💞മറന്നിട്ടുമെന്തിനോ💞-(35)

Part 35

അവൻ തന്റെ തലയിൽ കൈ താങ്ങിയിരുന്നു. ആ വലിയ മുറിയിൽ അവൻ തികച്ചും ഒറ്റപെട്ട പോലെ തോന്നി അവന്. അപ്പോഴും മനസ്സിൽ അമ്മ തന്നോടെന്തിന് കള്ളം പറഞ്ഞു എന്നത് കനലായി എരിഞ്ഞു കൊണ്ടിരുന്നു.

അപ്പോഴാണ് അവിടേക്ക് സുപ്രിയ വന്നത്.

എന്ത് പറ്റി കിച്ചൂട്ടാ. നിനക്ക് വയ്യേ.

പ്രിയയുടെ ശബ്ദത്തിൽ ആവലാതി പടർന്നു.

ഒന്നൂല്ല അമ്മേ. ഞാൻ പോവാ കണ്ണനോട് പറഞ്ഞേക്ക്.

അതും പറഞ്ഞവൻ അവിടെ നിന്നിറങ്ങി.

എന്ത് പറ്റി ഈ കുട്ടികൾക്ക്.

സുപ്രിയ ആരോടെന്നില്ലാതെ പറഞ്ഞുകൊണ്ട് കണ്ണനെ തിരക്കി അവന്റെ മുറിയിലേക്ക് പോയി.

☘️☘️☘️☘️☘️☘️☘️☘️☘️☘️☘️☘️🍀🍀🍀🍀

ഇതേ സമയം ആയുവിന്റെ റൂമിൽ എല്ലാവരും കൂടെ ഭയങ്കര ചർച്ച നടത്തുവായിരുന്നു.

എന്തൊരു ഓവർ ആക്ടിങ് ആയിരുന്നു കണ്ണേട്ടാ. ഞാൻ വിചാരിച്ചു എല്ലാം കയ്യിന്ന് പോയെന്ന്. (ആദി)

ഇനി എന്നെ പറയെടാ. ഇവൾ പ്ലാനിൽ ഇല്ലാത്ത സീൻ കൊണ്ട് വന്നിട്ടല്ലേ ഞാൻ അപ്പോഴത്തെ സിറ്റുവേഷന് അങ്ങനെ ചെയ്തത്. (കണ്ണൻ)

അതും ശെരിയാ.... അല്ലാ നീയെന്തിനാ കുഞ്ഞൂസേ കരഞ്ഞത്. നമ്മളോട് അനു വിളിച്ച് അരുന്ധതി അമ്മ കിച്ചുവേട്ടനോട് പറഞ്ഞ കാര്യങ്ങളൊക്കെ പറഞ്ഞതല്ലേ. അതിന് സൊല്യൂഷൻ നമ്മൾ കണ്ട് പിടിച്ചതും അല്ലെ. പിന്നെന്താരുന്നു നിന്റെ പ്രശ്നം.(ആദി)

അത് പെട്ടെന്ന് അങ്ങനൊക്കെ കേട്ടപ്പോൾ എനിക്ക് സങ്കടായി. അപ്പം എന്റെ കണ്ണിൽ നിന്ന് വെള്ളം വന്നു. കിച്ചുവേട്ടൻ അങ്ങനൊക്കെ പറഞ്ഞില്ലേ അതാ.

ചുണ്ട് പിളർത്തി കുഞ്ഞി കുട്ടികളെ പോലെ ആയു പറഞ്ഞു.

അതിന് ഞങ്ങൾടെ നാട്ടിൽ കണ്ണീർ എന്നാണ് പറയുന്നത് 🤭. (കണ്ണൻ)

ആണോ അറിഞ്ഞില്ല. (ആയു)

നീ പോടീ.... (കണ്ണൻ)

നീ പോടാ ചേട്ടാ. (ആയു )

മതി നിർത്തുന്നുണ്ടോ രണ്ടും. (ആദി)

പിന്നെ രണ്ട് പേരും ഒന്നടങ്ങി.

കണ്ണേട്ടാ ഒരു കാര്യം ചോദിക്കട്ടെ. (ആദി )

ആഹ്.. പറയെടാ. (കണ്ണൻ )

കിച്ചുവേട്ടന്റെ അമ്മ എന്തിനായിരിക്കും ആയുവിനെ കുറ്റപ്പെടുത്തി കിച്ചേട്ടനോട് പറഞ്ഞത്. (ആദി)

ആന്റിക്ക് അവരെ പേടിയാ. പിന്നെ ഇവളെ ഓരോന്ന് പറഞ്ഞെന്ന് അറിഞ്ഞാൽ കിച്ചുവും അങ്കിളും കൂടെ അവരുമായി വഴക്കിടും. അതാവും ആന്റി അങ്ങനെ ചെയ്തത്. അല്ലാതെ ഇവളോട് ദേഷ്യം ഒന്നൂല്ല. (കണ്ണൻ)

ഓഹോ... അപ്പോൾ ഇതിനിടക്ക് ഞങ്ങൾ അറിയാതെ ഇങ്ങനൊക്കെ നടന്നല്ലേ.

അങ്ങോട്ടേക്ക് വന്ന സുപ്രിയ പറഞ്ഞു. അവരെ കണ്ട് എല്ലാവരും ഒന്ന് പകച്ചു.

അമ്മാ..... അത്..... (കണ്ണൻ)

ഒരു അമ്മയും ഇല്ല. മര്യാദക്ക് സത്യം പറഞ്ഞോ. എന്താ ഉണ്ടായത്. (സുപ്രിയ)

ഒന്നൂല്ല അമ്മാ.

