എല്ലാം പറഞ്ഞു കഴിഞ്ഞതും അവൾ കണ്ണീർ തുടച്ചുകൊണ്ട് നോക്കിയതും കാർത്തിയുടെ പിന്നിൽ നിൽക്കുന്ന ഗോകുലിന്റെ സൃഹുത്തുക്കളെ കണ്ടതും ദേവയും സ്വാസുവും ഞെട്ടി...ദേവുവിന്റെ മനസിൽ
ചെറിയ ഭയം തോന്നിയെങ്കിലും അവളത് പുറത്ത് കാണിക്കാതെ കണ്ണീർ തുടച്ചശേഷം
തലയുർത്തി നിന്നു...ഗൗതം പറഞ്ഞതുകേട്ട്
ദേവുവും സ്വാസുവും ഞെട്ടി...

തുടർന്ന് വായിക്കുക...

\"കണ്ടോ പ്രവീയെ.. ഗോകുലിനോട് പ്രണയം
തുറന്ന് പറഞ്ഞവളും ഗോകുലിനെ സ്നേഹിക്കുന്നവളും ഒരുമിച്ചത് കണ്ടോ.\" ഗൗതം പുച്ഛത്തോടെ പറഞ്ഞു നിർത്തി..

\"ഗൗതം... നീ പറഞ്ഞത് നേരാ...ചിലപ്പോ സ്വാസുവിനെ മടുക്കുമ്പോ ദേവയെ സ്വന്തം ആക്കാൻ ആയിരിക്കും.. ഇനി ചിലപ്പോ ഇവർ പരസ്പരം ധാരണയിൽ എത്തിയിട്ട് ഉണ്ടാകും....ഒരാൾ ഭാര്യ പദവിയിലും മറ്റേയാൾ **** ഇരിക്കാനും ധാരണ ഉണ്ടായിരിക്കും..\"

ഇതുകേട്ടതും ദേവുവിന്റെയും സ്വാസുവിന്റെയും ദേഷ്യം ഉച്ചസ്ഥായിയിൽ ആയി.. ഇവരും കണ്ണടച്ച് ദേഷ്യം നിയന്ത്രിക്കാൻ ശ്രമിച്ചതും പടക്കം പൊട്ടുന്ന
ശബ്‍ദം കേട്ടതും ഇവരും കണ്ണ് തുറന്ന് നോക്കി...തങ്ങളുടെ മുമ്പിൽ കൈകുടയുന്നവരെ കണ്ടതും അവിടെയുണ്ടായിരുന്നവർ ഞെട്ടി....

\"നിങ്ങളെ പോലെ പെണ്ണുങ്ങളുടെ പുറകെ നടക്കുന്നവൻ അല്ല.. ഗോകുൽ മേനോൻ.
എന്റെയും അഗ്നിയുടെയും ആത്മമിത്രം...
നീയൊക്കെ നടത്തിയ നാടകത്തിൽ അകന്നുപോയവരാണ് ഞാനും ഗോകുലും അഗ്നിയും.\" മനു വർധിച്ചു വന്ന ദേഷ്യത്തോടെ പറഞ്ഞു...

ഇതുകേട്ടതും പ്രവീനും ഗൗതവും ചിരിക്കുക 
മാത്രമാണ് ചെയ്തത്...ഇവരുടെ ചിരി കണ്ടതും മനു ചിരിയോടെ പറയാൻ തുടങ്ങി.

\"പിന്നെ ഒരു കാര്യം കൂടി... നിങ്ങളെ പ്രണയിക്കുന്നവർ ഇല്ലേ അവരും നിങ്ങളുടെ സംസാരം കേട്ട് പുറത്ത് നിൽക്കുന്നുണ്ടായിരുന്നു...എന്തായാലും ഈ നിമിഷം നിങ്ങളുടെ പ്രണയത്തിനും തിരശീല വീണു...\" സിദ്ധു ഒരു പരിഹാസചിരിയോടെ പറഞ്ഞു..

