Part 15
✍️Risuu💞💞
 

അങ്ങനെയല്ല കാക്കു ബാബി ഇല്ലേ ഈ വീട് ഉറങ്ങിയ പോലെ ആവും..........

ഡി ഓളെ ഞാൻ മഹർ ചാർത്തി കൊണ്ട് വരുന്നതിന് മുമ്പ് എങ്ങനെ ആയിരുന്നു ഇവിടെ......നിന്റെ പറച്ചിൽ കേട്ടാ തോന്നും നീ ജനിച്ചപ്പോ മുതൽ ഓള് കൂടെ ഉണ്ടായിരുന്നു എന്ന്........

ഇങ്ങള് എന്നെ പറയണ്ട ഉപ്പായെ പോയി നോക്ക്........ബാബി വന്നിട്ടെ ഫുഡ് കഴിക്കു എന്ന് പറഞ്ഞു ഇരിക്കുവാ........

ആശു അതു പറഞ്ഞു തീർന്നതും ഓൾടെ ഫോണിലേക്കു ഒരു കാൾ വന്നു........

ബാബി ഓൾ പതിഞ്ഞ സ്വരത്തിൽ വിളിച്ചു....

ബാബി എനിക്ക് ഇങ്ങളെ ഇപ്പൊ കാണണം....

ആശു നീ ഞാൻ പറയുന്നത് മനസിലാക്ക്......
ഞാൻ ഇവിടെ നിക്കണം എന്ന്‌ കരുതി വന്നതലല്ലോ......സാഹചര്യം അങ്ങനെ ആയി പോയി......

എന്ത് സാഹചര്യം........ഇങ്ങള് വെറുതേ ഓരോ അടവ് പറയാ......

ഉമ്മ പറയുമ്പോ എങ്ങനാ നമ്മൾ എതിർക്കാ.....ഹ അതൊക്കെ പോട്ടെ.....

എന്റെ ചോദ്യത്തിന് നീ കറക്റ്റ് ആൻസർ പറയണം

ഓഹ് നമ്മൾ അയിന് കോടീശ്വരൻ കളിക്കുവാണോ......കറക്റ്റ് ആൻസർ പറയാൻ.......

ഓഹ് ചളി........എന്റെ തോൽവിയെ.......

ഹി ഹി.......

എന്റെ ചോദ്യം ഈസ് ഇജ്ജ് എന്നെ സ്നേഹിക്കുന്നുണ്ടോ......

അയ്യേ ഞാൻ എന്തിന് ബാബിയെ സ്നേഹിക്കണം......എനിക്ക് വട്ടല്ലേ ഇങ്ങളെയൊക്കെ സ്നേഹിക്കാൻ.......

എന്നാ ശെരി ഞാൻ വെച്ചിട്ട് പോവാ ഇനി നീയായി നിന്റെ പാടായി.....പോ.......

അള്ളോഹ്.........ബാബി പോവല്ലേ ഇങ്ങള് ഇത്ര പെട്ടെന്ന് പിണങ്ങിയോ.....

എന്നാ പറ.......

ബാബി എന്റെ കൾബല്ലേ.......ഇങ്ങള് നമ്മളെ ചങ്ക് ബഡ്ഡി അല്ലെ.......

ഓഹ് സുഗിച്ചു.....ഇനി ചത്താലും വേണ്ടീല്ല.....

അങ്ങനെ കുറച്ചു നേരം അല്ലുവുമായി സംസാരിച്ചപ്പോൾ തന്നെ ആശുവിന്റെ സങ്കടം മാറി........

ആശു.....ഉപ്പ എവിടെ......ഉപ്പ ഓഫീസിൽ നിന്നും എത്തിയോ......

പിന്നെ നേരത്തെ വന്നു......ഇങ്ങള് രണ്ടും വന്നിട്ടെ ഫുഡ് കഴിക്കു എന്ന്‌ പറഞ്ഞു ഇരിക്കുവാ......ഞാൻ ഉപ്പാക്ക് കൊടുക്കാം.....