കണ്ണൻ അവരെ നോക്കാതെ എങ്ങനെയോ പറഞ്ഞൊപ്പിച്ചു.

നീ എന്നോട് കള്ളവും പറഞ്ഞു തുടങ്ങിയോ കണ്ണാ. (സുപ്രിയ )

പ്രിയാമ്മേ, കണ്ണേട്ടനെ വഴക്ക് പറയണ്ടാ. ഞാൻ പറയാം അവിടെ എന്താ ഉണ്ടായതെന്ന്. (ആദി)

പിന്നെ ആദി അവിടെ നടന്നതൊക്കെ സുപ്രിയയോട് പറഞ്ഞു. എല്ലാം കേട്ട് കഴിഞ്ഞു അവർ ഒരു നിമിഷം നിശബ്ദയായി നിന്നു. പിന്നെ പതിയെ ആയുവിന്റെ അടുത്ത് വന്നു അവളെ ചേർത്ത് പിടിച്ചു.

എന്റെ മോൾ സങ്കടപെടണ്ട. നിന്റെ അരുന്ധതി അമ്മ ഒന്നും മനസ്സിൽ വെച്ച് അല്ല നിന്നോട് അങ്ങനൊക്കെ പറഞ്ഞത്. കിച്ചുവിന്റെയൊക്കെ അമ്മമ്മയെ പേടിച്ചിട്ടാണ് അവൾ അങ്ങനെ ചെയ്തത്. അല്ലാതെ നിന്നോടുള്ള ദേഷ്യം കൊണ്ടൊന്നും അല്ലാ. നിന്നെ അവൾക്ക് വല്ല്യ കാര്യം ആണ്. അതൊന്നും ആലോചിച്ചു ന്റെ കുട്ടി വിഷമിക്കണ്ട.

അവളുടെ കവിളിൽ തഴുകി കൊണ്ടവർ പറഞ്ഞു.

പ്രിയാമ്മേ എനിക്ക് വിഷമം ഒന്നൂല്ല. അനു കുറച്ച് മുൻപ് വിളിച്ച് പറഞ്ഞിരുന്നു കാര്യങ്ങളൊക്കെ. (ആയു)

ഇനി നിങ്ങൾ അതൊന്നും ആലോചിക്കാതെ കിച്ചൂട്ടന്റെ പിറന്നാളിന്റെ കാര്യങ്ങളൊക്കെ നോക്ക്.

അതൊക്കെ എപ്പോഴേ സെറ്റ് ആണ്. (കണ്ണൻ)

പിന്നെ അവരൊക്കെ രാത്രിയിൽ വേണ്ട പരുപാടിയുടെ പണിയിൽ ആയിരുന്നു.

🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

തിരികെ വീട്ടിൽ വന്നിട്ടും കിച്ചുവിന് ഒരു സമാധാനം കിട്ടിയില്ല.

ഒന്നും വേണ്ടായിരുന്നു....

ഇത് തന്നെ അവന്റെ മനസ്സ് മന്ത്രിച്ചു കൊണ്ടിരുന്നു.

അപ്പോഴാണ് അവിടേക്ക് അനു വന്നത്. ഇതിനോടകം അനുവിനെ വിളിച്ച് അവിടെ നടന്ന കാര്യങ്ങളൊക്കെ ആയു പറഞ്ഞിരുന്നു.

ഏട്ടാ....

ആഹ്.... വാ.. മോളെ.

എന്ത് പറ്റി. ആകെ വല്ലാതെ ഇരിക്കുന്നു.

ഒന്നൂല്ല മോളെ.

മ്മ്... ഏട്ടനെ അമ്മമ്മ വിളിക്കുന്നു🙂.

ഞാൻ ഇപ്പം വരാമെന്ന് പറയ്.

ഇതും പറഞ്ഞവൻ ഫ്രഷ് ആവാൻ ബാത്‌റൂമിലേക്ക് കേറി.

അവന്റെ അവസ്ഥ ആലോചിച്ചു ഒരു നിമിഷം അവൾക്കും സങ്കടം തോന്നി. അവൾക്ക് ഒരു കാര്യത്തിൽ സമാധാനം ഉണ്ടായിരുന്നു. അമ്മ തന്നെ കൊണ്ട് സത്യം ചെയ്യിപ്പിച്ചത് ആയുവിനോട് തുറന്ന് പറഞ്ഞതിൽ.

പതിയെ അവൾ റൂമിന് പുറത്തേക്കിറങ്ങി.

🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

കിച്ചു താഴേക്ക് വന്നപ്പോൾ സുഭദ്ര അവനെ പ്രതീക്ഷിച്ചെന്ന പോലെ സോഫയിൽ ഇരിക്കുന്നു.

അമ്മമ്മ എന്തിനാ എന്നെ വിളിച്ചത്.

കിച്ചു... നീ മോളേം കൊണ്ടൊന് പുറത്തൊക്കെ പോയി വാ. കുറെ ആയില്ലേ നിങ്ങൾ തനിച്ച് സമയം ചിലവഴിച്ചിട്ട്.

അമ്മമ്മേ... ഇന്ന് പോവാൻ പറ്റില്ല എനിക്ക് വേറെ ഒരു അത്യാവശ്യം ഉണ്ടാരുന്നു.

എന്ത് അത്യാവശ്യം ആണെങ്കിലും നീ അത് മാറ്റി വെച്ച് ഞാൻ പറഞ്ഞത് അനുസരിക്കാൻ നോക്ക്.

അമ്മമ്മേ.. അത്...

