ഭാഗം : 3

നിമ്മി മുറിയിലേക്ക് വരുമ്പോൾ കാണുന്നത് മുറിയിൽ ആലോചനയോടെ ഇരിക്കുന്ന റിൻസിയെയാണ് .


കുറച്ച് നേരം അടുത്ത് വന്നിട്ടും ചുറ്റും ഉള്ളത് ഒന്നും അറിയാത്ത പോലെ ഉള്ള അവളുടെ ഇരിപ്പ് കണ്ട് അവളുടെ മനസ്സിൽ എന്തോ സങ്കടം ഉണ്ടെന്ന് മനസ്സിലായി...
അവർ അവളുടെ അടുത്തേക്ക് ഇരുന്നു..


\"\"\"മോളെ ഡീ എന്താ ഇത്ര ആലോചന.. ഞാൻ വന്നിട്ട് എത്ര സമയം ആയി എന്നറിയോ...\"\"

പെട്ടെന്ന് നിമ്മിയുടെ ചോദ്യം കേട്ടതും ഓർമ്മകളിൽ നിന്ന് മോചനം നേടിയത് പോലെ ഞെട്ടി തിരിഞ്ഞു..

\"\"\"മമ്മി എപ്പോൾ വന്നു..
ഞാൻ കണ്ടില്ല....\"\"

\"\"\"അതിനു പരിസര ബോധം ഇല്ലാത്ത ഇരുപ്പ് ഇരുന്നാൽ നിന്നെ ആരെങ്കിലും എടുത്ത് കൊണ്ട് പോയാലും അറിയില്ലല്ലോ...\"\"

ഒരു ചമ്മിയ ചിരിയോടെ അവരുടെ മടിയിലേക്ക് തല ചായ്ച്ചു...


\"\"എന്താടാ ഇന്ന് ഉറങ്ങാതെ ഇത്ര ചിന്തിക്കുന്നത്... എന്തെങ്കിലും സങ്കടമുണ്ടോ മോളുടെ മനസ്സിൽ...\"\"\"


\"\"\"ജിബിച്ചാച്ചൻ പറഞ്ഞത് പോലെ എനിക്ക് നിങ്ങളെ ഒക്കെ സ്നേഹിച്ചും കണ്ടും കൊതി തീർന്നില്ല...

ഒരു വിവാഹം ഒക്കെ കഴിഞ്ഞ ഞാൻ ഇവിടെ നിന്ന് വേറെ വീട്ടിൽ പോകണ്ടെ...

എനിക്ക് മമ്മിയുടെ മോൾ ആയിപിന്നെ ഇത് പോലേ നിൽക്കാൻ പറ്റുമോ...\"\"\"


\"\"\"\'മോളെ എന്തൊക്കെയാ നീ ചിന്തിച്ചു കൂട്ടുന്നത് ... പെൺമക്കൾ ഉള്ള ഏതൊരു അച്ഛനും അമ്മയുടെയും ആഗ്രഹം ആണ് അവരുടെ വിവാഹം..

ഇവിടെ ഞങ്ങളും അത് ആഗ്രഹിക്കുന്നു...

എന്നാലും മോൾ ഒരുവിവാഹത്തിന് മനസ്സ്കൊണ്ട് തയ്യാർ ആകുന്നത് വരെ പാപ്പനും മമ്മിയും നിർബന്ധിക്കില്ല...\"\"\"


\"\"\"മമ്മി വിഷമിക്കാൻ പറഞ്ഞത് അല്ല... എൻ്റെ സങ്കടം പറഞ്ഞതാ..\"\"\"

\"\"മോളെ ഞങ്ങൾ വിവാഹം ചെയ്തു അയയ്ക്കാൻ നോക്കുന്നത് പരിചയം ഇല്ലാത്ത ഒരിടത്തേക്ക് അല്ല...

എനിക്ക് ആഗ്രഹം ആയിരുന്നു എൻ്റെ കുഞ്ഞ് സൂസൻ ചേച്ചിയുടെ അടുക്കൽ ആയിരിക്കണം എന്നത്.. 