🌹🌹🌹🌹🌹🌹🌹🌹🌹🌹🌹🌹🌹🌹🌹🌹

ആശുന്റെ അടുത്തിന്ന് നമ്മള് നേരെ വന്നത് ഉപ്പാന്റെ റൂമിലേക്കാണ്......

അകത്തേക്ക് കേറി നോക്കിയപ്പോൾ ഉമ്മ ഉപ്പാനെ ഫുഡ് കഴിക്കാൻ നിര്ബന്ധിക്കുവാ....
പക്ഷെ ഉപ്പാ കൊച്ചു കുട്ടികളെ പോലെ കഴികില്ലാന്നു പറഞ്ഞു ഒരേ വാശിയും

ഉപ്പ ഇങ്ങളെന്തെലും കഴിക്കു....ഇങ്ങനെ വാശി പിടിച്ചിരുന്നാൽ എന്ത് ചെയ്യാനാ.....അവൾ ഇന്ന് വരില്ല......

ഇത്രയും വലിയ ബിസ്നെസ് മാൻ ഒക്കെ ആയിട്ടും ഇങ്ങള് ഇങ്ങനെ കൊച്ചു കുട്ടികളെ പോലെ വാശി പിടിച്ചാലോ.....

അതെന്താ ആഷി ബിസ്നെസ് ചെയ്യന്നവർ ആരെയും സ്നേഹിക്കില്ലേ.....അല്ലു ഇല്ലെങ്കിൽ
ഈ വീട്ടിലെ സന്തോഷം എല്ലാം പോകും....

നീ തന്നെ ഒന്നു ആലോയ്ച്ചു നോക്കു അവൾ ഉണ്ടേൽ ഇവിടെ എന്ത് ബഹളമാ.....കളിയും ചിരിയും ഒക്കെയായി സമയം പോകുന്നതെ അറിയില്ല......

ഉപ്പാ അല്ലൂനെ പറ്റി ഓരോന്നും പറയുന്നതല്ലാതെ ഞാൻ പറയുന്നതൊന്നും കേൾക്കാൻ കൂടി തയാറാവുന്നില്ല....ഒരു കണക്കിന് നോക്കിയ ഉപ്പാ പറയുന്നതും ശെരിയ എന്നാലോചിച്ചു നമ്മള് അവിടെ ഇരിക്കുമ്പോൾ ആണ് ആരോ വിളിക്കുന്നു എന്നും പറഞ്ഞു ആശു മൊബൈൽ കൊണ്ട് ഉപ്പാക്ക് കൊടുത്തത്.....

മറുസൈഡിൽ അല്ലുവിന്റെ സംസാരം കേട്ടപ്പോഴേ ഉപ്പാടെ മുഖം തെളിഞ്ഞു.....ആ മുഖത്തു എന്തെന്നില്ലാതെ സന്തോഷം അലതല്ലി......

അവൾ എന്തൊക്കയോ പറഞ്ഞു ഉപ്പായെ ഫുഡ് കഴിക്കാൻ സമ്മദിപ്പിച്ചു......

ഇതുവരെ ഇല്ലാതിരുന്ന സന്തോഷം ഒരു ഫോൺ കാളിലൂടെ കൊണ്ടുവരാൻ അവക്ക് സാധിച്ചു.......

അങ്ങനെ എല്ലാവരും ഫുഡ് കഴിച്ചു ഉറങ്ങാനായി പോയി........

മ്മളും റൂമിൽ വന്ന്‌ ഫ്രഷ് ആയി ബെഡിലേക്ക്
മറിഞ്ഞു.......

