Izam &

               ☠️The Hunter☠️

 

Part -10        psycho thriller

 

ജീവൻ പോകുന്ന വേദനയോടെ അയാൾ നിലവിളിച്ചു കരഞ്ഞു.. പക്ഷെ അത് കേൾക്കാൻ അവിടെ ആരും ഉണ്ടായിരുന്നില്ല.. 

 

ഡോക്ടർ ഡേവിഡിനെ തേടി പോലീസ് സേന ജില്ല മുഴുവൻ തിരച്ചിൽ ഊർജിതമാക്കി.. സംശയം തോന്നുന്ന സ്ഥലങ്ങളും കെട്ടിടങ്ങളും അരിച്ചുപെറുക്കി. റോഡിൽ കർശനമായ ചെക്കിങ് ആരംഭിച്ചു... അതിനിടയിലാണ് SP രാജേന്ദ്രൻ ഇസു നെ തന്റെ ഓഫിസിലേക്ക് വിളിപ്പിച്ചത്.. അവൻ അവിടെ ചെന്നതും SP യുടെ ക്യാബിനിൽ വെള്ളയും വെള്ളയും ഇട്ട് ഒരാൾ ഇരിക്കുന്നത് അവൻ കണ്ടു. ഒരു  രാഷ്ട്രീയക്കാരൻ ആണെന്ന് ഒറ്റനോട്ടത്തിൽ മനസ്സിലായി.. ഇസു  

SP യുടെ അടുത്തേക്ക് ചെന്ന് സല്യൂട്ട് ചെയ്ത് നിന്നു.. 

 

"ആ താൻ വന്നോ... താൻ എന്താടോ കാണിച്ച്കൂട്ടുന്നത്. എന്തിനാണ് സിറ്റിയിലെ ഫുൾ ഫോഴ്‌സിനെയും ഇപ്പോൾ ചെക്കിങ്ങിനെയായി ഇറക്കിയത്.. അതിന് മാത്രം എന്ത്‌ കണ്ടെത്താനാ... "(SP)

 

അവൻ കാര്യങ്ങൾ അയാൾക്ക് മുന്നിൽ വിവരിച്ചു.. 

 

"തനിക്ക് തോന്നിയ ഒരു സംശയതിന്റെ പേരിലാണോ.. ഇത്രയും പോലീസുകാരെയും നാട്ടുകാരെയും താൻ ബുദ്ധിമുട്ടിക്കുന്നത്.. താൻ ഉദ്ദേശിച്ചത് സെരിയാണെന്ന് എന്താ ഉറപ്പ്. എല്ലാ ചെക്കിങ്ങും ചുരുക്കണം.. ജനങ്ങളെ ഭീതിയിൽ ആക്കുന്ന തരത്തിൽ ഒരു സെർച്ചിങ്ങും ഇപ്പോൾ വേണ്ട... കുറച്ച് ഫോഴ്സ്നെ തിരിച്ചു വിളിക്ക്.... ചെക്കിങ്ങിന്റെ പേരിൽ ഓവർ ട്രാഫിക് ഉണ്ടാവാതെ നോക്കണം... എന്നുവെച്ചു അന്വേഷണം നിർത്തണം എന്നല്ല... ആ ഡോക്ടറെ വേഗം കണ്ടുപിടിക്കണം. എന്ന ശെരി താൻ പൊക്കോ... "(SP )

 

"Yes sir... " ഇസു അയാൾക്ക് ഒരു സല്യൂട്ട് ചെയ്ത് പുറത്തേക്കിറങ്ങി. അയാൾ പറഞ്ഞ പ്രകാരം കുറച്ച് ഫോഴ്സ്നെ തിരിച്ചു വിളിച്ചെങ്കിലും അന്വേഷണം ഊർജിതമായി നടന്നു.. 

