*Green eyed butterfly💚~6*
          ~ഫർഹാന 


      ****


\"ആഹ് വരു,ഇരിക്കൂ\"

ആ ഹാളിൽ അവരെ കാത്തെന്ന പോലെ ഷാൻ ഇരിക്കുന്നുണ്ടായിരുന്നു.
അവർക്ക് കാണിച്ച ചെയറുകളിൽ ഓരോന്നിലും ഓരോരുത്തർ ഇരുന്നു.

\"റമ,ഫറ,യഹാന അല്ലേ?\"

അദ്ദേഹത്തിന്റെ ചോദ്യത്തിന് അവർ അതേയെന്ന രീതിയിൽ തലയാട്ടി.

\"ഞാനിപ്പോ നിങ്ങളെ വിളിച്ചത് മറ്റൊന്നിനും അല്ല.നമ്മുടെ കമ്പനിയുടെ റൂൾസും മറ്റും പറയാനാണ്. പിന്നെ നിങ്ങൾ മൂന്നു പേരും ഡിസൈനർസിന്റെ സെക്ഷനിൽ ആയത് കൊണ്ട് കൂടുതൽ ആയിട്ട് പറയാൻ ഒന്നുമില്ല\"

അപ്പോഴൊക്കെയും ഷാൻ പറഞ്ഞ യഹാന എന്ന പേര് എവിടെയോ കേട്ട്
മറന്നിട്ടുണ്ടല്ലോ എന്ന ആലോചനയിലാണ് റമ.

\"ഓക്കേ,ഇത്രയൊക്കെ ആണ് പറയാനുള്ളത്.വീണ്ടും ഓർമ്മപ്പെടുത്തുന്നു,കറക്റ്റ് ടൈമിൽ എത്തുക,കറക്റ്റ് ടൈമിൽ പറഞ്ഞ വർക്ക്‌ സബ്‌മിറ്റ് ചെയ്യുക,ഇത് ശ്രദ്ധിക്കൽ നിർബന്ധമാണ് കേട്ടോ\"

ഒരുപാട് റൂളുകൾ പറഞ്ഞതിന് ശേഷം അവസാനമായി ഓരോർമ്മപെടുത്തൽ പോലെ അദ്ദേഹം പറഞ്ഞു നിർത്തി.

\"ഇനി പൊക്കോളു,നിങ്ങൾക്കുള്ള വർക്ക്‌ ഡെയിലി നിങ്ങടെ കാബിനിൽ എത്തിയിട്ടുണ്ടാവും.ഇന്ന് ചെയ്യാനുള്ളതും അവിടെ ഉണ്ടാവും.\"

അവരെ നോക്കിയൊന്ന് പുഞ്ചിരിച്ചു കൊണ്ട് അയാൾ ഉടൻ തന്നെ ഹാൾ വീട്ടിറങ്ങി.

\"കമ്പനി ഓണർ ആണെന്ന് വെച്ച് നമുക്കൊരു ഓൾ തെ ബെസ്റ്റ് ഒക്കെ തന്നാലെന്താ ഇവർക്ക്\"

തിടുക്കപ്പെട്ട് കാൾ അറ്റൻഡ് ചെയ്ത് കൊണ്ട് പോകുന്ന ഷാനിനെ നോക്കിയാണ് ഫറ പറഞ്ഞത്.

\"എന്റെ പൊന്ന് ഫറ, അവർക്കൊരുപാട് തിരക്കുകൾ ഉള്ളതല്ലേ. എന്നിട്ടും നമ്മളോട് ഇത്രയും മയത്തിൽ സംസാരിച്ചില്ലേ.അത് തന്നെ ഭാഗ്യം\"

അവളെ നോക്കി കൊണ്ട് കുറച്ച് ഗൗരവത്തിൽ തന്നെ റമ പറഞ്ഞു. ശേഷം അവിടെ നിന്ന് പോകാനൊരുങ്ങിയ യാനിന്റെ പിറകെ ഓടി.

\"ഹേയ്..നിന്നേ\"

നടന്നു കൊണ്ടിരുന്ന യാൻ എന്താണെന്ന രീതിയിൽ അവളെ ഒന്ന് തിരിഞ്ഞു നോക്കി.

