\"കണ്ണേട്ടാ നിൽക്കു.... ഞാനും വരുന്നെന്നെ..... ശേ ഒന്ന് നിക്ക് മാഷേ....\" അമ്പലത്തിലേക്ക് പോകാൻ ഇറങ്ങിയ കണ്ണന്റെ പുറകെ ഓടുകയാണ് ശിവ.....


ഇന്നാണ് കണ്ണന് കോളേജിൽ ജോയിൻ ചെയ്യേണ്ടത്.... കൊല്ലം പാരിപ്പള്ളി മെഡിക്കൽ കോളേജിലാണ് ദച്ചുവിന് അഡ്മിഷൻ കിട്ടിയത്.....
അവരുടെ സ്ഥലമായ അടൂരിൽ നിന്ന് കൊല്ലത്തേക്ക് ഒരുപാടധികം ദൂരം ഉണ്ടായിരുന്നില്ല എന്നത് എല്ലാവർക്കുമൊരു ആശ്വാസമായിരുന്നു......



ഇന്ന് കോളേജിൽ പോകും മുൻപ് ശിവയേയും കൂട്ടി തൃഛേന്ദമംഗലം മഹാദേവർ ക്ഷേത്രത്തിൽ പോകണമെന്ന് ദച്ചുവിന്റെ അമ്മ അവനോട് പറഞ്ഞു..... ശിവ ഒരുങ്ങി വരാൻ അല്പം വൈകിയപ്പോഴേക്കും അവളെ ഒഴുവാക്കാനായി അതൊരു കാരണമാക്കി അവൻ അമ്പലത്തിലേക്ക് നടക്കാൻ തുടങ്ങി...... തന്നെ ഒഴുവാക്കാൻ തന്റെ കണ്ണേട്ടൻ ഏത് അടവും പ്രയോഗിക്കുമെന്ന് അറിയാവുന്നതുകൊണ്ട് അധികം താമസിക്കാതെ ശിവ വേഗം തയ്യാറായി അവന്റെ പുറകെ ഓട്ടം തുടങ്ങി.....





പുള്ളി നല്ല സ്പീഡിലാണ്.... ഒപ്പം എത്താൻ ശിവ നന്നേ പാടുപെടുന്നുണ്ട്.....


എങ്ങനെയൊക്കെയോ അവന്റെ കയ്യിൽ എത്തി വലിഞ്ഞു പിടിത്തമിട്ടു.....



\"ശ്ശെ എന്തോന്നാടി..... മനുഷ്യനെ സ്വസ്ഥമായി അമ്പലത്തിൽ പോകുവാനും സമ്മതിക്കില്ലേ.... ശല്യം..... ഓഹ് ഒന്നങ്ങോട്ട് മാറ്.... എനിക്ക് സമയമില്ല കൊച്ചേ....\" അവൾ തന്റെ വഴി മുടക്കി നിൽക്കുന്നത് കണ്ട് ദച്ചു പറഞ്ഞു...



\"കണ്ണേട്ടാ.... ഞാൻ ഒരു കാര്യം ചോദിക്കട്ടെ....\" അവന്റെ കയ്യിലെ പിടി വിട്ടുകൊണ്ട് അവന്റെ ഒപ്പം നടന്നു ചോദിച്ചു.....
അവൻ ഒന്നും മിണ്ടാതെ നടന്നതും അവൾ വീണ്ടും ശല്യം ചെയ്യാൻ തുടങ്ങി....



\"ഓഹ് ഒന്ന് പറഞ്ഞു തൊലക്കെടി ശവമേ....\" അവൻ അവൾക് നേരെ അലറിയിട്ട് വീണ്ടും നടക്കാൻ തുടങ്ങി.....



\"അഹ് അതുപിന്നെ.... കണ്ണേട്ടൻ അങ്ങ് പോയി കഴിഞ്ഞാൽ എന്നെ മിസ്സ്‌ ചെയ്യുവോ.....\" ആ ചോദ്യം കേട്ടതും അവൻ പെട്ടന്ന് സ്തബ്ധനായി..... അവളുടെ മുഖത്തേക്ക് നോക്കിയപ്പോൾ ഒരുപാട് പ്രതീക്ഷയോടെ തന്നെ നോക്കി നിൽക്കുന്ന ആ നിഷ്കളങ്ക മുഖം കണ്ടതും എന്ത് പറയണമെന്ന് അറിയാതെ അവൻ ഉഴറി..... ബുദ്ധി ഈ ശല്യത്തെ ഒഴുവാക്കാൻ പറയുമ്പോൾ.... അങ്ങനെ അവളെ ഒഴുവാക്കാൻ ശ്രമിച്ചാൽ ഇപ്പോൾ നിലക്കുമെന്ന് പറഞ്ഞു ഹൃദയം അവനെ ഭീഷണിപ്പെടുത്തുന്നതായി അവന് തോന്നി....



