©copyright protected


ശാള് ഒന്ന് ഒതുക്കി പിടിച്ച് അവൾ ഒതുക്കുകല്ലുകൾ കയറി........

നട്ടുച്ച സമയത്ത് പാട വരമ്പത്തുകൂടെ നടന്ന് വന്നതിനാൽ അവളുടെ മുഖത്തും കഴുത്തിലും ആയി വിയർപ്പ് തുള്ളികൾ അങ്ങിങ്ങായി  തങ്ങി  നിൽക്കുന്നുണ്ടായിരുന്നു..............
സൂര്യന്റെ വെളിച്ചത്തിൽ എല്ലാം പവിഴ മുത്തുകൾ പോലെ തിളങ്ങി.........


ശാളിന്റെ അറ്റം പൊക്കി അവൾ മുഖത്തേയും കഴുത്തിലെയും വിയർപ്പ് തുള്ളികൾ ഒപ്പി........


സാധാരണ താൻ ഈ നേരത്തല്ലല്ലോ വരാറ്.......
ഈ സമയത്ത് വരേണ്ടി വരും എന്ന് തീരെ പ്രതീക്ഷിച്ചതും ഇല്ല അല്ലേൽ ഒരു കുട കയ്യിൽ കരുതിയേനെ..........

എന്തൊരു ഉഷ്ണമാണ്.........
സൂര്യനിങ്ങനെ ഉഗ്രകോപിയായി ജ്വലിച്ച് നിക്കുവല്ലേ.......

ഇത്രത്തോളം കോപിക്കാൻ എന്താണാവോ സംഭവിച്ചത്..........

വീട്ടിലേക്ക് കയറുമ്പോൾ തൊഴുത്തിൽ നിന്ന് അമ്മയുടെ ശബ്ദം കേട്ടു.........


അമ്മിണിയെ വഴക്ക് പറയുകയാണ്......
അമ്മിണി വീട്ടിലെ പശുവാണ്........
കൂടെ ഒരു കിടാവുമുണ്ട് അവനെ അപ്പൂട്ടാ ന്ന് വിളിക്കും..........
ചിലപ്പോൾ ഉണ്ണിക്കുട്ടാന്ന് വിളിക്കും......
അങ്ങനെ അങ്ങനെ തനിക്ക് തോന്നിയതൊക്കെ വിളിക്കും.........


മുറ്റത്തെ പൈപ്പിൽ നിന്ന് കാലുകഴുകി ഉമ്മറത്തേക്ക് കയറി.......
വാതിൽ ചാരിയിട്ടേ ഉള്ളു.......

ഗോവണി കയറി മുകളിലേക്ക് നടന്നു റൂമിൽ കയറി ബാഗ് വച്ച് തിരിച്ചിറങ്ങി.......

അടുക്കളയിലേക്ക് പോയി ഇത്തിരി വെള്ളം എടുത്തു കുടിച്ചു.......

ആഹ് നാശം പിടിച്ച കള്ളിപൂച്ച.......

അടുക്കളയിൽ പാത്രം അനങ്ങുന്ന ശബ്ദം കേട്ട് അമ്മ ഇവിടെ കിടന്ന് കറങ്ങാറുള്ള പൂച്ചയെയും പ്രാകി കൊണ്ട് കയറി വന്നു........

അമ്മയെ പറഞ്ഞിട്ട് കാര്യമില്ല........
അവൾ തരം കിട്ടിയാൽ അടുക്കളയിൽ കയറും......... പിന്നെ തന്നെ ഈ നേരത്ത് തീരെ പ്രതീക്ഷിച്ചിട്ടുണ്ടാവില്ലല്ലോ.......


അടുക്കളയിലേക്ക് കയറിയ അമ്മ തന്നെ കണ്ട് ഒന്നന്ധിച്ചു നിന്നു........

എന്താ മോളെ എന്താ പറ്റിയെ വല്ല വയ്യായ്കയും ഉണ്ടോ............
പരിഭ്രാന്തിയോടെ തന്നോട് കാര്യങ്ങൾ അന്വേഷിക്കുന്ന ആ മുഖത്തേക്ക് ഞാനൊന്ന് ഉറ്റ് നോക്കി.......