 

$$$$$$$$$$$$$$$

 

പതിവ് പോലെ കോളേജിൽ പോയി കൂട്ടുകാരുടെ ഒപ്പം തേരാ പാരാ നടക്കുകയാണ് ഇമ്രാൻ.. അവൻ പി.ജി സെക്കന്റ്‌ ഇയർ ആണ്. അത്യാവശ്യം വെളുത്തിട്ട് നല്ല കടുംകാപ്പി നിറത്തിലുള്ള കണ്ണുകൾ. ട്രിമ് ചെയ്ത്വച്ചിരിക്കുന്ന താടിയും ആളെ മയക്കുന്ന ചിരിയും അവന്റെ മൊഞ്ചു കൂട്ടുന്നു. M അത്യാവശ്യം പടിക്കുകയും എന്നാൽ എല്ലാ ഉഡായിപ്പിലും മുന്നിൽ ഉണ്ടാകുന്ന ഒരുത്തൻ.. എപ്പോഴും ആ മുഖത്തു തെളിഞ്ഞു നിൽക്കുന്ന ഒരു പുഞ്ചിരി ഉണ്ടാവും . എന്ത്‌ പ്രശ്നം ഉണ്ടെങ്കിലും ചിരിച്ചുകൊണ്ട് നേരിടുന്ന പ്രകൃതം.. ഒരു പ്രാവശ്യം അല്ലാതെ അവൻ ദേഷ്യപ്പെടുന്നത് അവന്റെ കൂട്ടുകാർ പോലും കണ്ടിട്ടില്ല.. എല്ലാം സമാധാനത്തോടെ പറഞ്ഞുതീർക്കാൻ അവന് പ്രത്യേക കഴിവുണ്ട്. അതുകൊണ്ട് തന്നെ അവനെ എല്ലാവർക്കും ഇഷ്ടമായിരുന്നു. പ്രത്യേകിച്ച് പെൺകുട്ടികൾക്ക്... എത്രയോ പെൺകുട്ടികൾ അവനോട് പ്രണയാഭ്യർത്ഥന നടത്തിയെങ്കിലും അവൻ അതിലൊന്നും കുലുങ്ങിയിട്ടില്ല. 

 

ഇപ്പൊ ഉച്ചക്ക് കാന്റീനിൽനിന്ന് നല്ല അസ്സൽ ബിരിയാണിയും കഴിച്ച് എമ്പക്കവും വിട്ട് കൂട്ടുകാരുടെ കൂടെ സ്ഥിരം സ്ഥലം ആയ മരച്ചുവട്ടിൽ ഇരിക്കുകയാണ് അവൻ.  

 

"ടാ നീ ഇന്നെങ്കിലും അവളോട് ഇഷ്ടമാണെന്ന് പറയുവോ... " ദേവിക അവനോട് ചോദിച്ചു... 

 

"പൊന്നളിയാ ഇന്നേലും പറയെടാ... ഇതിപ്പോ എത്ര ദിവസം ആയി... "(യാസിർ )

 

" ഇന്ന് വേണോ... നാളെ പോരെ...നാളെ പറയും ഒറപ്പ്... "(ഇമ്രാൻ) 

 

"ഇത് കേൾക്കാൻ തുടങ്ങീട്ട് മാസം ഒന്നായി." (അർജുൻ )

 

അവൻ ഒന്ന് ഇളിച്ചു കാണിച്ചു കൊണ്ട് കുറച്ച് ദൂരെനിന്നായി കൂട്ടുകാരികളുമൊത്ത് നടന്ന് വരുന്ന ജുമിയിലേക്ക് നോക്കി... 

 

ജുമി..... ജുമൈല അസീസ് ഫസ്റ്റ് ഇയർ ഡിഗ്രി..  ഈ വർഷത്തെ ഫ്രഷേഴ്‌സ് വന്ന ദിവസം ആദ്യം അവന്റെ കണ്ണിലുടക്കിയത് അവളാണ്... കൂട്ടുകാരിയോട് തല്ലുകൂടുകയായിരുന്നു കക്ഷി... എന്താ കാര്യം എന്ന് നോക്കിയപ്പോ ഒരു ലോലിപ്പോപ് കൊടുക്കാത്തതിന് ആണ് ചെറിയ കുട്ടികളെ പോലെ തല്ല് കൂടുന്നത്.. അവളുടെ മുഖത്തെ നിഷ്കളങ്കതയും ക്യൂട്ടേനെസ്സും കൂടെ മണ്ടത്തരവും ഒക്കെ കലർന്ന് കെറുവിച്ചു നിൽക്കുന്ന മുഖം കണ്ടതും.  അവന് ചിരി പൊട്ടി.. അത് അടക്കിപ്പിടിക്കാൻ നോക്കിയെങ്കിലും അവന് പറ്റിയില്ല... അതൊരു പൊട്ടിച്ചിരിയായി പുറത്തേക്ക് വന്നു.. പെട്ടെന്ന് ചിരി കെട്ട് അവൾ നോക്കിയപ്പോൾ , തന്നെ നോക്കി പൊട്ടിച്ചിരിക്കുന്ന ഇമ്രാനെ കണ്ടു. അടുത്തുള്ള എല്ലാവരും തങ്ങളെ ആണ് നോക്കുന്നത് എന്ന് അവൾക്ക് മനസ്സിലായി. അവളുടെ ആ നിൽപ്പ് കണ്ടതും കൂടി നിന്നവരിലും ആ ചിരി പടർന്നു. 

