🦋Story_lover ❤️



❤️❤️❤️❤️❤️❤️❤️❤️❤️❤️❤️❤️

രചനയിലെക്ക് കടക്കുന്നതിനു മുമ്പ്,
  ഈ കഥയും കഥാപാത്രങ്ങളും തികച്ചും സങ്കൽപിക്കമാണെന്ന് ഒരിക്കലും പറയാൻ സാധിക്കില്ല. ഇതിലെ ഓരോ സന്ദർഭങ്ങളും ചുരുക്കം ചിലരെങ്കിലും അനുഭവിച്ചിട്ടുണ്ടായെക്കാം.

❤️❤️❤️❤️❤️❤️❤️❤️❤️❤️❤️❤️❤️

രാവിലെ പാത്രങ്ങളുടെ കളകളാരവങ്ങൾ കേട്ട് അവൾ കണ്ണുകൾ വലിച്ച് തുറന്നു.തൊട്ടടുത്തിരിക്കുന്ന ക്ലോക്കിലേക്ക് നോക്കി. സമയം 6:30. അവൾ കടലിൽ നിന്നും കൊടിപിടഞ്ഞെഴുന്നെറ്റു. ഇതാണ് ചാരു. ചാരുലത. 
____________________________________________

      കാഴ്ചയിൽ വളരെ മനോഹരമായി നിർമ്മിക്കപ്പെട്ട ഒരു ഇരുനില വീടിന്റെ അടുക്കള. അവിടെ ഒരു 40-45 വയസ്സിനടുത്ത് പ്രായം തോന്നിക്കുന്ന സ്ത്രീ പാത്രങ്ങൾ കൊണ്ട് തട്ടികളിക്കുകയാണ്. പിറുപിറുക്കുന്നതിനൊപ്പം കൂടെ കൂടെ ക്ലോക്കിലെക്കും ഇടക്കെ വാതിലിനടുത്തെക്കും നോക്കുന്നുണ്ട്. ചാരു എഴുന്നെറ്റു എന്ന മനസ്സിലാക്കിയ അവർ ഉച്ചത്തിൽ പറഞ്ഞു. 

\" സമയം 7.00 ആയിട്ടും കെട്ടിലമ്മക്ക് എഴുന്നള്ളാൻ നേരമായില്ല ഹും . അതെങ്ങന വീട്ടിന്ന് ഇതോന്നും പഠിപ്പിച്ചിട്ടില്ലല്ലോ.\"

അരികിൽ ചാരുവിന്റെ സാമിപ്യം അറിഞ്ഞതും അവർ പുറത്തെക്ക് പോയി. അവർ പറയുന്നതിനൊന്നും അവൾ ശ്രദ്ധ കൊടുത്തില്ല.

\" കെട്ടി കയറി വന്നിട്ട് കൊല്ലം 5 ആയി. എന്നിട്ടും ഇതുവരെ ഒരു കുഞ്ഞിനെ തരാൻ അവക്ക് കഴിഞ്ഞിട്ടില്ല. പെണ്ണിന്റെ മട്ടും ഭാവവും ഒക്കെ കണ്ട തോന്നും ഐശ്വര്യ റായ് ആണെന്ന് . കാണനും കൊളത്തില്ല പ്രസവിക്കാനും കഴിയില്ല. ഹോ ഇങ്ങനെ ഒരു നശിച്ച ജന്മതിനെയാണല്ലോ എനിക്ക് മരുമോൾ ആയി തന്നത്  \"

അവരുടെ ശാപവർഷങ്ങൾക്കൊന്നും മാറുതെരക്ഷരം പറയാതെ അവൾ തന്റെ ജോലിയിൽ ഏർപ്പെട്ടു. കാരണം, പറഞ്ഞു ജയിക്കതക്കവിധത്തിലുള്ള സൽഗുണങ്ങളെന്നും അവൾക്കിലെന്ന ബോധം അവളെ കീഴ്പ്പെടുത്തിയിരുന്നു.
      
             പിന്നെയും അവർ എന്തൊക്കെയോ പറഞ്ഞെങ്കിലും അൽപ സമയതെ ധൈർക്യത്തിനു ശേഷം അത് അവസാനിച്ചു. ഇന്ന് തന്നെ ഇത്രയലെ  പറഞ്ഞുള്ളു എന്നതുകൊണ്ട് നിസ്സഹായത നിറഞ്ഞ ഒരു പുഞ്ചിരി അവളുടെ ചുണ്ടിലുണ്ടായി.

              ഉമ്മറത്താരോ വന്നിട്ടുണ്ട് അതുകൊണ്ടണ് . അല്ലതെ, അവർ നന്നായതല്ല.

