🌼🌼🌼🌼

കട്ടിലിൽ കിടക്കുന്ന ആളെ വലിച്ച് എഴുന്നേൽപ്പിച്ചു.

ദേ രുദ്ര മാമ ഒരു കാര്യം ഞാൻ തുറന്ന് പറയാം. എനിക്ക് വഴി മുടക്കിയായി ഇങ്ങനെ. പെണ്ണ് കെട്ടാതിരുന്നാൽ ഞാൻ വല്ല അവിഹിതവും വരുത്തി പിടിച്ചു കെട്ടിക്കും...പിന്നെ അറിഞ്ഞില്ല കണ്ടില്ലാന്നു വേണ്ട....

സഹികെട്ട രുദ്രൻ കട്ടിലിൽ നിന്ന് എഴുന്നേറ്റിരുന്നു... ദേ സച്ചി.. എനിക്ക് വയ്യാട്ടോ. ഇങ്ങനെ ഓരോ ഞായറാഴ്ച എന്നെ കെട്ടി ഒരുക്കി കൊണ്ട് പോകാനാണ് ഉദ്ദേശമെങ്കിൽ ഞാൻ ആ ക്ലിനികിൽ സ്ഥിര താമസമാക്കും.. നോക്കിക്കോ...

എന്നെ പേടിച്ച് ആ മുണ്ട് ജുബ്ബയും മാറാൻ പോകുന്നതാണ് എന്റെ രുദ്ര മാമൻ. ആളൊരു പാവമാ.. കുട്ടികളുടെ ഡോക്ടറാണ് കുട്ടികളെ പോലെയാണ് ആ മനസും. സംഗതി എന്താന്ന് വെച്ചാൽ എന്റെ അമ്മയുടെയും രേണുമ്മ അമ്മേടെ ചേച്ചി രണ്ട് പേരുടെയും. കല്യാണം ബാക്കിയൊക്കെ നടത്തിയത് മാമൻ ഒറ്റയ്ക്കാണ്. മുത്തശ്ശൻ അവരുടെ ചെറുപ്പത്തിലേ പോയി. അങ്ങനെ ഓരോന്ന് പറഞ്ഞ് നീട്ടി മാമന്റെ വയസ് ഈ മിഥുനത്തിൽ നാൽപതിയാറ് കഴിഞ്ഞു. എവിടെയോ ഒരു പ്രണയ നൈരാശ്യം ഉണ്ടോന്ന് എനിക്ക് സംശയുണ്ട്. കാണാൻ പോയ പെണ്ണിനെ ഒന്നും പുള്ളിക്ക് പിടിക്കില്ല. അവസാനം എന്നെ നോക്കിയൊരു പറച്ചിൽ... നീ കെട്ടാനായെങ്കിൽ കെട്ടിക്കോ എന്റെ സച്ചിയെ....എന്തിനാടാ ഇനിയും പെൺകുട്ടിയോളുടെ ശാപം കൂടി എനിക്ക് വാങ്ങി തരുന്നേ. ഇത് കേൾക്കുമ്പോൾ ഞാൻ കെട്ടാൻ മുട്ടി നില്കുവാണെന്ന് ആരും കരുതേണ്ട. മാമന് ഒരു ജീവിതം ഉണ്ടാക്കി കൊടുക്കാതെ ഈ സച്ചിക്ക് വിശ്രമമില്ല. ...

രുദ്രൻ മുണ്ടും ജുബ്ബയും മാറി അലസമായി പാറി കളിക്കുന്ന മുടി ചീകിയൊതുക്കി. ജനൽ അഴികൾക്ക് ഇടയിലൂടെ പുറത്തേക്ക് കണ്ണോടിച്ചു.

മുറ്റത്തെ തൊടിയിൽ വെള്ള മന്ദാരം പൂത്തു നില്കുന്നു. ഓരോ പുഷ്പങ്ങൾ ഭൂമിക്ക് ചുംബനം നൽകാൻ താഴോട്ട് പതിക്കുന്നു.

എന്നെ തനിച്ചാക്കി നീയും പൂവിട്ടു എന്റെ മന്ദാരമേ.... സമയം ആരെയും കാത്തു നിൽക്കില്ലെന്ന് നീയും തെളിയിച്ചു തന്നു. ഒരു നാൾ പൂവിട്ടു മതി വരുമ്പോൾ നീയും നിലം പതിക്കും. ഒരിക്കലും പുഷ്പിക്കാത്ത പ്രണയവുമായി ഈ ഞാനും ....🌼

അവന്റെ മനസിലൂടെ ഒരു പച്ച പട്ടു പാവാടക്കാരി മിന്നി മാഞ്ഞു. വാലിട്ട് എഴുതിയ കരിമിഴികൾ.. ഇരു ഭാഗത്തും മുടി പിന്നിയിട്ടു. കയ്യിലെ പുസ്തകം മാറോട് ചേർത്ത്  നിറയെ പച്ചയും ചുവപ്പും കലർന്ന കുപ്പി വള...

