ഭാഗം :1


""ഡീ റിച്ചു മോളെ വാതിൽ തുറക്ക്..നിന്നെ അവിടെ എല്ലാവരും അന്വേഷിക്കുന്നു..ഇത് വരെ റെഡി ആയില്ലേ നീ...""

""ആ മമ്മി ദാ വരുന്നു...
ഇത്തിരി കൂടെ ഉണ്ട്

മമ്മി പോയിട്ട് ആ അനുവിനെ ഇങ്ങോട്ട് പറഞ്ഞു വിട്ടേ...""

"വേഗം വരണേ താഴേക്ക് വലിയമ്മച്ചി കലിപ്പിൽ ആണ്.."

"ഒകെ മമ്മി...."


ഞാൻ ആരെന്ന് അല്ലേ നിങ്ങൾ ആലോചിക്കുന്നത്..
റിൻസീ.... കാരക്കുന്നേൽ തറവാട്ടിലെ ദേവസ്സി, മേഴ്സി ദമ്പതികളുടെ ഇളയ പുത്രി 4 ആങ്ങളമാരുടെ ഒരേ ഒരു പെങ്ങൾ ജിൻസി .
ജന്മം കൊണ്ട് അല്ല കർമ്മം കൊണ്ട്. 

ജിൻസിയുടെയും റോയ് മാത്യുവിൻ്റെയും ഒരേ ഒരു മകൾ ... 

വലിയപ്പച്ചനേ കുറിച്ച് പറയാൻ ആണെങ്കിൽ ആളൊരു മഹാസംഭവം ആയിരുന്നു ചെറുപ്പത്തിൽ.. ഇപ്പോഴും അങ്ങനെ ഒക്കെ തന്നെ ആണ് കക്ഷി...

ഇരുപതാം വയസ്സിൽ അപ്പനും ആയി പിണങ്ങി നാട് വിട്ടു. അന്ന് കള്ള വണ്ടി കേറി ചെന്ന് ഇറങ്ങിയത് ഛത്തീസ്ഗഢിൽ "ദുർഗ്" റെയിൽവേസ്റ്റേഷനിൽ....

രണ്ട് ദിവസം അവിടൊക്കെ കറങ്ങി തിരിഞ്ഞ് നടന്നപ്പോൾ ആണ് "ഭിലാ"യിൽ  
വർഷങ്ങളായികച്ചവടം നടത്തുന്ന കുടുബത്തോടെ അവിടെ താമസിക്കുന്ന ഒരു മലയാളി കൂടെ കൂട്ടിയത്....

അപ്പനും അമ്മയും പിന്നെ ഒരു മകളും മാത്രം... പേര് ""മേഴ്സി""".
പിന്നെ അവിടെ കച്ചവടത്തിൽ സഹായിച്ചും മറ്റും അവരിൽ ഒരാളായി വലിയപ്പച്ചനും. 


രണ്ട് മൂന്ന് വർഷമൊക്കെ കഴിഞ്ഞതും വലിയപ്പച്ചനും വലിയമ്മച്ചിയും പ്രണയവും ആയി....അതു വരെ കൂടെ നിന്നത് കൊണ്ട് തന്നെ അപ്പച്ചൻ്റെ സ്വഭാവമൊക്കെ അറിയുന്നത് കൊണ്ടും മകൾ ആ കൈകളിൽ സുരക്ഷിതമാകും എന്ന വിശ്വാസത്തിൽ കല്യാണവും നടത്തി...


വലിയമ്മച്ചിയുടെ അമ്മ ദീനക്കാരി ആയിരുന്നു..
വലിയപ്പ ജനിച്ചു കഴിഞ്ഞ് കൊച്ചു മകനെയും കണ്ട് 
 മകളുടെ ജീവിതം സന്തോഷവും സുരക്ഷിതവും എന്ന സമാധാനത്തോടെ കർത്താവിൻ്റെ അടുക്കലേക്ക് പോയി.

