💖പാർട്ട്‌ -5💖

ലെച്ചുവും ദേവുവും ധ്വനിയുടെ ചളിയും കേട്ട് ചിരിച്ചുക്കൊണ്ട് വരുമ്പോൾ ആണ് നിമ്മിയെ എന്തോ പറഞ്ഞു കളിയാക്കി കൊണ്ട്   അവർക്ക് എതിരെ നടന്നു വരുന്ന ജസ്സുവിനെയും ചമ്മിയ ചിരിയോടെ ഒപ്പം നടക്കുന്ന നിമ്മിയേയും അവർ കണ്ടത്.... 

"നിങ്ങൾ ഇത്രേം നേരം എവിടെ ആരുന്നു?? " ധ്വനി അവരെ കണ്ടപാടെ ചോദിച്ചു...

"അത് തന്നെയാ ഞങ്ങൾക്കും ചോദിക്കാൻ ഉള്ളത്.... നിങ്ങൾ മൂന്നും കൂടെ ഏത് പാതാളത്തിൽ പോയി കിടക്കുവാരുന്നു?? " നിമ്മി കൈമലർത്തി അവരോടു ചോദിച്ചു.. 

"പാതാളം വരെ എത്തിയില്ല അതിനു മുന്നേ രക്ഷപെട്ടു... അല്ലേ ധ്വനി... " ദേവു ചിരി കടിച്ചു പിടിച്ചു ചോദിച്ചു.... അത് കേട്ട് ലെച്ചുവും ഊറി ചിരിക്കുന്നുണ്ട്.... ധ്വനി രണ്ടിനെയും നോക്കി പേടിപ്പിക്കുവാ.... 

"മ്യോളെ ദേവി...."ധ്വനി ദേവൂനെ ഒന്ന് ആക്കി വിളിച്ചു.. 

"ഓക്കേ ഓക്കേ കോംപ്രമൈസ് "അപകടം മനസിലായ ദേവു ഇളിച്ചു കൊണ്ട് പറഞ്ഞു. 

"വോ വേണ്ട... നീ അങ്ങനെ അങ്ങ് രക്ഷപെട്ടു പോവണ്ട... "ധ്വനി ദേവുവിനെ പുച്ഛിച്ചു തള്ളി.. 

"വാട്ട്‌ കോക്കനട്ട് യു പീപ്പിൾ ആരെ ടോക്കിങ്.. "നിമ്മി അവർ പറയുന്നത് ഒന്നും മനസിലാവാതെ ചോദിച്ചു... ധ്വനിയും ദേവുവും അതൊന്നും ശ്രദ്ധിക്കാതെ പരസ്പരം കൌണ്ടർ അടിച്ചു ആര് ജയിക്കും എന്നാ മത്സരത്തിൽ ആണ്.... അവസാനം അവർ ഇത് ഇപ്പഴേ എങ്ങും തീർക്കില്ല എന്ന് അറിഞ്ഞ ലെച്ചു തന്നെ എല്ലാം പറയാൻ തീരുമാനിച്ചു... നിമ്മിയും ജസ്സുവും ലെച്ചുവിന്റെ അടുത്തു നിന്നും നടന്ന സംഭവങ്ങൾ എല്ലാം അറിഞ്ഞു... 

ലെച്ചു പറഞ്ഞത് എല്ലാം കേട്ട് ഒരു നിമിഷം നിമ്മി എന്തോ ആലോചനയിൽ മുഴുകി... ജസ്സു ലെച്ചുവിനോട് എന്തോ പറയാൻ വന്നതും ജസ്സുവിനെ തടഞ്ഞു കൊണ്ട് നിമ്മി തന്നെ സംസാരിക്കാൻ തുടങ്ങി... 

"അവർ എത്ര പേരുണ്ടാരുന്നു?? "

"രണ്ടു പേർ.... എന്തേ?? "ലെച്ചു സംശയത്തോടെ ചോദിച്ചു... 

"ഇപ്പോൾ അല്ല രാവിലെ നിങ്ങളെ കണ്ടില്ലേ അപ്പോൾ എത്ര പേരുണ്ടാരുന്നു?? "ഉത്തരം പറയാതെ നിമ്മി വീണ്ടും അടുത്ത ചോദ്യം ചോദിച്ചു.. 

"രാവിലെയും രണ്ടുപേർ... എന്താ നിമ്മി??"

"അത്... അതൊന്നുമില്ല.. ഞാൻ വെറുതെ ചോദിച്ചതാ... "നിമ്മി അത്രേം പറഞ്ഞു ദയനീയം ആയി ജസ്സുവിനെ ഒന്ന് നോക്കി.... ജസ്സു ചിരി കടിച്ചു പിടിച്ചു നിൽക്കുവാനെന്നു കണ്ടാൽ തന്നെ അറിയാം.. 

"നാണം ഉണ്ടോടി അവൻ ദേവി എന്ന് വിളിച്ചപ്പോൾ കേട്ടോണ്ട് നില്കാൻ.... രാവിലെ വലിയ കലിപ്പിൽ പറയുന്നത് കേട്ടല്ലോ ദേവി അല്ല ദേവപാർവതി എന്നൊക്കെ.... "

"മറ്റവൻ തല്ലു കൊണ്ട് നിന്നെ ഭിത്തിയിൽ നിന്നു വടിച്ചു എടുക്കണ്ടാ എന്ന് കരുതി എല്ലാം സഹിച്ചു നിന്ന എനിക്ക് ഇത് തന്നെ വരണം ... നന്ദി വേണമടി തെണ്ടി.... "

"ഓ.. പിന്നെ... ഒന്ന് പോയെടി... ഇതേ ദേവു അല്ല ധ്വനി ആണ്....  ഭിത്തിയിൽ ഒട്ടിക്കാൻ അവൻ ഇങ്ങു വരട്ടെ.... കാണിച്ചു കൊടുക്കുന്നുണ്ട് ഞാൻ ആരാണെന്ന്.... "മാസ്സ് ഡയലോഗ് അടിച്ചു സൈഡിലേക്ക് നോക്കിയപ്പോഴാണ് ഇതിനു ഒരു അവസാനം ഇല്ലേ എന്നാ ഭാവത്തിൽ മൂന്നു ജോഡി കണ്ണുകൾ ധ്വനി കണ്ടത്... 

"കഴിഞ്ഞോ???" ലെച്ചു ദേവൂനെയും ധ്വനിയെയും നോക്കി ചോദിച്ചു... 

"ഈ... ഈ... ഞങ്ങൾ വെറുതെ അച്ഛൻ വരുന്ന വരെ സമയം പോവാൻ.... അല്ലേ ദേവു... "

"അതെ.. അതെ.."

