🌺തുളസിക്കതിർ 🌺 ഭാഗം...3

 ശ്രീക്ക് വല്ലാത്ത അസ്വസ്ഥത തോന്നി..... ഒരിക്കൽ താനും അച്ഛനും അമ്പലത്തിൽ പോയി മടങ്ങിവരുന്ന ആ ദിവസത്തിലെ ഓർമ്മകളിലേക്ക് അവൻ വഴുതി വീണു .... അന്ന് തനിക്ക് 17 വയസ്സ്........ ശ്രീലക്ഷ്മിക്കും ശ്രീദേവിക്കും ഏതാണ്ട് ആറു വയസ്സ് പ്രായം കാണും..... അതുവരെ ഉണ്ടായിരുന്ന സന്തോഷജീവിതം അവസാനിച്ചത് ആ മഴയുള്ള രാത്രിയിലായിരുന്നു....


 അച്ഛന്റെ കൂടെ ഒരുപാട് സന്തോഷത്തോടെയാണ് അമ്പലത്തിൽ പോയത്.... ദീപാരാധന തൊഴുത് ഇറങ്ങിയപ്പോൾ സമയം ഒരുപാട് വൈകി..... മഴയായതിനാൽ മുന്നിൽ പരന്നു കിടക്കുന്ന വഴി വ്യക്തമല്ലായിരുന്നു..... വളവ് തിരിഞ്ഞ് തങ്ങളുടെ കാർ മുന്നിലേക്ക് നീങ്ങിയതും വലിയൊരു ലോറിയിലേക്ക് ഇടിച്ചു കയറിയതും ഒരേസമയമായിരുന്നു...... ഒരു പിടച്ചിലോടെ അച്ഛന്റെ ശ്വാസം നിൽക്കുന്നത് റോഡിലേക്ക് തെറിച്ചു വീണ ഞാൻ അരണ്ട വെളിച്ചത്തിൽ കണ്ടിരുന്നു..... അച്ഛാ എന്നൊന്നു ഉറക്കെ വിളിക്കാൻ പോലും അന്ന് തനിക്ക് കഴിഞ്ഞില്ല...... 


നീണ്ട 5 ദിവസത്തെ ഐ സി യു വാസത്തിനു ശേഷം കണ്ണുതുറന്നപ്പോൾ.... അച്ഛൻ പോയ വാർത്തയോടൊപ്പം തന്റെ ശരീരത്തിന്റെ പാതി തളർന്നുപോയി എന്നും ഒരു വേദനയോടെ ഞാൻ മനസ്സിലാക്കി........ കരയാൻ പോലും കഴിയാത്ത ഒരു അവസ്ഥയിൽ നെഞ്ചു നീറി അപ്പോൾ ......


 കണ്ണുതുറന്നപ്പോൾ തന്നെ നിസ്സഹായതയോടെ നോക്കിനിൽക്കുന്ന 14 വയസ്സുകാരി തുളസിയുടെ മുഖം ഇന്നും മനസ്സിലുണ്ട്...... അന്നെന്റെ കൈ പിടിച്ച് ഞാനുണ്ട് ശ്രീയേട്ടാ എന്ന് അവൾ പറഞ്ഞിരുന്നു..\'\' ഒരു പേമാരി പോലെ അവൾക്കു മുന്നിൽ ഞാൻ അന്ന് കരഞ്ഞു തീർത്തിരുന്നു.....

🌺🌺🌺🌺🌺🌺

 രാവിലെ അമ്പലത്തിൽ പോയി തിരിച്ചു നടന്നപ്പോൾ കൃഷ്ണവിലാസത്തിലേക്ക് തല എത്തിച്ചു നോക്കി..... മുറ്റം അടിച്ച് ശാരദ ഓപ്പോൾ നിൽപ്പുണ്ട്...... ശ്രീദേവി എന്തൊക്കെയോ പറഞ്ഞ് പുറകെ കൂടിയിട്ടുണ്ട്...... ദാവണി തുമ്പ് ഉയർത്തി അവൾ മുറ്റത്തേക്ക് ചെന്നു......

