🍁അനന്തഭദ്രം 🍁ഭാഗം 13

അനന്തൻ പറഞ്ഞത് ഓരോന്നും വെറും നിർവികാരത്തോടെയാണ് ഋഷി കേട്ടിരുന്നത്... ആയാസപ്പെട്ട് ഓരോ വാക്കുകൾ പറയുമ്പോഴും അനന്തന്റെ കണ്ടം ഇടറുന്നത് ഋഷി ശ്രദ്ധിക്കുന്നുണ്ടായിരുന്നു...

\"\"അനന്താ നീ പറയുന്നതെല്ലാം ഞാൻ സമ്മതിക്കുന്നു.പക്ഷേ ഇത്രയൊക്കെ ഉണ്ടായിട്ടും ഇനി ഭദ്ര നിന്റെ കൂടെ വരുമെന്ന് നിനക്ക് തോന്നുന്നുണ്ടോ..?..നീ പറയുന്നതു പോലെ അല്ല കാര്യങ്ങൾ.. ഒരു പെണ്ണിനും ഇനി അതിന് കഴിയില്ല.....\'\"\"

 \"\"അറിയാടാ... ഞാനിനി എത്ര ശ്രമിച്ചാലും അവൾ ചിലപ്പോൾ എന്റെ അടുത്തേക്ക് മടങ്ങി വന്നു എന്ന് വരില്ല.... പക്ഷേ പ്രതീക്ഷ എന്നുണ്ടല്ലോ...? ഒരിക്കൽ വിട്ട് കളഞ്ഞതാണ് ഞാൻ അവളെ.... അറിഞ്ഞുകൊണ്ട് അല്ലെങ്കിലും അവൾക്ക് കൊടുത്ത വാക്ക് പാലിക്കാൻ അന്ന് എനിക്ക് കഴിഞ്ഞില്ല..... ഒരവസരം മാത്രമാണ് ഞാൻ അവളോട് ചോദിക്കുന്നത്.....\"\"

\"\" എടാ നീ പറഞ്ഞത് വെച്ച് എനിക്ക് മനസ്സിലായ ഒരു കാര്യമുണ്ട്.... എല്ലാ ഉപേക്ഷിച്ച് പുതിയൊരു ജീവിതം തുടങ്ങാനാണ് ഭദ്ര എം ബി ബി എസിന് ചേർന്നിരിക്കുന്നത്....... നിന്റെ ഈ വരവ് അവൾക്കൊരു ബുദ്ധിമുട്ടാകുമോ എന്ന് എനിക്കൊരു സംശയം...\"\"

 \"\"അതു നീ സംശയിക്കാൻ ഒന്നുമില്ല ഞാൻ അവൾക്ക് ബുദ്ധിമുട്ടാണ്... അത് എന്നോടുള്ള ഇഷ്ടക്കുറവ് കൊണ്ടല്ല എനിക്കറിയാം ആ മനസ്സിൽ മുഴുവൻ എന്നോട് ഉള്ള ഇഷ്ടമാണ്...\".

\"\" പക്ഷേ എന്റെ വരവിന് മറ്റൊരു ഉദ്ദേശം കൂടിയുണ്ട്... ഭദ്രേ വെട്ടി വീഴ്ത്താൻ കാത്തു നിൽക്കുന്നവരാണ് അവൾക്ക് ചുറ്റും.... എനിക്ക് അവളെ സംരക്ഷിക്കണം... ഒരു പോറൽ പോലും അവളുടെ ശരീരത്തിൽ ഏൽക്കാൻ ഞാൻ സമ്മതിക്കില്ല.... കാരണം ആരൊക്കെ എവിടെക്കെ എങ്ങനെ എതിർത്താലും അവൾ എന്റെ പെണ്ണാടാ.... അനന്തന്റെ മനസ്സിൽ കൂടിക്കൊണ്ടിരിക്കുന്ന ദേവി.....\"\"


