💞മറന്നിട്ടുമെന്തിനോ💞-(30)

Part 30

നീലു കാറിൽ കേറിയത് മുതൽ കരച്ചിലാരുന്നു. അവസാനം കണ്ണനും കിച്ചുവും കൂടി ഓരോന്നൊക്കെ പറഞ്ഞു അവളെ ചിരിപ്പിച്ചു. അവളുടെ മുഖത്തെ ചിരി കണ്ടപ്പോൾ അർജുനും ഹാപ്പി. ഏറെ നേരത്തെ യാത്രക്ക് ശേഷം കാർ ഒരു ഇരു നില വീടിന്റെ മുന്നിൽ നിർത്തി. അത് അർജുന്റെ വീടായിരുന്നു.

പിന്നെ അർജുന്റെ അമ്മ നൽകിയ നിലവിളക്കും വാങ്ങി വലതുകാൽ വെച്ച് നീലു ആ വീടിന്റെ മരുമകളായി. പിന്നെ സ്ഥിരം ക്‌ളീഷേ ചടങ്ങുകളും ബന്ധുക്കളെ പരിചയപ്പെടലും ഒക്കെ കഴിഞ്ഞ് അനു നീലുവിനെ ഫ്രഷ് ആവാൻ വേണ്ടി അർജുന്റെ റൂമിലേക്ക് കൊണ്ട് പോയി. ഇതിനോടകം തന്നെ അവൾ അവരിൽ ഒരാളായി മാറിയിരുന്നു.

💞💞💞💞💞💞💞💞💞💞💞💞💞💞💞

ആയുവിനും പാറുവിനു നീലു പോയതിൽ നല്ല സങ്കടം ഉണ്ടായിരുന്നു. അത് അവരുടെ മുഖത്തു നല്ല വ്യക്തമായി തന്നെ പ്രതിഫലിച്ചു. വീട്ടിലെത്തി എല്ലാവരും ഓരോ സ്ഥലത്തായി വിശേഷങ്ങൾ പറഞ്ഞിരുന്നു, ചിലരൊക്കെ വിശ്രമിക്കാനും പോയി. അർജുന്റെ വീട്ടിലെ റിസപ്ഷൻ നാളെയാണ്. അത് കൊണ്ട് ഇന്ന് എല്ലാവരും റെസ്റ്റിലാണ്. വന്നപാടെ ആയുവും പാറുവും ഫ്രഷ് ആയിട്ട് വന്നു കിടന്നു. ആരും അവരെ ശല്യം ചെയ്യാനും പോയില്ല.

അന്നത്തെ ദിവസം വേറെ പ്രേത്യേകതകൾ ഒന്നും തന്നെയില്ലാതെ കടന്ന് പോയി.

പിറ്റേദിവസം വൈകിട്ട് 5 മണി മുതൽ ആയിരുന്നു റിസപ്ഷൻ തുടങ്ങുന്നത്. നീലുവിന്റെ വീട്ടിൽ നിന്ന് അടുത്ത ബന്ധുക്കൾ മാത്രേ ഉണ്ടാരുന്നോളൂ.

ആയുവിനെ കണ്ട കിച്ചുവിന്റെ കണ്ണുകളൊന്ന് വിടർന്നു. കാരണം അവനും അവളും ഒരേ പോലെയുള്ള കളർ ഡ്രസ്സ്‌ ആയിരുന്നു ഇട്ടിരുന്നത്. പാവം കിച്ചു അവനിതൊരു കോ ഇൻസിഡൻസ് ആണെന്ന വിചാരിച്ചേ. ബട്ട്‌ നമ്മുടെ ആയു ആരാ മോൾ അനുവിനെ വിളിച്ച് കിച്ചു ഇന്ന് ഇടുന്ന ഡ്രസ്സ്‌ കളർ ഒക്കെ ചോദിച്ച് മനസ്സിലാക്കിയിരുന്നു. അങ്ങനെ അവര് രണ്ടും, വീട്ടുകാരാരും കാണാതെ നിശബ്ദമായി പ്രണയിച്ചു. ഇടക്കിടക്കുള്ള കണ്ണ് കൊണ്ടുള്ള കഥകൾ കൈ മാറൽ ഒക്കെ മുറ പോലെ നടന്നു. ഇവരുടെ കളി കണ്ട് കളിയാക്കാൻ കണ്ണനും🤭.

