©️copy right work-this work protected in accordance with section 45 of the copy right act 1957 (14 of 1957)and should not used in full or part with the creators (krishnapriya )prior permission........




രാവിലെ ഉണരുമ്പോൾ അരികിൽ കുഞ്ഞിപ്പെണ് മാത്രമേ ഉള്ളു.
ശരത്തേട്ടൻ എഴുന്നേറ്റിട്ടുണ്ട്.
തലയിണ എടുത്ത് കുഞ്ഞിനിരുവശവും വെച്ച് അവളെ ഉണർത്താതെ ബാത്‌റൂമിലേക്ക് കയറി. കുളിച്ചിറങ്ങുമ്പോൾ ശരത്തേട്ടൻ മുറിയിലുണ്ട്.

കണ്ണാടിയിൽ നോക്കി മുടി ചീകുമ്പോഴും സിന്ദൂരം തൊടുമ്പോഴുമൊക്കെ ആ കണ്ണുകൾ എന്നിലാണെന്നത് എനിക്കൊരു വിറയൽ പടർത്തി. ആളെ കാണാത്തപോലെ മുറി വിട്ടിറങ്ങാൻ നേരം കയ്യിലൊന്ന് പിടിച്ചു.

എന്താണെന്ന മട്ടിൽ നോക്കുമ്പോൾ അവിടെയും ഒരു തുറിച്ചു നോട്ടമാണ്.

നിന്നോടിന്നല്ലേ ഞാനെന്താ പറഞ്ഞെ...?
എനിക്ക് സംസാരിക്കണമെന്നല്ലേ.?

ഇത്രേം നാളും ഈ നാക്ക് എവിടെയായിരുന്നു.
ഇപ്പോഴാണോ എന്നോടെല്ലാം പറയാൻ തോന്നുന്നേ....?
അന്ന് കരഞ്ഞു പറഞ്ഞപ്പോൾ പോലും ശരത്തേട്ടൻ എന്നെ കണ്ടോ എന്റെ സ്നേഹം കണ്ടോ.?
എന്നിട്ടിപ്പോൾ.....
അപ്പുവേട്ടനെ എങ്ങാനും ഞാൻ കെട്ടിയിരുന്നെങ്കിലോ.??
നിങ്ങളെന്തു ചെയ്യുമായിരുന്നു..??

പറഞ്ഞു വന്നപ്പോൾ എന്റെ കണ്ണ് നിറഞ്ഞുപോയി. അത്രത്തോളം ഞാനീ മനുഷ്യനെ സ്നേഹിച്ചിരുന്നു. ഇന്നെന്റെ സ്വന്തമായി മാറിയപ്പോഴും ഇടയ്ക്കാ കയ്പ്പൻ ഓർമ്മകൾ മനസിൽ ഇരചെത്തുന്നുണ്ട്.
അന്നത്തെ ഹൃദയവേദന ഓർക്കുമ്പോൾ ദേഷ്യം തോന്നുന്നുണ്ട്. അതിലുപരി ശരത്തേട്ടന്റെ അവസ്ഥ ഓർക്കുമ്പോൾ അതിലേറെ ഇഷ്ടവും സ്നേഹവും തോന്നുന്നു.

സ്വാതി..... Plz...
ഞാൻ.... ഞാൻ ഒരു തെറ്റായിരുന്നു. നിന്നോട് ചെയ്തത് ഒരു ഏറ്റു പറച്ചിലിൽ തീരുന്നതല്ല എന്നെനിക്കറിയാം.
നീറി നീരിയാണ് ഇത്ര നാളും ഞാൻ കഴിഞ്ഞത്.
പക്ഷെ അതിനെല്ലാം പകരം ദൈവം തന്നതാണ് ഈ ജീവിതമെന്ന് വിശ്വസിക്കാനാണു എനിക്കിഷ്ടം... എന്നോ സ്വപ്നം കണ്ടോന്നല്ലെടി ഇത്. നീയും ഞാനും മക്കളും...
ഇനിയും നീയകൽച്ച കാണിക്കല്ലേ. ഒഴിഞ്ഞു മാറി നടന്നത് മനപൂർവമാണ്... അല്ലേൽ ആർക്കും കൊടുക്കാതെ അടുക്കിപ്പിടിക്കാൻ തോന്നിയാലോ...

അടുത്തേക്ക് ചെന്നാ കൈകൾ കൂട്ടിപ്പിടിച്ചപ്പോഴേക്കും അത് വേർപെടുത്തി ഇരു കരങ്ങളാലും എന്നെ ആ നെഞ്ചോട് ചേർത്തിരുന്നു.

