എന്താ എല്ലാവർക്കും ഒരു ടെൻഷൻ പോലെ.. എന്തെങ്കിലും പ്രശ്നമുണ്ടോ?

അവളുടെ ചോദ്യം കേട്ട് എല്ലാവരും തരിച്ച് നിൽക്കുകയായിരുന്നു ആർക്കും പെട്ടെന്ന് ഉത്തരം വന്നില്ല...

അച്ഛൻ അവളെ ചേർത്തുപിടിച്ചിട്ട് പറഞ്ഞു 

\"മോളെ മോള് ടെൻഷൻ അടിക്കാതെ പറയുന്ന കാര്യം ശ്രദ്ധയോടുകൂടി കേൾക്കണം...

അച്ഛൻ പറയുന്നത് എന്താണെന്ന് അറിയാതെ ആകാംക്ഷയോടെ അവൾ അച്ഛനെ നോക്കി... അവളിൽ നിന്നും എന്ത് മറുപടി ഉണ്ടാകും എന്നറിയാതെ ഒത്തിരി ഭയത്തോടെ അച്ഛൻ അവളോട് പറഞ്ഞു

\" അഖിലിന്റെ അച്ഛൻ കുറച്ചുമുമ്പ്  മരിച്ചു..\"

പറഞ്ഞ നിമിഷം തന്നെ നയനയുടെ കണ്ണുകൾ നിറഞ്ഞ തുളുമ്പി.. അവൾ ഒന്നും പറയാതെ തന്നെ അച്ഛനെ കെട്ടിപ്പിടിച്ച് കരഞ്ഞു അന്ന് രാവിലെ തന്നെ അവളും അച്ഛനും അമ്മയും ചേർന്ന് അഖിലിന്റെ വീട്ടിലേക്ക് പോയി. ചിലർ സഹതാപത്തോട് കൂടിയും മറ്റു ചിലർ ഈ വിവാഹം നിശ്ചയിച്ചതിനുശേഷം ആണല്ലോ അച്ഛൻ മരിച്ചത് എന്ന ദുശ്ശ്കുന ചിന്തയോട് കൂടിയും കൂടിയും അവളെ നോക്കി.. അഖിലിന്റെ വീട്ടിലെത്തിയപ്പോൾ അവൾ മരിച്ചുകിടക്കുന്ന അച്ഛനെ കണ്ടു.അവള് അഖിലിൻ്റെ അച്ഛനെ സ്വന്തം അച്ഛനായി കണ്ടുതുടങ്ങിയിരുന്നു.അതുകൊണ്ട് തന്നെ അവൾക് സ്വയം  നിയന്ത്രിക്കാൻ കഴിഞ്ഞില്ല.അവള് പരിസര ബോധമില്ലാതെ തേങ്ങി തേങ്ങി കരഞ്ഞു..തിരിച്ച് വീട്ടിലെത്തിയപ്പോഴും അവളുടെ സങ്കടം തീർന്നില്ല. എന്ത് പരീക്ഷണമാണ് ഇത് എന്ന് ചോദിച്ചു ദൈവത്തിനു മുന്നിൽ  കുറെ കരഞ്ഞു തളർന്നു.. കല്യാണത്തിൽ നിന്നും അവർ പിന്തിരിയുമോ എന്ന് അവളുടെ അച്ഛൻ സംശയിച്ചു .എന്നാൽ , ഏകദേശം നാല് ദിവസം കഴിഞ്ഞു അഖിലിന്റെ വീട്ടുകാർ നയനയുടെ അച്ഛനെ വിളിച്ചു ..അഖിലിന്റെ അച്ഛൻറെ അവസാന ആഗ്രഹമായിരുന്നു അഖിലിന്റെ വിവാഹം .. എനിക്ക് എന്ത് സംഭവിച്ചാലും നിശ്ചയിച്ച മുഹൂർത്തത്തിൽ തന്നെ വിവാഹം നടത്തണമെന്ന് അച്ഛൻ പറഞ്ഞിരുന്നു.. അതുകൊണ്ട് വിവാഹം മാറ്റിവെക്കേണ്ട എന്ന് അവർ അറിയിച്ചു. ആർഭാടമായി നടത്താനിരുന്ന വിവാഹം ലഘുവായ ചടങ്ങുകളോട് കൂടെ ഏറ്റവും അടുത്ത ബന്ധുക്കളെ മാത്രം വിളിച്ച് അഖിൽ നനയുടെ കഴുത്തിൽ താലികെട്ടി. കല്യാണത്തിൽ പങ്കെടുക്കാൻ വിവേകും എത്തിയിരുന്നു . അവൻ നിശബ്ദനായി കല്യാണത്തിൽ പങ്കെടുത്ത് മടങ്ങി, ഒന്നും പറയാതെ തന്നെ.. നയനയും ഒന്നും പറഞ്ഞില്ല..

അഖിലിൻ്റെ അച്ഛൻറെ മരണം നയനയെ തളർത്തിയിരുന്നു. അവൾ താലികെട്ടാൻ ഇരിക്കുമ്പോൾ പോലും പൂർണ്ണ ബോധത്തോടെ ആയിരുന്നില്ല. എല്ലാംകൊണ്ടും നെഗറ്റീവായ ഒരു അന്തരീക്ഷത്തിലേക്കാണ് താൻ കാലെടുത്തുവെക്കുന്നത് എന്ന ബോധം അവൾക്ക് നന്നായിട്ടുണ്ടായിരുന്നു..

വിവാഹം കഴിഞ്ഞ് അനിയത്തിയും അച്ഛൻ അമ്മയും അവളെ വീട്ടിലേക്ക് യാത്രയാക്കി അവർ അവളുടെ കൂടെ പോയെങ്കിലും അഖിലിന്റെ വീട്ടിൽ കയറിയില്ല വീടിനു പുറത്തുനിന്ന് അഖിലിനോട് അച്ഛൻ പറഞ്ഞു 

\"എൻറെ മോളെ നന്നായി നോക്കണം അവളെ സങ്കടപ്പെടുത്തരുത്\"

\"ഇല്ലച്ഛാ ഞാൻ അവളെ നന്നായി നോക്കും അവളെ സങ്കടപ്പെടുത്തില്ല ഒരിക്കലും..\". അഖിൽ പറഞ്ഞു

നയനയോട് യാത്ര പറഞ്ഞു അവളുടെ അച്ഛനും അമ്മയും അനിയത്തിയും  മടങ്ങി.

  വിളക്ക് പിടിച്ച് വലതുകാൽ വച്ച് അഖിലിന്റെ വീട്ടിലേക്ക് അവള് കയറുമ്പോൾ ഇനി എന്തായിരിക്കും എന്ന ചിന്ത അവളിൽ  നിറഞ്ഞുനിന്നു