മോളേ.... അച്ചു....

കിച്ചു പറയുന്നത് ചെവി കൊള്ളാതെ സുഭദ്ര അശ്വതിയെ വിളിച്ചു. അവര് വിളിക്കുന്നത് കേൾക്കാൻ കാത്തെന്നത് പോലെ അവൾ വന്നു.

എന്തിനാ അമ്മമ്മേ വിളിച്ചത്.

മോളെ നീ വേഗം പോയി ഒരുങ്ങി വാ. എന്നിട്ട് നീയും കിച്ചുവും കൂടെ പുറത്തൊക്കെ ഒന്ന് പോയി വാ.

അത് കേട്ടപ്പോഴേ അവളുടെ മുഖം സന്തോഷത്താൽ വിടർന്നു. അവൾ വേഗം തന്നെ റൂമിലേക്ക് പോയി.

കിച്ചു നീയും പോയി റെഡി ആവ്.

പെട്ടെന്നാണ് അവൻ ഇതൊക്കെ കേട്ട് നിന്ന അനുവിനെ കണ്ടത്.

അനു.... നീയും വേഗം പോയി റെഡി ആയി വാ.

വേണ്ടാ അവൾ വരുന്നില്ല നിങ്ങൾ രണ്ട് പേരും മാത്രം പോയാൽ മതി.

അനു അവനെ കണ്ണടച്ച് ഒന്നുമില്ലെന്ന് കാണിച്ചു. ഇനി ഒന്നും പറഞ്ഞിട്ട് കാര്യമില്ലെന്ന് തോന്നിയത് കൊണ്ട് അവനും റെഡി ആവാൻ റൂമിലേക്ക് പോയി.

🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

അശ്വതി വേഗം തന്നെ റെഡി ആയി വന്നു. അവൾക്ക് ഈ ലോകം തന്നെ വെട്ടിപിടിച്ച സന്തോഷം ആയിരുന്നു അതവൾടെ മുഖത്ത് പ്രതിഭലിക്കുന്നും ഉണ്ടായിരുന്നു. കിച്ചുവും വന്നതിന് ശേഷം അവര് പോകാനായി ഇറങ്ങി. അവരെ യാത്ര അയക്കാൻ ബാക്കി ഉള്ളവരും വെളിയിലേക്ക് ഇറങ്ങി. കിച്ചു പോയി കാർ എടുക്കുന്നത് കണ്ട് അശ്വതി ചോദിച്ചു.

എന്തിനാ ഏട്ടാ കാർ എടുക്കുന്നെ. നമ്മൾക്ക് ബൈക്കിൽ പോയാൽ പോരെ.

ഏയ്‌... വേണ്ട കാറിൽ പോവാം.

വേണ്ട ഏട്ടാ നമ്മൾക്ക് ബൈക്കിൽ പോവാം.

അശ്വതി കൊഞ്ചികൊണ്ട് പറഞ്ഞു.

വേണ്ടെന്ന് പറഞ്ഞില്ലേ അച്ചു. അതും പറഞ്ഞവൻ കാറിൽ കേറി.

കിച്ചു... അവളുടെ ഒരു ആഗ്രഹം അല്ലെ നിങ്ങൾ ബൈക്കിൽ പോയാൽ മതി. അനു നീ പോയി കീ എടുത്തോണ്ട് വാ. (സുഭദ്ര)

കിച്ചു ദയനീയമായി അരുന്ധതിയെ നോക്കി. അവരുടെ മുഖത്ത് നിസ്സഹായ ഭാവം ആയിരുന്നു. തനിക്ക് അവളുടെ കൂടെ പോവുക അല്ലാതെ വേറെ വഴിയില്ലെന്ന് അവന് മനസ്സിലായി. പിന്നെ ഒന്നും പറയാതെ അനു കൊടുത്ത കീയും ആയി ബൈക്കിൽ കേറി അവളോടൊപ്പം പോയി. കണ്ണന്റെ വീടിന് മുന്നിൽ എത്തുന്നതിനു മുൻപ് തന്നെ കണ്ടു വീടിന് മുന്നിൽ നിൽക്കുന്ന ആയുവിനെയും നീലു ഏടത്തിയേയും.

ഏയ്... കിച്ചുവേട്ടാ നിർത്ത്.

അവന്റെ വീടിന് മുന്നിൽ എത്തിയപ്പോൾ പെട്ടെന്ന് അച്ചു പറഞ്ഞു.

എന്താ അച്ചു.

വണ്ടി സൈഡ് ഒതുക്കി കൊണ്ടവൻ ചോദിച്ചു.

ഏട്ടാ.. വാ നമ്മൾക്ക് കുറച്ച് ഫോട്ടോസ് എടുക്കാം.

ഇതും പറഞ്ഞവൾ എന്റെ കയ്യിൽ പിടിച്ചു. പെട്ടെന്ന് എന്റെ കണ്ണുകൾ ആയുവിന്റെ മുഖത്ത് ചെന്നെത്തി നിന്നു. അവളുടെ മുഖത്തെ ഭാവം എന്തെന്ന് നിർവചിക്കാൻ പറ്റുന്നില്ല.

അതൊന്നും വേണ്ട. നീ കേറുന്നുണ്ടോ ഇല്ലെങ്കിൽ ഞാൻ എന്റെ പാട് നോക്കി പോവും.

അശ്വതി പിന്നെ ഒന്നും പറഞ്ഞില്ല അവനോടൊപ്പം ചേർന്നിരുന്നു.