ആ കരവലയത്തില് നിൽക്കുമ്പോൾ ഉള്ളു സന്തോഷം കൊണ്ട് വിങ്ങുകയാണ്. ഇടയ്ക്ക് മുഖമുയർത്തി നോക്കിയപ്പോഴേക്കും ശരത്തേട്ടന്റെ ചുണ്ടുകൾ നെറ്റിയിൽ പതിച്ചിരുന്നു.

അന്ന് മുതൽ എന്റെ ജീവിതം സത്യത്തിൽ മാറി മറിഞ്ഞു. ഇത്രയും റൊമാന്റിക് ആയിരുന്നോ ശരത്തേട്ടൻ എന്നത്ഭുതമായിരുന്നെന്നിൽ.
മറ്റുള്ളവർക്ക് മുന്നിൽ ആ പഴയ ഗൗരവക്കാരൻ മുറിക്കുള്ളിൽ എത്തുമ്പോൾ ഞങ്ങളുടേതായ ആ ലോകത്തിൽ ആ ഗൗരവത്തിന്റെ മൂടുപടം മാറ്റും.
കുഞ്ഞിപ്പെണ് അമ്മക്കുട്ടി ആണ്. എന്തിനും ഏതിനും ഞാൻ തന്നെ വേണം. മറ്റുള്ളവരോട് കാണിക്കുന്ന വാശിയൊന്നും അവൾ എന്റടുത്തു എടുക്കാറില്ല.

അമ്മയ്ക്ക് മാത്രമാണ് എന്റെ വിവാഹത്തിനോട് താല്പര്യക്കുറവുണ്ടായിരുന്നത്. ശരത്തേട്ടന്റെ രണ്ടാം വിവാഹം ഒരു കുഞ്ഞുണ്ട്. ഇതൊക്കെ അമ്മക്ക് അംഗീകരിക്കാൻ ബുദ്ധിമുട്ടായിരുന്നു.
അച്ഛനോടും എന്നോടും പിണക്കം നടിച്ചു മിണ്ടാതെ നടന്നെങ്കിലും ശ്രീമോളോടും ശരത്തേട്ടനോടും ആ വെറുപ്പ് കാണിച്ചില്ല.

ദിനങ്ങൾ പിന്നിടുമ്പോൾ എന്റെ മുഖത്തെ തെളിച്ചവും സന്തോഷവുമൊക്കെയാണ് അമ്മയെ മാറ്റി ചിന്തിപ്പിച്ചത്.

ശരത്തേട്ടന്റെ ഇടപെടലുകളും അതിനു കാരണമാണ്. സ്വന്തം അമ്മയോടെന്ന പോലെയാണ് ഇടപെടുന്നത്. ആ സ്വാതന്ത്രമൊക്കെ അമ്മയും ഇഷ്ടപെടുന്നുണ്ട്. ഒരു മകൻ ഇല്ലാത്ത വിഷമം ഒന്നും ഇപ്പോൾ പറയാറില്ല. ശ്രീമോൾക്ക് എന്റെ അച്ഛനെയും വല്യ കാര്യമാണ്. ഇവിടെ വീട്ടിൽ വരുമ്പോൾ തൊടിയിലൊക്കെ കൊണ്ട് നടക്കുന്നതും കവലയിൽ നിന്നും കഴിക്കാനൊക്കെ വാങ്ങി കൊടുക്കുന്നതും അച്ഛനാണ്.

രണ്ടീസം നിന്ന് തിരികെ പോകുന്ന കാര്യമാണ് സങ്കടം. കാര്യം നാലഞ്ചു വീടപ്പുറെ ആണ് സ്വന്തം വീടെങ്കിലും ഭർത്താവിന്റെ വീട്ടിലോട്ട് മടങ്ങി പോക്ക് ഒരു സംഭവമാണ്.


ഇതിനിടയിൽ ചിപ്പയുടെ കല്യാണം നടന്നു.

ശരത്തേട്ടൻ ഇവിടെ തന്നെ ജോലിക്ക് കയറി. അതിനു കാരണമുണ്ട് ഞാനും മോളും അങ്ങോട്ട് വരില്ലെന്ന് കട്ടായം പറഞ്ഞു.പ്രായമായ അച്ഛന്മാരും അമ്മമാരും മാത്രമാണ് വീട്ടിൽ. ഒരവശ്യത്തിന് ആരാണ്.?
ആകെയുള്ള മകൻ നാട്ടിൽ ഇല്ലാത്ത വിഷമം ആന്റി എന്നോടാണ് പറയുന്നത്.
അങ്കിലിനും ഏട്ടൻ ഇവിടെ വേണമെന്നാണ്.
ഒരിക്കൽ ഇങ്ങോട്ട് ട്രാൻസ്ഫർ ആയിട്ടും വേണ്ടെന്ന് വെച്ചവിടെ നിന്നത് ഇവർക്കൊക്കെ ഒത്തിരി സങ്കടം ഉണ്ടാക്കിയിരുന്നല്ലോ.

