അനന്തഭദ്രം 🍁ഭാഗം 3

\" ഞാൻ പോയി വിളിച്ചിട്ടുണ്ട്. രണ്ടും എഴുന്നേറ്റ് പിടിച്ച് വരുന്നതേയുള്ളൂ..... ഞാൻ കുഞ്ഞിന് പാല് കൊടുത്തിട്ട് വരാം അമ്മേ...

 അതും പറഞ്ഞ് ഭദ്ര മുറിയിലേക്ക് കയറിപ്പോയപ്പോൾ രോഹിണി നിർവ്വകാര്യതയോടെ അവളെ നോക്കി നിന്നു....

 രോഹിണി തിരിഞ്ഞു നോക്കിയപ്പോൾ ദേ നിൽക്കുന്നു പൂജ മുന്നിൽ....

 പച്ച കളറിൽ നീല എംപ്ലോറി പിടിപ്പിച്ച ചുരിദാറാണ് അവൾ ഇട്ടിരിക്കുന്നത്... നനഞ്ഞ മുടി അഴിച്ചിട്ടിട്ടുണ്ട്... കണ്ണുകൾ ചെറുതായി വാലിട്ടെഴുതിയിട്ടുണ്ട്....

 ആഹാ സുന്ദരി ആയിട്ടുണ്ടല്ലോ? എവിടെ മറ്റേ ആള്...

 രോഹിണി പൂജയുടെ കവിളിലായി പിടിച്ചു അകത്തേക്ക് നോക്കുന്നതിനിടയിൽ ചോദിച്ചു..

 ആര് ലീനയോ? ആ ശവം കുളിക്കാൻ പോയിട്ടുണ്ട്.... അല്ല ! ഭദ്ര എന്തിയെ രോഹിണി അമ്മേ...

 ആ മോള് ദേവൂട്ടിന് പാല് കൊടുക്കാൻ മുറിയിലേക്ക് പോയിട്ടുണ്ട്....

 ഡൈനിങ് ടേബിളിൽ ഒരുക്കി വെച്ചിരിക്കുന്ന ആഹാരം പാത്രത്തിലേക്ക് വിളമ്പുന്നതിനോടൊപ്പം രോഹിണി പറഞ്ഞു..

 രാവിലെ തന്നെ തുടങ്ങിയോ ദേവൂട്ടന്റെ വഴക്ക്...: ഇവൻ ഇതൊരു പതിവാക്കിയിരിക്കുകയാണോ ...?

അത് പിന്നെ അങ്ങനെയല്ലേ വരൂ മോളെ... അവൻ കുഞ്ഞല്ലേ ...അമ്മയുടെ ചൂട് പറ്റി ഉറങ്ങേണ്ട സമയമല്ലേ ഇത്..

 രോഹിണി ചെറുപുഞ്ചിരിയോടെ പറഞ്ഞു..

ഭദ്രയായിട്ടാ. ഞാൻ എങ്ങാനും ആയിരിക്കണം കെട്ടി കുട്ടിയായ പിന്നെ പഠിക്കാൻ ഒന്നും എന്നെ കൊണ്ട് പറ്റില്ല. ... ഞാൻ എന്റെ കുഞ്ഞിനെയും നോക്കി സുഖായിട്ട് വീട്ടിലിരുന്നാനെ..

 ചുണ്ട് പിളർപ്പിച്ച് കാട്ടി പറയുന്ന പൂജയെ കണ്ടതും രോഹിണിക്ക് ചിരി വന്നു.....

 ഭദ്ര അങ്ങനെ ഒരു കുട്ടി അല്ല മോളെ... അവളുടെ വലിയ ആഗ്രഹമാ ഒരു ഡോക്ടറാകണമെന്ന്... എത്ര കഷ്ടപ്പെട്ടിട്ടാണെങ്കിലും എന്റെ കുട്ടി അത് നേടിയെടുക്കുക തന്നെ ചെയ്യും.. ഈശ്വരൻ ഒരുപാട് പരീക്ഷിച്ചിട്ടുണ്ട് എന്റെ കുട്ടിയെ.. ഒരുപാട് സഹിച്ചിട്ടുണ്ട് ആ പാവം.... ഇനിയെങ്കിലും അതിന് നല്ലൊരു ജീവിതം കിട്ടിയാൽ മതിയായിരുന്നു...