\"ഞാൻ റമ,സർ പറഞ്ഞപ്പോൾ പേര് കേട്ടിട്ടുണ്ടാവുമല്ലോ.ഇയാളെ പേര് മനസ്സിലായി.എന്തേലും സ്പെഷ്യൽ നിക്ക് നെയിം ഉണ്ടോ..യഹാന എന്ന് നീട്ടി വിളിക്കാൻ കഴിയാഞ്ഞിട്ടാട്ടോ\"

അവളെ നോക്കി ഒരു ചിരിയോടെ റമ പറഞ്ഞു നിർത്തി.

\"ഓഹ് ഉണ്ടെല്ലോ.ഹാനി ന്ന് വിളിച്ചോളൂ\"

യാൻ എന്ന പേര് സുരക്ഷിതം അല്ലാത്തത് കൊണ്ട് തന്നെ അവൾ ഹാനി എന്ന പേരിൽ പരിചയെപ്പെടുത്തി. അപ്പോഴേക്കും ഫറയും അവരുടെ അടുത്തേക്ക് എത്തിയിരുന്നു.

\"ഞാൻ ഫറ,ഞങ്ങൾ ചൈൽഡ്ഹുട് ഫ്രെണ്ട്സ് ആണ്\"

അവൾക്ക് നേരെ കൈകൾ നീട്ടി കൊണ്ട് ഫറ പറഞ്ഞു. തിരിച്ചു കയ്കൊടുത്ത് ഒരു പുഞ്ചിരിയിൽ യാൻ മറുപടിയൊതുക്കി.

\"എന്നാൽ നമുക്ക് പോവാം. കൂടുതൽ പരിചയപ്പെടൽ ഒക്കെ ലഞ്ച് ബ്രേക്കിന്\"

റമ പറഞ്ഞതിന് യോജിച്ചു കൊണ്ട് ഓരോരുത്തരും അവരുടെ കാബിനിലേക്ക് പോയി.

പിന്നീട് വർക്കും മറ്റുമായി ഓരോ തിരക്കിൽ തന്നെയായിരുന്നു ഓരോരുത്തരും.ഷിൻ ന്റെ നിർദേശപ്രകാരം യാൻ ബ്ലാക്ക് കളർ ലെൻസും വെച്ചിരുന്നു.

റമയുടെ അടുത്ത് നിൽക്കുമ്പോൾ മറ്റെന്തൊക്കെയോ മാറ്റങ്ങൾ അവൾക്ക് സംഭവിക്കുന്നുണ്ടെന്ന് ബോധ്യമായി. പക്ഷെ അവളും താനും തമ്മിലുള്ള ബന്ധമെന്താണെന്ന് ആലോചിച്ചുകൊണ്ട് തല പുകയുകയായിരുന്നു യാനിന്റെ.

\"ഹാനി,ഫുഡ്‌ കഴിക്കാൻ വരുന്നില്ലേ\"

യാനിന്റെ ഡോർ മുട്ടികൊണ്ട് ഫറയായിരുന്നു അത് ചോദിച്ചത്.
ഉടനെ തന്നെ ചെയറിൽ നിന്നെഴുനേറ്റ് കൊണ്ട് വന്ന ഫുഡും എടുത്ത് അവൾ അവരുടെ കൂടെ പോയി.

    
                           💚

ഭക്ഷണം കഴിക്കാനിരുന്നപ്പോൾ ഫറയുടെ കണ്ണ് പോയത് റമയുടെ ടിഫിനിലേക്കായിരുന്നു.


\"റമാ,നിനക്കെന്താ വട്ടായോ\"

അവളുടെ ടിഫിനിലേക്കും അവളെയും മാറി മാറി നോക്കികൊണ്ട് ഫറ പറഞ്ഞു നിർത്തി.

\"എന്താ,നീയെന്താ ഇങ്ങനെ നോക്കുന്നെ\"

\"പിന്നെ നോക്കില്ലേ..തേൻ ഇഷ്ടമില്ലാത്ത നിനക്കെന്ന് മുതലാ തേനിനോട് ഇത്രേം പ്രിയം ആയത്.അതും കുറച്ചൊന്നുമല്ല കൊണ്ട് വന്നിട്ടുള്ളതും. കൂടെ കഴിക്കാൻ ബ്രെഡും,അതും ഉച്ചക്ക്\"

കൂടുതൽ സംശയത്തോടെ ഫറ അവളുടെ ഭാഗം മുഴുവനാക്കി. അതിന് റമക്ക് ഉത്തരമില്ലായിരുന്നു. യാൻ മനുഷ്യനിലേക്ക് മാറി എങ്കിൽ റമ പൂർണമായും റൂഹിയ എന്ന ശലഭമാവുകയായിരുന്നു, സ്വഭാവത്തിലും എല്ലാം.