 \"ഓപ്പോളേ ശ്രീയേട്ടൻ എന്തിയേ....?... \"തുളസിയുടെ ശബ്ദം കേട്ടാണ് ശാരദ ഞെട്ടി അവളെ നോക്കിയത്.....

 \"ആ തുളസി മോളോ നീ എന്താ ഇവിടെ...?...\"

\" അതെന്താ എനിക്ക് ഇവിടെ വരാൻ പാടില്ല.... ?ഞാൻ അമ്പലത്തിൽ പോയിട്ട് വരുന്ന വഴിയാ ഓപ്പോളേ ....ദേ ഇത് കണ്ടോ? ശ്രീയേട്ടന്റെ പേരിൽ ഞാൻ കഴിപ്പിച്ച പ്രസാദമാ... ഇതൊന്നു കൊടുക്കണം...\". കയ്യിലെ പ്രസാദം നീട്ടി കാണിച്ചുകൊണ്ട് തുളസി പറഞ്ഞു...

\"ആ.\'\' അവൻ അകത്തുണ്ട് നീ ചെല്ല്..... \"ശാരദ അതു പറഞ്ഞതും തുളസി ഓടി അകത്തേക്ക് കയറി.....


 \"ആ പോക്ക് കണ്ടാലേ അറിയാം കരഞ്ഞോണ്ട് ഇറങ്ങി വരാനാണെന്ന്.... \"ശാരദയ്ക്ക് അരികിൽ നിന്ന് ശ്രീദേവി പറഞ്ഞു......

\" നിന്റെ കരിനാക്ക് എടുത്ത് വളക്കാതടി...... എന്റെ ഈശ്വരാ ....ന്റെ കുട്ടിക്ക് നല്ല ബുദ്ധി തോന്നിച്ചാൽ മതിയായിരുന്നു....\" ശാരദ ദീർഘ ശ്വാസം വിട്ടു....


 തുളസി മുറിയിലേക്ക് ചെന്നപ്പോൾ ശ്രീ മയക്കത്തിലായിരുന്നു... അവൾ പതിയെ അവന് അരികിലേക്ക് ചെന്നിരുന്നു.... ഉറങ്ങുമ്പോൾ അവന്റെ മുഖത്തിന് വല്ലാത്ത നിഷ്കളങ്കത തോന്നി അവൾക്ക്.... മയങ്ങുമ്പോൾ പോലും പുഞ്ചിരി കൈവിടാത്ത ചുണ്ടുകളും.... കുറ്റിത്താടിയും ഇടതൂർന്ന മുടികളും അവന് ഭംഗി കൂട്ടുന്നതായി തോന്നി അവൾക്ക്...

\" ശ്രീയേട്ടാ..... \"തുളസി ആർദ്രമായി വിളിച്ചതും ശ്രീ കണ്ണുകൾ വലിച്ചു തുറന്നു... അപ്രതീക്ഷിതമായി മുന്നിൽ തുളസിയെ കണ്ടതും അവന്റെ മുഖത്ത് ദേഷ്യം ഇരച്ചു കയറി....

\" നീ എന്താ ഇവിടെ...?. നിന്നോട് എത്ര പറഞ്ഞാലും നിനക്ക് മനസ്സിലാകില്ലേ തുളസി.... എനിക്കിഷ്ടമല്ല നിന്റെ മുഖം കാണുന്നത്... പിന്നെ എന്തിനാ ഇടക്കിടയ്ക്ക് ഇങ്ങോട്ട് വരുന്നേ....\"

 അപ്പോഴേക്കും പെണ്ണിന്റെ കണ്ണുകൾ നിറയാൻ തുടങ്ങി.... ഒന്നും മിണ്ടാതെ അവൾ കയ്യിൽ ഉണ്ടായിരുന്ന പ്രസാദം അവനു നേരെ നീട്ടി.... അതുകണ്ടതും ശ്രീ സംശയത്തോടെ അവളെ നോക്കി....

