*Green eyed butterfly💚~4*
       ~ഫർഹാന 

***

\"ഷാൻ\"

ജിഹയുടെ വിളിയാണ് അവനെ ഓർമ്മയിൽ നിന്നുണർത്തിയത്.
ഉടനെ തന്നെയവൻ താഴോട്ട് ഇറങ്ങി അവളുടെ അടുത്തേക്ക് പോയി.


\"ജിഹാ,എന്ത് പറ്റി.\"


\"ഷാൻ,ഞാൻ..ഞാനവളെ കണ്ടു\"


\"ആ.. ആരെ\"

പതർച്ചയോടെയായിരുന്നു അവന്റെ ചോദ്യം.

\"റൂഹിയെ\"

\"റൂഹി..അതാരാ\"

അതിനവൾക്കുത്തരം ഇല്ലായിരുന്നു. പിന്നീട് അവർക്കിടയിൽ മൗനമായിരുന്നു.

\"ഷാൻ പൊക്കോളു. ഞാനൊന്ന് കിടക്കട്ടെ\"

\"ആഹ്. എനിക്കൊരു അർജന്റ് മീറ്റിംഗ് ഉണ്ട്.സൂക്ഷിക്കണം ട്ടോ\"

എന്ന് പറഞ്ഞു കൊണ്ട് അവളെ ബെഡിലേക്ക് ശെരിക്ക് കിടത്തി കുറച്ചു വെള്ളവും കൊടുത്ത് അവൻ കാറിന്റെ കീയും എടുത്ത് ഓഫീസിലേക്ക് പോയി.

                   💚


\"സർ..ന്യൂ അപ്പോയിന്മെന്റ്സും ആയി ഒരു മീറ്റിംഗ് ഫിക്സ് ആക്കട്ടെ\"

\"മീറ്റിംഗ് ആയി വെക്കേണ്ട അവരോട് മൂന്നു പേരോടും ഇപ്പൊ വരാൻ പറഞ്ഞാൽ മതി\"

\"മൂന്നു പേരില്ല സർ,ഒരാൾ നാളെയെ വരു\"

\"എന്നാൽ നാളെ ഒരു 10 മണിക്ക് അവർക്കായി മീറ്റിംഗ് വെക്കാം.\"

അത്രയും പറഞ്ഞു കൊണ്ട് ഷാനിന്റെ പിഎ അവിടെ നിന്നും പോയി.
കുറച്ചു ഫയൽസ് ഒക്കെ ചെക്ക് ചെയ്തു കൊണ്ടായാൾ മീറ്റിംഗ് നടക്കുന്ന ഹാളിലേക്കും പോയി.


                       💚


\"ഫറ,നമ്മളോട് നാളെ 10 മണിക്ക് സാറിന്റെ അടുത്ത് പോണം പോലും. മീറ്റിംഗ് ഉണ്ടെന്ന്\"

\"അതെന്താ അങ്ങേർക്ക് ഇന്ന് മീറ്റിംഗ് വെച്ചാ\"

\"ഒരാളൂടെ വരാനുണ്ട് പോലും\"

\"അതാരാപ്പോ\"

\"അതറിയുവാണേൽ ഞാൻ നിന്നോട് പറയൂലെ\"

ഫറയുടെ സംശയം കേട്ട് അവളെ ഒന്ന് തുറിച്ചു നോക്കി കൊണ്ട് റിമ തന്റെ വർക്കിലേക്ക് കടന്നു.വർക്ക്‌ ചെയ്യുന്നുണ്ടെങ്കിലും അവളുടെ മനസ്സ് നിറയെ സിഹ പറഞ്ഞ കാര്യങ്ങളായിരുന്നു.എങ്ങനെ തുടങ്ങും എന്ത് ചെയ്യും എന്നൊന്നും അവൾക്കറിയില്ലായിരുന്നു.


                      💚


\"നാളെ ലേറ്റ് ആവരുതേ.ഞാനിവിടെ വരുമ്പോഴേക്കും പുറത്തേക്ക് ഇറങ്ങിക്കോണം\"

\"ശെരി മാഡം\"

അതും പറഞ് റിമ അവളുടെ വീട്ടിലേക്കു ഫറ സ്കൂട്ടിയും എടുത്ത് അവളുടെ വീട്ടിലേക്കു പോയി.


\"ആ നീ വന്നോ. പെട്ടെന്ന് പോയി റെഡിയാവ്. പുറത്ത് നിന്നാ ഇന്ന് ഫുഡ്‌\"

\"അമ്മായി പോയോ ഉമ്മാ\"

\"ആ അമ്മായി പോയി.നൈനയും നജയും ഉണ്ട് റൂമിൽ.ഒരുങ്ങുന്ന തിരക്കിലാ രണ്ടും. നീയും പോയി റെഡിയായി വാ.. അപ്പഴേക്കും ഞാൻ ചായ എടുത്തു വെക്കാം\"


പുറത്തേക്ക് പോവാനുള്ള തിടുക്കത്തിലും സന്തോഷത്തിലും അവൾ റൂമിലേക്ക് ഓടി. വേഗം ഡ്രെസ്സെടുത്ത് ഫ്രഷായി വന്നു. അപ്പോഴും കണ്ണാടിയുടെ മുന്നിൽ നിക്കുന്ന രണ്ടിന്റേം ഒരുക്കം കഴിഞ്ഞിട്ട് ഇല്ലായിരുന്നു.


