\"ആൻ......\"

\"ടാ...,
ചിലപ്പോഴൊക്കെ നമുക്ക് പ്രിയപ്പെട്ടവർ നമുക്ക് എപ്പോഴും ഓർക്കാനുള്ള  നല്ല ഓർമ്മകൾ നൽകിയെ മടങ്ങാറുള്ളു.

അത് ചിലപ്പോൾ സന്തോഷിപ്പിക്കുന്നതാകാം, ചിലപ്പോൾ വേദനിപ്പിക്കുന്നതുമകാം. അതെന്തായാലും  അവരെ ഉള്ളുകൊണ്ട് വെറുക്കാൻ കഴിയില്ല.\"

സങ്കടപ്പെട്ടിരിക്കുന്ന ആനിനെ എന്ത് പറഞ്ഞു സമാധാപ്പെടുത്തണമെന്ന് അറിയാതെ റിച്ചു  അവളുടെ അടുത്തു  നിന്നും പുറത്തേക്ക് വരുന്നു.

പുറത്ത് ആനിന്റെ അപ്പൻ ഉണ്ടായിരുന്നു.
റിച്ചുവിനെ കണ്ടതും അദ്ദേഹം ചോദിക്കുന്നു. 

\"എന്തായി മോനെ അവള് ഹോസ്പിറ്റലിൽ പോകാമെന്നു സമ്മതിച്ചോ. \"

\"അവൾക്ക് ഇപ്പോൾ കുഴപ്പമൊന്നുമില്ല അങ്കിൾ. പിന്നെ ഉള്ളിൽ എന്തോ സങ്കടമുണ്ട് അതാണ്.....,

അങ്കിൾ  പേടിക്കണ്ട, ഞാൻ അവളോട് സംസാരിച്ചിട്ടുണ്ട്. ഇനി എന്തെങ്കിലും ആവശ്യമുണ്ടെങ്കിൽ  എന്നെ
വിളിച്ചാൽ മതി..
എന്നാ ഞാൻ പോട്ടെ അങ്കിൾ.......\"

\"മം... \"

ആ സമയം ആനിന്റെ ഫോണിലേക്ക് അവളോടൊപ്പം ബാങ്കിൽ വർക്ക്‌ ചെയ്തിരുന്ന ചേച്ചി വിളിക്കുന്നു.

ഒന്ന് രണ്ടു പ്രാവശ്യം ട്രൈ ചെയ്തതിന് ശേഷമാണ്  ആൻ ഫോൺ അറ്റന്റ് ചെയ്യുന്നത്. 

\"ഹലോ ചേച്ചി,
പറയൂ...\"

\"നീ എന്താ ഫോൺ എടുക്കാത്തത് ഞാൻ എത്ര നേരമായി വിളിക്കുന്നു \"

\"ഞാൻ കേട്ടില്ല  ചേച്ചി...\"

\"നിന്റെ സൗണ്ട് എന്താ വല്ലാതിരിരിക്കുന്നെ , \"

\"ഹേയ്, ഒന്നുമില്ല... \"

\"നീ റിച്ചുവിനോട് കാര്യം പറഞ്ഞോ\"

ആൻ ഒന്നും മിണ്ടുന്നില്ലായിരുന്നു.

\"ആൻ ഞാൻ ചോദിച്ചത് നീ
കേട്ടില്ലേ \'

\"ആ....\"

\"നീ റിച്ചുവിനോട് കാര്യം പറഞ്ഞായിരുന്നോ, അതോ ഇന്നും പറ്റിഞ്ഞില്ലേ....\"

\"ഏയ്,  എനിക്ക് ഇന്ന് പറയേണ്ടി വന്നില്ലേ ചേച്ചി.....,
അതിനു മുൻപേ അതിനുള്ള
ഉത്തരം കിട്ടി.\"

\"മനസ്സിലായില്ല.... \"

\"ചേച്ചി പറഞ്ഞത് പോലെയാ കാര്യങ്ങൾ , ഞാൻ  പറയാൻ വൈകിപ്പോയി ....., \"


\"എന്താടി,  എന്താ സംഭവിച്ചത്, നീ തെളിച്ചു പറയ്‌...\"

\" അവൻ  വേറെ ഒരു  പെൺകുട്ടിയുമായി പ്രണയത്തിലാണ്.
ചേച്ചി......\" 

നടന്ന സംഭവങ്ങൾ ആൻ ചേച്ചിയോട് പറയുന്നു. 


