🍁അനന്തഭദ്രം🍁
ഭാഗം 4

ദേവൂട്ടന്റെ മുഖം മാത്രമായിരുന്നു അവളുടെ മനസ്സിൽ... അയാളുടെ കൈകളിൽ നിന്നും തന്നെയും കുഞ്ഞിനെയും രക്ഷിക്കാൻ ഇനി ആരെക്കൊണ്ടും കഴിയില്ല എന്ന സത്യം ഇതിനോടകം അവൾ മനസ്സിലാക്കിയിരുന്നു.... ഇത്രയും കാലം താനാരോടും പറയാതെ സൂക്ഷിച്ച ആ രഹസ്യം എല്ലാവരും അറിയാൻ പോകുന്നു എന്ന ഭയം അവളെ തളർത്തി....

 വൈകുന്നേരം വീട്ടിൽ എത്തുന്നതുവരെ ഭദ്ര ആരോടും ഒന്നും മിണ്ടിയില്ല ..... പൂജയും ലീനയും മാറിമാറി ചോദിച്ചപ്പോൾ ഭദ്ര ഒഴിഞ്ഞുമാറി..... വീട്ടിലെത്തിയതും അവൾ ആദ്യമേ പോയത് രോഹിണിയുടെ മുറിയിലേക്ക് ആയിരുന്നു..... ഈ സമയം രോഹിണി മയക്കത്തിലായിരുന്നു... തൊട്ടടുത്ത് ദേവൂട്ടൻ ഒന്നുമറിയാതെ ഉറങ്ങിക്കിടക്കുന്നുണ്ട്... ഭദ്ര പതിയെ അവർക്ക് അരികിലേക്ക് ചെന്നു.... രോഹിണിയോടൊപ്പം കട്ടിലിൽ ഇരുന്നു...

\" അമ്മേ.... \"അവൾ ആർദ്രമായി വിളിച്ചത് രോഹിണി പതിയെ കണ്ണുകൾ തുറന്ന അവളെ നോക്കി....

 \"ആ മോള് വന്നോ.... സമയം ഒരുപാടായി അല്ലേ...? ഇന്ന് ദേവൂട്ടൻ നല്ല വഴക്കായിരുന്നു മോളെ ...ഞാൻ അവനെയും കൊണ്ട് ഒന്നും മയങ്ങാൻ കിടന്നതാ... അറിയാതെ ഉറങ്ങിപ്പോയി.... \" കട്ടിലിൽ എഴുന്നേറ്റ് ഇരിക്കുന്നതിനോടൊപ്പം രോഹിണി പറഞ്ഞു.

 അപ്പോഴാണ് രോഹിണി ഭദ്രയുടെ മുഖം ശ്രദ്ധിക്കുന്നത്....

\" മോൾക്ക് ഇത് എന്തുപറ്റി... എന്താ മുഖം വല്ലാതെ ഇരിക്കുന്നത്.....?.:: എന്താ എന്റെ കുട്ടിക്ക്... \"ഭദ്രയുടെ മുടി ഇഴയിൽ തഴുകിക്കൊണ്ട് രോഹിണി ചോദിച്ചു... അപ്പോഴേക്കും അവൾ പൊട്ടി കരഞ്ഞുകൊണ്ട് രോഹിണിയുടെ മാറോട് ചേർന്നിരുന്നു..

\" മോളെ ഭദ്രേ... എന്റെ കുട്ടി എന്തിനാ കരയണേ.... കാര്യം പറ കുട്ടി നിയ്...\"

\" എനിക്ക് പേടിയാകുന്നു രോഹിണിയമ്മേ.... എനിക്ക് എന്തെങ്കിലും സംഭവിച്ചാൽ എന്റെ കുഞ്ഞിന് ആരും ഇല്ലാണ്ടാകില്ലേ...?.\"

\" നീയെന്താ കുട്ടി ഈ പറയുന്നേ.... എന്ത് സംഭവിക്കാൻ..?ആവശ്യമില്ലാത്ത കുറെ ചിന്തകൾ എടുത്ത് മനസ്സിൽ വയ്ക്കാതെ നീയ് ...\"

 \"അതല്ല രോഹിണിയമ്മേ.... അയാള് ....അയാള് ജയിലിൽ നിന്ന് ഇറങ്ങും പോലും.... ഇന്ന് കോടതിയില് ഹിയറിങ് ആയിരുന്നു..... ജാമ്യം കിട്ടാൻ സാധ്യത ഉണ്ടന്നാ പറയുന്നേ...\"

 ഭദ്ര അത് പറഞ്ഞതും രോഹിണി ഒരു നിമിഷത്തേക്ക് പകച്ചു പോയി.....

