*SEVEN🧚QUEENS*
          ✍️_jifni_
           Part 85
           
🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️


ഇപ്പോ ജോബിക്ക് അവൾ സ്വന്തം പെങ്ങൾ തന്നെയാ. അവൾക്കും അങ്ങനെ തന്നെ. അവന്റെ കൂട്ടുകാർക്കും. ഇനി അവൾ നാട്ടിലേക്ക് പോകാന്നു പറഞ്ഞാലും അവർ വിടില്ല. ഇതിനിടക്ക് ജോൺ പലപ്പോഴും അവളെ തിരക്കി വരാറുണ്ട്. പക്ഷെ ഒന്ന് കാണാൻ പോലും അവന് പറ്റിയിട്ടില്ല. 


ഡോൺ പറയാനുള്ളത് എല്ലാം പറഞ്ഞു നിർത്തി. കേട്ട് നിന്നവർക്ക് എല്ലാം അറിഞ്ഞ നിമിഷം ജോബിയോട് വല്ലാത്ത ദേഷ്യവും ജോണിനോട് ഇരട്ടിക്കിരട്ടി ദേഷ്യവും തോന്നി.

ജോണിനെ കുറിച്ച് എല്ലാം അറിഞ്ഞ ഞെട്ടലിൽ നിശ്ചലമായി നിൽക്കുകയാണ് റീറ്റ.
\"ജോൺ അവന് എങ്ങനെ തോന്നി നമ്മളോട് ഇങ്ങനെ ചെയ്യാൻ\" റീറ്റയുടെ വാക്കുകൾ അവസാനം ഒരു തോങ്ങലായി മാറി.

\"റീറ്റാ.... വേണ്ട അവന് വേണ്ടി ഇനി നീ സംസാരിക്കണ്ട \" എന്നു പറഞ്ഞു കൊണ്ട് ഒലിച്ചിറക്കുന്ന റീറ്റയുടെ കണ്ണുനീർ തുള്ളികളെ ഡോൺ തുടച്ച് കൊടുത്തു 

\"അല്ലാ..... നിങ്ങൾക് എങ്ങനെ നിഹാ മോളെ പരിചയം \". 
ഡോൺ ഒന്നാലേചിച്ചു കൊണ്ട് ബോയ്സിന് നേരെ തിരിഞ്ഞു.
\"എന്റെ പെങ്ങള... എന്റെ കൂടെപ്പിറപ്പ.ഒരു ഉമ്മാന്റെ വയറ്റിൽ നിന്ന് പുറം ലോകം കണ്ടവരാണ് ഞങ്ങൾ.\" 

നിഷു ഇന്ന് വരേയില്ലാത്ത ഒരു സന്തോഷത്തിൽ പറഞ്ഞു അവന്റെ മുഖം ഇത്രമേൽ തിളങ്ങുന്നത് സാറ ആദ്യമായിട്ടാണ് കാണുന്നത് ബോയ്സിനും മനസിലാകുന്നുണ്ടായിരുന്നു കുറേ കാലമായി മറഞ്ഞു പോയ അവന്റെ ആ ചിരി പുറത്ത് വന്നത്.

\"അവൾ ജന്മം കൊണ്ട് നിഷൂന് പെങ്ങളാണ്. എന്നാണ് കർമ്മം കൊണ്ട് നിങ്ങൾ ജോബിയെ പറഞ്ഞപോലെ ഞങ്ങൾക്ക് എല്ലാം അവൾ സ്വന്തം കൂടെപ്പിറപ്പ് തന്നെയാണ്. ഞങ്ങളുടെ കൂടെ കോളേജിൽ B.COM ന് ചേർന്നതായിരുന്നു ഇപ്പോ സാറയും കൂട്ടുക്കാരും ഞങ്ങൾക്കൊപ്പം ഉള്ളത് പോലെയായിരുന്നു അന്ന് ചാച്ചു. കോളേജിന്റെ ആദ്യഘട്ടം മുതൽ തന്നെ ഞങ്ങളും ജോണുമായി നല്ല രീതിയിൽ അല്ലായിരുന്നു.നങ്ങളോടുള്ള പക തീർക്കാനാണ് അവൻ നിഹാരയെ ലക്ഷ്യ വെച്ചത് അതിൽ അവൻ വിജയിച്ചു.\"

മിഥുൻ ബാക്കി പറഞ്ഞു.

