വേഷം മാറി താഴെ നസ്രു എത്തുമ്പോയേക്കും ഇഞ്ഞു എല്ലാരോടും കൂട്ടായിരുന്നു. 

-----------------------------------------------------------------------


(തുടരുന്നു.........)

തേനിനെ പൊതിഞ്ഞ തേനീച്ച കൂട്ടം പോലെ എല്ലാം ഇഞ്ഞുനെ പൊതിഞ്ഞിരിക്കുവാണ്😉. എന്തോ അത് കണ്ടതും നസ്രുന്റെ കണ്ണ് നിറഞ്ഞു🥺.


"എടി കാന്താരി, നിനക്ക് ശരിക്കും ഒന്നും ഓർമില്ലേ🤨?"-അന്തം വിട്ട് Nishu അത് ചോദിച്ചതും ഇഞ്ഞു ഇല്ലാ എന്ന തലയാട്ടി.

"അത് എന്ത് വാർത്താനാ, ഇയ്യല്ലേ പറഞ്ഞേ എനിക്ക് പറ്റിയ ഒരു പെണ്ണിവിടെ ഇണ്ടെന്ന്. എന്നിട്ടിപ്പോ....ഇത് ഒറങ്ങി കെടന്നവനെ ഉണ്ണാൻ വിളിച്ചേച്ചും ചോറില്ല എന്ന് പറഞ്ഞ പോലെ ആയല്ലോ😌"-സങ്കടം നടിച്ച് കൊണ്ട് Nishu അത് പറഞ്ഞ് നിർത്തിയതും, അവന്റെ മുതുക് നോക്കി ഒന്ന് പൊട്ടിയതും ഒരുമിച്ചായിരുന്നു.


"ആരാ ഇപ്പിവിടെ പടക്കം പൊട്ടിച്ചേ..."-ഞെട്ടി തിരിഞ്ഞ് കൊണ്ട് Aashna അത് ചോദിച്ചതും അതാ നിക്കുന്നു സൈനബ കലിപ്പോടെ😠.

അത് കണ്ട് എല്ലാരും ചിരിക്കാൻ തുടങ്ങി🤣..

"ഇങ്ങനെ പോയാൽ അന്നെ ഞാൻ കോഴിക്കട ഹംസാക്കാക്ക് അങ്ങ് വിക്കും സൂക്ഷിച്ചോ...😬"-സൈനബ

"അതെന്തിനാ സൈനുമ്മ അവിടെ കൊണ്ട് വിക്കുന്നേ, ഇവിടെ എവിടേലും വിറ്റാ പോരേ🤔" എന്നും ചോദിച്ച് ഇഞ്ഞു സൈനബാന്റെ അടുത്തേക്ക് ചെന്നു. 

എല്ലാവരും സൈനബാനെ നോക്കുവാർന്നു😶.

"അത് വേറൊന്നല്ല, ഹംസാക്ക പറഞ്ഞിരുന്നു, തടിച്ച് കൊയ്ത്ത കോഴിക്കെല്ലാം നല്ല വെല തരാന്ന്. ഓനെ കൊണ്ട് പ്രത്യേകിച്ച് വേറെ ഉപകാരമൊന്നും ഇല്ല. പെടക്കോഴിയാണോ, പൂവനാണോ എന്ന്മൂപ്പര് തീരുമാനിക്കട്ടെ😏"-സൈനബ പറഞ്ഞ് നിർത്തിയതും അവിടെ ഒരു കൂട്ടച്ചിരി മുഴങ്ങി😂.

 എല്ലാവരും അതിൽ പങ്കുചേർന്നു.


"ഉമ്മി എന്താ ഞാൻ 🐓കോഴിയാണ് എന്നാണോ പറേണെ😮?"-Nishu

"അതേല്ലോ, വല്ല കണക്കും ഇണ്ടോടാ അനക്ക്. എത്ര എണ്ണത്തിന്റെ പ്രാക്ക് മേടിച്ച് കൂട്ടുണ്ടാവുംന്ന് വല്ല ബോധവും ഇണ്ടാ😠? അതൊക്കെ പോട്ടെ, ഇന്നാള് സമദിന്റെ വീട്ടില് മൗലൂദിന് വന്നിട്ട് അവന്റെ പെങ്ങളെ തന്നെ കുപ്പിയിലാക്കിയില്ലാരുന്നോ🤨. ഇപ്പൊ ഇതാ വേറൊരെണ്ണത്തിനെ😡"-കൊറച്ച് കലിപ്പിട്ട് തന്നെ സൈനബ പറഞ്ഞ് നിർത്തി.


"ഉമ്മി അത് ഞാനല്ല ഓളാ നിർത്തിയേച്ചും പോയത്🙁"-Nishu

"പിന്നെ😏, പ്രേമിക്കുമ്പോ കൊറച്ചൊക്കെ ആത്മാർഥത വേണമെടാ. ഓൾടെ പേരൊഴിച്ച് നാട്ടിലുള്ള എല്ലാ പെണ്ണുങ്ങൾടെ പേരും ഇയ്യ്‌ ഓളെ വിളിച്ച്, ആ അന്നെ ഓള് ന്താ ചെയ്യണ്ടത്🤨"-Jafri


"ഓളായതോണ്ട് മോന്റെ കയ്യും കാലൊക്കെ ഇപ്പഴും ദേഹത്തിണ്ട്😎. ദോ Fidhaയോ മറ്റോം ആയിരിക്കണം, മോനെ പിന്നെ ഇനി ഒരു പെണ്ണിന്റേയും പേര് പറയാൻ പറ്റാത്ത അവസ്ഥ ആക്കിയേനെ😏"-എന്തോ വലിയ ഒരു കാര്യം പറഞ്ഞ ആത്മസംതൃപ്തിയോടെ ജഫ്രിയെ നോക്കിയാ Swali കണ്ണ് കൊണ്ട് കഥകളി കളിക്കുന്ന ഹനൂനേം ജുനൂനേം ആണ് കണ്ടേ🤨. 
 