ചുറ്റുമുള്ളവർ തങ്ങളെ വീക്ഷിക്കുന്നു എന്ന് കണ്ടതും അവളെയും വലിച്ചുകൊണ്ട് അവൻ അമ്പലത്തിലേക്ക് നടന്നു.....



അമ്പലത്തിൽ വലം വെക്കുന്ന സമയമത്രയും ഇരുവരും നിശ്ശബ്ദരായിരുന്നു.....



തൊഴുതു പുറത്തിറങ്ങിയതും ശിവ വീണ്ടും അതേ ചോദ്യം ആവർത്തിച്ചു.....




\"ഓഹ് കഷ്ടം നിന്നെ മിസ്സ്‌ ചെയ്യാൻ എനിക്ക് വട്ടല്ലേ... ഒന്ന് പോയേടി..... നീ എന്ന ശല്യം ഒഴിഞ്ഞു കിട്ടുന്നതോർത്തു സന്തോഷിക്കുകയാണ് ഞാൻ.....\" അത്രയും മാത്രം പറഞ്ഞു തന്നിൽ നിന്ന് അകലുന്നവനെ വേദനയോടെ നോക്കി നിൽക്കാനേ അവൾക്കായുള്ളു.... അവൻ നടന്നകലുന്നത് തന്റെ ഹൃദയത്തിൽ നിന്നുകൂടിയാണോ എന്നുപോലും അവൾക്ക് തോന്നി....




ശിവ അമ്പലത്തിൽ നിന്ന് വരുമ്പോൾ കനി വീട്ടിലുണ്ടായിരുന്നു.... ശിവയുടെ മുഖം കരഞ്ഞു വീർതിരിക്കുന്നത് അവൾ ശ്രദ്ധിച്ചു....


\"എന്താ ശിവ.... ദച്ചുവേട്ടൻ വല്ലോം പറഞ്ഞോ....\" കനി അവൾ കയറി വന്ന പാടെ ചോദിച്ചു....


\"അതുപിന്നെ.... സ്ഥിരമല്ലേ....\" അത്രയും പറഞ്ഞപ്പോഴേക്കും അവൾ കരഞ്ഞുപോയിരുന്നു....


\"അറിയില്ല കനി... എ..ത്രയൊക്കെ ബോൾ..ഡ് ആ..യി നിന്നാലും... കണ്ണേട്ട..ന്റെ ഒരു വാക്ക് മതി എന്നേ തളർ..ത്താൻ.... അത്രയേ...റെ ആഴത്തിൽ കണ്ണേട്ട...ൻ എന്നിൽ വേരുറപ്പിച്ചിരിക്കു...ന്നു.... \"

കനി അവളെ തന്നോട് ചേർത്ത് നിർത്തി....


\"സാരമില്ലെടാ.... എന്നെങ്കിലും നിന്റെ കണ്ണേട്ടൻ നിന്റെ വില അറിയും.... നീ വിഷമിക്കാതെ.... നിന്റെ സ്നേഹം സത്യമുള്ളതല്ലേ... അത് കാണാതിരിക്കാൻ മാത്രം കട്ടിയുള്ള ഹൃദയമൊന്നും നിന്റെ കണ്ണേട്ടാനെന്നല്ല ഈ ലോകത്ത് ആർക്കുമില്ല..... നീ വിഷമിക്കല്ലേ... നിന്റെ അമ്മയില്ലേ കൂടെ.... നിന്റെ കണ്ണേട്ടന് നിന്നേ ഇഷ്ടമായിരിക്കും.... അതെന്നെങ്കിലും തുറന്നു പറയുമെടി.... ആ ഹൃദയം നിനക്ക് മുൻപിൽ തുറക്കപ്പെടും.... നീ കരയല്ലേ.....\" കനി അവളെ ആശ്വസിപ്പിക്കാൻ ശ്രമിച്ചുകൊണ്ടിരുന്നു....


