ഗന്ധർവ്വന്റെ യക്ഷി ✍️✍️

  🥰🥰

രാത്രിക്ക് വല്ലാത്ത തണുപ്പ് ഉണ്ടായിരുന്നു അന്ന്... എവിടെയോ ഇരുന്നു ഒരു പാതിരാക്കോഴി കൂവി... തണുപ്പിന്റ കാഠിന്യം സഹിക്ക വയ്യാതെ   അവൾ ഒന്നുകൂടി പുതിപ്പിന് ഉള്ളിലേക്ക് വലിഞ്ഞു...

പെട്ടെന്ന് തുറന്നു കിടന്ന ജനാലയിലൂടെ ഒരു പുകച്ചുരുൾ  മുറിക്കുള്ളിലേക്ക് പ്രവേശിച്ചു... അത് മെല്ലെ അവളുടെ ബെഡിന് അരികിലെത്തി..
അവിടമാകെ ചെമ്പകപൂവിന്റെ സൊരഭ്യം നിറഞ്ഞു നിന്നു
മെല്ലെ മെല്ലെ ആ പുകച്ചുരുൾ കറുത്തിരുണ്ട ഒരു രൂപമായി മാറി.. മിഴികൾ തീക്ഷണമാണെങ്കിലും അതിൽ ഒരു ആർദ്രത തെളിഞ്ഞു നിന്നു..

ആ രൂപം മെല്ലെ അവളുടെ അടുത്തേക്ക് വന്നു....ബെഡിൽ അലസമായി കിടക്കുന്ന അവളെ ആകമാനം നോക്കി.... ഗോതമ്പിന്റെ നിറമുള്ള അവളുടെ കണങ്കാലിൽ പറ്റിപ്പിടിച്ചു കിടക്കുന്ന  സ്വർണ്ണ പാദസരം ജനാലയിലൂടെ അരിച്ചിച്ചിറങ്ങി വരുന്ന നിലാവെട്ടത്തിൽ തിളങ്ങി...
അതിന്റെ കണ്ണുകൾ ആസക്തിയോടെ അവളുടെ ശരീരത്തിലകമാനം ഓടി നടന്നു... മെല്ലെ ആ രൂപം അവളുടെ കാലിനരികത്തായി ഇരുന്നു.... ആ കാൽപാദങ്ങളിൽ ചുംബിച്ചു.. ഇക്കിളിയായത് പോലെ അവളൊന്നു ഞരങ്ങി

പിന്നേ അതിന്റെ ചുണ്ടും നാവും അവളുടെ പാദത്തിൽ നിന്നും മുകളിലേക്ക് നീങ്ങി... അതിനനുസരിച്ചു അവളുടെ നിശാവസ്ത്രം അനവൃതമായികൊണ്ടിരുന്നു...
മേലേക്ക് വന്ന അതിന്റെ ചുണ്ടുകൾ  അവളുടെ അധരങ്ങൾ നുകരാൻ തുടങ്ങി. ശരീരത്തിലുണ്ടായ മൃദു ലാളനകൾ അവളിൽ തരള വികാരങ്ങൾ സൃഷിച്ചു..... ആ രൂപം അവളുടെ കഴുത്തിടുക്കിൽ മുഖം പൂഴ്ത്തി.... പിന്നെ മെല്ലെ അവളുടെ മാറിടത്തിലേക്കും.... അറിയാതെ ഒരു എങ്ങൽ അവളിൽ നിന്നുണ്ടായി..ഇരു കരങ്ങൾ കൊണ്ട് അതിനെ പുണരാനായി അവൾ  കൈകൾ ഉയർത്തി... അതിനെ തന്നിലേക്ക് വരിഞ്ഞു മുറുക്കി.... മിനുസമായ ശരീരത്തിന് പകരം ഒരു തരം പരുപരുപ്പ് തോന്നിയപ്പോൾ  അവൾ സുഖാലസ്യത്തിൽ നിന്ന് മെല്ലെ കണ്ണുകൾ തുറന്നു...

തൊട്ടു മുന്നിൽ കണ്ട ഭീകര രൂപത്തെ കണ്ടവൾ അലറി വിളിച്ചു... അതിന്റെ പിടിയിൽ നിന്നു രക്ഷപ്പെടനായി അവൾ കുതറി...
പിടി വിടുവിക്കാൻ ശ്രമിക്കുംതോറും അത് കൂടുതൽ ബലമായി അവളെ ചേർത്തണച്ചു.
ഒടുവിൽ സർവശക്തിയും എടുത്തു അവൾ ആ രൂപത്തിനെ പിടിച്ചു തള്ളി....
             