ദേവുവും ധ്വനിയും എല്ലാരേം നോക്കി വെളുക്കനേ ചിരിച്ചു.... പക്ഷെ അപ്പോഴും നമ്മുടെ നിമ്മി എന്തോ ആലോചനയിൽ ആയിരുന്നു.... 

"അല്ല നിങ്ങളുടെ സ്റ്റേ എങ്ങനെയാ അത് പറഞ്ഞില്ലല്ലോ... "

"ഞങ്ങൾ ഹോസ്റ്റലിൽ ആണ് ദേവൂ.... "നിമ്മി അല്പം നിരാശയോടെ പറഞ്ഞു. 

"അത്ര സങ്കടം ആണേൽ ഞങ്ങളുടെ കൂടെ വാ... അവിടെ രണ്ടു റൂം ഉണ്ട്... "ലെച്ചു അഭിപ്രായപ്പെട്ടു . 

"ഇല്ലടാ.... ഇവിടെ റൂം ഒക്കെ എടുത്തു.... പിന്നെ വീട്ടിൽ സമ്മതിക്കുമോ എന്ന് അറിയില്ല... പക്ഷെ ഇവിടെ ഒട്ടും പറ്റില്ലേൽ ഞങ്ങൾ അങ്ങ് വരും "

"Always welcome ... " ലെച്ചു ചിരിയോടെ പറഞ്ഞു... 

"നിനക്ക് എന്താ നിമ്മി ഒരു കള്ള ലക്ഷണം ??? "ധ്വനി നിമ്മിയെ ഒന്ന് ചൂഴ്ന്ന് നോക്കി കൊണ്ട് ചോദിച്ചു.. 

"ഏയ്... എന്ത്‌... ഒന്നുമില്ലല്ലോ... "

"അല്ലല്ലോ എന്തോ ഉണ്ടല്ലോ... "ദേവുവും ധ്വനിയെ പിന്താങ്ങി... 

"കള്ള ലക്ഷണം അത് ഇപ്പോൾ എന്ന് അല്ല എപ്പോഴും ഉള്ളത് അല്ലേ.. "ജസ്സു അതും പറഞ്ഞു നിമ്മി നോക്കി ചിരിച്ചു... 

കുറെ നേരം കൂടെ അവർ നിന്ന് സംസാരിച്ചു.... നാഥൻ അവരെ വിളിക്കാൻ വന്നതും ജസ്സുവിനോടും നിമ്മിയോടും യാത്ര പറഞ്ഞു മൂവർ സംഘം യാത്ര ആയി...

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

"എന്താടി അവരോട് പറയാതിരുന്നേ??? " അവർ പോകുന്നതും നോക്കി ജസ്സു നിമ്മിയോടു ചോദിച്ചു. 

"ഏത് പറയുന്ന കാര്യമാ?? "

"🤨🤨"

"എന്റെ പൊന്നു ജസ്സു മനുവേട്ടൻ എങ്ങാനും എന്റെ വല്യമ്മയുടെ മോൻ ആണെന്ന് ഇപ്പൊ ഞാൻ പറഞ്ഞിരുന്നേൽ ആ ധ്വനിയും ദേവുവും കൂടെ അങ്ങേരോട് ഉള്ള ദേഷ്യം മൊത്തം എന്റെ നെഞ്ചത്ത് തീർക്കുമാരുന്നു....പിന്നെ ഏട്ടൻ അവരുടെ കൂട്ടത്തിൽ ഇല്ലാരുന്നു എന്ന് തോന്നുന്നു അല്ലേൽ ധ്വനിയ്ക് മനസിലാകുമാരുന്നല്ലോ "

"നാളെ അവർ അറിയുമ്പോഴോ?? "

"അപ്പോഴേക്കും ചൂടൊക്കെ കുറയില്ലേ..പക്ഷെ.... എനിക്ക് അതല്ല... "

"എന്ത്‌ അല്ല എന്ന്??? "

"ധ്വനി ഇല്ലേ അവളോട്‌ ഉടക്കിയത് ആരാന്നാ ലെച്ചു പറഞ്ഞെ?? "

"എനിക്കും മനസിലായില്ല... എന്തേ?? "

"അവളെ ഇത്രയും പറഞ്ഞിട്ടും അവൾ അയാളെ വെറുതെ വിട്ടോ..
മ്മ്മ്... 

സംതിങ് ഫിഷി... "

"ശരിയാ അല്ലേ.... 
നാളെ വരുമ്പോൾ ചോദിച്ചല്ലോ?? "

"വേണ്ട ജസ്സു..... അവൾ ഒന്നും വിട്ടു പറയില്ല... നമ്മൾ തന്നെ കണ്ടുപിടിക്കേണ്ടി ഇരിക്കുന്നു.. "

"അത് നമ്മൾ പൊളിക്കും... "

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

നാഥന്റെ കൂടെ  മൂവർ സംഘം അവരുടെ പുതിയ വീട്ടിലേക്ക് തിരിച്ചു..... കോളേജിൽ നിന്നു വണ്ടിയിൽ പത്തു മിനിറ്റ് യാത്ര ഉണ്ട് വീട് വരെ..... വഴിയും വഴിയോര കാഴ്ചയും കണ്ടു ഇരിക്കുക ആണ് നമ്മുടെ ലെച്ചു... ധ്വനിയും ദേവുവും നാഥന് കാറിൽ കിടന്നു കലപില കൂട്ടുന്നുണ്ട്.... 

മെയിൻ റോഡിൽ നിന്നു കാർ വലത്തേക്ക് തിരിഞ്ഞു ഒരു ഇടവഴിയിലേക്ക് കയറി... ആ പോക്കറ്റ് റോഡിന്റെ ഇരുവശത്തും പല വലുപ്പത്തിലും പ്രൗഢിയിലും ഉള്ള വീടുകൾ ഉണ്ട്.... ആ യാത്ര അവസാനിച്ചത് തലയെടുപ്പോടെ ഉയർന്നു നിൽക്കുന്ന ഒരു ഇരുനില വീടിനു മുൻപിൽ ആണ്.... ലെച്ചു ചുറ്റും കണ്ണുകൾ ഓടിച്ചു.... 

"ഇതാണോ നാഥനച്ഛാ ഞങ്ങൾക്ക് വേണ്ടി കണ്ടു വെച്ച വീട്??? "വീട് കണ്ടു ഞെട്ടി ദേവു ചോദിച്ചു. 