\" ന്റെ സരസ്വതിയെ കൊന്ന അവനെ കോടതി വെറുതെ വിടാൻ പോവാ....?..\". ഒറ്റ ബിന്ദുവിലേക്ക് ശ്രദ്ധ കേന്ദ്രീകരിച്ച് പറയുന്ന രോഹിണിയെ കണ്ടതും ഭദ്രയുടെ ഉള്ളൊന്നു പിടഞ്ഞു..

\"മം....... എന്റെ അമ്മേടെ ആത്മാവ് പോലും അയാൾക്ക് ശിക്ഷ കിട്ടണം എന്നായിരിക്കും ആഗ്രഹിക്കുന്നത്.... എന്നിട്ടും...... അയാൾ ജയിലിൽ നിന്നും ഇറങ്ങിയാൽ ഉറപ്പായിട്ടും ഇവിടെ വരും... എന്നെയും കുഞ്ഞിനെയും ഇല്ലാതാക്കാൻ വരെ അയാൾ മടിക്കില്ല..... ഇനി അയാളുടെ ലക്ഷ്യം ഞാൻ മാത്രമാണെങ്കിൽ എന്റെ കുഞ്ഞ്....\"

\" ഒന്നും സംഭവിക്കില്ല മോളെ... ഞങ്ങളെല്ലാം ഇല്ലേ ഇവിടെ... നിനക്കും മോനും ഒരു കുഴപ്പവും ഉണ്ടാകില്ല... എന്റെ സരസ്വതിയുടെ ആത്മാവ് നിനക്ക് കാവൽ ഉണ്ട്... അവൻ നിന്നെ തൊടാൻ ആ ആത്മാവ് സമ്മതിക്കില്ല...\"

 ഭദ്രേ ചേർത്തുപിടിച്ച് രോഹിണി അത്രയും പറഞ്ഞപ്പോൾ അവളുടെ മനസ്സ് ഒന്ന് ശാന്തമായി....

 പൂജയും ലീനയും നേരെ പോയത് അടുക്കളയിലേക്ക് ആയിരുന്നു.... അവിടെ രോഹിണിയെ കാണാതെ വന്നതും അവർ മുറിയിലേക്ക് വന്നു.....

\" ആഹാ നിങ്ങൾ അമ്മയും മോളും ഇവിടെ ഇരിക്കാ .... ദേ രോഹിണിയമ്മേ നല്ല വിശപ്പുണ്ട് എന്തെങ്കിലും എടുത്തു തന്നെ...\'\"

 പൂജ അവർക്കിടയിലേക്ക് വന്നു കൊണ്ട് പറഞ്ഞു... പൂജ വരുന്നത് കണ്ടതും അവർ കാണാതെ ഭദ്ര മുഖം അമർത്തി തുടച്ചു.

\"ആ.... എന്റെ മക്കളും മൂന്നും ഒന്നു മുഖം കഴുകിയിട്ട് വാ ... ഞാനപ്പോഴേക്കും കഴിക്കാൻ എടുത്തു വയ്ക്കാം.....\" അത്രയും പറഞ്ഞ് ദേവൂട്ടൻ കിടക്കുന്നിടത്ത് ഒരു തലയിണ താങ്ങായി വെച്ച് രോഹിണി അടുക്കളയിലേക്ക് പോയി....

 രോഹിണിയോട് സംസാരിക്കുന്നതിനിടയിലും പൂജ ഭദ്രയെ ശ്രദ്ധിക്കുന്നുണ്ടായിരുന്നു... രോഹിണിയുടെ പിന്നാലെ മുറിയിൽ നിന്നും പോകാൻ ഒരുങ്ങിയ ഭദ്രേ പൂജ വിളിച്ചു....

 \"ഭദ്ര ഒന്ന് അവിടെ നിന്നെ... എനിക്ക് നിന്നോട് കുറച്ച് സംസാരിക്കണം.... \" അപ്പോഴേക്കും ലീനയും പൂജക്കരിക്കിൽ വന്നു നിന്നിരുന്നു....

