💞മറന്നിട്ടുമെന്തിനോ💞-(31)

Part 31

അങ്ങനെ പരീക്ഷാകാലം വന്നെത്തി. പരീക്ഷചൂട് വന്നപ്പോൾ കാളുകളുടെ എണ്ണവും കുറഞ്ഞു വന്നു. അതിൽ രണ്ട് പേർക്കും യാതൊരു പരിഭവവും ഇല്ലായിരുന്നു. ആ ചെറിയ വേർപിരിയൽ പോലും അവര് നന്നായി ആസ്വദിച്ചു. കാണാതെ ഇരുന്ന് കാണുമ്പോഴും മിണ്ടാതെ ഇരുന്ന് മിണ്ടുമ്പോഴും അതൊരു പുതിയ ഉണർവല്ലേ. അങ്ങനെ ഒരു നോക്ക് കാണാനും, മനസ്സ് തുറന്ന് സംസാരിക്കാനും പരിഭവങ്ങൾ പറഞ്ഞ് തീർക്കാനും വേണ്ടി കാത്തിരിക്കുക ആയിരുന്നു ആയുവും കിച്ചുവും. ആ കാത്തിരിപ്പ് പോലും അവരുടെ പ്രണയത്തിൻ തീവ്രത വർധിപ്പിക്കുന്നവയായിരുന്നു.

അങ്ങനെ അവളുടെ പ്ലസ് ടു എക്സാം കഴിഞ്ഞ്. നല്ല രീതിയിൽ തന്നെ അവൾ എക്സാം ഒക്കെ എഴുതി.

പിന്നെ അങ്ങോട്ട് ഒരു ആഘോഷം ആയിരുന്നു. അവര് വെക്കേഷൻ നന്നായി തന്നെ എൻജോയ് ചെയ്തു. ഇതിനിടയിൽ ഇനി ഏത് കോഴ്സിന് പോവും എന്നത് അവളിൽ ഒരു ചോദ്യമായി മാറി. അവസാനം അച്ഛന്റേം അമ്മയുടെയും പാത തന്നെ പിന്തുടരാൻ തീരുമാനിച്ചു. അച്ഛനും അമ്മയും പിന്നെ അവൾടെ ഇഷ്ടത്തിന് എല്ലാം വിട്ടു കൊടുത്തു. ആദിക്ക് എഞ്ചിനീയറിങ്ങ് പഠിക്കാൻ ആയിരുന്നു ആഗ്രഹം. അത് കൊണ്ട് അവൻ അതിനു വേണ്ടിയുള്ള പ്രെപറേഷൻ തുടങ്ങി.

അങ്ങനെ എല്ലാം കൊണ്ടും വളരെ നല്ല രീതിയിൽ മുന്നോട്ട് പോവുമ്പോഴാണ് നീലു ആയുവിനെ അവിടെ രണ്ട് ദിവസം ചെന്ന് നിൽക്കാൻ വേണ്ടി ക്ഷണിക്കുന്നത്. ആയുവിന് അതിൽ താല്പര്യം ഇല്ലായിരുന്നു കാരണം അവൾ പോയി കഴിഞ്ഞാൽ രുദ്രനും ദേവികയും ഒറ്റക്കാവും എന്നത് കൊണ്ട് അവൾ ആ ക്ഷെണം നിരസിച്ചു. അവസാനം നീലു ദേവികയോട് പറഞ്ഞ് സമ്മതിപ്പിച്ചു. ദേവികയും രുദ്രനും തന്നെ ആയുവിനോട് പോയി നിന്നോളാൻ പറഞ്ഞ്. എന്നിട്ടും ആയുവിന് പോവാൻ താല്പര്യം അല്ലായിരുന്നു. അത് അവൾ അവരോടൊക്കെ തുറന്ന് പറയുകെയും ചെയ്തു. പക്ഷെ എല്ലാവരും അവളെ അവിടേക്ക് പറഞ്ഞ് വിടാൻ വേണ്ടി മുൻകൈ എടുത്തു, ആദി പോലും, സാധാരണ അവൾക്ക് ഇഷ്ടം ഇല്ലാത്ത കാര്യങ്ങൾ ചെയ്യാൻ അവൻ നിർബന്ധിക്കാറില്ല അത് അവളിൽ ചെറിയ സംശയം സൃഷ്ടിച്ചു.

അങ്ങനെ അവളെ കൊണ്ട് സമ്മതിപ്പിക്കാൻ വേണ്ടി നീലുവും അനുവും കൂടെ അടുത്ത ദിവസം തന്നെ ആയുവിന്റെ വീട്ടിലേക്ക് പോവാൻ തീരുമാനിച്ചു.