\"ആൻ....
നീ കരയാതെ...,....

നിന്നെ എന്ത് പറഞ്ഞാണ് സമാധാനിപ്പെടുത്തേണ്ടതെന്ന് എനിക്കറിയില്ല. 
എനിക്ക് അന്നേ ഈ കാര്യത്തിൽ സംശയമുണ്ടായിരുന്നു.

നിന്റെ വാക്കുകളിൽ നിന്നും നിന്റെ ഉള്ളിലെ സ്നേഹം  അവന് കണ്ടു പിടിക്കാൻ കഴിയാതിരുന്നപ്പോഴേ എനിക്ക്  മനസ്സിലായതാണ്.
അവർ നിന്നെ ആ സ്ഥാനത്തു
കണ്ടിട്ടുപോലും ഉണ്ടാകില്ലായെന്ന്. \'

ആൻ നമ്മൾ  വിചാരിക്കുന്നത് പോലെയല്ല  മറ്റൊരാളുടെ മനസ്സ്.

നമ്മൾ അറിയാതെ അവർക്കുള്ളിൽ അത്രമേൽ ആഴത്തിൽ മറ്റൊരാൾ കൂടി ജീവിക്കുന്നുണ്ടെന്ന്  തിരിച്ചറിയാൻ നമ്മളെ കൊണ്ട് കഴിയില്ല .\"

\" അല്ലേലും എന്നെ പോലെ ഒരാളെ പങ്കാളിയാക്കേണ്ട ഗതികേടൊന്നും ആവനില്ലല്ലോ ചേച്ചി . 

സൗഹൃദത്തെ പ്രണയമായി കണ്ടതാണ് ഞാൻ ചെയ്ത ഏറ്റവും വലിയ തെറ്റ്. 
ഞാൻ വെക്കുവാ ചേച്ചി....
ഒന്ന് കിടക്കണം. \"

\"ആൻ.....,
അരുതാത്തതൊന്നും  നീ
ചിന്തിക്കരുത് \"

\"എന്താ ചേച്ചി ഇത്....., 
എനിക്കറിയാം .ചേച്ചിക്ക് എന്നോടുള്ള സ്നേഹം കൊണ്ടാണ്  ഇങ്ങനെയൊക്കെ പറയുന്നതെന്ന്. 

ഞാൻ ഒന്ന് ഉറങ്ങി എഴുന്നേൽക്കുമ്പോൾ ഇതൊക്കെ ഒന്ന് മറക്കാൻ കഴിയുമോയെന്നു നോക്കട്ടെ\"

\"മം, ശെരി...\"

ഫോൺ വെച്ചതിന് ശേഷം ചേച്ചി മനസ്സിൽ  പ്രാർത്ഥിക്കുന്നു. 

! ദൈയ്‌വമേ ആ കുട്ടിക്ക് അരുതാത്ത ഒന്നും ചെയ്യാൻ മനസ്സുകൊടുക്കരുതേ, 
അവളുടെ മനസ്സിലെ സങ്കടം താങ്ങാനുള്ള കരുതും
നീ കൊടുക്കണമേ...!


റിച്ചുവിന് ദിയയോടുള്ള  പ്രണയം ആനിനെ വല്ലാതെ തകർക്കുന്നു.
ആൻ റിച്ചുവുമായുള്ള പഴയ  ഓർമ്മകളിൽ മുഴുകി ഇരിക്കുന്നു.

ആദ്യമായി അവൻ വീട്ടിലേക്ക് വന്നതും, അവർ കൂട്ടായതും,  ഒരുമിച്ചു നടന്നതും, അങ്ങനെ അവനുമായുള്ള എല്ലാ നല്ല മിനിഷങ്ങളും   അവൾ ഓർത്തെടുക്കുന്നു. 