\"\" നിനക്കറിയില്ല ഋഷി ഈ കഴിഞ്ഞ മൂന്ന് വർഷം ഞാൻ എങ്ങനെയായിരുന്നു എന്ന്.... മനസമാധാനം എന്ത്ന്ന് ഞാൻ അറിഞ്ഞിട്ടില്ല... അറിഞ്ഞോ അറിയാതെയോ ഭദ്രയുടെ ഈ അവസ്ഥയ്ക്ക് കാരണം ഞാനാണെന്ന കുറ്റബോധമാണോ... അതോ അവൾ എന്ന പെണ്ണ് എന്നിൽ വേരിറങ്ങിയതിന്റെ ആഴമാണോ... അറിയില്ല.... ഒന്നുമറിയില്ല....\"\"

\"\" നീ വിഷമിക്കേണ്ടടാ എല്ലാത്തിനും ഞാൻ ഉണ്ടാകും കൂടെ...\"\"

 അനന്തന്റെ തോളിലായി കൈവച്ചുകൊണ്ട് ഋഷി അത് പറഞ്ഞതും പറഞ്ഞറിയിക്കാൻ കഴിയാത്ത ഒരു അവസ്ഥയിലേക്ക് അനന്തൻ എത്തിയിരുന്നു... അനഞ്ജയ് എന്ന തന്റെ ആത്മമിത്രത്തിനുശേഷം ആദ്യമായാണ് ഒരാൾ തന്റെ കൂടെയുണ്ടാകും എന്ന് പറഞ്ഞത്... റഷ്യയോട് എന്തെന്നില്ലാത്ത ആരാധന തോന്നി അനന്തന്...

🔸🔸🔸🔸🔸

 രാവിലെ അനാട്ടമി വിഷയത്തിൽ ക്ലാസ് എടുക്കുമ്പോഴും ഇടയ്ക്കിടയ്ക്ക് അനന്തന്റെ കണ്ണുകൾ ഭദ്രയിൽ പാറി വീഴുന്നുണ്ടായിരുന്നു..... തന്നിലേക്ക് പതിക്കുന്ന നോട്ടത്തെ ഭദ്ര മനപ്പൂർവ്വം അവഗണിച്ചു... പ പക്ഷെ അപ്പോഴും അനന്തന്റെ മുറിഞ്ഞ കൈ കണ്ടപ്പോൾ അവൾക്ക് വേദന തോന്നി....പലപ്പോഴും പരസ്പരം കണ്ണുകൾ തമ്മിലുടക്കുമ്പോൾ അനന്തനിൽ നിന്നും നോട്ടം മാറ്റാൻ ആയാസ പെടുന്ന ഭദ്രേ അനന്തൻ ശ്രദ്ധിക്കുന്നുണ്ടായിരുന്നു...

 ക്ലാസിലെ പല പെൺകുട്ടികളുടെയും ശ്രദ്ധ അനന്തൻ ആണെന്ന് ഭദ്രയ്ക്ക് മനസ്സിലായി... അവന്റെ കൈയിലെ മുറിവിന്റെ കരണമായിരുന്നു എല്ലാർക്കും അറിയേണ്ടത് ഭദ്ര മനപ്പൂർവം ആ കാര്യങ്ങളെക്കുറിച്ച് ചിന്തിക്കാതിരിക്കാൻ ശ്രദ്ധിച്ചു...


\"\"എന്നാ ലുക്കാടി ആ മനുഷ്യന്... കർത്താവേ കെട്ടിയത് ആയിരിക്കരുതതേ.. നീ ശ്രദ്ധിച്ചോ ക്ലാസ്സെടുക്കുമ്പോൾ പലതവണയും സാർ എന്നെ ശ്രദ്ധിക്കുന്നുണ്ട്....\"\"

 ക്ലാസ്സ് കഴിഞ്ഞ് അനന്തൻ പോയതും മീര മറ്റൊരു കുട്ടിയോട് പറയുന്നത് കേട്ടതും ഭദ്ര പുച്ഛത്തോടെ മുഖം തിരിച്ചു... മീരയുടെ പിന്നിലിരിക്കുന്ന ഭദ്രയെയാണ് അനന്തൻ ശ്രദ്ധിച്ചത് എങ്കിലും മീര ആ നോട്ടം തന്നിലേക്ക് ആണ് എന്ന് തെറ്റിദ്ധരിച്ചു വന്ന ഭദ്രയ്ക്ക് മനസ്സിലായി.....

