*SEVEN🧚QUEENS*
          ✍️_jifni_
           Part 86
           
🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️


പകരം ആ കണ്ണുകൾ ഒന്നൂടെ വിടർന്നു. മുന്നിൽ നിൽക്കുന്ന ആളെ കണ്ട് ഒട്ടും വിശ്വസിക്കാൻ കഴിഞ്ഞില്ല.

സാറ ആ പേര് മന്ത്രിച്ചു. അവളുടെ മുഖത്ത് ചെറിയ ഭയം നിറഞ്ഞോ എന്നും സംശയമില്ല.

\"മീര...\"

സാറയുടെ നാവിന്റെ കൂടെ മറ്റുള്ളവരുടെ നാവും ചലിച്ചു.

(മീരയെ നിങ്ങൾക്ക് ഓർമയില്ലേ. Part 70 ൽ പറയുന്നുണ്ട്. ജോണിന്റെ കൂട്ടുകാരിൽ പെട്ട മീരയും റീറ്റയും അതിലെ മീര ആണ് ഇത്.)

\"സംശയിക്കണ്ട ഞാൻ തന്നെ... എന്നെങ്കിലും ഒരു ദിവസം നിങ്ങൾ ഇവിടെ എത്തുമെന്ന് ഉറപ്പായിരുന്നു. പക്ഷെ ;ഇത്ര പെട്ടന്ന് എത്തുമെന്ന് ഞാൻ കരുതിയില്ല. പുറത്ത് നിൽക്കാതെ അകത്തേക്ക് വരൂ.\"  

വാതിൽ തുറക്കുന്നതിനോടൊപ്പം മനോഹരമായ ഒരു പുഞ്ചിരിയാലെ മീര പറഞ്ഞു. അഹങ്കാരത്തോടെ വീർത്ത മീരയുടെ മുഖം മാത്രമേ ഇന്നുവരെ കണ്ടിട്ടുള്ളൂ. ആ അവർക്ക് ഇതൊരു അത്ഭുതമായി തോന്നി.

\"ആരാ മീരൂ വന്നത്.. ഏട്ടന്മാർ എത്തിയോ..\" നനഞ്ഞ കൈ ടോപിന്റെ അടിഭാഗത്ത് തുടച്ചു കൊണ്ട് വരുന്ന ചാച്ചുവിനെ കണ്ടതും മീരയെ കണ്ട ഞെട്ടൽ മാറി എല്ലാവരിലും പുഞ്ചിരി നിറഞ്ഞു. സങ്കടവും സന്തോഷവും നിറഞ്ഞ ഒരു നിമിഷം. കാലുകൾ അവളുടെ അടുത്തേക്ക് ചലിപ്പിക്കാൻ ആഗ്രഹിക്കുമ്പോഴും അവളിൽ തറച്ചു നിന്ന്.പക്ഷെ ;ചാച്ചുവിന്റെ കണ്ണുകൾ നിറഞ്ഞു തുടങ്ങി. തലതാഴ്ന്നു പോയി.

അപ്പോൾ തന്നെ നിഷു അകത്തേക്ക് കയറി അവളേ വാരിപ്പുണർന്നു. രണ്ട് പേരുടെ കണ്ണും നിറഞ്ഞൊഴുകി. അവിടെയാകെ നിശബ്ദത തളം കെട്ടി. അത്രമേൽ പ്രിയപെട്ടവരെ ഒന്ന് നോക്കാൻ കഴിയാതെ ഒരു പുഞ്ചിരി നൽകാൻ കഴിയാതെ ഒരു വാക്ക് സംസാരിക്കാൻ കഴിയാതെ നിഷുവിന്റെ മാറിൽ മുഖം അമർത്തി പൊട്ടികരഞ്ഞു.ആ നിമിഷം എല്ലാവരും നോക്കി കണ്ടു. ചില ക്യാമറ കണ്ണുകൾ അത് പകർത്താൻ മറന്നില്ല.

