Izam &

               ☠️The Hunter☠️

 

Part -12        psycho thriller

 

മുന്നിലുള്ളത് ആരാണെന്ന് നോക്കി.തനിക്ക് പരിജയം ഇല്ലാത്ത മുഖം ആണ്.. അപ്പോഴേക്കും മുഖംമൂടി ഇട്ടയാൾ വന്ന് നിലത്ത് കിടക്കുന്നവനെ പിടിച്ച് വലിച്ചു ഡേവിഡിന്റെ മുന്നിൽ ആയി കെട്ടിയിട്ടു. അതിനു ശേഷം ആ മുഖംമൂടിധാരി തന്റെ അടുത്തേക്ക് വരുന്നത് കണ്ട ഡേവിഡ് ഒരു നിമിഷം ഭയന്നു... അവന്റെ കണ്ണിലെ ഭയം കണ്ട് അയാൾ ചിരിച്ചു... അയാൾ ആകെ മൊത്തം ഡെവിഡിനെ ഒന്ന് നിരീക്ഷിച്ചു. അനങ്ങാൻ വയ്യ.. കയ്യിലെയും കാലിലെയും  മുട്ടുകളിൽ നിന്ന് ചോര ഒലിച്ചതിന്റെ ശേഷിപ്പ് കാണാം.. കൈ താഴെ തളർന്ന് കിടക്കുകയാണ്. ഉയർത്താൻ കഴിയുന്നില്ല. ഉള്ളം കൈ നിലത്ത് പതിച്ചു വച്ചായിരുന്നു ഇരുത്തം.. 

 

പെട്ടെന്ന് അവൻ അടുത്തിരുന്ന ചുറ്റിക എടുത്തതും ഡേവിടിന്റെ കണ്ണിൽ നടുക്കം അവൻ കണ്ടു... 

 

"അല്ലെങ്കിൽ ഇപ്പൊ വേണ്ട... പിന്നെ ആവാം.. "എന്ന് പറഞ്ഞ് അവൻ എഴുന്നേറ്റ് തിരിഞ്ഞ് നടക്കാൻ തുനിഞ്ഞെങ്കിലും  അടുത്ത നിമിഷം ഒട്ടും പ്രതീക്ഷിക്കാതെ അവൻ തിരിഞ്ഞ് ഡെവിടിന്റെ കൈ പത്തിയുടെ മുകളിൽ  ആഞ്ഞടിച്ചു.... പ്രതീക്ഷിക്കാത്തത് ആയതുകൊണ്ടും ശരീരമാകെ വേദന ആയിരുന്നത് കൊണ്ടും ആ അടി അവനെ വല്ലാതെ വേദനിപ്പിച്ചു.. ഡേവിഡ് പരിസരം മറന്ന് അലറികരഞ്ഞു... 

 

"ഇതെങ്കിലും തരാതെ പോയാൽ ഒരു സുഖം ഉണ്ടാവില്ല... " എന്ന് പറഞ്ഞ് അവൻ  നേരത്തെ കൊണ്ടിട്ട ആളുടെ നേരെ തിരിഞ്ഞു... എന്നിട്ട് നിലത്ത് തല താഴേക്ക് മുന്നിലേക്ക് തൂങ്ങി മയങ്ങി കിടക്കുന്ന അയാളുടെ മുഖത്തേക്ക്  ഒരു ഫുട്ബോൾ തട്ടുന്നത് പോലെ ആഞ്ഞു ചവിട്ടി അയാൾ ഒന്ന് ഞെരങ്ങിയെങ്കിലും ബോധം വന്നില്ല. അത് കണ്ട് അവൻ തിരിച്ചിറങ്ങി വാതിൽ പുറത്തു നിന്ന് പൂട്ടി പോയി. 

 

 

#########

 

ഒരുപാടു നേരത്തെ അന്വേഷണത്തിന് ശേഷവും ആനന്ദിനെ കിട്ടിയില്ല... ഇസുവും ബാക്കി പോലീസുകാരും ഒരുമിച്ച് കൂടി.. 

 

"എന്തായി... എങ്ങനെ അവൻ രക്ഷപെട്ടു..."