\"\" ശരിയാ ഞാനും ശ്രദ്ധിച്ചു.... സാറിന് നിന്നെ ഒരു നോട്ടം ഉണ്ടെന്നു തോന്നുന്നു.... പൊന്നു മോളെ അങ്ങനെയെങ്ങാനും ആണെങ്കിൽ നീ രക്ഷപ്പെട്ടു.... ഇത്രയും ലുക്കുള്ള ഒരു മനുഷ്യനെ വേറെ എവിടുന്ന് കിട്ടും.... ....\"\"

 ആ കുട്ടിയുടെ മറുപടി കൂടി കേട്ടപ്പോൾ ലീനക്ക് ദേഷ്യം വന്നു....

\"\" ദേ മീര കാര്യമറിയാതെ സംസാരിക്കരുത്.. ഒന്നുമില്ലെങ്കിലും പഠിപ്പിക്കുന്ന സാറല്ലേ ..?അതിന്റെ റെസ്പെക്ട് എങ്കിലും കാണിച്ചു കൂടെ....\"\"

 മീരയുടെ സംസാരം കേട്ട് ദേഷ്യം വന്ന ലീന പുറകിൽ നിന്നും അവളെ തോണ്ടി വിളിച്ചതിനോടൊപ്പം പറഞ്ഞു...

\"\" ഓ നീയൊക്കെ വലിയ പുണ്യാളത്തി.... ഇത്ര ദേഷ്യപ്പെടാൻ ഞാൻ കൂടുതൽ ഒന്നും പറഞ്ഞില്ലല്ലോ... ഉള്ള കാര്യമല്ലേ പറഞ്ഞത് സാർ എന്നെ ഇടക്കിടക്ക് നോക്കുന്നുണ്ട്......\"\"

\"\" എന്റെ മീരെ നിന്നെ ഞാൻ നമിച്ചു... കുറെനാൾ ഋഷി സാറിന്റെ പുറകെയായിരുന്നു. അത് നടക്കില്ല എന്ന് കണ്ടപ്പോൾ അനന്തൻ സാറായി.... നിനക്കൊന്നും ഒരു നാണമില്ലല്ലോ എന്നാ ഞാൻ ആലോചിക്കുന്നത്....\"\"

\" ഇല്ലടി എനിക്ക് നാണമില്ല... നിനക്കെന്തെങ്കിലും കുഴപ്പമുണ്ടോ അതിന്.....\"\"

 \"\"നിന്നോട് ഒന്നും പറഞ്ഞിട്ട് കാര്യമില്ല.... അതിനുക്കുറിച്ച് സംസ്കാരം വേണം...\"\'.

 മീരയോട് കൈകൂപ്പി പുച്ഛത്തോടെ ലീന പറഞ്ഞു നിർത്തി.... ഇത് കണ്ടതും മീര ദേശത്തോടെ തല വെട്ടിച്ചു...

 ലീന ഭദ്രയെ ഒന്ന് നോക്കിയപ്പോൾ അവൾ മറ്റേതോ ലോകത്താണ് എന്ന് മനസ്സിലായി.... ഇന്നലെ ഭദ്രയോട് വഴക്കുണ്ടാക്കിയതിനുശേഷം നല്ലതുപോലെ ഒന്ന് സംസാരിച്ചിട്ട് പോലുമില്ല.... തന്നോട് ഒന്നും ഭദ്ര പറഞ്ഞിട്ടില്ലെങ്കിൽ കൂടി മറ്റാരോടും പറയാത്ത രഹസ്യം ഭദ്ര ഉള്ളിൽ കൊണ്ട് നടക്കുന്നുണ്ടെങ്കിൽ അത് അവളുടെ മനസ്സിനെ അത്രയേറെ വേദനിപ്പിച്ച കാര്യമാണെന്ന് ലീനയ്ക്ക് മനസ്സിലായി..... എന്ത് കണ്ടോ ഭദ്രയോട് പിണങ്ങിയിരിക്കാൻ ലീനക്ക് തോന്നിയില്ല...

