\"ഒന്നുമില്ല വെറുതെ
ചോദിച്ചെന്നേയുള്ളു. അല്ലേലും ആത്മാർത്ഥ പ്രണയമൊന്നും ഇയ്യാളെ പോലുള്ള പെണ്ണുങ്ങൾ തിരിച്ചറിയില്ലല്ലോ. 

ഇയ്യാളെ പോലുള്ളവർക്ക് സ്നേഹിക്കുന്നവരുടെ മനസ്സ് കാണാനാല്ലല്ലോ, അത് വേദനിപ്പിക്കണല്ലേ അറിയൂ. 
ശെരി എന്നാ,
ഞാൻ പോകുവാ..... \"

റിച്ചു നടന്ന് പോകാൻ തുടങ്ങുന്നു. 

എടൊ ,  നിൽക്കേടോ പറയട്ടെ....

\"എന്താ...\"

\"സോറി....\"

\"എന്തിന്...\"

\" അന്ന്  ഞാൻ അങ്ങനെയൊക്കെ പറഞ്ഞതിന്.  പെട്ടന്ന്  ദേഷ്യം വന്നപ്പോൾ, തന്നെ ഒഴിവാക്കാൻ വേണ്ടിയാണു അന്ന് അങ്ങനെയൊക്കെ പറഞ്ഞത് .\"

\"ഏയ്.....,
അത് സാരമില്ല,  താൻ അന്ന് അങ്ങനെയൊക്കെ പറഞ്ഞതിന്  ശേഷമാ, ഞാൻ   ജീവിതത്തെ പറ്റി ചിന്തിച്ചു തുടങ്ങിയത്.\"

\"ചുമ്മാ....\"

\"സത്യമാടോ....,
പിന്നെ താൻ പപ്പയെ പേടിച്ചു പ്രണയിക്കാതിരിക്കരുത്.  അതിന്റ ഒരു ഫീൽ അനുഭവിച്ചു തന്നെ
അറിയണം.\"

\"കൺ മുന്നിൽ തന്നെ ഉണ്ടല്ലോ ഒരു അനുഭവം, ദേ കിടക്കുന്നു.
(ദിയ അവളുടെ ചേച്ചിയുടെ കല്ലറ കാട്ടി കൊണ്ട് പറയുന്നു. )

\"പിന്നെ ഞാനും ഒരു പ്രണയിച്ചിട്ടൊക്കെയുണ്ട്. 
പ്ലസ്‌ ടുവിൽ പഠിക്കുമ്പോൾ.
അജു സെബാസ്റ്റ്യൻ.  പഠിക്കാൻ മിടുക്കനായിരുന്നു, കാണാൻ നല്ല ഭംഗി ആയിരുന്നു, പൂച്ച കണ്ണൻ.
ഞാൻ അവന്റ പിന്നലെ നടന്നു. 


അവനെ ഇമ്പ്രെസ്സ് ചെയ്യാൻ ഞാൻ എന്തൊക്കെ ചെയ്യാൻ പറ്റുമോ അതൊക്കെ ചെയ്തു.

അവസാനം അവനെന്നെ ഇഷ്ടാണെന്ന് പറന്നു.  എനിക്ക് ഈ ലോകം കീഴ്ടാക്കിയത് പോലുള്ള സന്തോഷമായിരുന്നു.

ഞങ്ങളുടെ പ്രണയം പൂവിട്ട് വരുന്ന സമയത്തായിരുന്നു. ചേച്ചിയുടെ പ്രശ്നം നടക്കുന്നത്. 

ഈ കാര്യങ്ങളൊക്കെ  അറിഞ്ഞപ്പോൾ അവൻ എന്നെ നൈസായിട്ട് തേച്ചു.

അങ്ങനെ ആർക്കുവേണ്ടിയും അവന്റ ജീവൻ കളയാനില്ലെന്ന് എന്റെ മുഖത്തു നോക്കി അവൻ പറഞ്ഞു.

