*SEVEN🧚QUEENS*
          ✍️_jifni_
           Part 87
           
🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️🧚‍♂️


മനസ്സിലുള്ള ദേഷ്യം അത് പോലെ തന്നെ വാക്കിലും പ്രയോഗിച്ചു കൊണ്ട് ഉള്ളിലുള്ളത് തുറന്ന് ചോദിച്ചു സാറ.സാറയുടെ ചോദ്യം കേട്ടതും ബോയ്സിന്റെ ഒക്കെ ശ്രദ്ധ മുഴുവനായും മീരയിൽ തന്നെയായിരുന്നു. അവളുടെ മറുപടി എന്തെന്നറിയാന്. 

\"ഇവളെ നിങ്ങൾ എല്ലാവരും തെറ്റ്ധരിച്ചു കാണും ല്ലേ.. ഇവളെ ഞാൻ പറഞ്ഞു വിട്ടതാണ് കോളേജിലേക്ക്. ജോണിന്റെ പ്രവർത്തികൾ അറിയാന്. പക്ഷേ ഇവൾ ചെന്ന് അവന്റെ കൂടെ തന്നെ അങ്ങട്ട് കൂടി. അതോടെ അവന്റെ ഓരോ കാര്യങ്ങളും നല്ല വെടുപ്പ് ആയിട്ട് ഞാൻ അറിയുന്നുണ്ട്.ഇവൾ ജോണിന്റെ കൂടെ ഇല്ലായിരുന്നെങ്കിൽ ഇന്ന് നീ ജീവിച്ചിരിക്കില്ലായിരുന്നു സാറാ.. \"

ജോബിയാണ് മീരക്ക് പകരം മറുപടി പറഞ്ഞത്.അവസാനത്തെ അവന്റെ വാക്കുകൾ കേട്ട് എല്ലാവരും ഞെട്ടി.

\"അവൻ എത്രയോ തവണ നിന്നെ കൊല്ലാൻ നോക്കിയിട്ടുണ്ട്. ഒന്നിങ്കിൽ ഇവളായിട്ട് തന്നെ അവന് എതിരെ പാര പണിയും. അല്ലെങ്കിൽ അവന്റെ പ്ലാൻ കറക്ട് ആയിട്ട് എന്നേ അറിയിക്കും. ഞാൻ ബ്ലോക്ക്‌ ചെയ്യും.നിനക്ക് ഓർമയുണ്ടോ നീ എല്ലാം അറിഞ്ഞ ദിവസം നിനക്ക് നടന്ന വാഹനഅപകടം.\" 

ജോബി പറഞ്ഞതും ബോയ്സും സാറയും ആ സംഭവം ഓർത്തു. ബോയ്സ് അവളേ ഹോസ്പിറ്റലിൽ എത്തിച്ചതൊക്കെ. പെട്ടന്നാണ് അവൾ ഒരു കാര്യം കൂടി ഓർത്തെടുത്തത്. അന്നത്തെ ആ വണ്ടിയുടെ ഡ്രൈവർ അത് ജോബി ആയിരുന്നല്ലോ..

\"അത്... ആ ഡ്രൈവർ \"  എന്തോ ചോദിക്കാൻ ഒരു മടിയുള്ള പോലെ അവൾ ചോദിച്ചു.

\"സംശയിക്കണ്ട അത് ഞാൻ തന്നെ. അവൻ നിന്നെ ഫോളോ ചെയ്ത് ഒരു ലോറി കൊണ്ട് വരുന്നുണ്ടെന്ന് ഇവൾ വിളിച്ചു എന്നേ അറിയിച്ചു. ആ ലോറിക്കടിയിൽ എരിഞ്ഞു തീരേണ്ടത് അല്ല നീ. അത് കൊണ്ട് തന്നെ ഒരു ചെറിയ അപകടം ഞാൻ ഉണ്ടാക്കി. അതിൽ നിനക്ക് ഒന്നും പറ്റില്ലാന്ന് എനിക്ക് ഉറപ്പായിരുന്നു.ഇവൾ ശെരിക്കും ഒരു പാവമാണ് ജോണിന് സംശയം ഒന്നും തോന്നാതിരിക്കാൻ വേണ്ടി മാത്രമാണ് ഇവൾ നിങ്ങളോട് ഒക്കെ അങ്ങനെ പെരുമാറുന്നത്.\" 