\"അയ്യേ... ന്താ ഇപ്പോ ഈ കാണുന്നെ. ഇവിടെ നാലാള നാവിൽ സംസാരിക്കുന്ന നീയാണോ ഇങ്ങനെ അയ്യേ.. നാണക്കേട്. നിന്നെ കാണാൻ വേണ്ടി ഉറക്കം കളഞ്ഞു ദിവസങ്ങൾ കാത്തിരുന്നു ഈ പട്ടിക്കാട്ടിലേക്ക് വന്നിട്ട് നീ ഇങ്ങനെ മോങ്ങി ഇരിക്കാണോ.. അവരെ കയറ്റി ഇരുത്തി ജ്യൂസ്‌ ഒക്കെ കൊടുത്തു സൽക്കരിക്കാൻ നോക്ക്.\"  അവളുടെ അടുത്തേക്ക് നടന്നു അവളുടെ പുറത്ത് തലോടി കൊണ്ട് നിഷുവിൽ അള്ളിപിടിച്ച അവളേ വേർപെടുത്തി കൊണ്ട് മഹേഷ്‌ പറഞ്ഞു.

അവൾ പതിയെ അവനിൽ നിന്ന് അടർന്നു കൊണ്ട് മുഖം ഉയർത്തി അവരെ നോക്കി.

\"സോറി.. ഞാൻ \" 

അവൾ എന്തോ പറയാൻ ശ്രമിച്ചതും സഫു തടഞ്ഞു.
അപ്പോഴേക്കും മീര അകത്തേക്ക് കയറി പോയിരുന്നു. ആ സന്തോഷ വേളയിൽ മീരയെ അവിടെ കണ്ടത് പിന്നെ ആരും ഓർത്തില്ല.

\"വേണ്ട ചാച്ചു... എല്ലാം ഞങ്ങൾക്ക് അറിയാം.. ഇനി ഒരു സംസാരം വേണ്ടാട്ടോ.. ഞങ്ങൾക്ക് നിന്നോട് ഒട്ടും ദേഷ്യമില്ല. ആദ്യത്തെ പോലെ അതിനേക്കാൾ കൂടുതൽ സ്നേഹം മാത്രമേ ഒള്ളൂ.\"  
ചിരിച്ചു കൊണ്ട് സഫു പറഞ്ഞതും ബാക്കിയുള്ളവർക്കും അവൻ പറഞ്ഞത് തന്നെ പറയാനുള്ളത് എന്ന ഭാവം ആയിരുന്നു ..

\"ഹാപ്പി ബർത്ത്ഡേ ചാച്ചൂ...\" 

വീണ്ടും അവിടെ സെന്റി വേണ്ടാ എന്ന് കരുതി കൈ കൊട്ടി കൊണ്ട് ഉറക്കെ സാറ വിളിച്ചു പറഞ്ഞു. അതോടൊപ്പം മറ്റുള്ളവരും ചേർന്ന്. അപ്പോഴേക്കും റീറ്റ കേക്ക് സെറ്റ് ചെയ്ത്. ആദ്യത്തെ ഇക്കാകമാർക്കും ഇപ്പോഴത്തെ ചേട്ടന്മാർക്കും സാറക്കും മീരക്കും മമ്മക്കും പപ്പക്കും ഒക്കെ നടുവിൽ ഒരു രാജകുമാരിയായി നിന്ന് കൊണ്ട് അവൾ കേക്ക് കട്ട് ചെയ്തു. കേക്ക് മുറിക്കാൻ പറഞ്ഞപ്പോൾ റൂമിൽ പോയി മീരയെ ജോബിൻ വിളിച്ചു കൊണ്ട് വന്നതാണ്.ആദ്യം ആർക്ക് കൊടുക്കും എന്ന സംശയത്തിൽ ചാച്ചു ഒന്ന് എല്ലാവരേയും നോക്കി. പിന്നെ ആർക്കും പരാധി വേണ്ടല്ലോ എന്ന് കരുതി ആദ്യം അവൾ ഡോണിനും റീറ്റക്കും നൽകി.

\"ഇനി ബാക്കിയുള്ളവർ ഒക്കെ എടുത്ത് തിന്നോളൂ.ഇതിൽ ഒരാൾക്ക് ആദ്യം തരാൻ എനിക്ക് പറ്റില്ല. എല്ലാവരും ന്റ പൊന്നാര ആങ്ങളമാർ അല്ലെ...\" 

ആർക്ക് അടുത്തത് കൊടുക്കും എന്ന സംശയം മുതിർന്നതും അവൾ ബുദ്ധിക്ക് കളിച്ചു.

\"ചാച്ചൂ.....\" കേക്ക് ഒക്കെ മുറിച്ചു അവിടെ ക്ലീൻ ചെയുന്ന ചാച്ചുവിന്റെ അടുത്ത് വന്നു സാറ വിളിച്ചു.