 

" സാർ പറഞ്ഞപ്പോൾ തന്നെ ടീമിനെ അയച്ചിരുന്നു... ഏകദേശം അവൻ ഏഴ് കിലോമീറ്റർ സഞ്ചരിക്കുന്ന നേരം കൊണ്ട് നമ്മൾ അവനെ വളഞ്ഞിട്ടുണ്ട്... "(അമീർ )

 

"നമ്മളെ കടന്ന് അവൻ പോയിട്ടില്ല എന്ന് ഉറപ്പാണ്... അതിനുള്ള സമയം അവന് കിട്ടിയിട്ടില്ല... "(CI ജോസഫ് )

 

"പിന്നെ അവൻ എങ്ങോട്ട് പോയി.... ആവി ആയിപ്പോയോ... ഈ പത്തു കിലോമീറ്റർ ചുറ്റളവ് മുഴുവൻ അന്വേഷിച്ചു... എവിടെയും ഇല്ല.. അപ്പൊ അവൻ എവിടെ.. "

 

എല്ലാവരും ഒന്നും മിണ്ടാതെ നിന്നു...  

 

"അവനെ വേഗം കിട്ടിയില്ലേൽ ഇനി എന്തൊക്കെ സംഭവിക്കും എന്ന് പറയാൻ പറ്റില്ല... രണ്ട് പ്രാവശ്യം ആണ് അവനെ കൈയിൽ കിട്ടിയിട്ട് പിടിക്കാൻ പറ്റാതിരുന്നത്.. ഇന്ന് സിറ്റിയിൽ ചെക്കിങ് കർശനമാക്കണം... വൈകുംതോറും ആരുടെ ഒക്കെ ജീവന് ആപത്താണെന്ന് പറയാൻ പറ്റില്ല...  അവനെ കുറിച്ചുള്ള full details എനിക്ക് കിട്ടണം... " 

 

ഇസുന്റെ ഓർഡർ കിട്ടിയതും ഓരോരുത്തരും ഓരോ വഴിക്ക് പോയി. അന്നത്തെ ദിവസം മുഴുവൻ തിരഞ്ഞെങ്കിലും  ആനന്ദിന്റെ പൊടി പോലും കിട്ടിയില്ല.. 

 

വൈകുന്നേരം ഇസു വീട്ടിൽ എത്തിയപ്പോഴേക്കും ഒമ്പത് മണി കഴിഞ്ഞു. അകത്തേക്ക് കയറുമ്പോൾ തന്നെ കണ്ടത് ഷാമിയും ഇമ്രുവും കൂടി തല്ല് കൂടുന്നതാണ്..  അതെല്ലാം നോക്കി ചിരിച്ചുകൊണ്ട് ഫെബി അടുത്ത് തന്നെ ഇരിക്കുന്നുണ്ട്.. ഈ തല്ല് ഇവിടെ സ്ഥിരം ആയത് കൊണ്ടും തല്ല് കൂടുന്നത്  പിച്ചി മാന്തി എന്ന് പറഞ്ഞുകൊണ്ടാണെന്ന് അറിയുന്നത് കൊണ്ട് അവൻ അത് കാണാത്ത പോലെ റൂമിലേക്ക് നടന്നു.. ഫെബിയെ മറികടന്ന് പോയപ്പോൾ , അവനിൽ എന്തോ ഒന്ന് ശരീരത്തിലൂടെ കടന്നുപോയത് പോലെ തോന്നി.. അവൻ ഒരു നിമിഷം ഒന്ന് നിന്നു. അത് കണ്ട് അവൾ എന്തെ.. എന്ന് കണ്ണ് പൊക്കി ചോദിച്ചപ്പോൾ അവൻ ഒന്നുമില്ല എന്ന് പറഞ്ഞ് സ്റ്റയർ കേറി മുകളിലേക്ക് കേറി. വാതിൽ തുറന്നു അകത്തു കടക്കുമ്പോൾ അവൻ കേട്ടു കാസിം സാഹിബിന്റെ ശബ്ദം... 

 

 

"രണ്ടും ഇപ്പൊ നിർത്തിയില്ലേൽ ചൂരൽ എടുക്കും ഞാൻ... " ഉപ്പാപ്പയുടെ ശബ്ദം കേട്ടതും രണ്ടെണ്ണവും അടി നിർത്തി പരസ്പരം തോളിൽ കയിട്ടിരുന്നു.. 