\"സത്യാ... മീര ശെരിക്കും ഒരു പാവ. ഒരു കൊതുകിനെ പോലും നോവിക്കാൻ അവൾക്ക് പേടിയാ.. ആ അവൾ നിങ്ങളോട് ചെയുന്നത് ഒക്കെ ഇവിടെ വന്നിരുന്നു പറഞ്ഞു കരയാറ് ഉണ്ട്. ആദ്യമൊന്നും എനിക്ക് ഇവളെ വിശ്വാസം ഇല്ലായിരുന്നു. ജോൺ എന്നോട് പ്രണയ നാടകം കളിച്ചപ്പോൾ അവന്റെ കൂടെ നിന്നില്ലേ എന്നോർത്തിട്ട് പിന്നെയാ ഇവളുമായി അടുത്തപ്പോൾ ഈ മനസ്സിന്റെ വിശാലത മനസിലായത്. പാവ.. ചെറിയ കുട്ടികളെ പോലെയാ..\"

ജോബി പറഞ്ഞത് എല്ലാം കേട്ടിട്ടും മീരയോട് ആരും ഒന്നും മിണ്ടാത്തത് കണ്ട് ചാച്ചുവിന് സങ്കടമായി. അത് കൊണ്ട് അവൾ അവളുടെ ഭാഗം കൂടി വിശദീകരിച്ചു.

\"നീ ഒരു വല്യ കുട്ടി... (ചാച്ചൂന് നേരെ തിരിഞ്ഞു കൊണ്ട് മീര പറഞ്ഞു. എന്നിട്ട് മറ്റുള്ളവർക്ക് നേരെ തിരിഞ്ഞു ) സോറി ട്ടോ.. ഞാൻ ഒന്നും മനപൂർവ്വം അല്ല.\" 

മീര കുറ്റബോധം കൊണ്ട് അവർക്ക് മുന്നിൽ തലതാഴ്ത്തി പോയി.

\"സാരല്യ.... നീ അവന്റെ കൂടെയുള്ളത് കൊണ്ട് ഞങ്ങളുടെ ചാച്ചു ഇന്ന് സേഫ് ആണ്. കൂടെ സാറയും. നീ ചെയ്യുന്ന തെറ്റുകൾ എല്ലാം ഒരു നന്മക്ക് വേണ്ടി അല്ലെ. ഞങ്ങൾക്ക് അത് ക്ഷമിക്കാൻ ഒരു മടിയും ഇല്ല.\"  

മിഥുൻ അത് പറഞ്ഞു അവളേ സമാധാനിപ്പിച്ചതോടെ അടുക്കളയിൽ നിറഞ്ഞു നിന്നിരുന്ന ആ മൂകത മാറി കിട്ടി. പിന്നെ അവിടെ പാട്ടും കൂത്തും ആയിരുന്നു. പാത്രങ്ങൾ ഉപയോഗിച്ച് നല്ല ബാണ്ടടി മേളവും നടക്കുന്നുണ്ട്.



\"മെഹ്ഫി...... നിന്റെ ഫോൺ...\" 


ജനലിൽ കിടന്ന് വൈബ്രെറ്റ് ചെയുന്ന മെഹ്ഫിയുടെ ഫോൺ എടുത്ത് കൊടുത്ത് കൊണ്ട് മീര പറഞ്ഞു. ആ നേരം മനസ്സിൽ മണ്ണിട്ട് മൂടിയ ഒരു പ്രണയവുമായി അവളെത്തന്നെ തുറിച്ചു നോക്കുന്ന കണ്ണുകളെ മീര കണ്ടില്ല.

കയ്യിലെ നനവ് തുടച്ചു കൊണ്ട് ആരാണെന്ന് നോക്കി. അപ്പൊ ഫാസിയാണ്. അത് പറഞ്ഞതോടെ സ്പീക്കറിൽ ഇടാൻ ആവിശ്യപ്പെട്ടു മറ്റുള്ളവർ.

