Part 9

കിച്ചുവേട്ടൻ" എന്റെ ചുണ്ടുകൾ ആ പേര് മന്ത്രിച്ചു. പതിയെ മിഴികളുയർത്തി ഞാൻ ആ മുഖത്തേക്ക് നോക്കി. ആ മിഴികളും എന്നിൽ തന്നെ ആണ്. എന്റെ മുഖം കണ്ടപ്പോൾ ആ മുഖത്തു അത്ഭുതം നിറയുന്നത് എനിക്ക് മനസ്സിലായി. ഒരു വേള ഞങ്ങളുടെ മിഴികൾ തമ്മിൽ കൊരുത്തു😍. പരസ്പരം മിഴികൾ മാറ്റാൻ ആവാതെ ഞങ്ങൾ അവിടെ നിന്നു.
ആരുടെയോ അടക്കി പിടിച്ച ചുമ കേട്ടാണ് ഞങ്ങൾ അകന്ന് മാറിയത്. അത് ആദിയായിരുന്നു.


അവനെ നോക്കാൻ എന്തോ ചമ്മൽ തോന്നി എനിക്ക്. അത് മനസിലാക്കിയ പോലെ അവൻ ഒന്ന് ആക്കി ചിരിച്ചു എന്നിട്ട് നേരെ കിച്ചുവേട്ടന്റെ അടുത്തേക്ക് പോയി അപ്പോഴേക്കും ബാക്കി ഉള്ളവർ വന്നു.പിന്നെ ഞങ്ങൾ എല്ലാവരും കുളത്തിനടുത്തേക്കും പോയി കിച്ചുവേട്ടൻ അമ്പലത്തിലേക്കും പോയി.


കുറേ നേരം കുളപ്പടവിൽ ഇരുന്ന് ഓരോന്ന് സംസാരിച്ചു. പിന്നെ കിച്ചുവേട്ടനും വന്നു. ആ സമയങ്ങളിൽ ഒന്നും കിച്ചുവേട്ടൻ എന്നെ ഒരു നോട്ടം കൊണ്ട് പോലും പരിഗണിച്ചില്ല എന്നത് എന്നിൽ ചെറിയൊരു നോവുണർത്തി. ആ പരിഭവം എന്റെ മുഖത്ത് പ്രകടമാവുകയും ചെയ്തു.


ആദി : എന്താ കുഞ്ഞൂസേ നിന്റെ മുഖം വല്ലാതെ ഇരിക്കുന്നെ. എന്താടാ എന്താ പറ്റിയേ.


ആദി അത് ചോദിച്ചതും എല്ലാവരുടേയും നോട്ടം എന്നിലേക്കായി. അവന് ഒരു വാടിയ പുഞ്ചിരി നൽകി കൊണ്ടു ഞാൻ ഒന്നുമില്ലെന്ന് പറഞ്ഞു. എന്നിട്ടും വിശ്വാസം വരാതെ അവൻ എന്നെ നോക്കി ഇരുന്നു. ഞാൻ അവനെ കണ്ണ് ചിമ്മി കാണിച്ചു. അത് കണ്ടപ്പോൾ അവനും കണ്ണ് ചിമ്മി കാണിച്ച് ചിരിച്ചു.


എന്തോ അത് വരെ ഉണ്ടായിരുന്ന സങ്കടം മനസ്സിൽ നിന്നും മായുന്നത് ഞാൻ അറിഞ്ഞു. പണ്ട് മുതലേ അങ്ങനെ ആണ് തന്റെ മുഖം ഒന്ന് വാടിയാൽ അത് അവനു പെട്ടെന്ന് മനസ്സിലാവും അവനോളം തന്നെ ആരും തന്നെ മനസ്സിലാക്കിയിട്ടില്ല എന്നതും അവൾ ഓർത്തു.


പിന്നെ അച്ഛാ ഒക്കെ വന്നു വിളിച്ചപ്പോൾ ഞങ്ങൾ അവരുടെ കൂടെ പോയി. പൂജയും വഴിപാടുംഒക്കെ കഴിഞ്ഞു. എല്ലാവരും പ്രസാദം വാങ്ങി കൊണ്ടു ആൽത്തരയിൽ വന്നിരുന്നു.
ഈ സമയം ഇത്രേം ആയിട്ടും ഞാൻ കിച്ചുവേട്ടനെ നോക്കിയില്ല. എന്തോ കിച്ചുവെട്ടനോടുള്ള പരിഭവം എന്നിൽ അവശേഷിച്ചിരുന്നു. അവിടെ നിന്നും എന്നിലേക്കൊരു നോട്ടവും ഞാൻ പ്രതീക്ഷിച്ചില്ല. കാരണം അന്ന് ആദ്യമായി ഞങ്ങൾ തമ്മിൽ കണ്ടപ്പോഴും ഇന്നും ഒക്കെ, എന്നോട് സംസാരിക്കാൻ വന്നിട്ടില്ല.