\" ആഹ് ആരിത് രമണിയോ? കൂറെ ആയല്ലോ ഇങ്ങോട്ടോക്കു കണ്ടിട്ട്? എന്തൊക്കെയുണ്ട് വിശേഷം? പ്രത്യകിച്ച് ഇങ്ങോട്ടിറങ്ങാൻ\"

\" എന്തു പറയാനാ ഗീതേച്ചി ഒരോരോ തിരക്കുകളിൽ പെട്ടങ്ങനെ..\"

\" മമ് കയറി ഇരിക്ക്  ടീ... ചാരു രണ്ട് ഗ്ലാസ് ചായ ഇങ്ങെടുക്ക്  \"

\" ഞാൻ ഒരിടത്ത് പോകാൻ നിക്കുവാരുന്നു. അല്ല അറിഞ്ഞോ നമ്മുടെ തെക്കേതൊടിയിലെ സുശീലെച്ചിടെ മോൾ പ്രസവിച്ചുത്രേ ആൺകൊച്ച് ആണന്നാ അറിഞ്ഞെ \"

അപ്പോഴെക്കും ചാരു ചായയുമായി വന്നിരിരുന്നു. ചാരുവിനെ കണ്ട രമണി ഒരു കൃത്രിമ ചിരി ചിരിച്ചു. അവൾ തിരിച്ച് പോയതും ആ ചിരി മാഞ്ഞു.

\" അല്ല, ഇവിടെത്തെ കൊച്ചിന് വിശേഷമൊന്നും ആയില്ലെ? \" രമണി

\" ഓഹ് അതിന്റെ കാര്യം ഒന്നും പറയാതിക്കുന്നതാണ് ഭേദം . ഈ ജന്മത്തിൽ ഒരു പേരക്കുട്ടിയെ കളിപ്പിക്കാനുള്ള യോഗം ഉണ്ടവും എന്ന് തോന്നുന്നില്ല \" അകത്തെക്ക് നോക്കി തൽപര്യമില്ലത്ത മട്ടിൽ ഗീത പറഞ്ഞു.

\" മമ് ചേച്ചിയെ ഞാൻ കുറ്റം പറയു .ഒരു മാവ്  അത്  താലോലിച്ച് വളർത്തിയതായലും  മഴ കൊണ്ട് വളർന്നതായലും പൂക്കണ്ട സമയത്ത് പൂത്തില്ലെങ്കിൽ വെട്ടി കളയണം . മഹേഷിന് അധികം പ്രായം ഒന്നുമായില്ലല്ലോ? ആ പെണ്ണിനെ തഞ്ചത്തിൽ വീട്ടിൽ കെണ്ടാക്കിയിട്ട് മോനെ കൊണ്ട് വേറെ കെട്ടിക്കാൻ നോക്ക് അല്ലതെ ചുമ്മ.. \" ഗീത ഒന്നും മിണ്ടിയില്ല പക്ഷേ ഇതെല്ലാം കേട്ട് ഒരു വാതിലിനപ്പുറം നിശബ്ദയായി തേങ്ങിയ ചാരുവിനെ അവർ ആരും കണ്ടില്ല. പക്ഷേ ഒരു  പുച്ഛചിരി അവളുടെ മുഖത്ത് ഉണ്ടായിരുന്നു.കണ്ണാടിയിൽ തന്നെ പ്രതിബിംബത്തെ കാണുമ്പോൾ എന്തിന് ഒരു സ്ത്രീയായി ജനിച്ചു എന്നവൾ ഓർക്കാറുണ്ട്.ഇതുപോലെ വേദനയോടെ എല്ലാവരുടെയും മുമ്പിൽ തലകുനിച്ചു നിൽക്കേണ്ട എത്രയെത്ര സംഭവങ്ങൾ തൻറെ ജീവിതത്തിൽ സംഭവിച്ചു എന്നവൾ ഓർത്തു.
____________________________________________

സ്വന്തം അനുജത്തിയായ ചൈതന്യയുടെ കുഞ്ഞിന്റെ പേരിടൽ ചടങ്ങായിരുന്നു അന്ന്.

\" അല്ല ചാരു അനിയത്തിക്ക് ഒരു കൊച്ചായി എന്നിട്ടും നിനക്കിതുവരെ....
ഹാ അതെക്കെരു ഭാഗ്യമാണ് മോളെ \"

\" ആഹ് ശ്രമിക്കുന്നുണ്ട്  ദേവു അമ്മായി \"

\" ആ..നിക്ക്...\" ചിരിച്ചുകൊണ്ട് പോകാൻ തുനിഞ്ഞ ചാരുവിന്റെ കൈ പിടിച്ച് നിർത്തികൊണ്ടവർ തുടർന്നു.

\" നിനക്ക് കുട്ടികളിലില്ലത്തതലെ നീ അങ്ങോട്ട് പോകണ്ട മുത്തശ്ശി ഓക്കെ ഉള്ളതലെ ചിലപ്പോ അവർക്കൊന്നും അത്ര ദേഹിച്ചെന്ന് വരില്ല \" 

ഇതെല്ലാം കേട്ട് കൊണ്ട് ചൈതന്യ അങ്ങോട്ട് വന്നു.

