\"അത്......\"

ആൻ പറയാൻ മടിച്ചു നിൽക്കുന്നതും വീടുനകത്തു നിന്നും ആനിന്റ അപ്പൻ ജോസഫ്, ചുമയിക്കുന്നത് അവർ കേൾക്കുന്നത്.  അത് കേട്ട്  ആൻ പറയുന്നു 

\"കർത്താവെ അപ്പൻ  എഴുന്നേറ്റുവെന്ന് തോന്നുന്നു.\"

അത് കേട്ട് റിച്ചു വേഗം പുറത്തേക്ക് പോകുന്നു. ആൻ വീട് ലോക്ക് ചെയ്ത് റൂമിലേക്കും പോകുന്നു. 

\"ഈ അപ്പന് ചുമയ്ക്കാൻ തോന്നിയ സമയം. ഇതുപോലൊരു അവസരം ഇനി കിട്ടില്ല.\"

റിച്ചുവിന്റെ പിണക്കം മാറിയ സന്തോഷത്തിൽ,  അവൻ കൊടുത്ത ഡ്രസ്സ്‌ അവൾ കണ്ണാടിക്ക് മുന്നിൽ ചെന്ന് വെച്ച് നോക്കുന്നു. 

അടുത്ത ദിവസം രാവിലെ റിച്ചു വാങ്ങിക്കൊടുത്ത ഡ്രസ്സ് ഇട്ടുകൊണ്ട് ജോലിക്ക് പോകാൻ ഇറങ്ങി വരുന്ന അനിനെ കണ്ട് അവളുടെ അപ്പൻ ചോദിക്കുന്നു .

\"ഇത് ഏത് ഡ്രസ്സാണ് മോളെ, ഞാൻ വാങ്ങി തന്നത്  എന്തെ മോള്
ഇടാഞ്ഞത്.\"

അത്.....,
അത് നല്ല ലൂസ് ആണ് അപ്പ.
പിന്നെ ഇത് റിച്ചുവും ഫ്രണ്ട്സും കൂടി വാങ്ങി തന്നതാണ്.\"

\"ഹാ...,
എന്തായാലും നിനക്കിത്  ഞാൻ എടുത്തു തന്നതിനേക്കാൾ നല്ലത് പോലെ ചേരുന്നുണ്ട്.\"

അത് കഴിഞ്ഞ് അവൾ നേരെ റിച്ചു വിന്റെ വീട്ടിലേക്ക് പോകുന്നു. ആനിന്റ പിറന്നാൾ ദിവസം രാവിലെ തന്നെ റിച്ചു വിന്റെ അമ്മ പായാസം വെയ്ക്കും. 

\"അമ്മേ,...., \"

\"അ,
മോള്, വന്നോ. നന്നായിട്ടുണ്ടല്ലോ ഈ ചുരിദാറ്,\"

\"റിച്ചു വാങ്ങി തന്നതാ \"

\"മം, നന്നായിട്ടുണ്ട്. 
എവിടെ പായസം, അത് കുടിച്ചിട്ട് വേണം എനിക്ക് പോകാൻ\"

അവിടെ  റിച്ചു വിന്റെ അനുജത്തി റിയ ഇരിപ്പുണ്ടായിരുന്നു. അവളെ കണ്ട് ആൻ അവളോട് സംസാരിക്കുന്നു 

\"റിയ....,
ഇന്ന് കോളേജിൽ പോകുന്നില്ലേ.\"

\"എനിക്ക് സ്റ്റഡി ലീവാ ചേച്ചി.
ഹാപ്പി ബര്ത്ഡേ ചേച്ചി....\"

\"താങ്ക്യൂ. \"

\"ഇന്ന് നല്ല ഗ്ലാമർ ആയിട്ടുണ്ടല്ലോ.\"

\"നിന്റെ ചേട്ടന്റ സെലക്ഷനാണ് \"

ആ സമയം റിച്ചു വിന്റെ അമ്മ പായസവുമായി വരുന്നു. 