\"അപ്പൊ നിങ്ങളാണ് അവൾ എപ്പോഴും പറയുന്ന അവളുടെ ടീംബ്രെദേർസ് അല്ലെ.. എപ്പോഴും നിങ്ങളെ കുറിച്ച് അവൾ പറയാറുണ്ട്.നൂറ് നാവാ നിങ്ങളെ കുറിച്ച് പറയാൻ. ഇടക്ക് നിങ്ങളെ ഓർത്തു കരയാറും ഉണ്ട്.\" (ഡോൺ വളരെ അധികം സന്തോഷത്തോടെ പറഞ്ഞു.ചാച്ചുവിന്റെ പുഞ്ചിരി നിറഞ്ഞ മുഖമാണ് ഡോണിന്റെ മനസ്സിൽ അപ്പൊ തെളിഞ്ഞത്. തന്റെ മകളെ പോലെ തന്നെ പ്രിയപ്പെട്ടവൾ ആണ് അവളും ഇപ്പോ.)
\"ആ.. അതൊക്കെ ഞങ്ങൾ അറിഞ്ഞു.ഞങ്ങൾ ഇന്ന് ജോബിന്റെ കൂട്ടുകാരെ കാണാൻ പോയിരുന്നു.\" അങ്ങനെ ഇന്ന് രാവിലത്തെ കാര്യങ്ങൾ ഒക്കെ മെഹ്ഫി പറഞ്ഞു.

\"യേ.. അപ്പൊ അവരിൽ നിന്ന് എല്ലാം അറിഞ്ഞിട്ടുണ്ടാകും. അല്ല....ജോണും നിങ്ങളും.. അവൻ എങ്ങനെ കോളേജിൽ.\" (ഡോൺ )

\"അവൻ വലിയ ബിസിനസ് എന്നൊക്കെ പറഞ്ഞു കോളേജിൽ pg ക്ക് പഠിക്കുന്നുണ്ട്. പഠിപ്പെന്ന പേരിൽ അവിടേയും അവൻ മറ്റുള്ളവരെ ഉപദ്രവിക്കാനാണ് സമയം കൂടുതൽ കണ്ടെത്തുന്നത്.\" 

എന്ന് പറഞ്ഞു തുടങ്ങി ആദ്യമുതൽ ഉള്ള ഓരോ കാര്യങ്ങളും ജോണിന്റെ വഴിവിട്ട ബന്ധങ്ങളും എല്ലാം വിശദമായി തന്നെ സാറയും കൂട്ടുകാരും വിശദീകരിച്ചു കൊടുത്ത്.

ജോണിന്റെ ചതിയിൽ പെട്ട് അവന്റെ താലി കഴുത്തിൽ വീയുന്നതിന് മുമ്പ് തന്നെ അവനെ മനസ്സിലാക്കാൻ സാധിച്ചതിൽ അവർ ദൈവത്തോട് നന്ദി പറഞ്ഞു. 

അങ്ങനെ ആ രാത്രി മനസ്സ് തുറന്ന് എല്ലാം പങ്കുവെച്ചു കൊണ്ട് മനോഹരമായ ഒരു പുലരിക്ക് വേണ്ടി അവർ ഉറക്കമായി.

