Izam &
               ☠️The Hunter☠️

Part -11 psycho thriller

ശബ്ദം കേൾക്കാതെ പതിയെ ഡോറിൽ പിടിച്ച് പിടിച്ചു തുറന്നു.. അകത്ത്‌ ആരും ഇല്ല എന്ന് മനസ്സിലാക്കി അവൻ നടന്നു.. പെട്ടെന്ന് ഭയങ്കരമായ ഒരു ശബ്ദത്തോടെ അവന് പിന്നിൽ ഡോർ കൊട്ടിയടഞ്ഞു.. ഞെട്ടി പുറകിലേക്ക് തിരിഞ്ഞപ്പോഴേക്കും അവന്റെ മുഖത്ത് ഇടി കൊണ്ടിരുന്നു. 

പ്രതീക്ഷിക്കാതെ പെട്ടെന്നുണ്ടായ പ്രഹരത്തിൽ അവന്റെ മുഖം ഒരുവസത്തേക്കു തിരിഞ്ഞു. എന്താണ് സംഭവിക്കുന്നത് എന്ന് മനസ്സിലാവുമ്പോഴേക്കും അവന് ചുറ്റും ഒരു കയർ ചുറ്റിപിണഞ്ഞിരുന്നു. നിമിഷനേരം കൊണ്ട് അയാൾ അവനെ കെട്ടിവരിഞ്ഞു ഒരു സൈഡിലേക്ക് തള്ളി. ബാലൻസ് കിട്ടാതെ അവൻ താഴേക്ക് കമിഴ്ന്നടിച്ചുവീണു. നെറ്റി പൊട്ടി ചോര പൊടിഞ്ഞു. അവൻ ഒരുവിധം തിരിഞ്ഞ് കിടന്ന് നിരങ്ങികൊണ്ട് എഴുന്നേറ്റിരുന്നു. തനിക്കരികിൽ തന്നേ ജുമിയും ഇട്ടിക്കുന്നത് അവൻ കണ്ടു.  

"നീ എന്താടാ വിചാരിച്ചത്... നീയെന്നെ ഫോളോ ചെയ്യുന്നത് ഞാൻ അറിഞ്ഞില്ലെന്നോ... എന്റെ ലക്ഷ്യം ഇവൾ ആയിരുന്നു. നീയിപ്പോ ഒരാവശ്യവും ഇല്ലാതെ ഇതിൽ വന്ന് ചാടി.. ഇനിയിപ്പോ നിന്നെയും ചേർത്ത് കൊല്ലാതെ എനിക്ക് വേറെ വഴിയില്ല.. "അയാൾ കുനിഞ്ഞു നിന്ന് അവന്റെ താടിയിൽ പിടിച്ചു പൊക്കിക്കൊണ്ട് പറഞ്ഞു. അത് കെട്ട് ഇമ്രാന്റെ മുഖത്ത് പുച്ഛം നിറയുന്നത് അയാൾ കണ്ടു. 

"എന്താടാ നിന്നെ രക്ഷിക്കാൻ ആരെങ്കിലും വരും എന്നാണോ... എന്നാൽ നിനക്ക് തെറ്റി. ഞാൻ അറിയില്ല എന്ന് കരുതി നീ ചെയ്തത് തെറ്റി. " അയാൾ അവന്റെ പോക്കറ്റിൽ നിന്ന് ഫോൺ പുറത്തെടുത്തു.. കാൾ കട്ട്‌ ആക്കാത്തത് കൊണ്ട് തന്നെ അയാളുടെ സംസാരം കേട്ടുകൊണ്ടിരുന്ന ഇസു ഒന്ന് നെറ്റി ചുളിച്ചു... 

"ഓ ACP ഇസാമിന്റെ അനിയൻ ആണോ നീ... ഹഹഹ... ഹലോ ACP സാർ എന്തൊക്കെയുണ്ട് , സുഖം തന്നെയല്ലേ.. " അത് കൂടെ കേട്ടതും ഇസു ഒന്ന് കണ്ണടച്ചു തുറന്നു. 