\" രാവിലെ മുതൽ ഞങ്ങൾ ശ്രദ്ധിക്കുന്നതാ.\'\' നിനക്കെന്തോ കാര്യമായിട്ട് സംഭവിച്ചിട്ടുണ്ട്... നീ മനസ്സിൽ ഒളിപ്പിച്ച് വെച്ചിരിക്കുന്ന ആ കാര്യം ഞങ്ങളോട് കൂടി ഒന്ന് തുറന്നു പറഞ്ഞാൽ എന്താ കുഴപ്പം...?\"

 പൂജയ്ക്ക് എന്തു മറുപടി കൊടുക്കണം എന്ന് അറിയാതെ ഭദ്രനിന്നു വിയർത്തു...

\" എനിക്കെന്തു കുഴപ്പം ... നിനക്ക് തോന്നിയതായിരിക്കും.... നിങ്ങള് വാ നമുക്ക് എന്തെങ്കിലും കഴിക്കാം.... \"ഭദ്ര ഒരുതരത്തിൽ പറഞ്ഞു ഒപ്പിച്ചു...

\" ഒന്ന് ഒന്നര വർഷമായില്ലേ നിന്റെ കൂടെ ഞങ്ങൾ കൂടിയിട്ട്... ഇത്രയും നാളായിട്ടും നിനക്ക് ഞങ്ങളെ വിശ്വാസമില്ലേ... ഭദ്രേ സത്യം പറ.... നീ ഭയക്കുന്നത് ദേവൂട്ടന്റെ അച്ഛനെയല്ലേ.... ശരിക്കും ദേവൂട്ടന്റെ അച്ഛൻ ആരാ...?\"

 പൂജാ അത് ചോദിച്ചതും ഭദ്ര അനങ്ങാൻ പോലും കഴിയാതെ ഒരു നിമിഷത്തേക്ക് തരിച്ച് നിന്നു ...

\" ഭദ്രേ നീ കേട്ടില്ലേ നിന്നോട് പൂജ ചോദിക്കുന്നത്... ഇനിയെങ്കിലും ഞങ്ങളോട് സത്യം ഒന്ന് പറ....\"

 പൂജയുടെ ചോദ്യത്തിന് ഭദ്ര മറുപടി പറയാതെ വന്നതും ലീന ഭദ്രയുടെ തോളിലായി പിടിച്ചു കൊണ്ട് ചോദിച്ചു.... ഭദ്ര നിറമിഴികളോടെ അവരെ നോക്കി...

\" നിങ്ങളെ വിശ്വാസമില്ലാത്തതുകൊണ്ടല്ല.... ഞാനൊരിക്കലും ഓർക്കാൻ ആഗ്രഹിക്കാത്ത എന്റെ ഭൂതകാലത്തെ കുറിച്ചാണ് നിങ്ങൾ ഈ ചോദിക്കുന്നത്.. ഇനിയും അതെല്ലാം ഓർത്ത് വിഷമിക്കാൻ എനിക്ക് വയ്യ... പിന്നെ ദേവൂട്ടന് അച്ഛനില്ല... അവന്റെ അച്ഛനും അമ്മയും എല്ലാം ഞാനാണ്....\"

 അത്രയും പറഞ്ഞ് പോകാൻ ഒരുങ്ങിയ ഭദ്രേ പൂജ വിളിച്ചു...

\" ഭദ്രേ...\"

\" ഇതിൽ കൂടുതൽ എനിക്ക് ഒന്നും പറയാൻ കഴിയില്ല പൂജ.... ഒന്ന് ഞാൻ പറയാം... ദേവൂട്ടന്റെ അച്ഛൻ അധികം വൈകാതെ ഞങ്ങളെ അന്വേഷിച്ച് ഇവിടെ എത്തും.... ആ വരവ് എന്റെയും മോന്റെയും ജീവിതത്തിൽ ഒരുപാട് മാറ്റങ്ങൾ കൊണ്ടുവരും... ഒരുപക്ഷേ ഞാൻ മൂടിവെച്ച സത്യങ്ങളെല്ലാം നിങ്ങൾ അന്ന് തിരിച്ചറിയും.... \"അത്രയും പറഞ്ഞ് ഭദ്ര അതിവേഗത്തിൽ മുറിവിട്ട് പുറത്തേക്ക് പോയി....