എന്ത് പറയും താൻ......
ചില ഓർമകൾ തന്നെ അസ്വസ്ഥമാക്കിയെന്നോ.........

അങ്ങനെയെങ്കിൽ ആ ഓർമകൾ എന്താണെന്ന് ചോദിച്ചാൽ താൻ എന്ത് പറയും..........

തലവേദന ആയത് കൊണ്ടാ അമ്മാ.......

വളരെ പതിഞ്ഞ ശബ്ദത്തിൽ അമ്മയോട് മറുപടി കൊടുത്തു.......

അതിനോളം നാം ഉപയോഗിക്കുന്ന നുണ വേറെ ഏതാണ്........

ഹൃദയം വിങ്ങുന്നുണ്ട്.......
എന്തിന് വേണ്ടി.......
നിനക്കതറിയില്ലേ........ മനസ്സ് എന്നോട് തന്നെ ചോദിച്ചു.........

തനിക്കതറിയാം എന്ന ഉത്തമ ബോധ്യം തനിക്കുണ്ട് എങ്കിലും മൗനം പാലിച്ചു......
മൗനം മാത്രം......

ഏത് നേരവും കലപില സംസാരിച്ച് കൊണ്ടിരിക്കാറുള്ള താൻ മൂകയായിരിക്കുന്നത് കണ്ടെന്നവണ്ണം അമ്മ
അത് വിശ്വസിച്ചു........

വാ വല്ലതും കഴിച്ച് കിടന്നോ........
സ്നേഹത്തോടെ വാത്സല്ല്യത്തോടെ അമ്മ അത് പറഞ്ഞതും നിരസിക്കാതെ താൻ ഊണ് മേശക്ക് മുന്നിൽ പോയിരുന്നു.......


പക്ഷെ ഭക്ഷണം കഴിക്കാൻ തോന്നുന്നില്ല.......
ചോറിൽ കയ്യിട്ടു ഇളക്കിയുള്ള എന്റെ ഇരിപ്പ് കണ്ടെന്നവണ്ണം അമ്മ അത് എന്റെ മുൻപിൽ നിന്നെടുത്ത് ഓരോ ഉരുളകളായി തനിക്ക് വാഴിൽ വച്ചു തന്നു........

ഇറക്കാതിരിക്കാനായില്ല എങ്ങനെയാകും അതിൽ ആവോളം സ്നേഹവും വാത്സല്ല്യവും നിറഞ്ഞിട്ടുണ്ട്........

കയ്യും വായും കഴുകി വന്നപ്പോൾ അമ്മ തലയിൽ ബാം പുരട്ടി തന്നു........
ശേഷം തന്നോട് മുറിയിൽ പൊയ്ക്കോളാൻ പറഞ്ഞു........


റൂമിലെത്തിയതും അടക്കി പിടിച്ച മിഴിനീരിനെ തുറന്ന് വിട്ടു........
അത് എന്നും പതിവുള്ളതാണ് പക്ഷെ ഇപ്പോഴല്ല രാത്രിയുടെ ഇരുളിലാണെന്ന് മാത്രം.........

തന്റെ മിഴിനീരും സങ്കടങ്ങളും ചന്ദ്രനും ഇരുട്ടിനും പിന്നെ ചില താരകങ്ങൾക്കും മാത്രം അറിയുന്നവയാണ്........

സൂര്യനോ വെളിച്ചമോ അതിന് സാക്ഷികളായിട്ടില്ല...........

പക്ഷെ ഇന്നതും സംഭവിച്ചിരിക്കുന്നു...........
വേദന........
കലശലായ വേദന.........


ഓർമകൾ വല്ലാതെ തന്നെ ബുദ്ധിമുട്ടിച്ചിരിക്കുന്നു..........

താനത് ഓർമിക്കുകയാണോ.........
മറന്നാലല്ലേ ഓർമിക്കേണ്ടതായുള്ളൂ.....

ഇന്നെന്താണ് തനിക്ക് പറ്റിയത്........
ചിലപ്പോൾ തന്റെ ഹൃദയത്തിന് ഈ വേദനയെല്ലാം സഹിക്കാൻ സാധ്യമാവണമെന്നില്ല അതിനാലാകാം അതിത്ര വേദന...........