\"\"നീ ഇന്നലത്തെ കാര്യമെല്ലാം മനസ്സിൽ വച്ചിരിക്കുകയാണോ..?.\"\".. ഭദ്രയ്ക്ക് മാത്രം കേൾക്കാവുന്ന രീതിയിൽ ലീന ചോദിച്ചു....

 \"\"അറിയാതെ പറ്റി പോയതാടി .നീ ക്ഷമിക്ക്.... ആ സമയം ഞാൻ വേറൊന്നും ചിന്തിച്ചില്ല.... കണ്ണ് നിറഞ്ഞ് സാർ ഇറങ്ങിപ്പോകുന്നത് കണ്ടപ്പോൾ എന്തോ മനസ്സിന് വല്ലാത്ത ഒരു ഭാരം തോന്നി..... അഭാരം എല്ലാം ഞാനിറക്കി വെച്ചത് നിന്നിലും.... സോറി ഡി...\"\"

 \"\"നിങ്ങളോടൊക്കെ എല്ലാം മറച്ചുവെച്ചത് മനപ്പൂർവ്വം അല്ല....... പറയേണ്ടതായിരുന്നു... ഇന്നലെ രാത്രി ഞാൻ ഒരുപാട് ആലോചിച്ചു....\'\'\".


 മറ്റെവിടെയോ ശ്രദ്ധിച്ചുകൊണ്ട് ഭദ്ര പറഞ്ഞു തുടങ്ങി....

 \"\"നീ വന്നേ ക്ലാസ്സിലിരുന്ന് സംസാരിച്ചാൽ ശരിയാവില്ല....\"\" ലീന ഭദ്രയുടെ കൈയും പിടിച്ച് ലൈബ്രറിയിലേക്ക് നടന്നു.... ഒഴിഞ്ഞ ഒരിടത്ത് ഭദ്രയോടൊപ്പം ലീനയും സ്ഥാനം പിടിച്ചു....

ഭദ്രയുടെ കണ്ണുകൾ നിറഞ്ഞു തൂവാൻ ഒരുങ്ങി നിൽക്കുകയായിരുന്നു അപ്പോൾ....

 \"\"ഭദ്ര... മോളെ... നിന്നെ ബുദ്ധിമുട്ടിക്കുകയാണ് എന്നറിയാം.... നിനക്ക് ഞങ്ങളോട് പറയാൻ താല്പര്യം ഇല്ല എന്നുമ്മറിയാം...... പക്ഷേ നിന്റെ അവസ്ഥ കണ്ടുനിൽക്കാൻ പറ്റുന്നില്ലടി.... ഇനി ഞാൻ നിന്നെ വേദനിപ്പിക്കില്ല സത്യം... നീയത് ഞങ്ങളോട് പറയണ്ട.... ഇനി ഈ കാര്യം ഞാൻ ഒരിക്കലും നിന്നോട് ചോദിക്കില്ല... ഇത് ഞാൻ എന്റെ ഭദ്രകുട്ടിക്ക് തരുന്ന വാക്കാ...\"\"

 ഭദ്രയുടെ കൈപിടിച്ച് തന്റെ കയ്യോട് ചേർക്കുന്നതിനോടൊപ്പം ലീന പറഞ്ഞു.....

 \"\"അല്ല.... നിങ്ങൾ അറിയണം...... ഇനി ഞാൻ അത് നിങ്ങളോട് മറച്ചു വെച്ചാൽ എന്നെ സ്നേഹിക്കുന്നവരെ കൂടി എനിക്ക് നഷ്ടമാകും.... ഇന്ന് വൈകിട്ട് നമുക്ക് എല്ലാവർക്കും എവിടെയെങ്കിലും കറങ്ങാൻ പോകാം........ മനസ്സൊന്ന് ശാന്തമാക്കണം.... അതിനുശേഷം ഒരു കഥ പോലെ ഞാൻ എന്റെ ജീവിതം പറയാം.... കേട്ട് കഴിയുമ്പോൾ ചിലപ്പോൾ നിങ്ങൾക്ക് അത് അംഗീകരിക്കാൻ കഴിയില്ല..... എങ്കിലും ഇനി നിങ്ങളത് അറിയണം....\"\"

 ഭദ്ര പറഞ്ഞു നിർത്തിയതും ലീനയുടെ മുഖം തെളിഞ്ഞു...... പിന്നെ അവർ പരസ്പരം ഒന്നും മിണ്ടിയില്ല നേരെ ക്ലാസിലേക്ക് നടന്നു... അവിടെയെത്തിയപ്പോൾ ഋഷി ക്ലാസിൽ ഉണ്ടായിരുന്നു....