 

"ഓ ചൂരൽ എന്ന് പറഞ്ഞതെ ഒള്ളൂ എന്താ സ്നേഹം.. " എന്ന് പറഞ്ഞു കൊണ്ട് മൂത്താപ്പ രംഗ പ്രവേശനം നടത്തി.. 

 

അത് കേട്ടതും രണ്ടെണ്ണവും തോളിൽ നിന്ന് കൈ എടുത്ത് മുഖത്തു നോക്കി പുച്ഛിച്ചിട്ട് എഴുന്നേറ്റ് പോയി. 

 

 

റൂമിൽ കേറിയ ഇസു ആകെ വണ്ടർ അടിച്ചു നിന്നു.. കാക്ക ചിക്കിമാന്തിയത് പോലെ കിടന്നിരുന്ന മുറി ഇപ്പൊ അടിപൊളിയായി ഒതുക്കി വച്ചിരിക്കുന്നു.. ഇത്ര നീറ്റ് ആയിട്ട് അവൻ തന്റെ മുറി കണ്ടിട്ടുതന്നെ ഇല്ലായിരുന്നു.. ഇടക്ക് ഉമ്മാ വന്ന് ഒതുക്കി വക്കുമെങ്കിലും പിറ്റേന്ന് ദിവസം തന്നെ അത് പഴയത് പോലെ ആവും. ഇതൊരു സ്ഥിരം പരിപാടി ആയപ്പോൾ ഒതുക്കുന്ന പണി ഉമ്മയും നിറുത്തി.. 

 

തന്റെ മുറി ഒതുക്കി വക്കാൻ മാത്രം ബുദ്ധിയില്ലാത്തത് ആർക്കാണെന്ന് ആലോചിച്ച് ഡ്രസ്സ്‌ എടുക്കാനായി അവൻ കബോർഡ് തുറന്നു.. അതിൽ തന്റെ ഡ്രസ്സുകൾ എല്ലാം അടുക്കി ഒതുക്കി വച്ചിരിക്കുന്നു....  അത് കണ്ടപ്പോഴാണ് അതിൽ ഇങ്ങനെ ഒക്കെ ഡ്രസ്സുകൾ ഉണ്ടായിരുന്നു എന്നവന് മനസ്സിലായത്.. സാധാരണ വലിച്ചെറിയൽ ആയതുകൊണ്ട് പലതും കണ്ടിട്ട് തന്നെ കാലം കുറെ ആയി.  അതിൽ നിന്ന് ടവൽ എടുത്ത് അവൻ ഫ്രഷ് ആവാൻ കയറി.. ഷവർ ഓൺ ആക്കി അതിനു താഴെ നിന്നപ്പോൾ ഇന്നത്തെ സ്‌ട്രെസ് മുഴുവൻ ഒലിച്ചുപോയി.. കഴിഞ്ഞു പുറത്തിറങ്ങിയതും ഡോർ തുറന്ന് ഫെബി റൂമിലേക്ക് കടന്നതും ഒരുമിച്ചായിരുന്നു. അകത്തു കടന്നതും അവൾ കാണുന്നത് ഒരു ടവൽ മാത്രം ഉടുത്ത് ബാത്‌റൂമിൽ നിന്നിറങ്ങി വരുന്ന ഇസുനെയാണ്. അവന്റെ സിക്സ് പാക്ക് ബോഡിയിൽ അവളുടെ കണ്ണുടക്കി.. കുളിച്ചിട്ട് സെരിക്ക് തോർത്താത്തത് കൊണ്ട് മുടിയിൽ നിന്ന് വെള്ളം ഇറ്റിവീണുകൊണ്ടിരുന്നു. പെട്ടെന്ന് എന്തോ ഓർത്ത പോലെ അവൾ ഞെട്ടി തിരിഞ്ഞു നിന്നു... അപ്പോഴാണ് അവനും ബോധം വന്നത്.. പെട്ടെന്ന് അവൾ കയറി വന്നപ്പോൾ എന്താളിച്ചു നിന്നതാണ്. അവൻ പെട്ടെന്ന് തന്നെ കബോർഡ് തുറന്ന് ഒരു ടീഷർട് എടുത്തിട്ടു... 

 

"നീയെന്താ ഇവിടെ.. "

 

"അ.... അത്... ഞാൻ ഫുഡ്‌ കഴിക്കാൻ വരാൻ പറഞ്ഞു അത് പറയാൻ വന്നതാ.. വെള്ളത്തിന്റെ ശബ്ദം കേട്ടപ്പോൾ കരുതി അകത്താവും എന്ന്.. സോറി. "അവൾ വിക്കിക്കൊണ്ട് പറഞ്ഞു.. 