ഇതെന്താ ഇപ്പോ കഥ എന്നും ആലോയ്ച്ച് ഓനും അവരുടെ കൂടെ കഥകളിക്കുമ്പഴാ, ഇഞ്ഞു ഓനെ തിരിച്ച് നിർത്തിയത്😮. നിശൂന്റെ സന്തോഷം കണ്ടപ്പയെ ഒരു വശപ്പിശക് തോന്നി, തല ചെരിച്ച് നോക്കിയപ്പോ കണ്ടു, അവനെയും നോക്കി കണ്ണും കൂർപ്പിച്ച് നിക്കുന്ന ഓന്റെ പെണ്ണിനെ😠.

"അയ്യോ, ഇവളെപ്പോ വന്ന്😱"-Swali

"ഞാൻ വന്നിട്ട് 21 കൊല്ലായി, പിന്നെ ഇവിടെ വന്നതാണ് ഉദ്ദേശിച്ചതെങ്കില് ജഫ്രിക്ക പറഞ്ഞ് തൊടങ്ങിയപ്പോ മുതല് ഇവിടെ നിക്കുണ്ടായിരുന്നു😤"-Fidha
"അത് ഞാൻ നിശൂനെ ഒന്ന് ഉപദേശിച്ചതാ, നീ തെറ്റുധരിക്കാതെ🤥" പറഞ്ഞ് പൂർത്തിയാക്കാൻ സമ്മതിക്കാതെ Fidha: "✋🏻കെടന്നുരുളണ്ടാ ഇങ്ങക്കിത്തിരി കൊഴുപ്പ് കൂടുതലാ. ശെരിയാക്കിതരുണ്ട് ഞാൻ😬"-എന്നും പറഞ്ഞ് അവള് അകത്തേക്ക് പോയി, പിന്നാലെ അവളെ സമാധാനിപ്പിക്കാനെന്നോണം സ്വാലിയും.

"അല്ല Nishu,ഓളെന്നാത്തിനാ അന്നെ ഇട്ടേച്ചും പോയെ?🤔"-നിശൂന്റെ തോളിലൂടെ കയ്യും ഇട്ട് ജിജ്ഞാസയോടെ ഇഞ്ഞു അത് ചോദിച്ചതും Nishu ഒരു വഷളോടെ എല്ലാരേയും നോക്കി🤗.

"പറഞ്ഞ് കൊടുക്കടാ, ഓൾക്ക് ഓർമില്ലാത്തോണ്ടല്ലേ😉"-Jafri ഇഞ്ഞുനെ support ചെയ്ത്.

"മ്മ്🙃, അത് ഒരീസം ഞാൻ ഓളെ pick ചെയ്യാൻ വേണ്ടി ഓൾടെ collegeക്ക് പോയീന്. പക്ഷേ class കഴിഞ്ഞിട്ടില്ലായിരുന്ന്. എന്നെ അവിടെ കണ്ട് കൊറേ പേര് ന്റെ അടുത്ത് വന്ന് ചോയിച്ച് ആരെയേലും വിളിക്കാനാണോന്ന്. എനിക്കാണേൽ ഓൾടെ പേരും ഓർമവന്നീലാ😉, അതോണ്ട് ഓരോടൊന്നും പറഞ്ഞില്ല. ഒന്നൊന്നര മണിക്കൂർ കഴിഞ്ഞപ്പഴാ ഓള് വന്നേ. ഞങ്ങള് എറങ്ങാൻ നിക്കുമ്പോ നേരത്തെ എന്നോട് സംസാരിച്ച ഒരു ചെർക്കൻ വന്നു.

"ഇക്ക ഇവൾക്ക് വേണ്ടി ആർന്നോ, ഈ ഒന്നൊന്നര മണിക്കൂർ ഇവിടെ വെയ്‌ലും കൊണ്ട് നിന്നേ🤔"-That ചെർക്കൻ

Nishu ഒന്ന് ചിരിച്ചു.

"ഇക്ക വന്നിട്ട് കൊറേ നേരായോ, ആരെയേലും വിട്ട് എന്നെ വിളിപ്പിക്കായിരുന്നില്ലേ🙂? ഞാനാണേൽ ക്ലാസ്സിന്ന് എന്ത് പറഞ്ഞ് ചാടുംന്ന് ആലോയിച്ച് ഇരിക്കാർന്നു. ഇങ്ങളെന്താ ന്നെ വിളിച്ചില്ലാ🤨?" അവൾടെ കുഞ്ഞുകുട്ടികളെ പോലെയുള്ള ചോദ്യത്തിൽ ഞാൻ മൂക്കും കുത്തി വീണ്, അറിയാതെ സത്യം പറഞ്ഞ്.
"അന്റെ പേര് എനിക്ക് മറന്നോയി, അതാ പിന്നെ😐" പറഞ്ഞ് തീർന്നില്ല അവൾടെ കുഞ്ഞുങ്ങൾടെ മുഖം വലിഞ്ഞ് മുറുകാൻ തൊടങ്ങി. ഞാൻ വേഗം റൂട്ട് മാറ്റി പിടിച്ഛ്. "പറ്റിച്ചേ🤗..... class miss ആവണ്ടാന്ന് കരുതി വിളിക്കണ്ടിരുന്നതാ😉" പക്ഷെ ഓൾഡ് മുഖത്തിനൊരു തെളിച്ചവും വന്നില്ലാ.
"എന്നാ എന്നെ പേരെടുത്ത് വിളിച്ചെ, ഞാൻ കേക്കട്ടെ😎"-അവള്ജു"അള്ളോഹ്😨, ഞാൻ പെട്ടു. ഞാൻ എന്ത് വിളിക്കാനാ ഓളെ"-ന്റെ mindvoice ആണേ.
"എന്താ ആലോയ്ക്കണേ, വിളിക്ക്😊" "ഓഹ്, ഈ കുരുപ്പ്, ഇന്ന് എന്റെ മയ്യത്തെടുക്കും, ആ അലവലാതി ചേർക്കൻ. അവനെ മതിവരുവോളം സ്മരിച്ച് ഞാൻ എന്റെ മനസ്സില് വന്ന പേര്കളൊക്കെ പറഞ്ഞു🤠: "Aisha, Noora, Tara, Sara, Aliah, Farha, Faiza, Afeefa.............................."