💢💢💢💢💢💢💢💢💢💢💢💢💢💢💢💢💢💢

പിറ്റേ ദിവസം പതിവ് പോലെ രാവിലെ എണീറ്റ് വേറെ പണി ഒന്നും ഇല്ലാത്ത കൊണ്ട് ഒരു കൊറിയൻ ഡ്രാമ കാണുവായിരുന്നു ആയു. ദേവിക അടുക്കളയിൽ പിടിപ്പത് ജോലിയിൽ ആണ്. രുദ്രൻ എന്തോ ആവശ്യത്തിന് പുറത്തേക്ക് പോയി.

ആരോ കാളിങ് ബെൽ അടിക്കുന്ന കേട്ട് ദേവിക ആയുവിനോട് പോയി ഡോർ തുറക്കാൻ പറഞ്ഞു.

ആയു ചെന്ന് ഡോർ തുറന്ന് നോക്കിയപ്പോൾ അതാ ഡോറിന് മുന്നിൽ നീലുവും അനുവും ചിരിച്ചോണ്ട് നിൽക്കുന്നു.

നിങ്ങളെന്താ ഇവിടെ. (ആയു )

അതെന്താ ഞങ്ങൾക്ക് ഇവിടെ വന്നൂടെ. (അനു )

അങ്ങോട്ട് മാറി നിൽക്കെടി, ഇത് എന്റെ കുഞ്ഞമ്മാവന്റെ വീടാണ്. എനിക്ക് എപ്പം വേണേലും ഇവിടെ വരാം.

ഇതും പറഞ്ഞു ആയുവിനെ ചെറുതായി സൈഡിലേക്ക് തള്ളിയിട്ട് നീലു അകത്തേക്ക് കയറി.

അയ്യോ ഞാൻ അങ്ങനെയല്ല ഉദേശിച്ചത്. നിങ്ങളെന്താ ഒന്ന് വിളിച്ച് പോലും പറയാതെ വന്നതെന്ന്. എന്തേലും വിശേഷിച്ച് ഉണ്ടോ. (ആയു )

ആഹ് ഉണ്ട് മോളെ. ഇവിടെ നിന്ന് ഒരു പീസിനെ ഞങ്ങളുടെ കൂടെ കൊണ്ട് പോവാൻ വേണ്ടി വന്നതാ. (അനു )

പിന്നെ ഞങ്ങൾ വരുന്ന കാര്യം ദേവമ്മയെയും രുദ്രച്ഛനെയും വിളിച്ച് പറഞ്ഞിരുന്നു 🤭. (നീലു )

ആയു ഒന്നും മനസ്സിലാവാതെ നിന്നു.

ഏത് പീസിനെ കൊണ്ട് പോവാൻ.

നെറ്റി ചുളിച്ചായിരുന്നു അവളുടെ ചോദ്യം.

എന്നിട്ട് അവര് എന്നോടൊന്നും പറഞ്ഞില്ലല്ലോ.

ഞങ്ങൾ പറഞ്ഞു നിന്നോട് പറയണ്ടെന്ന്. അതാ അവരു പറയാഞ്ഞേ. (നീലു )

ഓഹോ.... അങ്ങനെയൊക്കെ ആണ് കാര്യങ്ങൾ. (ആയു ആത്മ )

പിന്നെ ഒന്നും നോക്കിയില്ല. സോഫയിൽ ഇരുന്ന അനുവിനെ പിടിച്ച് സോഫയിലേക്ക് തള്ളിയിട്ട് അവളുടെ മുകളിൽ കേറി ഇരുന്ന് കഴുത്തിനു പിടിച്ച് ഞെക്കുന്ന പോലെ കാണിച്ച് ചോദിച്ചു.

സത്യം പറയെടി. എന്നോട് പറയാതെ നിങ്ങൾ എല്ലാരും കൂടി എന്തുവാ പ്ലാൻ ചെയ്യുന്നേ.