പക്ഷെ നമ്മുടെ പാറുവും അച്ചുവും ഫുൾ വയലൻസ് ലവ് ആണ്. അച്ചുവിന് അവളെ ഇഷ്ടം ആണെന്ന് അറിഞ്ഞത് മുതൽ, അവനെ ചൊറിയാൻ നടക്കുന്നെയാണ് പാറുവിന്റെ ഹോബി. പക്ഷെ പുരോഗമനം എന്താണെന്ന് വെച്ചാൽ പണ്ടത്തെ പോലെ അവളെ അവൻ വഴക്ക് പറയാറില്ല. അവനും അവൾടെ കാട്ടികൂട്ടൽ ഒക്കെ എൻജോയ് ചെയ്യുന്നുണ്ട്. ഈ ഒറ്റ ധൈര്യത്തിലാണ് പുള്ളിക്കാരി ഇതൊക്കെ കാണിച്ച് കൂട്ടുന്നത്.

ആദിയും അനുവും രണ്ട് പേരുടേയും ഫുൾ കോൺസെൻട്രേഷൻ വായിനോട്ടത്തിലാണ്.

അങ്ങനെ വായിനോട്ടവും കത്തിയടിയും ആയി ആദിയും അനുവും മുന്നേറി കൊണ്ടിരുന്നപ്പോഴാണ്. അനുവിനെ ആരോ വിളിച്ചത്.

വിളിച്ചത് ആരാണെന്ന് അറിയാൻ തിരിഞ്ഞു നോക്കിയതാണ് അനു, ആളെ കണ്ടപ്പോൾ അവൾടെ മുഖം വിടർന്നു.

ആ പെൺകുട്ടി അപ്പോഴേക്കും നടന്ന് അനുവിന്റെ അടുത്തെത്തിയിരുന്നു. അനു അവളെ കെട്ടിപിടിച്ചു, പിന്നെ രണ്ട് പേരും കൂടി ഓരോന്ന് പറയാൻ തുടങ്ങി. അപ്പോഴാണ് ആ പെൺകുട്ടി പുറകിൽ നിൽക്കുന്ന ആദിയെ സംശയരൂപേണ നോക്കിട്ട് അനുവിനെ നോക്കുന്നത്. അനു ശെരിക്കും ആദി അവിടെയുള്ള കാര്യം തന്നെ അപ്പോഴാണ് ഓർക്കുന്നത്.

ഡീ, ഇതാണ് അദ്വിത്. നീലു ചേച്ചിടെ കസിന്റെ ഫ്രണ്ട് ആണ്.

ആ പെൺകുട്ടിക്ക് അനു ആദിയെ പരിചയപ്പെടുത്തി കൊടുത്തു.

ആദി, ഇതാണ് ധ്രുത ശ്രീനിവാസ്‌. ഞങ്ങളുടെ ദച്ചു, കണ്ണേട്ടന്റെ കസിൻ ആണ്. പിന്നെ എന്റെ ബെസ്റ്റ് ഫ്രണ്ട്. ഞങ്ങൾ 10th വരെ ഒരുമിച്ചാണ് പഠിച്ചത്.

ആദി അവളെ നോക്കി ചിരിച്ചു. അവൾ തിരിച്ചും അവനൊരു പുഞ്ചിരി സമ്മാനിച്ചു.

അപ്പോഴാണ് അവിടേക്ക് ആയു വന്നത്. കൂട്ടത്തിൽ പുതിയൊരാളെ കണ്ട് അവളൊന്ന് സ്റ്റക്കായി. എന്നിട്ട് കണ്ണ് കൊണ്ട് ആദിയോട് ഇത് ആരാണെന്ന് ചോദിച്ചു. അവനൊന്ന് കണ്ണ് ചിമ്മി കാണിച്ചു.

ആഹാ... വന്നല്ലോ വനമാല. ദച്ചു നീ കാണണം എന്ന് പറഞ്ഞ ആളാണ് ഈ നിൽക്കുന്നെ. (അനു)

അപ്പോഴേക്കും ആയു കണ്ണും മിഴിച്ചു അനുവിനെ നോക്കി.

ആഹാ.... ഇതാണല്ലേ ആയുഷി... കിച്ചു ഏട്ടന്റേം നിന്റെം ഒക്കെ ആയു.

അനു ആണെന്ന് തലയാട്ടി.

ആയു ഞാൻ ധ്രുത. ദച്ചു ന്ന് എല്ലാരും വിളിക്കും. താനും അങ്ങനെ വിളിച്ചോ.(ദച്ചു )

ആയു അവളെ നോക്കി ചിരിച്ചു. അത് കണ്ട് അനു പറഞ്ഞു.