"മൂന്ന് പേർക്ക്‌ താമസിക്കാൻ ആണോ അച്ഛാ ഈ പറപ്പണ്ടാരം വീട്?? "ധ്വനിയും സംശയം മറച്ചു വെച്ചില്ല.. 

"എന്നെ ഒന്ന് പറയാൻ സമ്മതിക്കുമോ?? "നാഥൻ ഇടയിൽ കേറി പറഞ്ഞു. 

"ആ... പറ.... "

"ഈ കാണുന്നത്  വീട് എന്റെ ഫ്രണ്ടിന്റെ പരിചയക്കാരന്റെ വീട് ആണ്.... നിങ്ങൾക്ക്‌ വേണ്ടി പറഞ്ഞിരിക്കുന്ന വീടും ഇവരുടെ തന്നെ ആണ്... ഒരുപാട് ഗേറ്റ് ആണ് രണ്ടു വീടിനും.... "

"എന്നാൽ ഓക്കേ... "

നാഥന് വണ്ടി അകത്തേക്ക് കയറ്റാൻ ദേവു ഇറങ്ങി ഗേറ്റ് തുറന്നു കൊടുത്തു.. ഗേറ്റിൽ ഉള്ള നെയിം ബോർഡിലേക്ക് ദേവുവിന്റെ കണ്ണുകൾ നീണ്ടു 

"Adv.Venugopal Varmma

  BA-LLB, LLM"

നാഥൻ കാർ പാർക്ക്‌ ചെയ്തതും ധ്വനിയും ലെച്ചുവും കാറിനു പുറത്തേക്കു ഇറങ്ങി... ലെച്ചുവിന്റെ കണ്ണുകൾ ആദ്യം ഉടക്കിയത് ആ വീടിനു മുന്നിൽ ഉള്ള അതിമനോഹരമായ ഗാർഡനിലെ പൂക്കളിൽ ആരുന്നു.... ധ്വനി പിന്നെ ഒരു ഭംഗിയ്ക് ചുറ്റും ഒന്ന് സ്കാൻ ചെയ്തു... 

"ഈ വീട്ടിൽ ആരും ഇല്ലേ അച്ഛാ??" ധ്വനി നാഥനോട് ചോദിച്ചു. 

"ഉണ്ട്... പക്ഷെ അവർ ഇപ്പോൾ ഒരു യാത്രയിൽ ആണ്... ഇന്നലെ വരേണ്ടത് ആരുന്നു.. എന്തോ കാരണത്താൽ ഒരുപാട് ആഴ്ച കൂടെ അത് നീണ്ടു... "

"മ്മ്മ്മ്... "

"വാ.... ആ കാണുന്ന കുഞ്ഞ് ഗേറ്റിലൂടെ ആണ് നമുക്ക് പോവേണ്ടത്... "നാഥൻ ഒരു സൈഡിലേക്ക് ചൂണ്ടി പറഞ്ഞു... 

നാഥനെ പിന്തുടർന്ന് അവർ മൂന്നും നടന്നു.... ഒരു കുഞ്ഞ് ഗേറ്റ് കടന്നു ചെല്ലുന്നത് മനോഹരമായ ഒരുനില വീടിന്റെ സൈഡിലേക്ക് ആണ്... വിശാലമായ ഒരു മുറ്റവും അതിനു നടുവിൽ ആയി ഒരു  തുളസി തറയും. ഒപ്പം സൈഡിൽ ഒരു സ്റ്റേജ് പോലെ അല്പം ഉയർത്തി കെട്ടിയിട്ടും ഉണ്ട്.... വീടിന്റെ മുൻവശത്ത് നിന്നു നോക്കിയാൽ ഒരു പ്ലേ ഗ്രൗണ്ട് കാണാം....ആ ഗ്രൗണ്ടിന് മുന്നിൽ ആയി മഞ്ഞ വാക പൂക്കൾ പൂത്തു നിൽപ്പുണ്ട്..... വാക മരത്തിനു അടിയിൽ ആയി പണിതിരിക്കുന്ന തടി കൊണ്ടുള്ള ബെഞ്ചലും തറയിലും ആയി  വാക പൂക്കൾ വീണുകിടക്കുന്ന കാഴ്ച അതിമനോഹരം ആയിരിക്കുന്നു.... 

"ഇതെന്തുവാ സ്റ്റേജ് ഒക്കെ?? "ലെച്ചു ആണ്.. 

"അറിയില്ല.... എന്താണോ എന്തോ.. "

"നിനക്ക് കോളടിച്ചല്ലോ ലെച്ചു... തുളസി തറയും വലിയ മുറ്റവും എല്ലാം ആയല്ലോ.... ചെടി പ്രാന്തും നടക്കും സന്ധ്യക്ക്‌ വിളിക്കും വെക്കാം... "ധ്വനി ലെച്ചുവിന്റെ തോളിൽ കൂടെ കൈ ഇട്ടു പറഞ്ഞു... 

"ശരിയാ പഴയ ഒരു തറവാട്ടിൽ ഒക്കെ എത്തിയ  പോലെ... " ദേവുവും അഭിപ്രായപ്പെട്ടു.. 

"എനിക്ക് ഒരുപാട് ഇഷ്ടം ആയി നാഥനച്ഛാ.... "നിറഞ്ഞ ചിരിയോടെ ലെച്ചു പറഞ്ഞു.... 

"നാഥനച്ഛയ്ക് ഈ ചിരി കണ്ടാൽ മതി.. "ലെച്ചുവിന്റെ കവിളിൽ തട്ടി കൊണ്ട് നാഥൻ പറഞ്ഞു... 

"അതെന്താ ഞങ്ങളുടെ ചിരി മോശം ആണോ??"

"നീയും ദേവുവും ആവശ്യത്തിൽ കൂടുതൽ ചിരിക്കുന്നുണ്ടല്ലോ... അതുകൊണ്ട് കണ്ടു ബോർ അടിച്ചു.. ലെച്ചു അങ്ങനെ അല്ലല്ലോ.. "

"അച്ഛൻ ആണത്രെ അച്ഛൻ 
വാ ദേവൂ നമുക്ക് പോവാം.... " നാഥനെ നോക്കി ചുണ്ട് കോട്ടി കാണിച്ചു ധ്വനി ദേവൂനെയും വിളിച്ചോണ്ട് അകത്തേക്ക് നടന്നു.. അവരുടെ പോക്ക് കണ്ടു ചിരിയോടെ നാഥനും ലെച്ചുവും പുറകെ നടന്നു... 