"ടാ.. നീ ആരാണെന്നൊന്നും എനിക്കറിയില്ല. ആരായാലും ഒരു കുഴപ്പവും ഇല്ല.. എന്റെ ചെക്കന്റെ മേത്തെങ്ങാൻ നിന്റെ കൈ വീണാൽ. വെട്ടിയെടുക്കും ഞാൻ ആ കൈ." 

"ഹഹഹഹ... എന്തായാലും നിങ്ങൾ എത്താനായില്ലേ... വേഗം വാ ഇവിടെ നിങ്ങൾക്കുള്ള സമ്മാനം റെഡി ആക്കി വക്കാം... ബൈ. " അയാൾ ഫോൺ കട്ട്‌ ആക്കി സൈഡിലേക്ക് എറിഞ്ഞു. 

"അപ്പൊ നിങ്ങൾക്ക് ഞാൻ അഞ്ചു മിനിറ്റ് സമയം തരുന്നു... ഞാൻ ഇപ്പൊ വരാം. അത് വരെ മക്കൾ ഇവിടെ ഇരിക്ക്.. " അയാൾ എണീറ്റു പോയി. 

അപ്പോഴാണ് അവൻ ആ വീട് ശ്രദ്ധിച്ചത്... പുറത്തു നിന്നു നോക്കുമ്പോൾ നല്ല വൃത്തിയും വെടിപ്പും തോന്നുമെങ്കിലും അകത്തു മുഴുവൻ കോലംകെട്ട് കിടക്കുകയായിരുന്നു.. വലിച്ച് വാരിയിട്ട സാധനങ്ങൾ. കഴിച്ച് കഴിഞ്ഞ് അലക്ഷ്യമായി അവിടിവിടെയായി വലിച്ചെറിഞ്ഞ ഭക്ഷണത്തിന്റെ അവശിഷ്ടങ്ങൾ, നിലത്ത് ഇറ്റിറ്റി വീണ് കട്ടയായ ചോരത്തുള്ളികൾ, ഒരുവശത്തു പല വലിപ്പത്തിലും നീളത്തിലും ഉള്ള കത്തികൾ. ഒരു ഭാഗത്ത് കൂട്ടിയിട്ടിരിക്കുന്ന മനുഷ്യന്റെ അസ്ഥികൾ അതിന്റെ മുകളിലായി ഒരു തലയൊട്ടി വച്ചിരുന്നു. ആകെക്കൂടി ഭയപ്പെടുത്തുന്ന അന്തരീക്ഷം ആയിരുന്നു. അപ്പോഴാണ് അവൻ പെട്ടെന്ന് ജുമിയെ പറ്റി ആലോചിച്ചത്. അവൾ അടുത്ത് തന്നെ കയ്യിലെ കെട്ട് അഴിക്കാനുള്ള പരിശ്രമത്തിൽ ആണ്. 

"അല്ലെടി നിന്നെ എന്തിനാ ഇയാൾ പിടിച്ചോണ്ട് വന്നത്....? "(ഇമ്രാൻ )

"എനിക്കറിയില്ല.. ഇയാളെ ഞാൻ കണ്ടിട്ട് കൂടി ഇല്ല.. "അവൾ പേടിച്ചുകൊണ്ട് പറഞ്ഞു.. കരച്ചിലിന്റെ വക്കത്ത്‌ എത്തിയിരുന്നു അവൾ.. 