\"നീ എന്നേ മറന്നിട്ടുണ്ടാകും എന്നാ ഞാൻ കരുതിയെ. എന്നാലും ഇന്ന് എന്റെ ബർത്ത്ഡേക്ക് വന്നല്ലോ.. സുഖല്ലേ നിനക്ക്.. നിന്നോട് ആരാ ഇന്ന് ബർത്ഡേ ആണെന്ന് പറഞ്ഞത് ഡോണിപ്പയാകും അല്ലെ..\" ചാച്ചു ഡോണിനെ ഡോണിപ്പാ എന്നാ വിളിക്കാറ്.

ഒരു വർഷത്തിന് ശേഷം ചാച്ചു അവളുമായി വീണ്ടും സംസാരിച്ചു. ഒരു ആഴ്ച്ച മാത്രം പരിജയം ഒള്ളൂ എങ്കിലും മായാത്ത ഒരു മുഖമാണ് സാറയുടേത്.ഒരു ബെഡിൽ കഴിഞ്ഞ ആ ഒരു ആഴ്ച്ചക്ക് ഒരു വർഷത്തേക്കാൾ മധുരം ഉണ്ടായിരുന്നു.

\"മറന്നിരുന്നു... പിന്നെ ഓർമവന്നത് നിന്റെ വീട്ടിൽ പോയപ്പോഴാണ്. നിന്റെ ഉമ്മയുടെ സംസാരത്തിൽ നിന്നും.\" സാറ പറഞ്ഞു നിർത്തി.

\"എന്റെ വീട്ടിലോ.. എന്തിന്.. നിനക്ക് എങ്ങനെ അവരെ അറിയാ...\" 
മനസ്സിൽ തോന്നിയ സംശയം ചോദിച്ചു കൊണ്ട് ചാച്ചു അവൾക്ക് നേരെ തിരിഞ്ഞു.

\"അതൊക്കെ ഒരു വലിയ കഥയാണ് മോളെ.. അങ്ങനെയല്ലേ നിന്റെ ഇക്കാക്കമാർ ഇവിടെ എത്തിയത്.\" 

അങ്ങനെ തുടങ്ങി അവൾ കോളേജിൽ ചേർന്നതും മറ്റു സെവെൻസിനെ കുറിച്ചും അവരും ബോയ്സും തമ്മിലുള്ള ബന്ധത്തെ കുറിച്ചും ഒക്കെ പറഞ്ഞു കൊടുത്തു. നിശൂന്റെ വീട്ടിൽ പോയതും ഉമ്മയുടെ സംസാരവും അങ്ങനെ കുറേ നേരം അവർ ഒന്നിച്ചിരുന്നു സംസാരിച്ചു.ജിയയും ലച്ചും ആന്റിയും ഇത്തയും അങ്ങനെ എല്ലാവരും അവരുടെ സംസാരത്തിൽ വന്നിരുന്നു.

കേക്ക് മുറി കഴിഞ്ഞ ഉടനെ സംസാരത്തിന് ഒന്നും നിൽക്കാതെ ബോയ്സ് എല്ലാവരും കൂടി അടുക്കളയിലേക്ക് ഇറങ്ങിയതാ.. ഇന്നത്തെ ഭക്ഷണം അവരുടെ വകയാണെന്ന് പറഞ്ഞു കൊണ്ട്. അതിനിടയിൽ ജോബിയെ കാണുകയും നന്ദി പറയുകയും ചെയ്യാൻ അവർ മറന്നില്ല. ജോബിനും കൂട്ടുകാരും അടുക്കളയിൽ തന്നെ ഉണ്ട്. ഉള്ളിയും വെളുത്തുള്ളിയും തൊലിക്കുന്നതിന്റെ കൂടെ ഫുട്ബോളും പഴയ പ്രണയകഥകൾക്കും അടുക്കള സാക്ഷ്യം വഹിച്ചു. കൂടെ ഡോണും ചേർന്നത്തോടെ സംഗതി ഉഷാറായി. മീരയും മമ്മയും കസേരയിട്ട് അടുക്കളയിൽ ഇരിക്കാണ്. ഇപ്പോഴത്തെ സംസാര വിഷയം റീറ്റയുടേയും ഡോണിന്റെയും പ്രണയക്കാലമാണ്. പഴയക്കാല പ്രണയത്തെ അതിമനോഹാരിതയിൽ എരിവും പുളിയും കൂട്ടി പറയുന്ന തിരക്കിലാണ് ഡോൺ.