സാമാന്യം വലുപ്പം ഉള്ള ഒരു ഹാളും രണ്ടു ബെഡ്റൂമും ഒരു കിച്ചണും ഒരു ബാത്ത്റൂമും അടങ്ങുന്നത് ആണ് ആ വീട്.... അവർ എത്തിയപ്പോഴേക്കും മായ കൊണ്ട് വന്ന സാധനം എല്ലാം അടുക്കി വെച്ചിരുന്നു.... അടുക്കളയിലേക്ക് വേണ്ടത് എല്ലാം നാഥൻ വാങ്ങി വന്നു... അത്യാവശ്യം പാചകം അറിയാവുന്നത് കൊണ്ട് അവർ തന്നെ കുക്ക് ചെയാം എന്നാണ് മൂന്നാളുടെയും തീരുമാനം.. ഉച്ച ഭക്ഷണം ഒരുമിച്ചു കഴിച്ചു എല്ലാ കാര്യങ്ങളും നാഥനും മായയും അവരെ പറഞ്ഞു ഏൽപ്പിച്ചു... നാഥന് ലീവ് ഇല്ലാത്തത് കൊണ്ട് നാഥനും മായയും അന്ന് തന്നെ തിരികെ പോയി.... നാഥൻ അവർ കൊണ്ടുവന്ന കാർ ഇവിടെ അവർക്കായി കൊടുത്തു ടാക്സി വിളിച്ചാണ് നാട്ടിലേക് പോയത്.... അവർ പോയതും യാത്ര ക്ഷീണം മാറ്റാൻ ധ്വനി കേറി കിടന്നു ഉറങ്ങി.. ദേവു ഡ്രസ്സ്‌ എല്ലാം അടുക്കി വെക്കാൻ ഉള്ള പരിപാടിയിലേക്ക് കടന്നു.. ലെച്ചു നെറ്റിൽ എന്തോ ഭയങ്കര തിരച്ചിൽ ആണ്.... ധ്വനിയുടെ ഫോൺ റിങ് ചെയ്‌യുന്നത്‌ കണ്ടു ദേവു ഫോൺ എടുത്തു നോക്കി.. സ്ക്രീനിലെ പേര് കണ്ടതും ദേവു ഒന്ന് ഊറി ചിരിച്ചു.. 

"കുട്ടിപിശാശ് കാളിങ് 😈"

"ഹലോ... "ദേവു ചിരിയോടെ കാൾ എടുത്തു.. 

"ഹലോ മാഡം... ഇപ്പൊ നമ്മളെ ഒന്നും വേണ്ടാ അല്ലേ.... വീട്ടിൽ വന്നിട്ട് പോലും എന്നെ ഒന്ന് വിളിച്ചില്ലല്ലോ.... അല്ലേലും എന്നെ ആർക്കും വേണ്ടല്ലോ.... ഇത്രേം ദൂരെ ഹോസ്റ്റലിൽ കിടക്കുന്ന എന്നോട് എന്തേലും സ്നേഹം ഉണ്ടോ പറ പറ... "

"നീ ഒന്ന് നിർത്തി നിർത്തി ചോദിക്ക് എന്റെ കണ്ണാ... "

"വേണ്ട ദേവുവേച്ചി ഒന്നും പറയണ്ട... എന്നോട് സ്നേഹം ഒന്നും ഇല്ലാ എനിക്ക് അറിയാം... "

"ആര് പറഞ്ഞു.... നീ ഞങ്ങളുടെ ഒരേ ഒരു ആങ്ങള അല്ലേ.... ഇന്നലെ വന്നപ്പോ കുറച്ചു തിരക്ക് ആയിരുന്നു പോയെടാ അതുകൊണ്ടാ.... "

"മ്മ്മ്... ഈ ഒരു തവണത്തേക്ക്‌ ഞാൻ ക്ഷമിച്ചിരിക്കുന്നു....😘"അവനും ഒരു ചെറു ചിരിയോടെ പറഞ്ഞു. 

"മ്മ്മ്... "

"ലെച്ചുവേച്ചിയും ഭദ്രകാളിയും എവിടെ..?? "

"ധ്വനി കേൾക്കണ്ട കേട്ടോ.... "

"അവൾ കേട്ടാൽ എനിക്ക് ഗ്രാസ് ആണ്... "

"അവളുടെ മുന്നിൽ നിൽകുമ്പോൾ എന്നിട്ട് ഈ ധൈര്യം ഒന്നും കാണാറില്ലല്ലോ..."

"ഈ... ഈ...അത് പിന്നെ അവൾ കരാട്ടെ ഒകെ അല്ലേ വെറുതെ നമ്മൾ ആയിട്ട് എന്തിനാ  "

"മ്മ്മ്... ലെച്ചു ഫോണിൽ എന്തോ തപ്പുന്നു... ധ്വനി ഉറങ്ങുന്നു.... "

"മ്മ്മ്.. കോളേജോക്കേ എപ്പടി?? അടി ഇടി വെടി സ്കോപ്പ് ഒക്കെ ഉണ്ടോ?? "

"ഇന്നത്തെ പോലെ ആണേൽ അതിനു മാത്രമേ സ്കോപ് ഒള്ളൂ... "

"അതെന്താ?? " അവന്റെ ചോദ്യത്തിന് ദേവു നടന്നത് എല്ലാം പറഞ്ഞു കേൾപ്പിച്ചു... കുറെ നേരം കൂടെ സംസാരിച്ചു ഫോൺ വെച്ചു... 

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

അപ്പോഴും ലെച്ചു ഫോണിൽ എന്തോ നോക്കി കൊണ്ടിരിക്കുകയാണ്... ദേവു ലെച്ചുവിന് അടുത്തേക്ക് നടന്നു.... 

"നീ എന്തുവാ ലെച്ചു ഇതിൽ കമഴ്ന്നു കിടക്കുന്നെ?? "

"അത് ഞാൻ ഇവിടെ അടുത്ത് നല്ല നഴ്സറി ഉണ്ടോ എന്ന് നോക്കുവാരുന്നു.. "ഫോണിൽ നിന്നു തല ഉയർത്താതെ ലെച്ചു മറുപടി പറഞ്ഞു.. 

"എന്തിനു??? "

"ചെടികൾ വാങ്ങാൻ..."