അപ്പോഴെല്ലാം എന്റെ ചിന്ത അല്ലൂനെ പറ്റിയായിരുന്നു.....ഓൾടെ ഓരോ പൊട്ടത്തരവും കളിയും ചിരിയും.....ഇന്നവൾ ആ കരിക്ക് കടയിൽ പോയി ഓരോന്ന് പറഞ്ഞതും അങ്ങനെ ഓരോന്ന് ആലോചിച്ചു ഞാൻ പോലും അറിയാതെ എന്റെ ചുണ്ടിൽ ഒരു ചെറിയ ചിരി വിരിഞ്ഞു.....

പെട്ടന്ന് എന്റെ മനസ്സിൽ ഓടി വന്നത് ഇന്നവൾ അവനുമായി അടുത്തിടപഴകിയതാണ്......
എന്തോ എനിക്ക് അതൊക്കെ കാണുമ്പോ എന്തോ പോലെ തോന്നുവാ......ഇതുവരെ ആരോടും ഒന്നിനോടും തോന്നാത്ത ഒരു പ്രതേക ഫീൽ......

എന്നാലും അവൾക്ക് ഓളെ ഉമ്മൂമായെ എന്താ ഇഷ്ടമല്ലാത്ത എല്ലാരേയും ഒരു പോലെ കാണുന്ന അവൾക്കു അവരോട് ഒരകൾച്ചയുണ്ട് അതിന് കാരണമെന്താവും....
പിന്നെ ഞാനിന്ന് അവിടുന്ന് ഇറങ്ങിയപ്പോൾ അവളുടെ മുഖത്ത് എന്തോ പേടിയും പരിഭ്രവുമൊക്കെ ഉള്ള പോലെ തോന്നി.....
അതിനെന്താവും കാരണം.....

🌹🌹🌹🌹🌹🌹🌹🌹🌹🌹🌹🌹🌹🌹🌹🌹

മ്മള് ഇന്നു ഇവിടെ നിക്കണം എന്ന്‌ ഒട്ടും പ്രതീക്ഷിച്ചതല്ല എന്തിന് കൂടുതൽ പറയുന്നു ഇന്ന് ഇങ്ങോട്ട്‌ വരാൻ പോലും എനിക്ക് താല്പര്യം ഇല്ലായിരുന്നു.......

ഇക്കു പോയപ്പോൾ എന്നെ കൂടി വിളിച്ചിരുന്നുവെങ്കിൽ എന്ന്‌ ഞാൻ ഒരുപാട് ആഗ്രഹിച്ചു......പക്ഷെ അത് വെറും ആഗ്രഹം മാത്രമാവും എന്ന് എനിക്ക് നല്ലപോലെ അറിയാമായിരുന്നു.......

മ്മള് ഒരു ദിവസം അവിടെ ഇല്ലെങ്കിൽ sk ക്ക്‌ അത്രയും നല്ലത്.......ശല്യം ഇല്ലല്ലോ.....

ഇക്കു ഇവിടുന്നു യാത്ര പറഞ്ഞു പോകുമ്പോൾ ആണ് അടുത്ത ദി ഗ്രേറ്റ്‌ സൈക്കോടെ എൻട്രി
ഞാൻ ഒട്ടും പ്രതിക്ഷിച്ചതല്ല ഇങ്ങനൊരു വരവ്

കണ്ടപ്പോൾ തന്നെ ഇവിടുന്ന് ഇറങ്ങി രക്ഷപെട്ടാലോ എന്നാലോചിച്ചതാ....പിന്നെ എല്ലാം വരുന്നിടത്തു വച്ചു കാണാം എന്നു കരുതി......

അൽത്തു ഉണ്ടല്ലോ കൂടെ എന്ന ധൈര്യത്തിൽ നിന്നപ്പോ കുറച്ചു കഴിഞ്ഞു ഓനും പോയി കൂടെ കാക്കുവും....അതു രണ്ടും കളിയെ ജീവിതം എന്നു പറഞ്ഞു നടക്കുന്ന പാഴ് മരങ്ങളാണ്........