\"എടി.... നീ മോങ്ങലൊന്ന് നിർത്തിയെ എനിക്ക് വേറെ ഒരു കാര്യം പറയാനുണ്ട്.....\" കനി വിഷയം മാറ്റാനായി പറഞ്ഞു....


ശിവ വേഗം നേരെ ഇരുന്നു മുഖം അമർത്തി തുടച്ചു....


\"ഹ്മ്മ് പറ.... എന്താ.....\" ശിവ ചോദിച്ചു....


\"ആഹാ ഗുഡ് ഗേൾ.... അതുപിന്നെ ആ താഴെയുള്ള രണ്ട് സേട്ടന്മാർ ഏതാ 😁....\" നന്നായി ഇളിച്ചുകൊണ്ട് ചോദിക്കുന്നവളെ കണ്ട് ശിവ സ്വയം തലക്കടിച്ചു....



\"ഈ.... പറയെടി..... പ്ലീസ്....\" ശിവ തന്നെ രൂക്ഷമായി നോക്കുന്നത് കണ്ട് കനി ഇളിച്ചു കാണിച്ചു....



\"ഹ്മ്മ്.... ഇങ്ങനെ ഒരെണ്ണത്തിനെ ആണല്ലോ എനിക്ക് കിട്ടിയത് ചങ്കും മത്തങ്ങയുമാണ് പോലും... 🤦🏼‍♀️\" 🤭



\"പറ മോളെ.... പൊന്നല്ലേ....\" കനി പതപ്പിക്കാൻ തുടങ്ങി....



\"ഏത് സോപ്പ് ആ മോളെ....
അഹ് ഇനി ഏതായാലും കൂടുതൽ പതപ്പിക്കണ്ട.....
അത് രാധ അപ്പച്ചിയുടെ മക്കളാണ്.... ഞാൻ പറഞ്ഞിട്ടില്ലേ നിന്നോട്......\"


\"ഓ അവരാണോ ഇവർ..... ആഹാ....\"


\"മ്മ്മ്.... നീ വാ ഞാൻ പരിചയപ്പെടുത്തി തരാം.....\" ശിവ വേഗം പുറത്തേക്ക് പോകാൻ ഇറങ്ങി....



\"നിക്കെടി.... അതൊക്കെ ഞാൻ എപ്പോഴേ പരിചയപ്പെട്ടു....\"



\"ഏഹ് എന്തോന്നെടി.....\" ശിവ അന്തം വിട്ട് അവളെ നോക്കി....



\"അതേ ഞാൻ ഇങ്ങോട്ട് കേറി വന്നപ്പോൾ അവിടെ ഇരിപ്പുണ്ടായിരുന്നു.... അപ്പൊ വല്യമ്മായി പരിചയപ്പെടുത്തിയെടി എന്നേ അവർക്ക്..... അവർ ഇങ്ങോട്ട് പേര് പറഞ്ഞു ഷേക്ക്‌ ഹാൻഡും തന്നു.... പക്ഷെ ആരാണെന്നോ എവിടുന്നാന്നോ എന്നൊന്നും പറഞ്ഞില്ല.... അതാ ചോദിച്ചേ.... അതിൽ അഭിലാഷേട്ടനെ എനിക്ക് അങ്ങ് ബോധിച്ചു.... 😁😉😌\" കനി എന്തോ വലിയ കാര്യം പോലെ പറയുന്നത് കണ്ടപ്പോൾ ശിവക്ക് നല്ലപോലെ ചിരി വന്നു....



\"എന്തിനാടി കിണിക്കുന്നെ.... അയ്യോ ഇനി പുള്ളിക്ക് വല്ല പ്രേമവുമുണ്ടോ എന്റെ മഹാദേവാ....?\" കനി നെഞ്ചിൽ കൈ വെച്ചു....



\"ഇല്ലേടിയെ.... ഓ എന്റെ പെണ്ണെ.... നീ കാണിക്കുന്നത് കണ്ടാൽ ആർക്കാ ചിരി വരാത്തത്.... അതാ ഞാനും 🤣....