"ഇവിടെയുമോ.... "

"പ്ലീസ് ദേവൂ.... വലിയ മുറ്റം ഒകെ അല്ലേ.. "

"മ്മ്മ്.... ഇനി മോന്ത വീർപ്പിക്കണ്ട... വാങ്ങാം.. "

"ഈ... 😁"

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

രാത്രിയിലത്തേക്കും ഉള്ള ഭക്ഷണം ഉണ്ടാക്കി വെച്ചിട്ട് ആണ് മായ പോയത്.. അതുകൊണ്ട് അന്നേ ദിവസം അവർക്ക് മറ്റു ജോലികൾ ഒന്നും ഉണ്ടായിരുന്നില്ല....നാല് മണി അടുത്ത് ആയപ്പോൾ ദേവു ധ്വനിയോടും ലെച്ചുവിനോടും റെഡി ആയി വരാൻ പറഞ്ഞു.... എന്താ കാര്യം എന്ന് പലവട്ടം ചോദിച്ചിട്ടും ദേവു ഇരുവർക്കും മറുപടി നൽകി ഇല്ല... ദേവു റെഡി ആയി അവളുടെ തുണികൾക്ക് ഇടയിൽ  നിന്നും ഒരു ചെറിയ ബാഗ് എടുത്തു.. അതിൽ സൂക്ഷിച്ചിരിക്കുന്ന ഡയറിയ്ക്ക് ഉള്ളിൽ നിന്നും ഒരു വിസിറ്റിംഗ് കാർഡ് അവൾ കയ്യിലേക്ക്‌ എടുത്തു.. തന്റെ തോളിൽ കിടക്കുന്ന സൈഡ് ബാഗിലേക്ക്‌ വിസിറ്റിംഗ് കാർഡ് വെച്ച ശേഷം ദേവു മുറിയ്ക് പുറത്തേക്കു നടന്നു... 

"പോവാം??? " റെഡി ആയി നിൽക്കുന്ന ലെച്ചുവിനെയും ധ്വനിയെയും നോക്കി ദേവു ചോദിച്ചു. 

"എങ്ങോട്ട്??? "

"അതൊക്ക സർപ്രൈസ് ആണ് മോളേ ധ്വനി... "

അതും പറഞ്ഞു ദേവു കാറിന്റെ കീ എടുത്തു പുറത്തേക്കു നടന്നു.. പുറകെ തന്നെ ധ്വനിയും ലെച്ചവും ഇറങ്ങി.. കാർ അവർ വീട്ടിലേക്ക് വന്ന വഴിയിൽ തന്നെ ആണ് പോകുന്നത്... മെയിൻ റോഡിൽ നിന്നു വലത്തോട്ട് തിരിഞ്ഞാണ് അവർ വീട്ടിലേക്കു പോയത്.... ഇപ്പോൾ ദേവു മെയിൻ റോഡിൽ നിന്നും ഇടത്തോട്ട് കാണുന്ന റോഡിലേക്ക് കാർ കയറ്റി.... മുന്നോട്ടു പോയതും റോഡിൽ ഒരു കാർ പാർക്ക്‌ ചെയ്തിരിക്കുന്നത് അവർ കണ്ടു... ഇവരുടെ കാർ കണ്ടിട്ട് എന്നപോലെ ഒരു ആൺകുട്ടി മുന്നോട്ടേക് വന്നു കൈ കാണിച്ചു.... ദേവു ധ്വനിയെയും ലെച്ചുവിനെയും ഒന്ന് നോക്കി വണ്ടി നിർത്തി... 

"എന്താ എന്ത്പറ്റി???? "ദേവു ആ ആൺകുട്ടിയോടു ചോദിച്ചു... 

"കാർ ബ്രേക്ക്‌ ഡൌൺ ആയി.. ഞങ്ങൾക്ക് ഒരു ലിഫ്റ്റ് തരാമോ പ്ലീസ്... "

"എവിടെക്കാ പോവേണ്ടത്?? "ധ്വനി അവനോടു ചോദിച്ചു... 

"സ്കൂളിലേക്ക്.... "

"സ്കൂളോ???"ധ്വനി സംശയത്തോടെ ചോദിച്ചതും ദേവു അവനോടു കയറിക്കോളാൻ പറഞ്ഞു.. 

"എടി വാ...... രാമേട്ടാ വണ്ടി ശരിയാക്കി അങ്ങ് എത്തിയാൽ മതിയേ.... "അവൻ കാറിലേക്ക് നോക്കി വിളിച്ചു പറഞ്ഞു.. 

"ശരി കുഞ്ഞേ... "അവനു മറുപടി എന്ന പോലെ ഡ്രൈവർ പറഞ്ഞു.... അപ്പോഴേക്കും കാറിൽ നിന്നും ഒരു പെൺകുട്ടി ഇറങ്ങി വന്നു....മുന്നിൽ ദേവുവും ധ്വനിയും പുറകിൽ ലെച്ചുവും ആയിരുന്നു ഇരുന്നത്.... ആ പെൺകുട്ടിയും ആൺകുട്ടിയും ലെച്ചുവിന്റെ കൂടെ കയറി.. 

ദേവു ഫ്രന്റ് മിററിലൂടെ അവരെ ഒന്ന് നോക്കി.... ഇരുവരും സ്കൂൾ യൂണിഫോമിൽ ആണ്... സമപ്രായക്കാർ തന്നെ... പെൺകുട്ടി മുടി രണ്ടു സൈഡിലുമായി മെടഞ്ഞു ഇട്ടിരിക്കുന്നു...അവൾക്കു  മുഖത്ത് നിറഞ്ഞ ചിരിയാണ്... അവനു മുഖത്ത് നിറഞ്ഞ കുസൃതിയും... 

"എന്താ ചേച്ചിമാരുടെ  പേര്... "ആ പെൺകുട്ടി എല്ലാരേം നോക്കി ചോദിച്ചു. 

"ആദിലക്ഷ്മി.... ഇത് ധ്വനി... ഇത് ദേവപാർവതി... "ലെച്ചു ഓരോരുത്തരെ ആയി പരിചയപ്പെടുത്തി... 

"നിങ്ങളുടെ പേര് എന്തുവാ??? "ധ്വനി പുറകിലേക്ക് നോക്കി ചോദിച്ചു.. 

"ഞാൻ വിഷ്ണു ജിത്ത്"

"ഞാൻ വിഷ്ണു പ്രിയ"

അവർ മറുപടി പറഞ്ഞിട്ട് ധ്വനിയെ നോക്കി ചിരിച്ചു..... 

"നിങ്ങൾ ട്വിൻസ് ആണോ??? " ലെച്ചു ആകാംഷയോടെ തിരക്കി.. 

"അതെ... നിങ്ങളുടെ ഒക്കെ നിക്ക് നെയിംസ് എന്തുവാ..? "വിഷ്ണുപ്രിയ മറുചോദ്യം ചോദിച്ചു.. 