ഒരിക്കലും എനിക്ക് എൻ്റെ മോളിൽ നിന്ന് അകലേണ്ടി വരില്ല എന്ന സ്വാർത്ഥ ചിന്ത കൊണ്ടാകാം....

അവനും അങ്ങനെ ഒരു ആഗ്രഹം ഉണ്ടെന്ന് കണ്ടപ്പോൾ സന്തോഷിച്ചു... മോൾക്ക് ഇഷ്ട്ടമില്ലെങ്കിൽ വേണ്ട എൻ്റെ കുഞ്ഞു സങ്കടപ്പെടരുത്...
അത് മാത്രം എനിക്ക് സഹിക്കാൻ കഴിയില്ല....\"\"\"


\"അത് മമ്മി എനിക്ക് ഇച്ചാച്ചനെ ഇഷ്ട്ടക്കെട് ഒന്നുമില്ല..\"


 പെട്ടെന്ന് അങ്ങനെ പറഞ്ഞതും എന്താ കേട്ടത് എന്ന ചിന്തയിൽ ഒരു നിമിഷം നിമ്മി ..

\"എന്താ ???..\"


\"\"\"നിങ്ങളെ ഒക്കെ പിരിഞ്ഞു പോകാൻ വയ്യ അതുകൊണ്ട് കല്യാണം വേണ്ട എന്ന പറഞ്ഞത്... \"\"

ഒരു ചമ്മലിൽ അത് പറയുന്നവളെ ഒരു നിമിഷം നോക്കിയിരുന്നു പോയി നിമ്മി..

\"\"അവൻ ആണ് ചെക്കൻ എങ്കിൽ ഞങ്ങൾക്കു സമാധാനം അല്ലെടി ... നിൻ്റെ കുറുമ്പും കുസൃതിയും ഒക്കെ അറിയുന്നവൻ അല്ലേ...\"\"

ഒരു പിണക്കതോടെ ഇരിക്കുന്നവളെ നോക്കി..

\"\"\"ഇനി മനസ്സിന് ആശ്വാസം ആയില്ലേ മോളെങ്കിൽ കിടന്നോ..\"\"


\"\"ഇന്ന് മമ്മി എൻ്റെ കൂടെ കിടക്കുമോ..\"\"\"

\"\"അയ്യട വയസ്സ് 22 ആയി ഇപ്പോഴും കൊഞ്ചലും ആയി ഇരിക്കുന്നു.. ഞാൻ പോണ്...
എൻ്റെ നിച്ചു ഉറങ്ങാതെ ഇരിപ്പുണ്ട്.\"\"


ഒളികണ്ണിട്ടു അവളെ നോക്കിക്കൊണ്ടത് പറഞ്ഞതും..അവളുടെ മുഖ ഭാവം മാറി സങ്കടം ആകുന്നത് കണ്ടതും ..


\"\"\"അയ്യോട എൻ്റെ കുറിമ്പിക്ക് സങ്കടം വന്നോ...
എൻ്റെ മോളുടെ ആഗ്രഹം നോക്കാതെ മമ്മി എന്തേലും ചെയ്യുമോ കുശുമ്പി...\"\"\"


\"\"എങ്കിലും ഞാൻ ഒരു നിമിഷം എൻ്റെ മമ്മ അല്ലാത്തത് കൊണ്ട് അല്ലേ എന്ന് ചിന്തിച്ചു...\"\"

അത് കേട്ടതും...

