ജൂൺ 19,

പി എൻ പണിക്കരുടെ 'ചരമദിനം',

മലയാളിക്ക് 'വായനാദിനം..'

കേരളത്തിലുടനീളം ലൈബ്രറികൾ ആരംഭിക്കാൻ പ്രവൃത്തിച്ച സാമൂഹിക പ്രവർത്തകനായിരുന്നു അദ്ദേഹം.

     പുസ്തകം ഒരു വാതിലാണല്ലോ..! 

വാതിൽ തുറന്ന് പുറത്തിറങ്ങിയാലല്ലേ അകവും പുറവും തിരിച്ചറിയാനാവൂ. വായിക്കുന്ന ഒരാളുടെ ചിന്താഗതി വ്യത്യസ്തമാണ്. 'എല്ലാവരും വായിക്കണം' എന്ന്,

വായിക്കുന്ന എല്ലാവരും ചിന്തിക്കാറുണ്ടോ?

ഉണ്ടാകാൻ വഴിയില്ല. അതുകൊണ്ടാണല്ലോ 'വായനാദിനം..' എല്ലാവർഷവും ആഘോഷിക്കപ്പെടുന്നത്.

       വായന ശീലമാക്കുന്ന ആളുകൾ, പിന്നീട് സൗമ്യസ്വഭാവക്കാരും മിതത്വം ഉള്ളവരും നല്ലവരും ആയി മാറാറുണ്ട്. അതുകൊണ്ടുതന്നെ, എല്ലാ മനുഷ്യരും വായിക്കാൻ തുടങ്ങിയാൽ നമ്മുടെ 'സാമൂഹിക പശ്ചാത്തലത്തിൽ' തിരിച്ചറിവുള്ള, വിവേകമുള്ള, വീണ്ടുവിചാരമുള്ള ഒരു നാളെയെ സൃഷ്ടിക്കാൻ കഴിയും…

      വായന അലങ്കാരമല്ല, ആവശ്യമാണെന്ന്‌ ബോധ്യപ്പെടാൻ കുറച്ചു സമയമെടുക്കും. എന്തായാലും, ആ സമയം എല്ലാവരിലും വേഗം വന്നുചേരട്ടെ എന്ന് ആശിക്കാം..

വായിച്ചതിന് നന്ദി…🙏