ഭാഗം. : 2

പുറത്ത് ആരുടെയോ കരച്ചിലും സങ്കടം പറച്ചിലും കേട്ട് കൊണ്ട് ആണ് അനുവും റിച്ചുവും പുറത്തേക്ക് വന്നത്...

ആഘോഷ പരിപാടികൾ ഒക്കെ കഴിഞ്ഞു എല്ലാവരും പോയ ശേഷം അടുത്ത ഒന്ന് രണ്ട് ബന്ധുക്കൾ കൂടെ പോകാൻ ഉണ്ടായിരുന്നു .. 

അത് കൊണ്ട് തന്നെ കുട്ടികൾക്ക് എല്ലാവർക്കും ഡ്രസ് മാറ്റാനും ഫ്രഷ് ആകാനും ഒക്കെ ആയി അനുവും റിച്ചുവും എല്ലാവരും ആയി അകത്തു പോയിരുന്നു..

ഇപ്പൊൾ എല്ലാവരും പോയി വീട്ടുകാർ മാത്രം ആയി.... കൂട്ട് കുടുംബം ആയി താമസിക്കുന്നത് കൊണ്ടന്നെ മക്കളും മരുമക്കളും ചെറുമക്കളും ഒക്കെ ആയി ഒരു പാട് പേരുണ്ട് കാരകുന്നേൽ തറവാട്ടിൽ...

\"\"\"ചടങ്ങിന് ഇടയിൽ വലിയമ്മച്ചിയുടെ കണ്ണ് നിറഞ്ഞത് കണ്ടപ്പോഴേ തോന്നി ഇന്ന് ജിബിച്ചാച്ചന് കള്ള് കുടിക്കാൻ കാരണം ആയി..\"\"\"

അതും പറഞ്ഞു പോകുന്ന അനുവിനേ നോക്കി ഒരു നിമിഷം നിന്നിട്ട് അവളും കൂടെ പോയി....

\"\"\"ഡീ അത് മമ്മയെ ഓർത്തിട്ട് ആകും ...അവർ അത്ര കൂട്ട് അല്ലായിരുന്നോ.. അച്ചാച്ചൻ്റെ കുഞ്ഞോൾ അല്ലായിരുന്നോ...\"\"\"

\"\"നീ വന്നെടീ ഇച്ചേച്ചി എന്താണ് ഇന്നത്തെ അജണ്ട എന്ന് നോക്കാം..\"\"

 സംഭവം അന്വേഷിച്ച് എത്തിയ രണ്ടും കൂടെ തലയ്ക്ക് കൈ കൊടുത്ത് ഇരിക്കുന്ന മുതിർന്നവരെ കണ്ട് വായും പൊളിച്ചു നിന്ന് പോയി...


റിൻസി പതിയെ നിമ്മിയുടേ അടുത്ത് ചെന്ന് എന്താ സംഭവം എന്ന് ചോദിച്ചു...

അവർക്ക് അറിയില്ല എന്ന് കൈമലർത്തി കാണിച്ചു...

\"\"പിന്നെന്താ എല്ലാവരും ഇങ്ങനെ ഇരിക്കുന്നത്...\"\"

\"\"അതിനു അവൻ കാര്യം പറയാതെ എങ്ങനെ അറിയും... കള്ള് വലിച്ചു കേറ്റി ഇരിക്കുന്നത് അല്ലേ ഉള്ളൂ...\"\"\"


സഹികെട്ട് റോബിൻ എണീറ്റു ജിബിൻ ഇരിക്കുന്നിടത്തേക്ക് പോയി....


\"\"ഡാ എന്നതാട നിൻ്റെ പ്രശ്നം...ഇങ്ങനെ ഇരുന്നു മോങ്ങാതെ കാര്യം പറ ...\"\"

\"\"ആഹ്! ആരിത് ഇച്ചായനോ...
ഇച്ചായൻ എന്താ ഇവിടെ...\"\"


\"\"ഡാ തെണ്ടി തലക്ക് വെളിവും ഇല്ലെ... ഞാൻ എൻ്റെ വീട്ടിൽ അല്ലാതെ വേറെ എവിടെയാട നിൽക്കുന്നത്... മതി വലിച്ചു കേറ്റിയത്...\"\"


കയ്യിൽ ഇരുന്ന ഗ്ലാസ്സ് പിടിച്ച് വാങ്ങി റോബിൻ...


