🌺തുളസിക്കതിർ🌺 ഭാഗം 4

ദിവസങ്ങൾ വീണ്ടും കടന്നു പോയി... ശ്രീയുടെ വീട്ടിലേക്ക് പിന്നെ തുളസി പോയില്ല..... മുറി അടച്ച് ഒരേ ഇരിപ്പായിരുന്നു അവൾ..... ഞായറാഴ്ച കുടുംബക്ഷേത്രത്തിൽ പോകാൻ രാഹുൽ രാവിലെ തന്നെ വണ്ടിയുമായി വന്നു...

അമ്പലത്തിലേക്ക് ഞാനില്ല അമ്മേ ഞാൻ പുറത്തായി..... നല്ല വയറുവേദന ഉണ്ട് ഞാൻ ഒന്ന് കിടക്കട്ടെ....

അയ്യോ അത് വല്ലാത്ത കഷ്ടമായി. ഇനിയിപ്പോ എന്താ ചെയ്യാ... പോക്ക് അടുത്ത ആഴ്ചത്തേക്ക് മാറ്റിയാലോ മാധവേട്ടാ...

 തുളസി പറയുന്നത് കേട്ട് ചന്ദ്രിക മാധവനോട് ചോദിച്ചു...

 വേണ്ട അമ്മേ നിങ്ങൾ പോയിട്ട് വാ എന്തായാലും ഒരുങ്ങി ഇറങ്ങിയതല്ലേ...? ഇനി അത് മാറ്റി വെക്കണ്ട...

അതാ ചന്ദ്രകേ നല്ലത്... എന്തായാലും പോകാൻ തീരുമാനിച്ചു... ഇനിയിപ്പോ പോയി തൊഴുതിട്ട് വരാം..

 അല്ല ..മോൾ ഇവിടെ ഒറ്റയ്ക്ക് ആകൂലേ...
ചന്ദ്രിക ആശങ്കയോടെ ചോദിച്ചു...


 അത് കാര്യമാക്കണ്ട ഒരു ദിവസത്തെ കാര്യമല്ലേ ഞാനിവിടെ ഇരുന്നോളാം... നിങ്ങൾ പോയിട്ട് വൈകുന്നേരം ആകുമ്പോഴേക്കും ഇങ്ങ് വരുമല്ലോ..... തുളസി ഓരോന്ന് പറഞ്ഞ് ചന്ദ്രികയുടെ ആവലാതി മാറ്റിയെടുത്തു...


 രാഹുലിന്റെ വണ്ടിക്ക് മൂന്ന് പേരും കയറി പോകുന്നത് മുകളിലത്തെ ജനാലയിലൂടെ തുളസി കണ്ടിരുന്നു....

 മുറിയിൽ ഒറ്റയ്ക്കിരുന്നപ്പോൾ വല്ലാത്ത ഏകാന്തത തോന്നി അവൾക്ക്.... അവരുടെ കൂടെ പോയാൽ മതിയായിരുന്നു... അതെങ്ങനെയാ അപ്പോഴേക്കും വന്നല്ലോ എന്നിലെ പെണ്ണ് പുറത്ത്.... വയറിന് വല്ലാത്ത വേദന അനുഭവപ്പെട്ടു അവൾക്ക്.... ഗുളിക കഴിച്ച് ഒന്നുറങ്ങാം എന്ന് കരുതി ഷെൽഫിനുള്ളിൽ നിന്നും ഗുളിക എടുക്കാൻ ഒരുങ്ങിയപ്പോഴാണ് അതിനിടയിൽ ഇരിക്കുന്ന ശ്രീഹരിയുടെ പുസ്തകം കണ്ടത്..


 അവൾ ഗുളിക എടുത്ത് കഴിച്ചശേഷം കട്ടിലിലേക്ക് ഇരുന്ന് ആ പുസ്തകം തുറന്നു വായിക്കാൻ തുടങ്ങി..... അവന്റെ എഴുത്തുകൾക്ക് വല്ലാത്ത ഭംഗി തോന്നി അവൾക്ക്..... ഓരോ വാക്കുകളും മുന്നിൽ കാണുന്നതുപോലെ അനുഭവപ്പെട്ടു അവൾക്ക്.... പുസ്തകത്തിലൂടെ കടന്നു പോകുന്നതിനിടയിൽ എപ്പോഴോ മയക്കത്തെ പുൽകി.....


