\"ആൻ......\"

\"ചേച്ചി.......\"

\"എന്ത് പണിയാ മോളെ നീ ഈ കാണിച്ചേ ഞാൻ നിന്നോട്  പറഞ്ഞതല്ലേ അരുതാത്തതൊന്നും ചെയ്യരുതെന്ന്, നിനക്കെന്താ പറ്റിയത്...... \"

\"നിങ്ങൾ സംസാരിക്ക് ഞങ്ങൾ
പുറത്ത് നിൽക്കാം ...
വാ മോളെ...... \"

റിച്ചുവിന്റ അമ്മ,  റിയയെയും കൂട്ടി
റൂമിന് പുറത്തേക്ക് ഇറങ്ങുന്നു. 

 ആനും,ചേച്ചിയും സംസാരിക്കുന്നു.

\"നിന്നോട് ഞാൻ ചോദിച്ചത് കേട്ടില്ലേ ആൻ ...\"

\"ചേച്ചിക്ക്‌ അറിയാല്ലോ, ഞാൻ അവനെ എത്ര മാത്രം സ്നേഹിച്ചിരുന്നു
വെന്ന് ......\"

\"അതുകൊണ്ട്.....
ആൻ.....,
നീ   എന്തൊക്കെയാ ഈ കാട്ടി കൂട്ടുന്നത് നിനക്ക് തന്നെ അറിയില്ല.
നീ നിന്റെ അപ്പനെ ക്കുറിച്ച് മാത്രം ചിന്തിച്ചാൽ മതിയായിരുന്നല്ലോ.

നിന്റെ അമ്മ പോയിട്ടും മറ്റൊരു വിവാഹം കഴിക്കാതെ   നിനക്കായി മാത്രം ജീവിച്ച ആളാണ് നിന്റെ അച്ഛൻ.  ചാകാൻ തുടങ്ങുന്നതിനു മുൻപ് അദ്ദേഹത്തിനെ കുറച്ചെങ്കിലും നിനക്ക് ഓർക്കാമായിരുന്നു. 

നമ്മുടെതെന്ന് കരുതിയിരുന്ന ആൾ   നമ്മുടേത് അല്ലെന്ന് തിരിച്ചറിയുന്ന ആ നിമിഷം ഇറങ്ങി പോകേണ്ടത്  ആ ആളിൽ നിന്നുമാണ് അല്ലാതെ,
  നിന്റെ ജീവൻ നശിപ്പിച്ചല്ല. \"

എനിക്കതിന് കഴിയുന്നില്ല ചേച്ചി....
എനിക്ക് അവനോടുള്ള സ്നേഹം അത്രക്ക് മാത്രമാണ്. 
ആ സ്ഥാനത്ത് മറ്റൊരാർക്കും  ഇടം കൊടുക്കാൻ എനിക്ക് കഴിയില്ല. 
എനിക്ക് അവനോടുള്ള സ്നേഹം ഒരു ഭ്രാന്ത് പോലെയാണ്. \"


\"ഒരാളെ മാത്രം സ്നേഹിക്കുന്നത്, ജീവനായി കാണുന്നതും ഒന്നുമല്ല ഭ്രാന്ത് .
അയ്യാൾക്ക് വേണ്ടി ചുറ്റുമുള്ള  ഒരുപാടു പേരുടെ സ്നേഹവും,  കരുതലും കണ്ടില്ലെന്ന് വെക്കുന്നില്ലേ....
അതാണ് ശെരിക്കും ഭ്രാന്ത്..... 

ആൻ...,
നമ്മുക്കെന്തെങ്കിലും നഷ്ടമായാൽ, നമ്മിൽ നിന്നും ആരെങ്കിലും അകന്ന് പോയാൽ,  അത് നമുക്കുള്ളതായിരുന്നില്ല   എന്ന് കരുതിയാൽ തീരാവുന്ന പ്രശ്നമേയുള്ളൂ. 

ദേ,....
അവനെ ദൈയ്‌വം നിനക്ക് വിധിച്ചിട്ടുള്ളതാണെങ്കിൽ   കാലം എത്ര കഴിഞ്ഞാലും നിനക്ക് തന്നെ
അവനെ കിട്ടും . 

കഴിഞ്ഞതൊക്കെ മറന്ന്, ആ പഴയ ആനായി  നീ ജീവിക്കാൻ നോക്ക്. 
ഒന്ന് ജീവിക്കാൻ കൊതിക്കുന്ന എത്രയോ പേര് നമ്മുടെ  ഈ ലോകത്തുണ്ട്,

അവർക്ക് കിട്ടാത്ത ഭാഗ്യം ദൈയ്‌വം നമുക്ക് തരുമ്പോൾ അത് കണ്ടില്ലെന്ന് നടിക്കരുത്.