_________________

ഇവിടത്തെ ഓരോ വിവരങ്ങളും അപ്പോ അപ്പൊ അവരുടെ ഒന്നിച്ചുള്ള ഗ്രൂപ്പിൽ അപ്‌ലോഡ് ചെയ്യുന്നത് കൊണ്ട് തന്നെ സെവെൻസ് ഒക്കെ വളരെ ഹാപ്പിയാണ്. ജിയാ തന്റെ തിരക്കുകൾ എല്ലാം തീർത്ത് ഇന്ന് ഉച്ചക്ക് തന്നെ നിശൂന്റെ ഇപ്പോ ജിയയുടെ കൂടെയായ വീട്ടിലേക്ക് വന്നിട്ടുണ്ട്. ഉമ്മക്കും കുക്കൂനും അത് വലിയ സന്തോഷമായി. കൂടെ ചാച്ചു സേഫായി ഒരിടത്ത് ഉണ്ടെന്ന് അറിഞ്ഞതോടെ ഉറങ്ങി പോയ ആ വീട് വീണ്ടും ഉണരാൻ തുടങ്ങി. ആ അമ്മ മനസ്സിൽ മക്കളെന്ന കിനാവ് പടർന്നുയർന്നു.

അഭിയെ ഓപ്പറേഷൻ ഡിയേറ്ററിലേക്ക് കയറ്റിയത് രാത്രി പത്ത് മണിക്കാണ്. ആ വിവരവും ഗ്രൂപ്പിൽ ഫാസി അറിയിച്ചിട്ടുണ്ട്. ഉറങ്ങാൻ നേരം എല്ലാവരുടേയും പ്രാർഥനയിൽ നിറഞ്ഞു നിന്നത് അഭി മാത്രമാണ്. വിശ്വാസങ്ങൾ പ്രകാരം നേർച്ചയും വഴിപാടുകളും അവന് വേണ്ടി നേരാൻ അവനെ സ്നേഹിക്കുന്ന സൗഹൃദങ്ങൾ തന്നെ ധാരാളമായിരുന്നു.


_______________________


കോഴിയുടേ കൂവലും കിളികളുടെ കലപിലയും കേട്ട് കൊണ്ടാണ് ആ രാവ് പുലർന്നത്.രാവിലെ തന്നെ എല്ലാവർക്കും വലിയ ഉന്മേഷം ആയിരുന്നു ഇന്ന്. ഇന്നലെ രാത്രി എല്ലാവരും ഒരുമിച്ച് സംസാരിച്ചു ഉറങ്ങാൻ കുറേ വൈകിയെങ്കിലും ആ ക്ഷീണം ആരിലും ഇല്ലായിരുന്നു. എല്ലാവരും ഉറങ്ങിയ ശേഷം സാറയും മമ്മയും കൂടി ഒരു വലിയ കേക്ക് ചാച്ചുവിന് വേണ്ടി ഉണ്ടാക്കി വെച്ചിട്ടുണ്ട്. അത് മറ്റാർക്കും അറിയില്ല.

അങ്ങനെ എല്ലാവരും ഫ്രഷായി ചായ കുടിച്ചു ഒരുങ്ങി ഇറങ്ങി. മമ്മയും പപ്പയും ഉൾപ്പെടെ അവർ പതിനൊന്നു പേര് ഉണ്ടായിരുന്നു. എല്ലാവരും കൂടി കളിയും തമാശയുമായി കവലയിലേക്ക് നടന്നു.കേക്കിന്റെ കൂടെ ഇന്ന് വരെ ഉപയോഗിക്കാത്ത നല്ലൊരു ചുരിദാറും ചാച്ചുവിന് പിറന്നാൾ സമ്മാനമായി സാറ കയ്യിൽ കരുതിയിട്ടുണ്ട്. അവർ കവലയിൽ എത്തിയപ്പോൾ തന്നെ ജോബിയുടെ കൂട്ടുകാർ അവിടെ ഉണ്ടായിരുന്നു. അവർ അഞ്ചു പേരുടെ (മഹേഷ്‌, അഖിൽ, ജോസഫ്, സുരേഷ്, കാർത്തിക് ) കയ്യിലും ഓരോ കവർ ഉണ്ടായിരുന്നു. അത് അവൾക്കുള്ള ഗിഫ്റ്റാണെന്ന് എല്ലാവർക്കും അറിയാമായിരുന്നു. ബോയ്സിന് ചാച്ചുവിന് വേണ്ടി ഒന്നും വാങ്ങാൻ പറ്റാത്തതിൽ നല്ല വിഷമം ഉണ്ട്. ആ കവലയിൽ പ്രേതേകിച്ച് ഒന്നും വാങ്ങാൻ പറ്റിയ കടയില്ല. അത് കൊണ്ട് തന്നെ ആ തട്ടുകടയിൽ നിന്ന് അവൾക്കിഷ്ടപ്പെട്ട പലഹാരങ്ങൾ എല്ലാം അവർ വാങ്ങിയിരുന്നു.