നീലു ചേച്ചിടെ ഒപ്പം ചെടികൾക്ക് വെള്ളം ഒഴിച്ച് കൊണ്ടിരുന്നപ്പോൾ ആണ് കിച്ചു ഏട്ടനും അശ്വതിയെയും കണ്ടത്. ഏട്ടനോട് ചേർന്നിരിക്കുന്ന അശ്വതി ചേച്ചിയെ കണ്ടപ്പോൾ ഉള്ളിൽ ചെറിയൊരു നോവുണർന്നു. ഒന്നിനും മനഃപൂർവം ശ്രെദ്ധ കൊടുത്തില്ല. പക്ഷെ എന്ത് കൊണ്ടോ ആ കാഴ്ച മനസ്സിനെ ചുട്ടുപൊള്ളിക്കുന്നവ ആയിരുന്നെന്ന് മനസ്സിലായത് കണ്ണീർ കവിളുകളിൽ കൂടെ ഒഴുകി ഇറങ്ങിയപ്പോഴാണ്.

നീലു ചേച്ചി ഒത്തിരി സമാധാനിപ്പിച്ചെങ്കിലും മനസ്സിൽ അപ്പോഴും കിച്ചുവേട്ടനോട് ചേർന്നിരിക്കുന്ന അശ്വതി ചേച്ചി ആയിരുന്നു. ഞാൻ പോലും അറിയാതെ എന്നിലൊരു ഭയം ഉടലെടുത്തു, നെഞ്ചോട് ചേർത്ത് വെച്ച പ്രണയം നഷ്ടമാവുമോ എന്ന്.

പിന്നെ ഒന്നിനും ശ്രെദ്ധ കൊടുക്കാൻ പറ്റിയില്ല അത് കൊണ്ട് തന്നെ റൂമിൽ പോയി കുറച്ച് നേരം കിടന്നു. എന്റെ അവസ്ഥ മനസ്സിലായത് കൊണ്ടാവും ആരും ശല്യപ്പെടുത്താൻ വന്നതുമില്ല.

🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

ഇതിനിടയിൽ കണ്ണൻ അനുവിനെ വിളിച്ചു അവരുടെ പ്ലാൻ ഒന്നുകൂടി വിശദീകരിച്ചിരുന്നു. അവൻ പറഞ്ഞത് അനുസരിച്ച് അവൾ എല്ലാം റെഡി ആക്കി വെച്ചു.

രാത്രി ഒരു 9 മണിയോട് അടുത്തായി കിച്ചുവും ആശ്വതിയും വീട്ടിൽ തിരികെ എത്തിയപ്പോൾ. വന്നപ്പോൾ തന്നെ കിച്ചു നേരെ അവന്റെ റൂമിലേക്ക് പോയി. അവന്റെ മനസ്സ് വല്ലാതെ അസ്വസ്ഥം ആയിരുന്നു. കുറച്ച് നേരം കണ്ണടച്ച് ബെഡിൽ കിടന്നു. അപ്പോഴും അവന്റെ മനസ്സിൽ ആയുവിന്റെ കരഞ്ഞു കലങ്ങിയ കണ്ണുകൾ ആയിരുന്നു. അതവനെ വല്ലാതെ കുത്തി നോവിക്കുന്നു. അവളെ ആദ്യമായി കണ്ടത് മുതൽ ഇന്ന് നടന്നത് വരെയുള്ള ഓരോ കാര്യങ്ങളും മനസ്സിലൂടെ മിന്നിമാഞ്ഞു. എപ്പോഴും താൻ അവളെ സങ്കടപ്പെടുത്തിയിട്ടേ ഒള്ളൂ എന്നാലോചിച്ചപ്പോൾ അവന് അവനോട് തന്നെ ദേഷ്യം തോന്നി. ഇനി ഒരിക്കലും താനായി അവൾടെ കണ്ണ് നിറയാൻ അനുവദിക്കില്ലെന്ന് അവൻ മനസ്സിൽ ദൃഢ പ്രതിജ്ഞയെടുത്തു.

അപ്പോഴാണ് ഡോറിൽ ആരോ മുട്ടിയത്. തുടർന്ന് കിച്ചുവേട്ടാ എന്ന് അച്ചുവിന്റെ വിളിയും വന്നു.

ഇതിന് ഒരു പണിയും ഇല്ലേ (കിച്ചു ആത്മ )

പിന്നെ പോയി ഡോർ തുറന്ന് കൊടുത്തു.

എന്താ അച്ചു.

ഏട്ടാ വന്നേ ഒരു കാര്യം കാണിക്കാം.

എന്താടി.. എനിക്ക് നല്ല തലവേദന ഞാൻ കുറച്ച് നേരം കിടക്കട്ടെ.

പറ്റില്ല ഏട്ടൻ ഇപ്പം എന്റെ കൂടെ വരണം.

നാശം....

ഇതും പറഞ്ഞവൻ അവൾടെ പുറകെ താഴേക്ക് പോയി. അവിടെ ചെന്നപ്പോൾ എല്ലാവരും ഹാളിൽ ഉണ്ട്. പിന്നെ കുറച്ച് നേരം എല്ലാവരും കൂടെ പഴയ കാര്യങ്ങളൊക്കെ സംസാരിച്ചിരുന്നു. ഇതിനിടയിൽ അനു ഉറക്കം വരുന്നെന്ന് പറഞ്ഞ് റൂമിൽ പോയി. അവൾടെ പുറകെ പോവാൻ നിന്ന കിച്ചുവിനെ അശ്വതി കുറച്ച് നേരം കൂടെ പിടിച്ചിരുത്തി. അവസാനം അവൻ അച്ഛനെ നോക്കി എങ്ങനെയെങ്കിലും രക്ഷിക്കെന്ന് കണ്ണ് കൊണ്ട് അപേക്ഷിച്ചു.