\"ഇതാ മോളെ പായസം കുടിക്ക് \"

\"റിച്ചു എഴുന്നേറ്റില്ലേ അമ്മേ... \"

\"ഉവ്വ്....,
കുളിക്കുവാ,  രാത്രി എപ്പോഴോ വന്നു കിടന്നതെന്ന് കർത്താവിന് തന്നെ അറിയാം.\"

പായസം കുടിച്ചു കൊണ്ട് ആൻ
റിച്ചുവിന്റെ റൂമിലേക്ക് പോകുന്നു . ആ സമയം ബാത്‌റൂമിൽ നിന്നും ഇറങ്ങി വരുന്ന റിച്ചു ആനിനെ കാണുന്നു.

\"ആഹാ...., \"

\"ഏങ്ങനെ ഉണ്ട്, കൊള്ളാവോ...\"

\"കിടുവായിട്ടുണ്ട്,..\"

എന്നാലും സൈസ്  എങ്ങനെയാ ഇത്ര കറക്റ്റായെ, \"

\"അയ്യട, കറക്റ്റ് മനുഷ്യൻ 
രാവിലെ തന്നെ കുത്തിയിരുന്നു തയ്ച്ചു.\"

\"എന്തായാലും നിനക്ക് ഈ കളർ നന്നായി ചേരുന്നുണ്ട്.\"

\"ശെരിക്കും..\"

\"അതേ ഡീ...\"

\"ടാ നീ കഴിക്കുന്നില്ലേ \"

\"ആ....,  താ വരുന്നു.\"

\"നീ കഴിച്ചോ  ആൻ \"

\"മം...\"

\" ഓഹ് ഇന്നും ദോശ.....
ഇവളുടെ ബര്ത്ഡേ ആയിട്ടെങ്കിലും ഒന്ന് മാറ്റി പിടിച്ചുടെ അമ്മാ.\"

കഴിച്ചു കഴിഞ്ഞു റിച്ചു പോകാൻ തുടങ്ങുന്നതും,

\"റിച്ചു എന്നെ ഒന്ന് ബാങ്ക് വരെ കൊണ്ട് ആക്കിത്താടാ\"

\"പിന്നെ......
ബസിന് അങ്ങ് പോയാൽ മതി.\"

\"പെട്രോൾ അടിച്ചു തരാമെടാ...\"

\"എന്നാൽ ഫുൾ ടാങ്ക് അടിച്ചു തരോ,\"

\"ഞാൻ ബസ്സിൽ പൊയ്ക്കോളാം\"

\"വേണ്ട.....,  വേണ്ട,
കയറിക്കോ. നീ ആ തന്തേടെ മോള് തന്നെയാടി \"

\"നിനക്കെന്താ അതിൽ സംശയമുണ്ടോ \"

\"ഇല്ലായ്യെ\"

\"റിച്ചു...,
  മുന്നയുടെ ഷോപ്പിന്റെ പരുപാടി ഏതുവരെ ആയി.\"

\"ഇനി കുറച്ചു കൂടി പണിയുണ്ട്.
പിന്നെ സാധനം കൊണ്ടുവന്നു സെറ്റ് ചെയ്താൽ എല്ലാം ഓക്കെ.\"

പോകുന്ന വഴിയിൽ വെച്ച് മുന്ന തുടങ്ങാൻ പോകുന്ന ഷോപ്പ്  റിച്ചു ആനിനു കാണിച്ചു കൊടുക്കുന്നു.

ബൈക്കിൽ പോയിക്കൊണ്ടിരിക്കുമ്പോൾ ആൻ മനസ്സിൽ ചിന്തിക്കുന്നു.

നിന്റെ ഭാര്യയായി, ഈ ജന്മം മുഴുവൻ ഇത്പോലെ നിന്റെ പിറകിൽ ഇരുന്ന് പോകാനാണ് ഞാൻ ആഗ്രഹിക്കുന്നത് .