"എന്നെ എല്ലാരും ധ്വനി  എന്ന് തന്നെയാ വിളിക്കുന്നേ ഇവളെ ലെച്ചു എന്നും പിന്നെ ഇതിനെ ദേവു എന്നും വിളിക്കും..."

"ഇനി ഞാൻ പറയാം.. ഞങ്ങളെ ഇഷ്ടമുള്ളവർ എല്ലാരും പിയും എന്നും ജിത്തൂട്ടാ എന്നും വിളിക്കും.. "പിയു കള്ള ചിരിയോടെ പറഞ്ഞു... 

" അപ്പോ ഇഷ്ടമില്ലാത്തവരോ??? "ധ്വനി ഒരു പുരികം ഉയർത്തി ചോദിച്ചു.. 

"അവർ എന്ത്‌ വേണേലും വിളിച്ചോട്ടെ..ഞങ്ങളെ ഇഷ്ടം അല്ലാത്തവരെ ഞങ്ങൾക്കും ഇഷ്ടം അല്ല... "ജിത്തൂട്ടന്റെ മറുപടി കേട്ട് എല്ലാവരും ചിരിച്ചു.. 

"നീ ആൾ കൊള്ളാമല്ലോടാ വിച്ചുവേ.... "ധ്വനി അവനെ നോക്കി പറഞ്ഞു.. 

"വിച്ചുവോ.. അത് വേണ്ട അത് വേണ്ട..... "

"അതെന്താ...?? " ധ്വനി ചോദിച്ചതിന് ജിത്തു എന്തോ മറുപടി പറയാൻ വന്നതും പിയും ദേവൂന്റെ തോളിൽ തട്ടി 

"ദേവുവേച്ചി ഇവിടെ നിർത്തിക്കോ... ഞങ്ങൾക്ക് ഇവിടേക്കാണ്‌ പോവേണ്ടത്... " പിയു അതും പറഞ്ഞു ഒരിടത്തേക്ക് കൈ ചൂണ്ടി.... 

പിയു കൈ ചൂണ്ടിയ ഇടത്തേക്ക് എല്ലാർവരുടെയും ശ്രദ്ധ ചെന്നു നിന്നു..... 

"നടന "

School of Arts 

ആ ബോർഡ്‌ കണ്ടതും കാറിൽ ഇരുന്ന മൂവർ സംഘത്തിന്റെ കണ്ണുകൾ വിടർന്നു.... 

"ഞങ്ങൾ എന്നാൽ ഇറങ്ങുവാന്നെ..... താങ്ക്‌യൂ ചേച്ചിമാരേ.... " ജിത്തൂട്ടൻ പറഞ്ഞു... 

"ഇറങ്ങാൻ വരട്ടെ.... " ഫ്രന്റ് മിററിലൂടെ അവരെ നോക്കി ദേവു അതും പറഞ്ഞു കാർ മുന്നോട്ടു എടുത്തു നടന എന്ന് എഴുതി ഇരിക്കുന്ന ഗേറ്റ് കടന്നു അകത്തേക്ക് പോയി... 

"ഞങ്ങളും ഇവിടേക്ക് വന്നത് ആണ്... "കാർ പാർക്ക്‌ ചെയ്തുകൊണ്ട് ദേവു പിയുവിനോടും ജിത്തൂട്ടനോടും പറഞ്ഞു.. ദേവു പറയുന്നത് എന്താണ് എന്ന് മനസിലാവാതെ ഇരിക്കുക ആണ് ബാക്കി ലെച്ചുവും ധ്വനിയും.... 

"ഇവിടെ എന്താ?? "ജിത്തൂട്ടൻ അടുത്ത ചോദിച്ചു.... 

"അത്... സർപ്രൈസ്.... 
നിങ്ങൾ ഇവിടെ  പഠിക്കുന്നവർ അല്ലേ ??"

"അതെ.... "ജിത്തൂട്ടൻ എന്തെങ്കിലും പറയും മുൻപേ പിയു മറുപടി പറഞ്ഞു... 

"ഡാൻസ് ആണോ പാട്ട് ആണോ?? " ദേവു വീണ്ടും തിരക്കി.. 

"ഞാൻ ജൂനിയർ ബച്ച് ഡാൻസിലും ഇവൻ വയലിൻ ആണ്... "പിയു മറുപടി പറഞ്ഞു.... ഇവർ തമ്മിൽ പറയുന്നത് ഒന്നും മനസിലാവാതെ ഇരിക്കുക ആണ് ലെച്ചുവും ധ്വനിയും... 

"വാ ഇറങ്ങ്.... "ലെച്ചുവിന് ഡോർ തുറന്നു കൊടുത്തുക്കൊണ്ട് ദേവു പറഞ്ഞു.. 

"നമ്മൾ എന്തിനാ ദേവൂ ഇവിടെ വന്നേ?? " കോ ഡ്രൈവിംഗ് സീറ്റിൽ നിന്നു പുറത്തേക്കു ഇറങ്ങിയ ധ്വനി ചോദിച്ചു... 

"അതൊക്കെ ഉണ്ട്... "

അതും പറഞ്ഞു ദേവു വീണ്ടും പിയുവിനും ജിത്തൂട്ടനും അടുത്തേക്ക് പോയി..... 

"ഇവിടുത്തെ ഓഫീസ് എവിടെയാ??? "

"വാ ഞങ്ങൾ കാണിച്ചു തരാം... "പിയു അതും പറഞ്ഞു ദേവുവിന്റെ കൈ പിടിച്ചു മുന്നോട്ടു നടന്നു... പുറകെ ബാക്കി ഉള്ളവരും... 

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

പാർക്കിംഗ് കഴിഞ്ഞു കയറി ചെല്ലുന്നത് നിറയെ മരങ്ങളും ചെടികളും നിറഞ്ഞ ഒരു മുറ്റത്തേക്കു ആണ്.... നടനയുടെ മതിലിനു അപ്പുറവും ഇപ്പറവും രണ്ടു വ്യത്യസ്ത ലോകം ആണെന്ന് തോന്നിപ്പോകും.... നഗരത്തിന്റെ കാപട്യങ്ങൾ ഇല്ലാത്ത നാട്ടിൻ പുറങ്ങളിലെ ഒരു പഴയ  തറവാട് വീടിന്റെ മുൻവശം പോലെ തോന്നിപ്പിക്കുന്ന ഒരു മുറ്റവും പൂന്തോട്ടവും..അവിടെ നിന്നു മുന്നോട്ടു നടന്നാൽ ഒരു പടിപ്പുര കാണാം... അതിനു സൈഡിൽ തടിയുടെ ഒരു പലകയിൽ കറുത്ത അക്ഷരത്തിൽ നടന എന്ന് എഴുതിയിരിക്കുന്നു... അതിനുൾ വശത്തേക്ക് കയറുമ്പോൾ തന്നെ കാണുന്നത് ഒരു നടുമുറ്റവും അതിനു ഒത്ത നടുവിൽ ഒരു ചെമ്പിൽ നിറയെ താമരപ്പൂക്കളും, ഇരുവശത്തും വിശാലമായി നിവർന്നു കിടക്കുന്ന ഇടനാഴിയും.... ആ ഇടനാഴിയുടെ പല ഭാഗത്തും അകത്തേക്ക് ഉള്ള സൈൻ  ബോർഡിൽ ഡാൻസ്,മ്യൂസിക്, ഇൻസ്ട്രുമെന്റസ്, പെയിന്റിംഗ് എന്നൊക്കെ എഴുതിയിരിക്കുന്നു.... 

