ഭാഗം 8 അപ്പു പിന്നെയും ടീവി കാണാൻ തുടങ്ങി. ഞാൻ വീടിന്റെ ടെറസിലേക്ക് കയറി. അവിടെ അച്ഛൻ നട്ട് വളർത്തിയ ചെടികൾ അമ്പിളിമാമനോട് കിന്നാരം പറയുന്ന തിരക്കിലായിരുന്നു. നിലാവിന്റെ വെളിച്ചത്തിൽ പൂക്കൾ തിളങ്ങി. തണുത്ത കാറ്റ് എന്റെ മനസ്സിൽ ഒരു കുളിർമഴപോലെ പെയ്തിറങ്ങി. പെട്ടന്ന് ആരുടെയോ കയ്യ് എന്റെ ചുമലിൽ പതിച്ചു. ഞാൻ തിരിഞ്ഞു നോക്കി. അച്ഛനായിരുന്നു അത്. \"മോനെ എന്താ ഇവിടെ നിൽക്കുന്നെ നീ ഇങ്ങോട്ടേക്ക് കയറാറില്ലല്ലോ \" \"അച്ഛാ...അത് മനസ്സിന് എന്തോ ഒരു മടുപ്പ് പോലെ \" \"എന്താ എന്തായാലും അച്ഛനോട് പറഞ്ഞോ \" \"ഒന്നുമില്ല അച്ഛാ \" ഞാൻ എന്താ അച്ഛനോട് പറയാ....എന്റെ പെരുമാറ്റം കൊണ്ട്