പിന്നെയും കുറെ നാൾ കൂടെ അപ്പനുണ്ടായിരുന്നു വലിയമ്മച്ചിയുടെ കൂട്ടിന്....
ജിബിച്ചാച്ചനേ ഗർഭിണി ആയിരിക്കെ അപ്പനും മരിച്ചു...


റോബിൻ, സെബിൻ ,എബിൻ, ജിബിൻ എന്നീ നാലു മക്കളും ആയി.. ദേവസ്യ മേഴ്സി ദമ്പതികൾക്ക്...


കർത്താവിനു മുന്നിൽ എന്നും പ്രാർത്ഥനയോടെ ഒരു പെൺകുഞ്ഞിനെ ആഗ്രഹിച്ച് കാത്തിരുന്നിട്ട് നാലാമത്തെതും ആൺകുട്ടി ആണെന്നത് വലിയമ്മച്ചിക്ക് സങ്കടം ആയി..

 
അങ്ങനെ ഇരിക്കെ അപ്പനും കൂടെ ഇല്ലാത്ത ആ നാട്ടിൽ നിന്ന് എല്ലാം വിറ്റു പെറുക്കി നാട്ടിൽ കൂടാൻ തീരുമാനം ആയി....


 ഇളയ കുഞ്ഞിന് മാസങ്ങൾ പ്രായം ഉള്ളപ്പോൾ നാട്ടിലേക്ക് തിരിച്ചു...
ആ ട്രെയിൻ യാത്രയിൽ വലിയമ്മച്ചിക്ക് കർത്താവ് കൊടുത്ത നിധി എന്ന് പറയുന്നത് ആണ് എൻ്റെ മമ്മയെ..

 ആരോ ഉപേക്ഷിച്ച് പോയ മാസങ്ങൾ പ്രായമുള്ള കുഞ്ഞ്...
ജിബിച്ചാച്ചൻ്റെ പ്രായം.. നാട്ടിൽ എല്ലാവരോടും ഇരട്ട കുട്ടികൾ എന്ന് പറഞ്ഞു വളർത്തി...
കല്യാണ പ്രായം ആയപ്പോൾ കെട്ടും നടത്തി....


സന്തോഷത്തിൽ ജീവിതം മുന്നോട്ട് പോകുമ്പോൾ ആണ് ഒരു ആക്സിഡൻ്റ് രൂപത്തിൽ
എൻ്റെ പപ്പയും മമ്മയും ഞാൻ കുഞ്ഞ് ആയപ്പോൾ അതായത് രണ്ട് വയസ്സ് ഉള്ളപ്പോൾ തന്നെ കർത്താവിൻ്റെ അടുക്കലേക്ക് പോയി...


അപ്പൊൾ വിചാരിക്കും ഞാൻ മമ്മി എന്ന് വിളിച്ചത് ആരെ എന്ന്.. അതെനിക്ക് 5 വയസ്സ് ആയപോൾ എൻ്റെ പാപ്പൻ അതായത് മമ്മയുടെ രണ്ടാമത് ആങ്ങള സെബിൻ കെട്ടി കൊണ്ട് വന്ന എൻ്റെ നിമ്മി മമ്മി .. 


അവർക്ക് വളരെ കാലം കത്തിരിക്കേണ്ടി വന്നു ഒരു കുഞ്ഞിന് വേണ്ടി....
എങ്കിലും ഞാനാണ് അവരുടെ മൂത്ത കുട്ടി....


ഇനിയും കുറെ പേരുണ്ട് ഞങ്ങളെ തറവാട്ടിൽ എല്ലാവരെയും വഴിയേ പരിചയപ്പെടാം..



ഇന്ന് വലിയപ്പച്ചൻ്റെ 80- ആം പിറന്നാളിൻ്റെ ആഘോഷം ആണ്
അതിൻ്റെ ചടങ്ങുകൾക്ക് റെഡിയാവാൻ വന്നതു ആണ് ഞാൻ.