അവരുടെ സംസാരം കേട്ട് ഒരു സംശയത്തോടെ റമയിലേക്ക് തന്നെ നോക്കിയിരിക്കുകയായിരുന്നു യാൻ.

\"അ..അതെനിക്ക് ഹണി വീട്ടിൽ കണ്ടപ്പോ കൊണ്ട് വരാൻ തോന്നി,ഇതെന്താ ഹണി കഴിക്കാൻ നേരോം കാലോം ഒക്കെ ഉണ്ടോ\"

\"നേരോം കാലോം ഒന്നുമില്ല,പക്ഷെ നിന്റെ മാറ്റം കണ്ടിട്ട് ചോദിച്ചതാണ്.. മ്മ് മ്മ് കഴിച്ചോ കഴിച്ചോ\"

\"അവൾ കഴിക്കട്ടെ ഫറ.ഇങ്ങനെ ഒക്കെയല്ലേ ഇഷ്ടമില്ലാത്തത് ഇഷ്ട്ടാവ\"


ഒരു ചിരിയോടെ യാൻ റമയെ നോക്കി പറഞ്ഞു.കൂടാതെ താനെന്തൊരു തേൻ പ്രാന്തി ആയിരുന്നു എന്നവൾ ചിന്തിക്കാതിരുന്നില്ല.

ദിനുവും ആയി തേനിന് എപ്പോഴും അടിയാണ്.പ്രത്യേകിച്ച് പിസ്ത ഫ്ലേവർ.
ഇപ്പോൾ ഒരു സ്പൂൺ കഴിക്കുമ്പോഴേക്ക് മത്ത് പിടിക്കുന്നുണ്ട്.
റമയെ സമ്മതിക്കണം. എങ്ങനെ കഴിയുന്നു ഇങ്ങനെ കഴിക്കാൻ.


\"ഹലോ.. ആലോചന കഴിഞ്ഞെങ്കിൽ വാ.ടിഫിനിലെ ഫുഡ്‌ കഴിഞ്ഞിട്ടുണ്ട്\"

ഇടത് കയ്കൊണ്ട് യാനിന്റെ തലക്കൊരു കൊട്ട് കൊടുത്തോണ്ട് റമ എഴുനേറ്റു.പിറകെ തന്നെ യാനും ഫറയും.
കുറഞ്ഞ നിമിഷം കൊണ്ട് തന്നെ അവർ അടുത്തിരുന്നു.
ഭക്ഷണം കഴിച്ചു കഴിഞ്ഞാൽ പിന്നെ വീണ്ടും വർക്ക്‌ തന്നെയാണ്.

സമയം ആയപ്പോൾ ഓരോരുത്തരായി ക്യാബിനിലേക്ക് തന്നെ പോയി.

                     💚


\"സാറ,അടുത്താഴ്ച്ച ഒരു കമ്പനിയിലേക്ക് ചായേം കടിയും കൊടുക്കാൻ പറഞ്ഞിട്ടുണ്ട്. ചെയ്ത് വെച്ചേക്കണേ.\"

തിരക്കിട്ട് കടയിലേക്ക് പോകുമ്പോൾ അയാൾ വിളിച്ചു പറയുന്നുണ്ടായിരുന്നു.


\"എന്താ റാഷി ഇന്ന് നേരം വയികിയോ\"

\"ആടോ,വൈകി വേഗം പോട്ടെ\"

അയാളെ നോക്കികൊണ്ട് ഉത്തരം പറയുമ്പോഴും റാഷി പെട്ടെന്ന് നടക്കുന്നുണ്ടായിരുന്നു.

കടയിലെത്തി ചെയറിൽ ഇരിക്കുമ്പോഴും അയാളുടെ മനസ്സ് നിറയെ അന്ന് കണ്ട പെൺകുട്ടിയായിരുന്നു.ആ പച്ചകണ്ണുള്ളവളെ പല പ്രാവിശ്യം പിന്നീട് തിരക്കിയെങ്കിലും കണ്ടില്ല.

