Part 10

അവൻ സ്വയം ഓരോ ചോദ്യങ്ങൾ മനസ്സിൽ ചോദിച്ചുകൊണ്ടിരുന്നു. എല്ലാത്തിന്റെയും ഉത്തരം ആയുഷിയിൽ എത്തി നിന്നു. അന്നാദ്യമായി അവളെ കണ്ടത് അവന്റെ ഓർമയിൽ തെളിഞ്ഞു വന്നു. കിച്ചുവിന്റെ മനസ്സ് ആ ദിവസത്തേക്ക് പോയി.


അനുനേ പുറത്തു കൊണ്ടു പോവണമെന്നു പറഞ്ഞു വീട്ടിൽ ബഹളം വെച്ചപ്പോൾ 'അമ്മ പറഞ്ഞിട്ടാണ് അവളേം കൂട്ടി പുറത്തു പോയത്. കൂട്ടിന് കണ്ണനെ വിളിച്ചപ്പോൾ അവനെന്തോ പരുപാടി ഉണ്ടെന്ന് പറഞ്ഞു മുങ്ങി. ഷോപ്പിംഗ് കഴിഞ്ഞു അനുമോളുടെ വാശി പുറത്താണ് അന്ന് ബീച്ചിലും കൂടി പോയത്. അവളുടെ കൂടെ കളിച്ചു മടുത്ത് ഒരു സൈഡിൽ വന്നിരിക്കുമ്പോളാണ് ഒരു കിളിനാദം പോലെയുള്ള സ്വരം കാതിൽ പതിച്ചത്. ആരുടെയാണെന്നു നോക്കിയപ്പോഴാ എന്റെ കുറച്ചപ്പുറത്തു മാറി ഒരു പെണ്കുട്ടി ഇരിക്കുന്ന കണ്ടത്. അവൾടെ അടുത്തിരിക്കുന്ന ആ വായാടി ആണ് സംസാരിക്കുന്നെ, മുഖം കാണാൻ പറ്റുന്നില്ല ആ വായാടിയുടെ അടുത്തുള്ള പെണ്കുട്ടി ഇരിക്കുന്ന കാരണം. പുള്ളിക്കാരി കാര്യമായി എന്തോ പറയുവാണ് ആ പെൺകുട്ടിയോട്. നല്ല കിലു കിലാ ഉള്ള സംസാരം കേൾക്കാൻ തന്നെ നല്ല രസമുണ്ട്. അത് കാരണം പുള്ളിക്കാരി എന്താണ് പറയുന്നേ എന്നറിയാൻ വേണ്ടി ശ്രദ്ധിച്ചിരുന്നു.
പുള്ളിക്കാരി പ്രണയത്തെ കുറിച്ചൊരു ക്ലാസ് എടുക്കുവാണ് മറ്റേ പെങ്കൊച്ചിനു. കേട്ടിട്ട് ചെറിയ കൗതുകം തോന്നി.


ആയു : ചേച്ചി അയാൾക്ക് ചേച്ചിയോട് പ്രണയം അല്ല പ്രേമം ആണ്.


മറ്റേ പെണ്കുട്ടി : ടി...രണ്ടും ഒന്നല്ലേ🙄.


ആയു : ഒരിക്കലും അല്ല😊. രണ്ടും വേറെ വേറെ ആണ്.


മറ്റേ പെണ്കുട്ടി : എന്റെ പൊന്ന് കുഞ്ഞേ നീ എന്തൊക്കെയാ ഈ പറയുന്നേ 🤦. മനുഷ്യന് മനസ്സിലാവുന്ന രീതിയിൽ പറ.


ആയു : പ്രണയം ഒരു അനശ്വര അനുഭൂതിയാണ്. ആർക്ക് ആരോട് വേണേലും പ്രണയം തോന്നാം😊. ഒരു വസ്തുവിനോടോ ഒരു വ്യക്തിയോടോ തോന്നുന്ന ഒരു പ്രത്യേക അനുഭൂതിയാണ് പ്രണയം. അതൊരിക്കലും അയാളുടെ സൗന്ദര്യത്തോടോ അയാളുടെ കഴിവുകളോടോ തോന്നുന്ന ആകർഷണമല്ല. മറിച്ചു അയാളുടെ കുറവുകളേയും സ്നേഹിക്കാൻ കഴിയണം. ഒരാളോട് ഭ്രാന്തമായി തോന്നുന്ന വികാരം അതാണ് പ്രണയം. പ്രേമം ഒരു വ്യക്തിയോട് തോന്നുന്ന ഒരു ആകർഷണം മാത്രമാണ്. അതിന് ഒരിക്കലും ആയുസ്സില്ല. പക്ഷെ പ്രണയത്തിന് മരണമില്ല. പ്രണയം വീഞ്ഞ് പോലെയാണ്, കാലം പോകും തോറും വീര്യം കൂടികൊണ്ടിരിക്കും.