" നിന്നെ എന്തിനാ കൊണ്ടുവന്നെ... "(ജുമി )

" നിന്നെ രക്ഷിക്കാൻ വന്നതാ... ഒരാവശ്യവും ഇല്ലാരുന്നു കോപ്പ്... "(ഇമ്രാൻ )

" ഞാൻ പറഞ്ഞോ എന്നെ രക്ഷിക്കാൻ വരാൻ... ഇല്ലാലോ.."(ജുമി )

"ഇല്ല ന്റെ പൊന്നോ... ഈ പിശാശ്ശിനെ രക്ഷിക്കാൻ ആണല്ലോ പടച്ചോനെ ഞാൻ വന്നത്... എനിക്കെന്തിന്റെ കേടാർന്നു. "(ഇമ്രാൻ )

"അല്ല നീ എങ്ങനെ അറിഞ്ഞേ എന്നെ പിടിച്ചോണ്ട് വന്നത്.. "(ജുമി )

"ഞാൻ കണ്ടു.. നീ പോയപ്പോഴാണ് ഒരു കാര്യം ഓർമ വന്നത്... അപ്പൊ പുറത്തേക്ക് വന്നതാ... അപ്പൊ കണ്ട്. "(ഇമ്രാൻ )

"ബാക്കി കഥ പിന്നെ പറയാം.. ഇപ്പൊ എങ്ങനേലും ഒന്ന് രക്ഷപ്പെടാൻ നോക്ക്. ഈ കെട്ട് അഴിക്ക് "കയ്യിലെ കെട്ടാഴിക്കാനാവാതെ കുതറിക്കൊണ്ട് അവൾ പറഞ്ഞു. 

" എനിക്ക് കൈ അനക്കാൻ പറ്റില്ല... കാലുകൾ മാത്രമേ അനക്കാൻ പറ്റൂ... അത് കൊണ്ട് എങ്ങനെ കെട്ടഴിക്കാനാ." (ഇമ്രാൻ )

"നിങ്ങൾക്ക് തന്ന സമയം കഴിഞ്ഞു... "എന്ന് പറഞ്ഞു കൊണ്ട് ഒരു ഇറച്ചിവെട്ടുന്ന തരത്തിലുള്ള കത്തിയുമായി അയാൾ വന്നു.. 

" ഞങ്ങൾ എന്ത്‌ തെറ്റാ ചേട്ടനോട് ചെയ്തത്... എന്തിനാ ഞങ്ങളെ ഉപദ്രവിക്കുന്നത്... പ്ലീസ് ഒന്നും ചെയ്യല്ലേ... "അവൾ താണ് കേണ് പറഞ്ഞു.. എങ്കിലും അയാളുടെ ഭാഗത്ത്‌ നിന്ന് മറുപടിയൊന്നും ഉണ്ടായില്ല. അയാൾ ഇമ്രാന് മുന്നിൽ നിന്നു.. അപ്പോഴേക്കും പുറത്ത് പോലീസ് ജീപ്പ് വരുന്നതിന്റെ ശബ്ദം കേട്ടു. ഇനി തനിക്കുമുന്നിൽ അതികം സമയം ഇല്ല എന്ന് മനസ്സിലാക്കിയ അയാൾ അവന് നേരെ കത്തി വീശിയപ്പോഴേക്കും അവൻ കാല് പൊക്കി തന്റെ മുന്നിൽ നിൽക്കുന്ന അയാളുടെ അസ്ഥാനത് ചവിട്ടി.. അതിൽ അയാളുടെ അടി പതറിയപ്പോഴേക്കും... കാല് താഴ്ത്തി അയാളുടെ കാലുകളുടെ ഇടയിൽ വച് സർവശക്തിയുമെടുത്ത് സൈഡിലേക്ക് വലിച്ചു.. പെട്ടെന്നുള്ള അറ്റാക്ക് ആയതുകൊണ്ട് അയാളുടെ ബാലൻസ് തെറ്റി താഴെ വീണു. അപ്പോൾ നിലത്ത് വീണ കത്തി അവൻ കാലുകൊണ്ട് ദൂരേക്ക് തട്ടികളഞ്ഞു... ആ സമയം കൊണ്ട് ഇസുവും ബാക്കിയുള്ളവരും അവിടെ എത്തി.. അയാൾ നിലത്ത് നിന്നു പിടഞ്ഞെഴുന്നേറ്റ അതെ നിമിഷം തന്നെ വലിയ ശബ്ദത്തോടെ വാതിൽ പൊളിഞ്ഞു.. ഇനി അവിടെ നിൽക്കുന്ന ഓരോ നിമിഷവും അപകടം ആണെന്ന് മനസ്സിലാക്കിയ അയാൾ അകത്തേക്ക് ഓടി. ഇസു അയാളുടെ പിന്നാലെ ഓടി.. പക്ഷെ ആ ഹാൾ കടന്നതും അയാൾ എങ്ങോട്ട് പോയി എന്ന് കണ്ടില്ല.. അവൻ ഒരു ഊഹം വച് വലതു വശത്തുള്ള റൂമിലേക്ക് കയറി... അവിടെ കാണാത്തത് കൊണ്ട് ഓരോ മുറിയിലും കയറി നോക്കുമ്പോഴാണ് പുറത്ത് നിന്ന് സാർ എന്നുള്ള വിളി കേട്ടത്.. അവൻ ആ മുറിയിൽ നിന്ന് പുറത്തേക്ക് നോക്കിയപ്പോൾ കുറച്ച് ശരത്തും കുറച്ച് പേരും ഒരു ഭാഗത്തേക്ക് ഓടുന്നുണ്ടായിരുന്നു.. അവൻ അവിടേക്ക് കുതിച്ചു.. പക്ഷെ വീടിനു പുറത്ത് എത്തുമ്പോഴേക്കും അയാൾ ഓടി കുറച്ച് മുന്നേ തനിക്ക് രക്ഷപ്പെടാൻ വേണ്ടി തയ്യാറാക്കി വച ബൈക്കിയിൽ കയറിയിരുന്നു.. ശരത് അടുത്തെത്തിയതും അയാൾ വണ്ടി റെയ്‌സ് ചെയ്തു മുന്നോട്ട് കുതിച്ചു.. 