            💕💕💕💕

അമ്മേ........

ഉറക്കെ നിലവിളിച്ചുകൊണ്ട് അവൾ ചാടിഎണീറ്റു...
ചുറ്റും ഭയപ്പാടോടെ നോക്കി.... ഒന്നും കാണാൻ ഇല്ല... കണ്ടത് സ്വപ്നം ആണെന്ന് മനസിലായതും ഒരേ സമയം ആശ്വാസവും അതിലേറെ ഭയവും അവൾക് തോന്നി.... ഇതിപ്പോ കുറെയായി.... ഒരു സ്വപ്നം തന്നെ ആവർത്തിച്ചു കാണുന്നു....

എന്താണ് ഇതിന്റ ഒക്കെ അർത്ഥം.....

ഒന്നും പിടികിട്ടുന്നില്ല.... വയസറിയിച്ച അന്ന് മുതൽ കാണുന്നതാണ്... ആദ്യം ഒക്കെ പലതും അവ്യക്തമായിരുന്നു.... ഇപ്പൊ എല്ലാം വളരെ വ്യക്തം....

അവൾ മെല്ലെ ബെഡിൽ നിന്നു എണീറ്റു.... തുറന്നു കിടക്കുന്ന ജനാലയിലൂടെ ഒഴുകി വരുന്ന നിലാവെട്ടത്തിനു എന്നത്തേക്കാൾ ഭംഗി തോന്നി അവൾക്ക്....
പെട്ടെന്ന് അവളുടെ നാസികയിലേക്ക് ചെമ്പകപ്പൂവിന്റെ ഗന്ധം വന്നു നിറഞ്ഞു...
ഇതല്ലേ ഞാൻ സ്വപ്നത്തിലും അനുഭവിക്കുന്ന ഗന്ധം...
ഒരു ഞെട്ടലോടെ അവൾ ഓർത്തു.,...

യാമി........

പെട്ടെന്ന് ഉള്ള വിളി കേട്ട് അവൾ തിരിഞ്ഞു.

റൂംമേറ്റ്  ഗോപിക ആണ്

നീ ഉറങ്ങിയില്ലേ.....

ഉറക്കച്ചടവോടെ അവൾ ചോദിച്ചു

ഇന്നും ഞാൻ ആ സ്വപ്നം കണ്ടെടി... എന്നെ ഭയപ്പെടുത്തുന്ന ആ സ്വപ്നം

ഓഹ്ഹ്.... അതിപ്പോ സാധാരണം അല്ലെ....നിന്നോട് കൂടിയ അന്ന് മുതൽ ഞാൻ ഇത് കേൾക്കുന്നതല്ലേ....

എന്റെ യാമി..... നീ ആവശ്യം ഇല്ലാത്തത് ചിന്തിച്ചു കിടന്നിട്ടാ.. പോരെങ്കിൽ നിന്റെ നാട് അവിടുത്തെ അന്തരീക്ഷം... എല്ലാം ഞാൻ അവിടെ വന്നു കണ്ടത് അല്ലെ... എവിടെ നോക്കിയാലും കാവും കുളവും മാത്രം.. പിന്നെങ്ങനെ നീ ഇതൊക്കെ കാണാതെ ഇരിക്കും...വന്നേ... വന്നു കിടക്കു... മണി മൂന്ന് ആയതേ ഉള്ളു...

അവളുടെ തോളിലൂടെ കയ്യിട്ട് ചേർത്ത് പിടിച്ചു കൊണ്ട് ഗോപിക പറഞ്ഞു

മെല്ലെ ബെഡിലേക്ക് ചായുമ്പോഴും അവളുടെ മനസ്സിൽ ആ സ്വപ്നം ആയിരുന്നു..

പുറത്തു ജനാലയിലൂടെ അവളെ കൊതിയോടെ നോക്കി കൊണ്ടിരുന്ന ആ രൂപം പുകച്ചുരുളായി അന്തരീക്ഷത്തിൽ മറഞ്ഞു

   🥰🥰🥰🥰🥰🥰🥰🥰

യാമി..... എണീക്ക്.... എന്തൊരു ഉറക്കമാ പെണ്ണെ ഇത്....????

ചുമലിൽ മൃദുവയുള്ള അടി കിട്ടിയതും മനസ്സില്ലാ മനസ്സോടെ അവൾ കണ്ണ് തുറന്നു..