ഇങ്ങനൊരു സ്വാർത്ഥനെ ആണല്ലോ ഞാൻ പ്രേണയിച്ചത് എന്നോർത്തപ്പോൾ എനിക്ക് എന്നോട് തന്നെ വെറുപ്പ് തോന്നി. ഞാൻ അവനെ സിൻസിയർ ആയിട്ടാണ് പ്രണയിച്ചിരുന്നത്.

അന്ന് ഞാൻ തീരുമാനിച്ചതാ, ഞാൻ കാരണം ഒരു കുടുംബത്തിന്റെ കണ്ണീർ വീഴാൻ സമ്മതിക്കില്ലെന്ന് .\" 

\"അപ്പോൾ   പ്രണയം നഷ്ടമാകുമ്പോൾ ഉണ്ടാകുന്ന വേദന താൻ
അറിഞ്ഞിട്ടുണ്ട്. \"

\"ആ....,
പക്ഷേ അത് ആ പ്രായത്തിലല്ലേ, അപ്പോഴത്തെ പ്രണയമൊന്നും അങ്ങനെ നിലനിൽക്കില്ലല്ലോ. \"

\"അല്ലേലും ദൈയ്‌വം എറിയാൻ അറിയാവുന്നവന്റെ കയ്യിൽ വടി കൊടുക്കത്തില്ലല്ലോ. 

തന്നെ ഞാൻ ആദ്യമായി കാണുന്നത് എവിടെ വെച്ചാണെന്നറിയോ.....
ഫർസാനയുടെ വീട്ടിൽ വെച്ച്. 

ആദ്യത്തെ കാഴ്ച്ചയിൽ തന്നെ   ഈ മുഖം എന്റെ മനസ്സിൽ ആഴങ്ങളിലേക്ക് തന്റെ വല്ലാണ്ട് ഇറങ്ങി ചെന്നിരുന്നു.

തന്റെ ആ മുഖം, ആ ചിരി അതെല്ലാം മനസ്സിൽ ഇങ്ങനെ മായാതെ നിന്നു.
താൻ ആരാണെന്നോ, എന്താണെന്നോ ഒന്നും എനിക്കറിയില്ല.

എന്നിട്ടും  ഒരു പ്രാന്തനെപ്പോലെ ഞാൻ എവിടെയൊക്കെയൊ തന്നെ തേടി നടന്നു.  അപ്പോഴും തന്റെ സാമ്പത്തിന്റെ തൂക്കമോന്നും എനിക്കറിയില്ലായിരുന്നു. 

ഒരുപാട് അന്നെഷിച്ചു. പക്ഷേ തന്നെ കണ്ടെത്താൻ കഴിഞ്ഞില്ല. ആ സമയം എന്റെ കുട്ടുകാർ പറഞ്ഞിരുന്നത് ചിലപ്പോൾ അത് നിന്റെ തോന്നൽ ആയിരുന്നിരിക്കാമെന്ന്.
അല്ലെന്ന്, ഒരായിരം പ്രാവശ്യം പറഞ്ഞിട്ടും ആരും വിശ്വസിച്ചില്ല.

പിന്നെ എനിക്കും തോന്നിതുടങ്ങി,
അവർ പറയുന്നത് പോലെ എനിക്ക് അന്ന് തോന്നിയതായിരുന്നോ വെന്ന്.

തന്നെ വീണ്ടും ഒരിക്കൽ കൂടി ഒന്ന് കാണിച്ചു തന്നാൽ മതിയെന്ന് വരെ ഞാൻ കർത്താവിനോട് പ്രാത്ഥിച്ചു.അതും വേളാങ്കണ്ണിവരെ പോയി. 

പിന്നെ തന്നെ വീണ്ടും കാണാൻ സാധ്യതയുള്ള ഒരിടം, അത് മൊയ്‌ദീൻ ഇക്കാന്റെ എൻഗേജ്മെന്റ് ദിവസമായിരുന്നു.