 

"ആ താൻ പൊക്കോ... ഞാൻ വന്നോളാം.. 

 

അവൾ പോയതും അവൻ നെഞ്ചിൽ കൈയ് വച് ശ്വാസം വലിച്ച് വിട്ടു. ഭക്ഷണം കഴിച്ചുകൊണ്ടിരിക്കുമ്പോൾ അവൻ ഫെബിയെ നോക്കിയെങ്കിലും അവൾ ഇനിയെങ്ങനെ അവന്റെ മുഖത് നോക്കും എന്ന ചമ്മലിൽ ആയിരുന്നു..  അവരുടെ ചിരികളിയിൽ നിന്ന് അവന് മനസ്സിലായി ഈ ഒരു ദിവസം കൊണ്ട് അവൾ ഈ കുടുംബത്തോടൊപ്പം എത്രത്തോളം അടുത്തെന്ന്.. ഇന്നലത്തെ ഇൻസിഡന്റ്ൽ നിന്ന് മാറിയപ്പോഴേക്കും ആൾ ഉഷാർ ആയി.. മുഖം അയ്ശുനെപ്പോലെ ആണെങ്കിലും സ്വഭാവം നേരെ തിരിച്ചാണ്. അയ്ശു വായാടിയും പോക്കിരിയും ആയിരുന്നെങ്കിൽ ഫെബി ഒരു പഞ്ച പാവം ആണ്. എല്ലാവരെയും സ്നേഹിക്കാൻ മാത്രം അറിയുന്ന ഒരു പൊട്ടിപ്പെണ്ണ്. സംസാരിക്കുമ്പോൾ ഓരോ മണ്ടത്തരങ്ങൾ വിളിച്ചു പറഞ്ഞതിന് ശേഷം നാക്ക് കടിച് ഇളിച്ചു കാണിച്ചുള്ള നിൽപ്പ് അവൾക്ക് പ്രത്യേക ഭംഗിയാണ്. കണ്ണെടുക്കാൻ തോന്നില്ല.  ഇതൊക്കെ കൊണ്ട് തന്നെ വളരെ കുറഞ്ഞ സമയം കൊണ്ട് അവളെ എല്ലാവർക്കും ഇഷ്ടമായി... അവൾ ആ കുടുംബത്തിലെ  ഒരംഗത്തെ പോലെ ആയി. ഇതേ സമയം ആണ് അയ്ഷു അങ്ങോട്ട് കടന്നുവന്നു അവൾ കണ്ടത് ഇസു ഇടക്കിടക്ക് ഫെബിയെ നോക്കുന്നതാണ്. അത് കണ്ടതും അവൾക്ക് ദേഷ്യം വന്നു... അവൾ അങ്ങോട്ടേക്ക് നടന്നു... മെല്ലെ അവന്റെ പുറത്തൊരു പിച്ചു കൊടുത്തു.. 

 

"ആ.... ടി കോപ്പേ  " 

 

അത് കേട്ടതും അവൾ ഒന്ന് ഇളിച്ചു കാണിച്ച് അവന്റെ ചെവിയോടടിപ്പിച്ചു കൊണ്ട് പറഞ്ഞു... 

" ഞാൻ പറഞ്ഞിട്ടുണ്ട് എന്നെ അല്ലാതെ വേറെ ആരെയും വായ്നോക്കരുത് എന്ന്.. "(അയ്ശു)

 

"അത് പോലെ നിന്നോട് ഞാൻ പിച്ചരുതെന്നും പറഞ്ഞിട്ടുണ്ട്... "അവൻ അവളെ തല്ലാൻ പോയതും ഉപ്പാപ്പടെ നോട്ടം അത്ര സെരിയല്ല എന്ന് മനസ്സിലായതും അവൻ ഡീസന്റ് ആയി.. 

 

അവരുടെ കളിചിരികൾ കണ്ട് ചിരി വന്നെങ്കിലും ഹൃദയതിന്റെ ഏതോ ഒരു കോണിൽ ഒരു വേദന അവൾക്ക് അനുഭവപ്പെട്ടു.. 

 

 

 

(തുടരും )