അങ്ങനെ പരസ്പരം സംസാരിച്ചു അവർ മുന്നോട്ട് നടന്നു. ജോബിന്റെ കൂട്ടുകാരുമായി നല്ലൊരു അടുപ്പം ഉണ്ടാകുകയും ചെയ്ത്.

\"ഇതാണ് വീട്.\" 

ഒരു ഇരുനില വീട്. നിറയെ ചെടികളും ചെറിയ താമരകുളവും ഒരു ഊഞ്ഞാലും വലിയ മാവും പ്ലാവും എല്ലാം അടങ്ങിയ വിശാലമായ മുറ്റം. എല്ലാം നോക്കി കണ്ട് കൊണ്ട് അവർ മുറ്റത്തേക്ക് ഇറങ്ങി. 

\"ഞങ്ങൾ മാറി നിൽക്കാം.. നിങ്ങൾ കോളിങ് ബെൽ അടിച്ചോളൂ.. അവൾ വന്നു വാതിൽ തുറക്കുമ്പോഴുള്ള അവളുടെ മുഖഭാവം ഒന്ന് ഞങ്ങൾക്ക് കാണണം.\" ( മഹേഷ്‌ അത് പറഞ്ഞു കൊണ്ട് തന്റെ ഫോണിന്റെ ക്യാമറ ഓൺ ചെയ്ത് ആരും കാണാത്ത രൂപത്തിൽ എന്നാൽ വാതിലും അതിന്റെ ചുറ്റുഭാഗവും പൂർണ്ണമായി ക്യാമറയിൽ കിട്ടുന്ന രൂപത്തിലാണ് സെറ്റ് ചെയ്തത്.


അവർ പറഞ്ഞത് അനുസരിച്ചു സാറ ചെന്ന് കോളിങ് ബെൽ അടിച്ചു. ആദ്യത്തെ രണ്ട് ബെല്ലിൽ ആരും ഡോർ തുറന്നില്ല. വീണ്ടും കൈ ഉയർത്തി ബെൽ അടിക്കാൻ നിന്നതും വാതിൽ തുറക്കപ്പെട്ടു.ചാച്ചുവിനെ പ്രതീക്ഷിച്ചു കാത്ത കണ്ണുകൾക്ക് ചാച്ചുവിനെ അല്ല കണ്ടത് എങ്കിലും അതിന്റെ നിരാശയല്ല അവരിൽ ഉണ്ടായത്. പകരം ആ കണ്ണുകൾ ഒന്നൂടെ വിടർന്നു. മുന്നിൽ നിൽക്കുന്ന ആളെ കണ്ട് ഒട്ടും വിശ്വസിക്കാൻ കഴിഞ്ഞില്ല.

സാറ ആ പേര് മന്ത്രിച്ചു. അവളുടെ മുഖത്ത് ചെറിയ ഭയം നിറഞ്ഞോ എന്നും സംശയമില്ല.


തുടരും ❤️..

അപ്പൊ കമന്റും റിവ്യൂ റേറ്റിംഗും ഒക്കെ പെട്ടന്ന് ഇങ്ങോട്ട് തന്നോളൂ.. എന്നാ ആ വാതിൽ തുറന്നത് ആരാന്ന് ഞാൻ വേഗം പറഞ്ഞു തരാം.. 😜