(ആയു )

എന്റെ പൊന്ന് ആയു ഒന്നും ചെയ്യല്ലേ. നിന്നോട് അത് പറഞ്ഞ് നിന്നെ ഞങ്ങടെ കൂടെ കൊണ്ട് പോവാനാ ഞങ്ങൾ വന്നത്. (അനു )

അങ്ങനെ പോരട്ടെ. ഞാൻ അവിടെ വന്നിട്ട് എന്താ കാര്യം അത് പറയ്‌. (ആയു )

അത്.... അത് ഈ വരുന്ന May 5th ന് ഏട്ടന്റെ birthday ആണ്. നീ birthday എന്നാണെന്ന് ചോദിച്ചിട്ടും ഏട്ടൻ അന്ന് പറഞ്ഞില്ലല്ലോ. So നിനക്കത് അറിയില്ലല്ലോ. നിങ്ങൾ സെറ്റ് ആയിട്ടുള്ള ആദ്യത്തെ birthday അല്ലേ അപ്പം ഞങ്ങൾ വിചാരിച്ചു രണ്ട് പേർക്കും ഞങ്ങളുടെ വക ഒരു സർപ്രൈസ് തരാമെന്നു. ഞാനും ചേച്ചിയും മാത്രം അല്ല ഈ പ്ലാനൊക്കെ ചെയ്തത്. കണ്ണേട്ടനും ആദിയും ഏട്ടന്റെയും കണ്ണേട്ടന്റെയും ഒക്കെ ഫ്രണ്ട്സും ഉണ്ട്.

ഇത്രേം പറഞ്ഞിട്ട് അനു ആയുവിനെ നോക്കി നന്നായി ചിരിച്ച് കാണിച്ചു.

അയ്യാ... കൂടുതൽ ഇളിക്കല്ലേടി ദുഷ്ടേ. അങ്ങേരുടെ birthday അല്ലേ അതിന് എനിക്കെന്തിനാ സർപ്രൈസ്. (ആയു )

ചുമ്മാ 😝.... (അനു )

ശവം... എന്റെ മുന്നിൽന്ന് പൊയ്ക്കോണം. ഇല്ലേൽ ഞാൻ ചവിട്ടി കൂട്ടും. (ആയു )

എന്റെ ആയൂട്ടി നീ അവന് ഒരു സർപ്രൈസ് കൊടുക്കാൻ വേണ്ടിയല്ലേ ഞങ്ങൾ ഇതൊക്കെ പ്ലാൻ ചെയ്തത്. (നീലു വന്ന് ആയുവിന്റെ തോളിൽ പിടിച്ച് അവളോട് പറഞ്ഞു )

പോ ചേച്ചി ഞാൻ മിണ്ടത്തില്ല. നിങ്ങളോട് ഞാനിപ്പം ചോദിച്ച കൊണ്ടല്ലേ കാര്യം അറിഞ്ഞത്. ഇല്ലെങ്കിൽ ഞാനും കാര്യം അറിയാതെ അന്ന് വന്ന് നിന്നേനെ. ഏട്ടന് ഒരു ഗിഫ്റ്റ് പോലും മേടിക്കാൻ പറ്റാതെ വന്നേനെ. (ആയു )

അയ്യോ എടി പൊട്ടി. നീ അറിഞ്ഞാലും ഇല്ലേലും നിനക്ക് കിച്ചേട്ടന് കൊടുക്കാനുള്ള ഗിഫ്റ്റ് ഒക്കെ ഞങ്ങൾ സെറ്റ് ചെയ്തേനെ. അതോർത്തു നീ വിഷമിക്കേണ്ടി വരില്ലാരുന്നു. (അനു )

ഇപ്പം എല്ലാം ക്ലിയർ ആയില്ലേ ഇനി നിനക്ക് ഞങ്ങൾടെ കൂടെ വരാലോ. (നീലു )

Mm... തല്കാലം ക്ഷെമിച്ചിരിക്കുന്നു😝. (ആയു )

അയ്യടി.... നീ വന്നില്ലെങ്കിൽ ഞങ്ങൾ നിന്നെ തൂക്കിയെടുത്തു കൊണ്ട് പോയേനെ. (അനു )

പിന്നെ അവര് സർപ്രൈസിനെ കുറിച്ച് പറഞ്ഞോണ്ടിരുന്നു. കുറച്ച് കഴിഞ്ഞ് ആയുവിന്റെ അച്ഛനും അമ്മയും കൂടി ആ ഡിസ്കഷനിൽ. അങ്ങനെ ഉച്ചക്ക് ഫുഡ്‌ ഒക്കെ കഴിച്ച് വൈകുന്നേരം ആണ് അവര് തിരിച്ചു പോയത്. കൂടെ തന്നെ ആയുവും ആദിയും ഉണ്ടായിരുന്നു. ഈ പോക്കിന് പിന്നിലുള്ള ദുരുദ്ദേശം ആയുവിന്റെ അച്ഛനോടും അമ്മയോടും പറഞ്ഞിട്ടില്ല. കിച്ചുവിന്റെ birthday സെലിബ്രേറ്റ് ചെയ്യാൻ ആണെന്നെ പറഞ്ഞിട്ടൊള്ളു.