 ആഴ്ചയിൽ എന്ന കണക്കാണ് ആളു വീട്ടിലേക്ക് വന്നോണ്ടിരുന്നത്.അതോടെ 
ആരുടെയൊക്കെയോ കയ്യും കാലും പിടിച്ചു ഇങ്ങോട്ട് ട്രാൻസ്ഫർ ആയി.

എന്നാലും നീ പറഞ്ഞ പോലെ തന്നെ നടത്തി കളഞ്ഞല്ലോടി എന്ന ഭാവമായിരുന്നു ചിപ്പയിൽ.

അവളുടെ ചെറുക്കൻ മിലിറ്ററിയിൽ ആണ്.
വിപിൻ. ആളു രസികൻ ആണ്.
ലീവ് കഴിഞ്ഞു വിപിൻ പോയതോടെ ചിപ്പ വീട്ടിലേക്ക് വന്നു. അതോടെ പഴയ ഓളമൊക്കെ വന്നു. ചിപ്പയും എന്റെ പൊന്നുമോളും തമ്മിൽ എന്നും അടിയാണ്. കാര്യം ഞാനാണെന്ന് പ്രേത്യേകം പറയണ്ടല്ലോ.

 സ്വാതി എന്റേതാണെന്ന് അവളും അല്ല എന്റമ്മയാണേന്ന് മോളും. കൊച്ചിനെ കരയിപ്പിക്കാൻ ഞങ്ങൾ രണ്ടാളും സമ്മതിക്കില്ല. ഇടയ്ക്ക് എന്റെ കണ്ണുരുട്ടാൽ ഏൽക്കാതെ വരുമ്പോൾ ശരത്തേട്ടനവളെ ചെവിൽ തൂകി പുറത്താക്കും.
എന്നാലും പിന്നേം വരും.

ഇടയ്ക്കവർ അപ്പച്ചിയും മോളും തമ്മിലുള്ള സ്നേഹം കണ്ടാൽ കൊതി തോന്നും.
ഇടയ്ക്കവൾ ചോക്ലേറ്റും മിട്ടായി കാണിച്ചു കൊച്ചിനെ കൊണ്ടോകും അന്നെന്റെ പ്രിയതമന് എന്നും ഇല്ലാത്ത സ്നേഹമായിരിക്കും.

മാസങ്ങൾ പിന്നിട്ടപ്പോൾ എന്റെ ഉദരത്തിലും ഒരു കുഞ്ഞു തുടിപ്പ് വന്നു.
സന്തോഷം കാരണം എന്റെ മോളെ കെട്ടിപ്പിടിച്ചാണ് അന്ന് മുഴുവൻ ഇരുന്നത്.

കുഞ്ഞാവ ഉണ്ടെന്നറിഞ്ഞതിൽ പിന്നെ എന്നെ അവൾ ഒന്നിനും ബുദ്ധിമുട്ടിക്കില്ല.
പക്ഷെ എനിക്ക് പേടി ഉണ്ടായിരുന്നു എനിക്ക് കുഞ്ഞുണ്ടായി കഴിയുമ്പോൾ എന്റമ്മയ്ക്ക് പഴയ സ്നേഹം ശ്രീമോളോട് കാണുമോ എന്ന്.
പക്ഷെ എന്റെ അമ്മ ഞെട്ടിച്ചു കളഞ്ഞു.

റസ്റ്റ്‌ പറഞ്ഞു വീട്ടിൽ പോയി നിന്ന സമയത്ത് എന്റെയും ശ്രീകുട്ടീടെ കാര്യം അമ്മ തന്നെയാണ് നോക്കിയത്. അവളെ കൊണ്ടുപോകണ്ടാന്ന് ലേഖന്റി പറഞ്ഞപ്പോൾ അമ്മ ഇല്ലാതെ അവൾ നിൽക്കില്ല ഞാൻ നോക്കിക്കോളാമെന്നു പറഞ്ഞു അമ്മ തന്നെയാണ് അവളെ കൊണ്ടുപോന്നത്.

കുഞ്ഞു വന്നാലും ശ്രീമോളെ നോക്കണം അവളാണ് നിന്റെ ആദ്യത്തെ കുഞ്ഞേന്നോകെയുള്ള ഉപദേശം വേറെ.
ഒത്തിരി ഇഷ്ടം തോന്നിപ്പോയി എനിക്ക് അമ്മയോട്.

ശരത്തേട്ടനും ഇപ്പൊ പഴയത്തിൽ നിന്നു കുറച്ചൂടെ വത്യസ്തമായി സ്നേഹമൊക്കെ എല്ലാരോടും പ്രകടിപ്പിക്കുന്നുണ്ട്.