വലിയപ്പയുടെ മോൾ അനുവിനേ ഇങ്ങോട്ട് വിടാൻ വിട്ട മമ്മി അത് മറന്നു എന്ന് തോന്നുന്നു..


ഞാനും അവളും തമ്മിൽ നാലു വയസ്സ് വ്യത്യാസം ഉണ്ട്.. എങ്കിലും ഞങ്ങൾ ബെസ്റ്റ് ഫ്രണ്ട്സ് ആണ്..
പരസ്പരം അറിയാത്ത ഒരു രഹസ്യങ്ങളും ഞങ്ങളുടെ ജീവിതത്തിൽ ഇത് വരെ ഇല്ല... ഇനി നാളെ എന്ത് ആകും എന്ന് പറയാൻ പറ്റില്ലല്ലോ..


ഞാനിനി അങ്ങോട്ട് പോട്ടെ ഇവിടെ കഥ പറഞ്ഞു ഇരുന്നാൽ വലിയമ്മച്ചിയുടെ വക ഇന്ന് എനിക്ക് പെരുന്നാൾ കൂടെ കൂടെണ്ടി വരും...



"ഇച്ചേച്ചി ഡീ എന്തിനാ എന്നെ വരാൻ പറഞ്ഞത്.."
 
"ഇപ്പോഴെങ്കിലും വന്നല്ലോ കൊച്ച് റാണി.. "

പുച്ഛത്തോടെ പറയുന്നവളെ നോക്കി പല്ല് കടിച്ചു പിടിച്ച് അനു.

 "രാജകുമാരി എന്തിനാണാവോ അടിയനെ വിളിച്ചത് ഒന്ന് ഉണർത്തിച്ചാലും..."

അതു കേട്ടതും പൊട്ടിച്ചിരിച്ചു കൊണ്ട് അവളെ കെട്ടി പിടിച്ച് നെറുകയിൽ ഉമ്മ കൊടുത്ത് ..

"നീ എവിടാ പോയിരുന്നു പെണ്ണേ ..എൻ്റെ ഈ ദുപ്പട്ട ഒന്ന് നേരെ ആക്കി താ..."

""ഈ നിസ്സാര കാര്യം പോലുംചെയ്യാൻ വയ്യേ..കാരകുന്നേൽ രാജകുമാരിക്ക്.. "

ഒരു പുച്ഛത്തോടെ അവളത് ചോദിച്ചതും..


"""നീ പുച്ചിക്കുക ഒന്നും വേണ്ട എൻ്റെ കല്യാണം കഴിയുന്നത് വരല്ലേ നിൻ്റെ സഹായംചോദിക്കു...അത് കഴിഞ്ഞ ഇങ്ങനെ ഒരു ചാൻസ് കിട്ടാൻ നീ കൊതിക്കും..."""


""ഓഹ്! പിന്നെ എനിക്ക് വേറെ ഒന്നും ആഗ്രഹിക്കാൻ ഇല്ലാത്തത് പോലെ......
അതുപോട്ടെ കെട്ട് കഴിഞ്ഞു നീ ഇച്ചാച്ചനേ കൊണ്ട് ആണോ നിൻ്റെ അടിമ പണി ചെയ്യിക്കുന്നത്..""


""ഡീ... ഡീ നിനക്ക് കൂടുന്നു ...""

""വേഗം വാ താഴേക്ക് പോകാം.ഇല്ലെങ്കിൽ ഇന്നിനി നല്ല പൂരം ആയിരിക്കും താമസിച്ചു എന്ന് പറഞ്ഞു വല്യമ്മച്ചി വക..""

അതും പറഞ്ഞു അനു റിച്ചുവിനെയും വലിച്ച് താഴേക്ക് ഓടി...