പിന്നെ അഭിലാഷേട്ടന് പ്രേമമൊന്നുല്ലാ... നല്ല ആളാണ്.... അഭിഷേകേട്ടൻ ഇത്തിരി ഗുണ്ടയാ.... ചേച്ചി സ്കൂളിൽ എന്തെങ്കിലും പ്രശ്നം വന്നാൽ ഏട്ടനെ ആയിരുന്നു വിളിക്കുന്നത്.... എല്ലാവർക്കും ഏട്ടനെ പേടിയാ.... പെട്ടന്ന് പിണങ്ങും... ദേഷ്യപ്പെടും.... പക്ഷെ ഭയങ്കര സ്നേഹവാ....\"



\"എടി എടി.... അപ്പൊ വല്ലോം നടക്കുവോ.....\" കനി ധൃതി കൂട്ടാൻ തുടങ്ങി....



\"ഏഹ്.... അയ്യോ... അതെനിക്ക് അറിയില്ല.... അവർ രണ്ടുപേരും എന്നോട് പറയാതെ അങ്ങനെ ഒന്നും ചെയ്യാറില്ല... അതുകൊണ്ട് എനിക്കുറപ്പാ അവർക്ക് വേറെ ഇഷ്ടമൊന്നും കാണില്ല.... പിന്നെ കണ്ണേട്ടനേയും ഉണ്ണിയേട്ടനെയും പോലെ അമ്മ തന്നെ വളർത്തിയതല്ലേ അവരെയും....
ആം നോക്കാം.... എന്താകുമെന്ന്.... നമ്മക്ക് ശെരിയാക്കാം.....\"



\"എങ്കിൽ ഓക്കെ.... നോക്കാം..... അല്ല ഇന്നല്ലേ ദച്ചുവേട്ടൻ ജോയിൻ ചെയ്യുന്നത്..... ന്നിട്ട് ഇങ് വരില്ലേ....\"



\"ആഹ്ടി.... അഡ്മിഷൻ എടുത്തിട്ട് ഇങ് വരും.... നെക്സ്റ്റ് മന്തിലെ ക്ലാസ്സ്‌ തുടങ്ങുള്ളൂ.....\"


\"ആ ഓക്കെ.... എങ്കിൽ നിങ്ങൾ പോയിട്ട് വാ.... ഞാൻ വീട്ടിൽ പോയിട്ട് വൈകിട്ട് വരാം....\" കനി യാത്ര പറഞ്ഞിറങ്ങി....



🦚❤️🦚❤️🦚❤️🦚❤️🦚❤️🦚❤️🦚❤️🦚❤️🦚



ദച്ചുവിന് അഡ്മിഷൻ എടുക്കാൻ ശിവയും അഭിലാഷും അഭിഷേകും ഒഴിച്ച് ബാക്കിയെല്ലാവരും പോയി.... അഭിലാഷിനും അഭിഷേകിനും ആ നാടൊക്കെ കാണണം എന്ന് പറഞ്ഞതുകൊണ്ട് ശിവ അവരോടൊപ്പം നിന്നു....


വൈകിട്ട് വന്നിട്ട് ഇതുവരെ ദച്ചു ശിവയ്ക്ക് മുഖം കൊടുത്തിട്ടില്ല.... അപ്പോൾ മുറിയിൽ കയറി വാതിലടച്ചതാണ്.... കോളേജൊക്കെ ഇഷ്ടപ്പെട്ടെന്ന് പറഞ്ഞെങ്കിലും എന്തോ കുഴപ്പമുണ്ടെന്ന് ശിവയ്ക്ക് മനസ്സിലായി.....


രാത്രി ആയിട്ടും ഭക്ഷണം കഴിക്കാൻ എല്ലാവരും ഇരുന്നിട്ടും ദച്ചുവിനെ കാണാതെ ശിവ അവനെ അന്വേഷിച്ചു മുറിയിലേക്ക് ചെന്നു.... വൈകിട്ട് വന്നു നോക്കിയപ്പോൾ ഡോർ ലോക്ക് ആയിരുന്നു.... അതുകൊണ്ട് അവന്റെ മുറിയുടെ മുൻപിലെത്തിയപ്പോൾ അവൾ ഒന്ന് ആലോചിച്ചു നിന്നു.... പിന്നെ പതിയെ ആ വാതിലിൽ ഒന്ന് തള്ളി... അപ്പോഴേക്കും വാതിൽ തുറന്നു വന്നു....


അവൾ പതിയെ അകത്തേക്ക് കയറിയപ്പോൾ കണ്ടു കട്ടിലിൽ കിടക്കുന്ന ദച്ചുവിനെ.....