\"അതേയ്.. പെണ്ണ് കാണാൻ വരുന്നൊന്നും ഇല്ല ആരും. ഒന്ന് മാറിക്കെ\"

എന്നും പറഞ് രണ്ടിനേം രണ്ട് സൈഡിലേക്കിട്ട് അവൾ അവളുടെ മുഖമൊക്കെ ഒന്ന് മിനുക്കി.

\"റിമ. നീയിന്നലെ സ്വപ്നം കണ്ടോ\"

നജയായിരുന്നു ചോദിച്ചത്.ആ ചോദ്യത്തിൽ റിമയൽപ്പം പതറി എങ്കിലും ഇല്ലായെന്ന് അവർക്ക് മുഖം കൊടുക്കാതെ ഉത്തരം പറഞ്ഞു.

അപ്പോഴും നൈന അവളെ തന്നെ നോക്കി നോക്കുകയായിരുന്നു. അവളിൽ ആകെക്കൂടെ എന്തോ ഒരു മാറ്റം. പതിവിലും പ്രകാശമുള്ളത് പോലെ.ആ ബ്ലാക്ക് ഐസിൽ എവിടെയോ ഒരു മഞ്ഞകണ്ണ് ഒളിച്ചിരിക്കുന്നത് പോലെ.


\"നീയെന്താടി.എന്നെ ആദ്യായിട്ട് കാണുവാണോ\"

തന്നെ തന്നെ നോക്കി നിൽക്കുന്ന നൈനയുടെ തലക്കൊരു കൊട്ട് കൊടുത്തുകൊണ്ടായിരുന്നു റിമയുടെ ചോദ്യം.

\"നിന്റെ കോലം കണ്ട് നോക്കിയതാ.കോലിന് ചുരിദാർ ഇട്ട് കൊടുത്ത പോലെണ്ട്\"

\"ഓഹ് പറയുന്ന ആൾ പിന്നെ ആനക്ക് ചുരിദാർ ഇട്ടേ പോലെ ആണെല്ലോ. ഒന്ന് പോയെടി\"

നൈന പറഞ്ഞതിന് അവൾക്കിട്ട് തിരിച്ചടിച്ചത് നജയായിരുന്നു.

\"ഓ തൊടങ്ങി. അടി ഉണ്ടാക്കാതെ താഴോട്ട് വാ. ഇപ്പെ പോയാൽ വേഗം തിരിച്ചു വരാ\"

\"നിനക്കെന്തിനാ നേരത്തെ വരുന്നേ. നമ്മൾ പുലർച്ചെ ആവുമ്പോഴേക്കും എത്തുള്ളു\"

\"ഏഹ്ഹ്.. എന്നാൽ ഞാനില്ല\"

റിമയിൽ ആകെ വെപ്രാളം നിറയുന്നുണ്ടായിരുന്നു. എങ്ങാനും താൻ ആ സമയം തന്റെ യഥാർത്ഥ രൂപത്തിലേക്ക് ആയാലോ എന്നാ ഭയമായിരുന്നു അവളിൽ.

\"അതെന്താ നിനക്ക് വന്നാൽ\"

നൈനയുടെ ചോദ്യങ്ങളിൽ അവൾ നിന്ന് വിയർത്തു പോവുന്നുണ്ടായിരുന്നു.

\"അ..അത് എനിക്ക് നാളെ രാവിലെ ഒരു മീറ്റിംഗ് ഉണ്ട്. അപ്പൊ ലേറ്റ് ആയി വന്നാൽ ഉറങ്ങി എണീക്കുമ്പോഴേക്കും ലേറ്റ് ആവും.\"


\"അതായിരുന്നോ.. അതിന് നിന്നെ ഞങ്ങൾ നേരത്തെ വിളിച്ചോണ്ട്.നീ വന്നേ\"

എന്നും പറഞ് നജ അവളുടെ കൈ വലിച്ചു താഴോട്ടിറങ്ങി.

\"ആ നിങ്ങളെത്തിയോ. എന്നാൽ വേഗം പോയി കാറിൽ കയർ.\"

അത് പറഞ്ഞത് റിമയുടെ ഉപ്പയായിരുന്നു.

അവരെല്ലാരും കൂടെ കാറിൽ കയറി യാത്ര പുറപ്പെട്ടു. അവിടെന്ന് കുറച്ച് ദൂരെയുള്ള ഒരു പാർക്കിലെക്കായിരുന്നു അവർ പോയത്.

ഏകദേശം മൂന്ന് മണിക്കൂറിലെ യാത്രക്കൊടുവിൽ ആ മനോഹരമായ പാർക്കിലെക്കവർ എത്തി.


കാറിൽ നിന്നിറങ്ങി കൊണ്ട് ചുറ്റിനും നോക്കിയ റിമയുടെ കണ്ണുകൾ വിടർന്നു.