 അത്രയും പറഞ്ഞു കഴിഞ്ഞതും രോഹിണിയുടെ കണ്ണുകൾ അറിയാതെ നിറഞ്ഞിരുന്നു.. അത് കണ്ടതും പൂജയ്ക്ക് എന്ത് ചെയ്യണമെന്ന് അറിയാതെയായി..

 അയ്യേ ഞാൻ ഒരു തമാശ പറഞ്ഞതല്ലേ.. അപ്പോഴേക്കും കരയുവാ രോഹണയമ്മ. ദേ ആ കണ്ണു തുടച്ചിട്ട് ആഹാരം എടുത്തു വെച്ച... നല്ല വിശപ്പുണ്ട് എനിക്ക്.....രാവിലെ തന്നെ ചുമ്മാ സെന്റി ആക്കാൻ വേണ്ടി.... പൂജ രോഹണയുടെ തോളിലായി കയ്യിട്ടു കൊണ്ട് പറഞ്ഞു... കുസൃതിയോടെ പറയുന്ന പൂജയെ കണ്ടതും രോഹിണി കണ്ണുകൾ അമർത്തി തുടച്ചു....

 എടി ലീനേ, നീ വരുന്നുണ്ടോ?... പൂജ അകത്തേക്ക് നീട്ടി വിളിച്ചു ചോദിച്ചു....

 ഇതാ വരുന്നു...

 അതും പറഞ്ഞ് ലീന ഇറങ്ങി വന്നതും ഭദ്ര കുഞ്ഞിനെയും കൊണ്ട് അങ്ങോട്ടേക്ക് വന്നതും ഒരേസമായിരുന്നു..... ഭദ്രേ കണ്ടതും രോഹിണി ഓടിപ്പോയി കുഞ്ഞിനെ മേടിച്ചു... അപ്പോഴേക്കും ദേവൂട്ടൻ പാലുകുടിച്ച് ഉറങ്ങിയിരുന്നു. ഒരു ഞരങ്ങലോടെ അവൻ രോഹിണിയുടെ കയ്യിലേക്ക് മാറി...

 ഭദ്രയും ലീനയും പൂജയും ഒരുമിച്ചിരുന്ന് ഭക്ഷണം കഴിച്ചു.... കോളേജിലേക്ക് ഇറങ്ങുന്നതിനു മുൻപ് ഭദ്ര കുഞ്ഞിന്റെ നെറ്റിയിൽ അമർത്തി ചുംബിച്ചു.....

🍁🍁🍁🍁

 ദേവൂട്ടൻ ജനിച്ച് ഒരു വർഷത്തിനുശേഷമാണ് ഭദ്ര എം ബി ബി എസിന് ചേരുന്നത്... അവിടെ വെച്ചാണ് പൂജയെയും ലീനയെയും... ഷഹനെയും ഭദ്ര പരിചയപ്പെടുന്നത്....


🔸പൂജ.... പൂജ രാമകൃഷ്ണൻ..... ഇട്ടു മൂടാൻ കാശുള്ള ഒരു നമ്പൂതിരി കുടുംബത്തിലെ.... അവസാനത്തെ പെൺ തരി... രണ്ട് ആങ്ങളമാരുടെ ഒരേയൊരു പെങ്ങൾ ആയതുകൊണ്ട് തന്നെ ലാളിച്ച് വഷളാക്കി വെച്ചിരിക്കുകയാണ് അവളെ . അതിന്റെ എല്ലാ പോരായ്മകളും പൂജയിൽ കാണാൻ കഴിയും...

🔸 ലീന റോയ്......🔸 നല്ല അസ്സല് കാഞ്ഞിരപ്പള്ളിക്കാരി അച്ചായത്തി.... അപ്പന്റെ കോടിക്കണക്കിന് സ്വത്തിന് ഒരേയൊരു അവകാശി....

