തോളിലൊരു കൈസ്പർശം അറിഞ്ഞപ്പോളാണ് ഗിരി പഴയ ഏതോ ഓർമയിൽ നിന്നും മുക്താഴയത്...

\" എന്താ ഗിരിയേട്ടാ.. പറ്റിയത്...\" വരുൺ ചോദിച്ചതിന് വരണ്ട പുഞ്ചിരി നൽകി...

തുടർന്ന് വായിക്കുക...

വരുണും ഗിരിയും എന്തോ സംസാരിച്ചുകൊണ്ടിരിക്കുമ്പോളാണ് 
ശ്രീദേവിയുടെയും വാസുവിന്റെയും 
ശ്രദ്ധ ഗിരിയിലേക്ക് പോയത്... അവന്റെയുള്ളിലെ ചിന്ത എന്ത് ആണെന്ന് പെട്ടന്ന് തന്നെ ഇവർക്കും മനസിലായതും ഇവരും ഗിരിയെ നോക്കി കണ്ണ് ചിമി...

സീതയും നളിനിയും ശ്രീദേവിയും കൂടി അടുക്കളയിൽ ചെന്ന് പായസം ഉണ്ടാക്കി കൊണ്ടു വന്നു കൊടുത്തു പായസം കുടിച്ചശേഷം ഗിരി അർച്ചനയെ കൂട്ടി റൂമിലേക്ക് ചെന്നു.കുറച്ചുനേരം കഴിഞ്ഞതും  വാസുവും ബാൽക്കണിയിലേക്ക് പോയി....

ഇതേസമയത്താണ് രുദ്രനും നാഥും ചാരുവും വന്നത്... സീതയെ കണ്ടതും ചാരു ഓടിച്ചെന്നു അവളുടെ ദേഹത്തേക്ക് കേറി...

\" യാത്രയോക്കെ സുഖമായിരുന്നോ മോനെ... \" നളിനി

\" അതെന്ത് ചോദ്യമാ നളിനിയമ്മേ അമ്മക്ക് അറിയാലോ.ഞങ്ങളുടെ യാത്രയെ പറ്റി.\" രുദ്രൻ 

\" വർത്താനം ഒക്കെ പിന്നെ.. ഇപ്പോ നിങ്ങൾ പോയി റസ്റ്റ്‌ എടുത്തിട്ട് വാ... \"

ശ്രീദേവി പറഞ്ഞതും രുദ്രനും നാഥും 
ശ്രീദേവിക്കും നളിനിക്കും ചുംബനം കൊടുത്തശേഷം ഇവർക്കുമുള്ള റൂമിലേക്ക് ചെന്നു....

\" ദേവി.. ഇന്ദ്രൻ കൂടി ഉണ്ടായിരുന്നുവെങ്കിൽ എന്ത് സന്തോഷം ആകുമായിരുന്നു. അവനെ നന്നായി മിസ്സ്‌ ചെയ്യുന്നുണ്ട്... ഇന്ദ്രൻ ഇനി എന്ന് ആവുക വരുക..\"

നളിനി പറഞ്ഞതും ചെറുതായി അവളുടെ കണ്ണുകൾ നിറഞ്ഞു...

ഇതേകാര്യം തന്നെയാണ് ശ്രീധരനും വാസുവും പറഞ്ഞുകൊണ്ടിരുന്നത്...

--------

സീതയോട് യാത്ര പോയതിന്റെ ഓരോ വിശേഷങ്ങളും ചാരു അവളുടെ ഭാക്ഷയിൽ പറയുന്നുണ്ട്... എല്ലാം കേൾക്കുന്നുണ്ടെങ്കിലും ചാരുമോൾ പറയുന്ന ഒരു പേരിൽ സീതയുടെ മനസിൽ സന്തോഷം തോന്നുന്നുണ്ടെങ്കിലും എന്തോ തടസം ഉള്ളതുകൊണ്ട് അവൾക്ക് പൂർണമായും സന്തോഷിക്കാൻ കഴിഞ്ഞില്ല...

ഓരോന്നും ആലോച്ചിരുന്നതുകൊണ്ട് അവൾ ചാരു ഉറങ്ങിയത് അറിഞ്ഞിരുന്നില്ല.. ചാരുവിന്റെ സ്വരം കേൾക്കാതെ വന്നപ്പോളാണ് സീത ചിന്തകളിൽ നിന്നും മുക്തയായത്.തന്റെ നെഞ്ചോട് ചേർന്ന് പൂച്ചകുഞ്ഞിനെപ്പോലെ ഉറങ്ങുന്നവളെ കണ്ടതും അവളുടെ ചുണ്ടുകളിൽ ചെറു മന്ദഹാസം വിരിഞ്ഞു... ചാരുവിന്റെ മുടിയികളിൽ തലോടി എപ്പോളോ സീതയും മയങ്ങി പോയി...