\" ഞാൻ രാവിലെ അമ്പലത്തിൽ പോയിരുന്നു... ശ്രീയേട്ടന് വേണ്ടി കഴിപ്പിച്ചതാ....\"

\" എനിക്കൊന്നും വേണ്ട നിന്റെ പ്രസാദം.... നീ പ്രാർത്ഥിച്ച അതേ ദൈവം തന്നെയാണ് എന്നെ ഈ അവസ്ഥയിലാക്കിയത്. എനിക്കിപ്പോൾ ഇതൊന്നും വിശ്വാസമില്ല....\"

\" ശ്രീയേട്ടാ അങ്ങനെ പറയല്ലേ....\" തുളസി അവന്റെ കട്ടിലിന്റെ അരികിൽ മുട്ടുകുത്തിയിരുന്നു....


\" ഇറങ്ങടി വെളിയിൽ..... \"അതൊരു അലർച്ചയായിരുന്നു...


\" ശ്രീയേട്ടാ.....? \"തുളസി സംശയത്തോടെ അവനെ നോക്കി....

\" നിന്നോട് ഇറങ്ങാനാ പറഞ്ഞേ..\". അവൻ വീണ്ടും അലറിയതും തുളസി നിസ്സഹായതയോടെ അവനെ നോക്കി......


 \"അമ്മേ... ഇവളെ ഇവിടുന്ന് വിളിച്ചുകൊണ്ടുപോ.......\" അവൻ പുറത്തേക്കു നോക്കി നീട്ടി വിളിച്ചു കൊണ്ട് പറഞ്ഞു....


 \"ദേഷ്യപ്പെടേണ്ട ഞാൻ പൊയ്ക്കോളാം.... എന്റെ മുഖം കാണുന്നതുപോലും ഇഷ്ടല്ല എന്നല്ലേ പറഞ്ഞെ ... ശ്രീയേട്ടന് ഒരു ബുദ്ധിമുട്ടായിട്ട് ഇനി ഞാൻ ഇങ്ങോട്ടേക്ക് വരില്ല ശ്രീയേട്ടാ...\"\"തുളസി കയ്യിൽ ഉണ്ടായിരുന്ന പ്രസാദം കട്ടിലിനോട് ചേർന്ന് കിടക്കുന്ന മേശയിൽ വെച്ച് നിറ കണ്ണുകളോടെ അവന്റെ മുറിയിൽ നിന്നും പുറത്തേക്ക് ഇറങ്ങി.....

 ശ്രീയുടെ അലർച്ച കേട്ട് മുറിയിലേക്ക് വരാൻ ഒരുങ്ങിയ ശാരദയും ശ്രീലക്ഷ്മിയും കണ്ടത് നിറകണ്ണുകളോടെ അവന്റെ മുറിയിൽ നിന്നും ഇറങ്ങി പോകുന്ന തുളസിയെയാണ്.... തുളസിയോട് അവരൊന്നും മിണ്ടിയില്ല... അവന്റെ മുറിയിൽ നടന്നത് എന്താണെന്നുള്ള ഏകദേശ ധാരണ അവർക്കുണ്ടായിരുന്നു...

 \"ഞാൻ അമ്മയോട് അപ്പഴേ പറഞ്ഞതല്ലേ ഇത് കരഞ്ഞോണ്ട് പോകാനുള്ള പോക്കാ എന്ന്... ഇപ്പൊ എന്തായി....\"

\" എന്റെ ഈശ്വരാ ഇവൻ എന്തോ ഇങ്ങനെ ആയിപ്പോയേ.... തുളസി മോളായിട്ടാ.. വേറെ ഏതെങ്കിലും കുട്ടികള് സ്നേഹവും യാചിച്ചു ഇങ്ങനെ പുറകെ നടക്കുമോ...?... ആ സ്നേഹത്തെ ഇവൻ സഹതാപം ആയിട്ടാ വ്യാഖ്യാനിക്കുന്നത്... ഞാനെന്താ ഇപ്പൊ ചെയ്യ..\".