ജീവൻ നിലനിർത്തുന്നതും, എടുക്കുന്നതിനുമൊക്കെയുള്ള അധികാരം അവന് മാത്രമേ ഉള്ളു.\"

അപ്പോഴേക്കും അവിടേക്ക് ജോസഫിനേയും കൂട്ടി റിച്ചുവിന്റെ അച്ഛൻ  വരുന്നു. അപ്പനെ കാണുന്നതും ആൻ പൊട്ടി കരയുന്നു.

\"എന്തിനാ മോളെ നീ ഇത് ചെയ്തെ......
ഈ അപ്പനെ ഒറ്റക്കാക്കി പോകാൻ നിനക്കെങ്ങനെ മനസ്സുവന്നു......\"

\"സോറി അപ്പാ....,
ഞാൻ അപ്പോഴത്തെ സിറ്റുവേഷനിൽ ......
ഇനി ഇങ്ങനൊന്നും ചെയ്യില്ല. അപ്പനെന്നോട് ഷെമിക്.......\"


അതേ സമയം പുറത്ത് റിച്ചു ദിയയെ വിളിക്കാനായി ഫോൺ എടുക്കുന്നതും ദിയയുടെ കാൾ റിച്ചുവിന്റെ ഫോണിലേക്ക്  വരുന്നു.
(ഫർസാന ദിയയെ വിളിച്ചു റിച്ചുവിനെ ഹോസ്പിറ്റലിൽ കണ്ട കാര്യം പറയുന്നു.)

റിച്ചു വേഗം  കാൾ ഫോൺ അറ്റന്റ് ചെയ്യുന്നു.

\"ഹലോ......,
ആരാ.......\"

\"തന്റെ അമ്മായിയാ....\"

\"ആണോ  പറയു ആന്റി...,
ആന്റിക്ക്‌ സുഖം തന്നെയല്ലേ....\"

അത് കേട്ടിട്ട് ദിയ മിണ്ടാതെ നിൽക്കുന്നു .

റിച്ചു വീണ്ടും വീണ്ടും
\"ഹലോ...ഹലോ.....
കാൾ കട്ട് ആയിട്ടില്ലല്ലോ,
ഹലോ, ദിയ...... \"

\"ആ.....,
ഇപ്പൊ ആളെ മനസിലായല്ലോ\"

\"ഓഹ്...
അങ്ങനെ...,
എന്താണാവോ നമ്മളെയൊക്കെ വിളിക്കാൻ 

\"ചുമ്മ....,
വിളിക്കാൻ തോന്നി വിളിച്ചു.\"


\"ഞാൻ കരുതി  എന്റെ സുഖവിവരം അറിയാനായി വിളിച്ചതാണെന്ന്.
ചിലരൊക്കെ ഇന്ന് എന്നെ ഓർത്ത് മൂഡോഫായിരുന്നെന്നു ഞാൻ
അറിഞ്ഞു. \"

അത് കേട്ട് ദിയ മനസ്സിൽ ചിന്തിക്കുന്നു.

!അത് ഇവനെങ്ങനെ മനസ്സിലായി, 
ആ പന്ന ഫർസു,  എല്ലാം പോയി
വിളമ്പിക്കാണും .....!

\" ഹലോ ദിയ,
താൻ വെച്ചോ \"

\"ഇല്ല..., \"

\"ഇവനിതെങ്ങനെ അറിഞ്ഞു എന്നല്ലേ താൻ ഇപ്പൊ ചിന്തിച്ചത് \"

\"ഫർസാന പറഞ്ഞതാകുമെന്ന് മനസ്സിലാക്കനുള്ള ബുദ്ധിയൊക്കെ എനിക്കൊണ്ട്. അതുകൊണ്ട് ഇയ്യാള് കൂടുതൽ കാടുകയണ്ട. 

ഞാനെ.....,
അറിയാണ്ട് വിളച്ചുപോയതാ...., 
വെക്കുവാ...\"

\"എടൊ വെക്കല്ലേ......,
ദിയ..........
ഛേ, കട്ട്‌ ചെയ്തല്ലോ \"


\"ആൻ.....,
ഞാൻ റിച്ചുവിനോട് പറയട്ടെ
നീ സ്നേഹിക്കുന്നത് അവനെ
ആണെന്ന് \"

\"ഹേയ്....
വേണ്ട ചേച്ചി ,
അത് പുറത്തറിഞ്ഞാൽ എല്ലാവരും അവനെ നിർബന്ധിച്ചു എന്നെകൊണ്ട് കെട്ടിക്കാൻ പോലും തയ്യാറാകും. 