കാഴ്ചകൾ കണ്ടു എല്ലാവരും ഓഫീസ് എന്ന് എഴുതിയിരിക്കുന്നതിനു മുന്നിൽ എത്തി.... ദേവുവും ധ്വനിയും ലെച്ചുവും കാഴ്ചകൾ മതി മറന്നു നിൽക്കുകയായിരുന്നു... 

"ഇതാണ് ഓഫീസ്.... ഞങ്ങൾ പോകുവാ... ക്ലാസിനു സമയം ആയി.. "പിയു അവരെ നോക്കി പറഞ്ഞു.. 

"ഓക്കേ.. താങ്ക്‌യൂ... "ദേവു മറുപടി പറഞ്ഞു.. 

"ഇവിടെ ഉണ്ടല്ലോ നമുക്ക് ഇനിയും കാണാം... " ജിത്തൂട്ടൻ അതും പറഞ്ഞു പിയുവിനെയും കൂട്ടി പോയി.... 

"ആരാ എന്താ വേണ്ടത്...?? "പുറകിൽ ഒരാളുടെ ശബ്ദം കേട്ടാണ്  മൂന്ന് പേരും നോക്കുന്നത്... 

അമ്പത് വയസ് അടുത്ത് പ്രായം വരുന്ന ഒരാൾ... കാവി മുണ്ടും വെള്ള ഷർട്ടും ആണ് വേഷം...കണ്ണിൽ ശാന്തതയും മുഖത്ത് നിറഞ്ഞ ചിരി.. 

"ഞാൻ ഇവിടെ ഒരു മ്യൂസിക് ടീച്ചറിന്റെ വാക്കൻസി കണ്ടു വിളിച്ചിരുന്നു.... ഈ ആഴ്ച നേരിട്ട് വരാൻ ആണ് ഇവിടെ നിന്നും അറിയിച്ചത്... "ദേവു അദ്ദേഹത്തെ നോക്കി മറുപടി പറഞ്ഞു.. മറുപടി കേട്ട ലെച്ചുവിന്റെ കണ്ണുകൾ ഒരു നിമിഷം അറിയാതെ തന്നെ നിറഞ്ഞു....ഒപ്പം അത്ഭുതവും നിറഞ്ഞു.... ധ്വനിയും ആദ്യം ഒന്നു ഞെട്ടി എങ്കിലും പതിയെ അത് ഒരു ചിരി ആയിരുന്നു മാറി... 

"ആദി ലക്ഷ്‌മി അങ്ങനെ മറ്റോ അല്ലേ കുട്ടിയുടെ പേര്... " അദ്ദേഹം തിരക്കി. 

"അതെ... ഇതാണ് ആൾ... എന്റെ സഹോദരി ആണ്.. " ദേവു ലെച്ചുവിനെ ചൂണ്ടി കാണിച്ചു പറഞ്ഞു... 

"ശരി... ഇവിടുത്തെ ടീച്ചർ അതായത് ഫൗണ്ടർ  നാട്ടിൽ ഇല്ല ഒരു യാത്രയിൽ ആണ്.... പിന്നെ മ്യൂസിക് സെക്ഷൻ കൈ കാര്യം ചെയുന്നത് എന്റെ സഹോദരി ആണ്... അവൾ അകത്തുണ്ട്... കുട്ടി എന്റെ കൂടെ വരൂ.... നിങ്ങൾക്ക് രണ്ടാളും ഓഫീസിൽ വെയിറ്റ് ചെയൂ.... "അത്രയും പറഞ്ഞു അദ്ദേഹം ലെച്ചുവിനെ ഒന്ന് നോക്കി മുന്നോട്ടു നടന്നു... ലെച്ചു ദേവൂനെ നോക്കി.. ദേവു പോകാൻ സമ്മതം പോലെ തലയാട്ടിയതും ധ്വനിയുടെ കൈയിൽ ഒന്ന് മുറുകെ അമർത്തിയ ശേഷം അവൾ മുന്നോട്ടു നടന്നു...

"വാ... അകത്തു ഇരിക്കാം... "ദേവു ധ്വനിയോട് പറഞ്ഞു.. 

"മ്മ്മ്... "

അവർ രണ്ടാളും അകത്തേക്ക് കയറി.... ആദ്യം തന്നെ അവരുടെ കണ്ണുകൾ ഉടക്കിയത് ഓഫീസ് റൂമിൽ വെച്ചിരിക്കുന്ന വലിയ ഒരു ഫോട്ടോയിൽ ആണ്.... ഫോട്ടോയിലേക്കും അതിനു താഴെ എഴുതി ഇരിക്കുന്നതിലേക്കും അവരുടെ നോട്ടം പതിഞ്ഞു..

Sree Durga Prathap
Founder of Nadana - School of Arts 

പതിയെ ഇരുവരും അവിടെ ഇട്ടിരിക്കുന്ന കസേരയിൽ ഇരിപ്പ് ഉറപ്പിച്ചു.... വീണ്ടും കണ്ണുകൾ അവർ ചുറ്റും ഓടിച്ചു... ഭിത്തിയിൽ എഴുതിയിരിക്കുന്ന വാചകങ്ങളിൽ അവൻ എത്തി നിന്നു.. 

"Nobody cares if you can't dance well. Just getup and dance. Great dancers are great because of their passion. "
-Martha Graham

"Music gives a soul to the universe, wings to the mind,flight to the imagination and life to everything. "
-Plato

"ഇതൊക്കെ കണ്ടാൽ ആരായാലും ഇവിടെ ചേർന്നു പോവും അല്ലേ ദേവൂ..."ഒരു ചിരിയോടെ ധ്വനി ചോദിച്ചു.. 