പിന്നെ ഉപ്പയും കടയിലേക്ക് പോയി......ഉമ്മ അടുക്കളയിൽ ജോലിയിലും......മ്മള് കുറച്ചു നേരം അവിടെയൊക്കെ കറങ്ങി നടന്നിട്ട് റൂമിലേക്ക്‌ പോന്നു........അപ്പോഴും എന്റെ മനസ്സിൽ ചെറിയ പേടിയൊക്കെ ഉണ്ടായിരുന്നു......

ആശുനേ വിളിച്ചു സംസാരിച്ചപ്പോൾ അതെല്ലാം
മാറി......എനിക്ക് നല്ലപോലെ അറിയാം ഒരു ദിവസം മ്മളവിടെ ഇല്ലേൽ എന്താവും അവസ്ഥ
എന്ന്‌......ഉപ്പായെ നാളെ തന്നെ അങ്ങോട്ട്‌ വരും എന്ന് പറഞ്ഞു എങ്ങനെയൊക്കെയാ സമാധാനിപ്പിച്ചേ......മ്മളെ കേട്ട്യോന് മ്മളെ വേണ്ടേലും ഓന്റെ വീട്ടുകാർക്ക് നമ്മളില്ലാതെ പറ്റില്ല......നമ്മക്കും അങ്ങനെയാ.....

ഉമമ്മുമായും പിന്നെയാ കോൻവറും ഇവിടെ ഉള്ളത് കൊണ്ട് മനസ്സിന് എന്തോ പോലെ.....

എപ്പോഴാ ഇങ്ങോട്ട്‌ ഓൻ കേറി വരാ എന്ന്‌ പറയാൻ പറ്റില്ല.....പിന്നെ ഈ ഉമ്മുമ്മ എന്നു പറഞ്ഞാൽ എന്റെ സ്വന്തം ഒന്നുമല്ല വകയിലയാ.....എന്നു പറഞ്ഞാൽ എന്റെ ഉമ്മുമ്മാടെ മൂത്ത ഇത്തയാണ്......ഇവിടെ എല്ലാവർക്കും അവരോട് വല്യ കാര്യവാ.....എനിക്കും അങ്ങനെ തന്നെ ആയിരുന്നു കുറച്ചു നാൾ മുമ്പ് വരെ

ഞാൻ ഉദ്ദേശിച്ചത് എന്റെ കല്യാണത്തിന് മുൻപ് വരെ എന്നാണ്.......നമ്മളെ കല്യാണം കഴിഞ്ഞിട്ടു ഇപ്പൊ ഒരു രണ്ട് മാസമാവുന്നെ ഉള്ളൂ......അപ്പൊ നമുക്ക് ആ പഴയ ഫ്ലാഷ് ബാക്കിലേക്കു ഒന്ന് എത്തി നോകീട്ടു ബരാം.....

രണ്ട് മാസങ്ങൾക്കു മുമ്പ്.......

എല്ലാദിവസത്തെയും പോലെ നമ്മള് കോളേജിലേക്ക് പോകാൻ ഇറങ്ങുമ്പോൾ ആയിരുന്നു നമ്മളെ ചങ്ക് ഷാനിഫാടെ വരവ് ഓളും ഞാനും ഒരു കോളേജിൽ തന്നെയാട്ടോ...

പക്ഷേ ഞാൻ പിജി ലസ്റ് ഇയറും അവൾ യൂജി 2nd ഇയറും......ഞങ്ങൾ രണ്ടും എന്നും ഒന്നിച്ചാണ് പോണേ......

ഡി അലവലാതി നീ എന്താ തമാസിച്ചേ ഇനി അങ്ങോട്ട്‌ ചെല്ലുമ്പോൾ ആ വാച്ഛ് മാൻ അയാളെ ഉണ്ടകണ്ണുരുട്ടി നമ്മളെ പേടിപ്പിച്ചു കൊല്ലും നീ നോക്കിക്കോ......