അവൾക്ക് ചെറിയ ചമ്മൽ തോന്നിയെങ്കിലും അവനെ നന്നായി പുച്ഛിച് നടന്ന് പോയി.. അതിൽപിന്നെ അവളെ കാണുമ്പോൾ അവൻ ആക്കി ചിരിക്കും അവനെ കാണുമ്പോൾ അവൾ പുച്ഛിക്കും.... മെല്ലെമെല്ലെ അത് ചെറിയ തല്ല് കൂടൽ ഒക്കെ തുടങ്ങി. അവളോട് വഴക്കുണ്ടാക്കുമ്പോൾ അവന് ഭയങ്കര സന്തോഷം ആയിരുന്നു.. പിന്നെ പിന്നേ ഏത് നേരവും ഓരോ കാര്യം പറഞ്ഞ് വഴക്കുണ്ടാക്കൽ ആയി.. പതിയെ അവൻ തിരിച്ചറിഞ്ഞു പറിച്ചുമാറ്റാനാവാത്ത വിധം അവൾ അവന്റെ ഖൽബിൽ കയറിക്കൂടിയെന്ന്.. ഒരു മാസം ആയി പ്രൊപ്പോസ് ചെയ്യാൻ നടക്കുകയാണെങ്കിലും അവളെ കണ്ടാൽ അപ്പൊ അവന്റെ കാറ്റ് പോവും.. ഇന്നും അത് തന്നെ അവസ്ഥ. 

 

"ടാ ഇങ്ങനെ വായും പൊളന്നു നിക്കാതെ പോയി പറയെടാ.. "(നിഷാന )

 

"നീയിതരോടാ പറയണേ നിച്ചൂ... ചെക്കൻ ബോധം ഇല്ലതെ ആണ് നിക്കുന്നത്. "(അർജുൻ )

 

"എത്ര പേര് പുറകെ വന്നതാ ഈ തെണ്ടിടെ. അപ്പൊ ഫ്രണ്ട്സ് എന്നും പറഞ്ഞ് ആറ്റിറ്റ്യൂഡ് ഇട്ട് നിന്നിട്ട് ഇവളെ കണ്ടപ്പോ വെള്ളം ഒലിപ്പിച്ചു നിക്കുന്നു..  

 

നാണം കെടുത്തല്ലേടാ തെണ്ടി... "യാസിർ അവന്റെ പുറത്തൊന്ന് കൊടുത്തുകൊണ്ട് പറഞ്ഞു.. 

 

എല്ലാം മറന്ന് ജുമിടെ ചോര ഊറ്റുമ്പോ പുറത്ത് ഒരടി കിട്ടിയതും അവൻ ഞെട്ടി എണീറ്റു. 

 

"എന്താടാ തെണ്ടികളെ നിനക്കൊക്കെ വേണ്ടേ... മനുഷ്യന്റെ പുറം തല്ലി പൊളിക്കുവോ.. "(ഇമ്രാൻ )

 

"മോനെ ഇമ്രുട്ടാ... പോയി പ്രൊപ്പോസ് ചെയ്യടാ പട്ടി.... " ആദ്യം സമാധാനത്തിൽ പറഞ്ഞ ദേവിക പിന്നെ ഒരലർച്ചയായിരുന്നു.. 