 \"\"സാർ........\"\"\"\"\"\"

 ലീന നീട്ടി വിളിച്ചതും കൈകൊണ്ട് അകത്തേക്ക് കയറാൻ ഋഷി പറഞ്ഞു....... ക്ലാസ് എടുക്കുന്നതിനിടയിൽ പലതവണയും ഋഷി പൂജയെ ശ്രദ്ധിക്കുന്നുണ്ടായിരുന്നു.... മുഖത്തെ ഗൗരവം കൈവിടാതെയാണ് അവൻ ഓരോന്ന് പഠിപ്പിക്കുന്നത്..... കുട്ടികൾ എല്ലാം ഋഷിയുടെ ക്ലാസ്സ് ശ്രദ്ധിച്ചിരിക്കും... ചോദ്യങ്ങൾ ഏതു വഴി വരും എന്ന് ആർക്കും പറയാൻ കഴിയില്ല....

 പൂജയും ഋഷിയും കണ്ണുകൾ കൊണ്ട് കഥ പറയുന്നത് കണ്ടതും ലീനക്ക് കാർത്തിയെ ഓർമ്മ വന്നു....

 അപ്പച്ചന്റെയും അമ്മച്ചിയുടെയും ഇടയ്ക്ക് പെട്ടുപോകുന്ന ദിവസങ്ങളിൽ കാർത്തി കണ്ണുകൊണ്ട് ഓരോന്ന് തന്നോട് പറഞ്ഞു മനസ്സിലാക്കുന്നത് അവൾ ഓർത്തെടുത്തു.... കാർത്തിയുടെ ആ ഭാഷ തനിക്കു മനസ്സിലാകുമായിരുന്നു..... കളങ്കമില്ലാത്ത സ്നേഹത്തിന് ഉടമയാണ് കാർത്തി.... അടുത്തുണ്ടായിരുന്നതിനെക്കാളും ഉപരി അകന്നു നിന്ന ഈ രണ്ടു വർഷമാണ് കാർത്തിയെന്ന കാമുകൻ തന്നിൽ എത്രമാത്രം വേര് ഇറങ്ങിയിട്ടുണ്ടന്ന് ലീന തിരിച്ചറിഞ്ഞത്.....

 കാർത്തിയുടെ ഓർമ്മയിൽ എപ്പോഴോ ലീന ക്ലാസിലാണെന്ന് കാര്യം പോലും മറന്നു പോയിരുന്നു.... അവളുടെ ചുണ്ടുകളിൽ ഒരു പുഞ്ചിരി വിരിഞ്ഞു...

 \"\"\"ലീന.... കുറെ നേരം ആയല്ലോ ആലോചിക്കാൻ തുടങ്ങിയിട്ട്.... എന്താ ഇത്ര ആലോചിച്ച് ചിരിക്കാൻ.... ചിരിക്കാൻ ഉള്ളതാണെങ്കിൽ പറ ഞങ്ങളും കേട്ട് ചിരിക്കട്ടെ.....\"\'\'

 ഋഷി ലീനക്കരിക്കിൽ വന്നു നിന്നുകൊണ്ട് ബെഞ്ചിൽ ആഞ്ഞടിച്ച് ചോദിച്ചു.... ഒരു ഞെട്ടലോടെ ലീന എഴുന്നേറ്റ് നിന്നു...

\"\" ഒന്നുമില്ല സാർ.... അ..ത് ഞാ..ൻ പിന്നെ....?\"\"

 \"\"എന്നാ പറ... ഞാനിപ്പോ എന്താ പഠിപ്പിച്ചു നിർത്തിയത്...? \"\"കൈ കെട്ടി നിന്നു കൊണ്ട് ലീനയിലേക്ക് മാത്രം ശ്രദ്ധ കേന്ദ്രീകരിച്ച് ഋഷി ചോദിച്ചു....