 ഇവരിലെ നാലാമത്തവളാണ്  
🔸ഷഹന മുഹമ്മദ്.... 🔸കുടുംബത്തോട് ഒപ്പം തന്നെയാണ് അവൾ താമസിക്കുന്നത്.. ഉപ്പയും ഉമ്മയും ഇക്കയും അടങ്ങുന്ന ഒരു കൊച്ചു കുടുംബമാണ് അവളുടെത്... 10... 15 വർഷത്തെ പ്രവസ ജീവിതത്തിലായിരുന്നു ഷഹനയുടെ ഉപ്പ മുഹമ്മദ്... അദ്ദേഹം പ്രവാസ ജീവിതം കഴിഞ്ഞ് എത്തിയപ്പോഴേക്കും മൂത്തമകൻ ഷാഹിർ ബാംഗ്ലൂരിൽ കമ്പ്യൂട്ടർ എൻജിനീയറായി മാറി കഴിഞ്ഞിരുന്നു.അതുകൊണ്ട് തന്നെ ഭദ്രയുടെ കൂടെ നിൽക്കാൻ ഉള്ള ഷഹനയുടെ ആഗ്രഹം ഉപ്പ മുളയിലെ നുള്ളി...


 കോളേജ് തുടങ്ങിയ കാലത്ത് ലീനയും പൂജയും കോളേജ് ഹോസ്റ്റലിലായിരുന്നു താമസിച്ചിരുന്നത്.... എന്നാൽ ഇവരുടെ സ്വഭാവവുമായി വാർഡൻ ഒത്തു പോകാത്തതുകൊണ്ട് ഇവരെ ചവിട്ടി പുറത്താക്കി.... അതോടെ രണ്ടും കൂടി ഓടി പിടിച്ച് വന്നത് ഭദ്രയുടെ അരിക്കിലായിരുന്നു. അന്ന് മുതൽ ഇരുവരും ഭദ്രയുടെ വീട്ടിലെ അംഗങ്ങളായി... രോഹിണി അമ്മയ്ക്ക് മക്കളായി.... ദേവുട്ടന്റെ ആൻറ്റിമാരായി...


🍁🍁🍁🍁🍁

 ഇങ്ങള് എന്താ ഇവിടെ.. ക്ലാസില് പോണില്ലേ?

 അനാട്ടമി ലാബിനു മുന്നിൽ നിന്ന് പരുങ്ങുന്ന... ഭദ്രയെയും പൂജയെയും ലീനയെയും കണ്ടതും അവർക്ക് അരികിലേക്ക് വന്ന ഷഹന ചോദിച്ചു....

ആ... നീ വന്നോ...?... ഇന്ന് ചെറിയാൻ സാറിന്റെ ലാബ് ആണ് എന്നല്ലേ പറഞ്ഞിരുന്നത്....?... ഇവിടെ ആരെയും കാണുന്നില്ലല്ലോ....

 അന്തംവിട്ട് ചുറ്റും നോക്കുന്നതിനിടയിൽ ലീന ചോദിച്ചു.....

 ആ അപ്പേ ഇങ്ങള് അറിഞ്ഞില്ല? ചെറിയാൻ സാർ ലീവാ അയന് കൊണ്ട് ഇന്ന് ലാബില്ല... നമ്മളോട് ക്ലാസിലേക്ക് ചെല്ലാൻ പറഞ്ഞിട്ടുണ്ട്...... ഷഹന അവൾക്ക് മറുപിടി കൊടുത്തു...

 ഓ എന്റെ ഈശ്വരാ... രാവിലെ ഞാൻ പ്രാർത്ഥിച്ചപ്പോൾ നീ എന്റെ പ്രാർത്ഥന ഇത്രയും പെട്ടെന്ന് കേൾക്കുമെന്ന് ഞാൻ കരുതിയില്ല..... അയാളിൽ നിന്നും നീ എന്നെ രക്ഷപ്പെടുത്തിയല്ലോ?..... പൂജ മുകളിലേക്ക് നോക്കി എന്തെന്നില്ലാതെ പറഞ്ഞു.... ഇത് കണ്ടതും ബാക്കി മൂന്നുപേർക്കും ചിരി വന്നു....

ബാ.\'\' ഇനി ഇവിടെ നിൽക്കേണ്ടല്ലോ ?ക്ലാസ്സിൽ പോകാം....... എന്നും പറഞ്ഞ് ഭദ്ര മുന്നിലേക്ക് നടന്നതും പിന്നാലെ പൂജയും ലീനയും ഷഹനയും നടന്നു.....

