ദിവസങ്ങൾ പിന്നെയുമൊരുപാട് ഓടിയകന്നു...കിലുക്കാംപെട്ടിയായ ശരണ്യ എല്ലാവരുടെയും പ്രിയപ്പെട്ടവളായി...കത്തി വയ്ക്കാൻ ഒരാളെ കിട്ടിയാൽ വധിച്ചു വശം കെടുത്തുന്ന കിച്ചുവിനെപ്പോലും തോൽപ്പിച്ചു കളഞ്ഞു അവൾ... എന്തിന്... ഏത് നേരവും അനുവിന്റെ അടുത്ത് പോയിരുന്ന് നിർത്താതെ ചിലച്ചു കൊണ്ടിരിക്കും ആ പെണ്ണ്.. ഒടുവിൽ ഭാനുവോ ജിത്തുവോ വന്ന് ചെവിക്ക് പിടിച്ച് തൂക്കിയെടുക്കേണ്ടി വരും അവളെ...ഭാനു നന്നായി തന്നെ പഠിച്ച് കൊണ്ടിരുന്നു.. എന്നത്തേയും പോലെ അദ്ധ്യാപകരുടെ പ്രിയപ്പെട്ടവളാകാൻ അവൾക്ക് അധികം സമയം വേണ്ടി വന്നില്ല... മലയാള കവിതകൾ എഴുതാനുള്ള അവളുടെ കഴിവ് കോളേജിലെ സാഹിത്യ