\" അമ്മ ഒന്നും ചെയ്യേണ്ട കാര്യങ്ങൾ വരുന്ന പോലെ അങ്ങ് നടക്കട്ടെ.......\"

 വീട്ടിലെത്തിയ തുളസി... ബെഡിലേക്ക് വീണു പൊട്ടിക്കരഞ്ഞു....
 
\" എന്താ ചേച്ചി? എന്താ പറ്റിയെ എന്തിനാ ഇങ്ങനെ കരയണേ.....\" തുളസിക്ക് പിന്നാലെ ഓടിവന്ന കൃഷ്ണ അവളോട് ചോദിച്ചു.... തുളസി ഒന്നും പറയാതെ ഇപ്പോഴും കരച്ചിലാണ്.....


\" ചേച്ചി കരച്ചിൽ നിർത്തിയിട്ട് കാര്യം ഒന്ന് പറ...\"


\" ഒന്നുമില്ല മോളെ... എന്റെ പ്രതീക്ഷ എല്ലാം പോയി... ഇന്നുകൂടി ഞാൻ പ്രാർത്ഥിച്ചത് ശ്രീയേട്ടന് വേണ്ടിയാണ്.... പക്ഷേ ആ ശ്രീയേട്ടന്റെ മനസ്സിൽ ഞാനില്ല.... എന്റെ മുഖത്തുനോക്കി എന്നോട് പറഞ്ഞു.... എന്റെ മുഖം കാണുന്നതു പോലും ഇഷ്ടമല്ല എന്ന്... മതി മോളെ എല്ലാം നിർത്തി ഞാൻ.... ഇനിയും എനിക്ക് കഴിയില്ല.....\"

\" ചേച്ചി എന്തൊക്കെയാ ഈ പറയണേ.... ചേച്ചി ഇന്ന് ശ്രീയേട്ടന്റെ വീട്ടിൽ പോയോ...\"?

\"മം... അമ്പലത്തീന്ന് വരുന്ന വഴി ഞാൻ കയറിയിരുന്നു..... ശ്രീയേട്ടൻ ഒരുപാട് മാറിപ്പോയി..... ഞാൻ ചെല്ലുന്നത് ശ്രീയേട്ടന് ഒരു ശല്യ... അതുകൊണ്ട് ഇനി ഞാൻ അങ്ങോട്ടേക്ക് പോകില്ല..... എനിക്ക് കുറച്ചുനേരം ഒറ്റയ്ക്ക് ഇരിക്കണം മോളെ.....\"


\" ചേച്ചി... അതുപിന്നെ......\"

 \"നീ പേടിക്കണ്ട ഞാൻ ആത്മഹത്യ ഒന്നും ചെയ്യില്ല.... എനിക്കൊന്ന് കരയണം കുറച്ചുനേരം ഒറ്റയ്ക്ക് ഇരിക്കണം.... മോള് പൊക്കോ....\"

 തുളസി അതു പറഞ്ഞതും കൃഷ്ണ പതുക്കെ മുറിയിൽ നിന്നും പുറത്തേക്ക് വന്നു.... അപ്പോഴേക്കും അങ്ങോട്ട് വന്ന ചന്ദ്രികയോട് കൃഷ്ണ എല്ലാ കാര്യങ്ങളും പറഞ്ഞു.....

\" ചേച്ചി കുറച്ചുനേരം ഒറ്റയ്ക്ക് ഇരിക്കട്ടെ അമ്മേ.... ഇപ്പൊ അങ്ങോട്ടേക്ക് പോകണ്ട....\"

 കൃഷ്ണ ചന്ദ്രികയെയും കൂട്ടി അവിടെ നിന്നും പോയി.......

🌺🌺🌺🌺

\" എന്താ മാധവേട്ട ഇതിനെല്ലാ അർത്ഥം... തുളസി മോൾടെ അവസ്ഥ കണ്ടിട്ട് എനിക്ക് സഹിക്കാൻ കഴിയുന്നില്ല....\"

\" നീ ഒന്ന് അടങ്ങ് ചന്ദ്രികേ... ഒക്കെ അവൾ തന്നെ അവസാനിപ്പിച്ചില്ലേ....?.... പിന്നെ എന്താ...\"

 \"ഞാനൊരു കാര്യം പറഞ്ഞാൽ... മാധവേട്ടൻ സമ്മതിക്കോ...?..... \"ചന്ദ്രിക മാധവന് അരികിലേക്ക് വന്നു നിന്നു കൊണ്ട് ചോദിച്ചു....