മറ്റേ പെണ്കുട്ടി : നമിച്ചു മോളെ🙏. ഇത്ര ഫിലോസഫി ഒക്കെ എവിടുന്ന് വരുന്നു.
ഇത്രേം കേട്ടപ്പോൾ തന്നെ ആ വായാടിയോട് ചെറിയൊരു ആരാധന തോന്നി. അവൾടെ മുഖം കാണാൻ അതിയായ ആഗ്രഹവും തോന്നി. മറ്റേ പെണ്കുട്ടി ചെറുതായി തിരിഞ്ഞപ്പോഴാ ഞാൻ ആ മുഖം കാണുന്നേ.


ആദ്യം തന്നെ എന്റെ മിഴികൾ ഉടക്കിയത് കുസൃതി നിറഞ്ഞ അവൾടെ നീല മിഴികളിലേക്കാണ്, അത് നല്ല കട്ടിക്ക് കണ്മഷി വെച്ച് എഴുതിയിട്ടുണ്ട് എന്തോ ഒരു പ്രത്യേക ഭംഗി തോന്നി. കുഞ്ഞി വട്ട മുഖം ആണ്. ഇടക്ക് കാറ്റടിച്ചു മുടി മുഖത്തേക്ക് വീഴുന്നുണ്ട്. അതവൾ ചെവിക്ക് പിറകിലേക്ക് ഒതുക്കി വെക്കുന്നും ഉണ്ട്.


ഇതൊക്കെ ചെയ്യുമ്പോഴും വാ തോരാതെ സംസാരിക്കുന്നുണ്ട് ആള്😊. ഓരോന്ന് പറയുമ്പോഴും ആൾടെ മുഖത്തൊരു കുസൃതി ചിരിയുണ്ട്‌.


കുറേ നേരം അവളെ തന്നെ നോക്കിയിരുന്നു. അനു വന്ന് വിളിച്ചപ്പോഴാണ് താൻ ഇത്രേം നേരം അവളെ നോക്കി ഇരിക്കുവാണെന്നു ബോധം വന്നെ. പിന്നെ അനുനേം കൂട്ടി വീട്ടിലേക്ക് തിരിച്ചു. വണ്ടി ഓടിക്കുമ്പോഴും വീട്ടിൽ വന്നിട്ടും ഒക്കെ ആ കുസൃതി നിറഞ്ഞ കണ്ണുകളെ കുറിച്ചായിരുന്നു ആലോചന. ആ കണ്ണുകൾ തന്റെ ഹൃദയത്തിലാണ് പതിഞ്ഞു പോയതെന്ന് വരെ അവന് തോന്നി. ഉറക്കത്തിലും ആ മിഴികൾ തന്നെ ശല്യം ചെയ്തു കൊണ്ടേയിരുന്നു. പക്ഷെ ഓരോ തവണയും ആ മിഴികൾ സ്വപ്‌നം കാണുമ്പോൾ താൻ അത് ഒത്തിരി ആസ്വദിക്കുന്നുണ്ടായിരുന്നു ഇതൊക്കെ കണ്ണനോട് പറയുമ്പോൾ അവൻ കളിയാക്കുമായിരുന്നു. അവൻ എപ്പോഴും തനിക്ക് അവളോട്‌ പ്രണയമാണെന്നു പറഞ്ഞു കളിയാക്കുമായിരുന്നു. പക്ഷെ ആ ഒരു ചോദ്യം സ്വയം ചോദിച്ചിട്ടും അതിനൊരു ഉത്തരം തനിക്ക് കണ്ടെത്താൻ ആയിട്ടില്ല.


പിന്നെ പോവുന്ന സ്ഥലങ്ങളിൽ ഒക്കെ ആ മിഴികൾ തേടുമായിരുന്നു. നിരാശൻ ആവേണ്ടി വരുമെന്ന് അറിഞ്ഞിട്ടും അവൾക്കായി മിഴികൾ പറതുമായിരുന്നു.