 രാവിലെ കുളിച്ച് ഒരുങ്ങി വന്നത് വെറുതെയായി... ഇത് അറിഞ്ഞിരുന്നെങ്കിൽ കുറച്ചുനേരം കൂടി കഴിഞ്ഞിട്ട് വന്നാൽ മതിയായിരുന്നു..... നടക്കുന്നതിനിടയിൽ ലീന പറഞ്ഞു....

 ശരിയാ രാവിലെതന്നെ ആ ചെറിയാൻ സാറിന്റെ പേരും പറഞ്ഞ് ഞെട്ടിയാ എഴുന്നേറ്റത്... അയാൾ ഇന്ന് ലീവ് ആണെന്നുള്ള കാര്യം കുറച്ചു നേരത്തെ അറിയിച്ചാൽ എന്താ.....? അയാൾക്ക് എന്തും കാണിക്കാം. ഇനി നമ്മളെങ്ങാനും പറയാതെ ലീവ് എടുക്കണമായിരുന്നു ...എന്റെ അമ്മേ... ഈ കോളേജ് തിരിച്ചു മറിച്ച് വെച്ചേനെ അയാൾ.....

 പൂജ പറയുന്നത് കേട്ട് എല്ലാവരുടെയും കിളികൾ പല വശത്തോട്ട് പറന്നു പോയി.....


നാലും കൂടി ക്ലാസിലേക്ക് ചെന്നപ്പോൾ ജോയിയും അരുണും. അവർക്ക് മുന്നേ സ്ഥാനം പിടിച്ചിരുന്നു....... അവരെ കണ്ടതും പൂജ ഒന്ന് ഇളിച്ച് കാണിച്ച് പുറകിലെ സീറ്റിൽ പോയിരുന്നു.... പിന്നാലെ വന്ന ലീനയും ഭദ്രയും ഇതുതന്നെ ആവർത്തിച്ചു....

🔸 ജോയ് തരകൻ ....🔸. അത്യാവശ്യം നല്ല രീതിയിൽ സാമ്പത്തികം ഉള്ള ഒരു കോട്ടയംകാരനാണ് ജോയ്....ലീനയും ജോയിയും കുഞ്ഞുനാളു മുതലേ ഒരുമിച്ച് പഠിച്ചതുമാണ്... അടുത്തടുത്ത് വീടുള്ളതിനാൽ ലീനയും ജോയും നല്ല സൗഹൃദത്തിലും ആണ്....

🔸 അരുൺ കൃഷ്ണ....🔸 വടക്കുംനാഥന്റെ മണ്ണിൽ നിന്നു ഇവർക്കിടയിലേക്ക് വന്നു ചേക്കേറിയതാണെങ്കിലും.... നല്ല അസല് വായിനോക്കിയും കോഴിയുമാണ് കക്ഷി .ഇവരുടെ കൂട്ടത്തിലെ കള്ള കൃഷ്ണൻ.


 നീയൊക്കെ നേരത്തെ വന്ന് ഇരിപ്പടം ഉറപ്പിച്ചു അല്ലേടാ...?.... ലീന അരുണിന്റെ കഴുത്തിൽ തോണ്ടി കൊണ്ട് പറഞ്ഞു.... അതിന് അവൻ അവളെ നോക്കി ചിരിച്ചു കാണിച്ചു....

ഇനി ആരെയാണോ സഹിക്കേണ്ടത്...?... അതും പറഞ്ഞ് പൂജ തല ഉയർത്തിയതും ക്ലാസിലേക്ക് വരുന്ന ആളെ കണ്ട് അവൾ ഒരു നിമിഷം സ്തംഭിച്ചു നിന്നു പോയി...... എന്നാൽ അയാളെ കണ്ട ലീനയും ഷഹനയും ഭദ്രയും പൂജയെ നോക്കി ആക്കി ചിരിക്കാൻ തുടങ്ങി...