മതി മതി ഇന്ന് ഇത്രേം മതി. ഇപ്പോൾ തന്നെ ഒത്തിരി സമയം ആയി ബാക്കിയൊക്കെ നാളെ, എല്ലാവരും ചെന്ന് കിടക്കാൻ നോക്ക്. (ചന്ദ്രശേഖര വർമ്മ കിച്ചുവിന്റെ അച്ഛൻ )

ശെരി കുട്ട്യോളെ. നാളെ നേരത്തെ എണീക്കണം കിച്ചൂട്ടാ, അച്ഛമ്മക്കൊന്ന് അമ്പലത്തിൽ പോണം. (സുഭദ്രാ ദേവി )

ശെരി അച്ഛമ്മേ. (കിച്ചു )

ഇതും പറഞ്ഞവൻ നേരെ റൂമിലേക്ക് വന്ന് ഡോർ ലോക്ക് ചെയ്തു നേരെ നോക്കിയത് മിററിൽ ഉള്ള ഒരു സ്റ്റിക്കി നോട്ടിൽ ആരുന്നു.

ഇതെന്താ.... ഇതാരാ ഇവിടെ കൊണ്ട് ഒട്ടിച്ചേ.

ഇതും മനസ്സിൽ പറഞ്ഞവൻ നേരെ ഡ്രസിങ് ടേബിളിന് മുന്നിലേക്ക് പോയി അതെടുത്തു നോക്കി.

Hey.... Wanna see ur love... Then follow me....

🔽

Go to the garden and pick a flower that reminds you of your loved one.......

അതിന് താഴെയായി ഹാർട്ട്‌ ഷേപ്പിലുള്ള ഒരു പേപ്പറിൽ ഇങ്ങനെ എഴുതിയിരിക്കുന്നു.

അത് കണ്ടപ്പോൾ അവന്റെ ചുണ്ടിൽ ഒരു കുസൃതി ചിരി വിരിഞ്ഞു. അവൻ വേഗം തന്നെ താഴെ സെറ്റ് ചെയ്തിട്ടുള്ള ഗാർഡനിലേക്ക് പോയി. ഓരോ സ്റ്റെപ് മുന്നോട്ട് വെക്കുമ്പോഴും ആരും ഉണർന്നിട്ടില്ലെന്ന് ഉറപ്പ് വരുത്താൻ അവൻ മറന്നില്ല.

ഗാർഡനിൽ വന്ന് അവിടെയൊക്കെ കണ്ണോടിച്ചു. പെട്ടന്ന് അവൻ തേടിയതെന്തോ കണ്ണിലുടക്കിയ പോലെ അവന്റെ മിഴികൾ തിളങ്ങി. അതെ തന്റെ പെണ്ണിനെ പോലെ തന്നെ അത്രയും നൈർമ്മല്യമുള്ളതും മനോഹരവുമായ മുല്ലപ്പൂക്കൾ. ഈ മുല്ല വള്ളി പോലെ തന്നെയല്ലേ അവൾടെ പ്രണയവും അത്രമേൽ ആഴത്തിൽ ഹൃദയത്തിൻ അടിത്തട്ടിലേക്ക് വേരൂന്നിയത്.

അവൻ അതിൽ നിന്നും കുറച്ച് മുല്ലപ്പൂക്കൾ പറിച്ചെടുത്ത് ഉള്ളം കയ്യിൽ വെച്ചു. അതിന്റെ മനം മയക്കും ഗന്ധം ആവോളം നാസികയിലേക്ക് നുകർന്നു. പതിയെ കണ്ണുകളടച്ചു അത് ആസ്വദിച്ചു.

പെട്ടന്ന് എന്തോ ഓർത്തപോലെ അവൻ ചുറ്റും നോക്കി അപ്പോൾ തന്നെ ഗാർഡന്റെ സൈഡിലായുള്ള ഹാർട്ട്‌ ഷേപ്പിലുള്ള ബലൂണിൽ ലൈറ്റ് കത്തി. അവൻ അവിടേക്ക് നടന്നു. എന്നിട്ട് ആ ബലൂൺ എടുത്ത് നോക്കി. അതിൽ വീണ്ടും ഒരു നോട്ട് ഉണ്ടായിരുന്നു.

Well, i know u will select this flower.... 🙈. Then, now go to ur room nd open the magical box filled with love❤️.....

അതെന്ത് ബോക്സ്‌ ആണെന്റെ ആയുസ്സേ....

ഒരു ചെറു ചിരിയോടെ ഇതും പറഞ്ഞവൻ അവന്റെ റൂമിലേക്ക് പോയി. കുറെ നേരം അവിടെയൊക്കെ നോക്കി എന്നിട്ടും ഒന്നും കണ്ട് കിട്ടിയില്ല. അങ്ങനെ ബെഡിൽ വന്നിരുന്ന് കണ്ണ് കൊണ്ട് ഓരോ സ്ഥലത്തും നോട്ടം തുടർന്നു. അപ്പോഴാണ് ഫ്ലവർ വേസിനു അടുത്തായി ഒരു കുഞ്ഞി ലവ് ഷേപ്പിലുള്ള ബോക്സ്‌ കണ്ടത്. വേഗം ചെന്ന് അതെടുത്തു തുറന്ന് നോക്കി. അതിൽ മനോഹരമായൊരു റിംഗ് ആയിരുന്നു, A എന്ന ലെറ്ററിലുള്ള. അത് കണ്ടപ്പോൾ അവനൊത്തിരി സന്തോഷം തോന്നി. ആ റിംഗ് എടുത്തപ്പോൾ അതിൽ നിന്നും അടുത്ത നോട്ട് കിട്ടി.