ആയുസ്സേ... ഇത് കണ്ണേട്ടന്റെ ഒക്കെ കസിൻ ആണ്. നിന്നോട് ഞാനൊരിക്കൽ പറഞ്ഞില്ലേ 10th വരെ എന്റെ കൂടെ പഠിച്ച ന്റെ ഫ്രണ്ടിനെ കുറിച്ച്. അത് ഈ മരമാക്രി ആണ്.

ആയു മനസ്സിലായി എന്ന രീതിയിൽ തലയാട്ടി.

ദച്ചുനെ ഇന്നലെ കല്യാണത്തിന് കണ്ടില്ലല്ലോ. എൻഗേജ്മെന്റിനും കണ്ടില്ല. (ആയു )

അതോ ഈ രണ്ട് പ്രോഗ്രാം നടക്കുമ്പോഴും എനിക്ക് എക്സാം ആരുന്നു. അമ്മ സമ്മതിച്ചില്ല എക്സാം സ്കിപ് ചെയ്യാൻ. (ദച്ചു )

അത് നന്നായി.

ആദിയാണ് അത് പറഞ്ഞത്. അപ്പം തന്നെ ആയു അവനെ കൂർപ്പിച്ച് നോക്കി. ദച്ചു അത് കണ്ട് ചിരിച്ചു. പിന്നെ വിഷയം മാറ്റാൻ എന്ന പോലെ ദച്ചു ചോദിച്ചു.

അതൊക്കെ പോട്ടെ. അനു മറ്റേ ആളെവിടെ.

ആ ചോദ്യം കേട്ടപ്പോൾ അനു ഒന്ന് പരുങ്ങി കളിച്ചു.

ഇവളിത് ഏത് ആളിനെ കുറിച്ചാണ് പറയുന്നേ എന്ന് വിചാരിച്ച് ബാക്കി രണ്ട് പേരും അനുവിനെ നോക്കി.

അത് ഇവളുദേശിച്ചത് പാറു ചേച്ചീനെ ആണ്. ഞാൻ ഇവളോട് പാറുവേച്ചീടേം അച്ചുവേട്ടന്റേം കാര്യം പറഞ്ഞിരുന്നു. ചേച്ചിയെ ആണ് ഇവൾ തിരക്കിയത്. (അനു )

ആഹ്... അതെ . (ദച്ചു )

പിന്നെ അവര് ഓരോന്നൊക്കെ സംസാരിച്ച് കൂട്ടായി. ആള് പാവം ആണെന്ന് ആദിക്കും ആയുവിനും മനസ്സിലായി. എന്നാലും ആദിക്ക് അവളുടെ സംസാരത്തിൽ എന്തോ ഒരു ചെറിയ സ്പെല്ലിങ് മിസ്റ്റേക്ക് തോന്നി.

എന്നെങ്കിൽ ഞാൻ ഇവളെ പാറു ചേച്ചിയെ കാണിച്ചിട്ട് വരാം. (അനു)

പോയിട്ട് വാ (ആയു )

പിന്നെ അനു ദച്ചുവിനേയും കൂട്ടി പാറുവിന്റെ അടുത്തേക്ക് പോയി. . അവളെയും ദച്ചു പരിചയപെട്ടു.

അവര് പോയി കഴിഞ്ഞ് ആദി ആയുവിനെയും കൂട്ടി കിച്ചുവിന്റെ അടുത്തേക്ക് പോയി. കിച്ചുവിന്റെ കൂടെ കണ്ണനും ഉണ്ടായിരുന്നു.

പിന്നെ പരുപാടി എല്ലാം കഴിഞ്ഞ് എല്ലാവരും അവിടെ നിന്നിറങ്ങി. ആദിയൊക്കെ റിസപ്ഷൻ കഴിഞ്ഞ് നേരെ അവന്റെ വീട്ടിലേക്ക് പോയി.

ആയുവും അവൾടെ അച്ഛനും അമ്മയും റിസപ്ഷൻ കഴിഞ്ഞ് അവൾടെ അച്ഛന്റെ തറവാട്ടിലേക്കാണ് പോയത്. പിറ്റേ ദിവസം തന്നെ അവരുടെ വീട്ടിലേക്കും തിരിച്ച് പോയി.