അവർ കഥ പറയുന്ന ഇടക്കാണ് വിശേഷങ്ങൾ ഒക്കെ പറഞ്ഞു കഴിഞ്ഞു തോളിലും കയ്യിട്ട് കൊണ്ട് സാറയും ചാച്ചും അടുക്കളയിലേക്ക് വന്നത്.

അവരുടെ കഥയൊക്കെ എല്ലാവരും കൂടി കേട്ടിരുന്നു. അതിന്റെ കൂടെ നൈച്ചോറും ചിക്കൻകറിയും ചിക്കൻ പൊള്ളിച്ചതും പപ്പടവും കച്ചമ്പറും അച്ചാറും റെഡി ആക്കുന്നുണ്ടായിരുന്നു. ചിക്കൻകറിയുടെ ഗന്ധവും തിളച്ച എണ്ണയുടെ മണവും അന്തരീക്ഷത്തിൽ പടർന്നു.


\"മീരാ.. നീ എന്നേ ഇങ്ങോട്ട് ലാന്റ് ചെയ്തത് ഞങ്ങൾ അറിഞ്ഞില്ലല്ലോ..\" ആരോടും ഒന്നും മിണ്ടാതെ അവരുടെ കൂട്ട് കെട്ട് കണ്ട് സന്തോഷിക്കുന്ന മീരയുടെ തലക്ക് ഒരു കൊട്ട് കൊടുത്ത് കൊണ്ട് മഹേഷ്‌ ചോദിച്ചു.

\"അവൾക്ക് വേനൽ ലീവ് ആണത്രേ..\" ജോബിയാണ് മറുപടി പറഞ്ഞത്.

\"അപ്പൊ അവൾ അല്ലെ പറഞ്ഞത് പോഷൻ തീർന്നില്ല വെക്കേഷൻ ഇല്ലാ എന്നൊക്കെ.\"(കാർത്തിക് )

\"എന്താ ഇപ്പോഴത്തെ ചൂടിന്റെ കാഠിന്യം അത് കൊണ്ട് പത്ത് ദിവസത്തെ ലീവ് ആണത്രേ.\" അത് പറഞ്ഞു കൊണ്ട് ചാച്ചു അവളുടെ അടുത്തേക്ക് നീങ്ങി. 

അത് കണ്ടിട്ട് ആണെന്ന് തോന്നുന്നു നിഷുവിനും മറ്റു ബോയ്സിനും ദേഷ്യം വന്നിട്ടുണ്ട്. സത്യം ഒന്നുമറിയാത്ത അവരുടെ ഉള്ളിൽ ഇപ്പോഴും മീര ഒരു അഹങ്കാരിയും വഴക്കാളിയും സ്വഭാവം നന്നാവാത്തവളുമാണ്. അവൾ എങ്ങനെ ഇവിടെ എന്നെന്ന് അവർ ചിന്തിക്കുന്നുണ്ട്. ഇന്നത്തെ ഈ സന്തോഷം കളയണ്ടല്ലോ എന്ന് കരുതി എല്ലാം ഒന്ന് ഒതുങ്ങാൻ കാത്ത് നിൽക്കാണ് ബോയ്സ്. എല്ലാം ചോദിച്ചറിയാന്.. ഇവരാരും എന്താ ഒന്നും ചോദിക്കാത്തേ എന്ന ചിന്തയിലാണ് മീര.

\"മീരാ.. നീ എങ്ങനെ ഇവിടെ... ഇവരുടെ കൂടെ...ഇവരും നീയും തമ്മിൽ ഒട്ടും ചേരില്ലല്ലോ..\" 

മനസ്സിലുള്ള ദേഷ്യം അത് പോലെ തന്നെ വാക്കിലും പ്രയോഗിച്ചു കൊണ്ട് ഉള്ളിലുള്ളത് തുറന്ന് ചോദിച്ചു സാറ.സാറയുടെ ചോദ്യം കേട്ടതും ബോയ്സിന്റെ ഒക്കെ ശ്രദ്ധ മുഴുവനായും മീരയിൽ തന്നെയായിരുന്നു. അവളുടെ മറുപടി എന്തെന്നറിയാന്. 


തുടരും ❤️


അപ്പൊ റിവ്യൂ റേറ്റിംഗും വേഗം തന്നോളൂ മക്കളെ..