പാതയ്ക്ക് ഇരുവശത്തും ചെറിയ ചെറിയ ഇലകളുള്ള  കുറ്റി ചെടികൾ  അവയെ  ചെറിയ മതിൽ പോലെ വെട്ടിയൊതുക്കി വച്ചുപിടിപ്പിച്ചിരിക്കുന്നു. ആ പാത അവസാനിക്കുന്നത് ബ്രിട്ടീഷ് അതിനിവേശകാലത്തെ ഒരു പീരങ്കി ശിൽപ്പത്തിന്റെ മുന്നിലാണ് സിൽവർ നിറവും ചെങ്കൽ നിറവുമുള്ള മനോഹരമായ ശിൽപ്പം. അവിടം മുതൽ കറുത്ത ചരൽ പാത ആരംഭിക്കുക ആണ് ആ പാതയ്ക്ക് ഇരുവശത്തും മരങ്ങൾ വളർന്നു ഒരു ആർച്ച് രൂപത്തിൽ കാണപ്പെടുന്നു. സൂര്യപ്രകാശം മണ്ണിലേക്ക് എത്താൻ വളരെ പ്രയാസം അനുഭവിക്കുന്നു. അവ നീലകാശത്തെ മൂടികൊണ്ട് പച്ച പരവതാനി പോലെ പടർന്നു കിടക്കുന്നു. കടുക്ക മരവും നെല്ലിമരവും ഭ്രാന്തി പൂച്ചെടികളും കടന്നവൾ കണ്ട കാഴ്ച അതിമനോഹരമായിരുന്നു. നിരനിരയായി കരിമ്പനകൾ വളർന്നു നിൽക്കുന്നു അതും കൃത്യമായി അകലത്തിൽ അവക്കിടയിലൂടെ നടപ്പാതയും വരവേൽക്കാനായി കണിക്കൊന്ന തലകുനിച്ച് വന്ദനം നൽകുന്നു. പിന്നീട് അവൾ കണ്ടത് വർണ്ണനാതീതം ആയിരുന്നു. പലനിറത്തിുള്ള പനീർപൂക്കൾ. വിടർന്നു നിൽക്കുന്നു പൂക്കൾ വിടരുന്നപോലെ അവളുടെ കുഞ്ഞികണ്ണുകളും വിടർന്നു, പാറികളിക്കുന്ന പൂമ്പാറ്റയെ പോലെ അവളും തുള്ളിച്ചാടി, പച്ച പുല്ല് തകിടയിൽ കുഞ്ഞു പാദങ്ങൾ നൃത്തം വെച്ചു പക്ഷികൾ അവൾക്കായി പാട്ടുപാടി കാറ്റുപോലും ആ ആനന്ദത്തിൽ അലിഞ്ഞു ചേർന്നു. ഇടയിൽ എപ്പോഴോ ആ കാഴ്ച്ച കണ്ടു വലിയൊരു കൊട്ടാരം. നടന്നവൾ കൊട്ടാരത്തിൻ്റെ അടുത്ത് എത്തി ആ കെട്ടിടത്തിൻ്റെ നടുവിലായി റോമൻ ലെറ്റർ എഴുതിയ വലിയ ഘടികാരം. അരികിലേക്ക് അടുക്കുംതോറും അവളെ വരവേറ്റത് പക്ഷികൾ ആയിരുന്നു മനോഹരമായ ഗാനത്തിലൂടെ. സന്തോഷം കൊണ്ട് കുഞ്ഞികണ്ണുകൾ വിടർന്നു ചുവന്നു തുടുത്ത ചുണ്ടുകൾ വിടർന്നു. പൂഞ്ചിരിതൂവുന്ന മുഖവുമായി ഒരു കാവൽക്കാരൻ അവളെ അകത്തേക്ക് സ്വാഗതം ചെയ്തു. അറിഞ്ഞിരുന്നില്ല അവൾ ഏത് ലോകത്തേക്ക് ആണ് കയറിച്ചെല്ലുന്നത് എന്ന്. കൊത്തിവെച്ച ശില്പങ്ങളിലൂടെ കണ്ണോടിച്ചുകൊണ്ട് ആ ഇരുമ്പ് ഗോവണി കയറി 

തുടരും....