തിരികെ അവളുടെ വീട്ടിൽ എത്തിയിട്ടും ആയുവിന് ഈ കഴിഞ്ഞ ദിവസങ്ങളിൽ തന്റെ ജീവിതത്തിൽ നടന്ന കാര്യങ്ങളെ കുറിച്ച് വിശ്വസിക്കാൻ പറ്റുന്നുണ്ടായിരുന്നില്ല. തന്റെ പ്രണയം തന്നിക്ക് സ്വന്തമായിരിക്കുന്നു. ഈ കാര്യം അവളെ ഏറെ സന്തോഷിപ്പിച്ചു.

അപ്പോഴാണ് അവൾടെ ഫോണിലേക്ക് കാൾ വന്നത്. ഫോൺ എടുത്ത് നോക്കിയപ്പോൾ കിച്ചുവാണ്. ഒരു ചെറു ചിരിയോടെ അവൾ കാൾ അറ്റൻഡ് ചെയ്തു.

💞💞💞💞💞💞💞💞💞💞💞💞💞💞💞

സമയം ആർക്ക് വേണ്ടിയും കാത്തിരിക്കില്ലെന്ന് പറയുന്നത് പോലെ, ദിവസങ്ങൾ കൊഴിഞ്ഞു.

ഇതിനിടയിൽ ആയുവും കിച്ചുവും പരസ്പരം നന്നായി മനസ്സിലാക്കി. ഫോൺ കാളിലൂടെയും മെസ്സേജ്കളിലൂടെയും ഒത്തിരി അടുത്തു. അവരുടെ ഫ്രണ്ട്സിന്റെ സഹായത്തോടെ ഇടക്കൊക്കെ കാണാനും സാധിച്ചു. എന്നാലും പരുതി വിട്ട് ഒരിക്കൽ പോലും രണ്ട് പേരും പെരുമാറിയിട്ടില്ല.

അവന് എപ്പോഴും അവൾ കൊച്ചു കുട്ടി ആയിരുന്നു. അതിന്റെതായ വാത്സല്യവും കരുതലും ഒക്കെ അവൻ എപ്പോഴും കാണിച്ചു. അവൾടെ ചെറിയ ചെറിയ കുസൃതികളും കുറുമ്പുകളും പരിഭവങ്ങളും ഒക്കെ അവൻ നന്നായി ആസ്വദിച്ചു.

ഈ കുറച്ച് കാലയളവിനുള്ളിൽ അവൾ അവന്റെ ആത്മാവിനോട് അലിഞ്ഞു ചേർന്നിരുന്നു. ആരാലും അടർത്തി മാറ്റാൻ കഴിയാത്ത വിധം അത്രമേൽ ആഴത്തിൽ വേര് പടർത്തിയിരുന്നു, പ്രണയമെന്ന പേരിനാൽ.

💞💞💞💞💞💞💞💞💞💞💞💞💞💞💞

അങ്ങനെ ഒരു ദിവസം രാത്രിയിലെ ഫോൺ വിളിയിൽ ആയിരുന്നു ആയുവും കിച്ചുവും.

കിച്ചുവേട്ടാ.....

എന്താടാ...

അതുണ്ടല്ലോ... ഞാൻ ഒരു കാര്യം പറയട്ടെ..

നിന്ന് കൊഞ്ചാതെ കാര്യം പറയ്‌ പെണ്ണേ....

ഏട്ടാ... ഞാൻ നമ്മടെ കാര്യം അച്ഛയോടും അമ്മയോടും പറയട്ടെ. ഞാൻ ഇത് വരെ അച്ഛയോട് ഒന്നും മറച്ച് വെച്ചിട്ടില്ല, എല്ലാം ഷെയർ ചെയ്യുവാരുന്നു. ഇപ്പം എന്തോ പോലെ, I really feel guilty. അച്ഛക്ക് എന്റെ ഒരു ചെറിയ മാറ്റം പോലും പെട്ടെന്ന് മനസ്സിലാവും ഇതും മനസ്സിലായി കാണും. ആ സ്ഥിതിക്ക് ഞാൻ...

അവള് പറഞ്ഞ് പൂർത്തിയാക്കും മുൻപ് തന്നെ അവന്റെ മറുപടി വന്നിരുന്നു.