🌺 🌺 🌺 🌺 🌺

 തുളസി ചേച്ചി ഇങ്ങോട്ടേക്ക് ഒന്ന് വന്നിട്ട് എത്ര ദിവസമായി അല്ലേ അമ്മേ......?

 അടുക്കളയിൽ പുറം തിരിഞ്ഞു നിന്ന് പാത്രം കഴുകുകയാണ് ശാരദ... അടുക്കള സ്ലാബിലായി കയറിയിരുന്ന് പേരക്ക കടിച്ചു തിന്നുന്നതിനോടൊപ്പം ശ്രീലക്ഷ്മി ചോദിച്ചു....

 എങ്ങനെ വരാനാ ആ കുട്ടി.... വരുമ്പോൾ വരുമ്പോൾ അതിനെ ആട്ടി അകറ്റുവല്ലേ നിന്റെ ഏട്ടൻ.. പിന്നെങ്ങനെയാ...

 ഏട്ടന്റെ സ്വഭാവം മാറുമെന്ന് എനിക്ക് തോന്നുന്നില്ല....? തുളസിയേച്ചി വേറെ കെട്ടി പോകുന്നതായിരിക്കും നല്ലത്....

മോളെ തുളസി ഇന്ന് വീട്ടിൽ ഒറ്റയ്ക്കാ.. മാധവേട്ടൻ വിളിച്ചപ്പോൾ പറഞ്ഞിരുന്നു അവർ തറവാട് അമ്പലത്തിലേക്ക് പോകുവാ എന്ന്.... തുളസിക്ക് പോകാൻ കഴിഞ്ഞില്ല പോലും...

 ശ്രീ മോളെ നീ അവിടം വരെ ഒന്ന് പോകണം... മോൾക്ക് വയ്യാണ്ടിരിക്കുവല്ലേ എന്തെങ്കിലും ആവശ്യം വന്നാലോ......

 ഉച്ചകഴിഞ്ഞ് അവിടെ വരെ പോകണം എന്ന് ഞാനും ഓർത്തിരുന്നു... അമ്മേ...

മം..\' ദേ ഞാൻ അവിടെ ചായ തിളപ്പിച്ച് വച്ചിട്ടുണ്ട് അതുകൊണ്ട് അവന് കൊടുത്തേ നീ... പാത്രം കഴുകുന്നതിനിടയ്ക്ക് കണ്ണുകൊണ്ട് ചായ പാത്രം കാണിച്ച് ശാരദ പറഞ്ഞതും ശ്രീലക്ഷ്മി സ്ലാബിൽ നിന്നും ഇറങ്ങി ഒരു ഗ്ലാസ് ചായയുമായി ശ്രീയുടെ മുറിയിലേക്ക് പോയി...


 അവൾ ചെന്നപ്പോൾ കണ്ണുകൾക്ക് മുകളിൽ കൈ വെച്ച് നിശബ്ദമായി തേങ്ങുകയാണ് ശ്രീ....

 ഏട്ടൻ എന്താ പറ്റിയെ.... ചായ ക്ലാസ് കട്ടിലിന് അരികിലെ ടേബിളിലേക്ക് വെക്കുന്നതിനോടൊപ്പം ശ്രീലക്ഷ്മി ചോദിച്ചു....

 എനിക്ക് എന്ത് പറ്റാൻ ഒന്നുമില്ല.... അവൻ ഗൗരവത്തോടെ പറയുന്നത് കണ്ടതും ശ്രീലക്ഷ്മി പുരകം ഉയർത്തി അവനെ നോക്കി......

 ശരി ചായ അവിടെ വച്ചിട്ടുണ്ട്... ചൂടാറുന്നതിനു മുമ്പ് എടുത്തു കുടിക്ക്... അത്രയും പറഞ്ഞ് ശ്രീലക്ഷ്മി അവന്റെ മുറിവിട്ട് പുറത്തേക്ക് പോയി.....