അവളുടെ മുഖം മാറാൻ തുടങ്ങി😡. 

ഇതൊന്നും അല്ലെങ്കിൽ പിന്നെ എന്താ. ഇനിയും പറയാൻ പേരിന്റെ stoke തീർന്നത് കൊണ്ടും, അവൾക്ക് ദേഷ്യം വരാൻ തുടങ്ങിയത് കൊണ്ടും ഞാൻ ചോയ്ച്ചു: "ഒരു clue തായോടി😊" അത് ചോദിച്ചത് മാത്രം എനിക്ക് ഓർമയിണ്ട്🤧. പിന്നെ ആരൊക്കെയോ ചേർന്ന് വെള്ളം തെളിച്ചപ്പഴാ ബോധം പോയത് പോലും ഞാൻ അറിഞ്ഞേ......

കേട്ടതൊന്നും വിശ്വാസം വരാതെ ഇഞ്ഞു നിശൂനെ ആദ്യായിട്ട് കാണണ പോലെ നോക്കുവാണ്🙄. നിശുവാണെൽ കണ്ണിൽ കയ്യും ഇട്ട്, സങ്കടം വരുത്തിയോണ്ടിരിക്കുവാ🤭.
"ഡാ, പന്നി നിർത്തിക്കോ നിന്റെ മൊതല കണ്ണീര്. ഇല്ലാച്ചാ അന്നെ ഉള്ളി അരിയാൻ കൊണ്ടാക്കും നോക്കിക്കോ😏"-സെയ്ഫു
"എന്ത് ദാരിദ്ര്യാ ഇങ്ങളൊക്കെ, കൊറചേലും blood വേണം eyesല്😶"-Nishu
"മോനെ നിഷ്കു, അന്റെ show ഇപ്പ ഇയ്യ്‌ നിർത്തീലേല് അന്റെ മേത്ത്ള്ള 5 Litre bloodഉം ഞങ്ങളൂറ്റും, കാണണാ അനക്ക്💪"- എന്നും ചോദിച്ച്, ജുനു നിശൂന്റെ തോളിലൊന്ന് തട്ടി.


"എന്തിനാ ഉമ്മി ഇങ്ങനെ വിളിച്ച് കൂവണെ. ഞാൻ ദാ വന്നു😁" എന്നും പറഞ്ഞ് nice ആയിട്ട് Nishu മുങ്ങി.

"ഞാൻ കേട്ടില്ലാലോ സൈനുമ്മ വിളിക്കണത്"-ഇഞ്ഞു
"അതങ്ങനാടി കാന്താരി, കോഴികൾക്ക് മാത്രേ കേൾക്കു😅" അവരെ ചോറ് കഴിക്കാൻ വിളിക്കാൻ വന്ന സൈനുമ്മ പറഞ്ഞു.
"അപമാനിച്ച് കഴിഞ്ഞെങ്കില് കഴിക്കാൻ പോയാലോ🤗"-Nishu
"കാട്ടുപോത്ത് പോലും മാറി നിക്കും, അപാര തൊലി കട്ടി തന്നെ🥴"-അങ്ങോട്ടേക്ക് വന്ന നദീർ എന്ന നിശൂന്റെ വാപ്പി പറഞ്ഞു.
എല്ലാം കേട്ടിട്ടും ഇതൊന്നും എന്നെ ബാധിക്കുന്നില്ലാ എന്ന മട്ടില് Nishu പോയി Dining Tableല് സ്ഥലം പിടിച്ചു😉. 


കൂടെ ഇരിക്കുന്ന ജിഫ്രൂം ആയി നിശൂന്റെ അടുത്ത അംഗം🙃.
"ണി പോതാ നിചു. ഇതെന്തയാ വിത്😡"-Jifru
(നീ പോട നിച്ചു. ഇതെന്റെയാ, വിട്)

Nishu ഉണ്ടോ അത് കേക്കണ്. ചങ്കരൻ വീണ്ടും തേങ്ങിമ്മ തന്നെ എന്നാണല്ലോ. ഓൻ പിന്നേം ജഫ്രുന്റെ പത്രത്തിൽന്ന് ചിക്കൻ piece എടുത്ത്🤗.

"ദാ പത്തി, അൻത്ത് പഞ്ഞാ അത് ന്തെ ആണ്ന്ന്🤬" 
(ഡാ പട്ടി, അന്റടുത്ത് പറഞ്ഞാ അത് എന്റെ ആണെന്ന്)
എന്നും പറഞ്ഞ് Jifru നിശൂന്റെ കയ്യിലൊരു കടി അങ്ങ് കൊടുത്ത്. കലാസ്‌!!!!! എല്ലാം ശരിയായി😂. കിട്ടേണ്ടത് കിട്ടിയപ്പോ ഓനങ് ready ആയി🥵.

"ഇത് ജിഫ്രൂന് നേരത്തെ കൊടുക്കായിരുന്നു😏" സൈനുമ്മയാണേ.
ജിഫ്രു ആട്ടെ കുഞ്ഞി പല്ലും കാണിച്ച് കൈകൊട്ടി ചിരിക്കണു🥰. അവനെ എന്തേലും ചെയ്യാൻ നിന്നാ ഇന്ന് പട്ടിണി ആവുമെന്നറിയാവുന്നത് കൊണ്ട് Nishu അങ്ങ് നല്ലകുട്ടിയായി😶.