മക്കളെ കാണാതെ വന്നതും ശ്രീദേവിയും നളിനിയും മക്കളുടെ റൂമിലേക്ക് വന്ന് നോക്കുമ്പോ കണ്ടത് ഒരു അമ്മ പെറ്റ അളിയമാരെപ്പോലെ കിടക്കുന്ന നാഥ്‌ , രുദ്രൻ , വരുൺ എന്നിവരെയാണ്.സീതയുടെ റൂമിലെത്തിയതും ചാരുവിനെ ചേർത്ത് പിടിച്ച് ഉറങ്ങുന്നവളെ ആണ്..

-------

ഇതേസമയം ഗിരി അർച്ചനയുടെ മടിയിൽ കിടക്കുക ആയിരുന്നു... അവൻ എന്തൊക്കെയോ അവളോട് സംസാരിക്കുന്നുണ്ടെങ്കിലും ഇടക്ക് അവളുടെ വയറിൽ അവന്റെ ചുണ്ടുകൾ പതിച്ചുകൊണ്ടിരുന്നു.ഒരു അച്ഛന്റെ കരുതലും സ്നേഹവും ആ ചുംബനത്തിൽ ചാലിച്ചു കൊടുത്തു...

ഇത് കണ്ടുകൊണ്ടാണ് ശ്രീദേവിയും നളിനിയും ഇവരുടെ അടുത്തേക്ക് വന്നത്... ഇവരെയും ശല്യം ചെയ്യാതെ ശ്രീദേവിയും നളിനിയും തങ്ങളുടെ ഭർത്താക്കമാരുടെ അടുത്തേക്ക് ചെന്നു....

\" എന്താണ്‌ \" ശ്രീദേവിയുടെ സ്വരം കേട്ടതും ചെറുചിരിയോടെ വാസുവും ശ്രീധരനും നോക്കി...

\" ഒന്നില്ല എന്റെ പെങ്ങളെ.. ഇന്നത്തെ സന്തോഷം ആഘോഷിക്കാൻ വിചാരിച്ചു... \" ശ്രീദേവി ചോദിച്ചതിന് മറുപടി പറഞ്ഞത് ശ്രീധരനാണ്...

\" ശ്രീധരാ... \" നളിനിയുടെ സ്വരം കേട്ടതും അവൾ വിളിച്ചതിന്റെ അർത്ഥം മനസിലായതും ചെറുചിരിയോടെ അവളെ ചേർത്ത് പിടിച്ചു...

നാലുപേരും ദൂരത്തേക്ക് നോക്കി നിന്നു...
നാലുപേരിന്റെയും മനസിൽ തങ്ങളുടെ 
പ്രണയകാലം ഓർമ വന്നതും നാലുപേരിന്റെയും മുഖത്തൊരു പുഞ്ചിരി സ്ഥാനം പിടിച്ചു...

________

ഇതേസമയം....

സീതയുടെയും ചാരുവിന്റെയും അടുത്ത് കിടന്ന് കുറേനേരം  നോക്കി കിടന്നു...സീതയുടെ നെറ്റിയിലേക്ക് വീണു കിടക്കുന്ന മുടിയിളകളെ ഒതുക്കിവെച്ചശേഷം അവളുടെ നെറ്റിയിൽ ചുംബിച്ചു...

\" പെണ്ണെ... നിന്നെ എന്ന എന്റെ ഹൃദയതാളം 
കേട്ട് നീ ഉറങ്ങുക...എന്റെ പ്രണയം നിനക്ക് എപ്പോളാ മനസിലാവുക \"

കുറച്ചുനേരം അവളെ നോക്കിയിരുന്നശേഷം അവളുടെയും ചാരുവിന്റെയും നെറ്റിയിൽ ചുംബിച്ചു...

\" ഇന്ദ്രേട്ടാ പോവല്ലേ... കുറച്ചുനേരം കൂടി കഴിഞ്ഞിട്ട് പോകാം... \"

കൈയിലൊരു കുഞ്ഞികൈ കൊണ്ട് പിച്ച് കിട്ടിയപ്പോളാണ് അവൾ ഉറക്കത്തിൽ നിന്നും ഞെട്ടി എണീറ്റത്...

തന്നെ കുർപ്പിച്ചു നോക്കുന്നവളെ കണ്ടതും കണ്ണ് ചിമ്മി കാണിച്ചു അവൾ...

ഉറക്കത്തിൽ നിന്ന് എണിറ്റു സമയം നോക്കാൻ വേണ്ടി ഫോൺ എടുത്തപ്പോളാണ് അവൾ സമയം ശ്രദ്ധിച്ചത്... ഫോൺ ഡിസ്പ്ലേയിൽ 7 മണി എന്ന് 
കാണിച്ചതും അവൾ ഞെട്ടി...

വേഗം തന്നെ കുളിച്ചശേഷം അവൾ ചാരുവിനെയും കൂട്ടി താഴേക്ക് നടന്നു...


\" എന്ത് ഉറക്കമാ മോളെ ഇത്... \" നളിനി ചെറുശ്വാസനയോടെ ചോദിച്ചു...