"ശരത് വേഗം അവനെ പിടിക്കണം.. സിറ്റി വിടുന്നതിനു മുന്നേ അവനെ കിട്ടണം.. quick"
ശരത്തും ടീമും അയാളെ തിരഞ്ഞു പോയതും ഇസു വയർലെസ് എടുത്തു... 

"ഹലോ ഹലോ കണ്ട്രോൾ റൂം ACP izam ആണ്.. എത്രയും പെട്ടെന്ന് ഫുൾ ഫോഴ്‌സിനെ അയക്കണം.. ഇപ്പോൾ ഞാൻ ഉള്ള സ്ഥലത്തിന് പത്തു കിലോമീറ്റർ ചുറ്റളവ് മുഴുവൻ പോലീസ് കവർ ചെയ്യണം.. നമ്മൾ അന്വേഷിക്കുന്ന കില്ലർ എന്ന് സംശയിക്കുന്ന ആനന്ദ് പോലീസിന്റെ പിടിയിൽ നിന്ന് രക്ഷപ്പെട്ടിട്ടുണ്ട്... be quick... " 

അവൻ അത് പറഞ്ഞ് വയർലെസ് പാന്റിൽ കൊളുത്തിയിട്ട് അതിവേഗം വീടിനകത്തേക്ക് നടന്നു.. 

"ഞങ്ങളെ രക്ഷിക്കാൻ വന്നിട്ട് അവനെ കിട്ടിയപ്പോ അവന്റെ പിന്നാലെ പോയിലെ... "(ഇമ്രാൻ )

അവനെ കണ്ടതും ഇമ്രാൻ വിളിച്ചു പറഞ്ഞു. 

"നിന്നോട് ഞാൻ എന്താ പറഞ്ഞത്.. ഞാൻ വരാതെ അകത്തേക്ക് പോവരുത് എന്ന് പറഞ്ഞതല്ലേ.. " അവന്റെ ദേഹത്തെ കെട്ടുകൾ അഴിച് പിന്നെ ജുമിയെ കെട്ടിയിരിക്കുന്നതും അഴിച്ചു. 

