പെട്ടന്നാണ് എന്റെ സോങ് ലിസ്റ്റിലെ അടുത്ത പാട്ട് വന്നത്.

     \"ചിന്ന ചിന്ന ആസയ്.............

എന്റെ ഏറ്റവും പ്രിയപ്പെട്ട പാട്ടുകളിൽ ഒന്നാണ് അതിന്റ ഓരോ വരിയിലും എനിക്ക് കാണാൻ ഏറെ സ്വപ്നങ്ങൾ ഉണ്ടായിരുന്നു. ആദ്യമായി ഞാൻ ഈ ഹൈറേഞ്ചിന്റെ വഴികൾ കടന്നു വന്നത് ഇന്നും ഞാൻ ഓർക്കുന്നു. എനിക്ക് അന്ന്  എട്ടു വയസ്സ്, എന്റെ ജീവിതത്തിൽ ഏറ്റുവും ആദ്യമായി ഒരു വിനോദ യാത്രകെന്നപോലെ അമ്മയുടെ ജന്മനാട്ടിലേക്കു ഞാൻ അന്ന് വന്നു.    

     മഞ്ഞു മൂടിയ മലനിരകൾ, പരവധാനി പോലെ പരന്നുകിടക്കുന്ന തൈല തോട്ടങ്ങൾ, തലയിൽ പ്ലാസ്റ്റിക് ചാക്കും ധരിച്ചു വരിവരിയായി നടന്നു നീങ്ങുന്ന കുറെ സ്ത്രീകൾ, രാത്രികാലങ്ങളിൽ അടുത്തു കാണാനാകുന്ന നക്ഷത്രലോകം എന്നിങ്ങനെ എന്റെ കുഞ്ഞുമനസിനെ വശികരിക്കാൻ ഒരുങ്ങി നിന്ന ഒരുപാട് കാഴ്ചകൾ ഉണ്ടായിരുന്നു. അതൊക്കെ എന്നിലേക്ക്‌ ആഴ്ന്നു ഇറങ്ങുകയായിരുന്നു.

     സമയം 1 മണി ബസ് നെടുങ്കണ്ടം ബസ് സ്റ്റാന്റ് എത്തി. കാഴ്ച്ചകളിലും പാട്ടിലും ലയിച്ചു പോയതുകൊണ്ട് ഇവിടെ എത്തിയത് പോലും അറിഞ്ഞില്ല. എന്തായാലും കോമ്പയാറ് വരെ ചെല്ലേണ്ടതായത് കൊണ്ട് വീട്ടിൽ ഊണ് കിട്ടുന്ന പതിവ് കടയിൽ നിന്ന് തന്നെ കഴിക്കാൻ തീരുമാനിച്ചു.

കോമ്പയരിലേക്കുള്ള ബസ് യാത്രയേക്കാൾ എനിക്കിഷ്ടം ജീപ്പിൽ പോകുന്നതാണ്. അതി സാഹസികമായി അവർ ജീപ്പ് ഓടിക്കുന്നത് കാണുന്നത് തന്നെ ഒരു രസമാണ്. ഓരോ മലയിടുക്കുകളും താണ്ടി ചെറിയ നീർ തൊടുകളിലെ വെള്ളം തെറുപ്പിച്ചും പോകുമ്പോൾ വണ്ടിയുടെ പിന്നിലിരുന്നു. നെഞ്ചിടിപ്പ് അളക്കാനും ആസ്വാധിക്കാനുമാണു എനിക്ക് പ്രിയം.