ഓടിയ ഓട്ടത്തിൽ ആരെയോ തള്ളി മറിച്ച് താഴെ ഇടാനും. മറന്നില്ല ..


"ഹാപ്പി ബർത്ത്ഡേ വലിയപ്പച്ച"
എന്നും പറഞ്ഞു രണ്ടും കൂടെ ഇരു കവിളിലും ഉമ്മ വെച്ച്..

ഇത്കണ്ട് കുശുമ്പ് കുത്തി നിൽക്കുന്ന വലിയമ്മച്ചിക്കും കൊടുത്തു രണ്ടാളും..

പിറന്നാളാഘോഷം ഗംഭീരം ആക്കാൻ ഉള്ള പദ്ധതികൾ ആയത് കൊണ്ട് തന്നെ ഒരുവിധം ആൾക്കാരെ ഒക്കെ വിളിച്ചിരുന്നു...

കാരകുന്നെൽ ഒരു ബിസിനെസ്സ് ഗ്രൂപ് ആയത് കൊണ്ട് തന്നെ ഓഫീസ് സ്റ്റാഫ് ഒക്കെ ഉണ്ടായിരുന്നു..

കൂടെ റിൻസിയുടെയും അനുവിൻ്റെയും അടുത്ത സുഹൃത്തുക്കളും .

കേക്ക് മുറിയ്ക്കാൻ എല്ലാവരെയും ക്ഷണിച്ച്
വലിയപ്പച്ചന് ചുറ്റിനും നാലു മക്കളും നിരന്നു..


ജിബിൻ നോക്കുമ്പോൾ കണ്ണ് തുടയ്ക്കുന്ന അമ്മച്ചിയെ കണ്ടതും അവനും മനസ്സിൽ അവൻ്റെ കുഞ്ഞൊളുടെ ഓർമ്മകൾ ഓടിയെത്തി...


തൽക്കാലം അമ്മച്ചിയെ സമാധാനിപ്പിച്ചു കൊണ്ട് പോയില്ലങ്കിൽ ഇന്നത്തെ ചടങ്ങ് കൊളമാക്കിയത് തന്നെ..


""അമ്മച്ചിയെ എന്താ ഇത്.. നല്ലൊരു ദിവസം ആയിട്ട് .."""

""ഡാ മോനെ എനിക്ക് എൻ്റെ പോന്നുമോളെ ഓർമ്മ വന്നെടെ ഇന്നവളും കൂടെ ഇവിടെ ഉണ്ടാവേണ്ടത് അല്ലേ...""


ഒരു നിമിഷം എല്ലാവരും ഒന്ന് മൂകമായി...


""ദേ അമ്മച്ചി ഇന്ന് കരഞ്ഞു വിളിച്ച് അപ്പച്ചൻ്റെ ബർത്ത് ഡേ നശിപ്പിക്കല്ലേ..""

സംഭവം കൈവിട്ട് പോകുമെന്ന് കണ്ട് എബിനും രംഗത്ത് എത്തി...

""എൻ്റെ അമ്മച്ചി.. അവൾക്ക് പകരം അമ്മച്ചിക്ക് ഒരു നിധി തന്നിട്ട് അല്ലേ പോയത്.... കരഞ്ഞു എൻ്റെ കൊച്ചിനെ കൂടെ സങ്കടപ്പെടുത്തരുത്.."""

എന്ന് പറഞ്ഞു റോബിൻ റിച്ചുവിനെ ചേർത്ത് പിടിച്ചു...

"""മോളെ നീ അപ്പച്ചനും അമ്മച്ചിക്കും കൂടെ നിന്നു കേക്ക് മുറിക്ക് അപ്പോൾ വലിയമ്മച്ചി യുടെ സങ്കടം ഒക്കെ മാറും.."""

അവൾ സമ്മതത്തിനായി സെബിനെ നോക്കിയതും നിറഞ്ഞ പുഞ്ചിരിയുമായി നിൽക്കുന്നു.. അത് മാത്രം മതി അവളുടെ മനസ്സ് നിറയ്ക്കാൻ...