🌺 🌺 🌺 🌺 🌺 🌺

 തുളസി ചേച്ചി.....

 ഉമ്മറത്തു നിന്ന് ശ്രീലക്ഷ്മി അകത്തേക്ക് നീട്ടി വിളിച്ചു.... ശ്രീയുടെ വിളി കേട്ടതും തുളസി ഉമ്മറത്തേക്ക് ഇറങ്ങിവന്നു....

 ആ നീയോ നീയെന്താ ഇവിടെ.. തുളസി സംശയത്തോടെ ശ്രീലക്ഷ്മിയോട് ചോദിച്ചു...

 ചേച്ചി ഇവിടെ ഒറ്റയ്ക്കാ എന്നറിഞ്ഞു... പിന്നെ വയ്യാന്നും അമ്മ പറഞ്ഞു...അതുകൊണ്ട് ചുമ്മാ വന്നതാ....

 ആഹാ ഈ വിവരമൊക്കെ അവിടെ എത്തിയോ...?

 രാവിലെ അമ്മാവൻ വിളിച്ചിരുന്നു അമ്മയെ.. അപ്പോൾ പറഞ്ഞതാ.. അവരെ അമ്പലത്തിൽ പോയിന്നും ,ചേച്ചി ഒറ്റയ്ക്ക് ആണെന്നൊക്കെ...

 എന്തായാലും നീ കയറിയിരിക്ക് ബാ... തുളസി ശ്രീലക്ഷ്മി അകത്തേക്ക് കയറ്റി...

 അവര് വന്നില്ലേ ചേച്ചി തിരിച്ച്...?

 വരണ്ട സമയം കഴിഞ്ഞതാ വിളിച്ചിട്ടാണെങ്കിൽ ഫോൺ എടുക്കുന്നില്ല... എന്തു പറ്റിയതാണോ എന്തോ.....?

 അപ്പോഴാണ് മുറ്റത്തായി ഒരു ആംബുലൻസ് വന്നു നിന്നത്..... തുളസിയും ശ്രീലക്ഷ്മിയും പകപ്പോടെ നോക്കി.... ആംബുലൻസിന്റെ മുന്നിൽ നിന്നും രാഹുല് വെളിയിലേക്ക് ഇറങ്ങി... അവന്റെ കൈയൊടിഞ്ഞ് പ്ലാസ്റ്റർ ഇട്ടിട്ടുണ്ട്... മുഖത്തും നെറ്റിയിലും മുറിവുണ്ട് ....

 തുളസി ഓടി രാഹുലിന്റെ അരികിലേക്ക് ചെന്നു....

 രാഹുൽ ഏട്ടാ... എന്തായിത് എന്താ പറ്റിയെ.... അവരെല്ലാം എന്തിയെ.... ? അവൾ പകപ്പോടെ പറയുന്നത് കണ്ടതും രാഹുലിന്റെ കണ്ണുകൾ നിറയാൻ തുടങ്ങിയിരുന്നു... അവൻ ഒന്നും മിണ്ടാതെ നിലത്തേക്ക് നോക്കി നിന്നു....


 രാഹുലേട്ടാ... രാഹുൽ ഏട്ടനോടാ ഞാൻ ഈ ചോദിക്കുന്നെ? എന്താ...പറ്റിയെന്ന്...

 അമ്പലത്തിലേക്ക് പോകുന്ന വഴി വണ്ടി ഒന്ന് ആക്സിഡന്റ് ആയി..... തുളസി എന്നോട് ക്ഷമിക്കണം.... അവൻ കൈകൾ കൂപ്പി അവൾക്കു മുന്നിൽ മുട്ടുകുത്തിയിരുന്നു... എല്ലാം ഒരു പകപോടെ കാണുകയായിരുന്നു തുളസി.....