There is something special in every person and that is noticed by someone. Mention the most speciality of ur love.....

ആയുവിന്റെ സ്പെഷ്യലിറ്റി എന്താണെന്ന് അവൻ ആലോചിക്കാൻ തുടങ്ങി. പെട്ടെന്ന് അവന്റെ മനസ്സിലേക്ക് വന്നത് അവൾടെ നീല മിഴികളാണ്.അത് കാരണമല്ലേ താനും അവളെ ശ്രെദ്ധിക്കാൻ തുടങ്ങിയത്. ആ കണ്ണുകൾ ആരെയും മയക്കാൻ സാധിക്കുന്ന, ഒത്തിരി കുസൃതികൾ ഒളിഞ്ഞിരിക്കുന്ന, ഒരായിരം കഥകൾ പറയുന്ന, ഒരു നീലാകാശം തന്നെ സമ്മാനിക്കുന്ന അവൾടെ മിഴികൾ കുറെ നേരം ആലോചിച്ചു, അവിടെ ഒക്കെ നോക്കി പക്ഷെ ഒന്നും തന്നെ കണ്ടില്ല. ഒന്നും കിട്ടുന്നില്ലെന്ന് മനസ്സിലായപ്പോൾ മനസ്സിൽ നിരാശ പടർന്നു. ഇനിയെങ്ങനെ എന്നത് അവനിൽ ചോദ്യമായി നിലനിന്നു.

പെട്ടെന്ന് തലയിൽ ബൾബ് കത്തിയത് പോലെയാവാൻ വേഗം റൂമിൽ നിന്ന് ഇറങ്ങി ഓടി. ആ ഓട്ടം ചെന്നവസാനിച്ചത് കിച്ചണിൽ ആണ്. അവിടെയെത്തി നേരെ ഫ്രിഡ്ജ് തുറന്ന് ഫ്രീസർ നോക്കി. അതിലുള്ള സാധനം കണ്ടവൻ അമ്പരന്നു. അവന്റെ കണ്ണുകൾ സന്തോഷം കൊണ്ട് വിടർന്നു. ഐ ലവ് യൂ എന്ന് മനോഹരമായി എഴുതിയ ഐസ്. എന്ത് കൊണ്ടോ അവന്റെ ഹൃദയം ഉച്ചത്തിൽ മിടിച്ചു. എത്രയും വേഗം തന്നെ ആയുവിനെ കാണാൻ ആയി അവന്റെ മനസ്സ് വെമ്പൽ കൊണ്ടു.

അതിന്റെ സൈഡിലായി ഒരു നോട്ട് ഹാങ്ങ്‌ ചെയ്തിട്ടുണ്ടായിരുന്നു.

You are the gift in my life, and on your special day, I give you the gift of my love. Take it with open arms, and embrace my hug. 💞Happy birthday my love💞.

Waiting for u in the terrace......

അവനത് കണ്ടപ്പോൾ പറഞ്ഞറിയിക്കാൻ പറ്റാത്തൊരു ഫീലിംഗ് ആയിരുന്നു. എങ്ങനേയും അവളെ കണ്ടാൽ മതിയെന്നായി. പിന്നെ ഒട്ടും തന്നെ സമയം കളയാതെ അവൻ ടെറസിലേക്ക് പോയി. ഓടുകയായിരുന്നെന്ന് പറയാം.

അവൻ ടെറസിലെ ഡോർ തുറന്നപ്പോൾ മുഴുവൻ ഇരുട്ട് ആയിരുന്നു. പതിയെ അവിടെയൊക്കെ കുഞ്ഞി കുഞ്ഞി ഹാങ്ങിങ് ലൈറ്റ് തെളിഞ്ഞു. അവൻ അവിടെ മുഴുവൻ കണ്ണോടിച്ചു. അവിടെയൊക്കെ നന്നായി അലങ്കരിച്ചിരുന്നു. താഴെ മുഴുവൻ റെഡ് കളർ ബലൂൺ കൊണ്ട് നിറഞ്ഞിരുന്നു. ടെറസിന്റെ ഒത്ത നടുവിലായി ഒരു ടേബിൾ ഉണ്ട്. അതിലൊരു കേക്ക് സെറ്റ് ചെയ്തിട്ടുണ്ട്. അവന്റെ മിഴികൾ ആയുവിനെ തേടി.

പെട്ടെന്ന് ആരോ അവന്റെ കണ്ണുകൾ പുറകിൽ നിന്ന് മൂടി. തിരിഞ്ഞ് നോക്കാതെ തന്നെ, ആ സ്പർശനത്തിൽ നിന്നും അവന് ആളെ മനസ്സിലായി. അതെ അവൾ തന്നെ തന്റെ മാത്രം ആയു......

അവൾ കണ്ണ് മൂടി കൊണ്ട് തന്നെ അവനെ മുന്നോട്ട് കൊണ്ട് പോയി ആ ടേബിളിന്റെ മുന്നിൽ കൊണ്ട് നിർത്തി അവന് അഭിമുഖമായി നിന്നു. പരസ്പരം മിഴികൾ കോർത്ത്‌ ഏറെ നേരം നിന്നു. ആ രണ്ട് മിഴികളിലും പ്രണയം നിറഞ്ഞു നിന്നു. പരിഭവവും പരാതിയുമൊക്കെ പറയാതെ പറഞ്ഞു തീർത്തു. ആ നിമിഷവും മനോഹരമായി തോന്നി രണ്ട്പേർക്കും.