പുഞ്ചിരിയോടെ മുന്നിൽ നില്കുന്നു ഗോപിക.. കുളിച്ചു തലയിൽ ടവൽ ചുറ്റി കെട്ടി നിൽപ്പാണ്..

ഗുഡ് മോണിംഗ് ഗോപു..,.

പുഞ്ചിരിയോടെ അവൾ പറഞ്ഞു...

അതൊക്കെ അവിടെ നിക്കട്ടെ... ഇപ്പൊ സമയം എത്ര ആയിന്നു അറിയോ......

അറിയില്ലെന്ന മട്ടിൽ യാമി ചുണ്ട് പിളർത്തി

ഒൻപതു മണി കഴിഞ്ഞു... അറിയോ.....

യ്യോ.... അത്രേം ആയോ...

ചാടി എണീറ്റ് കൊണ്ടവൾ പറഞ്ഞതും ബാത്‌റൂമിൽ ഓടിയതും ഒന്നിച്ചായിരുന്നു

ഈ പെണ്ണിന്റ കാര്യം...

അവളുടെ പോക്ക് കണ്ടു ഗോപികക്ക് ചിരി വന്നു

ഡീ.... പെണ്ണെ.... നീ ബദ്ധപ്പെട്ടു ഓടി വരുക ഒന്നും വേണ്ട.. ഇന്ന് നിനക്ക് ഞാൻ ലീവ് പറഞ്ഞോളാം... ഇന്നലെ സ്വപ്നം കണ്ടു ക്ഷീണിച്ചത് അല്ലെ എന്റെ മോൾ

ബാത്‌റൂമിനോട് ചേർന്ന് നിന്ന് ഗോപിക പറഞ്ഞു.

ഓക്കേ ഡീ.... താങ്ക്സ്

ഉടൻ തന്നെ മറുപടിയും വന്നു

ഇവളുടെ ഒരു കാര്യം....എന്നാണാവോ ഈ പെണ്ണു നേരെയാവുന്നത്

സ്വൊയം പറഞ്ഞു കൊണ്ട് ഗോപിക  വാതിൽ ലോക്ക് ചെയ്തു പുറത്തേക്ക് ഇറങ്ങി

രണ്ടു പേരും ബാംഗ്ലൂർ നഗരത്തിലെ ഒരു
അഡ്വർടൈസിംഗ് കമ്പനിയിൽ ആണ് ജോലി നോക്കുന്നത്. ഗോപികക്ക് കുറച്ചു വർഷത്തെ എക്സ്പീരിയൻസ് ഉണ്ട് ഇവിടെ... അത് കൊണ്ട് തന്നെ എല്ലാ കാര്യവും മാനേജ് ചെയ്യാൻ അവൾക്കറിയാം..
യാമി ജോലിക്ക് എത്തിയിട്ട് ഒരു വർഷം ആവുന്നേ ഉള്ളു...
ബി. എഡ്  കഴിഞ്ഞു ഏതെങ്കിലും സ്കൂളിൽ ജോലിക്ക് കയറണം ന്നു കരുതി ഇരിക്കുമ്പോൾ ആണ്  ഏതോ ജ്യോൽസ്യൻ അവൾക് സമയം ശെരിയല്ലന്ന് പറഞ്ഞത്.. നാട്ടിൽ നിന്ന് കുറച്ചു കാലം മാറി നില്കുന്നതാണ് പരിഹാരം  എന്ന് പറഞ്ഞത് കേട്ട് അച്ഛനും ബന്ധുക്കളും ചേർന്ന് അവരുടെ തന്നെ ഒരു ബന്ധുവിന്റ കമ്പനിയിൽ ജോലിക്ക് ചേർത്തത്...
ആദ്യം ഒക്കെ വല്ലാത്ത സങ്കടം തോന്നിയിരുന്ന അവൾക് ഒരു നിയോഗം പോലെ ആണ് ഗോപികയെ കിട്ടിയത്.
അവളുടെ എല്ലാത്തിനും ഒരു കൂടപ്പിറപ്പിനെ പോലെ ഗോപിക കൂടെ ഉണ്ടായിരുന്നു

ബാത്‌റൂമിൽ നിന്ന് ഇറങ്ങിയ  യാമിക് വല്ലാതെ വിശക്കുന്നുണ്ടായിരുന്നു.
കിച്ചണിൽ എന്താണ് ഉള്ളതെന്ന് പോയിനോക്കാം