 ബാക്കി എല്ലാരോടും പുള്ളി വാ തോരാതെ സംസാരിക്കുന്നു, അതൊക്കെ ഒരു കൗതുകത്തോടെ ഞാൻ നോക്കി ഇരിക്കും. ഞാൻ പറയുന്നതൊക്കെ ഒരു ചിരിയോടെ കേട്ടിരിക്കുന്നത് കാണാം. എന്നിൽ നിന്നും ഒരു അകൽച്ച കാണിക്കുന്നതെന്തിനെന്നു മാത്രം എനിക്ക് മനസ്സിലായില്ല. അകൽച്ച കാണിച്ചാലും അദ്ദേഹത്തിന് സങ്കടം ഒന്നും ആവില്ലല്ലോ. പ്രണയം തോന്നിയതൊക്കെ എനിക്കല്ലേ. അപ്പോൾ സങ്കടവും എനിക്കല്ലേ.


പിന്നെ അന്ന് ഞാൻ അദ്ദേഹത്തിന്റെ കണ്ണുകളിൽ കണ്ട ഭാവങ്ങൾ എന്തായിരുന്നു. നൂല് പൊട്ടിയ പട്ടം പോലെ മനസ്സ് പാറി നടന്നു.


പക്ഷെ അവളുടെ മാറ്റങ്ങൾ ഒക്കെ കിച്ചു നോക്കി കാണുകയായിരുന്നു. അവൾടെ മുഖം കണ്ടപ്പോൾ തന്നെ അവനു മനസ്സിലായി അവൾ ഈ ലോകത്തൊന്നും അല്ലെന്ന്. എന്തോ കാര്യമായ ആലോചനയിലാണ് ആള്. ഇടക്ക് എന്തൊക്കെയോ ഇരുന്നു പിറുപിറുക്കുന്നും ഉണ്ട്. അവൾടെ മുഖത്തു വിരിയുന്ന ഭാവങ്ങൾ കാണേ അവന് ചിരി വന്നു.


കിച്ചുന്റെ ചിരി കണ്ടു അവൻ ആരെയാണ് നോക്കുന്നെ എന്ന് അറിയാൻ വേണ്ടി അവന്റെ കണ്ണുകൾ പോകുന്ന ഭാഗത്തേക്ക് ആരവിന്റെ ദൃഷ്ടി പതിഞ്ഞു. അവൻ ആയുനെ ആണ് നോക്കുന്നെ എന്ന് കണ്ടതും അവന്റെ ചുണ്ടിൽ ഒരു കുസൃതി ചിരി വിരിഞ്ഞു.
അവൻ കിച്ചുന്റെ അടുത്തേക്ക് നീങ്ങി ഇരുന്നിട്ട് ചോദിച്ചു.


ആരവ് : നീ ആ കൊച്ചിന്റെ ചോര ഊറ്റി കുടിക്കുവോടാ. ഒന്ന് പതുക്കെ നോക്ക് അതിന്റെ അച്ഛനും അമ്മയും ഒക്കെ ഉള്ളതാ😁.


കിച്ചു : ടാ.... ഞാൻ ചുമ്മാ അവളിരുന്ന് ആലോചിക്കുന്ന കണ്ടപ്പോൾ നോക്കിയതാ. അല്ലാതെ നീ വിചാരിക്കുന്ന പോലെ ഒന്നും ഇല്ലെടാ.


ആരവ് : അവൾ ഇരുന്ന് ആലോചിക്കുന്ന കാണുമ്പോൾ നീ എന്തിനാ നോക്കാൻ പോവുന്നേ മോനേ 🤨.


കിച്ചു : വെറുതെ😁.


ആരവ് : എല്ലാം മനസിലാവുന്നുണ്ട്😆.


കിച്ചു : ഒന്ന് പോടാ....😤


പിന്നെയും കുറച്ചു നേരം സംസാരിച്ചിരുന്നിട്ടു എല്ലാവരും പോവാൻ വേണ്ടി കാറിന്റെ അടുത്തേക്ക് പോയി. കിച്ചുവേട്ടന്റെ 'അമ്മ ഞങ്ങളെ എല്ലാവരേം വീട്ടിലേക്ക് ക്ഷണിച്ചു. പിന്നെ ഒരു ദിവസം വരാം എന്ന് പറഞ്ഞു ഞങ്ങൾ കാറിൽ കേറി വീട്ടിലേക്ക് യാത്ര തിരിച്ചു.
പോവാൻ നേരവും ആയു കിച്ചുവിനെ നോക്കിയില്ല, അതവനിൽ ചെറിയൊരു നോവുണർത്തി. പിന്നെ അവരും നേരെ വീട്ടിലേക്ക് പോയി.


കാറിൽ കയറിയതിനു ശേഷവും ആയു മിണ്ടാതെ ഇരിക്കുന്ന കണ്ടിട്ട് ആദിക്ക് മനസ്സിലായി അവൾക്ക് എന്തോ വിഷമം ഉണ്ടെന്ന്. വീട്ടിൽ ചെന്ന് അവളോട്‌ ചോദിക്കാം എന്നു വിചാരിച്ച് അവൻ അവളെ ശല്യം ചെയ്യാനും പോയില്ല.