\"പിന്നെ ഞങ്ങളുടെ പ്രണയം ആത്മാർത്ഥ ആണ്.. അതുകൊണ്ട് അവർ ഞങ്ങളെ
തള്ളി കളയില്ല... എന്തിനും ഏതിനും 
ഞങ്ങളുടെ കൂടെയുണ്ടാകും..\" ഗൗതവും പ്രവീനും ഒരേ സ്വരത്തിൽ പറഞ്ഞതും മനുവിന്റെയും സിദ്ധുവിന്റെയും മുഖത്തു പുഞ്ചിരി മാത്രമാണ് ചെയ്തത്..

ദേവുവും സ്വാസുവും ഗൗതത്തിന്റെയും
പ്രവീണിന്റെയും മുന്നിൽ ചെന്ന് പറഞ്ഞു...

\"നിങ്ങൾ ഇപ്പോ കാണിച്ച ഷോക്ക് മറുപടി തരാൻ അറിയാത്തതുകൊണ്ടല്ല..ഇനിയും നിങ്ങളെ കാണിയേണ്ടിവരും. അപ്പോളെയൊക്കെ ഇപ്പോ ഞങ്ങൾ React ചെയ്തത് മനസിൽ വെച്ച് ഞങ്ങളോട് പെരുമാറുമെന്ന് ഉറപ്പുള്ളതുകൊണ്ടാണ്
ഇപ്പോ ഞങ്ങൾ പറയാത്തത്..ഇപ്പോ ഞങ്ങളുടെ മുന്നിൽ ഒരു ലക്ഷ്യം മാത്രമുള്ളൂ
ആ ലക്ഷ്യം നേടിയാൽ ഞങ്ങൾ ഇതുപോലെ
നിങ്ങളുടെ മുന്നിലേക്ക് വരും.. അന്ന് നിങ്ങൾ ഞങ്ങളുടെ മുമ്പിൽ തല കുനിച്ചു നിൽക്കും..\" സ്വാസു പറഞ്ഞു നിർത്തിയതും ദേവയുടെ സ്വരം ഉയർന്നു....

  \"നിങ്ങൾ കാത് കൂർപ്പിച്ചു കേട്ടുള്ളൂ..
നമ്മൾ ഇനി നേർക്കുനേർ ഏറ്റുമുട്ടുമ്പോൾ ഞങ്ങളുടെ കൂടെ.....\" ഒരുനിമിഷം ദേവു സ്വാസുവിനെ നോക്കി..ഇവരും കണ്ണുകൾ കോർത്തതും കണ്ണുകളിലൂടെ എന്തോ കൈമാറി...

\"നിങ്ങൾ കെട്ടുള്ളൂ.. ഇനി നമ്മൾ നേരിട്ട് കാണുമ്പോൾ ഞങ്ങളുടെ വലം കൈ പിടിച്ച് അഗ്നിയും ഗോകുലും ഉണ്ടാകും.... ഞങ്ങളുടെ ജീവന്റെ പാതി..ഞങ്ങളെ വേദനിപ്പിച്ചുവെന്ന് അറിയുമ്പോ ഇവരും അഗ്നി ആയി മാറും....\" ദേവും സ്വാസുവും ഒരേ സ്വരത്തിൽ പറഞ്ഞ് വാകമരചുവട്ടിൽ നിന്നും നടന്നു നീങ്ങി, മനസ് നിറഞ്ഞ പുഞ്ചിരിയും ആയി...

\"MR. ഗൗതം&പ്രവീൺ.. ഇന്ന് നിങ്ങൾ
കാണിച്ച ഷോ വളരെ നന്നായിട്ടുണ്ട്...
പക്ഷേ ഒരു കാര്യം ഏട്ടന്മാർ മറന്നു...
യഥാർത്ഥ അഗ്നിയേയും ഗോകുലിനെയും...ഇവരും ഒരുമിച്ചാൽ എന്താ സംഭവിക്കുക എന്നറിയുമോ
നിങ്ങൾക്ക്...നിങ്ങൾ കാരണമാണ് ഗോകുലും അഗ്നിയേട്ടനും പിരിഞ്ഞത്
എന്നറിഞ്ഞാൽ ഒരുപക്ഷേ അവരുടെ പ്രതികരണം നിങ്ങളെ വേദനിപ്പിച്ചിരിക്കും...\" കാർത്തി ഇതുപറഞ്ഞ് ശിവഹരിയെ വിളിച്ചു കൊണ്ടുപോയി...