\"കണ്ണേട്ടാ.....\" അവൾ പതിഞ്ഞ സ്വരത്തിൽ വിളിച്ചു.... അവനിൽ നിന്ന് പ്രതികരണമൊന്നുമില്ലെന്ന് കണ്ടതും അവൾ ഒന്നുകൂടെ ഉറക്കെ വിളിച്ചു.....




\"കണ്ണേട്ടാ.... എണീറ്റെ..... ദേ താഴെ കഴിക്കാൻ വിളിക്കുന്നു....\" അവൾ അവനെ തട്ടി വിളിച്ചു പറഞ്ഞു....




\"ശേ മാറി നിൽക്കേടി.....\" അവളുടെ കൈ തട്ടി എറിഞ്ഞിട്ട് അവൻ വേഗം എണീറ്റിരുന്നു....



\"എന്താ ഏട്ടാ.... വല്ലോം വയ്യായോ...\" ശിവ ആധിയോടെ ചോദിച്ചു....



\"ഉണ്ടെങ്കിൽ നിനക്കെന്താ.... നീ നിന്റെ കാര്യം നോക്കിയാൽ മതി....\" ദച്ചു അവൾക്ക് നേരെ ഒച്ച ഉയർത്തി....



\"ഓ എന്റെ കണ്ണേട്ടാ അതിനിപ്പോൾ എന്താ ഉണ്ടായത് ഇത്രയും ഒച്ച വെക്കുന്നത് എന്തിനാ.... താഴെ അപ്പാ ഉള്ളതാണ്... പ്ലീസ്....\" അവൾ യാജനയോടെ പറഞ്ഞു....



\"എന്തിനാടി എന്റെ മുറിയിൽ കയറി നിൽക്കുന്നെ.... ഇവിടുന്ന് ഇറങ്ങി പൊക്കൂടെ.....\" അവൻ ദേഷ്യത്തോടെ മുഖം തിരിച്ചു.....




\"ശെടാ.... ഇതിപ്പോ ഇത്ര ദേഷ്യപ്പെടാൻ എന്താ ഉണ്ടായേ.... സന്തോഷിക്കയല്ലേ വേണ്ടത്.... കോളേജിൽ അഡ്മിഷനും എടുത്തു അഡ്മിഷൻ എടുക്കാൻ ഞാനെന്ന ശല്യവുമില്ലായിരുന്നു.... പിന്നെന്താ....\" തന്റെ ഉള്ളിലെ വേദന കടിച്ചമർത്തികൊണ്ട് അത്രയും പറഞ്ഞ് അവൾ തിരിഞ്ഞു നിന്നു.....




\"അത് ശെരിയാ.... ഞാൻ ഭയങ്കര ഹാപ്പി ആ.... ഇന്ന് നിന്റെ തലവേദന ഇല്ലാരുന്നല്ലോ.... നീയും ഹാപ്പി അല്ലേ.... അല്ലെങ്കിൽ തന്നെ നിനക്കൊക്കെ എന്തൊരു ജാടയാണ്.... ഹൊ നീ ഇല്ലാതിരുന്നത് തന്നെയായിരുന്നു നല്ലത്.... ഇനി ഇവിടെയും കുറച്ചു സ്വസ്ഥത തരുമോ....\" ദച്ചു പറയുന്നതെല്ലാം ശിവയുടെ ഹൃദയത്തിൽ കുത്തിയിറങ്ങുന്നത് പോലെ തോന്നി....


\"സന്തോഷായി.....\" ശിവ അത്രമാത്രം പറഞ്ഞുകൊണ്ട് ഇറങ്ങി പോയി.....
ദച്ചുവിന് ദേഷ്യം സഹിക്കാവയ്യാതെ അവിടെ ഉള്ളതെന്തൊക്കെയോ കയ്യിൽ കിട്ടിയതൊക്കെ അവൻ വലിച്ചെറിഞ്ഞു പൊട്ടിച്ചു....



എന്നാൽ പുറത്തു നിന്ന് ഇതെല്ലാം കേട്ടുകൊണ്ടിരുന്ന ഋഷികേഷിനെ ആരും കണ്ടില്ല....
അയാളുടെ ഹൃദയവും വേദനിച്ചുവെങ്കിലും എന്തൊക്കെയോ കണക്കുകൂട്ടലുകൾ നടത്തിയിട്ട് അയാൾ തന്റെ മുറിയിലേക്ക് പോയി....


തുടരും......


\"MKR\"