ആയു... ഞാൻ തന്നെ നമ്മടെ കാര്യം നിന്റെ പേരെന്റ്സ്ന്നോട് പറയണം എന്നെനിക് നിർബദ്ധം ഉണ്ടെടാ. നിനക്ക് ഇപ്പം തന്നെ പറയണമെങ്കിൽ ഏറ്റവും അടുത്ത ദിവസം തന്നെ ഞാൻ വന്ന് നിന്റെ അച്ഛയോട് സംസാരിക്കാം. പക്ഷെ ഇപ്പം നീ ഇതിനെ കുറിച്ച് അവരോടു പറയണ്ട എന്നാണ് എന്റെ അഭിപ്രായം. ഇത് എന്റെ റിക്വസ്റ്റ് ആയി കണ്ടാൽ മതി.

ആഹ്.....

അത്ര തൃപ്തികരം അല്ലാതെ അവൾ മറുപടി കൊടുത്തു. പിന്നെ അവൻ ചോദിച്ചതിനൊക്കെ എന്തൊക്കെയോ മറുപടി കൊടുത്ത്‌ അവൾ കാൾ കട്ട് ചെയ്തു.

ഫോൺ വെച്ച് കഴിഞ്ഞു അവൾ നേരെ ബാൽക്കണിയിലേക്ക് പോയി. കുറച്ചു നേരം പുറത്തേക്ക് നോക്കി നിന്നു. ആരോ പുറകിൽ വന്ന് നിൽക്കുന്ന പോലെ തോന്നി തിരിഞ്ഞു നോക്കിയപ്പോൾ അത് അവളുടെ അച്ഛൻ ആയിരുന്നു.

എന്താടാ ഒറ്റക്ക് നിൽക്കുന്നത്

ചുമ്മാ വന്നതാ അച്ഛേ.

എന്ത് പറ്റി അച്ഛേടെ കുഞ്ഞൂസിന്. കുറച്ചു ദിവസായി ഞാൻ ശ്രെദ്ധിക്കുന്നു. ആകെ ഒരു മൂഡ് ഓഫ് പോലെ.

ഒന്നൂല്ല്യ അച്ഛേ.

അവൾടെ മുഖം കണ്ടപ്പോൾ അവൾക്ക് എന്തോ തന്നോട് പറയാൻ ഉണ്ടെന്ന് തോന്നി. അത് കാരണം അയാൾ അവളോട് ഒന്നൂടി എടുത്ത് ചോദിച്ചു.

എന്ത് പറ്റിയെടാ അച്ഛയോട് എന്തേലും പറയാൻ ഉണ്ടോ മോൾക്ക്.

അത് കേട്ടപ്പോൾ അവൾക്ക് പിടിച്ചു നില്ക്കാൻ ആയില്ല. അത്രേം നാൾ തന്റെ മനസ്സിൽ ഒളിപ്പിച്ചു വെച്ച രഹസ്യങ്ങളൊക്കെ അവൾ അയാളോട് പറഞ്ഞു. അവസാനം കരഞ്ഞു കൊണ്ട് അയാളുടെ നെഞ്ചിലേക്ക് വീണു, ഉള്ളിലെ സംഘർഷങ്ങളൊക്കെ പെയ്‌തൊഴിഞ്ഞു. അദ്ദേഹം അവൾടെ മുടിയിഴകളിൽ പതിയെ തലോടി കൊണ്ട് ആശ്വസിപ്പിച്ചു.

അച്ഛേടെ ആയൂട്ടി കരയാതെടാ.

സോറി അച്ഛേ... ഞാ...ൻ.... ഇത്.... ഒളിച്ചു വെക്കരുതാരുന്നു.

അവൾ ചുണ്ട് കൂട്ടി പിടിച് വിതുമ്പലടക്കി.

അയ്യേ..... എന്റെ കുഞ്ഞൂസ് എന്തിനാ ഇതിനൊക്കെ കരയുന്നെ. അന്ന് കല്യാണത്തിന് നിന്റെം അവന്റെം ആ കള്ളചിരിയൊക്കെ കണ്ടപ്പോഴേ എനിക്കും നിന്റെ അമ്മക്കും ഡൌട്ട് അടിച്ചതാ. പിന്നെ ഇതൊക്കെ എവിടെ വരെ പോവും എന്ന് നോക്കിയതല്ലേ ഞങ്ങൾ.

ഉവ്വോ..... വിശ്വസിച്ചു മോനേ.....

അവളൊരു കണ്ണിറുക്കി കൊണ്ട് ചുണ്ടിൽ ഒളിപ്പിച്ച കള്ളച്ചിരിയുമായി അദ്ദേഹത്തോട് പറഞ്ഞു.