 ലീനയും പൂജയും... ഒരു നിമിഷത്തേക്ക് എന്ത് ചെയ്യണമെന്ന് അറിയാതെ നിന്നു...

 \"നിന്റെ അമ്മയ്ക്ക് ശരിക്കും വട്ടാണോടാ....\" ഉറങ്ങിക്കിടക്കുന്ന ദേവൂട്ടനെ നോക്കി ലീന ചോദിച്ചതും അവൻ ഒന്ന് ചിണുങ്ങി....

\" കണ്ടോ കണ്ടോ കുഞ്ഞിന് വരെ കാര്യം മനസ്സിലായി ....\"

 ലീന പറയുന്നത് കേട്ടതും പൂജയ്ക്ക് ചിരി വന്നു... പക്ഷേ പൂജയുടെ മനസ്സ് മുഴുവൻ സംശയങ്ങളായിരുന്നു......

\" നീയെന്താ ആലോചിക്കുന്നത്...?\"

 എന്തോ ആലോചിച്ചു നിൽക്കുന്ന പൂജയോട് ലീന ചോദിച്ചു....

 \"എന്നാലും ഭദ്ര എന്തായിരിക്കും നമ്മളിൽ നിന്നും ഒളിക്കുന്നത്.... അവൾക്കത് നമ്മളോട് പറഞ്ഞാൽ എന്താ ?\"

\" നീ അവൾ പറഞ്ഞത് കേട്ടില്ലേ... ഓർക്കാൻ പോലും അവൾക്ക് താൽപര്യമില്ലാത്ത വിഷയമാണ് ഇത് എന്ന്... ഇനി നമ്മളായിട്ട് ഒന്നും അവളോട് ചോദിക്കേണ്ട... എന്നെങ്കിലും അവൾക്ക് നമ്മളോട് പറയാൻ തോന്നിയ പറയട്ടെ... പിന്നെ പണ്ടൊരിക്കൽ രോഹിണിയമ്മ പറഞ്ഞത് നീ ഓർക്കുന്നില്ലേ.. ?അവൾ ഒരുപാട് അനുഭവിച്ചിട്ടുണ്ട് പോലും... പഴയതൊന്നും ഓർക്കാൻ പോലും വിടാതെ അവളെ ചേർത്ത് പിടിച്ചിരിക്കുകയാണ് രോഹിണി അമ്മയും വാസുദേവൻ അങ്കിളും എന്ന്....\"


\" നീ വന്നേ എന്തെങ്കിലും കഴിച്ചിട്ട് പ്രോജക്ട് ചെയ്യേണ്ടതാ.. നിന്റെ കണവൻ... ആ ഋഷി ഒരു പ്രോജക്ട് തന്നിട്ടില്ലേ....?നാളെയാണ് അതിന്റെ സബ്മിഷന്റെ ലാസ്റ്റ് ഡേറ്റ്.. ഇവിടെ ഇങ്ങനെ നോക്കിക്കൊണ്ട് നിന്നാൽ നാളെ ക്ലാസിന് വെളിയിൽ നിൽക്കേണ്ടിവരും...\"

 \"ദേ ലീനേ അയാൾ എന്റെ കണവൻ ഒന്നുമല്ല... നീ ചുമ്മാ വേണ്ടാത്തത് പറയരുത്...\"

\" എന്റെ പൊന്നു പൂജ... ഋഷി സാറിന് നിന്നെ ഒരു നോട്ടം ഉണ്ടെന്ന് ഞങ്ങൾക്ക് എല്ലാവർക്കും അറിയാം... പിന്നെ ഈ കാണിക്കുന്ന ദേഷ്യം ഒക്കെ കോളേജിൽ ആരും അത് അറിയാതിരിക്കാനാ... നിന്റെ കണ്ണിലോട്ട് നോക്കി അയാള് വിയർക്കുന്നത് പലതവണ ഞാൻ കണ്ടിട്ടുണ്ട്.... ഇതിനൊക്കെ ഒറ്റ അർത്ഥമേ ഉള്ളൂ... 🔸പ്യാർ.... 🔸മുഹബത്ത്..🔸 Love..\"🔸


\"ഡി...\" ലീന അത് പറഞ്ഞപ്പോൾ പൂജ അവളെ തല്ലാൻ ഓങ്ങിയതും ലീന അവിടുന്ന് ഓടി രക്ഷപ്പെട്ടു.... അപ്പോഴേക്കും ഇവരുടെ ശബ്ദം കേട്ട് ദേവൂട്ടൻ ചിണുങ്ങിക്കൊണ്ട് എഴുന്നേറ്റു കരഞ്ഞു.... പൂജ ഓടിപ്പോയി അവനെ എടുത്തു പിടിച്ചു....