ഭക്ഷണമൊക്കെ കഴിഞ്ഞ്, ജഫ്രിന്റെ കല്യാണ C.D ഇടാൻ പോയ സെയ്ഫുനേ മാമു ഓടിച്ച് വിട്ടു.

"ഇന്ന് discharge ആയി വന്നിട്ടല്ലേ ഉള്ളു, അവളൊന്ന് rest എടുക്കട്ടേ. വന്നപ്പൊ മുതല് എല്ലാം കൂടി അവൾടെ ചെവി തിന്നുവല്ലയിരുന്നോ?"


അങ്ങനെ എല്ലാരും ഉറങ്ങാൻ പോയി. 


നസ്രുന് മാത്രം ഉറക്കം വരുന്നില്ലായിരുന്നു,       
താൻ ചെയ്ത, ഇനി ചെയ്യാൻ പോവുന്ന പാപത്തെ ഓർത്ത് അയാൾ ഉള്ളാൽ വെന്തുനീറുകയായിരുന്നു.

 

നീണ്ട വരാന്തയിലൂടെ മുഖം മറച്ച uniform ഇട്ട് നടക്കുന്ന ഒരു ചെറുക്കൻ. അവന് പിന്നിലായി നടക്കുന്ന uniform ധരിച്ച ഒരു പെൺകുട്ടി. അവളെന്തൊക്കെയോ സംസാരിക്കുന്നുണ്ട്, പക്ഷെ അവനൊന്നും കേട്ടതായി പോലും ഭാവിക്കുന്നില്ലാ. അവന്റെ നടത്തത്തിന്റെ speed കൂടി, അവളാണേൽ അവന് പിറകെ തന്നെ പോയി. ആ പെണ്ണിന് ഇഞ്ഞുന്റെ മുഖമായിരുന്നു, പക്ഷെ ആ ചെക്കന്റെ മുഖം മറച്ചിരിക്കുകയാണ്. പക്ഷെ ആ കണ്ണുകൾ അതുമാത്രം എടുത്ത് കാണുന്നുണ്ടായിരുന്നു. പെട്ടന്ന് അവൾ അവന്റെ മുന്നിൽ കയറി നിന്നു, എന്നിട്ട് ആ മുഖം മൂടി അഴിക്കാൻ ശ്രമിച്ചു, അവൻ അവളെ തട്ടി മാറ്റി. അവൾ വീണു.



കിടക്കയിൽ നിന്നും നല്ല അന്തസ്സായി താഴെ വീണപ്പഴാ ഇന്നും സ്വപ്നം കണ്ടതാണ് എന്ന് ഇഞ്ഞുന് ബോധം വന്നത്.പക്ഷെ ആ കണ്ണുകൾ അവളുടെ മനസ്സിൽ പതിഞ്ഞു നിന്നു.

എന്തോ ആലോചിച്ച് അവൾ റൂം മുഴുവനും അരിച്ച് പെറുക്കാൻ തുടങ്ങി. അന്വേഷിച്ച സാധനം കയ്യിൽ കിട്ടിയതും അവളുടെ മുഖം തെളിഞ്ഞു. പേനയും പേപ്പറും. അവൾ അതിലെന്തൊക്കെയോ കുത്തിവരഞ്ഞു.  




Working റൂമിൽ നിന്നും വെളിയിലേക്ക് വന്ന സലീമും നസ്രുവും ഇഞ്ഞുന്റെ മുറിയിൽ വെളിച്ചം കണ്ട്, അവിടേക്ക് ചെന്നു. വാതിൽ തുറന്നപ്പോഴുണ്ട് എന്തോ കാര്യായിട്ട് വരക്കാണ് ഓള്.


"മോളോറങ്ങീലെ?"-പപ്പയുടെ ചോദ്യം കേട്ട് ഇഞ്ഞു ഒന്ന് ഞെട്ടി തിരിഞ്ഞു.

"കെടന്നതായിരുന്നു, ഇപ്പൊ എണീച്ചതാ"

"അല്ലാ ഇതെന്താ കുത്തികുറിക്കണേ?"-മാമു

"ഒന്നൂല്ല്യാ, ചുമ്മാ ഒറക്കം വരാത്തോണ്ട്. അല്ലാ, ഇങ്ങള് രണ്ടാളും എന്താ ഒറങ്ങാത്തെ"

ആ ചോദ്യം അവർ പ്രതീക്ഷിച്ചിരുന്നില്ല, എന്ത് പറയണം എന്ന് അറിയാതെ സലീം നസ്രുനെ നോക്കി:

"ഞങ്ങള് അളിയന്മാർക്ക് കൊറേ വിശേഷങ്ങളൊക്കെ പറയാനിണ്ടല്ലോ. അതൊക്കെ പറഞ്ഞ് നടക്കാർന്നു, അപ്പഴാ ഇവിടെ light കണ്ടേ"-മാമു   

രണ്ടുപേരെയും ഒരു കള്ളാ ചിരിയാലെ നോക്കി ഒന്ന് മൂളികൊടുത്തു.





രാത്രി കിടക്കാൻ വൈകിയത് കൊണ്ട് തന്നെ രാവിലെ 10 മണി ആയിട്ടും ഇഞ്ഞു എണീട്ടില്ലായിരുന്നു. ആരും ശല്യം ചെയ്യാനും പോയില്ല. പക്ഷെ നമ്മുടെ ജഫ്രുട്ടന് അതെന്തോ സഹിച്ചില്ല തോന്നുന്നു. കുഞ്ഞി പല്ലും കാട്ടി ഇളിച്ചോണ്ട്, ആരും കാണാതെ ഓൻ ഇഞ്ഞുന്റെ റൂമില് കേറി, ഓൾടെ മുതുകില് കേറി കെടന്ന്: "വാവോ, വാവാവോ.... ചാച്ചിക്കോ ഞ്ഞു ചാച്ചിക്കോ...."