ഇജ്ജ് ഒന്നു മിണ്ടാതിരിക്കു ഇവിടെ ഞാൻ കാര്യമായി ഒരു ജോലി ചെയ്തോണ്ടിരിക്കുവല്ലേ.......

ഇബ്‌ലീസ് സമയത്തു കേറിവന്നിട്ട് മ്മള് പറയുന്നതൊന്നും കേൾക്കാതെ കാർട്ടൂണും കണ്ട് ഫുഡഡിക്കുവാ.....കള്ള ബലാല്.....

ഡി മരതവളെ മതി കേറ്റിയത് ബാ നമുക്ക് ഇറങ്ങാം......

ഓഹ് നിക്ക് അല്ലു.......ദ വരുന്നു.....ആരെ കാണാനാ നീ ഇത്ര വേഗത്തിൽ അങ്ങോട്ടു പൊന്നേ......വല്ലവനെയും സെറ്റ് ആക്കി വെച്ചിട്ടുണ്ടോ.......ങേ എന്നൊക്കെ അവൾ പിരികം ചുളിച്ചു അവിടുന്നു ചോയ്ക്കുന്ന കണ്ടപ്പോഴേ തലമണ്ടക്കു ഒന്നു കൊടുക്കാൻ തോന്നിയതാ.......

ഡി ഇബ്‌ലീസ്സേ.......ഒന്ന്‌ മിൻണ്ടാതിരിയടി.....
അല്ലെ തന്നെ ഇപ്പൊ ഇവിടെ എന്നെ ഇവിടുന്നു പാഴ്‌സൽ അയക്കുന്ന കാര്യമാണ് ചർച്ച....അതിന്റെ ഇടയിൽ ഇതുകൂടി പറഞ്ഞാൽ എന്റെ കാര്യം ഖുദാ ഗവാ......

ഇനി ഈ ബുദ്ധിയുല്ലാത്ത ജന്തു കൂടുതൽ നിന്നാൽ എനിക്ക് തന്നെ പണിയാകും എനറിയാവുന്നത് കൊണ്ട് അതുനേയും വിളിച്ചോണ്ട് നമ്മളവിടുന്നു ഇറങ്ങി നേരെ കോളേജിലേക്ക് വിട്ടു......

പിന്നെ നമ്മുക്ക് പണ്ടേ പ്രണയത്തിൽ വലിയ വിശ്വാസവും താൽപര്യവും ഒന്നുമില്ലാത്തത് കൊണ്ട് വീട്ടകാർക്ക് ആ കാര്യത്തിൽ മാത്രം മ്മളെ ഭയങ്കര വിശ്വാസമാ.......

അന്ന് നമ്മൾ കോളേജ് വിട്ട് തിരിച്ചു വന്നപ്പോഴുണ്ട് വീട്ടിൽ ഒരു കല്യാണത്തിനുള്ള ആളുകൾ......

ഇതെന്താ അല്ലു വീട്ടിൽ കൊറേ പേരുണ്ടല്ലോ....
എന്താ അവിടെ വിശേഷം......

ആ എന്നിക്കറിയില്ലടി......നീ പോയി ഫ്രഷ് ആയിട്ട് വീട്ടിലേക്ക് വാ....

മ്മ് ശെരി......എന്നും പറഞ്ഞു ഷാനി അവളെ വീട്ടിലേക്ക് പോയി ഓൾടെ വീടും മ്മളെ വീടും തൊട്ടടുത്തായതുകൊണ്ട് തോന്നുമ്പോ കേറി ഇറങ്ങാം.....

നമ്മൾ പതിയെ അകത്തു എന്താ നടക്കുന്നത് എന്ന് ഏന്തി വലിഞ്ഞു നോക്കിയപ്പോൾ അവിടെ ഉമ്മുമായും വീട്ടുകാരും ഒക്കെ എന്തോ കാര്യമായാ ചർച്ചയിൽ ആണ്......
എന്നെ അവിടെ കണ്ടതും ചർച്ചയൊക്കെ നിർത്തിയിട്ട് ഉമ്മ എന്റെ അടുത്തേക്ക് വന്നു

അല്ലു നീ പോയി കുറിച്ചിട്ടു വാ നിന്നോട് കുറച്ചു
കാര്യങ്ങൾ പറയാനുണ്ട് എന്നു പറഞ്ഞു.....

