കുന്നിൻ മുകളിൽ എന്റെ പൊന്നുണ്ണിയ്കായ്
കൊട്ടാരം തീർത്തിടുമോ? കുഞ്ഞികുരുവികളെ!
പൊന്നിന്റെ കൊട്ടാരം തീർക്കുമ്പോൾ ഉണ്ണിയ്ക്കായ്
പാട്ടൊന്നു  പാടിടുമോ?  കുഞ്ഞികുരുവികളെ

അമ്മ പറഞ്ഞു?  അപ്പ പറഞ്ഞു?
രാജകുമാരനല്ലേ? കുഞ്ഞു രാജകുമാരനല്ലേ?

          ഉണ്ണി വിശന്നു  കരയുന്ന നേരം
          അമ്മ പറഞ്ഞുതന്നു  മാന്ത്രിക ചെപ്പിൻ കഥ
          മാന്ത്രിക ചെപ്പ് തുറക്കുന്ന നേരം
          മോനു കഴിച്ചീടുവാൻ? ചോറും,കറിയുമുണ്ട്

കൂടെ കളിക്കുന്ന കൂട്ടുകാർക്കെന്നപോൽ
പുത്തൻ ഉടുപ്പുമുണ്ട്, ഉണ്ണിയ്ക്ക് പുത്തൻ ഉടുപ്പുമുണ്ട്

          ഉച്ചയായ്, സന്ധ്യയായ് രാത്രി കഴിക്കാറായ്
          അപ്പയെ കാത്തിരുന്നു. കൂട്ടായ് വിശപ്പുമുണ്ട്
അപ്പ വരുന്നതും നോക്കി ഇരുന്ന്
ഉണ്ണി ഉറക്കമായി  രാജകുമാരനാകാൻ

           നല്ലൊരു നാളേക്കായ് സ്വപ്‌നങ്ങൾ നെയ്യുന്ന
           കൊച്ചുമിടുക്കനാകാൻ എന്നും നല്ല മനുഷ്യനാകാൻ

                   ***********💫💫💫***********

                                                  ✍️നോർബിൻ നോബി

🌹നിങ്ങളുടെ വിലയേറിയ അഭിപ്രായങ്ങൾ മെസ്സേജ് അയക്കുവാൻ മറക്കരുതേ?.... 🌹