പൂക്കൾക്കിടയിലൂടെ നടന്ന് നീങ്ങുമ്പോൾ. ചെറുതായി വളർന്നു നിൽക്കുന്ന ഈ മന്ദാര ചെടി ഇരുവരുടെയും കൈകൾ ഒരുപോലെ ആ മന്ദാര ചെടിയിൽ സ്പർശിച്ചു.

എടുത്തോളൂ ഞാൻ വേറെ നോക്കിക്കോളാം.. ആദ്യമായി കേട്ട നിന്റെ ശബ്ദം എത്രയോ സത്യം നീ വേറെ നോക്കി. ഞാൻ എന്റെ പ്രണയത്തെ ഇന്നും നെഞ്ചിൽ കൊണ്ട് നടക്കുന്നു. മറ്റൊരുവന്റേത് ആണെന്നറിഞ്ഞിട്ടും വർഷമേറെ കഴിഞ്ഞിട്ടും മനസിനെ പറഞ്ഞു പഠിപ്പിക്കാൻ ആവുന്നില്ല പെണ്ണേ. നീയെനിക്ക് നൽകിയ പ്രണയം എന്നും എന്റേത് മാത്രം. നീ തനിചാക്കിയ രുദ്രൻ തോറ്റു പോകുന്നു അതും നീ നൽകിയ പ്രണയത്തിനു മുന്നിൽ മാത്രം... ...

കണ്ണിൽ നിന്ന് ഒരിറ്റ് കണ്ണീർ നിലത്തേക്ക് വീണുടഞ്ഞു. ഒപ്പം ഒരു മന്ദാരവും പൂവ് താഴേക്ക് പതിച്ചു.🌼

അപ്പുറത്ത് നിന്ന് രാധു രേണുവിനെ ഫോൺ ചെയ്യുകയാണ്. അവൾ ഗൾഫിൽ ഭർത്താവിന്റെ കൂടെയാണ്. ഇവിടുത്തെ കാര്യമൊക്കെയും രുദ്രനെയും നോക്കുന്നത് രാധുവാണ്. ഇളയ ചേച്ചി ആണെങ്കിലും രുദ്രന് അമ്മയുടെ സ്ഥാനത്താണ് രാധു.

രേണു ചേച്ചി കല്യാണം കഴിഞ്ഞപ്പോഴേ ഭർത്താവിന്റെ കൂടെ വിദേശത്താണ്. പെണ്ണ് കാണാൻ പോകുന്നതിനെ പറ്റി രേണുവിനോട് എല്ലാ വിവരങ്ങളും പറഞ്ഞു കൊടുക്കുവാണ് രാധു .

\"രേണു...ഇന്ന് നമ്മുടെ രുദ്രൻ കാണാൻ പോകുന്ന ഒറ്റ മോളാണ് ടീച്ചറാണ്. പഠിപ്പും ചേച്ചിമാരുടെ വിവാഹോം കഴിഞ്ഞപ്പോൾ വയസ്സ് ഇച്ചിരിയായി. മുപ്പത്തിയഞ്ചു കഴിഞ്ഞുന്ന ബ്രോക്കർ പറഞ്ഞേക്കുന്നെ. ഇവനും ആയില്ലേ രേണു ഈ മിഥുനത്തിൽ നാൽപതിയാറ് തികഞ്ഞു...\"

\"അതേടി രാധു ഇതെങ്കിലും ഒന്ന് ശരിയായാൽ മതി...\". അനിയത്തിയുടെ സംസാരം ശരി വെച്ച് ഫോൺ കട്ട് ചെയ്തു. ഇരുവരുടെയും മനസ്സിൽ. സഹോദരന്റെ ജീവിത സ്വപ്നങ്ങളായിരിന്നു.


🌼🌼🌼🌼🌼🌼🌼🌼🌼🌼🌼🌼🌼🌼🌼

എന്റെ ഉണ്ണിക്കണ്ണാ സമയം എട്ടു കഴിഞ്ഞല്ലോ ഈ അമ്മ എന്തിയെ എന്നെ വിളിക്കാതിരുന്നേ... അമ്മേ... ഓഹ് ഇവിടുണ്ടായിരുന്നോ. രാവിലെ തന്നെ തിരക്കിലാണോ എന്റെ അമ്മ..