ഫ്ലാസ്കിൽ  ചായ ഇട്ടു വച്ചിട്ടുണ്ട്.. കാസരോൾ  തുറന്നു നോക്കിയപ്പോ ഉപ്പുമാവ് ആണ്... കുറച്ചു ഉപ്പ്  മാവ് ഒരു പ്ലേറ്റിൽ എടുത്തു ചായയും ആയി അവൾ  ലിവിങ് റൂമിൽ എത്തി.... സോഫയിലേക്ക് ചാഞ്ഞിരുന്നു കൊണ്ട് ടീപൊയിൽ കിടന്ന റിമോട്ട്  എടുത്തു ടീവി ഓൺ ചെയ്തു..
ഉടൻ തന്നെ സ്‌ക്രീനിൽ തെളിഞ്ഞത് പുതിയ ഏതോ ഹൊറർ ഫിലിമിന്റ ട്രെയിലർ ആണ്... അതോടെ കൂടെ അവൾക് വിശപ് കെട്ടു... ആ സ്വപ്നം അവളുടെ മനസിലേക്ക് കടന്നു വരാൻ തുടങ്ങി..

പെട്ടന്ന് അവളെ ഞെട്ടിച്ചു കൊണ്ട് ഫോൺ ബെല്ലടിച്ചു...
നോക്കിയപ്പോ  ഗോപിക ആണ്..

ആൻസർ ബട്ടൻ അമർത്തി അവൾ ഫോൺ ചെവിയോട് ചേർത്തു

എന്താടി...... നീ കഴിച്ചോ....

ആ... ഉവ്വ്‌... ഇപ്പൊ..

ഇല്ലെന്ന് പറഞ്ഞാൽ അവളുടെ വായിലെ ചീത്ത മുഴുവനും കേൾക്കേണ്ടി വരുമെന്നോർത്ത് യാമി കള്ളം പറഞ്ഞു

ആ.... കഴിച്ചു കഴിഞ്ഞെങ്കിൽ വെറുതെ അവിടെ ചുമ്മാ ഇരിക്കാതെ പുറത്തോട്ട് ഒന്ന് ഇറങ്ങു..... ഒന്ന് കറങ്ങിട്ട്  വാടോ....

പിന്നേ.... ഒറ്റക് അല്ലെ കറങ്ങാൻ.... അങ്ങനെ ആണേൽ നീ വന്നിട്ട് പോകാം

എടീ......ഞാൻ വരുന്നത് വരെയും നീ ഒറ്റക്ക് അല്ലെ അത് കൊണ്ട് പറഞ്ഞതാ..

ഓഹ്... പിന്നെ... ഒറ്റക് ഇരുന്നാൽ എന്നെ ആരെങ്കിലും തട്ടിക്കൊണ്ടു പോയാലോ ല്ലേ.....

ഈ പെണ്ണിനോട് തർക്കിക്കാൻ ഞാൻ ഇല്ല... ചിലനേരം നിന്നെ പോലെ ഒരു പാവം ഇല്ല.... ചിലപ്പോൾ  ഒരു കാന്താരി....

ചിരിയോടെ പറഞ്ഞു ഗോപിക ഫോൺ കട്ട് ചെയ്തു.

യാമി പ്ലേറ്റിൽ ഇരുന്ന ഭക്ഷണം വേസ്റ്റിൽ കൊണ്ട് തട്ടിയ ശേഷം  പ്ലേറ്റ് കഴുകി അടുക്കളയും ക്ലീൻ ചെയ്തു പുറത്തിറങ്ങി...

ലിവിങ് റൂമിലെ ഗ്ലാസ്‌ ഡോർ നീക്കിയാൽ അപ്പുറം ബാൽക്കണി ആണ്... അവൾക് ഏറ്റവും പ്രിയപ്പെട്ട സ്ഥലം...സന്ധ്യാ സമയങ്ങളിൽ അവൾ ഇടക്ക് അവിടെ വന്നിരിക്കാറുണ്ട്... ചൂരൽ കൊണ്ടുള്ള രണ്ടു കസേരയും ടീപ്പോയും ഉണ്ട്... അവിടെ നിന്നാൽ താഴെ റോഡിലൂടെ പോകുന്ന വാഹനങ്ങളെയും ആളുകളെയും കാണാം.... ആദ്യകാലങ്ങളിൽ വെറുതെ വന്നിരിക്കുമ്പോ അതിലെ പോകുന്ന വാഹനങ്ങളിൽ ഒരേ പോലത്തെ എത്ര എണ്ണം ഉണ്ട് എന്ന് കണക്കെടുപ്പ് ആയിരുന്നു അവളുടെ ജോലി... പിന്നെ പിന്നെ ഗോപികയുടെ കളിയാക്കൽ കാരണം അത് നിർത്തി...