 

"അല്ലടാ ഒരു കാര്യം ശ്രദ്ധിച്ചാ... അവളുടെ കയ്യിൽ ബാഗ് ഉണ്ടല്ലോ... ഇനിയിപ്പോ വീട്ടിൽ പോവാണോ... "(നിഷാന )

 

അവൾ അവരുടെ അടുത്തെത്തിയപ്പോഴാണ് കയ്യിലെ ബാഗ് അവർ ശ്രദ്ധിച്ചത്... നിച്ചു അവളെ കൈ കാണിച്ച് വിളിച്ചു.. ജുമി അവരുടെ അടുത്തേക്ക് പോയി. ഇമ്രാനെ കണ്ടതും അവൾ കെറുവിച് മുഖം തിരിച്ചു.. 

 

"നീയിതെങ്ങോട്ടാ ജുമി ബാഗുമായിട്ട്... "(യാസിർ )

 

"അതോ.....  വൈകുന്നേരം വീട്ടിൽ ചെറിയ പരിപാടി ഉണ്ട്... വരണ്ട എന്ന് വിചാരിച്ചതാ.. പക്ഷെ ആ കാലൻ രാജൻ ഇന്ന് തന്നെ assignment വക്കാൻ പറഞ്ഞു... അതോണ്ട് വന്നതാ.. "(ജുമി )

 

"എന്ന ശെരി വിട്ടോ... "(ദേവിക )

 

ജുമി അവരെ നോക്കി ഒന്ന് ചിരിച്ചിട്ട് ഇമ്രാനെ അറിയേ ഇല്ല എന്ന ഭാവത്തിൽ നടന്നു പോയി.. 

 

അവൾ കുറച്ച് ദൂരം നടന്നതും ഇമ്രാൻ പെട്ടെന്ന് ഇരുന്നിടത്ത് നിന്ന് ചാടിയെഴുന്നേറ്റു. "ടാ ഞാൻ ഇപ്പൊ വരാം.." എന്നും പറഞ്ഞ്  അവരിരുന്നതിനു അടുത്ത്നിന്ന് തന്നെ അവന്റെ ബൈക്ക് എടുത്ത് വേഗം പുറത്തേക്ക് പോയി..  ഇന്ന് എന്തായാലും പ്രൊപ്പോസ് ചെയ്യണം എന്ന് കരുതിയാണ് അവൻ പോയത്.. ഗേറ്റ് കടന്നു അവൾ പോയ വഴിയേ തിരിഞ്ഞതും കണ്ടു കുറച്ചു ദൂരം മുന്നിലായി അവൾ പോകുന്നത്.. പെട്ടെന്ന് അവന്റെ ബൈക്ക് ഒന്ന് ഓഫ് ആയി. അതേസമയം തന്നെ ജുമിയുടെ മുന്നിൽ ഒരു കാർ വന്നു നിന്നു.. അതിൽ നിന്ന് ആരോ ഇറങ്ങിവന്ന് അവളെ ബലം പ്രയോഗിച്ചു വണ്ടിയിൽ കയറ്റുന്നതും അവൻ കണ്ടു. ഒരു നിമിഷം ആലോചിച്ചെങ്കിലും പെട്ടെന്ന് അവൻ വണ്ടി സ്റ്റാർട്ട്‌ ആക്കാൻ നോക്കിയെങ്കിലും അത് സ്റ്റാർട്ടായില്ല.. രണ്ടുമൂന്ന് പ്രാവശ്യം കിക്കർ അടിച്ചതും വണ്ടി സ്റ്റാർട്ട്‌ ആയി. അവൻ ആ കാർ പോയ വഴിയേ കുതിച്ചു... കുറച്ചു ദൂരം കഴിഞ്ഞതും ആ കാർ ചെറുതായി കണ്ടു.. അതിനെ ഫോളോ ചെയ്യുന്നതിനൊപ്പം അവൻ പോക്കറ്റിൽ നിന്ന് ഫോൺ എടുത്ത് ഇസുനെ വിളിച്ചു.. 

 

###########

 

ഓഫീസിൽ ഇരുന്ന് പുതിയ കേസിനെ കുറിച് പഠിക്കുമ്പോഴാണ് ഇസുന്റെ ഫോൺ റിങ് ചെയ്തത്.. അവൻ പോക്കറ്റിൽ നിന്ന് ഫോൺ എടുത്ത് സ്‌ക്രീനിലേക്ക് നോക്കി.. 

' Imruttan calling '  എന്ന് അതിൽ എഴുതിക്കാണിച്ചു. കാൾ അറ്റന്റ് ചെയ്തു ചെവിയോട് ചേർത്തതും സമയം കളയാതെ ഇമ്രാൻ കാര്യം പറഞ്ഞു. 