🍁🍁🍁🍁🍁🍁

 കുഞ്ഞിനെയും കൊണ്ട് ഭദ്ര ചേർന്ന് കിടന്നുറങ്ങുന്നത് കണ്ടിട്ടാണ് രോഹിണി ആ മുറിയിൽ നിന്നും പുറത്തേക്ക് വന്നത്.... മുറിയുടെ പുറത്ത് ലീനയും പൂജയും വാസുദേവനും നിൽപ്പുണ്ടായിരുന്നു...

\" എല്ലാം കലങ്ങി തെളിഞ്ഞു എന്നാ കരുതിയത്. പക്ഷേ ഇപ്പോൾ പിന്നെയും...\"രോഹിണി പറയുന്നത് കേട്ടതും വാസുദേവൻ രോഹിണിയെ ചേർത്തുപിടിച്ചു.... (രോഹിനിയുടെ ഭർത്താവാണ് വാസുദേവൻ)

\" നീ കൂടി ഇങ്ങനെ തുടങ്ങിയ എന്താ ചെയ്യാ... ?എല്ലാം അവസാനിച്ചു എന്ന് കരുതിയടുത്തു നിന്ന് നമ്മുടെ കുഞ്ഞ് ജീവിതത്തിലേക്ക് തിരിച്ചുവന്നില്ല. ?. അവളുടെ സ്വപ്നത്തിലേക്ക് കാലെടുത്തു വെച്ചില്ലേ... ?എല്ലാം ശരിയാകും..\"

 വാസുദേവൻ ഓരോന്ന് പറയുന്നത് കേട്ടിട്ട് ലീനക്കും പൂജയ്ക്കും ഒന്നും മനസ്സിലാകുന്നുണ്ടായിരുന്നില്ല.....

\" അങ്കിൾ.... അങ്കിളിനെങ്കിലും ഞങ്ങളോട് ഒന്ന് പറഞ്ഞൂടെ.... എത്രയൊക്കെ ചോദിച്ചിട്ടും രോഹിണിയമ്മയും ഭദ്രയും ഒരു വാക്കുപോലും ഞങ്ങളോട് പറയുന്നില്ല...\"

\" എനിക്ക് പറയണം എന്ന് ആഗ്രഹം ഇല്ലാഞ്ഞിട്ടല്ല കുട്ടികളെ.... ഇത് ഭദ്രയുടെ ജീവിതാണ്.. നിങ്ങളിൽ നിന്നും അവൾ തന്നെ എല്ലാം മറച്ചു പിടിക്കുമ്പോൾ ഞാൻ എങ്ങനെയാണ് അതെല്ലാം തുറന്നുപറയുന്നത്.... നിങ്ങള് വിഷമിക്കേണ്ട ഒരു ദിവസം ഭദ്ര തന്നെ എല്ലാം നിങ്ങളോട് പറയും....\"

 അത്രയും പറഞ്ഞ് രോഹിണിയെയും കൊണ്ട് അയാൾ മുറിയിലേക്ക് പോയി.... കലങ്ങിയ മനസ്സുമായി ലീനയും പൂജയും അവരുടെ മുറിയിലേക്കും..

🍁🍁🍁🍁🍁🍁🍁

  ഫോൺ അടിക്കുന്ന ശബ്ദം കേട്ടാണ് ഷഹന കണ്ണുകൾ വലിച്ചു തുറന്നത്... സമയം നോക്കിയപ്പോൾ രാത്രി 12 മണി ...വിളിക്കുന്നത് ആരാണ്ന്ന് അവൾക്ക് മനസ്സിലായി.... അവൾ ഫോണെടുത്ത് കാതോട് ചേർത്തു...

\" ഹലോ എന്റെ ഉമ്മച്ചികുട്ടി ഉറങ്ങിയോ..?:.\"

 ആർദ്രമായ അവന്റെ ചോദ്യം കേട്ടതും ഷഹനയുടെ ചുണ്ടുകളിൽ ഒരു പുഞ്ചിരി വിരിഞ്ഞു.....