\"\"\"ഇച്ചായ അതിങ്ങ് തന്നെ എനിക്ക് ഇന്ന് കുടിക്കണം കുടിച്ച് മരിക്കണം...സങ്കടം കൊണ്ടാ...\"\"

\"\"\"അയ്യോ പൊന്നു മോന് എന്നും കുടിക്കാൻ ഓരോ കാരണങ്ങൾ കാണും അല്ലോ.....

അല്ല നിനക്ക് ഇതിന് മാത്രം എന്നതാ ഇത്ര സങ്കടം ഇന്ന് വന്നത്..... 
 ഇന്ന് എൻ്റെ അറിവിൽ അപ്പൻ്റെ പിറന്നാൾ ആണ്...

  ഇനി അത് ആണോടാ നിൻ്റെ സങ്കടത്തിൻ്റെ കാരണം....\"\"


\"\"പ്ഫ!... ഇച്ചായ എന്ന് വിളിച്ച നാവ് കൊണ്ട് വേറെ ഒന്നും വിളിപ്പിക്കരുത്...

എൻ്റെ സങ്കടം ആർക്കും അറിയില്ല...\"\"


\"\"എന്നാൽ നീ വിളിക്കെട നാറി...
ഇന്നിനി നീ കുടിക്കത്തും ഇല്ല.... നിൻ്റെ സങ്കടം നീയിനി കുടിച്ച് തീർക്കണ്ട..... ഇവിടെ അത് പരിഹരിക്കാൻ ഞങ്ങൾ മൂന്ന് ഇച്ചായന്മാർ ഉണ്ട് , അതുമല്ലെങ്കിൽ നിൻ്റെ ഭാര്യ ഉണ്ട് ...പോരെങ്കിൽ അപ്പനും അമ്മയും ഉണ്ട്...\"\"\"\"


അവിടെ ഇരിക്കുന്ന കുപ്പിയും ഗ്ലാസ്സും ഒക്കെ എടുത്ത് അകത്തു കൊണ്ട് പോടിന്ന് പറഞ്ഞു വലിയാൻ്റിയോട് ഒരു അലർച്ച..

പാവം എവിടെ നിന്നോ ഓടി പാഞ്ഞു വന്നു കയ്യിൽ കിട്ടിയതും എടുത്ത് എങ്ങോട്ടോ ഓടി...

\"\"\"അവനു ഓരോ കാരണങ്ങൾ കണ്ടെത്തി കുടിച്ചാൽ മതി...
ഒരു പൊടി കൊച്ചും ഒരു പെണ്ണും അവനെ കാത്തിരിക്കുന്നു എന്ന് വല്ല വിചാരവും ഉണ്ടോ....\"\"

റോബിന് ദേഷ്യം വന്നു തുടങ്ങി ..

സംഗതി കൈവിടും എന്ന് തോന്നിയതും സെബിൻ ഇടപെട്ടു...

\"\"റൂബി നീയവനെ വിളിച്ച് മുറിയിൽ കൊണ്ട് പോയെ....\"\'

അവനെ പിടിക്കാൻ റൂബി വന്നതും അവളുടെ കൈ തട്ടി മാറ്റി ...


\"\"മാറെടി അങ്ങോട്ട് എനിക്ക് ഇന്ന് കുറച്ച് കാര്യങ്ങൽ അറിയണം അത് കഴിഞ്ഞേ ഞാൻ പോകു\"\"


\"\"\"\"ഇച്ചായ വന്നെ നാളെ സംസാരിക്കാം.... വഴക്ക് ഉണ്ടാക്കല്ലെ..കുട്ടികൾ ഒക്കെ പേടിച്ച് നിൽക്കുന്നത് കണ്ടില്ലേ..\"\"\"

 \"\"\"നിന്നോട് ഞാൻ മാറി നിൽക്കാൻ പറഞ്ഞില്ലെടി... എനിക്ക് പറയാൻ ഉള്ളത് പറഞ്ഞിട്ട് ഞാൻ വരാം ..\"\"\"


\"\"റൂബി മോളെ മാറി നിൽക്ക്...\"\'
അവനു പറയാൻ ഉള്ളത് പറയട്ടെ...\"\"\"

അമ്മച്ചി യുടെ വാക്ക് കെട്ട് അവളും പിന്നോട്ട് മാറി...