ഏറെ നേരം പ്രണയം തുളുമ്പുന്ന അവൾടെ ആ നീല മിഴികളുടെ ആഴങ്ങളിൽ അവൻ കുരുങ്ങി കിടന്നു. വാക്കുകൾ വ്യർത്ഥമായ നിമിഷം. അവന്റെ മിഴികൾ ദിശ മാറി അവൾടെ മുഖമാകെ അലഞ്ഞു നടന്നു അവസാനം അവ ചെന്നെത്തിയത് ആ ചോര ചുണ്ടുകളിൽ ആയിരുന്നു. അവന്റെ മുഖം അവൾടെ ചുണ്ടുകൾ ലക്ഷ്യമായി നീങ്ങി, അവൾടെ കണ്ണുകൾ പതിയെ കൂമ്പിയടഞ്ഞു. ആ അധരങ്ങളെ സ്വന്തമാക്കുമ്പോൾ മനസ്സിൽ അവളോടുള്ള പ്രണയം മാത്രം നിറഞ്ഞു നിന്നു. ആ നിമിഷം രണ്ട് പേരും അത് ആഗ്രഹിച്ചെന്ന പോലെ അവർ മത്സരിച്ചു ചുംബിച്ചു. പതിയെ വളരെ നേർമയായി അവളെ വേദനിപ്പിക്കാതെ അവന്റെ പ്രണയം അധരങ്ങളിലൂടെ അവൻ അവൾക്ക് പകർന്നു നൽകി. പരസ്പരം കിതച്ചുകൊണ്ട് അകന്ന് മാറുമ്പോൾ ആയുവിന്റെ മുഖം നാണത്താൽ ചുവന്ന് തുടുത്തു. അവളെ തന്റെ മാറോട് ചേർത്തണക്കുമ്പോൾ അവന്റെ അധരങ്ങളിൽ മനസ്സ് നിറഞ്ഞൊരു കുഞ്ഞു ചിരി സ്ഥാനം പിടിച്ചിരുന്നു. രണ്ട് പേരുടെയും മനസ്സിൽ കഴിഞ്ഞു പോയ സുന്ദര നിമിഷങ്ങളുടെ ഓർമകളായിരുന്നു, തങ്ങളുടെ പ്രണയത്താൽ തീർത്ത വസന്തത്തിൻ ഓർമകൾ.

Ooi... ഞങ്ങൾക്ക് അങ്ങോട്ടേക്ക് വരാമോ.....

കണ്ണന്റെ ഈ സ്വരമാണ് രണ്ട് പേരെയും ബോധത്തിലേക്ക് കൊണ്ട് വന്നത്. പരസ്പരം അകന്ന് മാറുമ്പോൾ ചെറിയൊരു ചമ്മൽ തോന്നി രണ്ട് പേർക്കും. അത് മനസ്സിലായെന്ന പോലെ അനു പറഞ്ഞു.

ചമ്മണ്ടാ... ഞങ്ങളാരും ഒന്നും കണ്ടില്ലേ🙈....

അതെ..... അതെ.... (ആദി)

കൊടുക്കാനുള്ളത് കൊടുത്തെങ്കിലും വാങ്ങാനുള്ളത് വാങ്ങിയെങ്കിൽ നമ്മക്ക് കേക്ക് മുറിക്കാം. (കണ്ണൻ)

അതിൽ ചെറിയൊരു ആക്കൽ കിച്ചുവിന് ഫീൽ ചെയ്തു. ആയു ആണെങ്കിൽ മുഖം കുനിച്ചു നിൽക്കുവാണ്.

ഇനി ഒന്നും അവരെ കൊണ്ട് പറയിക്കാൻ ഇട വരുത്താതെ കിച്ചു വേഗം തന്നെ കേക്ക് മുറിക്കാൻ കത്തിയെടുത്തു. ആയുവിന്റെ കൈകൾ പിടിച്ചവൻ ആ കേക്ക് മുറിച്ച് ഒരു കുഞ്ഞി പീസ് എടുത്തവൾടെ വായിൽ വെച്ച് കൊടുത്തു. തിരിച്ചവളും കൊടുത്തു. പിന്നെ കിച്ചു കണ്ണനും അനുവിനും ആദിക്കും അർജുനും നീലുവിനും കേക്ക് കൊടുത്തു. അങ്ങനെ കേക്ക് ഒക്കെ പരസ്പരം കൊടുത്തു.

അത് കഴിഞ്ഞ് കണ്ണൻ ആദിയുടെ കയ്യിലിരുന്ന ഒരു ഗിഫ്റ്റ് ബോക്സ്‌ വാങ്ങി കിച്ചുവിന്റെ കയ്യിൽ കൊടുത്തു. എന്നിട്ടവനെ കെട്ടിപിടിച്ചു.

സോറി ഡാ... ഞാൻ നിന്നോട് അങ്ങനെയൊക്കെ പറഞ്ഞത്..... (കണ്ണൻ )

ബാക്കി പറയാൻ സമ്മതിക്കാതെ കിച്ചു അവനെ ഒന്നുടെ ചേർത്ത് പിടിച്ച്.

