Part 11

അങ്ങനെ ഓണപ്പാട്ടിന്റേം തിരുവാതിര കളിയുടേയും ഒക്കെ പ്രാക്ടീസ് തകൃതിയായി നടന്നു.


അങ്ങനെ ആ ദിവസം വന്നെത്തി. ഇന്നാണ് ആയുവിന്റെ സ്കൂളിലെ ഒക്കെ ഓണപ്പരുപാടി.
നമ്മളുടെ ആയു ഒക്കെ സാരി ആണ് ഉടുക്കാൻ തീരുമാനിച്ചിരിക്കുന്നത്.


രാവിലെ ആയു നേരത്തെ തന്നെ എണീറ്റു. പിന്നെ അമ്മയും മോളും കൂടി സാരീ വെച്ചൊരു യുദ്ധം തന്നെ നടന്നു. ഒരു സെറ്റ് സാരി ആയിരുന്നു ആയു ഉടുത്തത്. അതിന്റെ കൂടെ ഗോൾഡൻ ബ്ലൗസും. മുടി സൈഡ് ബ്രൈഡ് കെട്ടി മുല്ലപ്പൂവും വെച്ചു. കണ്ണ് നന്നായി എഴുതി, ഒരു കറുത്ത പൊട്ടും തൊട്ടു. ഒരു ജിമിക്കി കാതിൽ അണിഞ്ഞു. അവൾ സാധാരണ ഉപയോഗിക്കുന്ന ഒരു നേർത്ത സ്വർണ ചെയിൻ ആയിരുന്നു കഴുത്തിൽ അണിഞ്ഞത്.
ഒരുങ്ങി ഇറങ്ങിയപ്പോൾ അവളെ കാണാൻ ഒരു പ്രത്യേക ഐശ്വര്യം തോന്നി.


ആദി ഒരു റെഡ് കളർ ഷർട്ടും പിന്നെ ഗോൾഡൻ കരയുള്ള മുണ്ടും ആയിരുന്നു. അവനു ആ വേഷം നന്നായി ചേരുന്നുണ്ടായിരുന്നു. ആദി അവളെ നോക്കി പൊളിച്ചു എന്ന് പറഞ്ഞു👍. അവൾ തിരിച്ചും അവന് കണ്ണ് തട്ടതിരിക്കാൻ വേണ്ടി കൈ വെച്ച് ഉഴിഞ്ഞു.


പിന്നെ അവര് നേരെ സ്കൂളിലേക്ക് പോയി. സ്കൂളിൽ എത്തിയപ്പോൾ പവി മീനു ഗേറ്റിന്റെ മുന്നിൽ തന്നെയുണ്ട്. പിന്നെ നേരെ ക്ലാസ്സിലേക്ക് പോയി. ആയു സ്കൂൾ വൈസ് ക്യാപ്റ്റൻ ആണ് അവരുടെ ക്ലാസ്സിൽ തന്നെ പഠിക്കുന്ന കാർത്തിക്ക് എന്ന ചെക്കൻ ആയിരുന്നു സ്കൂൾ ക്യാപ്റ്റൻ. രണ്ടു പേർക്കും നല്ല ജോലി ഉണ്ടായിരുന്നു. ആയു ക്ലാസ്സിൽ ചെന്ന് ബാഗ് വെച്ചു അവനേം വിളിച്ചു നേരെ ഓഡിറ്റോറിയത്തിലേക്ക് പോയി.


പിന്നെ അങ്ങോട്ടു പിള്ളേര് തകർക്കുവായിരുന്നു. അതിനിടയിൽ വെച്ചാണ് ആയു വിഷ്ണുവിനെ കാണുന്നെ. അവന്റെ അടിത്തേക്ക് പോവാൻ പോയപ്പോഴേക്കും ഒരു കുട്ടി വന്ന് എന്തോ ആവശ്യത്തിനു അവളെ വിളിച്ചോണ്ടു പോയി. അവനോട് ഇപ്പം വരാമെന്ന് പറഞ്ഞു അവൾ ആ കുട്ടിയുടെ കൂടെ പോയി.


🥀🥀🥀🥀🥀🥀🥀🥀🥀🥀🥀


വിഷ്ണുവിന്റെ കൂടെ അവന്റെ അച്ഛന്റെ സ്കൂളിൽ വന്നതായിരുന്നു കിച്ചുവും കണ്ണനും. വന്നപ്പോൾ മുതൽ കിച്ചുവിന്റെ കണ്ണുകൾ ആരെയോ തേടി കൊണ്ടിരുന്നു.