\"\"\"എന്താടാ നിനക്ക് അറിയാൻ ഉള്ളത്... വേഗം വേണം ... റോബിൻ ചോദിച്ചപ്പോൾ നിനക്ക് പറയാൻ ഇല്ലാത്ത എന്താണ്...

അമ്മച്ചിയുടെ പൊന്നു മോൻ തിരുവാ തുറന്നു ഒന്ന് മൊഴിഞ്ഞാൽ അത് കഴിഞ്ഞ് എല്ലാവർക്കും ഒന്ന് ഉറങ്ങാൻ പോകണം...\"\"\"


\"\"\"ആരോട് ചോദിച്ചിട്ട എൻ്റെ കൊച്ചിൻ്റെ കെട്ട് തീരുമാനിച്ചത്...
എനിക്ക് ഇപ്പൊൾ അറിയണം...
എൻ്റെ കൊച്ചിന് കല്യാണ പ്രായം ഒന്നും ആയില്ല ...

എനിക്ക് എൻ്റെ കൊച്ചിനെ കണ്ടും കൊഞ്ചിച്ചും കൊതി തീർന്നിട്ടില്ല...\"\"



\"\"അതിനു നിൻ്റെ അഞ്ച് വയസ്സ് ആയ കൊച്ചിന് കല്യാണ പ്രായം ആയില്ല എന്ന് ഞങ്ങൾക്ക് ഒക്കെ അറിയാവുന്നത് അല്ലേ....
പിന്നെ അവൾക്ക് കല്യാണം നോക്കിയെന്നോ അതെപ്പോഴാട കൊച്ചനെ..\"\"


അപ്പച്ചൻ്റ ചോദ്യം കേട്ട് അത് വരെ കുടിച്ചത് ഒക്കെ ആവിയായി പോയി ജിബിന് ...

അവിടെ നിന്നവർ ഒക്കെ ചിരി കടിച്ചു പിടിച്ചു നിന്നു..


അതിനിടയിൽ അനു റിച്ചുവിൻ്റെ ചെവിയിൽ ..
\"\"വലിയപ്പച്ചനും തഗ് അടിച്ച് തുടങ്ങി..\"\"


\"മിണ്ടാതിരിക്കെടി പെണ്ണേ അവിടെ എന്താ പറയുന്നത് എന്ന് കേൾക്കട്ടെ..\"\"

\"\"ഓഹ്!.... അതിപ്പോൾ ഇനി അറിയാൻ എന്താ!.. പറഞ്ഞ സാഹചര്യം വെച്ച് ഇച്ചെച്ചിയുടെ കല്യാണം ആണ് ജിബിച്ചാച്ചന് ഇന്ന് കിട്ടിയ കോള്...\"\"\"

ആണോ എന്ന ഭാവത്തിൽ അനുവിനേ നോക്കി റിച്ചുവും.

ജിബിൻ്റെ വാക്കുകൾ ആണ് അവരുടെ ശ്രദ്ധ തിരിച്ചത്...


അപ്പൻ ആയി പോയപ്പ ...ഇല്ലേൽ ഇതിന് ഞാൻ മറുപടി പറഞ്ഞേനെ ...പല്ല് കടിച്ചു പിടിച്ചു ജിബിൻ മനസ്സിൽ പറഞ്ഞു...


\"\"\"എൻ്റെ അഞ്ചു വയസ്സ് ആയ കുഞ്ഞാറ്റക്ക് കെട്ട് ഉറപ്പിച്ചാൽ ഞാൻ ഒന്നും പറയില്ല ....അതിന് നിങ്ങൾക്ക് എപ്പോ തോന്നുന്നോ അപ്പൊൾ നടത്തിക്കോ...
പക്ഷേ
ഇതെൻ്റെ കൊച്ചിനെ ഇപ്പോഴേ ഇവിടുന്ന് പറഞ്ഞു വിടാൻ ഞാൻ സമ്മതിക്കില്ല....\"\"\"


\"\"അതിനു ഇപ്പൊൾ നിൻ്റെ സമ്മതം എന്തിനാ മനസ്സ് ചോദ്യം നടക്കുമ്പോൾ അവൾ പറഞ്ഞാൽ പോരെ...\"\"\'

വീണ്ടും അപ്പൻ്റെ വക...