\"\"മോളെ നിനക്ക് എപ്പോഴെങ്കിലും ഞാൻ നിൻ്റെ സ്വന്തം മമ്മി അല്ല എന്ന് തോന്നിയിട്ട് ഉണ്ടോ... ഞാൻ അങ്ങനെ നിന്നോട് പെരുമാറി യിട്ട് ഉണ്ടോ...\"\"\"

\"\"\"ഇല്ല എന്നും എൻ്റെ സ്വന്തം അമ്മ തന്നെയാ....\"\"

\"\"\"ഞാൻ നിൻ്റെ പാപ്പനെ കല്യാണം കഴിക്കാൻ കാരണമെന്തെന്ന് നിനക്ക് അറിയുമോ..
നീയാണ് നിനക്ക് ഒരു അമ്മയുടെ സ്നേഹം ആവശ്യം എന്ന് തോന്നിയത് കൊണ്ട്..\"\"

\"\"എനിക്ക് അറിയാം മമ്മി..വിഷമിക്കല്ലെ..ഞാൻ അറിയാതെ പറഞ്ഞു പോയതാ..
സോറി....\"\"

\"\"സാരമില്ല മോൾ ഉറങ്ങാൻ നോക്കിക്കേ...\"\"\"

\"\"\"ഉറക്കം വരുന്നില്ല... മമ്മയെ കുറിച്ച് കേൾക്കാൻ തോന്നുന്നു...\"\"\"

ഒരു സങ്കടത്തോടെ പറയുന്നത് കണ്ടതും...

എത്ര തവണ കേട്ടതാൻ്റെ കുഞ്ഞു പിന്നെയും എന്നെ കൊണ്ട് പറയിപ്പിക്കാൻ ആണെല്ലെ...

ഒരു കുസൃതി ചിരിയോടെ ഇരിക്കുന്നവളെ നോക്കി നിമ്മി പറഞ്ഞു തുടങ്ങി...

\"\"നിൻ്റെ മമ്മയും എൻ്റെ ചേച്ചിയും സ്കൂളിൽ പഠിക്കുമ്പോൾ മുതൽ സുഹൃത്തുക്കൾ ആയിരുന്നു... അവരുടെ സൗഹൃദം കണ്ട് പലർക്കും അസൂയ തോന്നിയിട്ടുണ്ട്...

നിൻ്റെ ജിബിച്ചാച്ചനാണ് മമ്മയുടെ മറ്റൊരു പാതി.... സയാമീസ് ഇരട്ടകൾ പോലെ എപ്പോഴും കൂടെ കാണും...

ആദ്യം ഒന്നും ജിൻസി ചേച്ചി വേറെ ആരുമായി കൂട്ട് കൂടുന്നത് ജിബിച്ചന് ഇഷ്ടം അല്ല.. സൂസൻ ചേച്ചി അവർക്കിടയിൽ ഇടിച്ചു കേറിയത് ആണ്...

അങ്ങനെ അവരുടെ കൂടെ കൂടി ഞാനും ..നിൻ്റെ മമ്മ എൻ്റെ സ്വന്തം ചേച്ചി ആയി...
തമാശക്ക് എപ്പോഴും ചോദിക്കും ഇവളെ ഞങ്ങളെ കുടുംബത്തിൽ കൊണ്ട് പോയാലോ എന്ന്...

വളർന്നു വലുതായി വന്നപ്പോഴും സൗഹൃദത്തിന് ഒരു കോട്ടവും ഉണ്ടായില്ല...
കൂടെ ചേച്ചിയ്ക്ക് വിവാഹആലോചന തുടങ്ങിയപ്പോൾ റോബിച്ചനെ കുറിച്ച് പറഞ്ഞത് ആണ്...

അന്ന് ഞങ്ങടെ അപ്പൻ്റെ കൂട്ടുകാരൻ്റെ മോന് വേണ്ടി ചേച്ചിയെ വാക്ക് പറഞ്ഞു വെച്ചത് കൊണ്ട് നിൻ്റെ മമ്മ യുടെ ആഗ്രഹം നടന്നില്ല ..\"\"\"\"


അമ്മയെ കണ്ടു വളരാൻ വിധി ഇല്ലാതെ പോയ ഒരു കുഞ്ഞിന് മറ്റുള്ളവരുടെ വാക്കുകളിൽ കൂടെ അവളുടെ പെറ്റമ്മയെ അറിയാൻ ഏറെ ആഗ്രഹമായിരിക്കും ...