 ആംബുലൻസിന്റെ പിൻവശം തുറന്നു അതിൽ നിന്നും രണ്ട് സ്ട്രക്ച്ചറുകൾ ആരൊക്കെയോ ചേർന്നു വലിച്ചു പുറത്തേക്ക് ആക്കി... അപ്പോഴേക്കും മുറ്റത്തായി ഒരു ആംബുലൻസ് കൂടി വന്ന് നിന്നിരുന്നു.... തുളസി അനങ്ങാൻ പോലും കഴിയാത്ത അവസ്ഥയിൽ നിന്നു... ആംബുലൻസിന്റെ പിന്നിലേക്ക് ഓടിയെത്തിയ ശ്രീലക്ഷ്മി ഒരു പകപോടെ ജീവനൊറ്റ ആ മൂന്നു ശരീരങ്ങൾ നോക്കി നിന്നു....

 ശ്രീലക്ഷ്മി ഓടിവന്ന് തുളസിയെ താങ്ങി പിടിച്ചു.... ഇപ്പോഴും തുളസി ഏതോ ലോകത്താണ്....

 ആരൊക്കെയോ ചേർന്ന് ചന്ദ്രികയുടെയും മാധവന്റെയും കൃഷ്ണയുടെയും ശരീരം ഉമ്മറത്തു കൊണ്ടു വച്ചു....

 ശ്രീലക്ഷ്മി തുളസിയെ താങ്ങി പിടിച്ച് അവർക്ക് അരികിലേക്ക് കൊണ്ടിരുത്തി..... ഒരു യന്ത്രം കണക്കെ ഇരിക്കുന്ന തുളസിയെ കണ്ടതും ശ്രീലക്ഷ്മിക്ക് പേടിയായി... ചേച്ചി... ശ്രീലക്ഷ്മി ഉറക്ക വിളിച്ചതും ഒരു ഞെട്ടലോടെ അവൾ സ്വബോധത്തിലേക്ക് തിരിച്ചുവന്നു....

 അ...ച്ഛൻ.... അ..മ്മ... വിറക്കുന്ന ചുണ്ടുകളോടെ അവളുടെ അധരം മൊഴിഞ്ഞു ...

 അമ്മേ.... എന്തായിത്... ഇന്ന് ഒരു ദിവസം ഒറ്റയ്ക്ക് ഇരിക്കാം എന്നാ തുളസി മോള് പറഞ്ഞേ.... എന്നിട്ട് നിങ്ങൾ എന്താ ഈ കാണിക്കുന്നേ... ? എനിക്ക് പേടിയാട്ടോ ഇവിടെ ഒറ്റയ്ക്ക്... ചുമ്മാ കളിക്കാതെ ...

 അച്ഛാ.... എന്നെ പറ്റിക്കാതെ അച്ഛാ.... കൃഷ്ണ മോളേ .. നീയും ഇതിന് കൂട്ട് നിൽക്കുകയാണോ.....?

 തുളസി എന്തെല്ലാമോ പറഞ്ഞ് വിങ്ങിപ്പൊട്ടി... അപ്പോഴേക്കും കരഞ്ഞുകൊണ്ട് ശാരദ ഓടിവന്നു.... പിന്നാലെ ശ്രീദേവിയും ഉണ്ടായിരുന്നു.... ശാരദ പൊട്ടിക്കരഞ്ഞുകൊണ്ട് മാധവന്റെ നെഞ്ചിലേക്ക് വീണു...

🌺 🌺 🌺 🌺 🌺 🌺 🌺 🌺

 അലാറം അടിക്കുന്ന ശബ്ദം കേട്ടാണ് പുസ്തകത്തിൽ നിന്നും തല ഉയർത്തി തുളസി ടൈം പീസിലേക്ക് നോക്കിയത്...

 സമയം രാവിലെ അഞ്ചുമണി കഴിഞ്ഞിരിക്കുന്നു..... 

അയ്യോ ഇന്ന് അമ്മായിടെ കയ്യിൽ നിന്ന് കിട്ടും... തുളസി പുസ്തകം മടക്കിവെച്ച് ഒരു തോർത്തും എടുത്ത് കുളിക്കാനായി കയറി.... കുളി കഴിഞ്ഞ് വന്നു നോക്കിയപ്പോഴും മുത്തശ്ശി നല്ല ഉറക്കമാണ്.... അവൾ കണ്ണാടിക്ക് മുന്നിൽ നിന്ന് മുടി ഒതുക്കി.... പഴയ ഓർമ്മകളിലേക്ക് പോയപ്പോൾ കണ്ണും മനസ്സും ഒരുപോലെ നീറുന്നു....