 ഋഷി അത് ചോദിച്ചതും ലീനയുടെ കിളികൾ എല്ലാം പലവഴിക്ക് പറന്നു പോയി....? എന്റെ കർത്താവേ പെട്ടല്ലോ...... പറഞ്ഞില്ലെങ്കിൽ ഇപ്പൊ അടിക്കും ഗെറ്റ് ഔട്ട്.... അവൾ മനസിൽ ഓർത്തു.

 ലീന ഒന്നും മിണ്ടാതെ ഇടങ്കണ്ണിട്ട് പൂജയെ നോക്കി.... അവൾ എന്തോ പറഞ്ഞു തരാൻ ശ്രമിക്കുന്നുണ്ട്.... ഇത് കണ്ട ഋഷി പൂജയെ കണ്ണുരുട്ടി പേടിപ്പിച്ചു... അതോടെ അവൾ നല്ല കുട്ടിയായി....

 \"\"തനിക്കൊന്നും ഒരു നാണവും ഇല്ലെടോ... എത്ര കേട്ടാലും... ഇരിക്കവിടെ... ഇനി ഇത് ആവർത്തിച്ചാൽ ക്ലാസിന് വെളിയിലായിരിക്കും സ്ഥാനം.... \"\"കൃഷി ലീനയോട് അത്രയും പറഞ്ഞ് നടന്ന് ക്ലാസിന്റെ മധ്യഭാഗത്തായി വന്നുനിന്നു....

 \"\"സ്റ്റുഡൻസ്... ഞാനൊരു കാര്യം പറയാം.... എല്ലാ ജോലിക്കും അതിന്റേതായ ബുദ്ധിമുട്ടുകൾ ഉണ്ട്..... നിങ്ങൾ ഓരോരുത്തരും ഭാവിയിലെ ഡോക്ടർസ് ആണ്.... ഇതിനുശേഷം നിങ്ങൾ സ്പെഷ്യലൈസ് ചെയ്ത് പല ഡിപ്പാർട്ട്മെന്റുകളിൽ വർക്ക് ചെയ്യും.... എല്ലായിടത്തും കോമണായുള്ള ഒരു ഫാക്ടർ ഉണ്ട്... എന്താണെന്നറിയോ...?\"\"


 കുട്ടികൾ എല്ലാം പരസ്പരം നോക്കി... ഋഷിയുടെ വാക്കുകൾക്കായി അവർ കാതോർത്തു....

\"\" മനുഷ്യജീവൻ....... ഒരു ഡോക്ടർ പെരുമാറുന്നത് ഒരു ജീവൻ വെച്ചിട്ടാണ്.... ഒരു ഡോക്ടർക്ക് ഒരു ശരീരത്തെ കത്തികൊണ്ട് മുറിക്കാനുള്ള അവകാശമുണ്ട്.... പക്ഷേ അത് ജീവൻ രക്ഷിക്കാൻ വേണ്ടിയാണ്.... നമ്മൾ പറഞ്ഞു കൊടുക്കുന്ന ഓരോ മരുന്നും ഒരുവന്റെ ജീവൻ രക്ഷിക്കുകയാണ് വേണ്ടത്..\"\"...

\"\" ഫാർമകോളജി....is not a topic... ... നിങ്ങളുടെ മുന്നിൽ നിൽക്കുന്ന രോഗിയുടെ ജീവൻ നിങ്ങളവർക്ക് പറഞ്ഞു കൊടുക്കുന്ന ഓരോ മെഡിസിനിലുമാണ് ഇരിക്കുന്നത്....\"\"

 \"അതുകൊണ്ട്... Be attentive in the class....ok.\".

 എല്ലാവരോടുമായി അത്രയും പറഞ്ഞ് ഋഷി വീണ്ടും ക്ലാസ് എടുക്കാൻ തുടങ്ങി...