അതുപോലെ റിൻസിയും അവളുടെ മമ്മ ജിൻസിയുടെ വിശേഷങ്ങൾ അറിയാൻ വേണ്ടി നിമ്മിയുടെ ഓരോ വാക്കുകൾക്കും കാതോർത്തു ശ്രദ്ധയോടെ...

\"\"\"\"\"ചേച്ചിയുടെ കല്യാണം കഴിഞ്ഞ് ഒരു വർഷം കഴിഞ്ഞപ്പോൾ ആണ് ജിൻസി ചേച്ചിയെ റോയിച്ചൻ കല്യാണം കഴിക്കുന്നത്.. 


റോബിച്ചൻ്റെ കൂട്ടുകാരൻ ആയിരുന്നു നിൻ്റെ പപ്പ... ഇതൊക്കെ നിനക്ക് അറിയുന്നത് അല്ലേ...

പിന്നെയും പിന്നെയും പപ്പയെയും മമ്മയെയും കുറിച്ച് കേൾക്കാം എൻ്റെ കുറുമ്പിക് ഇഷ്ടം കൂടുതൽ അല്ലേ...\"\"\"\"

അതിനു മറുപടി ആയി നിമ്മിയെ ഒന്നൂടെ ചുറ്റിപ്പിടിച്ച് ചേർന്ന് കിടന്നു ..


\'\"\"\"ആലോചന വന്നപ്പോൾ തന്നെ ഇരുപത് വയസ് ഉള്ളൂ എന്ന് പറഞ്ഞു ജിബിച്ചൻ ഇവിടെ എതിർപ്പും വഴക്കും ബഹളവും ആയിരുന്നു...
ഇന്ന് ഇവിടെ കാണിച്ച് കൂട്ടിയതിൻ്റെ ഇരട്ടി ആയിരുന്നു എന്ന പറഞ്ഞു കേട്ടത്.... റോയിച്ചൻ കാത്തിരിക്കാൻ തയാറായിരുന്നു..

അപ്പനും അമ്മയും മരിച്ചു പോയ ഇച്ചായന് ഇവിടത്തെ അപ്പച്ചനും അമ്മച്ചിയും സ്വന്തം അപ്പനും അമ്മയും പോലെ ആയിരുന്നു...

പിന്നെ ആകെ ഉള്ള ബന്ധു എന്ന് പറയാൻ വലിയമ്മച്ചി മാത്രം ആണ് ഉണ്ടായിരുന്നത്..
അതും വാർദ്ധക്യസഹജമായ അസുഖങ്ങളും ..
കൊച്ചുമകൻ്റെ വിവാഹം കാണണം എന്ന ആഗ്രഹം മാത്രം ബാക്കി...

ജിബിച്ചൻ്റെ വാക്ക് മറികടന്ന് വിവാഹവും നടന്നു ...
പെട്ടെന്ന് ഒരു വേർപിരിയൽ ജിബിച്ചന് ചിന്തിക്കാൻ പോലും കഴിയുന്നതല്ലായിരുന്നു ..
കല്യാണം കഴിഞ്ഞ് ചേച്ചി പോകാൻ ഇറങ്ങിയതും പള്ളി മുറ്റത്ത് വെച്ച് ജിബിച്ചൻ്റെ കരച്ചിലും നിലവിളിയും ഇന്നും മറക്കാൻ കഴിഞ്ഞിട്ട് ഇല്ല... 

അത്രക്ക് ജീവൻ ആയിരുന്നു ..
ഒരു വയറ്റിൽ പിറന്നില്ല എങ്കിലും അവർക്ക് പരസ്പരം...

അവരുടെ ജീവിതത്തിൽ ജിൻസി ചേച്ചിക്ക് സന്തോഷം ആണെന്ന് കണ്ട ശേഷം മാത്രം ആണ് ആ പാവത്തിന് സമാധാനം ആയത്..

സൂസൻ ചേച്ചി വിവാഹം കഴിഞ്ഞ് അധികം വൈകാതെ തന്നെ ഗർഭിണി ആയി...അതിൽ ഏറ്റവും സന്തോഷവും ജിൻസി ചേച്ചിക്ക് ആയിരുന്നു...