 ആ ദിവസമാണ് തന്റെ ജീവിതത്തെ മാറ്റിമറിച്ചത്.... ഒറ്റ ദിവസം കൊണ്ട് ആരുമില്ലാണ്ടായ അവസ്ഥ... അന്ന് താനും അവർക്കൊപ്പം പോയിരുന്നുവെങ്കിൽ ദൈവം അതിന് അനുവദിച്ചിരുന്നു എങ്കിൽ ഇന്ന് ഈ ദുരിതം അനുഭവിക്കേണ്ടി വരില്ലായിരുന്നു.....

 എന്തെല്ലാമോ ആലോചിച്ച് അവൾ മുത്തശ്ശിക്ക് അരികിലേക്ക് വന്നു.... നിഷ്കളങ്കമായി ഉറങ്ങുന്ന ജാനകിയയുടെ മുടിയിഴകളിൽ ഒന്ന് തഴുകി.... ജാനകിയുടെ നെറ്റിയിൽ അവൾ അമർത്തി ചുംബിച്ചു... പിന്നെ പതിയെ അടുക്കളയിലേക്ക് നടന്നു.....

 അടുക്കളയിൽ ചെന്ന് പതിവുപോലെ എല്ലാം ഒരുക്കി വെച്ചു.... കുട്ടികൾക്ക് സ്കൂളിലേക്ക് പോകാനുള്ള എല്ലാം ഒരുക്കി .... അമ്മായിക്ക് രണ്ടു പെൺകുട്ടികളാണ്.... ശിവാനിയും ശിവന്യയും ..ശിവാനി ആദ്യ ഭർത്താവിൽ ഉള്ളതാണ്... ശിവന്യ രണ്ടാം ഭർത്താവിലും ..

ശിവാനി എട്ടിലും... ശിവന്യ നാലിലുമാണ് പഠിക്കുന്നത്....


 തുളസി ഈ വീട്ടിലേക്ക് വന്നു പെട്ടതിനെ കുറിച്ച് അവൾ ഒരു നിമിഷത്തേക്ക് ആലോചിച്ചു....

 താൻ മുത്തശ്ശി എന്ന് വിളിക്കുന്ന ജാനകിക്ക് രണ്ടു മക്കളായിരുന്നു.... ഒന്ന് തന്റെ അമ്മ ചന്ദ്രിക.... മൂത്തവൻ ചന്ദ്രൻ...

 എന്റെ അമ്മ ചന്ദ്രകയുടെയും അച്ഛന്റെയും പ്രേമ വിവാഹമായിരുന്നു... അതുകൊണ്ടുതന്നെ അമ്മയുടെ വീട്ടുകാരുമായി വലിയ രസത്തിൽ അല്ലായിരുന്നു.... പക്ഷേ അമ്മയും അച്ഛനും മരിച്ച ഒരാഴ്ചക്ക് ശേഷം ആ വിവരമറിഞ്ഞ് മുത്തശ്ശിയും ചന്ദ്രൻ അമ്മാവനും വീട്ടിൽ വന്നു..... അവരുടെ അസ്ഥി തറയ്ക്ക് മുന്നിൽ നിന്ന് മുത്തശ്ശി ഒരുപാട് കരഞ്ഞു... അമ്മ ജീവിച്ചിരുന്നപ്പോൾ ഒന്ന് കാണാൻ കഴിയാത്തതിന്റെ വിഷമമായിരുന്നു ആ മനസ്സു മുഴുവൻ.... ഞാൻ ഒറ്റയ്ക്കാണെന്ന് മനസ്സിലാക്കി മുത്തശ്ശി എന്നെ അവരുടെ വീട്ടിലേക്ക് കൊണ്ടുപോകാൻ തീരുമാനിച്ചു.....


 അന്നും ഞാൻ ഓടിയെത്തിയത് ശ്രീയേട്ടന്റെ അടുത്തേക്ക് ആയിരുന്നു....