കുഞ്ഞിന്റെ ശബ്ദം കേട്ട് ഇഞ്ഞു കണ്ണുതുറന്നു. അവനെയും എടുത്ത് താഴേക്ക് ചെന്നു.

""ആ ഇവനെ എവിടന്ന് കിട്ടി, ബാബി വീട് മുഴുവൻ തിരയിണ്ടായിരുന്നു"-അവരെ കണ്ടതും Fidha പറഞ്ഞു.

"അത് കൊള്ളാ, ഇങ്ങളൊക്കെ എന്നെ മറന്നില്ലേ. ഓനാ എന്നെ എണീപ്പിച്ചേ"

"ഇപ്പൊയെ ഉറങ്ങാൻ പറ്റൂ, വേണേൽ പോയോറങ്ങിക്കോ"Nishu

"ഓഹ്, വേണ്ടായേ... വെശന്നിട്ട് കണ്ണ് കാണാൻ മേല, വല്ലോം ഇക്ക ബാക്കി വച്ച്ക്ക"-നിശൂനെ niceല് താങ്ങി കൊണ്ട് ഇഞ്ഞു ചോയ്ച്ചു.

"വന്നിരിക്ക് മോളെ, ഓനോട്‌ സംസാരിച്ച് സമയം കളയാണ്ട്"-സൈനുമ്മ എപ്പഴും നിശുക്കാനെ target ചെയ്തിരിക്കണെന്നത് ഇഞ്ഞു ഓർത്തു. 

Food അടിയെല്ലാം കഴിഞ്ഞതും എല്ലാരും ചേർന്ന് ജെഫ്രിന്റെ കല്യാണ video കാണാൻ ഇരുന്ന്.

Video കണ്ട് മറ്റുള്ളോരെ comment അടിക്കാണ് എല്ലാരും. ഇഞ്ഞു ആട്ടെ videoയിൽ, അറിയാതെ പോലും cameraക്ക് നോക്കണില്ല. അവള് വേറെ എവിടോ ശ്രദ്ധിക്കാണ്‌.

"അല്ല ഇക്കൂസേ... ഞാൻ ഇതെവിടെക്കാ നോക്കി ഇരിക്കണേ" videoയിൽ നിന്നും കണ്ണെടുക്കാതെ ഇഞ്ഞു അവരോട് ചോയ്ച്ചു. പെട്ടന്നാണ്, videoയില് ഇഞ്ഞുനെ ആരോ വഴക്ക് പറേണത്, ഒരു ചെറുപ്പക്കാരൻ. അവൻ പറേണതൊക്കെ ചുമ്മാ കേട്ട് നീക്കുവാണ് ഇഞ്ഞു. Videoയിൽ കൊറേ ഭാഗത്ത് അവന്റെക്കന്ന് ചീത്ത മേടിക്കിണ്ട് ഓള്‌. 

Video കണ്ട് കഴിഞ്ഞ് വല്ലാത്ത ആലോചനയ്‌ലാ ഇഞ്ഞു, അത് കണ്ട ജുനു ഓൾടെ കയ്യിലൊരു നുള്ള് വച്ചു കൊടുത്തുകൊണ്ട് ചോയ്ച്ചു: "എന്താടി കുരുപ്പേ, ആലോയ്ക്കണേ?"

"ഔ നിക്ക് വേദൻച്ചൂ" എന്നും പറഞ്ഞ് ഇഞ്ഞു മുഖം വീർപ്പിച്ചു.

"ഇതിനൊന്നും ഒരു കൊറവും ഇല്ലാ, നീ എന്താ ഇത്ര തോനെ ചിന്തിച്ച് കൂട്ടണേ..."- ജുനു വീണ്ടും കാര്യം തിരക്കി.

"വേറൊന്നു അല്ല ദാ ആ മൊതലി നിട്ടൊരു പണി കൊടുക്കണ്ടേന്ന് ആലോയ്ച്ചതാ" എന്നും പറഞ്ഞ് ഇഞ്ഞു Videoയില് വഴക്കിട്ടിരുന്ന പയ്യനെ കാണിച്ചുകൊടുത്തു. ഓരെല്ലാം പന്തം കണ്ട പെരുച്ചായി കണക്കേ കണ്ണും തള്ളി ഇരിക്ക്ണൂ

"ടീ കാന്താരി ഞങ്ങകൊക്കെ ഇയ്യെന്താ ഖബറിക്ക്ള്ള direct visa അടിച്ച് തരുവാണോ?"-Jafri

"ഓർമ മാത്രല്ലേ മോളേ പോയുളളു, ജീവനും പോണംന്നുണ്ടാ?"-സെയ്ഫു

"ഓന്റെകന്ന് കിട്ടിയതൊക്കെ മറന്ന് പോയില്ലേ ഇക്കാ, അതായിരിക്കും ഓള് വീണ്ടും കേറി പണിയാൻ നടക്കണത് അവന്"-Nishu  
ഇത് കേട്ടപ്പൊ തന്നെ ഇഞ്ഞുന് ദേഷ്യം വരാൻ തുടങ്ങി. "ഇങ്ങളൊക്കെ ഒന്ന് നിർത്തിണ്ടാ. പറേണ കേട്ടാ ആൾക്കാര് കര്തും ഓനെന്തോ വല്യ സംഭവാണ്ന്ന്"

"അത് പിന്നെ അങ്ങനെ തന്നെ അല്ലേ, ജിഫ്രിക്കാക്ക് വരെ... അല്ലാ സലീപ്പാക്ക് വരെ പേടിയാ ആ rowdyനെ"-Dinu

"ഇങ്ങളെന്തൊക്കെ വേണേലും പറഞ്ഞോ, ആവനിക്കിട്ടൊരു പണി ഞാൻ കൊടുക്കിണ്ട്"-ഇഞ്ഞു

"ആർക്ക് പണി കൊട്ക്ക്ണ കാര്യാ മോളേ ഇയ്യ്‌ പറയണേ?"-അവരുടെ സംസാരം കേട്ട് വന്ന Jaseela(സലീമിന്റെ wife) ചോയ്ച്ചു.

