ഫോൺ തിരികെ വെയ്ക്കുന്നു.

അതേ സമയം റിച്ചു തന്നെ വിളിക്കുമെന്ന പ്രതീക്ഷയിൽ  ഉറങ്ങാതെ ആനും കിടപ്പുണ്ടായിരുന്നു. 


                                 തുടരും......