 വൈകുന്നേരം ക്ലാസ്സ് കഴിഞ്ഞ് ഭദ്ര പറഞ്ഞതുപോലെ ഒന്ന് പുറത്തിറങ്ങി കറങ്ങാൻ എല്ലാവരും തീരുമാനിച്ചു... ഇതിനോടകം പൂജ ഈ വിവരം ഋഷിയെ അറിയിച്ചിരുന്നു...... ഋഷിയോട് കൂടി വരാൻ പൂജ ആവശ്യപ്പെട്ടു .. ഋഷിവഴി അനന്തനും ഈ വിവരം അറിഞ്ഞതുകൊണ്ട് ഋഷിയും അനന്തനും കൂടി അവർക്കൊപ്പം പോകാൻ തീരുമാനിച്ചു....

 എല്ലാവരും കൂടി നേരെ പോയത് നാട്ടിക ബീച്ചിലേക്ക് ആയിരുന്നു... രോഹിണിയെ വിളിച്ച് കുറച്ച് വൈകുമെന്ന് ഭദ്ര അറിയിച്ചു.. അവർക്ക് പിന്നാലെ അനന്തന്റെ ബുള്ളറ്റിൽ അനന്തനും ഋഷിയും ബീച്ചിലേക്ക് എത്തി...

അനന്തനെ കണ്ടതും ഭദ്ര ഒന്ന് പതറി...

\"\" നീ നോക്കണ്ട ഞാൻ പറഞ്ഞിട്ടാ സാറന്മാര് വന്നത്... \"\"ഭദ്രയുടെ നോട്ടത്തിന്റെ അർത്ഥം മനസ്സിലായതും പൂജ പറഞ്ഞു...

 ജോയിയും ഷഹനയും എല്ലാവരിൽ നിന്നും മാറി അവരുടെ മാത്രം ലോകത്തിലേക്ക് ചുരുങ്ങി... 


 അരുൺ കപ്പലണ്ടിയും മേടിച്ച് കഴിച്ചുകൊണ്ട് കടൽത്തീരത്തോടെ നടക്കുന്ന കുട്ടികളോട് വഴക്കുണ്ടാക്കി അവരുടെ പിന്നാലെ പോയി...

ഋഷിയെ കണ്ടതും പൂജ അവന് അരികിലേക്ക് ചെന്നു..... പൂജയുടെ വിരലിനിടയിൽ ഋഷി തന്റെ കൈകൾ ചേർത്തുവെച്ചു.... ആദ്യമായി അറിഞ്ഞ അവന്റെ സ്പർശനത്തിൽ പൂജ പകപോടെ അവനെ നോക്കി.... ഋഷിയുടെ മുഖത്തെ പുഞ്ചിരി കണ്ടതും പൂജ അവന്റെ തോളിലേക്ക് ചാഞ്ഞു......

 ഇവർക്ക് ഇടയിൽ കട്ടുറുമ്പ് അകണ്ട എന്ന് കരുതി അനന്തൻ കുറച്ച് മുന്നിലേക്ക് നീങ്ങി നിന്നു... അനന്തന്റെ ശ്രദ്ധ കടലിലേക്ക് മാത്രം നോക്കി നിൽക്കുന്ന ഭദ്രയിലാണ്..... അവളുടെ മനസ്സ് ആ കടൽ പോലെ ഇളകി മറിയുന്നുണ്ടെന്ന് അവന് മനസ്സിലായി....

 ഭദ്രേ മാത്രം ശ്രദ്ധിച്ചു നിൽക്കുന്ന അനന്തനെ കണ്ടതും ലീന അവന് അരികിലേക്ക് വന്നു....

 \"\"സാറിന് ഭദ്രയോട് സംസാരിക്കണോ?...\"\'

ലീന അനന്തന്റെ മുഖത്തേക്ക് നോക്കിയതും ആ കണ്ണുകൾ വല്ലാതെ കലങ്ങിമറിഞ്ഞത് പോലെ അവൾക്ക് തോന്നി....