കുഞ്ഞുനാൽ മുതലുള്ള അവരുടെ പഴയ ഫോട്ടോസ് എല്ലാം അവൾ നോക്കുന്നു.
അതിൽ നോക്കികൊണ്ട് അവൾ പറയുന്നു. 

! എന്നും ഇതുപോലെ നിനക്കൊപ്പം ചേർന്ന് നിൽക്കാനാണ് ഞാൻ ആഗ്രഹിച്ചത്.

നിന്നോടൊപ്പമുള്ള ജീവിതമാണ്  ഞാൻ കൊതിച്ചത്. എന്റെ നിർഭാഗ്യം കൊണ്ട്
നിന്നെ എനിക്ക് നഷ്ടപ്പെടുകയാണ്,  
നിനക്കായി എത്ര നാൾ വേണമെങ്കിലും ഞാൻ കാത്തിരിക്കുമായിരുന്നു.

എനിക്ക് സ്ഥാനമില്ലാത്ത ആ മനസ്സിൽ നിന്നും   മൗനമായി  ഞാൻ പിന്മാറുന്നതാണ്.  നിന്നെ എന്നും
എന്റെ ഹൃദയത്തിൽ തന്നെ
ഞാൻ സൂക്ഷിക്കും.!

ആൻ മേശ തുറന്നു അതിൽ നിന്നും ഒരു ബ്ലയ്ഡ് എടുത്ത് തന്റെ കൈ തണ്ട മുറിക്കുന്നു. 

ആ കാഴ്ച്ച കണ്ടുകൊണ്ട് റിച്ചു ഉറക്കത്തിൽ നിന്നും ഞെട്ടി ഉണരുന്നു. കണ്ടത് സ്വപ്നമാണെന്ന്  അറിയുമ്പോൾ  അവന് ആശ്വാസമാകുന്നു.

എന്നാലും അവന്റ മനസ്സിൽ എന്തോ ഒന്ന് അലട്ടിക്കൊണ്ടിരുന്നു. 

!ആൻ ആകെ സങ്കടത്തിലായിരുന്നു.
ഇനി  അവളെന്തെങ്കിലും.....,!

അവൻ വേഗം മുബൈലെടുത്ത്  ആനിനെ  വിളിക്കുന്നു. റിങ് പോകുന്നുണ്ടെങ്കിലും  അവൾ അറ്റന്റ് ചെയ്യുന്നില്ലായിരുന്നു. അവൻ വീണ്ടും രണ്ടുമൂന്നു തവണ ട്രൈ ചെയ്തു.

ഇവളെന്താ ഫോൺ എടുക്കാത്തത്.
! ഇനി കരഞ്ഞു തളർന്നു ഉറങ്ങിക്കാണുമോ,!
അവൻ വീണ്ടും വിളിക്കുന്നു.

ഫോൺ എടുക്കാതെ വന്നപ്പോൾ  നാളെ ചെന്ന് കാണാമെന്നു റിച്ചു മനസ്സിൽ കരുതി,    അവൻ വീണ്ടും കിടക്കുന്നു.

കിടന്നിട്ട്   അവന് ഉറക്കം വരുന്നില്ലായിരുന്നു.
അവൻ  വീടിന് പുറതേക്ക്‌ ചെന്നു വീണ്ടും വീണ്ടും അനിനെ ഫോണിൽ ട്രൈ ചെയ്യുന്നു.

അവൾ ഫോൺ എടുക്കാത്തതിൽ എന്തോ പന്തിക്കേട് തോന്നിയ റിച്ചു അവസാനം സഹികെട്ടു  അവളുടെ വീട്ടിൽ ചെന്നു കോണിങ് ബെൽ  അടിക്കുന്നു  .

വാതിൽ തുറക്കാത്തത് കൊണ്ട് വീണ്ടും വീണ്ടും അടിക്കുന്നു.

ബെൽ കേട്ട് ആനിന്റെ അപ്പൻ ഉണരുന്നു. അദ്ദേഹം സമയം നോക്കുമ്പോൾ  സമയം രാത്രി രണ്ടു മണി കഴിഞ്ഞിരുന്നു .