വേണ്ടെടാ...... ഞാൻ അങ്ങനെയൊക്കെ പറഞ്ഞത് കൊണ്ടല്ലേ നീ എന്നെ വഴക്ക് പറഞ്ഞത്. അതൊന്നും സാരല്ല്യ. (കിച്ചു )

ഏയ്‌... അത് കൊണ്ടൊന്നും അല്ലേടാ ഞാൻ അങ്ങനെ പറഞ്ഞത്🤭. ഇതൊക്കെ ഞങ്ങടെ പ്ലാൻ ആയിരുന്നെടാ. (കണ്ണൻ )

എന്ത് പ്ലാൻ.

അവനെ നോക്കി കിച്ചു ചോദിച്ചു.

അത് നിന്റെ ബര്ത്ഡേക്ക് എന്തേലും സർപ്രൈസ് തരാൻ ഞങ്ങൾ തീരുമാനിച്ചിരുന്നു. നിന്നെ നന്നായി സങ്കടപെടുത്തിയിട്ട് സന്തോഷിപ്പിക്കാൻ വേണ്ടി ഞങ്ങൾ ക്രീയേറ്റ് ചെയ്ത ഒരു ഇൻസിഡന്റ് ആണ് ഇന്ന് നടന്നതൊക്കെ. (കണ്ണൻ)

ഓഹോ.... അപ്പോൾ അങ്ങനെയാണ് കാര്യങ്ങളുടെ പോക്ക്. എന്നിട്ട് ഇതിൽ ആർക്കൊക്കെ പങ്കുണ്ട്. (കിച്ചു)

ഞങ്ങൾക്കും പിന്നെ നിന്റെ അമ്മക്കും കുറച്ചൊക്കെ അറിയാം. ഞങ്ങൾ പറഞ്ഞിട്ടാണ് അരുന്ധതിയമ്മ ആയുവിനെ കുറിച്ച് അങ്ങനെയൊക്കെ നിന്നോട് പറഞ്ഞത്. (കണ്ണൻ)

ഇത്രേം പറഞ്ഞിട്ട് കണ്ണൻ ആയുവിനെ നോക്കി. പേടിച്ചരണ്ട അവൾടെ മുഖം കണ്ടവൻ കണ്ണടച്ച് ഒന്നും ഇല്ലെന്ന് കാണിച്ചു.

ഓഹോ.... എല്ലാരും കൂടെ നൈസ് ആയി എനിക്കിട്ട് പണിഞ്ഞു അല്ലെ. എന്തായാലും സംഭവം കൊള്ളാം. (കിച്ചു)

അവൻ ഒരു പുഞ്ചിരിയോടെ എല്ലാവരേയും നോക്കി പറഞ്ഞു. അത് കേട്ടപ്പോൾ എല്ലാവർക്കും സന്തോഷത്തിനു പുറമെ സമാധാനം ആയി. തങ്ങൾ മെനെഞ്ഞെടുത്ത കഥ കിച്ചു വിശ്വസിച്ചല്ലോ എന്നത് തന്നെ കാരണം.

അപ്പോൾ ഇനി അടുത്ത പരുപാടിയിലേക്ക് പോവാം. (ആദി )

ഇനിയെന്താ.

കിച്ചുവും ആയുവും ഒരേ സ്വരത്തിൽ ചോദിച്ചു.

നിങ്ങൾക്ക് രണ്ട് പേർക്കും ഞങ്ങളുടെ വക ഒരു സർപ്രൈസ്. (കണ്ണൻ)

അപ്പോഴേക്കും ആദി ഒരു റിംഗ് ആയുവിന്റെ കയ്യിലും ഒരെണ്ണം കിച്ചുവിന്റെ കയ്യിലും കൊടുത്തു.

ഇനി രണ്ടാളും അത് പരസ്പരം ഇട്ട് കൊടുത്തേ.

ഒരു കള്ളച്ചിരിയോടെ അനു പറഞ്ഞു.

കിച്ചു ഒരു പുഞ്ചിരിയോടെ ആയുവിന്റെ കയ്യിൽ മോതിരം അണിയിച്ചു. അവൾ തിരിച്ചും.

എല്ലാവരും മനസ്സ് നിറഞ്ഞു സന്തോഷിച്ചു വിധി അവർക്കായി കരുതി വെച്ചതെന്തെന്നറിയാതെ.........

തുടരും........

💞മറന്നിട്ടുമെന്തിനോ💞-(36)

4.6

3895

12 mins

Part 36 കിച്ചു ഒരു പുഞ്ചിരിയോടെ ആയുവിന്റെ കയ്യിൽ മോതിരം അണിയിച്ചു. അവൾ തിരിച്ചും. അവൻ അവളെ തന്നോട് ചേർത്ത് പിടിച്ച് നെറുകയിൽ മുത്തി. എല്ലാവരും മനസ്സ് നിറഞ്ഞു സന്തോഷിച്ചു. ഇതെല്ലാം കണ്ട് കണ്ണ് നിറച്ച് നിന്ന ആശ്വതിയെ ആരും കണ്ടില്ലാ. അവൾടെ കണ്ണുകൾ ആയുവിനെ ചേർത്ത് പിടിച്ചിരിക്കുന്ന കിച്ചുവിൽ ആയിരിന്നു. അവൾക്ക് എന്തെന്നില്ലാത്ത സങ്കടവും ദേഷ്യവും തോന്നി. 💞💞💞💞💞💞💞💞💞💞💞💞💞💞💞💞💞 എല്ലാം കഴിഞ്ഞ് എല്ലാവരും തിരികെ വീട്ടിലേക്ക് പോകാൻ വേണ്ടി നിന്നപ്പോളാണ് കിച്ചു കണ്ണനോട് പറഞ്ഞത്. ടാ... എനിക്ക് ആയുനോട് കുറച്ച് നേരം