കട്ടിലിലേക്ക് കിടന്നു........
കണ്ണുകൾ അടച്ചാൽ ബാക്കി മിഴിനീര് കൂടെ പുറത്തേക്കൊഴുകിയാലോ........
അതിനാൽ കണ്ണ് തുറന്ന് പിടിച്ചു.......
എന്നിട്ടും കാര്യമുണ്ടായില്ല.........

ഓർമകൾ പിന്നെയും തന്നെ തളർത്തുന്നു എന്നറിഞ്ഞപ്പോൾ ഉറക്കത്തെ കൂട്ട് പിടിച്ചു......

അല്ലാതെന്ത് ചെയ്യാൻ.........

ഉറക്കത്തിന്റെ ആയങ്ങളിലേക്ക് നീന്തി തുടിക്കുമ്പോൾ എപ്പോഴോ ആ മുഖം തെളിഞ്ഞു വന്നു.............
ചുണ്ടിൽ ഒരു പുഞ്ചിരി വിരിഞ്ഞുവോ പെട്ടെന്ന് മറ്റൊരു ദൃശ്യം ആ മുഖത്തിന്‌ മുകളിലായി തെളിഞ്ഞു...........
അത്യധികം വേദനയോടെ നിദ്രയിൽ നിന്ന് ഞെട്ടി ഉണർന്നു പിന്നെ റൂമിൽ നിന്നിറങ്ങി മുകളിലെ ഹാളിൽ സെറ്റ് ചെയ്തിരിക്കുന്ന വാഷ് ബേസിന് അടുത്തേക്ക് പോയി........
ഇത്തിരി വെള്ളം കൈകുമ്പിളിൽ എടുത്ത് മുഖത്തേക്ക് ശക്തിയായി തെറിപ്പിച്ചു..........

ശേഷം കൈ കൊണ്ട്  ഒന്നമർത്തി തുടച്ച് തൂക്കിയിട്ടിരിക്കുന്ന ടർക്കി എടുത്ത് മുഖത്ത് പറ്റി പിടിച്ചിരിക്കുന്ന വെള്ള തുള്ളികൾ മായ്ച്ചു കളഞ്ഞു.........

ചാരൂ.........

താഴെ നിന്നേട്ടന്റെ ശബ്ദം കേട്ടു.......
തന്നെയാണ് വിളിക്കുന്നത്........

ഞാൻ ഹാളിൽ തൂക്കിയിരിക്കുന്ന വലിയ ക്ലോക്കിലേക്ക് മിഴികൾ പായിച്ചു........
സമയം 6:00 മണി ആയോ....

അമ്മ എന്തെ വിളിക്കാഞ്ഞേ.....
ആഹ് താൻ തലവേദന ആണെന്ന് പറഞ്ഞിരുന്നല്ലോ......... അതിനാലാവണം.......

ഞാൻ വേഗം താഴെക്കിറങ്ങി ചെന്നു.......
തല വേദന മാറിയോടി........
ചേട്ടന്റെ ചോദ്യത്തിന്
ചിരിച്ച് കൊണ്ട് അതേ എന്ന് തലയാട്ടി.......

അത് കേട്ടപ്പോൾ ഏട്ടന്റെ മുഖമൊന്നു തെളിഞ്ഞ പോലെ തോന്നി.........


അമ്മയും വന്ന് തലയിലൊക്കെ ഒന്ന് തൊട്ട് തടവി ചോദിച്ചു.......
ഇപ്പൊ എങ്ങനെ ഉണ്ടെന്ന്........

അമ്മയ്ക്കും ഒരു ചിരിയിൽ ഉത്തരം നൽകി......

അപ്പോഴേക്കും അച്ഛനുമെത്തി അച്ഛന്റെ നെഞ്ചിലേക്ക് ചാഞ്ഞു ആ ഹൃദയ മിടിപ്പ് ശ്രവിച്ചപ്പോൾ മനസ്സും പഴയത് പോലെ ആയെന്നൊരു തോന്നൽ.....

ഇത്തിരി നേരം കൂടെ അങ്ങനെ നിന്ന് അടർന്നു മാറി.......

അമ്മ ചെന്ന് വിളക്ക് വച്ചിരുന്നു......

അച്ഛൻ കുളിച്ച് വന്നപ്പോഴേക്കും അമ്മ ചായയും പലഹാരവും ടേബിളിൽ നിരത്തിയിരുന്നു.........
ഇന്നിത്തിരി നേരം വൈകിയിരിക്കുന്നു...........