\"ആ...,
ബാങ്ക് എത്തി, ഇറങ്ങിക്കോ, \"

\"ദേ..., 
നിന്റെ ചേച്ചി നിൽക്കുന്നു.
ഇവര് വീണ്ടും തടിച്ചാല്ലോടി \"

\"ചുമ്മാതിരിക്കട\"

അവരെ കണ്ട് ചേച്ചി അവരുട അടുത്തേക്ക് വരുന്നു.

\"ആഹാ....,
ഇന്ന് നേരത്തെ ആണല്ലോ,എന്നാ പിന്നെ നിനക്ക് എന്നും ഇങ്ങനെ വന്നാൽ പോരെ,

\"മം, എനിക്ക്  കാശ് നഷ്ടമാ...\"

\"എടാ, റിച്ചു നിനക്ക് ഇവളെ അങ്ങ് കെട്ടിക്കുടെ. \"

\"ആഗ്രഹമൊക്കെ ഉണ്ട് ചേച്ചി, എന്ത് ചെയ്യാനാ ഇവളുടെ അപ്പൻ സമ്മതിക്കില്ല.\"

\"എന്നാ പിന്നെ ഞാൻ പോട്ടെ..\"

\"ശെരി...\"

റിച്ചു പോയതിന് ശേഷം ചേച്ചി ആനിനോട് പറയുന്നു.

\"അവൻ തമാശക്കാണ് പറഞ്ഞതെങ്കിലും നിനക്ക് ആ വഴി ഒന്ന് ശ്രേമിച്ചുടെ.വീട്ടികാരുമായി
സംസാരിച്ച്.....\"

\"എന്നാ പിന്നെ ആദ്യം എതിർക്കുന്നത് അവന്റ അച്ഛനായിരിക്കും.ഇപ്പോൾ തന്നെ നല്ലൊരു ജോലി ഇല്ലാത്തത് കൊണ്ട് സ്വസ്ഥത കൊടുക്കുന്നില്ല അവന്റെ അച്ഛൻ .\"


അന്നേ ദിവസം രാത്രി ബര്ത്ഡേ ആയതുകൊണ്ട്  ആനിന്റ വീട്ടിലായിരുന്നു  അവർക്കെല്ലാം ഭക്ഷണം. 

\"അടുത്ത ബർത്ഡേക്ക്‌ മോൾടെ കെട്ടിയോനും, ഫാമിലിയും കൂടെ ഉണ്ടാവണം.\"

\"അതേ...\"

റിച്ചുവിന്റ അമ്മ പറഞ്ഞത് കേട്ട് ആൻ മനസ്സിൽ ചിന്തിക്കുന്നു.

\"അത് ഇപ്പോഴും ഉണ്ടല്ലോ അമ്മേ,
ഞാൻ എല്ലാവർഷവും അവർക്കൊപ്പം തന്നെയാണ് എന്റെ പിറന്നാൾ ആഘോഷിക്കുന്നതും. \"

\"അല്ല ജോസഫേ...,
മോൾടെ വിവാഹം മുടക്കിയവരെ പറ്റി എന്തെങ്കിലും വിവരം കിട്ടിയോ.\"

\"ഇല്ല....,
അന്നെഷിക്കുന്നുണ്ട് ,  അവനെ എന്റെ കയ്യിൽ കിട്ടിയാൽ  അവന്റെ തല
ഞാൻ വെട്ടും. \"

അത് കേട്ട് ശശി റിച്ചുവിനെ   ഒന്ന് നോക്കുന്നു.

കഴിച്ചു കഴിഞ്ഞ്,
റിച്ചുവും ഫ്രണ്ട്സും പോകാൻ തുടങ്ങുന്നു.