"ഉമ്മാടെ മോന്ക്ക്ള്ള പണി തന്നേ"-Hanu

Jaseela സെയ്ഫുനെ നോക്കിയപ്പോ ഓൻ എനിക്കല്ലാ, എന്ന് തലയാട്ടി. സംശയത്തോടെ വീണ്ടും അവർ ഹനുനെ നോക്കിയപ്പോ ഓനെന്തോ പറഞ്ഞത് കേട്ട്, ജസീലയും അന്തം വിട്ടു.

"സയ്നൂനോ?"-വിശ്വാസം വരാത്തത് പോലെ അവർ എല്ലാവരേയും നോക്കി. ഞങ്ങളല്ല, എല്ലാം ഈ
കുറിപ്പാണ് എന്ന മട്ടിൽ അവർ ഇഞ്ഞുനെ ചൂണ്ടി കാണിച്ചു.


"ആഹ്, ആ rowdyക്ക് ഇട്ട് തന്നെ. ഒന്ന് മിണ്ടാൻ പോവുമ്പത്തിനും എന്തൊരു ജാഡയാണ് അവൻക്ക്, കാണിച്ച് കൊടുക്കിണ്ട് ഞാൻ"-എന്നും പറഞ്ഞ് ഇഞ്ഞു അവരെ നോക്കി.

"പണി കൊട്ക്ക്ണതൊക്കെ ശരി, ഓന്റെ മുന്നില് ചെന്ന് rowdy, saudiന്നെങ്ങാനും വിളിച്ചാ പിന്നെ നേരെ അന്നെ പള്ളിക്കാട്ടിക്ക് എട്ക്കാൻ പോലും ഓൻ ബാക്കി വച്ചേക്കില്ല, പറഞ്ഞില്ലാ വേണ്ടാ" എന്നും പറഞ്ഞ് ഉമ്മ അവളുടെ അടുത്ത് വന്നു.

"അതൊക്കെ ഞാൻ ഏറ്റു"-ഇഞ്ഞു

"അല്ലെടി, ഇത്രേം കൊല്ലം ഈ ധൈര്യൊക്കെ എവിടെ ഒളിപ്പിച്ച് വച്ചിരിക്കാർന്നു, കൊച്ചുഗള്ളി"-എന്നും പറഞ്ഞ് Nishu അവളെ ഒന്ന് തട്ടി.

പ്രതീക്ഷിക്കാത്തത് ആയോണ്ട് ഓളൊന്ന് വീഴാൻ പോയി, പക്ഷെ staircaseന്റെ കമ്പിയില് പിടിച്ച്. ഇനി അവിടെ നിന്നാ ശരിയാവൂലാന്ന് അറിഞ്ഞപ്പോ ഓൻ വെളീക്ക് ചെന്ന്. വെളീല് gardenന്റെ sideല് ആയി ഇട്ടിരിക്കുന്ന chairല് ഇരുന്ന് Instaയില് കേറി postകളൊക്കെ scroll ചെയ്തോണ്ടിരിക്കുമ്പഴാ ആരോ അവന്റെ തോളില് കൈവച്ചത്. ഇഞ്ഞു ആണെന്ന് കരുതി തിരിഞ്ഞ അവൻ സയ്‌നൂനെ കണ്ട് കിളി പോയ കണക്കേ നിന്നു.

"നീ എന്താടാ, എന്നെ ഇങ്ങനെ നോക്കി നിക്കണേ? ഏഹ്."-സയ്നു

നിശൂന്റെ കിളികളൊന്നും തിരിച്ച് കൂടണയാത്തോണ്ട് ഓനതൊന്നും കെട്ടില്ലാ. സയ്നുന്റെ കൈ അവന്റെ മുതുകില് പതിച്ചപ്പയാ ഓന്ക്ക് സ്ഥലകാല ബോധം വന്നത്.

"നീ ഇതെന്താടാ ഒന്നും പറയാതെ. വഴി മാറി കേറിയതാണോ?"-Nishu

"ഡാ, ഇപ്പൊ കിട്ടിയത് പോരാന്ന്ണ്ടാ"-സയ്നു with കലിപ്പ് tone.

"അങ്ങനല്ലടാ, നീ ഇവിടേക്കൊന്നും വരാത്തതാണല്ലോ, അതാ ചോയിച്ചേ"-Nishu

"മോൻ കൂടുതലൊന്നും ചോയ്‌ച്ചെന്റെ കൈക്ക് പണി ഇണ്ടാക്കണ്ടാ. അല്ല എല്ലാരും land ചെയ്തിട്ടിണ്ടാ"-സയ്നു

"ഇക്കമാരും, ബാബീസും അവന്മാരും എല്ലാം വന്നിട്ടുണ്ട്, പിന്നെ ഉമ്മിയും, വാപ്പിയും, ജെസീമ്മയും സലീപ്പയും. ബാക്കിയുള്ളോര് അടുത്താഴ്ച ആവുമ്പത്തിനും എത്തും. പോരേ..."-Nishu

"അവൾക്ക് എന്നിട്ട് എങ്ങനിണ്ട്. ഉപ്പ വിളിച്ചപ്പൊ ഒന്നും നേരെ പറഞ്ഞതും ഇല്ല. ഇന്നലെ വിളിച്ചപ്പോ കൊറച്ച് മറവി ഇണ്ടന്ന് പറഞ്ഞു, നേരാണോ?"-ആശുപത്രിയില് അവള് മരണത്തോട് മല്ലടിച്ചതൊന്നും സയ്നു അറിഞ്ഞിട്ടില്ലാ എന്ന് ആ സംസാരത്തിൽ നിന്ന് നിശൂന് മനസ്സിലായി.