എല്ലാം താളം മറിയാൻ ഒരു കാരണം താൻ തന്നെയാണ്........
ഇവിടെയുള്ള എല്ലാവരുടെയും ഒരു ദിവസം തുടങ്ങുന്നത്  തന്നിലാണെന്ന് പോലും തോന്നി പോകും ചില സമയങ്ങളിൽ........


മോളെ...... സരസു ഇന്നലെ കണ്ടപ്പോളും പറഞ്ഞു നിനക്കൊരു നല്ല ആലോചന കയ്യിലുണ്ടെന്ന്........ ഞാൻ വന്നോളാൻ പറയട്ടെ........

അമ്മയാണ്......

അമ്മാ ഈ വർഷം കൂടെ അല്ലേ പിജി ക്ലാസ്സ്‌ കഴിയാൻ ഉള്ളു........ അത് കഴിഞ്ഞിട്ട് ഞാൻ ഒരു ജോലിക്ക് കയറട്ടെ എന്നിട്ടാവാം.......

ഗ്ലാസ്സിലേക്ക് തന്നെ കണ്ണും നട്ട് ഞാൻ ഉത്തരം നൽകി.......


മോളെ........

ഭദ്ര........

അമ്മ വീണ്ടും എന്തോ പറയുവാൻ മുതിർന്നപ്പോയെക്കും അച്ഛൻ ശാസനയോടെ വിളിച്ചു........

അത് കേട്ടതും അമ്മ എന്തൊക്കെയോ പിറുപിറുത്തുകൊണ്ട് എഴുന്നേറ്റ് പോയി......

ഞാൻ അച്ഛനെ നോക്കി ഒന്ന് ചിരിച്ചു...... എന്നിട്ടെഴുന്നേറ്റ് പോയി.......

ചാരു മിത്ര.........

അതാണെന്റെ പേര്  അമ്മയുടെ മരിച്ചു പോയ അച്ഛമ്മയുടെ ഓർമ്മക്കും അച്ഛന്റെ മരിച്ചു പോയ പ്രിയ പെങ്ങളുടെ ഓർമ്മക്കും കൂടെ ഇട്ട പേര്.........
സത്യം പറഞ്ഞാൽ 2 ആത്മക്കളാണ് എന്നിൽ......


ചേട്ടന്റെ പേര് ചരൺ.....

അമ്മ ഭദ്ര അച്ഛൻ മാധവൻ..... ഇതാണ് ഞങ്ങളുടെ കൊച്ച് കുടുംബം.........

പിന്നെ ഉള്ളത് ഇത്തിരി കോഴികളും........ അമ്മിണിയും മോനും...... കിങ്ങിണിയുമാണ്......


കിങ്ങിണി ആരെന്ന് പറഞ്ഞില്ലല്ലോ..... ഒരാട്ടിൻ കുട്ടിയാണ്.......

ഇവരൊക്കെയാണ് എന്റെ ലോകം........

ചേട്ടൻ ഒരു കോളേജിൽ ഗസ്റ്റ് ലെക്ചർ ആയിട്ട് വർക്ക്‌ ചെയ്യുന്നു..........
ആഗ്രഹമുണ്ടായിട്ടല്ല......... തന്റെ പ്രിയ ഗുരുനാഥ ആവശ്യ പെട്ടത് കൊണ്ടും പിന്നെ തൽക്കാലം മറ്റൊരു ജോലി ഇല്ലാത്തത് കൊണ്ടും.........

ഞാൻ msc കമ്പ്യൂട്ടർ സയൻസ് ഫൈനൽ ഇയർ വിദ്യാർത്ഥിനിയാണ്.......

അമ്മ ഒരു പാവം വീട്ടമ്മ....... അച്ഛൻ ഹൈ സ്കൂൾ അധ്യാപകനാണ് അതും പ്രധാനാധ്യാപകൻ.........


സ്കൂളിൽ വളരെ സ്ട്രിക്ട് ആണേലും വീട്ടിൽ ഒരു പാവം ഗൃഹനാഥൻ......