ക്ലാസ്സിലേക്ക് നടക്കുമ്പോൾ ശിവയുടെ മനസിൽ കാർത്തിക് പറഞ്ഞത് എന്തുകൊണ്ട് ആണെന്ന് ആലോചിച്ചു അവൻ നടന്നു...

ക്ലാസ്സിലെ ലാസ്റ്റ് ബെഞ്ചിൽ ഇരുന്ന് സംസാരിക്കുക ആണ് ദീപിയും നന്ദുവും
ലച്ചുവും.

\"എന്നാലും നമ്മളുടെ പ്രവീനും ഗൗതവും ഇത്രയും തരതാഴ്ന്നവർ ആണോ...\" നന്ദു മനസിലെ വേദന മറച്ചുവെച്ചുകൊണ്ട് ദീപിയോട് പറഞ്ഞു...

\"നീ പറഞ്ഞതാ സത്യം.. നിനക്ക് ഒരു കാര്യം അറിയുമോ നമ്മളുടെ ഗോകുലും അഗ്നിയും ശത്രുക്കൾ ആകാൻ കാരണം പ്രവീയും ഗൗതവും ആണ്.. \" ദീപി

\"നിങ്ങൾക്ക് തോന്നുന്നുണ്ടോ ഇനി ഗോകുലും അഗ്നിയും മനുവും സിദ്ധുവും ഒന്നിക്കുമെന്ന്... പഴയപോലെ സൗഹൃദത്തിൽ ആകുമെന്ന്...\" അതുവരെ മിണ്ടാതെയിരുന്ന ലച്ചു ചോദിച്ചു....

ലച്ചു പറഞ്ഞത് കേട്ട് ദീപിയും നന്ദുവും മൗനം പാലിക്കുക ആണ് ചെയ്തത്..

പക്ഷേ ആരും അറിഞ്ഞില്ല... കാലം
വീണ്ടും അഗ്നിയുടെയും ഗോകുലിന്റെയും
സൗഹൃദത്തിന് പുനർജ്ജന്മം നൽകുമെന്നും.. തങ്ങളെ പിരിയച്ചവരെ
ഒന്നിച്ചു നേരിടാൻ അവസരം ഉണ്ടാക്കുമെന്ന്...

അന്ന് ക്ലാസ്സ്‌ കഴിഞ്ഞ് പോകുന്നതുവരെ ഒരു നോട്ടം കൊണ്ട് പോലും ദീപിയും നന്ദുവും
ഗൗതത്തെയും പ്രവീണിനെയും ശ്രദ്ധിച്ചില്ല...

വീട്ടിലെത്തിയതും സ്വാസ് ഫ്രഷ് ആയി ഗോകുലിന്റെ അടുത്ത് ചെന്ന് ക്ലാസ്സിൽ എടുത്ത വിഷയങ്ങളെ പറ്റി പറഞ്ഞുകൊടുത്തു...എല്ലാം കേട്ട് കഴിഞ്ഞതും ഗോകുൽ പറഞ്ഞത് കേട്ട് സ്വാസിക ഞെട്ടിയെങ്കിലും അവൾ പെട്ടന്ന് ഞെട്ടൽ മറച്ചുവെച്ചുകൊണ്ട് അവനോടായി എന്താ പറഞ്ഞതെന്ന് ഒന്നുകൂടി പറ എന്ന് പറഞ്ഞു... അവൻ പറഞ്ഞത് കേട്ട് സ്വാസിക
തന്റെ അച്ഛന്റെയും അമ്മയുടെയും അടുത്തേക്ക് ചെന്നു...

ഓടിവരുന്ന തന്റെ മകളെ കണ്ടതും ആകുലയോടെ ബിന്ദു അവളുടെ അരികിലേക്ക് ചെന്നു...