കുഞ്ഞ് ജനിച്ചു കഴിഞ്ഞതും മിക്കപ്പോഴും അമ്മയെയും കുഞ്ഞിനെയും കാണാനും പോകും..

 അന്ന് തമാശ പറഞ്ഞത് ആണോ കാര്യമായി ആണോ എന്നറിയില്ല നിൻ്റെ മോനെ എനിക്ക് തരണം എന്ന് ...


നിൻ്റെ മമ്മയുടെ വിവാഹം കഴിഞ്ഞു രണ്ടു വർഷം കഴിഞ്ഞപ്പോൾ ആണ് നീ ജനിച്ചത്...

നീ ജനിച്ചപ്പോൾ അപ്പച്ചനും അമ്മച്ചിക്കും ഒക്കെ വലിയ സന്തോഷത്തിൽ ആയിരുന്നു...

അത് പോലെ റോയിച്ചൻ്റെ വലിയമ്മച്ചിയും ഒത്തിരി സന്തോഷത്തിൽ ആയിരുന്നു...

നിനക്ക് ആറു മാസം ഉള്ളപ്പോൾ ഒരു പനി വന്നു വലിയമ്മച്ചി മരിച്ചു..

പിന്നെ റോയിച്ചന് സ്വന്തം എന്ന് പറയാൻ നീയും മമ്മയും മാത്രം...
അവരുടെ സ്നേഹവും അവർക്ക് നിന്നോട് ഉള്ള സ്നേഹം കണ്ട് ദൈവത്തിനു പോലും അസൂയ തോന്നിയിട്ടുണ്ട് ..

അതാകും എല്ലാ സന്തോഷങ്ങൾക്കും മുകളിൽ കരിനിഴൽ വീഴ്ത്തിയ പോലെ നിന്നെയും തനിച്ചാക്കി മരണത്തിൻ്റെ രൂപത്തിൽ അവരെ തിരികെ വിളിച്ചത്.

റോബിച്ചൻ്റെ വിവാഹം കഴിഞ്ഞ് ഒരാഴ്ച കഴിഞ്ഞപ്പോൾ ചേച്ചിക്ക് എന്തോ ക്ഷീണം തോന്നി ഹോസ്പിറ്റലിൽ കാണിക്കാൻ പോയതാ .. അന്ന് നിനക്ക് 2 വയസ്സ് കഴിഞ്ഞ് നിന്നെ ജിബിച്ച നേ ഏൽപ്പിച്ച അവർ പോയത്..

ഹോസ്പിറ്റലിൽ പോയി കാണിച്ചു സന്തോഷ വാർത്ത ആയിരുന്നു... നിനക്ക് കൂട്ടിനൊരു വാവ വരുന്നു എന്ന സന്തോഷം ..

അത് വീട്ടിൽ വന്നു എല്ലാവരെയും അറിയിക്കാൻ വരുമ്പോൾ ആണ് എതിരെ വന്ന ഒരു നിയന്ത്രണം വിട്ട ലോറി കാറിലേക്ക് ഇടിച്ചു കേറിയത്... രണ്ട് പേരും അപ്പൊൾ തന്നെ മരിച്ചു...
 
ഓരോ പ്രാവശ്യം മമ്മയും പപ്പായെയും കുറിച്ച് കേൾക്കുമ്പോഴും അവളുടെ മനസ്സിൽ വേദന ഉണ്ടെങ്കിലും ഒരിക്കലും മറ്റുള്ളവർക്ക് മുന്നിൽ കരഞ്ഞു അത് പ്രകടിപ്പിക്കാൻ നോക്കില്ല.. ഏകാന്തതയിൽ അവളുടെ സങ്കടങ്ങൾ ഇറക്കി വെക്കും..

നിമ്മി വീണ്ടും തുടർന്നു..