പെണ്ണുകാണാലിനു തന്നെ അവിടെ കണ്ട സ്ഥിതിക്ക്  എന്തായാലും ഇവിടെയും കാണാൻ കഴിയുമെന്ന് ഞങ്ങൾ  വിശ്വാസിച്ചു, അങ്ങനെ ദിവസങ്ങൾ എണ്ണി ഞാൻ കാത്തിരിന്നു .

എന്റെ പ്രതീക്ഷയൊക്കെ തെറ്റിച്ചുകൊണ്ട് അന്ന് അവിടെയും  തന്നെ കാണാൻ കഴിയാതെ വിഷമിച്ചു പുറത്തേക്ക് വരുമ്പോഴയിരുന്നു,
വീണ്ടും താനെന്റ മുന്നിൽ വന്നു നിൽക്കുന്നത്.

താൻ പറഞ്ഞത് പോലെ ലോകം കീഴടക്കിയ ആ സന്തോഷമായിരുന്നു എനിക്കപ്പോൾ.

പിന്നെ തന്റെ പിന്നാലെ നടന്നു. താനെനിക്ക് സ്വന്തമാകും എന്ന വിശ്വാസത്തോടെ,....
അതൊക്കെ താൻ മൂന്നുനാല് ഡയലോഗുകൾ കൊണ്ട്  ചാരമാക്കി.

അന്ന് താൻ പറഞ്ഞ വാക്കുകൾ ഇന്നും എന്റെ മനസ്സിൽ ഒരു മുറിവായി തന്നെയുണ്ട്.

  അന്ന് എല്ലാം നഷ്ടപ്പെട്ടവനെ പോലെയാണ് ഞാൻ അവിടെന്ന് പോന്നത്.

പിന്നെ,  താൻ പറഞ്ഞതിൽ എന്താ തെറ്റ് എന്ന് എന്റെ മനസ്സ് തന്നെ എന്നോട് ചോദിച്ചു തുടങ്ങി.

ഇയ്യാള് പറഞ്ഞത് പോലെ  കൽകാശിന് വിലയില്ലത്ത ഞാൻ തന്റെ പിറകെ നടന്നത് തന്നെ വലിയ തെറ്റ്.

ഇത് വരെ ജീവിച്ച ജീവിതം തിരിഞ്ഞു നോക്കിയപ്പോൾ ഞാൻ വെറും പാഴണെന്ന് മനസിലായി  .

തന്റെ ആ വാക്കുകൾ ജീവിക്കാനോരു ഊർജം  നൽകി. അതിന് ഞാൻ തന്നോട് താങ്ക്‌സാ പറയേണ്ടതാ .\"

അവർ സംസാരിച്ചുകൊണ്ടിരിക്കുമ്പോൾ 
റിച്ചുവിന്റെ ഫോണിലേക്ക് മേരി വിളിക്കുന്നു. അവൻ ആ കാൾ അറ്റൻഡ് 
ചെയ്യുന്നു.

\"ആ മാഡം....,
ദേ എത്തി. 
എന്നാ പിന്നെ ഞാൻ പോട്ടെ...\"

റിച്ചു ദിയയോട് യാത്ര പറഞ്ഞു പോകുന്നു. ദിയ റിച്ചുവിനെ തന്നെ നോക്കി നിൽക്കുന്നു. അവൻ പറഞ്ഞ വാക്കുകൾ അവളുടെ മനസ്സിനെ വല്ലാതെ ഡിസ്റ്റർബ് ചെയ്യുന്നു. 


നാട്ടിലേക്ക് എത്തി റിച്ചു  ദിയ പറഞ്ഞ കാര്യങ്ങളൊക്കെ കൂട്ടുകാരോട് ഷെയർ ചെയ്യുന്നു.