\"അമ്മ....അവനു അഗ്നിയെയും മനുവിനെയും സിദ്ധുവിനെയും
കാണണം എന്ന്...\"

\"What...\" അതുവരെ മിണ്ടാതെയിരുന്ന വിശ്വയുടെ സ്വരമാണ് ഉയർന്നത്....

\"അതേ.. അങ്കിൾ ഗൗതത്തിന് അവരെ കാണണമെന്ന് പറഞ്ഞു...\"

\"ഹ്മ്മ്മ്...\" ഒഴുക്കൻ മട്ടിൽ വിശ്വ പറഞ്ഞു..

ഇതുകേട്ടാണ് ദേവ താഴേക്ക് വന്നത്....

\"ഇച്ചേച്ചി അവരെ വിളിച്ചു വരാൻ പറ... എനിക്കും കാണണം അവരെ മൂവരെയും... എന്തിനാ അഗ്നിയേട്ടൻ ഗോകുലേട്ടനെ
തല്ലിയത് എന്നറിയണം...\"

\"മോളെ... അത് വേണോ...\" ഭാമ അവളോടായി ചോദിച്ചു...

\"വേണം.. ആന്റി... ഈ കൂടി
കാഴ്ച്ച പലതിനും സാക്ഷി ആകും.... ചിലപ്പോ ഈ കൂടിക്കാഴ്ച നല്ലതിന് ആയിരിക്കും... അല്ലെങ്കിൽ......\" ദേവ ഇത്രയും പറഞ്ഞ് ഗോകുലിന്റെ മുറിയിലേക്ക് നടന്നു..

നെറ്റിയുടെ മുകളിൽ കൈവെച്ചു കിടക്കുന്ന ഗൗതത്തെ കണ്ടതും ദേവ അവന്റെ കൈയിൽ കൈ ചേർത്തുപിടിച്ചു...
അവൾ അവനെ നോക്കി മനസിൽ പറഞ്ഞു....

      \"അഗ്നിയേട്ടനും മനുവേട്ടനും സിദ്ധുവേട്ടനും ആയിട്ടുള്ള ഈ കൂടിക്കാഴ്ച്ച നിങ്ങളുടെ സൗഹൃദം പുനർജനിക്കാൻ കാരണം ആകട്ടെ....
രണ്ടരവർഷം നിങ്ങൾ അകന്നു നിന്നു... ഇനിയും അകന്ന് നിൽക്കരുത്.. ഇനിയുള്ള നാളുകളിൽ നിങ്ങൾ നാലുപേരും ഒരുമിച്ച് വേണം.... ആ കോളേജിന്റെ പടി ചവിട്ടാൻ....പരിഭവങ്ങൾ പറഞ്ഞു അവസാനിപ്പിക്കണം....\"

ദേവയുടെ മനസ് അറിഞ്ഞപോലെ ഗോകുലിന്റെ മുഖത്തു ഒരു നറുപുഞ്ചിരി
തെളിഞ്ഞു....

വാതിലിന്റെ അരികെ നിൽക്കുന്നവർക്ക് ഒരു പുഞ്ചിരി നൽകിയശേഷം ഗോകുലിന്റെ നെറ്റിയിൽ ചുംബനം നൽകി....

ഗോകുൽ എന്തെങ്കിലും പ്രശ്നങ്ങൾ
സോൾവ് ചെയ്യാൻ പോകുമ്പോളെല്ലാം
ദേവ..അവന്റെ നെറ്റിയിൽ ചെറുചുംബനം
നൽകാറുണ്ട്... കാരണം അവളുടെ സഹോദരന് കൊടുക്കുന്ന ചുംബനത്തിന്
എന്തൊരു മാന്ത്രികശക്തി ഉണ്ട്....

അവൾ അവന്റെ അരികിൽ നിന്നും എണിറ്റു സ്വാസികയുടെ അടുത്തേക്ക് ചെന്നു...ദേവ പറഞ്ഞത് കേട്ട് സ്വാസിക ഞെട്ടി.....

തുടരും....