"കൊഴപ്പൊന്നും ഇല്ലടാ, പിന്നെ ഓർമ പോയീന്നത് നേരാ. പക്ഷെ ഒരു പ്രെഷ്ണിണ്ട്"Nishu

"എന്താടാ"-സയ്നു

"പഴയതിനെകാളും കൂടുതൽ സഹിക്കണ്ടി വര്ന്നു"-Nishu

"അത് ഞാനങ്ങ് സഹിച്ച്...." പറഞ്ഞ് കഴിഞ്ഞപ്പഴാ പറഞ്ഞത് എന്താണെന്ന ബോധം സയ്നൂന് വന്നത്. അവൻ നാക്ക് കടിച്ച് കൊണ്ട് നിശൂനെ നോക്കി. ഒരു കള്ള ചിരി ചിരിച്ച് Nishu അവനെയും നോക്കി നിക്ക്ണു.

"എന്തോ, എങ്ങനെ....."-Nishu

കഷ്ടപ്പെട്ട് കലിപ്പായി ഓനെ ഒന്ന് നോക്കി.

എന്തോ ഓർത്തപോലെ Nishu പറഞ്ഞ്: "ഇയ്യെന്താ ഇവിടെ നിക്കണേ, വന്നപ്പൊ തൊട്ട് അന്റെ കൂറ അന്നെ തെരക്കിണ്ട്. പോയി കണ്ടേച്ചും വാ..."

ഒരു പ്രത്യേക രീതിയില് പറഞ്ഞിട്ട് ഓനെയും കൂട്ടി അകത്തേക്ക് നടന്ന്. ഓന്റെ ആ പറച്ചിലില് ഒരു വശപ്പിശക് മണക്കുന്നില്ലേ എന്ന doubtല് സയ്നുവും ചെന്ന്.
സയ്നുനെ കണ്ട് എല്ലാരും ആദ്യം ഒന്ന് shock ആയി, വേറൊന്നല്ല, ജോലികിട്ടിയിട്ട് പറയാം എന്നും പറഞ്ഞ്, ഏതോ ഒരു trainingന് പോയിരിക്കുവായിരുന്നു മഹാൻ. അവൻ പോയ അന്നാ ഇഞ്ഞൂന് Accident നടന്നേ. അതുകൊണ്ട് തന്നെ ആരും ഒന്നും പറഞ്ഞിരുന്നില്ല. Accident കഴിഞ്ഞ് ഒരാഴ്ചയോളം അവൾടെ body മരുന്നിനോടൊന്നും പ്രതികരിച്ചിരുന്നില്ല, പിന്നെ മെല്ലെ മെല്ലെ respond ചെയ്യാൻ തുടങ്ങി. അതിന് ശേഷമാ അവനോട് കാര്യം പറഞ്ഞത് തന്നെ. പക്ഷെ ഒരു ചെറിയ accident എന്ന് മാത്രേ പറഞ്ഞുള്ളു. തലക്ക് പരുക്ക് പറ്റിയതോണ്ട് ഓർമനഷ്ടപ്പെട്ടു എന്നും പറഞ്ഞു.

"നിങ്ങക്കൊക്കെ ഇതെന്താ പറ്റിയത്, എന്നെ ഇങ്ങനെ വായും പൊളിച്ച് നോക്കി നിക്കാൻ"-സയ്നു

"നീ എന്താടാ ഒന്ന് പറയൂംകൂടി ചെയ്യാണ്ട്"-ജസീല

"ഒക്കെ ഞാൻ വെളീന്നെന്നെ പറയണോ, അതോ ഉള്ളില് കേറ്റുവോ"-അപ്പഴാണ് അവരും ഓർത്തത് അവനെ ഉള്ളിലേക്ക് കേറ്റിയിട്ടില്ല എന്ന്. സഫ്‌വാന വേഗം ചെന്ന് അവനെ കൂട്ടി, "ഞങ്ങള് വിളിച്ചാലേ നീ ഉള്ളിലേക്ക് വരൂ എന്നുണ്ടോ?"


മുറിവില് dress ചെയ്ത് തിരിച്ച് വന്ന സലീം ശബ്ദം കേട്ടുകൊണ്ട് ചോയ്ച്ച്: "ഇതാരാ ഇപ്പൊ പുതിയൊരവതാരം"

താഴെ വന്ന് സയ്നുനെ കണ്ടതും അയാളുടെ കണ്ണുകൾ നിറഞ്ഞു. വേണമെന്ന് വച്ചല്ലാതെ കൂടി അവന്റെ പാതിയെ അവനിൽ നിന്നും അകറ്റുന്നതിൽ അയാൾടെ ഹൃദയം നൊന്തു. അയാൾ അവനെ ചേർത്തുപിടിച്ചു, മനസ്സുകൊണ്ടൊരു നൂറാവർത്തി മാപ്പ് പറഞ്ഞു കഴിഞ്ഞിരുന്നു ആ മനുഷ്യൻ, തന്റെ മകനോടും, മകളെ പോലെ അയാൾ സ്നേഹിച്ച ഇഞ്ഞുനോടും. സലീമിന്റെ ഈ പ്രവർത്തി എന്തോ സയ്‌നുവിനെ വല്ലാതെയാക്കി.

"എന്താ ഉപ്പാ, എന്തിനാ കണ്ണ് നിറഞ്ഞിരിക്കുന്നെ?"-സയ്‌നുവിന്റെ ശബ്ദത്തിലും ഒരിടർച്ച എല്ലാവർക്കും തിരിച്ചറിയാൻ കഴിഞ്ഞു. ഇഞ്ഞുന്റെ അവസ്ഥ അവനെ അറിയിക്കാത്തതിലുള്ള വിഷമമാണെന്ന് എല്ലാവരും തെറ്റുധരിച്ചപ്പോൾ നസ്രുവിന് മാത്രം അതൊരു ഏറ്റുപറച്ചിലാണെന്ന് തിരിച്ചറിഞ്ഞു.