റൂമിൽ എത്തിയപ്പോയെക്കും ഫോൺ ബെല്ലടിക്കുന്നുണ്ട്......... ദിവ്യയാണ്.......
തന്റെ ആത്മ മിത്രം....... ബാല്യകാല സഖി.......

നാളെ അവധി ദിനമായത് കൊണ്ട് ലൈബ്രറിയിലേക്കുണ്ടോ എന്നറിയാൻ വിളിച്ചതാണ്.......

തന്റെ വീടിന്റെ നാലഞ്ച് വീടുകൾക്കപ്പുറത്താണ് അവളുടെ വീട്........


തന്റെ എല്ലാ രഹസ്യങ്ങളും അറിയുന്ന സുഹൃത്ത്...... അല്ല ആ കാര്യം ആർക്കുമറിയില്ല തനിക്ക് മാത്രം.........

തന്റെ ഏട്ടന്റെ പ്രണയ ഭാജനം........

ഫോൺ വച്ച് കട്ടിലിലേക്ക് കിടന്നു........

ഉച്ചക്ക് ഉറങ്ങിയതിനാലാവണം നിദ്രാ ദേവി തന്നെയൊന്ന് തിരിഞ്ഞു നോക്കുന്ന പോലുമില്ല.......

വല്ല ബുക്കും വായിക്കാം....... ഏതോ കയ്യിൽ കിട്ടിയ ബുക്കുമായി പഠിത്തം തുടങ്ങി.......

ഓർമകൾ തന്നെ തേടി വരാതിരിക്കാനുള്ള വിഫല ശ്രമം.........

എല്ലാം തന്റെ മാത്രം തോന്നലുകൾ ആയിരുന്നല്ലോ ഒരു പത്താം ക്ലാസുകാരിയുടെ വട്ടുകൾ........

എല്ലാം കഴിഞ്ഞിട്ട് 6 വർഷത്തിലേറയായി എല്ലാം മറവി കാർന്നു തിന്നിട്ടുണ്ടാകണം.........

പക്ഷെ തനിക്കുമാത്രം..........

മറക്കുവാൻ പറയുവാൻ എന്തെളുപ്പം - മണ്ണിൽ
പിറക്കാതിരിക്കലാണതിലെളുപ്പം
മറവിതൻ മാറിടത്തിൽ മയങ്ങാൻ കിടന്നാലും
ഓർമകളോടിയെത്തി ഉണർത്തീടുന്നു........ 

എത്ര അർത്ഥവത്തായ വരികൾ..........

ഹൃദയത്തിൽ അത്രയേറെ ആയത്തിൽ പതിഞ്ഞു പോയിരിക്കുന്നു.........
അടർത്തി മാറ്റാൻ ആകാത്ത വിധം.......

ഇങ്ങനെ കരയിക്കാനാണോ ദൈവമേ നീ എന്നെ മോഹിപ്പിച്ചത്.......

താൻ മോഹിക്കരുതായിരുന്നു.........
ഇനി പറഞ്ഞിട്ടെന്തു കാര്യം.......

പാലപ്പൂവിന്റെ സുഗന്ധം നാസികയിലേക്ക് തുളച്ചു കയറി.........

പാല പൂത്തുവോ........

എന്തെ പൂത്തു..... അവസാനമായി ആ വർഷമാണ് പൂത്തത്........ ആദ്യമായും.......

ഇത് വല്ല സൂചനയാണോ........ ഈ നാട്ടിലേക്കിനിയും....... എങ്കിൽ കൂടെ കൈ പിടിച്ച് ആ പെൺകുട്ടിയും ഉണ്ടാകും...... ഉണ്ടാകാതിരിക്കുന്നതെങ്ങനെ......

താനെങ്ങനെ ആ കാഴ്ച്ച കാണും തന്റെ കണ്ണുകൾക്കോ ഹൃദയത്തിനോ അത് താങ്ങാനാകുമോ............

ചിന്താഭാരം അധികമായപ്പോൾ ബുക്ക്‌ അടച്ചു വച്ച് കട്ടിലിൽ പോയി കിടന്നു.......

രാത്രിയിൽ എപ്പോയോ നിദ്രയെ പുൽകി.......


                                      (തുടരും..........)

..::''':: ::''':: ::''':: ::''':: ::''':: ::''':: ::''':: ::''':: ::''':: ::'':: ::''::..