💞മറന്നിട്ടുമെന്തിനോ💞-(34)

Part 34

അപ്പോഴേക്കും ചായ കുടിക്കാൻ വേണ്ടി സുപ്രിയ വന്ന് എല്ലാവരെയും വിളിച്ചു. പിന്നെ നാല് പേരും കൂടി ചർച്ച അവസാനിപ്പിച്ചു താഴേക്ക് പോയി. ആയുവും ആദിയും വന്നത് കൊണ്ട് നല്ല സ്പെഷ്യൽ പഴംപൊരിയും ബജിയും ഒക്കെ ഉണ്ടായിരുന്നു. അങ്ങനെ ചായ കുടിയും സംസാരവും മുറക്ക് തന്നെ നടന്നു അവസാനം പഴംപൊരിക്ക് വേണ്ടി ആയുവും കണ്ണനും ഒരു യുദ്ധം തന്നെ ഉണ്ടാക്കി. എല്ലാം കണ്ട് ചിരിയോടെ ബാക്കിയുള്ളവരും ഉണ്ടായിരുന്നു കൂടെ തന്നെ.

അങ്ങനെ കളിചിരികളും വർത്തമാനവും നടക്കുമ്പോഴാണ് അവിടേക്ക് കിച്ചു വന്നത്. കിച്ചുവിനെ കണ്ട് ആദ്യം ആയു ഒന്ന് വല്ലാതെ ആയി. പിന്നെ അവനെ നോക്കി ഹൃദ്യമായി പുഞ്ചിരിച്ചു. പക്ഷെ അവൻ അവളെ പാടെ അവഗണിച്ചു കൊണ്ട് കണ്ണന്റെ അടുത്തേക്ക് പോയിരുന്നു. എന്നിട്ടവനോട് സംസാരിക്കാൻ തുടങ്ങി. അത് കണ്ട് ആയുവിന് ചെറിയ സങ്കടം തോന്നി. കുറച്ച് നേരം കൂടി അവിടെ ഇരുന്നിട്ടവൾ സുപ്രിയയുടെയും നീലുവിന്റെയും കൂടെ അടുക്കളയിലേക്ക് പോയി.

ഇത് കണ്ട് കണ്ണൻ കിച്ചുവിനോട് ചോദിച്ചു.

നീ ആയുവിനെ കണ്ടില്ലേ.

കണ്ടു.

കിച്ചു വല്ല്യ താല്പര്യം ഇല്ലാതെ പറഞ്ഞു. അപ്പോൾ അവന്റെ മനസ്സിൽ താൻ വീട്ടിൽ വെച്ച് അമ്മയും അനുവുമായി സംസാരിച്ച കാര്യങ്ങൾ ആയിരുന്നു.

അമ്മമ്മ ആയുവിനെ കുറിച്ച് പറഞ്ഞത് അത്രക്ക് വിശ്വാസം വരാത്തത് കൊണ്ടാണ് അമ്മയോട് പോയി കാര്യം അന്വേഷിച്ചത്. അപ്പോൾ അമ്മ പറഞ്ഞത് അമ്മമ്മ എന്തോ ചോദിച്ചപ്പോൾ ആയു എടുത്തടിച്ച പോലെ മറുപടി കൊടുത്തത്രെ. അത് അമ്മമ്മക്ക് അത്രക്ക് ബോധിച്ചില്ല. അത് കാരണം അമ്മമ്മ അവളെ വഴക്ക് പറഞ്ഞെന്ന്. ഒരുവേള തനിക്ക് അമ്മ കള്ളം പറയുവാണോന്ന് പോലും സംശയം തോന്നി പോയി. ഇന്ന് വരെ തന്റെ ആയു ആരോടും അങ്ങനെയൊന്നും പെരുമാറിയിട്ടില്ല. പിന്നെ ഇന്നവൾക്ക് എന്ത് പറ്റിയെന്ന ചോദ്യം മനസ്സിൽ ഉടലെടുത്തു. ഒന്ന് കൂടി എല്ലാം ഉറപ്പിക്കാൻ വേണ്ടി അനുവിനെ നോക്കിയപ്പോൾ അവൾ എന്നെ നോക്കി മെല്ലെ തലയാട്ടി. അത് കൂടെ കണ്ടപ്പോൾ ആയുവിനോട് നല്ല ദേഷ്യം തോന്നി. അങ്ങനെയാണ് നേരെ ഇവിടേക്ക് വന്നത്.