യാമി മെല്ലെ നിരത്തിലൂടെ പോകുന്ന വാഹനങ്ങളെ നോക്കി...
കുറച്ചു നേരം നോക്കിയപ്പോഴേക്കും അവൾക് മടുപ്പ് തോന്നി.. മെല്ലെ തിരിഞ്ഞപ്പോ ആണ് കണ്ടത്...
ബാൽക്കണിയുടെ  വശങ്ങളിൽ ആയി നട്ടു വച്ചിരുന്ന ചെടികൾ എല്ലാം വാടി നില്കുന്നു....

പാവങ്ങൾ..... അവറ്റകൾക് സംസാരിക്കാൻ കഴിവുണ്ടായിരുന്നെങ്കിൽ....

കുറച്ചു വെള്ളം കൊണ്ട് വന്നു അവൾ ചെടിയെല്ലാം നനയ്ക്കാൻ തുടങ്ങി.. മുല്ലയും പിച്ചിയും എല്ലാം  മൊട്ടിട്ട് തുടങ്ങിയിട്ടുണ്ട്....

നാട്ടിൽ ആയിരിക്കുമ്പോ മരത്തിൽ പടർന്നു നിൽക്കുന്ന മുല്ലയിൽ നിന്നും വൈകുന്നേരങ്ങളിൽ മുല്ല മൊട്ടു ഇറുത്തു എടുക്കുന്നത് അവൾ ഓർത്തു..

അകത്തെ മുറിയിൽ എവിടെയോ നിന്ന് അവളുടെ ഫോൺ ബെല്ലടിച്ചു...
ഓടിപ്പാഞ്ഞു വന്നപ്പോഴേക്കും കാൾ കട്ട് ആയി... നാട്ടിന്നു അമ്മയാണ്. തിരിച്ചു വിളിക്കാനായി ഡയൽ ചെയ്യുന്നതിന് മുന്നേ വീണ്ടും കാൾ വന്നു.

ഹലോ... അമ്മേ.....

മോളു... സുഗാണോ നിനക്ക്.... ഓഫീസിൽ ആണോ.. ഗോപു എവിടെ...

ഫോൺ എടുത്ത ഉടനെ തന്നെ അമ്മയുടെ ചോദ്യങ്ങൾ തുടങ്ങി...

എന്റെ അമ്മേ.... അമ്മയിതു റെക്കോർഡ് ചെയ്തു വച്ചേക്കുവാണോ...???
എന്നും നമ്മൾ സംസാരിക്കുന്നത് അല്ലെ... ഈ ഡയലോഗ് ഒന്ന് മാറ്റിപിടിക്ക്...

ആ.. ഞാൻ ഇത് തന്നെ കേൾക്കണം.. മക്കളോട് സ്നേഹം ഉള്ള എല്ലാ അമ്മമാരും ഇങ്ങനെ തന്നാ... അത് മനസിലാക്കണം എങ്കിൽ നീ ഒരു കല്യാണം കഴിച്ചു നിനക്ക് മക്കൾ ഉണ്ടാവണം...

ഓഹ്ഹ്... അതിനൊക്കെ ഇനിയും വർഷങ്ങൾ കിടക്കുക അല്ലെ... അമ്മ എന്തിനാ വിളിച്ചത്....

ആ.... അത് പറയാൻ മറന്നു..നീ പഠിച്ച സ്കൂൾ ഇല്ലേ അവിടെ ഒരു ടീച്ചറിന്റെ വേക്കൻസി വന്നിട്ടുണ്ട്.. നീ ഒന്ന് വാ... അവിടം വരെ ഒന്ന് പോ....

എനിക്കെങ്ങും വയ്യമ്മാ.... എനിക്ക് ആ നാട് ഇഷ്ടേ അല്ല...എനിക്ക് അവിടെ ജോലി കിട്ടില്ല

നീ ഒന്ന് വന്നിട്ട് പോ...ജോലി കിട്ടുന്നതും കിട്ടാത്തതും  രണ്ടാമത്തെ കാര്യം...
ആ. പിന്നേ.. നമ്മുടെ രാഹുലിനു അവിടുത്തെ പ്രിൻസിപ്പലുമായി നല്ല പരിചയം ഉണ്ട്... അവൻ നിനക്ക് റെക്കമെന്റ് ചെയ്തോളും... കിട്ടുന്നെങ്കിൽ കിട്ടട്ടെ...