\"എന്നാ പിന്നെ ഞങ്ങൾ ഇറങ്ങട്ടെ,
ആൻ...\"

\"ശെരി യെടാ..\"

അവർക്കൊപ്പം റിച്ചുവും പോകാൻ തുടങ്ങുന്നു. 

\"ടാ റിച്ചു നീ എവിടെ പോകുവാ... 
ഇപ്പോൾ തന്നെ സമയം 
ഒൻപതു കഴിഞ്ഞു. ഇനി എങ്ങോട്ടാണ് ഈ പോകുന്നത്.\"

റിച്ചുവിന്റ അമ്മ പറഞ്ഞത് കേട്ട് റിച്ചുവിനെ കൂട്ടാതെ അവർ പോകുന്നു.
അതുകഴിഞ്ഞു റിച്ചു ഒറ്റക്ക് വീടിന് മുറ്റത്ത്‌ നിൽക്കുന്നത് കണ്ട് ആൻ അവന്റ അടുത്തേക്ക് ചെല്ലുന്നു.  


\"റിച്ചു...\"

\"എന്താ ഡി.....\"

\"എനിക്ക് നിന്നോടൊരു കാര്യം പറയാനുണ്ട് \"

\"നീ ഇന്നലെ മുതൽ പറയുന്നതാണല്ലോ,
ഒരു കാര്യം പറയാനുണ്ടെന്ന്, കാര്യം എന്താണെന്ന് വെച്ചാൽ പറയ്. \"

\"അത്....
നീ അന്ന് ചോദിച്ചില്ലേ, എനിക്ക് ആരോടെങ്കിലും ഇഷ്ടമുണ്ടോന്ന്.\"

\"ആ....,
നീ  അന്ന് ഇല്ലെന്നാണ് എന്നോട് പറഞ്ഞതെങ്കിലും  ഞാൻ അത് വിശ്വസിചിട്ടില്ല .\"

\"എന്നാ വിശ്വസിക്കണ്ട,
എനിക്ക്....
എനിക്കൊരാളെ ഇഷ്ടമാണ്.\"

\"ശെരിക്കും,...
കൊച്ച് കള്ളി ചുമ്മാതല്ല,
പണ്ടുള്ളവർ പറയുന്നത് മിണ്ടാതെ പൂച്ച കലമുടക്കുമെന്ന്.  

ആള് ആരാണെന്ന് പറ, നമുക്ക് ഇപ്പോൾ തന്നെ നിന്റെ അപ്പനോട് പറഞ്ഞു സമ്മതിപ്പിക്കാം.\"

\"അതല്ലടാ
എന്റെ ഇഷ്ടം ഞാൻ അയ്യാളോട് ഇത് വരെ പറഞ്ഞിട്ടില്ല.\"

\"ഓഹ്....,
അപ്പോൾ വൺ സൈഡ് ആണ്, അത് സാരമില്ല, നീ ആദ്യം അവനോട് നിന്റെ ഇഷ്ടം തുറന്ന് പറയ്‌.\"

\"അത്......,
എനിക്കൊരു പേടി....\"

\"എന്തിന്......\"

\"അല്ല....,
ഇനി അവനെന്നെ ഇഷ്ടമല്ലെങ്കിലോ. \"

\"അത് നീ അവനോട് പറഞ്ഞാലല്ലേ, അറിയാൻ പറ്റത്തുള്ളു. അല്ലെങ്കിൽ തന്നെ നിന്നെ ആർക്കാ ഇഷ്ടപ്പെടാതെ,
അതുകൊണ്ട് നീ ധൈര്യമായിട്ട്
പോയ്‌ പറ.\"

\"അപ്പോൾ നിനക്ക് എന്നെ
ഇഷ്ടാണോ \"

\"പിന്നെ....,
ഇഷ്ടമില്ലാതെ,നീ സുന്ദരി അല്ലേ.......
നീ പൊളി യല്ലേ ടീ ....

                            തുടരും.....