\"പാവം....,
അവൾ അതുകൊണ്ടാകും നിന്നെ ഒഴിവാക്കിയത്\"

\"അവൾക്കറിയാം അവളുടെ തന്തപടി ഇവനെ വെച്ചേക്കില്ലെന്ന്. \"

\"ഡാ...,
കാര്യങ്ങളൊക്കെ അറിഞ്ഞ സ്ഥിതിക്ക്
ഇനി അവളുമായിട്ട് കൂടുതൽ അടുപ്പമൊന്നും വേണ്ട, പറഞ്ഞത് കേട്ടല്ലോ.\"

\"ആ ശെരി....., \"

അന്നേദിവസം രാത്രി റിച്ചു ദിയ പറഞ്ഞ കാര്യങ്ങൾ ആലോചിക്കുന്നു. അതേ സമയം ദിയയും, റിച്ചു പറഞ്ഞ വാക്കുകൾ ഓർക്കുന്നു. അവൻ അവളെ തിരഞ്ഞു നടന്നതുമായ കാര്യങ്ങൾ.


പിന്നെ കോളേജിലേക്ക് വന്ന റിച്ചുവും, ദിയയും തമ്മിൽ നല്ല ഫ്രണ്ട്‌സ് ആകുന്നു. 


കുറച്ചു ദിവസങ്ങൾ കഴിഞ്ഞു പോകുന്നു.....



ഒരു ദിവസം റിച്ചു  കോളേജിൽ വെച്ച്
അവന്റ ഫോണിലെ ഒരു വീഡിയോ ദിയക്ക് കാണിച്ചു കൊടുക്കുന്നു.

ഒരു വീഡിയോ കണ്ടുകഴിഞ്ഞു  ദിയയുടെ കണ്ണുകൾ സന്തോഷം കൊണ്ട് നിറയുന്നുണ്ടായിരുന്നു .

(പ്രവീണിനെ കണ്ടെത്തി റിച്ചുവും ഫ്രൻസും നല്ലൊരു ഹോസ്പിറ്റലിൽ ആക്കിയിട്ടുണ്ടായിരുന്നു. )

ദിയ റിച്ചുവിനോട് താങ്ക്സ് പറയുന്നു.
ഇവർ സംസാരിക്കുന്നത് കണ്ടു കൊണ്ട് അഞ്ജുവും, ഫർസാനയും അവിടേക്ക് വരുന്നു. 

\"താങ്ക്സ് ഒന്നും വേണ്ട.
ഒരു ഫ്രണ്ട് എന്ന നിലയിൽ കാര്യങ്ങളൊക്കെ അറിയുന്ന ഞാൻ ഇതെങ്കിലും ചെയ്യണ്ടേ. 

പിന്നെ.....,
ഇയ്യാളുടെ മൊബൈൽ നമ്പർ കിട്ടിയാൽ ഉപകാരമായിരുന്നു. 

\"എന്തിനാ....\"

\"ഹോസ്പിറ്റലിൽ കൊടുക്കാൻ, വേണ്ടപ്പെട്ട ആരുടെയെങ്കിലും നമ്പർ കൊടുക്കണമെന്നാണ് പറഞ്ഞത്. \"

\"മം...,
ഫർസു....,
ശങ്കരൻ വീണ്ടും തെങ്ങിന്മേലാണല്ലോ.......\"

\"ശങ്കരൻ ആരാ നിന്റെ മാമനാ.... \"

ദിയ റിച്ചുവിന് ഒന്ന് നോക്കിയത് ശേഷം നമ്പർ കൊടുക്കുന്നു.


\"പിന്നെ....,
ആവശ്യമില്ലാതെ വിളിച്ചു ശല്യപെടുത്തിയാൽ ഞാൻ ബ്ലോക്ക് ചെയ്യും പറഞ്ഞേക്കാം. \"

\"ഹേയ്,
ഞാൻ അങ്ങനെയൊന്നും ചെയ്യില്ല. ആവശ്യത്തിന് മാത്രമേ വിളിക്കു.
പോട്ടെ....\"

\"പണിയാവോ.....,\"

\"ഏയ്.... \"

\"പറയാൻ പറ്റില്ല..... \"

                                      തുടരും........