\"അങ്കിൾ,ഈ ചെയിൻ\"

അന്ന് യാനിന് കൊടുത്ത അതെ പെൻഡന്റ് ഉള്ള മഞ്ഞ മാലയായിരുന്നു ആ കുട്ടി ചോദിച്ചത്.
അതെടുത്തു കൊടുക്കുമ്പോൾ അയാളിൽ ഒരു വിറയലുണ്ടായിരുന്നു.

\"ഇതാ ട്ടോ പൈസ\"

പൈസയും കൊടുത്ത് തിരിഞ്ഞു നടക്കുന്നവളെ റാഷി ഉറ്റു നോക്കുന്നുണ്ടായിരുന്നു. ഉടനെ അയാളുടെ കണ്ണൊന്നു തിളങ്ങി.തേടിയ മുഖം കാണെ ചുണ്ടുകൾ വിടർന്നു. പക്ഷെ ആ പച്ചകണ്ണ്!
അതവളിൽ ഇല്ലായിരുന്നു. വീണ്ടും നിരാശ തന്നെയായിരുന്നു ഫലം.


                        💚


\"നല്ല ഭംഗിയുണ്ടല്ലോ റമ.\"

റമ വാങ്ങിയ മാല കയ്യിൽ പിടിച്ചു കൊണ്ട് ഫറ പറഞ്ഞു.

\"ഹാനി നിനക്ക് പോവാനായില്ലേ..അതാ ബസ്.എന്നാൽ ഞങ്ങളും പോട്ടെട്ടോ\"

ഹാനിക്കുള്ള ബസ് വന്നപ്പോൾ അവളോട് പോവാണെന്ന് പറഞ്ഞ് റമയും ഫറയും സ്കൂട്ടിയിൽ കയറി വീട്ടിലേക്ക് പോയി.

സ്കൂട്ടിയിൽ കയറിയപ്പഴും ആ മാലയുടെ ഭംഗി ആസ്വദിച്ചിരിക്കുകയായിരുന്നു റമ.

\"പിടിച്ചിരുന്നോ ട്ടോ,വല്ല കട്ടറിൽ ചാടുമ്പോ താഴോട്ട് വീണിട്ട് എന്നെ പറഞ്ഞിട്ട് കാര്യം ഉണ്ടാവില്ല\"

അവളെ നോക്കി കണ്ണുരുട്ടി കൊണ്ട് ഫറ കുറച്ചൂടെ സ്പീഡിൽ ഡ്രൈവ് ചെയ്തു.

                            💚


ഓരോ നിമിഷവും തള്ളി നീക്കുന്നത് പോലെയായിരുന്നു റമക്ക്.
റൂഹിയിലേക്ക് മാറാൻ അവളുടെ ഹൃദയം കൂടുതൽ കൊതിക്കുന്നതായി തോന്നിയവൾക്ക്.

ഏകദേശം ഒരു മണി ആയപ്പോൾ എന്നത്തേയും പോലെ അവൾ തന്റെ ലക്ഷ്യത്തിലേക്കായി പറന്നു.

..

\"റൂഹി,നിന്റെ സമയം ആരംഭിച്ചിട്ടുണ്ട്\"

അവളുടെ കാതിലായി സിഹയുടെ ശബ്ദം പതിഞ്ഞതും അവൾ ബദിയയുടെ വീടിന്റെ നേർക്കായി പറന്നു.

പെട്ടന്നവളുടെ കണ്ണിലേക്ക് ഒരു നീല വെളിച്ചം കുത്തിയതും ആ വെളിച്ചത്തിന്റെ തീവ്രതയിൽ അവൾ താഴേക്ക് പതിച്ചു.

\"എന്താണ് റൂഹി നീ വിചാരിച്ചത്, നിന്റെ ഉദ്ദേശം എന്തായാലും നടക്കില്ല\"

അവൾക്കു നേരെ ഉതിർന്ന ശബ്ദത്തിന്റെ ഉടമയെ ഒരു ഞെട്ടലോടെയായിരുന്നു അവൾ കണ്ടത്.

*അതെ ദിഹ്‌ന അമാനി,അവൾ അവളുടെ ജനനത്തിന്റെ ലക്ഷ്യം തിരിച്ചറിഞ്ഞിരിക്കുന്നു*


[തുടരും]

റിവ്യൂ ഇടണേ🙂സങ്കടം ആവുന്നുണ്ട്