 \"ഞാൻ ഉറങ്ങിയോ എന്നറിയാനാണോ ഈ രാത്രി നീ വിളിച്ചത്... ഡാ ഉപ്പയും ഉമ്മയും ഇവിടെയുണ്ട്.... ഞാൻ സംസാരിക്കുന്ന ശബ്ദം എങ്ങാനും കേട്ട് അവര് ഇങ്ങോട്ടേക്ക് വന്നാൽ കോട്ടയംകാരൻ നസ്രാണി
🔸 ജോയ് തരകൻ 🔸പിന്നെ ജീവനോടെ ഉണ്ടാകില്ല.....\"

 \"ഓ എടി ശവമേ.... വിളിക്കുമ്പോൾ തന്നെ ഇങ്ങനെ പേടിപ്പിക്കാതെടി...\"

\"മം...ഇല്ല..ഇല്ല... നമ്മള് ആരെയും പേടിപ്പിക്കുന്നില്ല...ഞാനൊരു സത്യം പറഞ്ഞതാ.... അല്ല നീയെന്താ ഈ സമയത്ത്...\"

\" എനിക്കെന്തോ കിടന്നിട്ട് ഉറക്കം വന്നില്ല... അപ്പോഴാണ് ഞാൻ ഓർത്തത് എനിക്കൊരു ഉമ്മച്ചികുട്ടി ഉണ്ടല്ലോ... എന്നാ പിന്നെ ആ കാമുകിയെ വിളിച്ച് കുറച്ചുനേരം സൊള്ളി കൊണ്ടിരിക്കാം എന്ന് ...\"

\" ആഹാ അതെന്താ നിനക്ക് ഉറക്കം വരാത്തെ..?\"

\"അതുപിന്നെ.... എനിക്കെന്റെ ഉമ്മച്ചിക്കുട്ടിയെ കാണാൻ തോന്നി... നിന്റെ മുഖം മനസ്സിലേക്ക് വന്നപ്പോൾ ഉറക്കം പോയി... എന്തോ വല്ലാത്ത മിസ്സിംഗ് അതാ.. ഞാൻ\"

\" എന്തുവാടാ ഇത് ....നിന്റെ കൂടെ തന്നെ അല്ലായിരുന്നോ പകൽ മുഴുവൻ ഞാൻ.... പിന്നെന്താ ഇത്ര മിസ്സിംഗ് അടിക്കാൻ...\"

\" അതെന്താ എനിക്ക് മിസ്സ് ചെയ്യാൻ പാടില്ലേ... ?എത്ര കണ്ടാലും മതിവരില്ല പെണ്ണേ എനിക്ക് നിന്റെ മുഖം.... അത്രയ്ക്ക് അതെന്റെ ഹൃദയത്തിലേക്ക് ആഴ്ന്നിറങ്ങിയിട്ടുണ്ട്..... നിന്റെ ഭാഷയിൽ പറഞ്ഞാൽ ഈ ഖൽബ് മുഴുവൻ ഇപ്പോൾ നീയാണ്......\"

\" ആഹാ എന്റെ ചെറുക്കന് റൊമാൻസ് ഒക്കെ വന്നു തുടങ്ങിയല്ലോ...\"

\" അതെന്താടി നീ അങ്ങനെ ഒരു വർത്താനം... ഞങ്ങൾ നസ്രാണി ചെറുക്കന്മാർ എല്ലാം നല്ല റൊമാൻസ് ഉള്ള കൂട്ടത്തിൽ തന്നെയാ.... ഞങ്ങള് മുണ്ടും മടക്കി കുത്തി ഒന്ന് ഇറങ്ങിയാൽ ഉണ്ടല്ലോ നീയൊക്കെ പൂച്ചക്കുട്ടിയെ പോലെയാക്കും...\"

\"ഓ....എന്തു പറഞ്ഞാലും ഒരു നസ്രാണി.... നമ്മുടെ ഈ ബന്ധം എന്റെ ഉപ്പ അറിയണം നസ്രാണിയുടെ എല്ലൂരി എടുക്കും....\"