എന്താ ഉമ്മ കാര്യം ഇങ്ങള് പറയു......
ഇവരെല്ലാം ഇപ്പൊ ഇങ്ങോട്ട് വന്നതെന്തിനാ.....

നീ പോയി കുളിച്ചിട്ടു വാ അപ്പോഴേക്കും നിന്റെ ഉപ്പയും ഇങ്ങെത്തും എന്നിട്ട് എല്ലാം പറയാം....

പിന്നെ നമ്മള് ഒന്നും പറയാൻ നിൽക്കാതെ പോയി കുളിച്ച് നിസ്കരിച്ചു റൂമിൽ നിന്നും ഇറങ്ങിയപ്പോ ഷാനിയും ഇങ്ങെത്തിയിരുന്നു....

അല്ലു.....എന്താ ഇവിടെ നിന്നോട് അവരൊന്നും
പറഞ്ഞില്ലേ.....

ഇല്ലെടാ.....ഉപ്പ വന്നിട്ട് പറയാം എന്ന്‌ പറഞ്ഞു...

ഹ എന്നാ ബാ നിന്റെ ഉപ്പ താഴെയുണ്ട്......

നമ്മള് വല്യ താൽപര്യമില്ലാത്ത മട്ടിൽ മുഖവും ചുളുക്കി താഴേക്കിറങ്ങി......

അപ്പൊ എല്ലാവരും ഒരുപോലെ എന്നെ തന്നെ നോക്കി ഇരിക്കുന്നു......ഉമ്മൂമ്മ എന്റെ കൈയ്യിൽ വന്ന് പിടിച്ചിട്ട് എന്തൊക്കയോ പറയാൻ തുടങ്ങി......

മോളെ അല്ലു ഇപ്പൊ ഞങ്ങളെല്ലാരും എന്തിനാ ഇങ്ങോട്ട് വന്നതെന്നറിയാമോ.....

നമ്മള് ഇല്ല എന്നുള്ള മട്ടിൽ പതിയെ തലയാട്ടി.....

മോളെ ഉമ്മൂമ്മ ഇന്നലെ ഒരു സ്വപ്നം കണ്ടു.....
എന്റെ അല്ലു മോളെ കല്യാണം കാണാൻ പറ്റാതെ ഉമ്മൂമ്മ മയ്യത്താവുന്നത്.......മോൾ അപ്പോൾ അവിടെ വന്നിരുന്നു കരഞ്ഞു പറയുന്നു എന്റെ നിക്കാഹ് കൂടി കണ്ടിട്ട് പൊക്കൂടായിരുന്നോ എന്ന്‌.......അതുകൊണ്ട് എത്രയും പെട്ടന്ന് മോളുടെ കല്യാണം നടത്താൻ ഞങ്ങൾ അങ്ങു തീരുമാനിച്ചു.....

ഉമ്മൂമ്മ ഇനി എത്ര നാൾ എന്ന് വെച്ചിട്ട എന്നൊക്കെ നമ്മളെ സൈക്കോ ഉമ്മൂമ്മ പറയുന്ന കേട്ടിട്ട് എല്ലാരും സെന്റി എസ്പ്രെഷൻ ഇട്ടോണ്ട് നിക്കുവാ.......ഞാൻ ചിരിക്കണോ കരയണോ.....എന്ന അവസ്‌ഥയിൽ ഷാനിയെ നോക്കിയപ്പോൾ ഓൾ അവിടെ കണ്ണും തള്ളി വായും പൊളിച്ച് എന്തൊക്കയോ ആലോചിചോണ്ട് നിൽക്കുന്നു......അപ്പൊ തന്നെ കൊടുത്തു ഓൾടെ കാലിനിട്ടു നല്ല അഡാർ ചവുട്ട്.....