അമിതമായ ആഡംബരങ്ങളോ ചമയങ്ങളോ ഒന്നും തന്നെ ഇല്ലെങ്കിലും കാണാൻ അതി സുന്ദരിയും അല്ല.
ശാലീന സൗന്ദര്യം എന്ന് പറയുന്നത് പോലെ ശരിക്കും റിൻസി ഒരുങ്ങി നിൽക്കുന്നത് കണ്ടാൽ ആരും ഒന്ന് നോക്കിപ്പോകും..
 

റിച്ചുവിൻറ സ്വഭാവവും പെരുമാറ്റവും ഒക്കെ കൊണ്ട് തന്നെ നിമ്മിയുടെ ചേച്ചിയുടെ മകന് അവളോട് ഒരു ഇഷ്ടം ഉണ്ട്.


 എന്നാലങ്ങനെ ഒന്ന് വീട്ടുകാരും ആഗ്രഹിക്കുന്നു എന്നതും പിറന്നാളാഘോഷ ചടങ്ങിൽ വെളിപ്പെടുത്തിയത് എല്ലാവർക്കും സന്തോഷം ആയി..

എൻജിനീയറിങ് കഴിഞ്ഞ് ഓഫീസിൽ ജോയിൻ ചെയ്യാനുള്ള തയാറെടുപ്പുകൾ നടത്തുന്നത് കൊണ്ട് ഇനി ഒരു വിവാഹത്തെ കുറിച്ചുചിന്തിക്കൻ സമയം ആയി എന്നുള്ള അഭിപ്രായവും എല്ലാവർക്കും സ്വീകാര്യം ആയി..

ചെക്കൻ വിദേശത്ത് എൻജിനീയർ ആയത് കൊണ്ട് വിവാഹം നടന്നാൽ അവളെയും കൊണ്ട് പോകും..
അവർ കുടുംബത്തോടെ വിദേശത്ത് ആയിരുന്നു.. ഇപ്പൊൾ അപ്പനും അമ്മയും നാട്ടിൽ വന്നു താമസം തുടങ്ങി....


 എല്ലാവരുടെയും തീരുമാനത്തിന് മുന്നിൽ ഒന്നും പറയാതെ നിൽക്കുന്നത് കണ്ടതും സെബിൻ.

"""റിച്ചു മോൾക്ക് പ്രത്യേകിച്ച് അഭിപ്രായം വല്ലതും ഉണ്ടോ..""

""" എൻ്റെ കാര്യത്തിൽ തീരുമാനം എടുക്കാൻ ആരേക്കാലും അവകാശം എൻ്റെ പാപ്പനും മമ്മിക്കും അല്ലേ. നിങ്ങളുടെ ഏത് തീരുമാനവും എനിക്ക് സമ്മതമാണ്..""""

അത് കേട്ടതും നിമ്മിയുടെ കണ്ണുകൾ നിറഞ്ഞു അവളെ ചേർത്തു നിർത്തി നിറുകയിൽ ഉമ്മ വെച്ചു...

""നീ എന്നും എൻ്റെ പൊന്നുമോൾ തന്നെ ആണ്... നിൻ്റെ നന്മ മാത്രമേ എനിക്ക് കാണേണ്ടത് ഉള്ളൂ... എൻ്റെ മോൾക്ക് എന്തെങ്കിലും അഭിപ്രായം ഉണ്ടെങ്കിൽ തുറന്നു പറയണം... മറ്റുള്ളവർക്ക് വേണ്ടി ഒന്നും മാറ്റി വെക്കരുത്..."""

""എനിക്ക് അറിയാലോ മമ്മി എന്നെ മമ്മി വളർത്തിയത് അങ്ങനെ അല്ലേ... എന്ത് പറയാൻ ഉള്ള സ്വാതന്ത്ര്യം തന്നു കൊണ്ടുമല്ലേ....