\"ഓ....പിന്നെ... നമ്മുക്ക് നോക്കാം നീ നോക്കിക്കേ നിന്റെ ഉപ്പയും ഉമ്മയും ഇക്കയും എല്ലാം നമ്മുടെ ഈ പ്രണയം അംഗീകരിക്കും.... ഇനി അതല്ലങ്കിൽ...നമ്മൾ ഈ ക്രിസ്ത്യൻ മുസ്ലിം ലവ് ഒരു വിപ്ലവം ആക്കി തീർക്കും.... എന്നിട്ട് നിന്നെ കൊണ്ട് ഞാൻ അങ്ങ് ഒളിച്ചോടും...നീ അല്ലതെ മറ്റൊരു പാതി എന്റെ ജീവിതത്തിൽ ഇനി ഉണ്ടാക്കില്ല...\"


\"ഹാ... കൊള്ളാലോ മോന്റെ മനസ്സിലിരിപ്പ്.... എനിക്കെന്തോ കള്ളക്കളി ഉണ്ടെന്ന് ഉപ്പാക്ക് ഒരു സംശയം ഉണ്ടെന്നു തോന്നുന്നു....നിക്കാഹിന്റെ കാര്യം.... ഉപ്പാ ഇക്കയോട് പറയണയത് ഞാൻ കോട്ടു\"

 അത് കേട്ടതും കുറിച്ച് നോരം ജോയ് ഒന്നും മിണ്ടിയില്ല...

ഡാ..\'\'ജോയ്\'\'\' ... ജോ....നീ... നീയെന്താ മിണ്ടാത്തെ...

\" അല്ല ഞാൻ ഓർക്കുകയായിരുന്നു .നിന്റെ ഇക്കയുടെ കൈയിൽ നിന്ന് അടി വാങ്ങാൻ എനിക്ക് സമയമായി..... \"വളരെ നിസ്സഹായതയോടെ പറയുന്ന ജോയുടെ ശബ്ദം കേട്ടതും ഷഹനയ്ക്ക് ചിരി വന്നു...

\" അത് ചിലപ്പോൾ നീ പറഞ്ഞത് സത്യമായിരിക്കും.... ഇക്ക അധികം വൈകാതെ തന്നെ ബാംഗ്ലൂരിൽ നിന്ന് ലാൻഡ് ചെയ്യും.... പിന്നെന്റെ നിക്കാഹിന്റെ കാര്യം എങ്ങാനും ഉപ്പ എടുത്തിട്ടാൽ ഞാൻ നിന്റെ കാര്യം വീട്ടിൽ പറയും...... അതോടെ നിനക്ക് അടി കിട്ടും എന്ന കാര്യം ഉറപ്പാക്കും....\"

\"ഡീ.... പെണ്ണേ മനുഷ്യനെ വെറുതെ പേടിപ്പിക്കാതെടി....\"
 
 ഫസ്റ്റ് ഇയർ വെച്ചാണ് ജോയിയും ഷഹനയും ആദ്യമായി പരിചയപ്പെടുന്നത്.... നല്ല സൗഹൃദത്തിൽ തുടങ്ങിയ ആ ബന്ധം പിന്നീട് പ്രണയത്തിലേക്ക് വഴി മാറി... ആരുമറിയാതെ കുറച്ചുകാലം ആ പ്രണയബന്ധം കൊണ്ടുപോയി എങ്കിലും പൂജ ഒരു ദിവസം രണ്ടിനെയും കയ്യോടെ പൊക്കി.... അതോടെ ആ ക്രിസ്ത്യൻ മുസ്ലീം ലൗ സ്റ്റോറി കോളേജിൽ പാട്ടായി... വലിയ വലിയ പ്രശ്നങ്ങളിലേക്കാണ് താങ്കളുടെ പ്രണയം പോകുന്നത് എന്ന് തിരിച്ചറിവുണ്ടെങ്കിലും ചുരുങ്ങിയ കാലം കൊണ്ട് തന്നെ ഇരുവരും പിരിയാൻ കഴിയാത്ത വണ്ണം അടുത്തു..... തടസ്സങ്ങൾ ഇല്ലാതെ ഒരു വർഷം അവരുടെ പ്രണയം പിന്നിട്ടു...


 ജോയിയും ഷഹനയും ആ രാത്രി കുറെ നേരം സംസാരിച്ചിരുന്നു..... പിന്നെ പതിയെ ഇരുവരും ഉറക്കത്തിലേക്ക് വീണു..


തുടരും...