\" ചേച്ചി... വാ താഴെ എല്ലാരും എത്തി \" ചൈതന്യ

ചാരുവിന്റെ കൈ വലിച്ച് കൊണ്ട് ചൈതന്യ പറഞ്ഞു.
പക്ഷേ ആ കൈ തടഞ്ഞു കൊണ്ട് ദേവു അമ്മായി തുടർന്നു.

\" അല്ല മോളെ ഇവൾക്ക് കുട്ടിക്കൾ ഒന്നും ഇല്ലല്ലോ അപ്പോ മോളുടെ കൊച്ചിന് വല്ല ദോഷവും വന്നാൽ \"

ചൈതന്യയുടെ ഒരെറ്റ നോട്ടത്തിൽ അവർ പറയാൻ വന്നത് വിഴുങ്ങി. അവളുടെ നോട്ടം കൈക്കളിൽ ചെന്നെത്തിയതും തടഞ്ഞുവെച്ച് ചാരുവിന്റെ കൈയിൽ നിന്നും ദേവു അമ്മായിയുടെ കൈ താന്നെ അയഞ്ഞു.

\" ചേച്ചി ഇല്ലാതെ എന്റെ കുഞ്ഞിന് പേരിടൽ ചടങ്ങും നടക്കില്ല ചേച്ചി വരുന്നതുകൊണ്ട് നിങ്ങൾക്ക് വല്ല ബുദ്ധിമുട്ടും ഉണ്ടെങ്കിൽ നിങ്ങൾ വരണമെന്നില്ല \" അത്രയും പറഞ്ഞ് അവൾ ചാരുവുമായി താഴെക്ക് പോയി.
___________________________________________


\"stop it .... ഇനി ഒരക്ഷരം എൻറെ ചാരുവിനെ പറ്റി നിങ്ങൾ പറഞ്ഞാൽ എന്റെ സ്വഭാവം മാറും. ഇനി നിങ്ങളെ എന്റെ വീടിന്റെ പരിസരത്ത് കണട്ടെ ഞാൻ ആരാണെന്ന് നിങ്ങൾ അറിയും\"രമണി കസേരയിൽ നിന്ന് ചാടി എഴുന്നേറ്റ് പുറത്തേക്ക് നടന്നു.

\" അമ്മയ്ക്കും എങ്ങനെ പറ്റുന്നു. അമ്മയും ഒരു സ്ത്രീയല്ലേ. കുട്ടികൾ എന്ന് പറയുന്നത് ഈശ്വരന്റെ ദാനമാണ്.കുഴപ്പം ഇവൾക്കാണ് എന്ന ഒറ്റ  ധൈര്യത്തിൽ അല്ലേ അമ്മ  ഈ കാട്ടി കൂട്ടുന്നത് .കുഴപ്പം എനിക്കാണെങ്കിൽ അമ്മ ചാരുവിനോട് പറയുമോ എന്നെ കളഞ്ഞിട്ട് മറ്റൊരാളെ വിവാഹം കഴിക്കാൻ.
ഗീതക്ക് മറുപടിയില്ലയിരുന്നു.

ഇനി ഇവിടെ നിന്നാൽ ശരിയാവില്ല.ഇത്രയും കാലം എല്ലാം കേട്ട് ഞങ്ങൾ സഹിച്ചു നിന്നു ഇനി അതിനു സാധിക്കില്ല ഞങ്ങൾ ഇവിടെ നിന്നും പോവുക്കയാണ് \"മഹേഷ്
_________________________________________

നാളുകൾക്കു ശേഷം ദേവു അമ്മായിയുടെ വീട്ടിൽ .

\" ആഹ് എന്താ ദേവി (ചാരുവിന്റെ അമ്മ) പതിവില്ലതൊരു വരവ് എന്താ വിശേഷിച്ച് \"

\" ആഹ് ചാരുവിന്റെ കുഞ്ഞിന്റെ പേരിടൽ ചാങ്ങിന് ക്ഷണിക്കാൻ വന്നതാണ് \"

(അവസാനിച്ചു)

ഈ കഥ വായിക്കുന്നവർക്ക് ചിലപ്പോൾ ഈ കഥ വെറും ഒരു കഥയായിരിക്കും  അനുഭവിച്ചറിഞ്ഞവർക്ക് ഒരുപക്ഷേ ഇത് അവരുടെ ജീവിതം അയക്കാം.ഈ കഥയിലെ ഏതെങ്കിലും ഒരു കഥാപാത്രവുമായി നിങ്ങൾ മാറിയിട്ടുണ്ടോ എന്ന് നോക്കുക.

ഈ കഥ വായിക്കുന്നവർ ദയവായി അഭിപ്രായം ചേർക്കുക.റേറ്റിംഗും മറക്കരുത്.