മെഹ്ഫി :-ഹലോ.... എന്തായി ഓപറേഷൻ കഴിഞ്ഞില്ലേ.. നീ എന്തെ വിളിക്കാൻ ഇത്രേയും നേരം വൈകിയേ.. എന്തെങ്കിലും തിരക്കിൽ ആവുമെന്ന് കരുതിയ ഞങ്ങൾ അങ്ങോട്ട് ശല്യം ചെയ്യാഞ്ഞത്.. 

ഫാസി:- ന്റ മെഹ്ഫി നീ ഒന്ന് അടങ്ങ്. ഞാൻ ഒന്ന് പറയട്ടെ.

മെഹ്ഫി :- സോറി ടാ.. പെട്ടന്ന്.. പറ. ഓപറേഷൻ കഴിഞ്ഞു അഭി ക്ക് ഇപ്പോ..

വീണ്ടും വീണ്ടും മെഹ്ഫി തിടുക്കം കൂട്ടി കൊണ്ടിരുന്നു. കേട്ടിരിക്കുന്നവർക്കും ഈ തിടുക്കം ഉണ്ട് ട്ടാ.

ഫാസി :- ഓപറേഷൻ കഴിഞ്ഞു സക്സ്സെസ്. അൽഹംദുലില്ലാഹ്.

മെഹ്ഫി:-അൽഹംദുലില്ലാഹ്. അത് കേട്ടാൽ മതി. അവൻ എവിടെ എന്നിട്ട്.

ഫാസി :- ഇവിടെ ഉണ്ട്. നീ കോൾ കട്ട്‌ ചെയ്യാതെ നമ്മുടെ ഗ്രൂപ്പ്‌ ഒന്ന് എടുത്ത് നോക്ക് എന്നിട്ട് സംസാരിക്ക്. 

അത് കേട്ടതോടെ എല്ലാവരും ഫോൺ എടുത്ത് ഗ്രൂപ്പ്‌ തുറന്ന് നോക്കി..

ഫാസിയുടെ കൈ പിടിച്ചു ഒരു കൈ തോളിലൂടെ ഇട്ട് കൊണ്ട് ചെറിയ മക്കൾ നടത്തം പഠിക്കുന്ന പോലെ പതിയെ നടക്കുന്ന അഭിയുടെ ഒരു വീഡിയോ ആയിരുന്നു അത്. അത് കണ്ടതോടെ മനസ്സിന്റെ സന്തോഷം കൊണ്ടാണെന്ന് തോന്നുന്നു എല്ലാവരുടെ കണ്ണും നിറഞ്ഞു. ഇന്ന് വരെ ആ വീലചെയറിൽ ഇരിക്കുന്ന അഭിയെ മാത്രമേ എല്ലാവരും കണ്ടിട്ടുള്ളൂ. ആ അവനെ ഇങ്ങനെ കണ്ടപ്പോൾ ഒത്തിരി സന്തോഷം. പിന്നെ ആ കോളിലേക്ക് സെവെൻസ് എല്ലാവരും കൂടി ആഡ് ആയതോടെ എല്ലാ വിശേഷങ്ങളും പറഞ്ഞു. കൂടെ മീരയെ കുറച്ചും. പിന്നെ ചാച്ചു അവരെ എല്ലാം പരിചയപെട്ടു.


______________

അടുക്കള ഒക്കെയൊതുക്കി ഭക്ഷണത്തിനു നേരമായപ്പോൾ എല്ലാവരും ഒന്നിച്ചിരുന്നു ഭക്ഷണം കഴിച്ചു. അത് കഴിഞ്ഞതോടെ ഡോണും ഭാര്യ റീറ്റയും വീട്ടിലേക്ക് മടങ്ങി.  ബോയ്സും സാറയും വൈകീട്ടോ നാളെയോ വരാന്ന് പറഞ്ഞു. ഒന്നും തീരുമാനിച്ചിട്ടില്ല. ഇപ്പോൾ അവർ ആഘോഷത്തിന്റെ മൂഡിലാണ്.