അതൊക്കെ കൊള്ളാം. മോളു ഇപ്പം അതിനെ കുറിച്ചൊന്നും ആലോചിച്ചു ഈ കുഞ്ഞി തല കൂടുതൽ പുകക്കണ്ടാട്ടൊ. ഇപ്പോൾ എന്റെ കുഞ്ഞൂസ് നന്നായി പഠിക്കാൻ നോക്ക്. എക്സാം ഇങ്ങു അടുത്തില്ലേ. ഇപ്പം ഇതൊക്കെ തലയിൽ നിന്ന് കളഞ്ഞിട്ട് സ്റ്റഡീസിൽ കോൺസെൻട്രേറ്റ് ചെയ്യ്.

ആയുവിന്റെ കവിളിൽ മെല്ലെ തലോടി കൊണ്ട് രുദ്രദേവ് പറഞ്ഞു. അവൾ അയാളെ നോക്കി ചിരിയോടെ തലയാട്ടി.

ആഹാ.... നിങ്ങൾ അച്ഛനും മോളും കൂടി ഇവിടെ ഇരിക്കുവാരുന്നോ. കഴിക്കാൻ വരുന്നില്ലേ... (ആയുവിന്റെ 'അമ്മ ദേവിക )

നീ ഇങ്ങു വാടോ ഭാര്യേ.... ഇവിടെ നടക്കുന്ന വല്ലതും നീ അറിയുന്നുണ്ടോടോ..

ആയുവിനെ ഇടംകണ്ണിട്ട് നോക്കി കൊണ്ട് അദ്ദേഹം ദേവികയോട് ചോദിച്ചു. ആയു നിന്ന് പരുങ്ങി കളിച്ചു.

എന്താണ് രണ്ടിനും ഒരു കള്ള ലക്ഷണം.

അതുണ്ടല്ലോ ഭാര്യേ....... നമ്മുടെ മോൾക്ക് പ്രേമത്തിന്റെ അസ്ഥികത.

അച്ഛേ.........

അവൾക്ക് പ്രേമത്തിന്റെ അസ്ഥികത വന്നില്ലെങ്കിലെ അത്ഭുതം ഒള്ളു. നിങ്ങടെ അല്ലെ മോൾ.

ദേവിക നൈസ് ആയി രുദ്രനിട്ടൊന്ന് താങ്ങി. എന്നിട്ട് ആയുവിനോടായി പറഞ്ഞു.

ഇപ്പം എന്‍റെ കുട്ടി അതിന്റെ പുറകെ ഒന്നും പോവണ്ട നന്നായി പഠിക്കാൻ നോക്ക്. ബാക്കി ഒക്കെ നമ്മുക്ക് പിന്നെ ആലോചിക്കാം.

പിന്നെ അവര് ഓരോന്നൊക്കെ പറഞ്ഞു കുറച്ചു നേരം കൂടി ഇരുന്നിട്ട് ഭക്ഷണം കഴിച്ചു മൂന്നു പേരും കൂടി ഒരുമിച്ച് കിടന്നുറങ്ങി.

തുടരും..............

💞മറന്നിട്ടുമെന്തിനോ💞-(31)

4.6

3954

10 mins

Part 31 അങ്ങനെ പരീക്ഷാകാലം വന്നെത്തി. പരീക്ഷചൂട് വന്നപ്പോൾ കാളുകളുടെ എണ്ണവും കുറഞ്ഞു വന്നു. അതിൽ രണ്ട് പേർക്കും യാതൊരു പരിഭവവും ഇല്ലായിരുന്നു. ആ ചെറിയ വേർപിരിയൽ പോലും അവര് നന്നായി ആസ്വദിച്ചു. കാണാതെ ഇരുന്ന് കാണുമ്പോഴും മിണ്ടാതെ ഇരുന്ന് മിണ്ടുമ്പോഴും അതൊരു പുതിയ ഉണർവല്ലേ. അങ്ങനെ ഒരു നോക്ക് കാണാനും, മനസ്സ് തുറന്ന് സംസാരിക്കാനും പരിഭവങ്ങൾ പറഞ്ഞ് തീർക്കാനും വേണ്ടി കാത്തിരിക്കുക ആയിരുന്നു ആയുവും കിച്ചുവും. ആ കാത്തിരിപ്പ് പോലും അവരുടെ പ്രണയത്തിൻ തീവ്രത വർധിപ്പിക്കുന്നവയായിരുന്നു. അങ്ങനെ അവളുടെ പ്ലസ