 ഇവരെ ഫാർമക്കോളജി പഠിപ്പിക്കുന്ന
 🔸ഋഷി ദേവ് 🔸ആയിരുന്നു അത്.... ബ്ലൂ ഷർട്ടും ബ്ലാക്ക് ജീൻസും ആണ് അവന്റെ വേഷം... ഷർട്ട് ഇൻ ചെയ്തിട്ടുണ്ട്.... നെറ്റിയിലേക്ക് വീണു കിടക്കുന്ന നീളൻ മുടിയും... വലതു കൈയിലെ ഇടി വളയും അവന്റെ സൗന്ദര്യം എടുത്ത് കാണിച്ചു...

 ഋഷി പൂജയെ നോക്കിയതും പെട്ടെന്ന് അവൾ അവനിൽമേൽ ഉണ്ടായിരുന്ന അവളുടെ കണ്ണ് പിൻവലിച്ചു....

 ഇയാൾ ഒരാഴ്ചത്തേക്ക് ലീവാണ്.... എന്തോ പ്രധാനപ്പെട്ട കാര്യം ഉണ്ടെന്നല്ലേ പറഞ്ഞത് ...എന്നിട്ട് ഇപ്പൊ എന്താ ഇവിടെ....?... പൂജ രഹസ്യം പറയുന്നതുപോലെ ഭദ്രയോട് ചോദിച്ചു....

ആ... എനിക്ക് അറിയില്ല..... സാറിന്റെ ഏറ്റവും പ്രധാനപ്പെട്ട കാര്യമാണല്ലോ നാലാമത്തെ റോയൽ രണ്ടാമത് ഇരിക്കുന്നത് .... അതായിരിക്കും ലീവ് എടുക്കാതെ വന്നത്.....

 പൂജ എണ്ണി നോക്കിയപ്പോൾ അത് താനാണെന്ന് മനസ്സിലായി.... അവൾ ഭദ്രേ നോക്കി ഒന്ന് കൂർപ്പിച്ച് കാണിച്ചു.....

എന്താ.. അവിടെ.........?... ഋഷി അവരെ നോക്കി ഉറക്കെ വിളിച്ച് ചോദിച്ചതും പൂജ പെട്ടെന്ന് തലതാഴ്ത്തി.... ഭദ്ര ഒന്നുമില്ല സാർ എന്ന് ആംഗ്യം കാണിച്ചു.....

 ഭദ്ര ... ഈ കൂട്ടത്തിൽ എനിക്ക് കുറച്ചെങ്കിലും പ്രതീക്ഷയുള്ളത് നിന്നിലാ... കൂട്ടുകൂടി അത് നശിപ്പിക്കരുത്.... പൂജയെ ഒന്ന് ഇരുത്തി നോക്കുന്നതിനിടയിൽ ഋഷി പറഞ്ഞു....

 അത് തന്നെ ഉദ്ദേശിച്ചാണ് ഋഷി പറഞ്ഞതെന്ന് പൂജയ്ക്ക് മനസ്സിലായി.... അവൾ അവനെ കൂർപ്പിച്ച് നോക്കി....... പൂജയുടെ നോട്ടം കണ്ടതും ഋഷിക്ക് പെട്ടെന്ന് എന്തോ പോലെയായി...


ഇല്ല...സാർ... ഭദ്രയുടെ മറുപടി വന്നതും പൂജയിൽ നിന്നും നോട്ടം തെറ്റിച്ച് അവൻ ഭദ്രേ നോക്കി...

മം.... അവൻ ഒന്ന് ഇരുത്തി മൂളിയ ശേഷം ക്ലാസ്സ് എടുക്കാൻ തുടങ്ങി..... അപ്പോഴാണ് ഭദ്രേടെ ഫോണിലേക്ക് 7854367825 എന്ന നമ്പറിൽ നിന്നും ഒരു മെസ്സേജ് വന്നത്..... ഋഷി കാണാതെ അവൾ അത് ഓപ്പൺ ചെയ്തു വായിച്ചു...


 ഭദ്രേട്ടത്തി... ഇത് ....ഞാനാ:... ഏട്ടത്തിക്ക് സുഖമാണോ?.... ഞാനൊരു കാര്യം പറയാനാ ഈ മെസ്സേജ് ഇടുന്നത്...ഇന്ന് കോർട്ടിൽ ഏട്ടന്റ ഹിയറിങ് ആയിരുന്നു.... അച്ഛൻ പറയുന്നത് എത്രയും പെട്ടെന്ന് ഏട്ടന് ജാമ്യം കിട്ടും എന്നാണ്.... എനിക്കെന്തോ പേടിയാകുന്നു ഏട്ടത്തി.... ഏട്ടന് ജാമ്യം കിട്ടിയാൽ എന്തായാലും ഭദ്രേട്ടത്തിയെ അന്വേഷിച്ചു ഏട്ടൻ അവിടെ വരും.... ഏട്ടത്തിയും മോനും ഒന്ന് സൂക്ഷിക്കണം...