ഓളോട് പിന്നെ നീ എന്താ ഇത്ര കാര്യമായി ചിന്തിക്കുന്നത് എന്നു ചോദിച്ചപ്പോ പറയാ ഇതുപോലെ പോലെ വല്ല ഉമ്മൂമ്മയും ഉണ്ടൊന്നു ആലോചിച്ചതാ......ഉണ്ടെങ്കിൽ നമുക്ക് നേരത്തെ ഇതുപോലൊരു ആക്രമണം കരുതി ഇരിക്കാല്ലോന്ന്.......

അങ്ങനെ എല്ലാവരും ഉമ്മൂമ്മ പറയുന്നതിനോട് യോചിച്ചു
നിൽക്കുമ്പോൾ ആണ് ഉപ്പാടെ വക അടുത്ത ബോംബ് എന്റെ നിഞ്ചതോട്ടു ഇട്ടു തന്നെ പൊട്ടിച്ചത്.......ഉപ്പ പറയുന്ന കേട്ടിട്ടു അങ്ങു ചത്താലും വേണ്ടീല്ല എന്ന് വരെ ചിന്തിച്ചു പോയി.......

ഹ എന്തായാലും ഓൾക്ക് പത്തിരുപത്തിരണ്ടു വയസായില്ലേ......ഇന്നും കൂടെ എന്റെ ഒരു കൂട്ടുകാരൻ എന്നോട് അല്ലുവിനെ പറ്റി ചോദിച്ചതെ ഉള്ളൂ.....മോളെ പറ്റി നല്ല അഭിപ്രായവാ ഓളെ കൊറേ തവണ കാണുകയും ചെയ്തിട്ടുണ്ട്.....അപ്പൊ അവരോട് നാളെ ഇങ്ങോട്ട് വരാൻ പറയാം.....

ഉപ്പ പറയുന്നതിനോട് എല്ലാവരും യോജിച്ചു.....
ഉമ്മൂമ്മാക്ക് മാത്രം അതത്ര പിടിച്ചില്ല.....
അതിനും കാരണമുണ്ട്.....

പിന്നെ എല്ലാം വളരെ പെട്ടന്നായിരുന്നു.....
അവർക്ക് നേരത്തെ എന്നെ അറിയാവുന്നത് കൊണ്ട് ഒരു കിഴപ്പവും വന്നില്ല......ഇടക്കൂടെ മ്മള് ഈ ബന്ധം തെറ്റിക്കാൻ ഉള്ള വഴികൾ നോക്കിയിട്ട് അതിവ്ദക്തമായി പരാജയപ്പെട്ടു.......

അങ്ങനെ അവസാനം ഒരു സൈക്കോയെ കാരണം വേറൊരു സൈക്കോ എന്റെ കഴുത്തിൽ മഹർ ചാർത്തി......

ഒരിക്കലും ഞാൻ പ്രതീക്ഷിക്കാതെയാണ് എൻറെ ലൈഫിൽ എല്ലാം സംഭവിച്ചത്......

പെട്ടന്ന് ഡോറിൽ ആരോ മുട്ടുന്ന സൗണ്ട് കെട്ടിട്ടാണ് മ്മള് പഴയ ഓർമ്മകളിൽ നിന്നും പുറത്തേക്ക് വന്നത്.......





 

തുടരും...........

ഇന്നലെ tym കിട്ടീല്ല sry.........തെറ്റുണ്ടെൻകിൽ തിരുത്തി വയിക്കട്ടോ.....ഇങ്ങളുടെ strye പറ്റിയുള്ള അഭിപ്രായം ഒന്ന്‌ അറിയിക്കണം...
പ്ലീച്ഛ്..........പ്ലീച്ഛ്..........🤗🤗