"ദാ, തേനു, ണീ ന്തെ ബാബാനെ കറയ്ച്ചാ.... ഇച്ച് പത്തും ഞാ"
(ഡാ, സയ്നു, നീ എന്റെ ബാബാനെ കരയ്ച്ചാ...ഇടിച്ച് പരത്തും ഞാൻ)
എന്നും പറഞ്ഞ് സയ്നുനെ ജിഫ്രു attack ചെയ്യാൻ തുടങ്ങി. അവനെ എടുത്ത് നിക്കുമ്പഴാ, stair എറങ്ങി വരണ ഇഞ്ഞുനെ കണ്ടത്.
------------------------------------------------------------------------

സയ്നു.......

ജിഫ്രുന്റെ കൂടെ അടിപിടി കൂടി നിന്നപ്പഴാ ഓളെ ഞാൻ കണ്ടേ. നെറ്റിയില് ഒരു ചെറിയ bandage ഉണ്ട്, പിന്നെ മുഖത്ത് അവിടവിടെ ആയി ചെറിയ മുറി പാട്. അവളെ കാണുന്ന വരെയും മനസ്സിന് ഒരു വല്ലായ്മ ആയിരുന്നു, എന്താ സംഭവിച്ചെന്നൊന്നും ആരും വിട്ട് പറഞ്ഞില്ലായിരുന്നല്ലോ, ഇപ്പഴാ ഒരു സമാധാനം ആയത്, trainingന് പോവുന്ന അന്ന് കണ്ടതിനേക്കാൾ കൊറച്ച് തടിച്ചിട്ടിണ്ട്. വേറെ മാറ്റമൊന്നും ഇല്ലാ. ഞാനിങ്ങനെ ഓരോന്ന് ആലോയ്ച്ച് നിക്കുമ്പഴാ കാലിന് വല്ലാത്ത വേദനാ. ബോധം വന്ന് നോക്കുമ്പയിണ്ട് ആ കുരുപ്പ്, എന്റെ കാലില് ചൗട്ടുവാ.

"ഡീ" എന്ന സയ്നുന്റെ അലർച്ചയിലാണ് എല്ലാരും എന്താ കാര്യം എന്ന് ശ്രദ്ധിച്ചത്.
ഇവള് ശെരിക്കും പണി തുടങ്ങി എന്ന മട്ടില് എല്ലാരും ഓളെ നോക്കി.

"നീ എന്തിനാ കെടന്നലരുന്നേ, ഉഗാണ്ടയിലൊന്നുവല്ലാലോ ഞാൻ നിക്കണേ, അന്റെ മുന്നില് തന്നെ അല്ലേ. എനിക്ക് ചെവിക്ക് പ്രേഷനൊന്നുമില്ല, പയ്യെ പറഞ്ഞാലും കേക്കും"-ഇഞ്ഞു
"
കാലിന്ന് എറങ്ങി നിന്ന് സംസാരിക്കടി"സയ്നു with lots of കലിപ്പ്. വേറൊന്നുകൊണ്ടും അല്ല, ഓള് ഓനെ നീ എന്ന് വിളിച്ചില്ലേ അതാ.

"വന്നതും തുടങ്ങാതെ രണ്ടും, നീ പോയി fresh ആയിട്ട് വാ, ചെല്ല്"എന്നും പറഞ്ഞ് സഫ്‌വാന സയ്നുനെ നിശൂന്റെ കൂടെ പറഞ്ഞയച്ച്.


പഴശ്ശിയുടെ കളി company കാണാനിരിക്കുന്നതേ ഉള്ളൂ, എന്ന ഭാവത്തിൽ ഇഞ്ഞു എല്ലാവരെയും ഒന്ന് നോക്കി.

"കുഞ്ഞുമ്മ വന്നില്ലാച്ചാ നിന്നെ ഇപ്പൊ ഞങ്ങളെല്ലാം താഴേന്ന് പെറുക്കി എടുക്കേണ്ടി വന്നേനെ"-Dinu

"പെറുക്കി എടുക്കാനെന്തെങ്കിലും ഓൻ ബാക്കി വച്ചിട്ട് വേണ്ടേ.."-Fidha

"നിങ്ങളൊക്കെ എന്തിനാ ഇങ്ങനെ ആ rowdyനെ പേടിക്കിനെ?"-ഇഞ്ഞു

"നിനക്കതൊക്കെ പറയാ, നിന്റെ മാത്രേ ഓർമ പോയിട്ടുള്ളൂ, ഞങ്ങടെ പോയിട്ടില്ല.മോള് വെറുതേ പണി മേടിച്ച് കൂട്ടണ്ടാ"-Jafri

"അത് ഞാൻ സഹിച്ച്. ശെരിയാ എനിക്ക് ഓർമ പോയേക്കുവാ, പണ്ടത്തെ ഞാൻ എങ്ങനാണെന്നൊന്നും നിക്ക് അറിയാൻ പാടില്ല, അറിയാനും താൽപര്യമില്ല. ഇനി ഇഞ്ഞു ഇങ്ങനാ, ആ rowdyനെ കൊണ്ട് നക്ഷത്രമെണ്ണിക്കും നോക്കിക്കോ"-എന്നും പറഞ്ഞ് ഓള് gardenക്ക് നടന്നു.



മുകളില് റൂമിലെത്തി fresh ആയി വന്ന് ബാൽക്കണിയിൽ നിന്ന് വെളിയിലേക്ക് നോക്കുമ്പഴാ സയ്നു ഇഞ്ഞു വെളിയിലിരിക്കുന്നത് കണ്ടത്. ഒരു ചെറു ചിരിയാലെ അവൻ അവൽക്കരികിലേക്ക് നടന്നു, അവൾ തനിക്ക് വേണ്ടിയുള്ള പണികൾ മെനയുകയാണെന്നറിയാതെ........



(തുടരും............)