അങ്ങനെ അപ്രതീക്ഷിതമായാണ് അവളെ കോളേജിൽ വെച്ചു കാണുന്നത്. അന്ന് അവളെ തന്റെ നെഞ്ചോട് ചേർത്തു പിടിച്ചപ്പോൾ തനിക്ക് സംഭവിച്ച മാറ്റങ്ങൾക്കുള്ള കാരണം അവൻ തിരയുകയായിരുന്നു.


എല്ലാം ചെന്നവസാനിച്ചത് പ്രണയം എന്ന വാക്കിലായിരുന്നു. പക്ഷെ വിഷ്ണുവിന് അവളെ ഇഷ്ടം ആണെന്നറിഞ്ഞ നിമിഷം മുതൽ താൻ അവളെ കണ്ടില്ലെന്ന് നടിച്ചു. തന്റെ ഉറ്റ സുഹൃത്ത് വർഷങ്ങളായി മനസ്സിൽ കൊണ്ട് നടക്കുന്ന പെണ്കുട്ടിയെ സ്നേഹിക്കാൻ മനസാക്ഷി അനുവദിക്കാത്ത പോലെ. പക്ഷെ ഹൃദയം ഒരു നൂറു തവണ അവളെ സ്നേഹിക്കാൻ അലമുറ ഇടുന്ന പോലെ മിടിച്ചു കൊണ്ടിരിക്കും. ഇന്ന് അമ്പലത്തിൽ വെച്ചും അവളെ മനപൂർവം ഒഴിവാക്കുകയായിരുന്നു.


പക്ഷെ തന്നെ കാണുമ്പോൾ ആ മിഴികൾ തിളങ്ങുന്ന പോലെ തോന്നും. തന്റെ അവഗണന അവളെ വിഷമിപ്പിക്കുന്നുണ്ടെങ്കിലോ. ഇല്ല ഒരിക്കലും ഇല്ല ഇതൊക്കെ തന്റെ തോന്നൽ ആണെന്ന് മനസ്സിനെ പറഞ്ഞു പഠിപ്പിക്കാൻ ശ്രമിച്ചു അവൻ.


പതിയെ അവൻ ഓർമകളിൽ നിന്നും യാഥാർഥ്യത്തിലേക്ക് തിരികെ വന്നു. ഇനിയും താൻ അവളെ കുറിച്ച് ആലോചിച്ചാൽ ഭ്രാന്ത് പിടിക്കുമെന്ന് തോന്നി.


🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀


ഇതൊന്നും അറിയാതെ ആയു അവളുടെ സ്വപ്നങ്ങൾക്ക് നിറം നൽകി കൊണ്ടിരുന്നു. ദിവസങ്ങൾ ഇല കോഴിയും പോലെ കൊഴിഞ്ഞു.
ഇതിനിടയിൽ ആയുവും അനുവും ആദിയുമെല്ലാം നല്ല പോലെ അടുത്തിരുന്നു. അനു ആയുവിനെ എന്നും വിളിക്കുമായിരുന്നു, ആയു കിച്ചു ഒഴികെ ബാക്കി എല്ലാവരുമായും എന്നും സംസാരികുമായിരുന്നു. ആയു അവൾടെ പവിയേയും മീനുവിനേയും ഒക്കെ അനുവിന് പരിചയപ്പെടുത്തി കൊടുത്തു. അങ്ങനെ നല്ല രീതിയിൽ തന്നെ എല്ലാം മുന്നോട്ട് പോയി.
അങ്ങനെ ഇരിക്കെ ആണ് സ്കൂളിലെ ഓണം സെലിബ്രേഷൻ വരുന്നത്. അവരുടെ സ്കൂൾ ജീവിതത്തിലെ അവസാന ഓണം സെലിബ്രേഷൻ ആയത് കൊണ്ട് പിള്ളേരൊക്കെ അടിച്ചു പൊളിക്കാൻ തീരുമാനിച്ചു.
അങ്ങനെ ഓണപ്പാട്ടിന്റേം തിരുവാതിര കളിയുടേയും ഒക്കെ പ്രാക്ടീസ് തകൃതിയായി നടന്നു.

അങ്ങനെ ആ ദിവസം വന്നെത്തി.


                                               തുടരും.........