കണ്ണന്റെ അടുത്ത ചോദ്യമാണ് എന്നെ ചിന്തകളിൽ നിന്നും മുക്തനാക്കിയത്.

എന്നിട്ടെന്താ അവളോട് സംസാരിക്കാഞ്ഞത്. (കണ്ണൻ)

എന്തിന്.... എന്റെ വീട്ടിൽ വന്ന് വീട്ടിലുള്ളവരെ അപമാനിക്കുന്നവരോടൊക്കെ ഞാൻ കൊഞ്ചി കുഴയണോ.

അവന്റെ വാക്കുകളിൽ അമർഷം നിറഞ്ഞു. അവന്റെ ആ രീതിയിലുള്ള സംസാരം ആദിക്ക് അത്രക്കങ്ങു ബോധിച്ചില്ലെന്ന് അവന്റെ മുഖത്ത് നിന്നും കണ്ണന് മനസ്സിലായി.

കിച്ചു നീ കാര്യം അറിയാതെ ഓരോന്ന് പറയരുത്.

കണ്ണൻ കിച്ചുവിനോടായി പറഞ്ഞു.

അറിഞ്ഞിടത്തോളം മതിയായെടാ. അവളെന്തിനാ അമ്മമ്മയോട് തർക്കുത്തരം പറഞ്ഞത്. അത് കാരണം അമ്മമ്മേടെ മനസ്സിൽ അവൾക്കൊരു നെഗറ്റീവ് ഇമ്പ്രെഷൻ ആണ് ഉണ്ടായത്. ഞാൻ എങ്ങനേലും എല്ലാം കരക്കടുപ്പിക്കാൻ നോക്കുമ്പോൾ അവളെല്ലാം കുളം ആക്കുവാ.ആകെ തല പെരുക്കുന്നൊരു അവസ്ഥ.

അവൻ തലയിൽ കൈ താങ്ങിയിരുന്നു കണ്ണനോടായി പറഞ്ഞു.

അവൾക്ക് ഇങ്ങനെയുള്ള കാര്യത്തിലെങ്കിലും കുറച്ച് പക്വത കാണിച്ചൂടെ. വെറുതെ മനുഷ്യനെ മെനകെടുത്താൻ... ഇതിനെയൊക്കെ തലയിലെടുത്ത് വെക്കണ്ടാരുന്നെന്ന് തോന്നി പോവുവാ.

കിച്ചു പറയുന്നതൊക്കെ കേട്ട് കൊണ്ടാണ് ആയു കിച്ചണിൽ നിന്ന് അവനുള്ള ചായയും ആയി വരുന്നത്. അവന്റെ വാക്കുകൾ അവളിൽ നോവ് പടർത്തി. അതിന്റെ ഫലമായി അവൾടെ കണ്ണുകളിൽ നീർമുത്തുകൾ ഉരുണ്ട് കൂടി.

അവൾടെ മുഖം കണ്ട കിച്ചുവിന് പിന്നെയാണ് താൻ പറഞ്ഞതിന്റെ ആഴം മനസ്സിലായത്. അവൻ ദയനീയമായി കണ്ണനെ നോക്കിയപ്പോൾ കണ്ണന്റെ മുഖം ദേഷ്യം കൊണ്ട് വിറക്കുന്നതായി അവന് തോന്നി.

ആദിയും അതെ അവസ്ഥയിലാരുന്നു. കിച്ചുവിന്റെ വാക്കുകൾ അവന് ഉൾകൊള്ളാൻ പ്രയാസമായിരുന്നു.

കി...ച്ചേട്ട..നും... ഞാ...ൻ... അ..ങ്ങനൊ...ക്കെ.. പറ..ഞ്ഞെ...ന്ന് വിശ്വ..സി..ച്ച..ല്ലേ...

എന്ത് കൊണ്ടോ അവൾടെ സ്വരം ഇടറി.

ഞാ...ൻ.... അ..ങ്ങ..നെ പറ...ഞ്ഞി..ല്ലാ..ട്ടോ...

അതും പറഞ്ഞവൾ മുഖം പൊത്തി കരഞ്ഞു. കണ്ണൻ അപ്പോഴേക്കും അവളെ ചേർത്ത് പിടിച്ചിരുന്നു.