"മ്മ്മ്... "

"ദേവൂ വന്ന ദിവസം പറഞ്ഞ സർപ്രൈസ് ഓരോന്നായി പറയാൻ തുടങ്ങുവാണോ?? "ദേവുവിന്റെ മുഖത്തെ ഭാവം കണ്ടു ധ്വനി ചോദിച്ചു.. 

"മ്മ്മ്... നിനക്ക് അല്ലാതെ എന്നെ ഇത്രേം മനസിലാക്കാൻ ആർക്കേലും പറ്റുമോടി?? "

"പതപ്പിക്കൽ പിന്നെ... സംഭവം പറ...  "

"പറയാം.... ആദി ഇല്ലാത്തപ്പോൾ തന്നെ പറയുന്നതാ നല്ലത്....അന്ന് പറയാതെ ഇരുന്നേ മനസ്സ് ഒന്ന് ഫ്രീ ആവട്ടെ എന്ന് കരുതിയാ.... "

ദേവു ധ്വനിയോട് അവളുടെ മനസ്സ് തുറന്നു....മനസ്സിൽ കൊണ്ട് നടന്നത്  എല്ലാം പറഞ്ഞു.... ആ നിമിഷം ഒരു വലിയ ഭാരം ഇറക്കി വെച്ച പ്രതീതി ആയിരുന്നു ദേവുവിന്.... പക്ഷെ എല്ലാം കേട്ട  ധ്വനി ആദ്യം ഒന്ന് ഞെട്ടി പിന്നീട് അത്  ആലോചന ആയി  മാറി .... 

"ഇത്രേം പ്രശ്നം ഉണ്ടായിട്ട് നീ ഇപ്പോഴാണോ എന്നോട് പറയുന്നത്..?? "ദേവു പറഞ്ഞു നിർത്തിയതും അല്പം ദേഷ്യത്തിൽ ധ്വനി ദേവുവിനോട് ചോദിച്ചു.. 

"ധ്വനി നിങ്ങളെ കൂടെ ഇതിലേക്ക് ഇടേണ്ട എന്ന് കരുതിയാ ഞാൻ പറയാതിരുന്നേ.... പിന്നെ എത്രേം പെട്ടന്ന് അവിടെ നിന്നു മാറണം എന്ന് മാത്രമേ മനസ്സിൽ ഉണ്ടാരുന്നോള്ളൂ..... ആദിയുടെ ജീവൻ ആണ് അവളുടെ മ്യൂസിക് ക്ലാസ്സും വയലിനും ഒക്കെ പക്ഷെ പാവം എല്ലാം കളഞ്ഞിട്ട് എന്റെ വാശിയ്ക് കൂടെ വന്നതാ.... അന്നേ മനസ്സിൽ ഉറപ്പിച്ചതാ അവൾക്കായി ഇങ്ങനെ ഒരിടം.. .. പിന്നെ എല്ലാം വിചാരിച്ചതിലും എളുപ്പം ആഗ്രഹിച്ചപോലെ നടന്നു... "

"മ്മ്മ്മ്.... ശരിക്കും നിന്റെ പ്ലാൻ എന്താ..??"

"അത് ഇപ്പൊ തീരുമാനിച്ചില്ല... ഇപ്പോൾ പലതിലും വ്യക്തത ഇല്ല. ... ആദി ഒന്നും അറിയണ്ട.... അവൾക്കു പേടി ആവും... "

"മ്മ്മ്... നീ വിഷമിക്കണ്ട... എന്തിനും ഞാൻ കൂടെ കാണും... "

"അതെനിക്ക്‌ അറിയാമെടി.... "ധ്വനിയുടെ കൈകൾ കൂട്ടി പിടിച്ചു ദേവു പറഞ്ഞു.... 

"അച്ഛനും അമ്മയും അച്ഛമ്മയും ഇങ്ങനെ ഒരു സാഹചര്യത്തിൽ അവിടെ.... "ധ്വനി ആകുലതയോടെ ചോദിച്ചു.. 

"ശേഖരമ്മമാ ഉണ്ട്... അതാണ് ആകെ ഒരു സമാധാനം.... അവിടെ നിന്നാൽ എല്ലാം കൈ വിട്ടു പോവുകയേ ഒള്ളൂ.. അല്ലാണ്ട് ഒന്നും ചെയ്യാൻ പറ്റില്ല... "

"മ്മ്മ്മ്.... നീ ടെൻഷൻ ആവാണ്ട... നമുക്ക് എല്ലാം സെറ്റ് ആക്കാം.... "

"മ്മ്മ്... ആക്കണം... 
ധ്വനി.... ഒരു കാരണവശാലും ആദിയ്ക്ക് സംശയങ്ങൾ ഉണ്ടാവരുത്.... ഞാൻ എല്ലാം മറന്നു എന്നാണ് അവളുടെ വിചാരം... എല്ലാം കലങ്ങി തെളിയുന്ന വരെ അങ്ങനെ തന്നെ ഇരുന്നോട്ടെ... "

"മ്മ്മ്മ്.... "

ഇരുവരുടെയും മനസുകളിൽ ആലോചനകൾ സ്ഥാനം പിടിച്ചപ്പോൾ അവർക്ക് ഇടയിൽ മൗനം തളം കെട്ടി നിന്നു... എന്നാൽ ലെച്ചു മ്യൂസിക് ക്ലാസ്സിന്റെ അടുത്തേക്ക് നടക്കുമ്പോൾ തനിക്ക് ദേവു തന്ന സർപ്രൈസിന്റെ സന്തോഷത്തിൽ ആരുന്നു...... 

ഇതേസമയം തന്റെ ഇഷ്ട ദേവന് മുന്നിൽ അവൻ മിഴികൾ പൂട്ടി ലെച്ചുവിനെ തന്റെ നല്ല പാതിയായി ലഭിക്കണേ എന്ന പ്രാത്ഥനയിൽ ആയിരുന്നു..... 

(തുടരും...... )

ലെച്ചുവിന് വേണ്ടി പ്രാർത്ഥിക്കുന്നത് ആരാവും??? ദേവുവിനെ അലട്ടുന്ന പ്രശ്നം എന്താരിക്കും??? 🤔🤔

Keep guessing 😉😉

അഭിപ്രായങ്ങൾ പറയണേ..... കാത്തിരിക്കുന്നു.....😄

രണ്ടു വാക്ക് എനിക്ക് വേണ്ടി കുറിക്കാൻ എന്തിനാണ് ഇങ്ങനെ മടി കാണിക്കുന്നത് 🤷‍♀️