അവസാനം ആയുവിനെ കണ്ടപ്പോൾ, കാണാതെ പോയ കളിപ്പാട്ടം കയ്യിൽ കിട്ടിയ കുട്ടിയുടെ സന്തോഷം പോലെ അവന്റെ കണ്ണുകൾ തിളങ്ങി. അവൾ ഒരു സെറ്റ് സാരി ആണ് ഉടുത്തിരുന്നത്. മുടിയിൽ മുല്ല പൂവൊക്കെ ചൂടി ശെരിക്കും ഒരു സുന്ദരി ആയിട്ടുണ്ടായിരുന്നു. കുറച്ചു നേരം അവളെ തന്നെ കണ്ണിമക്കാതെ നോക്കി നിന്നു.
ആള് തിരക്കിട്ട് അങ്ങോട്ടും ഇങ്ങോട്ടും ഓടി നടന്ന് എന്തൊക്കെയോ ചെയ്യുവാണ്. ഇടക്ക് തങ്ങൾ നിൽക്കുന്ന സ്ഥലത്തേക്ക് മിഴികൾ വന്നത് കണ്ടു. വിഷ്ണുവിനെ നോക്കി കൈ കാണിച്ചു ഇങ്ങോട്ടേക്കു വരാൻ പൊന്നതും കണ്ടു. പിന്നെ ഒരു കുട്ടി വന്ന് വിളിച്ചോണ്ടു പോകാൻ പോയപ്പോൾ വിഷ്ണുവിനെ നോക്കി ഇപ്പം വരാമെന്ന് പറഞ്ഞിട്ട് ആ കുട്ടിയുടെ കൂടെ പോയി. തന്നെ അവൾ കണ്ടില്ലെന്ന് അവന് മനസിലായി.


🥀🥀🥀🥀🥀🥀🥀🥀🥀🥀🥀


ആയുവിനെ ആ കുട്ടി കൊണ്ട് പോയത് റെസ്റ്റ് റൂമിലേക്കാണ്. അവൾ അവിടെ ചെന്ന് അകത്തേക്ക് കയറിയപ്പോൾ ബെഡിൽ കിടക്കുന്ന അമ്മയെ ആണ് കണ്ടത്. അവൾ പേടിച്ചു അമ്മേടെ അടുത്തേക്ക് ഓടി, അവൾടെ കണ്ണുകൾ നിറയാൻ തുടങ്ങി. അമ്മ അവളെ നോക്കി പുഞ്ചിരിച്ചു ഒന്നുമില്ലെന്ന് കണ്ണുചിമ്മി കാണിച്ചു.


ആയു : എന്താമ്മേ പറ്റിയേ....


വിതുമ്പലടക്കി അവൾ ദേവികയോട് ചോദിച്ചു.
ദേവിക : ഒന്നൂല്ലേടാ അമ്മക്ക്. അയ്യേ എന്റെ കുഞ്ഞൂസ് എന്തിനാ വെറുതെ കണ്ണ് നിറച്ചിരിക്കുന്നേ.


ആയു : അമ്മേ.... നമ്മൾക്ക് ഹോസ്പിറ്റലിൽ പോവാം.


ദേവിക : അതിനും വേണ്ടി അമ്മക്ക് ഒന്നും ഇല്ലെടാ. കുറച്ചു നേരം കിടന്നാൽ മതിയാവും.


ദേവിക എത്ര പറഞ്ഞിട്ടും ആയു കേട്ടില്ല. അവൾ വിഷ്ണുവിന്റെ അച്ഛനോട് കാര്യം പറഞ്ഞു. അങ്ങനെ അവിടേക്ക് ആദിയും വിഷ്ണുവും ഒക്കെ വന്നു. വിഷ്ണു ആണ് ദേവികയെ ഹോസ്പിറ്റലിൽ കൊണ്ടു പോവാൻ വണ്ടി എടുത്തത്. ഹോസ്പിറ്റലിൽ പോവുന്ന വഴിക്ക് ആയു അവൾടെ അച്ചനെ വിളിച്ച് കാര്യം പറഞ്ഞു. അവൾടെ അച്ഛൻ ഹോസ്പിറ്റലിൽ എത്താമെന്നു പറഞ്ഞു ഫോൺ വെച്ചു.
ഹോസ്പിറ്റലിൽ എത്തി ഡോക്ടർനെ കാണിച്ചു. വേറെ കുഴപ്പം ഒന്നും ഇല്ലെന്ന് പറഞ്ഞപ്പോഴാ ആയുവിന് സമാധാനം ആയത്. അപ്പോഴേക്കും അവൾടെ അച്ഛൻ വന്നു. അമ്മയേം കൊണ്ട് അച്ഛാ വീട്ടിൽ പോയി. ആയു കൂടി വീട്ടിലേക്ക് വരുന്നെന്നു പറഞ്ഞെങ്കിലും ദേവിക അതിനു സമ്മതിച്ചില്ല.