ന്നെ.. വീട്ടിൽ ആക്ക് ക..ണ്ണേ..ട്ടാ.. ഞാൻ പൊയ്ക്കോളാം...

കരച്ചിലിനിടയിലും അവൾ പുലമ്പി കൊണ്ടിരുന്നു.

കിച്ചു... നിന്റെ എടുത്ത് ചാട്ടം കുറച്ച് കൂടുന്നുണ്ട്. ആയു ഒന്നും തന്നെ നിന്റെ അമ്മമ്മയെ പറഞ്ഞിട്ടില്ല. നിന്റെ അമ്മമ്മയും ആശ്വതിയും ആണ് ആയുവിനെ ഓരോന്ന് പറഞ്ഞത്. അവര് ഓതി തന്നത് കേട്ട് ഇവിടെ വന്ന് ആയുനെ ഓരോന്ന് പറഞ്ഞാലുണ്ടല്ലോ നമ്മൾ തമ്മിലുള്ള സൗഹൃദമൊക്കെ ഞാനങ്ങു മറക്കും...

കണ്ണന്റെ വാക്കുകൾ ഉറച്ചതായിരുന്നു.

ടാ... ഞാ..ൻ...

വേണ്ടെടാ ഒന്നും പറയണ്ട.. വാ കുഞ്ഞി...

ഇതും പറഞ്ഞ് കണ്ണൻ ആയുവിനെ ചേർത്ത് പിടിച്ച് അവൾടെ റൂമിലേക്ക് പോയി. കിച്ചുവിനെ ഒന്ന് നോക്കി ആദിയും പുറകെ പോയി.

അവൻ തന്റെ തലയിൽ കൈ താങ്ങിയിരുന്നു. ആ വലിയ മുറിയിൽ അവൻ തികച്ചും ഒറ്റപെട്ട പോലെ തോന്നി അവന്. അപ്പോഴും മനസ്സിൽ അമ്മ തന്നോടെന്തിന് കള്ളം പറഞ്ഞു എന്നത് കനലായി എരിഞ്ഞു കൊണ്ടിരുന്നു.

അപ്പോഴാണ് അവിടേക്ക് സുപ്രിയ വന്നത്.

എന്ത് പറ്റി കിച്ചൂട്ടാ. നിനക്ക് വയ്യേ.

പ്രിയയുടെ ശബ്ദത്തിൽ ആവലാതി പടർന്നു.

ഒന്നൂല്ല അമ്മേ. ഞാൻ പോവാ കണ്ണനോട് പറഞ്ഞേക്ക്.

അതും പറഞ്ഞവൻ അവിടെ നിന്നിറങ്ങി.

എന്ത് പറ്റി ഈ കുട്ടികൾക്ക്.

സുപ്രിയ ആരോടെന്നില്ലാതെ പറഞ്ഞുകൊണ്ട് കണ്ണനെ തിരക്കി അവന്റെ മുറിയിലേക്ക് പോയി.

തുടരും......

💞മറന്നിട്ടുമെന്തിനോ💞-(35)

4.6

3617

27 mins

Part 35 അവൻ തന്റെ തലയിൽ കൈ താങ്ങിയിരുന്നു. ആ വലിയ മുറിയിൽ അവൻ തികച്ചും ഒറ്റപെട്ട പോലെ തോന്നി അവന്. അപ്പോഴും മനസ്സിൽ അമ്മ തന്നോടെന്തിന് കള്ളം പറഞ്ഞു എന്നത് കനലായി എരിഞ്ഞു കൊണ്ടിരുന്നു. അപ്പോഴാണ് അവിടേക്ക് സുപ്രിയ വന്നത്. എന്ത് പറ്റി കിച്ചൂട്ടാ. നിനക്ക് വയ്യേ. പ്രിയയുടെ ശബ്ദത്തിൽ ആവലാതി പടർന്നു. ഒന്നൂല്ല അമ്മേ. ഞാൻ പോവാ കണ്ണനോട് പറഞ്ഞേക്ക്. അതും പറഞ്ഞവൻ അവിടെ നിന്നിറങ്ങി. എന്ത് പറ്റി ഈ കുട്ടികൾക്ക്. സുപ്രിയ ആരോടെന്നില്ലാതെ പറഞ്ഞുകൊണ്ട് കണ്ണനെ തിരക്കി അവന്റെ മുറിയിലേ