 

" ശെരി ഞാൻ എത്രയും പെട്ടെന്ന് വരാം....  ഞാൻ പറയുന്നത് ശ്രദ്ധിച്ചു കേൾക്ക്.. ഒരു കാരണവശാലും അവനെ മിസ്സ്‌ ആക്കരുത്.. പിന്നാലെ തന്നെ ഉണ്ടാവണം.. നിന്റെ ലൊക്കേഷൻ ട്രേസ് ചെയ്ത് ഞങ്ങൾ വരാം..  പിന്നെ ഒറ്റക്ക് അവരെ നേരിടാൻ പോവരുത്... ഞാൻ വരുന്നത് വരെ വെയിറ്റ് ചെയ്യണം.. ഇനി നീ ഇപ്പൊത്തന്നെ call കട്ട്‌ ചെയ്യാതെ ഫോൺ പോക്കെറ്റിൽ ഇട്.. പിന്നെ ഫോൺ പുറത്തെടുക്കരുത്... " അത്രയും പറഞ്ഞ് ഇസു ഫോൺ പോക്കെറ്റിൽ ഇട്ടു.. 

 

"എന്താ സാർ എന്താ പ്രശ്നം... ആരാ വിളിച്ചത്... "(അമീർ )

 

"ഇമ്രാൻ ആണ് വിളിച്ചത്... അവന്റെ മുന്നിൽ വച് ഒരു പെൺകുട്ടിയെ ആരോ കാറിൽ വന്ന് തട്ടിക്കൊണ്ടു പോയി.. അവൻ ആ കാർ ഫോളോ ചെയ്യുന്നുണ്ട്.. അവന്റെ നമ്പർ നിന്റെ കയ്യിൽ ഇല്ലേ.. സൈബർ സെൽ റൂമിൽ പോയി അവന്റെ നമ്പർ വച് ലൊക്കേഷൻ ട്രേസ് ചെയ്യാൻ പറയണം... ഞാൻ ഇറങ്ങുന്നു... ട്രേസ് ചെയ്യാൻ ഏൽപ്പിച്ചതിനു ശേഷം കുറച്ചുപേരെ കൂട്ടി വേഗം വാ... "  ഇസു പുറത്തേക്ക് ഇറങ്ങി. അവൻ ഇറങ്ങിയത് അമീർ സൈബർ സെൽ റൂമിലേക്ക് പോയി. 

 

#######

 

കുറച്ചു ദൂരം ഫോളോ ചെയ്ത് അവസാനം  ഒരു ഉൾഏരിയയിലേക്ക് തിരിഞ്ഞു.. ഒരു രണ്ടു നില വീടിന്റെ ഗേറ്റ് കടന്ന് ആ കാർ നിന്നു....ഇമ്രാൻ ബൈക്ക് കുറച്ച് മാറി പാർക്ക്‌ ചെയ്ത് ശബ്ദം ഉണ്ടാക്കാതെ അവിടേക്ക് നടന്നു.. ഇസു പറഞ്ഞത് പ്രകാരം അവൻ മതിലിന്റെ ഭാഗത്ത്‌ ഒളിഞ്ഞു നിന്നു. പക്ഷെ ജുമിയെകുറിച് ആലോചിച്ചപ്പോൾ അവൻ അകത്തേക്ക് പോകാൻ തന്നെ തീരുമാനിച്ചു പതിയെ നടന്ന് ഫ്രണ്ട് ഡോറിന്റെ അടുത്തെത്തി.. മെല്ലെ അത് തുറന്നു.. 

 

ശബ്ദം കേൾക്കാതെ പതിയെ ഡോറിൽ പിടിച്ച് പിടിച്ചു തുറന്നു.. അകത്ത്‌ ആരും ഇല്ല എന്ന് മനസ്സിലാക്കി അവൻ നടന്നു.. പെട്ടെന്ന് ഭയങ്കരമായ ഒരു ശബ്ദത്തോടെ അവന് പിന്നിൽ ഡോർ കൊട്ടിയടഞ്ഞു.. ഞെട്ടി പുറകിലേക്ക് തിരിഞ്ഞപ്പോഴേക്കും അവന്റെ മുഖത്ത് ഇടി കൊണ്ടിരുന്നു. 

 

 

 

(തുടരും )