💢💢💢💢💢💢💢💢💢💢💢💢💢💢💢💢💢

അങ്ങനെ നീലുവിന്റെ വീട്ടിൽ എത്തിയപ്പോൾ വീടിന് ഉമ്മറത്തു തന്നെ അർജുന്റെ അമ്മയും കണ്ണനും അവരെ കാത്തിരിപ്പുണ്ടായിരുന്നു. പിന്നെ കുറച്ച് നേരം വിശേഷം ചോദിക്കലായി അവസാനം അവരോട് പോയി ഫ്രഷ് ആയി വരാൻ അർജുന്റെ അമ്മ സുപ്രിയ പറഞ്ഞു.

ആയു ഫ്രഷ് ആയി വരുന്നത് വരെ അനു അവളെ കാത്തിരുന്നു.

നീ വീട്ടിലേക്ക് പോയില്ലേ. (ആയു )

ഇല്ലെടാ... നിന്നേം കൂടി കൊണ്ട് പോവാന്ന് വിചാരിച്ചു അതാ ഇവിടെ വെയിറ്റ് ചെയ്തേ. (അനു )

എന്നെങ്കിൽ വാ പ്രിയാമ്മയോട് പറഞ്ഞിട്ട് അരുന്ധതി കുട്ടിടെ (അനുവിന്റേം കിച്ചുവിന്റേം അമ്മ ) അടുത്തേക്ക് പോവാം.

അവര് സുപ്രിയയോട് പറഞ്ഞിട്ട് പോവാൻ വേണ്ടി ഇറങ്ങിയപ്പോൾ ആദിയും കൂടെ വരുന്നെന്ന് പറഞ്ഞു. പിന്നെ മൂന്നും കൂടി അനുവിന്റെ വീട്ടിലേക്ക് പോയി.

അനുവിന്റെ വീടിന്റെ ഗേറ്റിന്റെ ഫ്രോന്റിൽ എത്തിയപ്പോഴേ മുറ്റത്തൊരു കാർ കിടക്കുന്ന കണ്ട് മൂന്ന് പേരും സംശയത്തോടെ പരസ്പരം നോക്കി.

ചിലപ്പം അച്ഛന്റെ ഫ്രണ്ട്സ് ആരേലും ആവും. നിങ്ങള് വാ.

അതും പറഞ്ഞ് അനു മുമ്പിൽ നടന്നു. ബാക്കി രണ്ട് പേരും അവളെ പിന്തുടർന്നു.

വീടിന് അകത്തു കേറിയപ്പോൾ തന്നെ അനു വിളിച്ച് കൂവി.

അമ്മേ..... ദേ ആരാ വന്നിരിക്കുന്നതെന്ന് നോക്കിയേ......

ഇതും പറഞ്ഞ് ഹാളിലെ സോഫയിലേക്ക് നോക്കിയ അവളൊന്ന് ഞെട്ടി. വേഗം തന്നെ അവൾ പുറകെ വന്ന ആയുവിനെയും ആദിയെയും നോക്കി. അവിടേം ഇതേ സെയിം എക്സ്പ്രഷൻ ആയിരുന്നു.

തുടരും......

💞മറന്നിട്ടുമെന്തിനോ💞-(32)

4.6

3740

13 mins

Part 32 അനുവിന്റെ വീടിന്റെ ഗേറ്റിന്റെ ഫ്രോന്റിൽ എത്തിയപ്പോഴേ മുറ്റത്തൊരു കാർ കിടക്കുന്ന കണ്ട് മൂന്ന് പേരും സംശയത്തോടെ പരസ്പരം നോക്കി. ചിലപ്പം അച്ഛന്റെ ഫ്രണ്ട്സ് ആരേലും ആവും. നിങ്ങള് വാ. അതും പറഞ്ഞ് അനു മുമ്പിൽ നടന്നു. ബാക്കി രണ്ട് പേരും അവളെ പിന്തുടർന്നു. വീടിന് അകത്തു കേറിയപ്പോൾ തന്നെ അനു വിളിച്ച് കൂവി. അമ്മേ..... ദേ ആരാ വന്നിരിക്കുന്നതെന്ന് നോക്കിയേ...... ഇതും വിളിച്ചു കൂവി ഹാളിലെ സോഫയിലേക്ക് നോക്കിയ അനു അവിടെ ഇരിക്കുന്ന അമ്മമ്മയേയും അശ്വതിയേയും കണ്ടൊന്ന് ഞെട്ടി. അവൾ വ