എൻ്റെ മമ്മി ഒന്നും ഓർത്ത് വിഷമിക്കണ്ട... മമ്മിയുടെ ആഗ്രഹം തന്നെ മോൾക്കും ഉള്ളൂ...""

ഇതിനിടയിൽ കല്യാണമാലോചിച്ച ചെക്കനെ കാണുവാൻ ബന്ധുക്കൾ അന്വേഷിച്ചത് .. നിമ്മി ചെക്കനെവിടെ എന്ന് നോക്കിയതും നടുവും തടവി ഒരു മൂലയിൽ നിൽക്കുന്നത് കണ്ടതും ഓടി അടുത്തുചെന്നു..

"എന്ത് പറ്റി മോനെ നിൻ്റെ നടുവിന്.."

"ഒന്നുമില്ല കുഞ്ഞാൻ്റി...ചെറുതായി ഒന്ന് വീണു..."

"ഇത്രേ ആയിട്ട് നീ നടക്കാൻപഠിച്ചില്ലെ ചെക്കാ...
ഇവിടെ കല്യാണം വരെ തീരുമാനം ആയി..."

കളിയോടെ നിമ്മിപറഞ്ഞത് കേട്ടതും ചെക്കന് ശുണ്ഠി കേറി..

"അതിനു ഞാൻ നോക്കി നടന്നിട്ട് കാര്യമില്ലല്ലോ..."

അതും പറഞ്ഞു അനുവിനെയും റിച്ചുവിനെയും നോക്കി....


ഇതിപ്പോ എന്തിനാ ഞങ്ങളെ നോക്കുന്ന എന്ന ഭാവം ആയി രണ്ടിനും...


അപ്പോഴാ റയാൻ അവിടെ നിന്ന് ഒരു പടക്കം പൊട്ടിച്ചത് ..

"അച്ചാച്ചൻ വീണത് അനുവേച്ചിയും റിച്ചുവെച്ചിയും കൂടെ ഓടി വന്ന വഴിക്ക് ഇടിച്ചിട്ടു പോയതാ..."

അതെപ്പോ എന്ന ഭാവത്തിൽ രണ്ടും പരസ്പരം നോക്കി ..
ഇവൻ ഞങ്ങളുടെ അനിയൻ തന്നെ ആണോ യൂദാസ് എന്ന് അനൂ മനസ്സിൽ പറഞ്ഞുകൊണ്ട്.

""നോക്കണ്ട രണ്ടും ഞാൻ കണ്ടതാണ്.. വലിയപ്പച്ചന് ബർത്ത്ഡേ വിഷ് ചെയ്യാൻ വന്നപ്പോൾ..ഞാനാ അച്ചാച്ചനേ പിടിച്ച് എണീപ്പിച്ചത്....""

ഒരു ഗമയോടെ പറയുന്നവനെ കണ്ടതും അനുവിൻ്റെ പല്ലുകൾ പൊട്ടുന്ന ശബ്ദം റിച്ചു കേട്ടു...

"നീ തീർന്നെട "
എന്ന് റിച്ചു മനസിൽ പറഞ്ഞു.
അവൻ്റെ വെളിപ്പെടുത്തലിൽ 
പെട്ടെന്ന് എന്തോ ഓർമ്മ വന്നത് പോലെ രണ്ടാളും നാക്ക് കടിച്ചു അവിടുന്ന് മുങ്ങാൻ നോക്കി പോയ വഴിക്ക് അവനോട് ഒരു സോറിയും പറഞ്ഞു ...



അങ്ങനെ പിറന്നാളാഘോഷം ഒരുവിവാഹ ആലോചന വരെ കൊണ്ട് എത്തിച്ചു കൊണ്ട് എല്ലാവരും ആഘോഷങ്ങൾക്ക് വിട പറഞ്ഞു..

                      തുടരും..