🌼🌼🌼🌼

വെള്ള മന്ദാര പൂക്കൾ പട്ടു മെത്ത വിരിച്ച വഴിയിലൂടെ ഇടാറാതെ കിലുങ്ങുന്ന പാദസരമണിഞ്ഞ പാദങ്ങൾ....

നേരെ പോയത് അമ്പല പുഴ ഉണ്ണികണ്ണനെ തൊഴാനാണ്. പതിവ് പരാതി കെട്ടുകൾ അഴിച്ചു വെക്കാനാണ്. കേട്ട് കേട്ട് മടുപ്പ് തോന്നുമ്പോൾ എന്റെ ഉണ്ണിക്കണ്ണൻ അതിൽ എതെങ്കിലും ഒന്ന് നടത്തി തരും.

ഉണ്ണിക്കണ്ണന് ഒരായിരം വഴിപാടുകൾ നേരും കാര്യം നടന്നാൽ കണ്ണനുമായി ചില്ലറ സ്വകാര്യം പറച്ചിലുകളിലൂടെ വഴിപാടിൽ ചില ഏറ്റക്കുറച്ചിലുകൾ നടത്തും.

ആഴ്ചയിലോ മാസങ്ങളോ കൂടുമ്പോൾ അമ്മയുമൊത്ത് ഈ ഒരു വരവ് പതിവുള്ളതാണ്. അപ്പോഴേക്കും ഉണ്ണിക്കണനോട് പറഞ്ഞു തീർക്കാനുള്ള കാര്യങ്ങളൊക്കെ മനസ്സിൽ കണക്ക് കൂട്ടി വെക്കും.

അല്ലാതെ തന്നെ ഓരോ നിമിഷവും കണ്ണനോട് പറയാൻ നൂറിലേറെ പരാതി കാണും. കോളേജിലെ കലിപ്പ് സർ ലീവ് ആകാൻ. എക്സാം ഡേറ്റ് അങ്ങനെ നീട്ടി കൊണ്ട് പോകാൻ. അമ്മ വൈകുന്നേരം വരുമ്പോൾ നല്ല കട്ടിയോടെ പലഹാരം കൊണ്ട് വരാൻ തോന്നിക്കണേ... ഇങ്ങനെ ഒരു കൂട്ടം കാര്യങ്ങൾ പറയാനുണ്ടാകും.

നിലവിളക്കിന് മുന്നിൽ മഞ്ഞ പട്ടാട ചാർത്തിയ കോലക്കുഴൽ കയ്യിലേന്തിയാ എന്റെ കണ്ണനെ കാണുമ്പോൾ മനസ്സിൽ ഓടി എത്തുന്ന ഒരേയൊരു പ്രാർത്ഥന എന്റെ അമ്മയ്ക്ക് വേണ്ടി. എനിക്ക് ജീവൻ നൽകി എനിക്ക് വേണ്ടി മാത്രം ജീവിക്കുന്ന എന്റെ അമ്മയ്ക്ക് വേണ്ടി മനസറിഞ്ഞു പ്രാർത്ഥിക്കും.

\"നമി..\" കുളത്തിനരികിൽ കാല് വെള്ളത്തിലിട്ട് തത്തി കളിച്ചുകൊണ്ടാണ് ഈ ആലോചനയൊക്കെ നടത്തിയത്. വിളിച്ചത് അമ്മയാണ്. നവമി എന്ന എന്നെ നമി എന്നേ അമ്മ വിളിക്കു.

അമ്മ ഭൈമി... അമ്മയുടെ ഉദരത്തിൽ ഒരു ഏകാദശി നാളിൽ പിറവിയെടുത്ത് വേറൊരു നവമി നാളിൽ ഭൂമിയെ കണ്ട.... ഭൈമിയുടെ മകൾ നവമി...🌼

പറഞ്ഞത് പോലെ തന്നെ കാര്യം ഉണ്ണിക്കണ്ണന് മുന്നിലെത്തിയപ്പോൾ ഞാൻ എല്ലാം മറന്നു. അതെങ്ങനെയാ ആ സൗന്ദര്യത്തിൽ ഞാൻ അങ്ങ് മതി മറന്നു പോകും. നിക്ക് ന്റെ കണ്ണനെ തൊഴുതാലും തൊഴുതാലും മതി വരില്ല .

എന്നാലും ആരും കേൾക്കാതെ എനിക്ക് എന്റെ ഉണ്ണിക്കണ്ണനോട് ഒരുപാട് പറയാനുണ്ട്. വേറൊന്നുമല്ല എന്റെ അമ്മയെ കുറിച്ച് മാത്രം.... ഞാൻ പറയാതെ അറിയാലോ എന്റ്റെ കണ്ണാ. പതിവ് എല്ലാരുടെയും പോലെ കേട്ട് തഴമ്പിച്ച പ്രാർത്ഥന അല്ലെന്നേ. എന്റെ പ്രാർത്ഥന എന്നും വ്യത്യസ്തമല്ലേ. അത് തന്നെ എന്റെ അമ്മയ്ക്ക് ഒരു കൂട്ട്. ഈ ജീവിതത്തിൽ ഒരു പാതി. കൂടെ എനിക്കും തുണയായി ഒരച്ഛൻ.