\"നിനക്ക് ഇന്ന് ക്ലാസ്സില്ലല്ലോ നമി അതാണ് അമ്മ ഉണർത്താതിരുന്നേ. അമ്മയ്ക്ക് ഇന്നുടെ അല്ലേ ഇവിടെ ജോലിയുള്ളു. എല്ലാം ശരിയാക്കി വേഗം അവിടുന്നിറങ്ങണം. ഉണ്ണിക്കണ്ണനോട് കൊഞ്ചി നിൽക്കാതെ നേരത്തും കാലത്തും വല്ലതും കഴിക്കാൻ നോക്ക്. അതുപോലെ അമ്മ വരുമ്പോഴേക്കും എല്ലാം പാക്ക് ചെയ്യണം. സമയം ഒട്ടും കളയരുത്....\"

പോകാനൊരുങ്ങിയ അമ്മേടെ സാരി എന്താ ഇങ്ങനെ ആ ഞൊറിവൊക്കെ നേരെ അങ്ങട് വരട്ടെ. എന്റെ കണ്ണാ ഈ ഭൈമി എപ്പഴാ ഇനിയൊന്നു സാരി ഉടുക്കാൻ പഠിക്കണത്..

കൊഞ്ചി നിൽക്കുന്ന മകളുടെ കവിളിൽ ചുംബിച്ച് ചുമരിൽ പതിച്ചിരിക്കുന്ന മോളുടെ അച്ചനെ ഒന്ന് തൊഴുതു ഭൈമി പുറത്തേക്ക് നടന്നു.

കണ്ടല്ലോ ഇതാണെന്റെ അമ്മ ഒരു പാവമാ. ഇവിടെ ഹെൽത്ത്‌ സെന്ററിൽ നേഴ്സ് ആണ്. ഇന്നുടെ ഇവിടുള്ളൂ. ട്രാൻസ്ഫറായി ഇനി നേരെ അങ്ങ് ആലപ്പുഴ എന്തോ അമ്മയ്ക്ക് അത്ര തൃപ്തി പോരാ. എനിക്ക് എന്നും എന്റെ അമ്പലപ്പുഴ ഉണ്ണിക്കണ്ണനെ തൊഴാലോ എന്നാലോചിക്കുമ്പോൾ എന്റെ മനസ്സിനൊരു കുളിരാണ്. ആഴ്‌ചയിലോ മാസത്തിലോ പോകാറുള്ള ഞാൻ ഇനി പറ്റുമ്പോഴൊക്കെ ന്റെ കണ്ണനെ കാണാൻ ഓടി പോവും.

ഞാൻ ഡിഗ്രിക്ക് പഠിക്കുവാണ് ഇനി കോളേജും മാറണം കൂട്ടുകാരൊന്നുമില്ലാത്തത് കൊണ്ട് ആ വിഷമം ഒന്നുമില്ല. എനിക്ക് എന്നും കൂട്ട് എന്റെ അമ്മയും ഉണ്ണിക്കണ്ണനും മാത്രം...

ഇനി എന്റെ അച്ഛനെ കാണേണ്ടേ. ഈ ചുമരിൽ കിടക്കുന്ന ഫോട്ടോ മാത്രമേ എനിക്കും ഓർമ്മയുള്ളു. അമ്മ പറയും ഉഗ്ര ശബ്ദം ഉണ്ടെന്നേയുള്ളു ആള് പഞ്ച പാവമാ. അത് പിന്നെ എന്റെ അച്ഛൻ അല്ലേ അങ്ങനെ വരൂ...എനിക്ക് ഒരു വയസ് തികയും മുൻപേ പോയി അറ്റാക്ക് ആയിരുന്നു. എനിക്കൊട്ടും ഓർമ്മയില്ലാട്ടോ ..

പിന്നെ അച്ഛന്റെ തറവാട്ടിന്നു അമ്മ എന്നെയും കൊണ്ട് ഇറങ്ങിന്ന അമ്മ പറേണത്. എനിക്ക് തോന്നണത് അവരൊക്കെ എന്റെ അമ്മയെ തറവാട്ടിന്നു ഇറക്കി വിട്ടതാവും ഇതുവരെ എന്നെയൊന്നു കാണാൻ പോലും ആരും വന്നില്ല. വലിയ തറവാടാണ് അവിടുത്തെ ഒരേയൊരു ആൺതരിയായിരുന്നു എന്റെ അച്ഛൻ... പാവം എന്റെ അമ്മ ഞാൻ ജനിച്ചിട്ട് അത്രയും നാളെ എന്റെ അച്ഛനെ കാണാനുള്ള ഭാഗ്യമുണ്ടായിട്ടുള്ളു . എനിക്ക് വേണ്ടി മാത്രം ജീവിക്കുന്നു.