ഒരു കുഞ്ഞ് പ്രാണനും ഭൂമിയിൽ പിറക്കാൻ അവസരം കിട്ടാതെ അപ്പനും അമ്മക്കും ഒപ്പം യാത്രയായി... ഒന്നിച്ചു മൂന്ന് പ്രാണൻ തിരിച്ചെടുത്തു..

ആ വാർത്തയുടെ ഷോക്കിൽ തകർന്നു പോയത് ആണ് ഒരു കുടുംബം....അമ്മച്ചിയുടെ പ്രാണൻ ആണ് അന്ന് പോയത്..


അതിനു ശേഷം നിനക്ക് വേണ്ടി ആണ് അമ്മച്ചി ഒന്ന് ചിരിച്ച് കണ്ടത്... അപ്പച്ചൻ ഉള്ള് കരയുന്നത് ഇന്നും നിൻ്റെ മമ്മയേ ഓർത്താണ്...

അച്ചാച്ചൻ മാർക്ക് അവരുടെ കുഞ്ഞി പെങ്ങൾ ഇല്ലാത്ത ദിവസങ്ങൾ ചിന്തിക്കാൻ വയ്യ...

അതോടെ ജിബിച്ചൻ സങ്കടങ്ങൾക്ക് കണ്ടെത്തിയ പരിഹാരം ആണ് മദ്യം...
ആരൊക്കെ പറഞ്ഞിട്ടും അവനത് ഉപേക്ഷിക്കാൻ തയാർ അല്ല... വിവാഹ ശേഷം മദ്യപാനം എന്നത് റൂബി ക്ക് ഉള്ളിൽ സങ്കടം ഉണ്ടെങ്കിലും അവളും ജിബിച്ചനെ തടയാൻ ശ്രമിക്കില്ല... ആ മനസിൽ പെങ്ങളുടെ വിയോഗം വർഷങ്ങൾ കഴിഞ്ഞിട്ടും ഉണങ്ങാത്ത മുറിവാണ് എന്നവൾ തിരിച്ചറിഞ്ഞത് കൊണ്ട് ...


ഇതിനിടയിൽ ആനി ചേച്ചി അനുവിനേ ഗർഭിണി ആയി..
അതുവരെ നിൻ്റെ കാര്യങ്ങളിൽ കുറച്ച് ശ്രദ്ധ ഉണ്ടായിരുന്നു..
പിന്നെ അതും ഇല്ല....അമ്മച്ചിയുടെ അവസ്ഥയാണെങ്കിൽ മകളുടെ ചിന്തയിൽ എല്ലാം കൊണ്ടും ഇവിടുത്തെ അവസ്ഥ മോശം...

സൂസൻ ചേച്ചി ഇടക്ക് വരുമ്പോൾ ഇവിടുത്തെ വിശേഷങ്ങൾ പറയും...

അങ്ങനെ ഒരിക്കൽ ചേച്ചി ചോദിച്ച് നിനക്ക് സെബിനേ കല്യാണം കഴിക്കാൻ ഇഷ്ടം ഉണ്ടോ.. 

എങ്കിൽ അപ്പച്ചനോട് പറയാം... റിച്ചു മോൾക്ക് ആരും ഇല്ല..
എൻ്റെ ജിൻസി പോയതോടെ എന്ന് പറഞ്ഞു കരയുന്നത് കണ്ടതും അന്ന് ഞാൻ തീരുമാനിച്ചു എനിക്ക് ഒരു ജീവിതം ഉണ്ടെങ്കിൽ അത് നിൻ്റെ മമ്മ ആയി എന്ന് .. ചേച്ചി തന്നെ ഇരുവീട്ടിലും പറഞ്ഞു. സെബി ച്ചനും അപ്പൊൾ ഒരു താങ്ങ് ആവശ്യം എന്ന് അറിയുന്നത് കൊണ്ട് വിവാഹവും നടന്നു...