!ആരാ ഈ നേരത്ത്..!

റിച്ചു വീണ്ടും വീണ്ടും കോണിങ് ബെൽ അടിച്ചു കൊണ്ടേ ഇയിരുന്നു .
ആനിന്റെ അപ്പൻ വന്നു വാതിൽ തുറക്കുമ്പോൾ റിച്ചു മുന്നിൽ നിൽക്കുന്നു  . 

\"നീ ആയിരുന്നോ,  നീ എന്താ ഈ
നേരത്ത്\"


\"അങ്കിൾ ആൻ,....\"

\"എന്താടാ...\"

\"ഞാനൊരു  ദുസ്വപ്നം കണ്ടു, ആനിനു എന്തോ ആപത്ത് സംഭവിക്കുന്നതായിട്ട്, അതുകൊണ്ട്  കിടന്നിട്ട് ഒരു സമാധാനമില്ല. അവളെ വിളിച്ചിട്ടാണെങ്കിൽ ഫോണും എടുക്കുന്നില്ല. \"

അങ്ങനെ അവർ രണ്ടുപേരും കൂടി    ആനിന്റെ മുറിയുടെ വാതിലിൽ ചെന്നു മുട്ടുന്നു.

\"ആൻ..., മോളെ ആൻ
വാതിലൊന്ന് തുറന്നെ....\"

ഒരുപാട് പ്രാവശ്യം വിളിച്ചിട്ടും ആൻ വാതിൽ തുറക്കുന്നില്ല, റിച്ചു വീണ്ടും ഫോണിൽ ട്രൈ ചെയുന്നു.

\"ഫോൺ റിങ് ചെയ്യുന്നുണ്ടല്ലോ, പിന്നെന്താ അവൾ എടുക്കാതെ,\"

\" ടാബ്ലറ്റിന്റെ മയക്കാമായിരിക്കും
മോനെ \"

ആ സമയം റിച്ചു മനസ്സിൽ കരുതുന്നു

!അതിനു അവൾ ടാബ്ലറ്റ് ഒന്നും കഴിച്ചിട്ടില്ലല്ലോ!

\"അല്ല,  അങ്കിൾ എനിക്കെന്തോ , അവളെന്തിങ്കിലും കടുംകൈ ചെയ്യുമെന്ന പേടിയുണ്ട് ...,\"

\"എന്തിന്...... \"

റിച്ചു മറ്റൊന്നും സംസാരിക്കാൻ നിൽക്കാതെ ആനിന്റെ റൂമിലെ  വാതിൽ  അവൻ തല്ലി പൊട്ടിക്കുന്നു.

പൊട്ടിച്ചു അകത്തേക്ക് കയറിയ അവർ  ഞെട്ടി നിൽക്കുന്നു.   റിച്ചു സ്വപനത്തിൽ കണ്ടത് പോലെ സംഭവിച്ചിരിക്കുന്നു.  ആൻ കൈ ഞരമ്പുകൾ കട്ട്‌ ചെയ്ത നിലയിലായിരുന്നു.

ആ കാഴ്ച്ച കണ്ട്  ജോസഫ് 
നില വിളിക്കുന്നു. റിച്ചു അദ്ദേഹത്തെ
ആശ്വസിപ്പിക്കുന്നു. 

\"അങ്കിൾ ഒന്ന് സമാധാനപ്പട് അവൾക്കൊന്നും സംഭവിക്കില്ല നമുക്ക് വേഗം ഇവളെ ഹോസ്പിറ്റലിൽ എത്തിക്കാം,\"

റിച്ചു വേഗം ഒരു തുണികൊണ്ട് അവളുടെ കൈ കെട്ടി വെക്കുന്നു. അതിനുശേഷം വേഗം മുന്നയെ വിളിച്ചു  പറയുകയും, മുന്ന വേഗം കാറുമായി വരുന്നു.

എല്ലാവരും ചേർന്ന് എത്രയും വേഗം ആനിനെ ഹോസ്പിറ്റലിലേക്ക്
എത്തിക്കുന്നു .

                                       തുടരും......