പാവല്ലേ എന്റെ അമ്മ....ഇങ്ങനെ ജീവിക്കാതെ എന്റെ അമ്മയ്ക്കും ഒരു ജീവിതം വേണം. ആ ഒറ്റ പ്രാർത്ഥന മാത്രമേ കണ്ണനോട് എനിക്കുള്ളൂ. എനിക്കും എന്റെ അച്ഛനെ പോലൊരു ആളെ കിട്ടാൻ കൊതിയാവുന്നു.

എന്റെ ഉണ്ണിക്കണ്ണാ എന്റെ അമ്മ അത്ര പാവമൊന്നുല്ലാട്ടോ. ഒരുട്ടം ചെയ്യാൻ ഏൽപ്പിച്ചിട്ട പോയേക്കുന്നെ. ഇത് വാടക വീടാണ്. നമ്മൾ നാളെ കാലത്ത് ഇവിടുന്ന് ഇറങ്ങുമ്പോൾ എല്ലാം വൃത്തിയാക്കി കൊടുക്കണം. തുണിയൊക്കെ പാക്ക് ചെയ്യാൻ വേറെയുമുണ്ട്.. ഞാൻ എന്റെ പണിയിലേക്ക് കടക്കട്ടെ. ഇല്ലെങ്കിൽ ആ മിണ്ടാ പൂച്ച ഭൈമി എന്നെ എപ്പോ കൊന്നുവെന്ന് ചോദിച്ചാൽ മതി...

🌼🌼🌼🌼🌼🌼🌼🌼🌼🌼🌼🌼🌼🌼🌼

അമ്പലപ്പുഴ ഹെൽത്ത്‌ സെന്ററിലേക്ക് നവമിയുടെ അമ്മയ്ക്ക് ട്രാൻസ്ഫർ. ഭൈമിക്ക് ഇപ്പോഴുള്ളിടത്ത് നിന്ന് മാറാൻ ഒട്ടും താത്പര്യമില്ല. എന്നാൽ ഈ ട്രാൻസ്ഫർ ഒഴിവാക്കിയാൽ ജോലിയെ ബാധിക്കും.

നവമിയുടെയും അമ്മ ഭൈമിയുടെയും യാത്ര ഇനി അമ്പലപ്പുഴയിലേക്ക്  അവൾക്കായി ഉണ്ണിക്കണ്ണൻ കരുതി വെച്ചിരിക്കുന്നത് എന്തൊക്കെയാണാവോ.

ആലപ്പി റെയിൽവേ സ്റ്റേഷനിൽ ട്രെയിൻ ഇറങ്ങി നേരെ ഒരു ഓട്ടോയിലേക്ക് കയറി. അവിടുന്ന് പിന്നെ ബോട്ടിലാണ് യാത്ര. 

ബോട്ടിൽ ഇരുന്ന് കായലിന്റെ ഭംഗി ആസ്വദിക്കുകയാണ് നവമി.... എന്ത് രസാല്ലേ കാണാൻ. കായലിലേക്ക് ഓരം ചേർന്ന് നിൽക്കുന്ന തെങ്ങുകൾ. പ്രകൃതി സൗന്ദര്യം മൊത്തം പകർത്തിവെച്ച ആലപ്പുഴ. ഇനിയെന്നും കോളേജിലേക്ക് ബോട്ട് യാത്രയാണ്. എന്നുമുള്ള ബോട്ട് യാത്ര നല്ല രസായിരിക്കും.

പുറത്തേക്ക് തലയിട്ട് കൊച്ചു കുട്ടികളെ പോലെ ഓരോന്നും ആസ്വദിക്കുന്ന മകളെ ഭൈമി സീറ്റിലേക്ക് പിടിച്ചിരുത്തി.

ഭൈമിയുടെ മനസ് ആകുലമായിരിന്നു. ഓർമ്മകൾ പുറകോട്ട് പോകുമ്പോൾ കടത്തു തോണി തുഴഞ്ഞു പോകുന്ന ഒരു പൊടി മീശക്കാരൻ. മറുവശത്ത് അവനിലേക്ക് കണ്ണ് നട്ടിരിക്കുന്ന ഒരു പാവാടക്കാരി.

പ്രിഡിഗ്രി കഴിഞ്ഞപ്പോൾ ആങ്ങളമാരുടെ ഇഷ്ടത്തിന് പഠിത്തം നിർത്താൻ പോയതാണ്.

ഭൈമി... നിനക്ക് നഴ്സിംഗാണ് പറ്റിയ ജോലി. ആര് എതിർത്താലും തുടർന്ന് പഠിക്കണം. എന്റെ എല്ലാ സഹായത്തോടൊപ്പം ഞാനും കൂടെയുണ്ടാകും...

🌼🌼🌼🌼🌼🌼🌼🌼🌼🌼🌼🌼🌼🌼🌼
❤️❤️ 💖🌼💖