അങ്ങനെ പിടിച്ചു വാങ്ങുന്ന സ്നേഹം എനിക്ക് വേണ്ട....
ഈ കാര്യം നമ്മൾ രണ്ടുപേരുമല്ലാതെ  മൂന്നാമതൊരാൾ അറിയരുത് . 
ആ കാര്യത്തിൽ എനിക്ക് ചേച്ചിയുടെ ഉറപ്പ് വേണം. \"

അങ്ങനെ ചേച്ചി അവൾക്ക് വാക്കുകൊടുക്കുന്നു. 

\"എന്നാ പിന്നെ ഞാൻ ഇറങ്ങുവാ,\"

\"ശെരി ചേച്ചി....\"

\"ആന്റി, ഞാൻ പോട്ടെ \"

\"ശെരി മോളെ.... \"

\"ആൻ....\"

\"മം...\"

റൂമിൽ നിന്നും പുറത്തേക്ക് വരുന്ന ചേച്ചി പുറത്ത് വെച്ച് റിച്ചുവിനെ കാണുന്നു.

\"ആ ചേച്ചി,
പോകുവാണോ..\"

\"അതേ
എന്ത് പറയാനാ ചേച്ചി.., 
എവള് ഇങ്ങനെ ഒരു മണ്ടത്തരം കാണിക്കുമെന്ന്  ആരും കരുതിയിരുന്നില്ല.\"

\"ഞാൻ കരുതിയിരുന്നു റിച്ചു.\"

അത് കേട്ട് റിച്ചു ഞെട്ടുന്നു. 

\"അവൾ ഇങ്ങനെ എന്തെങ്കിലും  ചെയ്യുമെന്ന് എനിക്ക് നേരത്തെ അറിയാമായിരുന്നു.


ഞാൻ അവളോട് പറഞ്ഞിരുന്നതാ...,   അരുത്തതാത്തതോന്നും ചെയ്യാൻ നിൽക്കരുതെന്നു...
ആര് കേൾക്കാനാ....

ഒരാണിനു വേണ്ടി ഒരു പെണ്ണ് മരിക്കാൻ തയ്യാറായിട്ടുണ്ടെങ്കിൽ, അതിൽ നിന്നും തന്നെ മനസ്സിലാക്കിക്കൂടെ  റിച്ചു ആ പെണ്ണ് അവനെ എത്ര മാത്രം സ്നേഹിച്ചിട്ടുണ്ടാകണമെന്ന്.

അവളുടെ ലോകം അവനായിരുന്നു.  അവനെ കിട്ടില്ലെന്ന് അറിഞ്ഞപ്പോൾ പാവത്തിന് സഹിക്കാൻ കഴിഞ്ഞിട്ടുണ്ടാവില്ല .\"

\"ചേച്ചി....,
ഞാനൊരു  കാര്യം ചോദിച്ചാൽ സത്യം പറയോ \"

\"അതിനു നീ ആദ്യം കാര്യം പറയ്\"

\"ചേച്ചിക്കറിയില്ലേ, ആൻ സ്നേഹിച്ചിരുന്ന പയ്യനെ...\"

\"അത്...
അറിയില്ലെന്ന് പറഞ്ഞാൽ അത് കള്ളമാകും ,
അറിയാം, പക്ഷേ ആളാരാണെന്ന് ഞാൻ പറയില്ല. കാരണം ഞാൻ അവൾക്ക് വാക്കുകൊടുത്തു പോയി.

ഈ പ്രണയവും,  സൗഹൃദവും ഒരാളിൽ തന്നെ കണ്ടെത്തിയാലുള്ള കുഴപ്പമെന്താണെന്നറിയോ, ഒന്നുകിൽ അയ്യാളെ  നമുക്ക് നഷ്ടമായേക്കാം അല്ലെങ്കിൽ അയ്യാളായിരിക്കും അവരുടെ  ലോകം. \"

\"ചേച്ചി പറയുന്നത് എനിക്ക് മനസ്സിലായില്ല.\"

\"ഹേയ്, ഞാൻ വെറുതെ പറഞ്ഞതാ, താൻ അത് വിട്ടേക്ക് .......  
എന്നാ പിന്നെ  ഞാൻ ഇറങ്ങുവാ, \"

\"ശെരിയേച്ചി..... \"

തിരികെ നടന്നു പോകുമ്പോൾ ചേച്ചി മനസ്സിൽ കരുതുന്നു.