 ഇവരെന്നെ കൊണ്ടുപോകും എന്ന് പറയണേ വേണ്ടെന്ന് പറ ശ്രീയേട്ടാ... ഞാനിവിടെ നിന്നോളാം....

 കരഞ്ഞുകൊണ്ട് ആ കാൽക്കൽ വീണ് ഒരുപാട് കെഞ്ചി ഞാൻ... ശാരദ ഓപ്പോളും ശ്രീലക്ഷ്മിയും ശ്രീദേവിയും ഒരുപാട് പറഞ്ഞുനോക്കി ശ്രീയേട്ടനോട്..... പക്ഷേ എന്നെ അവിടെ നിർത്താൻ ശ്രീയേട്ടൻ സമ്മതിച്ചില്ല.....

 ഒടുവിൽ മനസ്സില്ലാ മനസ്സോടെ മുത്തശ്ശിക്കൊപ്പം പോകേണ്ടി വന്നു...

 അന്ന് സ്വത്തുക്കളെല്ലാം മുത്തശ്ശിയുടെ പേരിലായിരുന്നു.... എന്നെയും കൊണ്ട് വീട്ടിലേക്ക് വന്നപ്പോൾ അമ്മായി ഒരുപാട് വഴക്കുണ്ടാക്കി... സ്വത്തുക്കളിൽ പകുതി എനിക്ക് പോകുമോ എന്ന ഭയത്തിൽ എല്ലാം ചന്ദ്രൻ അമ്മാവന്റെയും അമ്മായിയുടെയും പേരിൽ എഴുതി വാങ്ങിച്ചു അമ്മായി.


 അതിനുശേഷം എന്നോട് വലിയ കുഴപ്പമില്ലായിരുന്നു... വർഷങ്ങളും ദിവസങ്ങളും വീണ്ടും കടന്നുപോയി...... ഒരു ദിവസം നേരം പുലർന്നത് ചന്ദ്രൻ അമ്മാവന്റെ മരണവാർത്ത അറിഞ്ഞുകൊണ്ടായിരുന്നു... സൈലന്റ് അറ്റാക്ക് ആയിരുന്നു..... ആ സംഭവത്തിനുശേഷം അമ്മായി എനിക്ക് നേരെ തിരഞ്ഞു.... എന്റെ ജാതക ദോഷം കാരണമാണ് അമ്മാവൻ പോയതെന്നായി വാദം... ഞാൻ നിൽക്കുന്നിടത്ത് എല്ലാം മരണം ഉറപ്പാണ് എന്നമ്മായി വാദിച്ചു....


 അമ്മാവന്റെ മരണശേഷം സ്വത്തുക്കൾ എല്ലാം അമ്മയുടെ പേരിലായി..... ഒരു വർഷം കഴിഞ്ഞതും അമ്മായി മറ്റൊരു വിവാഹം കഴിച്ചു... വിജയൻ എന്നായിരുന്നു അയാളുടെ പേര്.... അന്ന് രാധികയമ്മായിയുടെ സൗന്ദര്യം കണ്ടാണ് രണ്ടാം വിവാഹമായിരുന്നിട്ടും ഒരു കുട്ടി ഉണ്ടായിരുന്നിട്ടും വിജയൻ ആ കല്യാണത്തിന് സമ്മതിച്ചത്... അയാളിൽ അമ്മായിക്ക് ഒരു കുട്ടിയും പിറന്നു... പതുക്കെ പതുക്കെ അമ്മായിയുടെ നിയന്ത്രണത്തിലായി... വീട്... മുത്തശ്ശിയുടെ വാക്കുകൾക്ക് പോലും അവിടെ വിലയില്ലാതായി.... വിജയമമ്മാ ഒന്നും മിണ്ടാതെ എല്ലാത്തിനും കൂട്ടുനിൽക്കും.... ഞാനാണെങ്കിൽ വീട്ടിലെ വേലക്കാരിയുമായി


 എന്തെല്ലാമോ ആലോചിച്ച് നിന്ന് സമയം പോയി.... അവൾ വേഗം മുറിയിലേക്ക് വന്ന് ഒരു കോട്ടൺ സാരിയുമെടുത്ത് കവലയിലേക്ക് നടന്നു......

തുടരും.\'\'