ഞാനും ആദിയും വിഷ്ണുവേട്ടന്റെ കൂടെ സ്കൂളിൽ പോവാൻ വേണ്ടി വണ്ടിയുടെ അടുത്തേക്ക് പോയി. അപ്പോഴാണ് അവിടെ നിൽക്കുന്ന കിച്ചുവേട്ടനേം കണ്ണേട്ടനേം കാണുന്നെ.


ആയു : നിങ്ങൾ എന്താ ഇവിടെ.


വിഷ്ണു : ഇവരും എന്റെ കൂടെ സ്കൂളിൽ വന്നാരുന്നു. നിന്റെ അമ്മയുമായി ഇങ്ങോട്ടു വരുമ്പോൾ ഇവന്മാർ ബൈക്കിൽ പുറകെ വെരുന്നുണ്ടാരുന്നു.


കണ്ണൻ : ഇപ്പം എങ്ങനെ ഉണ്ട് മോളെ അമ്മക്ക്.


ആയു : കുഴപ്പം ഒന്നുല്ല കണ്ണേട്ടാ. ബിപി കുറഞ്ഞതാണ്.


കണ്ണനോട് സംസാരിക്കുമ്പോഴും ആയു കിച്ചുവിനെ നോക്കി. പക്ഷെ അവിടെ നോ മൈൻഡ്. ഫോണിൽ നോക്കി ഇരിക്കുവാ.


ആയു ( ആത്മ) : എന്തൊരു ദുഷ്ടനാ.. അമ്മക്ക് എങ്ങനെ ഉണ്ടെന്നെങ്കിലും ചോദിച്ചൂടെ. ദുഷ്ടൻ😤😤.


വിഷ്ണു : എന്നെങ്കിൽ വാ... സ്കൂളിലേക്ക് പോവാം.


അങ്ങനെ അവർ സ്കൂളിൽ എത്തി. ആയു നേരെ ക്ലാസ്സിലേക്ക് പോയി. ക്ലാസ്സിലേക്ക് കയറിയപ്പോൾ തന്നെ പവിയും മീനുവും ഓടി വന്ന് അമ്മേടെ കാര്യം ചോദിച്ചു. പിന്നെ അവരുടെ കൂടെ ഇരുന്നു ഓരോന്ന് പറഞ്ഞു. അപ്പോഴേക്കും ഒരുവിധം പരുപാടി ഒക്കെ കഴിഞ്ഞിരുന്നു.


പിന്നെ ഒരു സാർ വന്നു പായസം കുടിക്കാൻ എല്ലാവരും ചെല്ലാൻ പറഞ്ഞു. പിന്നെ ഞങ്ങൾ അങ്ങോട്ടേക്ക് വിട്ടു.


അവിടെ എത്തിയപ്പോൾ വിഷ്ണു ഏട്ടനും കണ്ണേട്ടനും കിച്ചുവേട്ടനും ഒക്കെ പായസം കുടിക്കുന്നു. ഒരു ഗ്ലാസ് പായസവും എടുത്തു നേരെ അങ്ങോട്ടേക്ക് പോയി.പിന്നെ ഫുൾ കത്തിയടി ആയിരുന്നു.


എല്ലാം പരുപാടിയും കഴിഞ്ഞു സ്കൂൾ വിട്ടപ്പോഴേക്കും ഉച്ചക്ക് 1 മണി ആയി. ബസ് സ്റ്റോപ്പിലേക്ക് നടക്കാൻ പോവാൻ തുടങ്ങിയപ്പോഴാ വിഷ്ണു ഏട്ടന്റെ അച്ഛൻ പറഞ്ഞത് വിഷ്ണു ഏട്ടൻ കൊണ്ടു വിടും എന്ന്. അങ്ങനെ വിഷ്ണുവേട്ടനെ നോക്കി സ്കൂൾ ഗേറ്റിന്റെ മുന്നിൽ നില്കുമ്പോഴാ ഒരു വണ്ടി മുന്നിൽ കൊണ്ടു വന്നു നിർത്തിയത്.........


                                         തുടരും.........