!നിന്നെയാണ് അവൾ സ്നേഹിച്ചിരുന്നതെന്ന് ഇതിലും വ്യക്തമായി പറഞ്ഞുതരാൻ എനിക്ക് അറിയില്ല റിച്ചു. !


ചേച്ചിയോട് സംസാരിച്ചു കഴിഞ്ഞ് റിച്ചു ആനിന്റെ റൂമിലേക്ക് വരുന്നു.
അവൻ അവിടേക്ക് വരുമ്പോൾ റിച്ചുവിന്റ അമ്മ എങ്ങോട്ടേക്കൂ പോകാൻ തുടങ്ങുവായിരുന്നു. 

\"അമ്മ എങ്ങോട്ടാ...\"

ഞാൻ വീട്ടിൽ ചെന്ന് മോൾക് മാറ്റാനുള്ള മാറ്റാനുള്ള ഡ്രസ്സ്  ഒന്ന് എടുത്തുകൊണ്ട് വരട്ടെ, \"

\"ശെരി....\"

\"പിന്നെ..,
ദേഷ്യപ്പെട്ടു ആ കൊച്ചിനെ വിഷമിപ്പിക്കരുത്\"

\"ആ...,
  ശശി പുറത്തുണ്ട് അമ്മ അവനെകൂട്ടി  പോയിട്ട് വാ \"

\"മം.... \"


റിച്ചു ആനിന്റെ ബെഡിന്റെ അടുത്ത് ഇട്ടേക്കുന്ന ചെയറിൽ ചെന്നിരിക്കുന്നു.   അവൻ ആനിനോട് ഒന്നും മിണ്ടുന്നില്ലായിരുന്നു.

\"എന്താടാ  നീ ഒന്നും മിണ്ടാത്തെ...
വിടാടാ.., അത് കഴിഞ്ഞില്ലേ \"


\"കഴിഞ്ഞെന്നോ.....,
ആ നേരത്ത് ഞാൻ വന്നില്ലായിരുന്നെങ്കിലോ, അതിനെ കുറിച്ച് നീ
ചിന്തിച്ചുനോക്കിയിട്ടുണ്ടോ.....\"


\"നീ വന്നല്ലോ..., \"

\"ഞാൻ ഒന്നും പറയുന്നില്ല \"

\"ദേ ഇനിയും മുഖവും വീർപ്പിച്ചു ഇരുന്നാലുണ്ടല്ലോ...\"

ആൻ റിച്ചുവിനെ തന്നെ ഇങ്ങനെ നോക്കി ഇരിക്കുന്നു. അത് കണ്ട് റിച്ചു ചോദിക്കുന്നു. 

\"നീ എന്താ എന്നെ ഇങ്ങനെ
നോക്കുന്നത് \"

\"വെറുതെ എന്താ എനിക്ക്
നോക്കി കൂടെ...\"

\"ദേ...,
ഇനി ഇങ്ങനൊന്നും കാണിക്കാൻ നിൽക്കരുത്, നിനക്ക് എന്ത് പ്രശ്നമുണ്ടെങ്കിലും ഞാനില്ലേ കൂടെ \"

\"മം.. \"

! തെറ്റ് പറ്റിയത് എനിക്കായിരുന്നു റിച്ചു.... ജീവിതകാലം മുഴുവനും നീ കൂടെ ഉണ്ടാകുമെന്ന് അന്ന് നീ എന്നോട് പറഞ്ഞപ്പോൾ  ഞാൻ ചോദിക്കേണ്ടതായിരുന്നു, അത് എന്റെ കൂടെ തന്നെയാണോ എന്ന്.!

\"നീ എന്താ ചിന്തിക്കുന്നത് \"

\"ഒന്നുമില്ല... \"

അടുത്ത ദിവസം ആനിനെ ഡിസ്റ്റർജ് ചെയ്ത് വീട്ടിലേക്ക് കൊണ്ടു പോകുന്നു .

ആനിനെ വീട്ടിൽ ആകിയതിനു ശേഷം അവിടെനിന്നും പോകാൻ തുടങ്ങുന്ന റിച്ചുവിനോട് ആനിന്റെ അപ്പൻ ഒരു കാര്യം ആവശ്യപ്പെടുന്നു. 

                                       തുടരും.........