അപ്പൊ അമ്മേടെ ജ്യോൽസ്യന്റെ പ്രവചനം.... അത് തെറ്റില്ലേ അമ്മേ...

കുറച്ചു പരിഹാസത്തോടെ അവൾ ചോദിച്ചു...

നീ അങ്ങ് പരിഹസിക്കണ്ട.. അയാൾ പറഞ്ഞാൽ അച്ചട്ടാ.. അതിനെ കുറിച്ച് ഒക്കെ അച്ഛൻ അന്വേഷിച്ചിട്ട് തന്നെയാ നിന്നെ വിളിച്ചത്... ജോലി കിട്ടിയാലും ഇല്ലേലും നീ ഇനിയും അവിടെ നിക്കണ്ട... അവിടെ റിസൈൻ ചെയ്തിട്ട് എത്രയും പെട്ടെന്ന് കേറി വരണം...

പറഞ്ഞിട്ട് അവർ ഫോൺ വച്ചു...
വല്ലാത്ത ധർമ്മസങ്കടത്തിൽ ആയി പോയി അവൾ..നാട്ടിൽ പോകാനേ തോന്നുന്നില്ല.... ഗോപുനെ പിരിയാൻ അതിലും വിഷമം...

എല്ലാം സഹിക്കം... ആ രാഹുലിനെ ആണ് ഒട്ടും പറ്റാത്തത്..
അവന്റെ റെക്കമെന്റേഷനിൽ ജോലി കിട്ടിയാൽ പിന്നെ നോക്കണ്ട... പിന്നിൽ നിന്ന് മാറില്ല... അല്ലേലെ ശല്യം ആണ്...
അമ്മയോടും അച്ഛനോടും എത്ര പറഞ്ഞാലും മനസിലാവില്ല.. കൂട്ടുകാരന്റെ മകൻ ന്ന് പറഞ്ഞു തലയിൽ കേറ്റി വച്ചിരിക്ക ആണല്ലോ.... പോരാത്തതിന് വീട്ടിൽ സർവസ്വാതന്ത്ര്യം..

എല്ലാം കൂടെ ഓർത്തു തല വട്ടാകുമെന്ന അവസ്ഥയിൽ ആയതും  അവൾക് ഒന്ന് കിടക്കണം എന്ന് തോന്നി.... നേരെ ബെഡ്‌റൂമിലേക്ക് ചെന്നു ഡോർ ലോക് ചെയ്തിട്ട് ബെഡിലേക്ക് ചാഞ്ഞു..

പെട്ടെന്ന് ആണ് അവളുടെ നാസികയെ തഴുകി വീണ്ടും ആ ചെമ്പകപ്പൂവിന്റെ ഗന്ധം അവിടെ ആകെ പരന്നത്... വല്ലാത്ത സംഭ്രമത്തോടെ അവൾ ചാടി എണീറ്റു...
ഇത്രയും നാൾ സ്വപ്നത്തിൽ മാത്രം അറിഞ്ഞ  ഗന്ധം.... ഇപ്പൊ യാഥാർഥ്യം പോലെ...
ഉള്ളിലെ പേടിയോടെ ചുറ്റിനും നോക്കിയപ്പോൾ ആണ് ഒരറ്റത്തായി കിടക്കുന്ന   ആ പൂവ് അവൾ കണ്ടത്..
വെള്ള ഇതളിന്റെ ഉള്ളിലായി നേരിയ പിങ്ക് നിറമുള്ള ചെമ്പകപ്പൂവ്...

യന്ത്രികമായി അവൾ അതിനെ കൈ നീട്ടി എടുത്തു.മെല്ലെ മൂക്കിനടുത്തേക്ക് കൊണ്ട് ചെന്നു..
അതേ  ഗന്ധം.... സ്വപ്നത്തിൽ അനുഭവിക്കുന്ന അതേ ഗന്ധം.... ഞെട്ടലോടെ അവൾ ഓർത്തു...

ഇതേ സമയം അവളുടെ പിന്നിലായ് അവളെ തന്നെ നോക്കികൊണ്ട് ഒരു രൂപം നിൽപുണ്ടായിരുന്നു....

                 🥰🥰

                            തുടരും....