"നിനക്ക് അവനെ വല്ല പരിജയം ഉണ്ടോ.. "? അവൻ ജമിയോടായി ചോദിച്ചു. 

"ഇല്ല സാർ അയാളെ ഞാൻ ആദ്യമായാണ് കാണുന്നത്.. "(ജുമി )

"നിങ്ങൾക്ക് വേറൊന്നും പറ്റിയില്ലല്ലോ " അവൻ ഇമ്രുന്റെ നെറ്റിയിയിലെ മുറിവ് തുടച്ചുകൊണ്ട് ചോദിച്ചു. അതിന് അവർ ഇല്ല എന്ന് ചുമൽ കൂച്ചി. 

" നീ ബൈക്കിൽ അല്ലെ വന്നേ.. ഇവളെ വീട്ടിൽ കൊണ്ട് വിട്ടിട്ട് നീ ക്ലാസിൽ പൊക്കോ.. " അത് കേട്ടതും ഇമ്രുന്റെ മുഖത്ത് സന്തോഷം വന്ന് നിറയുന്നത് അവൻ ശ്രദ്ധിച്ചു.. അവരെ പറഞ്ഞു വിട്ടിട്ട് തന്റെവക്കൂടെ ഉണ്ടായിരുന്ന രണ്ട് കോൺസ്റ്റബിൾമാരോട് ആ വീടും പരിസരവും സെർച്ച്‌ ചെയ്യാൻ പറഞ്ഞ് അവൻ ഫോൺ എടുത്ത് അമൃതയേ വിളിച്ച് അവിടേക്ക് വരാൻ പറഞ്ഞു. എന്നിട്ട് താൻ വന്ന വണ്ടി എടുത്ത് അവൻ ആനന്ദിനെ തിരഞ്ഞ് പുറത്തേക്ക് കുതിച്ചു.. 

☠️☠️☠️

കുറച്ച് സമയങ്ങൾക്ക് ശേഷം. 

ഡേവിഡ് വേദന കൊണ്ട് പുളയുന്ന സമയത്ത് ഒരിറ്റ് വെള്ളത്തിനായി തിരയുമ്പോഴാണ് പുറത്ത് ഒരു വണ്ടി വന്നു നിക്കുന്ന ശബ്ദം കേട്ടത്... കുറച്ചു കഴിഞ്ഞതും തന്നെ പൂട്ടിയിട്ടിരിക്കുന്ന മുറിയുടെ വാതിൽ തുറക്കുന്നത് അയാൾ അറിഞ്ഞു.. വന്നത് അയാൾ തന്നെ ആയിരിക്കുമോ എന്നറിയാൻ ഡേവിഡ് വാതിലിനടുത്തേക്ക് നോക്കി. ഇനിയും തന്നെ എന്തൊക്കെ ചെയ്യും എന്ന ഭയം കാരണം അയാളുടെ ഉള്ള് വിറക്കാൻ തുടങ്ങി. വാതിൽ തുറന്നതും ഒരാൾ തന്റെ കാലിന്റെ ഭാഗത്തേക്ക് വന്ന് വീഴുന്നത് അയാൾ കണ്ടു.. പേടിച് കാല് പുറകിലേക്ക് വലിക്കാൻ നോക്കിയെങ്കിലും മുട്ടിലെ ചിരട്ട പൊട്ടിയത് കൊണ്ട് അത് അനങ്ങിയില്ല. 

മുന്നിലുള്ളത് ആരാണെന്ന് നോക്കി.തനിക്ക് പരിജയം ഇല്ലാത്ത മുഖം ആണ്.. അപ്പോഴേക്കും മുഖംമൂടി ഇട്ടയാൾ വന്ന് നിലത്ത് കിടക്കുന്നവനെ പിടിച്ച് വലിച്ചു ഡേവിഡിന്റെ മുന്നിൽ ആയി കെട്ടിയിട്ടു. 



(തുടരും )