വീട്ടിൽ എത്തി നേരെ ആയു റൂമിലേക്ക് പോയി ഡ്രെസ്സ് പോലും മാറാതെ ബെഡിലേക്ക് വീണു. കുറേ നേരം അങ്ങനെ കണ്ണടച്ചു കിടന്നിട്ടും മനസ്സൊന്ന് ശാന്തമായില്ലാ. കുറച്ചു നേരം കൂടി അവൾ അങ്ങനെ കിടന്നിട്ട് ഡ്രെസ്സ് മാറാൻ പോയി. അപ്പോഴേക്കും അവൾ ഒരുറച്ച തീരുമാനത്തിൽ എത്തിയിട്ടുണ്ടായിരുന്നു.
പിന്നെ നേരെ അച്ഛന്റെയും അമ്മയുടേയും അടുത്തേക്ക് പോയി. അവരോടൊപ്പം ഓരോന്ന് സംസാരിച്ചു ഇരുന്നപ്പോഴേക്കും തന്റെ മനസ്സ് ശാന്തമായ പോലെ അവൾക്ക് തോന്നി. ഓരോ കുസൃതി കാണിച്ചും, അമ്മയെ ദേഷ്യം പിടിപ്പിച്ചും അവൾ പഴയ ആയു ആയി മാറിയിരുന്നു.


ഉച്ചക്ക് മൂന്ന് പേരും കൂടി ഒരുമിച്ചിരുന്നു ആഹാരം കഴിച്ചു. അമ്മയും അച്ഛനും ഒരോന്നൊക്കെ പറഞ്ഞു സംസാരിക്കാൻ തുടങ്ങി. അവര് പറയുന്ന ഓരോന്നും കേട്ടുകൊണ്ടിരുക്കുമ്പോൾ ആണ് ആദി വന്നത് പിന്നെ അവനും കൂടി. കുറച്ചു നേരം അവരുടെ കൂടെ ഇരുന്നിട്ട് അവൻ എന്നെയും വിളിച്ചു റൂമിൽ വന്നു. അത് കണ്ടപ്പോഴേ മനസ്സിലായി മുഖം വാടി ഇരുന്നതിന്റെ കാര്യം അറിയനാണ് ആള് വന്നതെന്ന്. പിന്നെ എല്ലാം അവനോടു പറഞ്ഞു.


കിച്ചുവേട്ടന് ആയുനെ ഇഷ്ടമാവും എന്നു പറഞ്ഞു സമാധാനിപ്പിക്കുമ്പോഴും അവന്റെ മനസിലും അതൊരു ചോദ്യചിഹ്നമായി ഉണ്ടായിരുന്നു. പിന്നെ പതിയെ അവൾടെ മൂഡ് മാറ്റാൻ വേണ്ടി ആദി ഓരോ തമാശകൾ പറഞ്ഞു അവളെ ചിരിപ്പിച്ചുകൊണ്ടിരുന്നു.


അപ്പോഴാണ് ആയുവിന്റെ ഫോൺ റിങ് ചെയ്തത്. അറിയാത്ത നമ്പറിൽ നിന്നായിരുന്നു കാൾ വന്നത്. ഒരു നിമിഷം സംശയിച്ച് നിന്ന ശേഷം അവൾ കാൾ എടുത്തു. അത് അനു ആയിരുന്നു. പിന്നെ അവളോട്‌ ഓരോന്ന് സംസാരിച്ചിരുന്നു. അങ്ങനെ അരുന്ധതി അമ്മയോടും ആരവ് ചേട്ടനോടും ഒക്കെ സംസാരിച്ചു. അരുന്ധതി അമ്മക്ക് എന്റെ അമ്മയോട് സംസാരിക്കണമെന്ന് പറഞ്ഞപ്പോൾ ഞാൻ അമ്മേടെ കയ്യിൽ ഫോൺ കൊടുത്തു. പിന്നെ അവരായി സംസാരം.


ഇതേ സമയം കിച്ചുവിന്റെ വീട്ടിൽ. ആയുവിനെ വിളിച്ചപ്പോൾ അവൾ എല്ലാവരോടും സംസാരിക്കുന്നത് കിച്ചു കൗതുകത്തോടെ കേട്ടിരുന്നു. അവൾടെ ഓരോ കളിചിരികളും അവനിൽ അതിയായ സന്തോഷം നിറച്ചു.
അവൻ സ്വയം ഓരോ ചോദ്യങ്ങൾ മനസ്സിൽ ചോദിച്ചുകൊണ്ടിരുന്നു. എല്ലാത്തിന്റെയും ഉത്തരം ആയുഷിയിൽ എത്തി നിന്നു. അന്നാദ്യമായി അവളെ കണ്ടത് അവന്റെ ഓർമയിൽ തെളിഞ്ഞു വന്നു. കിച്ചുവിന്റെ മനസ്സ് ആ ദിവസത്തേക്ക് പോയി.


                                         തുടരും.........