നിനക്ക് 5 വയസ് ഉള്ളപ്പോൾ ഞാൻ നിൻ്റെ മമ്മ ആയി ഈ വീട്ടിലേക്ക് വന്നു....
പിന്നെ നിൻ്റെ കളി ചിരികളും വളർച്ചയും ആയിരുന്നു,
 ജന്മം കൊടുക്കാതെ അപ്പനും അമ്മയും ആയ ഞാനും ഇച്ചായനും ഒത്തിരി സന്തോഷത്തോടെ നോക്കികണ്ടത്....


അതൊക്കെ പറയുമ്പോൾ ആ കണ്ണുകളിൽ നിറയുന്ന സന്തോഷത്തെ റിച്ചു നോക്കി കാണുക ആയിരുന്നു...
സ്വന്തം കുഞ്ഞ് അല്ലാതിരുന്നിട്ടും ഇത്രയും സ്നേഹിക്കാൻ കഴിയുമോ എന്ന് ചിന്തിക്കുക ആയിരുന്നു....
 
 അവരുടെ വാക്കുകൾക്ക് കാതോർത്തു കൊണ്ട് വീണ്ടും....


പിന്നെയും ഒരു കുഞ്ഞ് എന്ന ചിന്ത വന്നത് ആനി ചേച്ചി രണ്ടാമത് ഗർഭിണി ആണെന്ന് അറിഞ്ഞ് അനുവിന് വാവയുണ്ട് എനിക്കും വേണം എന്ന് 12 മത്തെ വയസ്സിൽ വാശി പിടിച്ചു കരഞ്ഞ എൻ്റെ കുറുമ്പിയുടെ വാശിക്ക് മുന്നിൽ ആണ് ഇന്ന് നിച്ചുവും നിനക്ക് കൂടെ പിറപ്പായി ഉള്ളത്.. ... 

മതി കഥ കേട്ടത് കിടന്നു ഉറങ്ങി ക്കേ... നാളെ രാവിലെ പള്ളിയിൽ പോകാൻ ഉള്ളതാ...

\"\"\"മമ്മി ലവ് യു\"\"\"

\"\"ആഹാ എന്താ ഇപ്പൊൾ സ്നേഹം കൂടാൻ...\"\"
 
\"\"എനിക്ക് എപ്പോഴും എൻ്റെ മമ്മിയോട് സ്നേഹം ഉണ്ടല്ലോ എന്തെ തോന്നിയില്ലേ..\"\"\"
പരിഭവത്തോടെ ചോദിക്കുന്നവളേ കണ്ടതും 

\"\"കുറുമ്പ് കൂടുന്നല്ലോ...കല്യാണ പ്രായം ആയി കുഞ്ഞു...\"\"

\"\"സൂസൻ ആൻ്റി അങ്ങനെ ചോദിച്ചില്ല എങ്കിൽ എനിക്ക് മമ്മിയെ കിട്ടില്ല ആയിരുന്നു അല്ലേ...\"\"\"

എന്തോ ആലോചിച്ചു ഇരുന്നു ചോദിക്കുന്നവള കണ്ട് തുറിച്ചു നോക്കി.

\"\"\"ഡീ കിടന്നു ഉറങ്ങിക്കെ ..വേണ്ടാത്തത് ആലോചിക്കാതെ. \"\"\"

\'\"പറ മമ്മി...\"\"

\"\"നിൻ്റെ മമ്മ വർഷങ്ങൾക്ക് മുൻപ് പറഞ്ഞു വെച്ചത് പോലെ ആണ് ഞാൻ ഈ തറവാട്ടിൽ എത്തിയത്.. 

അതൊരു നിയോഗം ആവാം മകളുടെ സംരക്ഷണം എൻ്റെ കൈകളിൽ എന്നത്..

ഞാൻ അങ്ങനെ വിശ്വസിക്കുന്നു..\"\"\"

അത് പോലെ മറ്റൊന്ന് ആകാം നിൻ്റെ വിവാഹവും...

പിന്നെ എല്ലാം വിധി പോലെ....കർത്താവിൻ്റെ മുന്നിൽ സമർപ്പിക്കുന്നു ..അവൻ തീരുമാനിക്കട്ടെ എല്ലാം....

                 തുടരും...