ഭക്ഷണം കഴിച്ചു കഴിഞ്ഞു എല്ലാവരും കൂടി വീടിന്റെ പുറക് വശത്തേക്ക് ഇറങ്ങി.


കണ്ണെത്താ ദൂരത്തോളം പടർന്നു കിടക്കുന്ന നെൽപ്പാടം അതിന്റെ ആദ്യത്തിൽ നല്ല തെളിനീർ വെള്ളം ഒഴുകുന്ന ഒരു തോടും.കൊടും വേനലിലും ഇജ്ജിരി വെള്ളം ഉണ്ട്.തോടിൻ വരമ്പത്തായി മാവും മറ്റു മരങ്ങളും ഉണ്ട്. 

ആ തണലിൽ ഇരുന്ന് കൊണ്ട് അവർ ഓരോന്ന് സംസാരിച്ചിരുന്നു. ജോബിയുടെ കൂട്ടുകാരുമായി അവർ വല്ലാതെ അടുത്ത്.

\"ചാച്ചു... മറ്റന്നാൾ ഞങ്ങളുടെ കൂടെ പോരല്ലേ.. \"
സഫു ആ വിഷയത്തിന് തുടക്കം കുറിച്ചത്.

അതിന് എന്ത് പറയും എന്നറിയാതെ അവൾ ജോബിയെ നോക്കി. അവളുടെ മേൽ എല്ലാ അവകാശങ്ങളും അവനാണിപ്പോ. ഈ കാര്യത്തിലും ഒരു തീരുമാനം ഒറ്റക്ക് എടുക്കുന്നത് ശെരിയല്ലാന്ന് അവൾക്ക് അറിയാം. ഉമ്മയുമായി വിളിച്ചൊക്കെ സംസാരിച്ചതോണ്ട് ഉമ്മ പ്രതീക്ഷയോടെ ഇരിക്കുകയാകുമെന്ന് അവൾക്കറിയാം. 

\"എന്നേ നോക്കൊന്നും വേണ്ടാ... തീർച്ചയായും അവർക്കൊപ്പം പോകണം. കാരണം ഉമ്മയും ഉപ്പയും നിന്റെ അനിയനും പിന്നെ ഇപ്പോ ഒരു പുതിയ അനിയത്തിയും (ജിയ) ഉണ്ടത്രേ നിന്നെ കാത്ത്. അവരെ കാണാൻ പോകാതെ.എന്തായാലും പോകണം.\" ജോബി അവളേ നോക്കി പറഞ്ഞതൊക്കെ ബോയ്സിന് സമാധാനമായി. ജോബി പറഞ്ഞാൽ അവൾ വരുമെന്ന് അവർക്ക് ഉറപ്പാണ്.

\"പിന്നെ ഇവിടെന്ന് പോയെന്ന് കരുതി ഞങ്ങളെ ഒന്നും മറന്നേക്കരുത്. കാണാൻ വരണം. ഞങ്ങളും വരണ്ട്.\" 
അത് മഹേഷിന്റെ വക ഒരു വാർണിങ് തന്നെ ആയിരുന്നു.

\"ഇനി മരണം വരെ നിങ്ങളെ ഒക്കെ മറക്കാൻ പറ്റോ..\"  

ഇവരെ ഒക്കെ പിരിയുന്നതിലുള്ള ഒരു നോവോടെ അവൾ പറഞ്ഞു.

\"അല്ല ഞാൻ പോയാൽ...മീര ഒറ്റക്ക് ആവില്ലേ.. പിന്നെ ഞാൻ പോയാൽ ആ ഷെഡിലെ കിടത്തം ഒഴിവാക്കി ഈ വീട്ടിൽ വന്നു കിടന്നോണ്ടി എല്ലാവരും.\"  

ചേട്ടന്മാർക്ക് നേരെ ഒരു ഷാസന പോലെ ചാച്ചു പറഞ്ഞു

തുടരും ❤️.


ഇതിന് റിവ്യൂ തരുന്നവർക്ക് മാത്രം ഇന്ന് ഒരു part കൂടി തരും ❤️❤️