\" കുറേനാളുകൾക്കുശേഷം നന്നായി ഉറങ്ങാൻ പറ്റി..\" സീത രുദ്രനെ നോക്കിയാണ് പറഞ്ഞത്...

\" നീയെന്താ രുദ്രനെ നോക്കിനിൽക്കുന്നത് \" ശ്രീദേവി ചോദിച്ചപ്പോളാണ് താൻ ഇത്രനേരം 
രുദ്രനെ നോക്കി നിൽക്കുകയായിരുന്നുവെന്ന് ശ്രീദേവി പറഞ്ഞപ്പോളാണ് അവൾ ചിന്തയിൽ നിന്നും മുക്തയായത്....

ഭക്ഷണം കഴിക്കുമ്പോളും ഇടക്ക് രുദ്രനെ സീത ഒളിക്കണ്ണിട്ട് നോക്കുന്നുണ്ടായിരുന്നു...

\" അച്ഛാ... അമ്മ... ഞാൻ രണ്ടുദിവസം കഴിഞ്ഞാൽ മാർത്തോമ കോളേജിൽ റീജോയിൻ ചെയ്യാൻ തീരുമാനിച്ചു...\"

സീത പറഞ്ഞത് അവിടെയുള്ളവർ ഞെട്ടി...

\" എന്താ പെട്ടന്ന് ഇങ്ങനെയൊരു തീരുമാനം \" ശ്രീധരൻ 

\" പെട്ടന്നൊന്നുമല്ല കുറച്ചു മുമ്പാ എനിക്ക് ഇമെയിൽ വന്നത്...\"

സീത പറഞ്ഞ് നിർത്തിയതും അവൾ നോക്കിയത് രുദ്രനെയാണ്...

\" നീ എന്താ രുദ്രനെ തന്നെ നോക്കിയിരിക്കുന്നത് \"  

ശ്രീധരൻ പറഞ്ഞതിന് എന്ത് മറുപടി പറയണമെന്നറിയാതെ അവൾ ഇരുന്നു...

\" അല്ല അച്ഛാ.. ഞാൻ രുദ്രനും നാഥും ചാരുവിനെ കൂട്ടി എവിടേക്കാ പോയതെന്ന് ആലോചിച്ചതാ...\"

സീത പറഞ്ഞതും നാഥന്റെയും രുദ്രന്റെയും മുഖത്ത് കള്ളലക്ഷണം സ്ഥാനം പിടിച്ചു...

ഇവരുടെയും മുഖത്തെ ഭാവമാറ്റം ആരും ശ്രദ്ധിച്ചില്ലയെങ്കിലും സീതയും അർച്ചനയും ശ്രദ്ധിച്ചിരുന്നു...ഇന്ദ്രയേട്ടൻ എവിടെയാ എന്ന ചോദ്യം കേട്ടതും അവിടെയുള്ളവർ ഞെട്ടി...

\" നിങ്ങളുടെ ആഗ്രഹം പ്രകാരം ചാരുവിന്റെ ബർത്തഡേക്ക് ഇന്ദ്രയേട്ടനെ വിളിക്കാൻ തീരുമാനിച്ചു... ഞാൻ കാരണമല്ലേ ഇന്ദ്രൻ ഇവിടെ നിന്നും പോയത്...അപ്പോ ഞാൻ തന്നെ ഇന്ദ്രയേട്ടനെ വിളിക്കാം..\"

എന്ന് പറഞ്ഞ് ആരുടെയും മറുപടി കേൾക്കാൻ നിൽക്കാതെ അവൾ ഭക്ഷണം ചാരുവിനു കൊടുത്തു...

എന്നാൽ രുദ്രന്റെ മനസിൽ ചെറുഭയം ഉണ്ടായിരുന്നു... അവന്റെ ഭയത്തിന്റെ കാരണം സീതയാണ്.. ഒരിക്കലും അവൻ വിചാരിച്ചിരുന്നില്ല സീത അങ്ങനെ പറയുമെന്ന്...

ഉറക്കം വരാതെ അങ്ങോട്ടും ഇങ്ങോട്ടും നടക്കുകയായിരുന്നു രുദ്രൻ...എന്നാൽ തന്റെ മുന്നിൽ നിൽക്കുന്ന സീതയെ കണ്ടതുമവൻ 
പതറി...

\" എന്താ രുദ്ര് ഉറക്കം ഒന്നുമില്ലേ... ഇത്രനേരം 
ആയിട്ടും...\"

\" ഉറക്കം വന്നില്ല അപ്പോ ഇങ്ങനെ നടക്കാമെന്ന് കരുതി...\"

\" ഹ്മ്മ്... \"

\" പിന്നെ ഇന്ദ്രന് സുഖല്ലേ....\"

\" അതേ...\"

\" സീതേ... ഞാനൊരു കാര്യം ചോദിച്ചോട്ടെ...\"

അവൻ എന്താണ് ചോദിക്കാൻ പോകുന്നത് എന്ന് ചിന്തിച്ചുകൊണ്ട് അവനെ നോക്കി നിന്നു....

തുടരും.....