പറഞ്ഞു പറഞ്ഞ് എന്റെ കണ്ണനെ വരെ ഞാൻ കരയിച്ചുവല്ലേ എവിടെ എന്നും കേൾക്കുന്ന ആൾക്ക് ഇതൊരു പുത്തരിയാണോ. കേൾക്കാതിരിക്കാൻ ഒന്ന് ഉറക്കെ കുഴലൂതും കള്ളൻ എന്റെ കണ്ണൻ.

കണ്ണ് ചിമ്മി തല അനക്കി കണ്ണനോട് മൗനമായി പരിഭവം ചൊല്ലുന്ന മകളെ ഭൈമി ചിരിച്ചു കൊണ്ട് നോക്കി. ചുറ്റമ്പലത്തിനു വലം വെക്കാൻ തുടങ്ങി.

🌼🌼🌼🌼🌼🌼🌼🌼🌼🌼🌼🌼🌼🌼🌼

കായലിനരികത്ത് പഴയ പ്രതാപത്തോടെ പുതിയ പ്രൌഡിയോടെ തലയെടുത്തു നിൽക്കുന്ന മനയ്ക്കൽ തറവാട്. അകത്തളത്തിൽ പൊന്നിൻ വളയിട്ട കൈകളിൽ അലക്കി തേച്ച വെള്ള ജുബ്ബയും മുണ്ടുമായി കോവണി പടി കയറുകയാണ് രാധിക.

ആദ്യം കണ്ട മുറിയുടെ വാതിലിൽ കനത്തിൽ മുട്ടി ശബ്ദമുണ്ടാക്കി..

\"രുദ്രാ... നീ എഴുന്നേൽക്കുന്നില്ലേ.. മണി എത്ര ആയെന്ന വിചാരം...\"

ഉറക്കചടവോടെ നാൽപത്തി അഞ്ചു വയസ് പ്രായം തോന്നിക്കുന്ന രുദ്രൻ കതക് തുറന്ന് സഹോദരിയെ നോക്കി... \"എന്താ രാധു കാര്യം. ഈ ജുബ്ബയും മുണ്ടും എനിക്ക് വേണ്ട എനിക്ക് വയ്യ...\" വീണ്ടും കതക് ചാരി നേരെ കട്ടിലേക്ക്...

അതെങ്ങനെയാ വയസ് കൂടുന്നതൊന്നും നിനക്ക് ചിന്ത ഇല്ലല്ലോ
കാണുന്നോർ എന്താ കരുതാ പെങ്ങന്മാരെ കെട്ടിക്കാൻ നിന്നിട്ട് ചെക്കന് വയസായിന്നു. കാര്യം ശരിയാണെ അവനുള്ളത് ഞങ്ങൾ രണ്ട് ചേച്ചിമാരാണ്. മൂത്തത് രേണുക ചേച്ചി.. ഞാനും അവനുമൊക്കെ രേണുന്നു വിളിക്കും. ഞാൻ രണ്ടാമത്തെ ചേച്ചി രാധിക എന്നേ ആണേൽ എല്ലാരും രാധുന്നു വിളിക്കും.

ദാണ്ടേ അവിടെ ഇരിക്കുന്നതാണ് എന്റെ ഭർത്താവ് ഗോപിയേട്ടൻ അടുത്തിരുന്നു പത്രത്തിലേക്ക് ഏന്തി നോക്കുന്നത് എന്റെ ഒരേയൊരു മകൻ സച്ചി. നേരെ ചൊവ്വേ വായിക്കില്ല ചെക്കൻ അച്ഛൻ വായിക്കുമ്പോൾ ഒളിഞ്ഞു നോക്കാനാണ് അവനിഷ്ടം...

എടാ സച്ചി... നിന്റെ മാമനെ വേണമെങ്കിൽ ഒരുക്കിക്കോ എന്നേ കൊണ്ട് വയ്യ...

സച്ചി എഴുന്നേറ്റ് മുണ്ട് മടക്കി കുത്തി അമ്മയുടെ കയ്യിലെ തേച്ചു മിനുക്കിയ ജുബ്ബയും മുണ്ടുമായി നേരെ മാമന്റെ മുറിയിലേക്ക്..

കട്ടിലിൽ കിടക്കുന്ന ആളെ വലിച്ച് എഴുന്നേൽപ്പിച്ചു.

ദേ രുദ്ര മാമ ഒരു കാര്യം ഞാൻ തുറന്ന് പറയാം. എനിക്ക് വഴി മുടക്കിയായി ഇങ്ങനെ. പെണ്ണ് കെട്ടാതിരുന്നാൽ ഞാൻ വല്ല അവിഹിതവും വരുത്തി പിടിച്ചു കെട്ടിക്കും...പിന്നെ അറിഞ്ഞില്ല കണ്ടില്ലാന്നു വേണ്ട....

❤️❤️
🌼 വെറുതെ മനസിൽ തോന്നിയതാണ് ചെറിയ ഒരു ലവ് സ്റ്റോറി..