കർത്താവേ നീയെന്നെ ഒരു പാപി ആക്കരുത്.. ജിബിൻ ദൈവത്തിനു മുന്നറിയിപ്പ് കൊടുത്തത് ആണെന്ന് തോന്നുന്നു....

\"\"\"\"ഞാൻ പറയും... പണ്ട് ഞാനെൻ്റെ കുഞ്ഞോളെ
കുറച്ചു കഴിഞ്ഞ് കെട്ട് നടത്താം എന്ന് പറഞ്ഞിട്ട് ആരും കേട്ടില്ല....
 എന്നിട്ട് ... എന്നിട്ട് എൻ്റെ കുഞ്ഞ് ഇന്ന് എല്ലാവരെയും വിട്ട് പോയില്ലേ....
അന്നൊരു വാക്ക് ആരെങ്കിലും കേട്ടിരുന്നെങ്കിൽ...

സങ്കടം കൊണ്ട് വാക്കുകൾ പാതിവഴിയിൽ പറക്കി കൂട്ടി വീണ്ടും

അവളെൻ്റെ കയ്യിൽ തന്നിട്ട് പോയതാ എൻ്റെ പൊന്നിനെ... അവളെ എല്ലാവരും കൂടെ നിർബന്ധിച്ച് കെട്ട് നടത്തരുത്... ഇരുപത്തി രണ്ട് വയസ്സ് അല്ലേ ആയുള്ളൂ അവൾക്ക് ...
അവൾക്ക് കുറച്ചൂടെ സമയം കൊടുക്ക് സെബിച്ച...
ഇന്നവൾ സെബിച്ചൻ്റെ മോളായല്ലെ വളരുന്നത്...
സ്വന്തം കുഞ്ഞ് അല്ലന്ന തോന്നൽ ഉണ്ടകല്ലെ ഇച്ചായാ...

അവളെ മനസ്സിലാക്കാതെ പോകല്ലേ ഇച്ചായാ.... അവൾ നമ്മളെ ഏൽപ്പിച്ച നിധിയാന് എൻ്റെ കുഞ്ഞോളുടെ പ്രാണൻ...\"\"\"

അതും പറഞ്ഞു കരയുന്നവനെ കണ്ടതും.


\"\"ഡാ ജിബി നീ സങ്കടപ്പെടണ്ട....

അവളുടെ സമ്മതം ഇല്ലാതെ അവളുടെ ഒരു കാര്യങ്ങളും തീരുമാനിക്കില്ല.... നീ ഇപ്പൊൾ പോയി കിടന്നു ഉറങ്ങിക്കോ....

നമുക്ക് രാവിലെ സംസാരിക്കാം...
അപ്പൊൾ തീരുമാനം എടുക്കാം...\"\"\"

തിരിഞ്ഞ് റൂബിയോട്.
\"\"ചെല്ലു റൂബി ഇവനെ മുറിയിലേക്ക് കൊണ്ട് പൊയ്ക്കോ...\"\"


\"\"ആ മോളെ റൂബി രാവിലെ ആ സാത്താനെ വിളിച്ച് എണീപ്പിച്ചു പള്ളിയിൽ കൊണ്ട് പോണം....\"\"
 

\"\"\"ശരിയമ്മച്ചി\"\"\"


അത്രയും നേരത്തെ അങ്കം കഴിഞ്ഞ് ഇനി ഒന്നിനും വയ്യ എന്ന അവസ്ഥ ആയി ജിബിൻ...

\"\"കുഞ്ഞാറ്റ വാ ഉറങ്ങാൻ\"\"

 ജിബിൻ കുഞ്ഞിനെയും വിളിച്ച് റൂബിയുടെ കയ്യും പിടിച്ച് അകത്തേക്ക് പോയി...

\"\"\"കർത്താവേ ഇവിടെ ഇപ്പൊൾ എന്താ നടന്നത്...\"\"\"
എബിൻ അതും പറഞ്ഞു അമ്മച്ചിയെ ഒന്നു നോക്കിയിട്ട്..