\" നീ കാര്യം പറ എന്നിട്ടല്ലേ സമ്മതിക്കണോ വേണ്ടയോ എന്ന് തീരുമാനിക്കേണ്ടത്...?\"

 \"ഇങ്ങനെയൊക്കെ സംഭവിക്കുന്നത് തുളസി മോൾക്ക് എന്തെങ്കിലും ദോഷം ഉള്ളകൊണ്ടായിരിക്കും....... നമുക്ക് നമ്മുടെ തറവാട് അമ്പലം വരെ ഒന്നു പോകാം.... അവിടെ ചെന്ന് പ്രശ്നം വെപ്പിച്ച് പരിഹാര പൂജ ചെയ്യാം.....\"

 \"നീയെന്താ ഈ പറയണേ.... അതെവിടുന്ന് പത്ത് 200 കിലോമീറ്റർ ദൂരെയാ....\" പോക്കുവരവൊക്കെ പാടാകും.....\"


\" അതൊന്നും സാരമില്ല മാധവേട്ട... നമുക്കൊരു വണ്ടി വിളിച്ചു പോകാം... എന്റെ മനസ്സിന് ഒരു സുഖവും ഇല്ല.... തുളസി മോൾക്ക് എന്തോ അനിഷ്ടം സംഭവിക്കാൻ പോകുന്ന പോലെ ഒരു തോന്നൽ.... മാധവേട്ടൻ എതിര് പറയരുത്.... പറ്റിയാൽ നാളെ തന്നെ നമുക്ക് പോകാം....\"

\" നാളെയോ.... നാളെ എന്തായാലും കഴിയില്ല ചന്ദ്രകേ.... നമുക്ക് ഞായറാഴ്ച പോകാം... വണ്ടി കൊണ്ടുവരുന്ന കാര്യം ഞാനാ രാഹുലിനോട് പറയുകയും ചെയ്യാം.... അവൻ ആകുമ്പോൾ വിശ്വസിച്ചു പോയിട്ട് വരാമല്ലോ...\"

 \"എന്നാ അങ്ങനെ ചെയ്യാം.... നാലുപേർക്കും കൂടി പോയി തൊഴുതിട്ടു വരാം... മനസ്സിന് സമാധാനം കിട്ടുമെങ്കിൽ അതല്ലേ നല്ലത്...?...\"

 \"നീ അതുവരെ മോളെ ഒന്ന് ശ്രദ്ധിക്കണം.... അവളുടെ മനസ്സിൽ അരുതാത്ത ഒന്നും തോന്നിക്കാതെ നോക്കണം....\"

\"മം... കൃഷ്ണ മോള് ഇന്ന് അവളുടെ കൂടെയാ കിടക്കണേ...... കൃഷ്ണയ്ക്കു എന്തോ സംശയം തോന്നിയിട്ടാ എന്നു തോന്നുന്നു....... അരുതാത്തതൊന്നും എന്റെ കുട്ടിക്ക് തോന്നുന്നില്ല... അതെനിക്ക് ഉറപ്പാ....\"

\" നേരം പുലരട്ടെ.... ഇക്കാര്യം കുട്ടികളോട് പറയാം..... നീ അതും ഇതും ആലോചിച്ച് നിൽക്കാതെ വന്നു കിടക്ക് ചന്ദ്രികേ....\" മാധവൻ അതും പറഞ്ഞ് കണ്ണാടി ഊരി ടേബിളിലേക്ക് വെച്ച് കട്ടിലിലേക്ക് അമർന്നു... ചന്ദ്രിക തന്റെ മുടിയിഴകൾ കെട്ടിയൊതുക്കി അയാൾക്കരിക്കിലേക്ക് വന്നു കിടന്നു...


തുടരും.\'\'\'