അങ്ങനെ കാത്തിരിപ്പിനോടുവിൽ ഒരു കുഞ്ഞി ചെക്കനെ തന്നെ കിട്ടി ഞങ്ങള്ക്.
ശ്രീമോളിപ്പോ മാറുന്നെ ഇല്ല ചെക്കന്റെ അടുത്തുന്നു.

ഡെലിവറി കഴിഞ്ഞു എന്റെ വീട്ടിലേക്കാണ് വന്നതെങ്കിലും ലേഖന്റി രാവിലെ വരും. എന്റേം മോന്റേം കാര്യങ്ങൾ നോക്കും. ആ നേരം അമ്മ അടുക്കളയിൽ വെച്ചു വേവിച്ചു വെയ്ക്കും

അവിടെ ചിപ്പ ഒക്കെ ചെയ്തോളും.
ഇല്ലേൽ ഇവിടുന്ന് അച്ഛൻ അവർക്കുള്ളത് അങ്ങ് എത്തിക്കും.
പാചകം അങ്ങനെ ഒരു വീട്ടിലായി മാത്രം ചുരുങ്ങി. 
എന്റെ അച്ഛനാണ് അപ്പോൾ ശ്രീമോളെ നോക്കേണ്ട ഡ്യൂട്ടി.

കുഞ്ഞി ഉടുപ്പുകൾ ഒക്കെ കുഞ്ഞി കയ്യോണ്ട് എന്റെ മോൾ മടക്കണ കാണുമ്പോൾ എന്തോ എന്റെ കണ്ണ് നിറയും.

ശരത്തേട്ടൻ എന്നും വരും. ഞാനില്ലാതെ മോളില്ലാതെ വീട്ടിലേക്ക് പോകാൻ മടിയാണ്.


പഴയത്തിൽ നിന്ന് വ്യത്യസ്തമായി മോൻ വന്നതൊഴിച്ചാൽ ജീവിതം പഴയപ്പടി ആണ്.
ശ്രീമോളിപ്പോഴും എന്റെ ഒക്കത് തന്നെ.
ചേച്ചിയാണെന്ന ഭാവമൊന്നുമില്ല. അവളാണ് ചെറുതെന്ന മട്ടാണ്.
ആരൊക്ക കളിയാക്കിയാലും അവിടെ ഏശില്ല.
കുഞ്ഞൻ ചെക്കന് പാല് കുടിക്കാൻ മാത്രം ഞാൻ മതി. അവനൊരു അച്ഛകുട്ടി ആണ്.

അത്കൊണ്ട് വൈകിട്ട് കൂട്ടുകാരുമായി കൂടുന്ന പരിപാടി ഒക്കെ പാവത്തിന് നിർത്തേണ്ടി വന്നു.

ഒരു സൺ‌ഡേ പോലും പുറത്ത് പോകാൻ പറ്റാറില്ല ഏട്ടന്. പക്ഷെ ആൾകത് ഇഷ്ടോള്ള കാര്യമാണ്. കുഞ്ഞന് അച്ഛനോട് പ്രിയമെന്ന് ആരേലും പറഞ്ഞാൽ ഒരു ചിരിയുണ്ടാ ചുണ്ടിൽ. അതും ആസ്വദിക്കുകയാണ്...


കാലമിത്ര ആയിട്ടും ശരത്തേട്ടന്റെ നോട്ടത്തിൽ വിവശയാവുന്ന ഒരു കാമുകി ആണ് ഞാനിപ്പോഴും. ചിലപ്പപ്പോൾ ഓർക്കാറുണ്ട് ഇത്രത്തോളം ഇഷ്ടപ്പെടാൻ എന്ത് പ്രേത്യേകത ആണുള്ളത് എന്ന്.
ഇഷ്ടം ആണ്. ഒരിക്കലും അവസാനിക്കാത്ത ഇഷ്ടം.... അതിനു കാരണങ്ങൾ ഇല്ല.


പിന്നെ അപ്പുവേട്ടൻ വേറെ കെട്ടി. നല്ലൊരു പെൺകുട്ടി ശ്രുതി. ആൾക് നന്നായി ചേരും.
കീർത്തി യെ കുറിച്ച് യാതൊരു വിവരവുമില്ല.
ഭർത്താവുമായി കാനഡയിൽ ആണെന്ന് ആരോ പറഞ്ഞു കേട്ടു.
..



അങ്ങനെ ഞങ്ങളിങ്ങനെ ജീവിക്കുകയാണ്.....
ഞാനും ശരത്തേട്ടനും ഞങ്ങടെ കുഞ്ഞി മക്കളുമായി..........


ശുഭം...

©കൃഷ്ണപ്രിയ