\"\"\"\"അമ്മച്ചിയുടെ കരച്ചിൽ കണ്ട് ഞാൻ കരുതി ഇന്നതാകും അവനു കള്ള് കുടിക്കാൻ കാരണം എന്ന്... ഇതിപ്പോൾ അതുക്കും മേലെ ആയല്ലോ കർത്താവേ... നീ തന്നെ തുണ....

എൻ്റെ പൊന്നു മോളെ ഇനി കുറെ ദിവസം അവനു കള്ള് കുടിക്കാൻ ഉള്ള വക നിൻ്റെ കല്യാണ കാര്യം ആണല്ലോടി കൊച്ചെ...\"\"\"

\"\"അപ്പൊൾ എബിച്ചാച്ചന് ഞാൻ കല്യാണം കഴിച്ചു പോകുന്നതിൽ സങ്കടം ഒന്നും ഇല്ലെ...\"\"\"
ഒരു കുസൃതിയോടെ ചോദിക്കുന്ന വളെ കാണെ അതെ കുസൃതിയോടെ 

\"\"എന്തിനാഡീ... ഇനിയും നിൻ്റെ തല്ലും ഇടിയും കൊള്ളാൻ ആണോ... അതിന് വേണ്ടി നിനക്കു സ്വന്തം ആയി ഒരാളെ കണ്ടെത്തി തരുന്നത് സന്തോഷം അല്ലേ...\"\"

അവൻ്റെ മറുപടി കേട്ട് നിമ്മിയെ നോക്കിയതും വല്ല ആവശ്യവും ഉണ്ടായിരുന്നോ എന്ന ഭാവം...

അനുവിൻ്റെ ചിരി കൂടെ കണ്ടതും

\"\"\"ഞാൻ പോയാലും നിങ്ങൾക്ക് ഒക്കെ തരാൻ ഉള്ളത് ഒരു മുടക്കം ഇല്ലാതെ തന്നിരിക്കും..
അങ്ങനെ ആരെയും രക്ഷപ്പെടാൻ ഞാൻ സമ്മതിക്കില്ല.... \"\"


അതും പറഞ്ഞു എല്ലാവരോടും ദേഷ്യം കാണിച്ച് ചവിട്ടി കുലുക്കി കേറി പോകുന്നവളെ കാണെ അവളുടെ സന്തോഷം മാത്രം കാത്തിരിക്കുന്ന ഒരുപാട് മുഖങ്ങളിൽ ആശ്വാസം നിറഞ്ഞു ....അമ്മച്ചിയും നഷ്ട്ട പെട്ട് പോയ മകളെയും സന്തോഷവും കൊച്ചുമകളിലൂടെ കണ്ടെത്താൻ ശ്രമിക്കുന്നു...

മതി മതി .....
എല്ലാവരും കേൾക്കാൻ ആണ് ഇന്നത്തെ ആഘോഷത്തിൻ്റെ പേരും പറഞ്ഞു നാളെ പള്ളിയിൽ പോകാത്ത ഒറ്റ എണ്ണം ഇവിടെ കണ്ട് പോകരുത്...

ഇനി നിൽക്കാതെ എല്ലാം പോയൂറങ്ങിക്കെ...

അമ്മച്ചിയുടെ അന്ത്യ ശാസനം കേട്ട് എല്ലാവരും അന്നത്തെ രാത്രി പല വഴി പിരിയാൻ തീരുമാനം ആയി...

☘️☘️☘️☘️☘️☘️☘️☘️☘️

ഇതേ സമയം വർഷങ്ങൾക്ക് മുൻപ് ആദ്യ കാഴ്ചയിൽ മനസ്സിൽ കയറി കൂടിയ ഒരു പെൺകുട്ടിയുടെ രൂപം മനസ്സിൽ ഇട്ട് സ്വപ്നങ്ങൾ നെയ്തു ഒരാളും
കാത്തിരിക്കുന്നുണ്ട്...
അങ്ങനെ ഒരു കാത്തിരിപ്പ് ഉണ്ടെന്നറിയാതെ അവളും മറ്റൊരു വിവാഹത്തിന് മനസ്സ് കൊണ്ട് ഒരുങ്ങാൻ തയാറെടുക്കുന്നു...

                    തുടരും...