\"\" കഥകൾ ഒന്നുമറിയില്ലെങ്കിലും എനിക്കറിയാം... സാറിന്റെ മനസ്സിപ്പോൾ ഭദ്രയോട് ചേർന്നിരിക്കാൻ ആഗ്രഹിക്കുന്നുണ്ട്.... സാറ് ചെല്ല്.... ഒന്ന് സംസാരിച്ചു നോക്ക്..\'\'\" ലീന അനന്തനെ ഭദ്രകാരികിലേക്ക് പറഞ്ഞുവിട്ടു...

 മൂന്ന് ജോഡികളും അവരവരുടെ ലോകത്താണ്... ഈ കാഴ്ച കണ്ടതും ലീനക്ക് കാർത്തിയെ വല്ലാതെ മിസ്സ് ചെയ്തു എങ്കിലും കുട്ടികളോട് വഴക്കുണ്ടാക്കി അവരുടെ പട്ടവും പറത്തി നടക്കുന്ന അരുണിനെ കണ്ടപ്പോൾ അവൾക്ക് ആശ്വാസം തോന്നി.....

\"\" ഭദ്ര..... \'\'അനന്തൻ അവളെ ആർദ്രമായി വിളിച്ചു...

\"\" വേണ്ട അനന്തേട്ടാ എന്നോട് സംസാരിക്കരുത്.... എനിക്ക് പേടിയാ....?\"\"

 അനന്തന്റെ മുഖത്തേക്ക് പോലും നോക്കാതെ ഭദ്ര എങ്ങനെയോ പറഞ്ഞു ഒപ്പിച്ചു....

\"\" എന്നെയാണോ നിനക്ക് പേടി...? മ്.....\".

\"\"അല്ല.. അനന്തേട്ടന്റെ സ്നേഹത്തെ.... ഇവിടേക്ക് വന്നതിന്റെ ഉദ്ദേശം ഞാനുമായുള്ള ഒരു കൂടിച്ചേരൽ ആണെങ്കിൽ അതിനി നടക്കില്ല അനന്തേട്ട....\"\"

 അത്രയും പറഞ്ഞ് ഭദ്ര അനന്തൻ നിന്നും ഒഴിഞ്ഞു മാറി.... പിന്നെ അവിടെ നിൽക്കാൻ അനന്തന് തോന്നിയില്ല.... ഋഷിയോട് മാത്രം കാര്യം സൂചിപ്പിച്ച ശേഷം മറ്റാരോടും ഒന്നും പറയാതെ അനന്തൻ വീട്ടിലേയ്ക്ക് പോയി....

 അല്പനേരം ബീച്ചിൽ ചിലവഴിച്ച ശേഷം എല്ലാവരും കൂടെ ഫുഡ് കഴിക്കാനായി ഒരു റസ്റ്റോറന്റിലേക്ക് കയറി... എല്ലാവരും അവരവർക്ക് വേണ്ട ഫുഡ്‌ ഓർഡർ ചെയ്തശേഷം വെയിറ്റ് ചെയ്യുകയായിരുന്നു....

 ലീന വാഷ് റൂമിൽ പോകണം എന്നും പറഞ്ഞ് മുന്നോട്ടേക്ക് നടന്നു...... മുഖവും കൈയും കഴുകി മുന്നോട്ടേക്ക് നടന്ന ലീനയുടെ കയ്യിൽ പിടിച്ച് ആരോ ഒരാൾ അവളെ ഭിത്തിയിലേക്ക് ചേർത്ത് നിർത്തി.... അയാളുടെ കൈ അവളുടെ മൂക്കും വായും ചേർത്ത് അമർത്തിപ്പിടിച്ചിരുന്നു... ശ്വസം കിട്ടാതെ അവൾ ആഞ്ഞുവലിച്ചു....അയാളുടെ ഒരു കൈ ധാരാളമായിരുന്നു ലീനയെ അയാളിലേക്ക് അടുപ്പിക്കാൻ... ആ ബലിഷ്ഠമായ കൈകൾക്കുള്ളിൽ കിടന്ന് ശ്വാസം കിട്ടാതെ ലീന പിടഞ്ഞു... അവളുടെ മൂക്കിൽ നിന്നും രക്തം അയാളുടെ വീരലീലുടെ ഒലിച്ചിറങ്ങി...

തുടരും..