അവിടെ നിറയെ പൂക്കളായിരുന്നു. പല നിറങ്ങളും അടങ്ങുന്നവ. ഇരിപ്പിടങ്ങൾക്ക് ചുറ്റിനും പോലും പൂക്കളാൽ നിറഞ്ഞിരിക്കുന്നു.

പുഞ്ചിരിയോടെ അവയെല്ലാം നോക്കിക്കാണുന്നവളെ സംശയത്തോടെ രണ്ട് കണ്ണുകൾ നോക്കുന്നതാരും കണ്ടില്ല.

മുന്നോട്ട് നടക്കും തോറും റിമയിൽ വല്ലാത്തൊരു ആഹ്ലാദം നിറയുന്നുണ്ട്.


\"നോക്ക് റിമാ,നൈന\"

നജ ചൂണ്ടിയ ഭാഗത്തേക്ക് ഇരുവരും നോക്കിയപ്പോൾ കാണുന്നത് ഒരു പെൺകുട്ടിയുടെ രൂപത്തിൽ പൂക്കളെ വളർത്തിയിരിക്കുന്നതാണ്.
അതൊരു ശലഭപ്പെണ്ണ് ആയിരുന്നു.
മഞ്ഞ നിറത്തിലുള്ള പൂക്കളാൽ അവളുടെ വസ്ത്രങ്ങൾ.
അതെ പോലെ മഞ്ഞച്ചിറകും.


\"ആ പെണ്ണ് ആരാന്നറിയോ,ഞാൻ പറഞ്ഞില്ലേ ഞാനൊരു കഥ വായിച്ചിട്ടുണ്ട് എന്ന്. അതിലെ ഒരു കഥാപാത്രമാണ്. *റൂഹിയ* എന്ന റൂഹി\"


നൈന അത് പറഞ്ഞു നിർത്തുമ്പോൾ നജ അതിലേക്ക് അതിശയത്തോടെ നോക്കുകയായിരുന്നു. എന്നാൽ റിമയിൽ ഞെട്ടൽ മാത്രം. അവളുടെ ഓരോ ഭാവങ്ങളും ആ രണ്ടുകണ്ണുകൾ സൂക്ഷിക്കുന്നുണ്ടായിരുന്നു.


\"എന്ത് ഭംഗിയാ ലെ. ശെരിക്കിനും അങ്ങനെ ഉള്ളവരൊക്കെ ഉണ്ടേൽ\"

നജയുടെ സംസാരം കേട്ട് റിമയൊന്ന് ഉമിനീരിറക്കി.

\"മതി അത് നോക്കിയേ..ഇനിയും ഇവിടെ കാണാനുണ്ട്. നിങ്ങൾ വന്നേ\"


എന്നും പറഞ്ഞു കൊണ്ട് റിമ അവരുടെ കയ്യും പിടിച്ചു ഉപ്പയുടെയും ഉമ്മയുടെയും പിറകെ പോയി. നൈനയുടെ കണ്ണുകൾ അപ്പോഴും ആ പെണ്ണിലായിരുന്നു.


                         💚

\"യാൻ. നാളെ തന്നെ ജോയിൻ ചെയ്യില്ലേ നീ\"


സ്ട്രീറ്റ് ലൈറ്റിന്റെ വെളിച്ചം മാത്രമുള്ള റോഡിലൂടെ നടക്കുന്ന യാനിന്റെ ചുറ്റിനും പാറി പറന്നു കൊണ്ട് ഷിൻ ചോദിച്ചു.


\"പോവും ഷിൻ.\"


എന്ന് പറഞ്ഞു കൊണ്ടവൾ മുന്നോട്ട് നടന്നു.പെട്ടെന്ന് അവളുടെ കണ്ണുകൾ തിളങ്ങി കൊണ്ട് പച്ച നിറത്തിലുള്ള വെളിച്ചം പുറത്തേക്ക് വന്നു.

അതിന്റെ കാരണം മനസിലാവാതെ ചുറ്റിനും നോക്കുന്നവളെ കാണെ ഷിൻ ഉടനെ തന്നെ വലിയ രൂപത്തിലേക്ക് മാറി അവളെ ഒരു മറവിലേക്ക് നീക്കി.


\"യാൻ കണ്ണടക്കു.തുറക്കരുത്. ഇവിടെ എവിടെയോ റൂഹിയുണ്ട്. നീ കണ്ണ് തുറന്നാൽ ഈ പ്രകാശം എന്നെന്നേക്കുമായി നിലക്കും. അങ്ങനെ വന്നാൽ ജിഹ..\"

ബാക്കി പറയുന്നതിന് മുന്നേ ചിറകടി ശബ്ദം കേട്ട് കൊണ്ട് തിരിഞ്ഞ ഷിൻ കാണുന്നത് വെള്ളച്ചിറകുകൾ വിടർത്തി പറന്നു വരുന്ന സിഹയേ ആണ്.


[തുടരും]


ബാക്കി ഉടനെ വരുവേ👩🏼‍🦯ബട്ട്‌ റിവ്യൂ ഇടാതെ ഇടില്ല😌