പിന്നെ ഈ നമ്പറിലേക്ക് വിളിക്കുകയോ മെസ്സേജ് അയക്കുകയോ ചെയ്യരുത്.... അച്ഛൻ അറിഞ്ഞാൽ അതു കൂടുതൽ അപകടം ആകും....

ആ.... മെസ്സേജ് വായിച്ചതും ഭദ്രക്ക് ശരീരം തളരുന്നത് പോലെ തോന്നി... കണ്ണുകളിൽ ഇരുട്ട് പടർന്നു... അവൾ ശ്വാസം എടുത്തു വിട്ടു... പഴയ ഒർമ്മകൾ ഭദ്രയെ വന്ന് മൂടി...

 അയാൾ വരും എന്നെയും മോനെയും ഇല്ലാതാക്കാൻ...... സ്വന്തം അച്ഛന്റെ കൈ കൊണ്ട് തീരാനാണോ എന്റെ കുഞ്ഞിന്റെ വിധി...ഭദ്ര മനസിൽ പറഞ്ഞു...... അവളുടെ കണ്ണുകൾ അറിയാതെ നിറഞ്ഞു...


രാവിലെ ക്ലാസിലേക്ക് വന്നപ്പോൾ കണ്ട ഭദ്രയെ അല്ല പിന്നീടെല്ലാവരും കണ്ടത്... അവളുടെ മാറ്റം എല്ലാവരും തിരിച്ചറിയുന്നുണ്ടായിരുന്നു... മാറിമാറി അവർ കാരണം ചോദിക്കുന്നുണ്ടെങ്കിലും ഭദ്ര വ്യക്തമായ ഒരു മറുപടി നൽകിയില്ല...

 ദേവൂട്ടന്റെ മുഖം മാത്രമായിരുന്നു അവളുടെ മനസ്സിൽ... അയാളുടെ കൈകളിൽ നിന്നും തന്നെയും കുഞ്ഞിനെയും രക്ഷിക്കാൻ ഇനി ആരെക്കൊണ്ടും കഴിയില്ല എന്ന സത്യം ഇതിനോടകം അവൾ മനസ്സിലാക്കിയിരുന്നു.... ഇത്രയും കാലം താനാരോടും പറയാതെ സൂക്ഷിച്ച ആ രഹസ്യം എല്ലാവരും അറിയാൻ പോകുന്നു എന്ന ഭയം അവളെ തളർത്തി....

തുടരും\'\'\'\'

ആരാണ് ദേവൂട്ടന്റെ അച്ഛൻ.... ഭദ്ര ആരെയാണ് ഭയക്കുന്നത്....?..... ഇതെല്ലാം അറിയണമെങ്കിൽ ഇനി അടുത്ത പാർട്ട് വായിക്കണം...😁😁

 ഞാൻ പ്രമോയിൽ പറഞ്ഞിട്ടുണ്ടായിരുന്നു... ഇത് ഏഴുപേരുടെ ലൗ സ്റ്റോറി ആണ് എന്ന്.... എല്ലാവരെയും കൂടി ഒരുമിച്ച് പരിചയപ്പെടുത്താതെ വേറെ വഴിയില്ല.... കഥ മുന്നോട്ടുപോകുമ്പോൾ ഓരോരുത്തരെ പറ്റിയും കൂടുതൽ അറിയും.... ഇത് ഭദ്രയുടെ കഥയായതുകൊണ്ട് അവളെ കുറിച്ച് ഒറ്റയടിക്ക് പറഞ്ഞു തീർക്കാൻ കഴിയില്ല... കഥ എങ്ങനെ പോകുന്നു എന്ന് അറിയില്ല... ഇഷ്ടമായാലും ഇല്ലെങ്കിലും രണ്ടു വരി കുറിക്കണേ...

•